SIBLINGS Chapter-10
Mak tih hmel fe a min melh lai chuan Nutei chu a lo chhuak ve hlol bawk a. Mittui tling pam chunga min melh pahin min lo pan vat a "Naute haw phawt ang aw" tah insum zet a a tih chuan ka lu ka buk khum ringawt . Nutei hmel a min lainatna leh khawngaihna ka hmuh hian ka tah chhuah mai loh nan ka insum tang tang , tiang mitmeng hian ka nu khan min melh ve se, min hmangaih lo a nih pawhin lainatna mitmeng tal hian min melh ve se, ka thil ngaituah vang chuan ka insut ri feih a "Ka lo thlah ang che u" James an thaw hawk a a tih chuan "a.. ngailo ang i Patea a lo chhuak ve trep ang" a sawi zawh rual chuan Patea pawh chu a lo thleng ve nghal mai " haw phawt ang u, James a nih kan haw mai ang" tia min melh leh phawt in motor awmna lam pan chuan a pen sawn nghal a.
"Mate" thaw hak a atih leh chuan melh vang vang pah a nui luih sang in "tunah chuan Mate te min ti ve ta a, ka nihna ka hre tawh a, khatiang khan min ko kher duh suh, a zahthlak em mai" ka tih chuan mak tih hmel fe in min melh ngur a.
Patean motor horn a lo tihrik tak ah chuan kal san mai ka tum a mahse a thil sawi chu " ka tihpalh kal suh kan inah haw ang" a ti nih chu mak ka ti lutuk chu ka ding chawt " in ka neilo nangmah ngein mahni a in enkawl zir ve tawh rawh ti in in atang min chhuah tir tawh kha" ka ti ve fak " engkim ka siamtha ang m... ka rualin lo haw rawh aw" min ngaituah hmel fe in thawk hak chuan a ti a " ai ka chhuak tawh ka lo haw tawh dawnlo, min ngaituah hmel fe khan awm duh suh i in hmeh velo a nia" ti pah chuan ka kalsan hmak.
Ngawireng in inlam pan chuan pate an motor chu a khalh a , tumah pawh kan inbe lo motor ri tih loh chu a reh thiap mai, tinge keimah vang chuan an thih, enge an chungah ka tih, engmah ka hrechhuak thei bawk silo ka thaw hi a pik ngawih ngawih.
in kan luh rual rual chuan ka rilru kaptlat tu chu ka zawt ta ngei ngei a " Nute in hre ve vek em" .
"M hria e i nu ten an lo hruai haw lai che pawn kan awm ve a lawm"
"Nih enge ka tihsuala, engvang in nge keimah vangin an thih" rilru nat hmel fe a ka tih chuan thaw hak a min melh in "kum 4 mi lek i la nia, in motor leh tuna i nu te motor hi an insu a, an zin lo haw lam an nia a hmun ah i nu leh pa tak tak leh tuna i nu te fanu te ber Lily te chu an boral nghal a, Lily phei chu doctor te khan a hmel hmuh pawh an phallo Angel-i chu a in sawh na hle a. In chhungkua kha chu i in entir a hun vanga zin chhuak tur kha in lo nia.Angeli khan maw a lo har rual rual in anu leh pa bulah khan a thin kha i thin nen a inmil a zai turin a ti a i hming pawh a hria nih chu mak kan ti lutuk a tir chuan i nu te hian an duhlo a mahse ngen takte a a ngen vang leh doctor te pawn Angeli chu a dam chhuak theilo maithei a in sawhna vang hian an tih tak ah chuan an remti ve ta hram a" thaw hak chunga min lo melh in "inzai chu an kalpui ta ngei a chuan Angeli chuan a thih phah ta a nang i damchhuak a"
" Tinge min enkawl si" mittui luang zawih zawih in hnuailam bih ngur in kati chhuak sep a " fahrah dahna dah che an tum a, mahse i nu leh pa te i chan ve tho sia an enkawl zui ta che a ni" .
Ka tap chhuak hawk a awm dan tur ka hrelo ka tawt up up mai keimah zawk kha lo damchhuak lo ila tiang hi ka chungah a thleng awm silo. Engtin nge ka tih ang mi chhungkua a thihna thlen tu mai maw ka nih, engtin nge ka theih zawk, tinge Pathian pawh hian dam tura min tih bik kei ai chuan midang fanu duatlai kha nun tir zawk se, kei nu leh pa min laksak kha min lak tel ve mai tur a nia Pathian pawh hi ka dem tinge min la dam tir bik.
Nutei chuan min lo kuah thlawp in " Naute i thiamloh a nilo, i thiamloh a nilo, inthiamlo suh. Mak deuh chu maw engtin nge Angeli khan i thin kha thlak a ngai tih a hriat ni tumah khan kan hre miahlo a a lo har ruala a sawi hmasak ber kha a ni bawksia, mak kan ti lutuk a sin Pathian in i tana a ruat a ni ngei ngei ang" dam dap chuan a ti siam siam a mahse min hnem zo thlot lo, in thiamloh na hlir in ka khat zawk a ni.
Ka harh hlol a ka hawi kual chuan ka khuma ka lo mu reng tawh a ka in tap hnang a ni ngei ang, Nutei awm a ka tah vak vak kha ka hriat hnu hnun ber a ni.
Ka chau ngawih ngawih nizan thil thleng ka hriat chhuah rual rual chuan ka mittui a lo luang leh ngua nguai tawh a mahni in khawngaihna, leh hreawm tihna in min lo luah nghal a keimah vangin an damchhuak velo tih mawlh chuan ka rilru an luah.
Tualthat tu ka ni tihna mi " aiii nilo nilo nilo ka nilo accident a ni accident a ni" ka phun chhuak sep sep a mahse ka khur ru der der mai, tiang a ngaituah hi ka duhlo mahse ka ngaituah na kil khat chuan tualthat tu i ni tih min hrilh mawlh mawlh thung si " tualthat tu i ni nangmah vangin an fanu duat em em pahnih an chan a sin" zawi fiah tak hian a ti nih chu " Aiii KA NI LO KA NI LO ACCIDENT VANG A LAWM" ka au chhuak vak vak a ka tap khur hlawk hlawk bawk tualthat tu nih ka duhlo, ka duhlo hrim hrim tualthat tu nih ka duhlo ka tap vak vak a ka beng ka hup a mahse a ri nawn tluk tluK si.
Ka room kawnga in pawt hawng rawk ah chuan hawi chhuak a James chuan hlauh thawn hmel fe inmin lo pan a tawlh hnung rawk rawk in "ai tualthat tu ka nilo ka nilo" ka lo au khum chiam a "Mate" ti a min kuah thlawp pah in " i nilo" a ti nghut a "tualthat tu nih ka duhlo tumah ka that lo" ka ti tam leh tuak a " m i nilo tumah i that lo" ti a min kuah ngheh zauh pah in ka bek ah a fawp vawng vawng a.
Romance ah kan thlak daih mai dawn mi?
duh fe fe an awm chiang 