STORY OF JUPITER CHAPTER - 26

Episode kal lai dah luhna

Moderator: writers

Jupiterbawihtei
Posts: 64
Joined: October 11th, 2019, 8:54 pm

STORY OF JUPITER CHAPTER - 26

Unread post by Jupiterbawihtei » March 3rd, 2021, 10:34 pm

A TAWI TAWP AWI.... REH REI TAWH NAK ALAIIN RAWN LAN CHHUNAH KA REGU LO SIA KALA DAH TAWI THEI EM EM ZUI. KA ONLINE SHOPPING KHAWIH HIAN MIN TIBUAI REUH LUTUKA, ORDER RAWN LUT NEUH NEUH RENG NEN MSG CHHAN ZEL ANGAI SIA RILRU PE TAKIN KA TYPE THEI HLAWL LO, KA BEIDAWNGIN HO DEUHIN TAWPNA KA SIAM RINGAWT ANIA AW A NGAIHNAWM LOH VIAU ANG. A REGU LO EMAI DAHTAWI THEI SI TI A COMPLETE HUN IN NGHAK DUH NIH PAWN A PAWILO KA PAWM VEK




CHUAN KA ONLINE SHOPPING GROUP A LO AWM VE DUH TE IN AWM CHUAN PVT AMAW COMMENT AH NO LO DAH RU KA LO ADD ANG CHEU, TLAWM SI MAWI SI HLIR NIMAI😂






"Babe kawngka saw lo va hawng rawh" tih leh Christy pawm kan lawp a rual a, bu nghutin ka tlan phei nghal vat. "Car chahbi kha rawn keng la min rawn zui rawh aw" tih pahin parking lamah a pawm phei a car chahbi ban in rang zetin ka zui ve nghal







"Lut rawh Hospital ah kan kal nghal angai" Christy thutna bul a seat hnung lama min nawr lut deuh rawk rawkin kawngkhar arawn khar nghal dawt. Chak zeta tlan chhuakin rei vakloah Hospital kan thleng nghal vat bawk






Christy rawn pawm leh nawlh in amah zui zel turin min hrilh sap a, phurlo zetin ka zui ve ta zel. Tun ang em em hian ka rilru alo chhe thei ang tih ka ringlo hial zawk, Christy hi puih chakna pakhatmah ka nei hlawl lo tunah hian, nichina dawt arawn sawi zeuh leh keima tih anga arawn sawi khan ka rilru ati hel laklawh ka ti dawn nge ka awmdan hi ka hrethiam bik chiahlo







Doctor leh nurse ho in lo buaipui nghal vatin emergency room lamah an nawr luta pawna lo nghak tura min hrilh avangin thuthleng ah chuan thu thla hnakin Williama pawh arawn thu thla ve nghal zat





"Eng thil nge thleng in pahnih inkarah khan?" Ti sap in min melh vung vung a, thawk ka la deuh hak



"Khanu chungah khan engmah tih ka neilo William, engvanga a ban zei ringawt nge anih tih leh tinge ka tih anga asawi leh daih tih pawh kha a chhan engmah ka hrebik lo!!, eng rilru pu a khatianga che kha nge anih" ka rilru ip pik lutuk leh tawt lutuk vang chuan thawk ka la leh deuh halh





"Tinge tikhan min en reng, min ringlo ami?? Khanu thusawi kha iring zawk tih chu min hrilh miah suh" ti sap in uluk zeta minlo melhna mitmeng chu ka melh let nghal tlawk tlawk. Williama lehzel pawn min ring dawnlo amaw, kha dawheh nu kha a ring zawk tih chu sawi hauh suh se






"Ka ringlo che ka tihloh kha babe" A aw thum dup a arawn tih chuan ka rilru hah lutuk leh tawt up up pawh a zia huai in ka hria, ani chauh hi ka neih chhun ani rih miau a midang innghahna tur ka nei velo tih ka hria







"Thisen a hlauh hnem deuha mahse tunah chuan azia tawh e,admit kher pawh angailo ang thisen kan pe meka induh chuan in lut thei tawh ang" Doctor in arawn tih chuan ka lo thaw huai thei. Lawmthu hrilh sap in kan inzui lut a, Christy lo mu deuh bam leh min hmuh ruala a mitmenga lawm lohna lo lang chhuak pawh hmuh hmaih chi rual anilo. Keipawh alakah ka lawm bik teh chiam chuanglo








"Enge i an?" William an ati sup a, "imm ka tha lawm" inlak nat hmel zet a alo ti zawi sap te chu ka ei hlawl lo, tenawm reuh lutuk






"Thiannu engtin nge khatiang thil kha ka chungah itih theih zawka, hetah tun ang hunah enge itih tih ka zawt ringawt che kha nia" mitmeng khawngaihthlak hmel zeta min melh paha arawn tih chuan ka thinrim lutuk hi ka insum zolo lek lek, va keh buk lawp mai ka duh rum rum hetiang em em a hmeichhe zaktheilo leh dawtsawi hrehlo hi engtinnge anlo pian theih zawk ni








"Dawt chiang lutuk sawi kha hrehawm iti ve miahlo mi?!" amah melh tlawk tlawk pah chuan ka ti chhuak sap, dawtsawi leh midang nihloh lutuk dana an chanchin sawi te hi ka nu in a phal ngai miahloh thil anih vang hian ka thisen ah a bet tawh ka ti mai, ka thei ve thaklo kei chu








"Dawt a?? Williama bulah hian nungchang tha deuha lan vel kha tum re re suh, ka lakah chuan sakawlh ang chiah inih kha, i thil tih..... "




"A tawk Christy" William an vin thek thawk a arawn tih tuarh rual chuan ka phu nghal zawk, Christy tawng zuah zuah pawh a ngawi chiang viau






"Tuna a chungchang i sawi mek kha ka hmeichhia ani tih hrereng rawh, a chungchang hi a chhe zawngin vawikhat pawh han sawi leh teh i damchhunga inchhir in ka siam ang che. Enge thil thlen dan chu ka hria" rum zeta melhin ati ram deuh hmak, "William kha nu khan dawt a hrilh che nihkha i lakah a insawi thiam mai mai anih kha min ring rawh" inla khawngaihthlak zet mitmeng in a melh leh tawh, ka ten hluah hluah tih bak sawi tur pawh ka hrelo







"Eng ang hmeichhia nge anih ka hrechiang, chuan nangpawh ka hrechiang viau bawk che" ti chang fak in ka kut a rawn chelh a, "i natna inthlen chawp ani bawka buaipui chhunzawm zel che a tulna awm tawhlo" tih leh min kaih chhuah a rual nghal hmak







"Ka lawm e aw" ti sapin ka kut a chelhna chu nghet zetin ka chelh let ve nghal vawng vawng, hetiang em em a min ring tu mihring hi anlo awm thei ani maw tih ringawt chu ka rilru a lian ber ani rih. Hlimna a ka khah rualin ka tah a chhuak rum rum bawk mahse lawm vang zawkin







"Lawmthu sawina tur a awm ami?" A awki erawh nidang ang thoa ngainatawm teh chiam ani leh chuanglo nain ka bengah erawh angaihnawm dan a dang chuanglo.





"Aww min ring a, alan dan ah chuan Christy thusawi kha adik zawk pawh a ang viau maithei mahse min rin tlat avang khan ka lawm lutuk" a mit melh zeuhin ka khi pah suk





"Babe inrintawnna tello chuan relationship hi a nghet theilo, ka bulah dawt i sawilo ang tih ka chiang bawk" a sawi ringlo viau nain engtikahmah ka theihnghilh tawhloh tur thu ani thung






*
*
*


A in kawngkhar kan hawn rualin whiskey rim a nam nghal rum rum thei, chhuat lah thisen leh whiskey in pawlh a rang kawi deuh nuaih lehnghal a,whiskey um keh them tla darh zawng zawng nen a buai deuh nuk mai







"Fimkhur rawh i inti na nge" tih leh a tihfaina tur hmanraw lak khawm a rual a, mi pawh phut lemlo chuan a thian nghal mawlh mawlh.






"Lo khawih velo mai rawh i inti na ang" Puih tuma ka thut hniam rualin alo tinghal vat nain ka pui lui ta tho, "naupang ka nih tawh bikloh hi ka fimkhur thiam ve lawm" ti sap in um keh them ho ka chhar khawm a, min melh zauhin a khi deuh suk





"Ka lu hi rit bur mai" Ka kut sil zo sofaah ka let nghal tap, whiskey rim in min ur ngar ngar vang kha niang ka ni deuh luk thei. "I nuamsamlo mi, nge whiskey rim vang zawk" arawn tih rual chuan ka lo bu nghauh, "whiskey rim zawk kha, ka lu tina vek alawm" tih pahin ka ner deuh nang







"A ei theih" tih leh min rawn pawm nawlh a rual a, chair ah dim zetin min dahthla leh thlap. William an eitur rimtui zet a siam kha kan ei hman talo kha nia, mahse amah bawkin a ti lum leh thlap a arim ringawt pawh hian ril ati tam nghal rawih rawih thei







Ka duh aiin ka ei hnem leh tawh, hepa ang em em a mipa ei siam thiam hi ka la hrelo re re duh aiin ka puar ngei ngei a thilsiam ka ei tawh chuan







Thleng ka sil zawh meuh chuan dar 4 alo ri hman tep, ka mut a chhuak tawh ka ti reng ani




"I zo ami?" rawn ti sap tu chu melhin ka bu nghauh, "kan mu thei tihna" tih leh min pawm leh nawlh a rual a anghawng ah kut ka lo suih ve nghal zat. Step a min pawm chhoh lai te chuan a awmah bei hle hle in ka khi leh suk thin, hetiang taka thlamuanna min pe thei tu mihring ka tawng hi ka lawm ngawih ngawih








*WILLIAM POV*






Khuma nghat dat in a bulah ka inthawlh ve nghal zat, te viau mahse ka thinglunga khat liam awm chhun mihring kha ani miau a. A tet ngaihtuahin mutna te hi a duh zau phian lehnghal






"I muhil nghal ngawt ami?" tih pahin ka lamah ka pawt hnai deuh hrawk a, a kawr chhunga ka kut zen luh ka rual nghal zat. A hnute bial nalh zet leh ama tawka kawh ve lah ka hup chat rual chuan rawn rum deuh tiah tiah in "ka mut a chhuak" a rawn ti tham deuh tiak a ka lo khi nghal suk








A biang a fawp zauhin ka kuah hlu hlu a arim nu chek hnim vang vangin engtik laiin nge kalo muthilh ka hre hauhlo, ka harh leh meuh chuan dar 8 alo ri vu tawh. Ka bula mi lah tui zetin ala thaw sak sak lehnghal. Khawvel hmeichhia ah tunge hmeltha itih ber tih min zawt se henu tereuh hming hi ka sawi ngei dawn tih ka chiang, hmeichhe hmelchhia ani hauhlo mahse engtik atang khan nge tiang em em a ka mita alo hmelthat tak ni








Ka hnuailam tho at bawk nen a hmel ka en reng chuan thil thalo a thleng zawk dawn tlat, dim zeta tho chhuakin bathroom lam pan ka rual a. Tui hit zet a rei fe ka inphuh hnu chuan hnuailam pawn zah angai ve ta hram






Ka inbual zawh hnu pawha tui zeta lola thaw sak sak chu melh zauhin ka nui deuh suk, saw tiang tiat lek taksa nei sia mut han duh em em mai chuh







Inhnuaia chhukin breakfast tur eng eng emaw ka buatsaih a, ka siam zawh meuh chuan tho phang zetin step ah a rawn chhuk thla ve ta chhat chhat





"Changtunu chu mutui bawk maw?"



"Engtik laiin nge ilo thawh daiha, ka zawng chea ilo awm tawh miahlo lawm ithawhlai ka hrelo re re" ti niah niahin a hmaa eitur a ei mial miala ka chhan na pawh a ngaihsak leh tawh lem chuanglo



*


Sofa ah inkuah riala thu in movie min enpui leh tawh, movie lampang hi ka ngaina ve teh chiamlo nain duh ber te tan erawh hmuhnawm ti ang zeta en ve reng a ngai zel ta chu nia



"A hmuhnawm tiraw?" min melh chhoh ha paha arawn tih chuan ka lo bu nghut, a tawp a tawp ah a en zo ve ta hram.






"Ka hun a thleng ve tawh" tih leh bawhthluk ka rual a arawn rak deuh that



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)