SENIOR-I Chapter-10 (Hlutei Jocund pachuau)

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

SENIOR-I Chapter-10 (Hlutei Jocund pachuau)

Unread post by Hluhlutei » March 3rd, 2021, 10:24 pm

ZAN LAMAH HIAN TIH TÛR NEUH NEUH HI KA LO NEI VE ṬHIN A, CHHÛNLAM ERAWH KA HNÂ VÂNGIN ENGMAH KA TI HMAN ṬHIN LO A, ZAN KHAT DANAH ZEL RAWN POST KA TUM, BÂKAH KA NET HI A CHHE DEUH RUP ZEL A, KA BUAIPUI REI A TA LÂNGIN DUH AIIN KA DAH HAR PHAH ṬHIN.

MIN LO HRETHIAM ZEL MAI R'U AW, IN FELIN IN HMELṬHAT KHA..
76038205669f2ea8550475bdc3a70d15.jpg

Chawhmeh kan neih ang ang chu kan chhawp ve dal a, Lalrammawia pawn sawisêl lovin ngawi reng chuan a ei ve mai bawk,minister fapa meuh hmeh pui atân chuan ho viau mahse kan neih tâwk kha a ni miau bawk si a, Matei lah chu inthlahrung âwm pawhin alang lo, a ti ti siam siam reng mai.

"Lalrammawi kum engzat chiah nge inih a?"

Ka nau in a tih chuan ka thil ei lai ka hâk lo chauh, Chutah Lalrammawia chuan min rawn en zawkin, "20 ka la tling lo, ngatân nge i tih?" Alo ti deuh hmuk ringawt, ka nuih aza ru ang reng viau, Matei pawh za zet hian a nui chhuak a.

"Zonunpar min û tawh ang che, nang aiin kum 3 laiin ka up aw"
Ati leh khur khur a, Matei nen chuan in en in kan innuih tet tet ringawt.

Thâwk leh khatah kan kawngkhâr chu arawn in kik dat dat a, kan ngawi nghâl ṭhap mai, kan pathum chuan hlauthâwng zetin kan in melh kual zui hrâ hlawm a, "Keimân ka va en ang'e"
Tihpahin Lalrammawia chu a tho zui vut, hreh hmêl zeta kawngkhâr a hawng dû dû lai chu ka nau nen chuan kan lo en dûn kar thung.

Chutah kawngkhâr a hawng chu, mipa khat ka hriat ngai loh hi thaw halh halh chung hian alo ding vûng a,

"Hmela, tinge i phone i off tlat a ka zawng nasa lutuk che"

Thaw halh halh pah hian arawn ti a, ka nau nen chuan hrilh hai zetin kan lo enkar thung.

"I nu Hmuichukchuridûn'n a hau leh tawh che ni maw?" A ti leh a, an sawi chu tunge anih ka hre ve hauh lo, "Lo lût phawt teh" Lalrammawia chuan awki hniâm ruih hian a ti a, a ṭhianpa ni hmiang ka ti mai, arawn lût ve vat a, thau nelh nulh palian lutuk lo hi a ni a, a ngo bawk a a hah hmêl chu a tai tûk rauh bawk si a, a duhawm reuh ka ti viau.

Chutah ka nau nen min rawn hmu chu a ding deuh dat a, "I bialnu te inah i tlân a ni maw?" Tihpahin Lalrammawia chu a nuih zui suk, ka lo nuih ve sak a,
"I van duh naupang ve, Class 10 naupang han ngaihzawn techu" tihpah chuan a nui zui leh huk huk a, Lalrammawia chuan min vêngthâwng ni âwm tak hian min rawn en zauh, thinrima lâk chî ah ka ngaih loh vângin ka lo nuih ru sak a.

Mahse a ṭhianpa chu a hruai hrang ta daih a, enge an sawi phei chu ka hre lo na in ka nau chu a phun zui hlak hlak a, ka nuih aza angreng, hetianga mipa miin an dem hian a thin a rim thei hlê a, Kan khua a pathlawi zu heh zet Sanglukir-a kan tih ṭhin hian hmelṭha a tih êm ṭhin vânga a zui ṭhin lai phei kha chuan a hau zêk zel a nih kha, Chhaih phei chuan a ṭap lo chauh zel.

"Ka ning tlat a bialnu angah hian min ngai ve ziah mai, U nangpawh lo in sawi ve mai tûr che nia" a ti leh hlak hlak a, ka chhâng lem lo, nui hak pahin ka chaw chu ka eisan mawlh mawlh ringawt.


Reifê hnu ah a ṭhianpa nen chuan rawn lêt lehin Lalrammawia pawn arawn bâr chhunzawm leh mai a, a ṭhianpa erawh a inthlahrun tawh hmêl viau,
"I awmna ka hriat thû ka sawi a, I pa in a ngaihtuah teh mai che nia" common room sofa a ṭhu chungin a ṭhianpa chuan arawn ti zui lûng lûng a, ka chaw bâr lai chu tâwpin Lalrammawia chu ka en vat, min lo en ve chiah bawk.

"Ka haw anga min hau tho ang, ka haw rih dawn lo" ka rilru hria ni âwm fahran chuan alo ti nghâl mawlh mawlh a, nawrluih ka tum lêm lo, amâ duhthlanna a ni a, inrawlh vak ka duh rih lo.



Chaw eikham chuan A ṭhianpa chu a thawmhnaw la tûrin an inah a tír a, a ṭhianpa lah chu thu âwih tak chuan a kal ve mai bawk a,

"I ṭhianpa kha khawi ami nge a?" Ka bul arawn kal chuan ka lo ti vat a, Ka thlêng silna bulah chuan alo ding ve zût mai.

"Ka naupan lai aṭanga ka kawm ṭhin anih kha, Freddy a nia, ani chu MBBS a zir a, kei aiin kum hnih velin a upa" arawn ti ve nuah nuah a, "Anih nang enge zir i tum? Ipa angin politics lama kal te i tum em?" Fiamthû a ka tih chuan alo nui ve suk mai.

"Tum lo, sumdâwn ka duh a, Hotel emaw, Mall lian tak neih ka châk a"

A tih chuan ka en hâ ringawt, ka rin loh lam daih a ni, "Enge?" Arawn ti leh deuh hû a, inthing harhin ka sil zawm leh vat.

"Ka rin loh lam daih ania" ka tih chuan anui hak ringawt,
"Ka u....ahhhh....I bialpa hlui chuan a rawn be leh tawh che em?" Arawn ti bah nawk nawk a,


"Ka phone ka la en lo a, ka hre miah lo" ka lo ti vat,

"Khawi i phone chu" arawn ti zui vut a, a hmêl hâ pah chuan, "Ka roomah, khumah khân ka dah a" ka lo ti ve mai a, kalsawn vutin ka room lam chu a pan a, a rial zui vung vung mai, engtak chu ti ang maw?


Thlêng ka sil zawh hnû chuan ka hmai te phihin toner a ka hmai ka hrûk hlap hlap lai chuan ka phone hmeh nuap nuap pahin arawn chhuak vut a, Mak ka la ti tâwp thei lo, tinge Rp-a kha Lalcute-a ang hian a insawi le? Lalcute-a hi Lalrammawia alo ni leh daih bawk sia.


Ka bulah chuan rawn ṭhu thla in min rawn en vang vang a,

"Make-up i hman loh hian i ṭha zawk anih hi" Chiang fek fawka min en chung hian arawn ti nih chu, min ti lai lek lek zawk, "Enge i inhnawih kha?" Arawn ti leh a, "Toner, i duh ve em?" Ka tih chuan a lû alo thing rang ngang mai,
"Mipa in khatiang an inhnawih ngai lo" alo ti hmak, mipa nih vanga inhnawih loh tûr tih a awm pawh ka hre lo e a.

"Khawi ka lo hnawih hrim hrim che"
Ka ti lui deuh tlat a, min hnial ngam si lo nen tûm luau in a dawh ta nge nge a, a hmai vun chu a mâm in bawl, ser, chik tih vêl a awm lutuk lo, a hmui pilh deuh leh a biang duk deuh tih mai loh chu.

"Lalram"

Tihpahin a ṭhianpa chu arawn lût rawk a, kan lo inhnaih deuha a hriat vânga lâi zeta ding dat chungin a tukhum a hiat zui zauh, Ka lo nuih hak,

"Lo kal rawh" nui chunga ka tih chuan arawn kal ve mai a,a in khâi bâwr viau nghe nghe.

"I u Ruati lo pack a nia, a ngaihtuah hmêl viau che kha, tinge i û chu ilo hnek ngawt a?"

Ati zui leh mawlh mawlh a, Mak ti zetin ka en hâ ringawt, Hepa pui rauh hi a thiamlo zâwk a ni ngei ang, mahni û te han khawih chu, chal chuar nângin ka en deuh hâ a, "Ka ti dik lo tih ka hria lawm, Mahse a phû ka ti ve thlâwt" alo ti deuh sup a, eng buaina fako nge an neih ang aw?

"Eng buaina nge maw inneih le?"
A ṭhianpa chuan ati zui sup a, "Sawi chi loh" alo ti zauh ringawt.


A ṭhianpa pawh chu a lêng ve ta reng a, a ṭawng duhin a mâwl rauh bawk si, A lawmawm ka ti ngei mai, ka nau room ah lehkha a zir vângin arawn la chhuak ve miah lo, a muhíl tawh pawh a ni maithei ni, kan pathum chuan tv te kan en ho ta vêl mai mai a, thlahrâng film hlauhawm zet mai ala chhuak zui.



Kan pathum chuan sofa ah ṭhu tlarin uluk zet chuan kan en ṭhap hlawm a, phut zawk zawk na tûr lah chu a tam ang reng sí, ka phut a piangin Freddy a zâwk lah chu ka la vuan ziah lehnghâl.


A tâwp hnu chuan a ṭhianpa pawh a haw ve mai a, Lalrammawia lah chuan thlah tang'e a ti chuang hlei law, keimah zawk chuan kawngkhâr thleng ka thlah a, Pakhata lah chu a tûm luau reng a, a hmêl rum ûl reng chu biak hrehawm khawp a ni.



A mutna tur ka siam sak lai techuan a melh ngai melhin a tûm luau reng a, engvâng nge ka hre mai bawk si lo,
"Tinge a? I van tûm nasa ve?"
Ngaih ṭha lo zeta ka tih chuan dul ruih a min rawn en chung hian ka bân rêkah vuan in a bulah chuan min pawt ṭhu deuh hnawk a, hrilh hai zet chuan ka lo en hâ thung.

"Tinge i awm dan hi ava dang ta ve?"
Amah enkiau chunga ka tih chuan "Tinge thlahrâng film kan en lai khân keimah ni lo a Freddy a zâwk i vawn char char a?"
A rawn ti deuh bul bula, mak ti zet chuan ka en tawp, a thík tih ka hriat chhuah hnu chuan ka insûm thei tawh lo, ka nui chhuak hawk a, "Chumi vâng chuan maw i thinrim?"
Nui hak hak pah a ka tih chuan, "Aw, ka thîk alawm, a nuihzatthlâk loh"
Arawn la ti hmuk zui, a hmêl leu luau chu nasa zeta insûm chungin ka enkar a, "I thinrim hian i duhawm a nih hi" tihpahin a biangah chuan ka piai zui zauh, ka bân chu la in ka inrin hma chuan min rawn fâwp zauh a, ka hmui hupin ka en kâwk ringawt, ala nui sun sun zui, Sawi mai tûr pawh ka hre lo a chêt dan zet chuan min ti hrilh haiin ka lâi bawk si.

"I mawl lutuk" tih hlak pahin ka bêng taih ringawt.,


Dar 10 a rîk dawnah keipawh ka room lam ka pan a, kan la in tex hrâm,
*Ka lo mu ve dawn?* arawn ti chhên lehnghâl,
*Thianghlim deuha inngaihzawn tûr, ka duh dân min zahsak phawt chuan ka duat viau ang che* fiamthû chuan ka ti vêl a, kan awmdân zet chu a naupangchhia ka tih rualin nuam ka ti phiân lawi bawk si, Ka duat tûr chu a phûr hmêl hle a, ka hlim veng veng reng mai.


Lalrammawia hi kei aiin kum 6 laiin a naupang a, inzawmna siampui hi a dik ber em? Ka hre lo, mahse ka lo duh ru ve reng tepawh a ni mahna le, ka hnar theih miah loh danah hian ka duh tih chu ka in hria, hun lo la awm tûr chu ka ngaihtuah zui ngam lo a, tunah rih chuan ka la hlim rih lutuk, In ngaihtuah hah ka tum lo a, a hmâ a Zonunmawii Hmangaihna vânga vawi tam tak lo na tawh ṭhin kha nih ka tum tawh lo, mipa lakah hian tlâwm taka awm ka duh tawh lo a, mahse Lalrammawia erawh hi chuan Rpa ang khân min tihnat ve hi ka ring lo, ka hun kal tawh vânga rinhlelh ka tum lo a, mipa zawng zawng hi Rpa ang vek kha an ni lo tih hi ka hria a ni.



NEXT MORNING



Zîng ka harh chu sana ka en nghâl a, dar 6 alo pêl hret tawh, muangchângin ka tho a, ka inti fai zui nghâl.


Ka room aṭang chuan rang takin ka chhuak a, ka rin loh lutukin Lalrammawia chuan center table ah chuan lehkha alo zir malh malh mai, asam a thur deuh bap a, mahse a zîng tho hmêl pawh aṭha leh viau tho mai, min rawn en in a nui sak a.

"Hriatthiam loh lai te inei em?"

Ka tih chuan a hmûi tipawrh zauhin alû a thing vat, "Maths hi nuam ka ti, Fiam leh hmuhnuam che ka tih ṭhin êm vângin lem ka chang ṭhin anih kha" arawn ti ta mai, ka chhân ngaihna hre lo chuan ka en reng ringawt.


"Anih chuan nang hian"

"Ka bum lo che, rawng va bâwl rawh"

Ka sawi zawh hmâ chuan alo ti daih a, ka nui hak ringawt, choka ah chuan kalin thingpui te ka lum te te a, ka nau i erawh ala hnâr thlurh thlurh in ka ring, thingpui so veleh Lalrammawia chu ka siam sak a.



A bulah chuan dah pahin achhîpah chuan ka tuai zauh, "Fel reuh lutuk" fiamthû a ka tih chuan min melh rum ngang mai, naupangchhe treat a ka treat hian a duh lo hlê tih ka hria a, runluih nuam ka ti tlat pek a, a thinrim hi duhawm ka tih êm ṭhin vâng a ni.

"Ka zir angai alawm, Kumkhua in zirtirtunu ka nih tîr reng thei lo che" thutak zeta arawn tih chuan ka en vang vang a, thil thui tak alo thlîr ve reng ṭhin tih ka hrethiam mai, kei hi min neih a tum atihna ni thei mai angem? Ni lo, chutiang ngaihtuah nân chuan ala hmâ lutuk tlat.



Inthing harhin phûr zet chuan rawng chu ka bâwl suah suah a, a Answer paper ka check khân mark a hmu sâng ber tih ka hria, Thiam thei tak a ni, Class 12 ka nih laiin a mark hmuh zât ang hi vawi khat mah ka la hmu ngai lo.




Eirawng ka bâwl zo ṭêp tih in ka nau pawh arawn tho ve chhur chhur a, chaw ei ka siam lai chuan Lalrammawia erawh kal tûr ni âwm takin a bag nen alo insiam peih at tawh,


"Khawnge i kal dawn?"

En hê hâw paha ka tih chuan rawn nui sakin ka samah arawn chûl zauh, han din dun meuh chuan kan lo insân hleih angreng viau mai,

"Ka kal mai ang" ati deuh sup, ka ngaihdân a ni lo nasa, rilṭâm in school ka kal tír thei teuh lo mai,
"Ei phawt rawh, khawi ah nge chaw i ei anga?" Chal chuar nâng chuan ka lo ti deuh nang nang a, ka nau erawh bathroom ah a awm daih thung.

"Hotel ah ka ei mai ang, Heta awm reng chu dik lo, ka chhûngten min rawn zawn chhuah hunah i tuar ve dawn sia"
A tih chuan ka hlauthâwng nghâl et et mai, Minister fapa kha kan in ah rawn awmin ka bialpa ala ni zui, chutah kum 6 laiin kan inthlâu a, ka student ala ni lehnghâl, miin an hriattam phei chuan thil zahtthlâk tak tûr a ni.


"Chutiangin ti lo la, Chaw ei la tlai bân veleh in Inah chuan haw zâwk la, i pa chu ngaihdam i dîl anga, i u pawh, a ṭha em?" Dam dapa ka tih chuan a ngawi ta vang vang a,
"Ka thei lo, Bawlhhlawh ang maia min en na inah sawn ka awm peih tawh lo" arawn ti deuh hmuk nia, an fapa duat leh chhuanvâwr kha anih thû an sawi fo a, bawlhhlawh ang maia an en chu ka ring lo tawp mai, A rilru ala tleirawl a, hetiang hunlai hi a awm ve turah ka ngai.


"Teuh lo, i chhûngte sawn an hmangaih lutuk che"
Ka lo ti vat a, a thinrim insûm inseh ruh nasat vâng nge a bek arawn pâwng ṭalh ṭalh mai,
"Engpawh ni se min ngaihtuah lo la, school ka rawn kal dawn lo a, ka phone ah pawh ka biak theih loh ang aw, mahse number dang aṭangin ka rawn bia ang che"



Tihpahin ka kawngah chuan arawn kuah a, min pawt hnâi datin duhthâw zet hian min rawn fâwp a, ka lo chhâng rang ngang mai, min thlahin hnâi zetah hian min en vang vang a, ka biangah arawn fâwp leh zauh.


"Ka rawn bia ang che"

Tihpah chuan a chhuak zui nghâl nia, ka enzui tlawk tlawk ringawt, eng buaina fako nge aneih ang le? A chhûng techuan engvângin nge bawlhhlawh angin an en ang? Ka hrethiam thei lo a ni.




School ah chuan phûr lo zetin kan thleng veleh a, result puang turin Hall ah chuan kan ṭhu ta ṭhap mai, Midang result ka hriat vek laiin Lalrammawia erawh an result chu online a an puan dawn vângin kan hre ve thei ta lo, ka nau pawh First division ah a pass ve hlauh a, ka hlim viau rualin ka kim lo hûih mai, Lalrammawia chhuak tûr hmêl ngui lap reng khân min kamin awm ti nuam lo tûr tawk lekin rilru ah alang reng mai bawk si, ka hah takzet a ni.



"Lalrammawia chu student ho sawi ka hriat a nia, bialnu a nei an ti, an inah te ariak ṭhin an tia, hepa hi a pass angem aw"


Miss Nancy chuan office a kan ṭhut ngawih ṭhap lai chuan arawn ti chhuak hlawl a, a hming an lam tawh hi chuan ka beng hi ka lo chhi nghâl kar zel, bakah ani hi zawng, teacher dangte ti ti tui ber kha a ni miau a.


"Pass leh mai lo maw? A ni pui rauh hi a thiam thei fû a nia"

Sir Ruata'n arawn ti zauh, midang pawn an lo thlâwp khawp mai, heti khawpa misual leh lêrh bawk si hi pakhatna te a ni ziah a, keipawn mak ka ti, a ṭhen lahin politics a in rawlh a niang an ti thûl, keichuan mi bîk anih zia ti chiang tu ah ka pawm thlap,

"A bialnu chu tu tak ni leh ang maw?"

Miss Feli chuan arawn ti ve zauh a, ka lo îp châwih thung,

"Engpawh ni se a hmêlṭha hle ang, A zei bawk anga, Lalrammawia mîze inthlâk chak dan aṭang hi chuan a nei ṭha thawkhat viau ang, Tiraw Mami?"

Tihpahin Miss Nancy chuan min rawn nghawk zauh a, ka lo phu zawk zui, ka chhãnna nghâkin min lo enṭhap hlawm a.

"Ni e, ka ring" ka lo ti mawl ve tawp, zei leh hmelṭha ti a sawi tûr chu ka ni em em lo asin le aw.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)