LESBIAN KA NILO 8

[Mafaka mfa]

LESBIAN KA NI LO 8
a.Zoramliana lah Ram hnuai ah a lu thlang lama awm in, A awm zawn leh a dul a ṭanga thisen chhuak chu a sen thla ngei nguai a, a taksa chu a khawng ṭan mek chu ani si.. a tumruhna khawvel ah awm ve hian a lang tawh tlat silo..
... Hlauhthawnna chuan na taka min man nawn mawlh mawlh in, Zorama chu thi tur ah ka dah chhin ngawt pawn ka na a ni, Ka Pa chuan i thluak dah fim rawh, hmeichhe chaklo tak ang khan awm suh la, Police Officer i nih na kha kai harh rawh le, tiin min hmer salh a, kan tlan chak dan chu pui tak ani, Sialsuk leh Aizawl inkar hla ka tih ber ṭum ani awm e, engtin nge Kunga hi a rawn tlan thlen theih zawk le, ka chul a, a taksa huh vek dan ah a hah hle tih a hriat, a muhil bawrh bawrh reng a, Khua a thim tawh leh nghal, Zorama huan kawng chu kawk in kawng chhe lai ah pawh Speed a hniam eih lo. Kan thleng e tiin ka zuang tho nghal ani ber a. Kunga khawnge i Pu tia ka aw chhuak chu zuiin Kunga chu a tlan nghal phat reng a, Ka Pa erawh chi ai map lo a, In khai chhuak in, Kunga liamna lam ah chuan kan tlan zui thuai a, Kunga Bauh thawm awmna lam ah ka Pa ka tlan khalh hman ta lo, Chamte tah khan lo la ding phawt teh tia min rawn koh na chuan min ṭhawng dawt a, ka ding zui chiang teh e, Kunga bauh vak vak chuan mi ṭhawng dawt dawt ani ber..

... Dr. Zohningliana

... Ka hma zawn awih tlan deuha Zorama lo mu zangthal thlanglam hawia a lu awm si chuan mi ṭham na ve khawp mai, mihring thilai leh ruang pawh kalo hmu hnem ve ta, kan mi hriat chian leh ngainat te ruang zet chuan min ṭham dan a dang teh e ka torch Light ken in ka chhun chiang bawk a, beiseina ka nei talo, mahse ka Fanu a vang tal pawn tiin ka hnaih ta thuai a, Chu tlangval Pa ang tak a mi entu chu ka hnaih ta, a hliam ka en a, a Awm dinglam ah Silaia kah niin a dul ah Kah na hnuhma ka hmu bawk.. Thisen a chhuak tam hle tih ka hre thiam, mihring pangngai tan dam ma chi ani tawh lo, Lalpa min pui rawh tia phunsup in, Thlasik boruak a lo ni tawh bawk nen, a taksa chu vawt in alo hmet khawng ṭan mek bawk, rang taka a mar dap nghal in, a banrek ah a mar a awm eih lo, a vawt ngal mai, a lung zawn ah ka beng ka nghah vang vang hnu pawn beidawnna bawk, thinrimna chuan mi bual tup tup tawh a, khawinge bei nge sei rundung tiin a zak hnuai lam ka dap leh ta, ka kut zuk khur dur dur thei a..
... Enge ka dap fuh hi keimah pawn ka awih lo satliah mai anilo, mi barakhaih let ve chiang ani, beisei nei zawk chuan ka dap nawn leh ngat a, ummm a zak hnuai ah chuan nalo te in a Mar alo la phu tlat, a mit ka keu zui thuai a, Rang taka Thisen pek anih loh chuan a thi dawn tho tho, Chamte rawn tlan teh le kan hman hmawh a ngai tia au in, Zorama lah khawih chet chi rual ani lo. Chamtei pawh a rawn thlen meuh chuan a rilru alo siam fel deuh tawh nge a tal buai talo.
.. Thisen pek ngei angai, kan Pafa hian kan blood group O ve ve ani, i pe dawn nge ka pe dawn, Direct a kan pek angai tiin ka hawinkual that that a, ummm engpawh nise thlam lam ah khuan paw thla phawt ang, a hnuk a fei em mai, tiin ka Paw risk ta pawp a, mak tak maiin ka pen pui lai chuan a rawn thaw hawk nia mawle, ka lawm na san zia kha.

... LALNUNCHAMI..
.. Ka Pa in Ka thisen ringa Zorama thisen a pe lai chu chiang taka en in, ka Pa pe nual mai rawh kei chu ka ngaihtuahawm loh tia kam ka cheh chu ka Pa chuan min nuih suk a, a tawk ṭep ang a thi chhuak leh tur hi kan tih phui vat angai ti a chet ala mawlh mawlh chu ka melh reng a.. a Tawk e tia Ka Pa in mi rawn kaih thawh tak ah zawng ka thiam ang ang in mei ka nun zui ta, kan awm na lai ah lah Signal kan nei der lo. Kan tlan laia ka Nu mumal lo zeta ka hrilh bak kha chanchin kan hrilh leh thei tawh silo,.. a awm dinglam ami hi chu a tlang anih hi, a dul ami hi chu heta khawih chi ani lo, engtin nge ni ang aw tia ka Pa hawi vang vang chu hnaih in, ka Pa hei chen alo la dam ani a, kan chhan thei ang, Pathian i au tawp mai ang tia a ko ki a ka va vawn na a vanga phu zuk in, a dik ani tia rawnnin her in, Zorama nikhaw hrelo a a mut reng na kiang ah chuan kan ṭawngṭai dun ta mawlh mawlh a, Zorama erawh a mar a pangngai ta viau tih choh ani.
... Ngawi renga ṭhu dun ngawt ngawt in Zanlai dar 12 a ri hial tawh ang tih tur vel ah chuan Kunga bauh thawm chuan mi kai harh zawk a, rang taka pawn lama dak in, kan lam pana Torch light rawn eng thla ka hmu ta, Ka Pa chuan tute tak ni ang maw tia aw a neih lai tak chuan ka Nu aw chiang tak in a rawn lang ta..thaw deuh huai chunga pen chhuak in, an ni pawh an rawn thleng chhawm ve mai bawk a, Kan awmpui te leh kan Family Doctor nen lam an rawn kal vek nia mawle.
... Zorama an han hmu zet zawng hmeichhe rilru pu zual deuh ka Nu phei chu a sai nghal hlawk hlawk a, My Dear a thi dawn em, chhan rawh tiin Ka Pa a rawn hnaih nghal ruak ruak a..Zamtei chuan min rawn hnaih in, Kunga lah a lo vir buai ve em em ringawt a, Kan Family Doctor chuan ka Pa chu en in, Sir, rang thei ang bera kan zai angai, a B.P. a chhe lutuk engtin nge ni ang aw a ti ta vang vang e, ka Pa duhdan tak in, Sialsuk lam hi kan la hriat tir eih lo, Ka pa chuan ummm kan zawn mai ang, kawngṭha chin kan zawn thlen hun ah Motor in kan phur ngam ang, hun kan ngah lo, Chante in unau pawh in bang thei lo ang tiin chet ala zui ta thuai a.. Zorama chempui hum chhuak in, ka Pa chu a che ta zung zung a, ka Hero hi maw alo Hero tak zet zet, a tawnzau nen choh a, Hlang an siam te chu mak ka ti ani, ka Nu lah chuan ngaihsan hmel tak hian alo thlir bawk, kan Awmpui leh Security ho tlaw hlawm zia hi aw, Zorama hi harh seng zawng ka Pa chu a pui thiam khawp ang mawle, mahse kan zawn tur ber ani lawi si..
... Zorama mutbu pan ve zet tawh chu phah in khawchhung lam hawiin kan zawn ta, ka Pa chu hmalam ah ṭang in, hnunglam erawh kan in chhawk zak zak hlawm a, Ka Pa erawh chhawk ka ngai lo e tiin a ṭang kawngtluan thei nia, Zamtein ka Pa motor rawn khalh let in, kan hnung ah ka Nu te motor rawn ken nen min rawn zui mek bawk a, Kawng zal nuam deuh chin kan thlena motora kan han hlang zet zawng kan va hah tlang tak em.
... Aizawl lam pana tlan zui nal nal in, A mar kha tia ka Pa min biak na ang chuan Zorama mar chu dap in, Chamtei nen kan ko mawlh mawlh reng a..Falkawn Riferal Hospital ah rang taka tlan lut in, Ka Pa pawh a rawl a ring ṭha teh e, Gate duty in min lo chelh zeuh laia ka pa thinrim leh ṭawng chhuak khan min dah chhuah tir zawk nia, ka Pa hian anihna hmang in tumah ala vau ngai lo.. Gate hi i hawng dawn em, Doctor Zahmingliana Super Specialist ka ni e i hawng dawn nge ka su chhia anga, i bang bawk dawn zuk ti a.. Gate kepper lo kai deuh pawh kha a harh vek in ka hria, OPT ah rang taka nawr lut nghal in, Nurse ho pawh an tlan dawr dawr mai, ka Pa hi ka chhuang a ni, eng Hospital ah pawh hian hriat hi a hlawh ve em em tlat..
... Doctor Duty lai pawh rang taka rawn tho chhuak in, Pu Zohming nangni maw, e khai, Dr. Sangliana pawh maw, khawnge damlo chu tiin a in peih nghal der e.. ka Pa chuan keiman ka zai dawn tiin a in peih ta.
... Pawn lam a, nghak tu tan chuan ava rei ngai em, khua a var tawh, an la rawn nawr chhuak eih lo .. ka taksa hi nalo lai pawh a awm tawh lo, Zamtei chuan min ṭhut pui chawt in, min hnem reng bawk a, ka Nu lah chu kei aiin hnem a la ngai zawk mah leh nghal. Darkar 5 zet a liam hnu chuan OPT kawngkhar chu a rawn in nam hawng ta hram e, Ka Pa meuh pawh a meng hnuai ve ruih mai. A chau tur ani, a hmel ka en chiang a, hahdam thlak tak in, min rawn melh tak ah zawng ka thaw chhuak pangngai ve ta..a la harh mai lo ang, mahse beiseina erawh kan nei e, tia ka Pa aw chhuak chu kut ben khum dar dar in, My Dear i ṭha maw tiin ka nu chu a rawn pan ta thuai a, ka ril ṭam tawh zia ka hre chhuak ve chiah..

... THANSANGA.
.. Ka hmazawna ṭhute pahnih chu thip zet maia melh in, A thi chiang tih zuk fiah leh zet u la, in hlawh tur chu pek in ni ang, Silai in hmang leh nghal zuk fimkhur hle ang che u tia thu ka pek chu an hreh hmel tawh kher e. Zawm.lo ngam hek lo an liam zui ve leh ta hram e, hah dam taka thawk la siai siai in, tun ah zawng ka hun a thleng ta, mi hausa ka ni ta, tiin lawm loh chuan ka nui vur vur a, ṭhenawm nu chu ka txt zui ta thuai a, ani pawh a rawn lawr rang teh e, an Pa awm miau hek lo, mi nu ka ṭawmpuia, a duh ber chu pawisa ani mai a, chu lah a lawm na tawk a tlem viau, he nu hinka thlun beh tlat angai tiin ka ril ru ka siam nghet hmak tawh.
... Khum lama pakai pui in kan hman hmawh lem lo, Ka tan a, hling awm chu paih bo in a awm ta. thaw veng taka mu zuiin varṭian a la ni choh awm e, Rawna leh Chhuanawma rawn let chuan min rawn kai tho in, an hmel a buai nak mai, an thu rawn hawn chuan min baralhaih in, tute nge ni ta ang, an Police hmuh ho kha an ni mai angem, nge a mah in alo in saseng thei zawk, ka hmeichhia chu vai per lawp in, ka insiam zui sawk sawk a, Serchhip lam.pan in ka tlan zui ta vang vang e, tlan pah chuan Aizawl lama ka thurualpui te chu ka call zui ta, khawi damdawiin ah emaw, a mah a insaseng pawh nise dam in a chhuak lo ang, a chhuak tur ani lo..

... LALNUNCHAMI
.. Zorama engmah hrelo a, Oxygen ringa mu chawrh chawrh kiang ah chuan ṭhu in, ka hna ka kal hreh ani, mahse Zamtei zawk in kalo awmpui ange, a rawn harh anih chuan ka rawn hrilh vat dawn che nia tiin min tir liam.ta kha ani a, Ka Pa nena kal rual in, ka Pa chuan Chamte he thil titu te hi an fing in an fimkhur tawk hle a, chuvang chuan tunnah rih zawng, tumah ring lo la, kan in lam ah Zorama kan kawl tih hi tuman an hre tur anilo, a mah thah tum tu te hian, an en.liam mai mai dawn lo, a thilo tih an hriat rual rual in, an en bik tur chu nang leh kei kan ni tiin min hrilh dap dap chu ka pawm chiang teh e,ka Pa ber in, a dam chhuak leh ang atih miau a vang in, ka ngaih erawh a ṭha chiang teh e.. engmah thleng lo ang maia, Office ah chuan hun hmang in, Ka beisei tawhnloh tawp in CID Lianmawia arawn lang teh nawlh anih chu, a beidawn tawh ka rin vei nen, Pangpar te chu mi la rawn ken khanglang, kei Lalnunchami hian pangpar hi eng atan mah ka ti lem lo, a mawina ka hre thlawt lo ani ber e.. Ṭhut hmun rem in, a ti ti zui mawlh mawlh a, tak a, Chamte nimin lama kan va kalna i ṭhianpa kha chin hriat loh in a bo daih thu leh a huan vel a, Thisen baw nuaih an hmuh thu kha i lo hre ve tawh em a rawn ti ta, lo inbuatsaih lawk fe lo ila chu min man chhuak hial ang chu. Maktih hmel taka hawi chhuaknin, uiiii chuti maw engtin nge i hriat theih zawk a tia zawhna ka pek let chuan a ti hawihai let ve zawk ta tlat.ka Pa ṭawngkam tumah ring suh a tih chuan mi rawn deng nawn leh sawk sawk in, lem chan te zawng ka thiam ve em ti ru chung chuan..Lianmawia chu ka melh let ve ta ngat a, ka hmel erawh ka dah nuisang thung.. Lianmawia chuan a phone phawrh in hei tiin a news dawn ni awm tak chu a rawn lek kang thuai a.. nang pawn i dawng ve lo mi tia min zawh let na chu ka lu thin khum in Phone kala en miah lo tih ka hre chhuak ve chiah.. nui har har chunga ka phone chu lek chhuak ve in, awiii i zar ah ka fing leh ta sawt e. A sawi hmang khan tlawh tunpawh ka nei ngai lo kha a ti sia, an va ngaihsak teh thut ve, Complaint lah kan la dawng miah lo ka tih mek laiin Complant a luh thu chuan min rawn deng ta chiah a, Lianmawia lam hawiin, Kulikawn oupost lam te an tlan chhuak chiah anih chu, eng em a ti lo tur ah ngai ang, kan call chhin ange tiin ka call zui ta thuai a..Out Of network tlat mai, eng pwwh nise ka lawm e aw.. tih pah chuan indawm kun ngaih in, ka ngaihtuah thu chu ka sawi chhuak sep sep a, ka mittui hi tla se ka va ti tak em, In ngaihtuah lungpuam chawp in, mak tak maiin ka Mittui a rawn tla tak tak nia ka lawm zia mai chuhhh.. Lianmawian min hnem nana min han kuah vel te chuan min ti lungchhe tulh tulh a, ka ṭah chhan pawh ka hre tawh hrep lo e a..nakin deuh ah chuan insum in thupha te ka chawi zui mawlh mawlh a, Lianmawia pawh ding chhuak in, engpawh nise Office lam ka va pan leh phawt ange i tan ka awm reng ania tia a chhuah hnu leh a tlan liam hnu chuan za em em maiin ka nui ta pek a nih chu, min hmu awm se mi pang ngai ah min chhiar teuh lo mai, ka Pa chu call nghal in, kan in be zui ta mawlh mawlh a..

... Kar a liam leh pawh in Zorama chu ala harh thei tlat lo, ka Pa meuh pawh a mangang ṭan tawh chu ani e, rilru pik nak laiin Lianmawia leh MLA hnarliana te lah an la rawn lawr ve sek zui, Zorama bo thu lah chuan kan ram fan chhuak vek tawh in, Police lam pawn kan theih tawk kan chhuah e, a awmna hriat reng han zawn vel ngai ta chu leh lam ah chuan a nuihzatthlak duh ang reng hle, Tuesday ani, Ka Office kal tur Zorama mutna kianga ka din mek lai chuan ka Whatsapp massage dawn vang chuan ka nui ta var var e..
MAFAKA KHIANGTE