MO NEITU MALSAWMKIMA - 5 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

MO NEITU MALSAWMKIMA - 5 BY 27 SENORIA

Unread post by 27 SENORIA » March 4th, 2021, 7:47 pm

Kan headmasterin min hau hrep mai ka type lai tak arawn hmu a phone khawih tawh suh min rawn ti thut mai chu ka thlauh thelh hial ani🥴

FB_IMG_1614829750903.jpg

Chapter-5🌸

Zing khaw eng uar leh a boruak athiang tih hriat taka nizung rawn lut chu Msa pawh chuan lo hip lut vatin a chunga thil thleng thei engkim mai chu a ngaihtuah neuh neuh va, arilru chu a phirin ngaihtuahna hman thiam har ati a, lehlamah chuan khatiang khawpa ngaihdam adil hnu pawh a angaidam mai lo leh police arawn hruai thleng kher chu a thinrim ru viau na a, lehlamah chuan ama thiamloh ani tih chiang taka hria in a thil tawrh mek chu Sawmtei lam atanga thlir chuan a dik ati viau na a,amaherawh chu amihring mihrinna chuan pawm thiam mai ahar ati ani.





A Cell bang thlir chu rawn tuk ri kawrhin Police pakhat (Inspector)chu a Cell chhungah chuan alut ta nghal a.. Msa chuana thil rawn ken paper leh pen vel atang chuana thil tih tur chu alo hrechiang ru viau a, a phur lo ru viau mai ani. Police pa chu rawn khuh kharh kharhin Msa sirah chuan ading run a, "heita Cell chhunga awm hi a nuam viau lo maw, misual hi chuan in sual man hi hmu mai zel ula a tih chi dawn khawp mai" A rawn tih chuan Msa chu lo in hmer ruh ngut ngutin a ngawi ngul a. "" Hei he lehkha hi i hmu em i laka thubuai an thlunna leh fianfiahna zawng zawng anihhi, naktuk hi court hun ani a, ilo in ring dawn nia, lungngaisuh i tawn tur ang ang chu i bawh pelh bik lovang"tia nuiri put putin lehkha vel chu a en kual tir a.





Msa chuan hawrawp pakhat te mah hmuh chian pawh anei lo, a en duh zawng ani miaulo ani.Police pa vek chuan"Malsawmkima Evan speaker fapa leh mite ngaihsan rawn ... Pawngsual thubuai awrh ta daih, ain hmeh iti viau em,i pa hian ava enkawl tha che ve a"tia ngeiawm àw taka atih leh chuan Msa chu che vutin police pa chu a kawr awma tham thovin hnek a ruala abawhbet zawm nghal zat bawk. An insual hi ani ta ber mai an thawm hria chuan police duty ho chu rawn tlan lut nghal vatin Msa chu an rawn pawt hrang nghal a an Sub inspector chu athinrim kaltluang nen Msa an vawn beh chu a pum leh ahmaiah te hnekin a thinrim chhung chuan chawl lovin a sawisa a,





Msa pawh thisen nen a in chiahpiahin a puma akhawihna avanga kawm ngawih ngawihin a khuh kharh kharh a,a mit ko leh ahnarte a ka te atang chuan thisen a chhuak zawm reng bawk a.Inspector pa chuan a kawr ban siam that pah chuan "police kut thlak ngam tur inilo reng ani" A ti a, achuak zawm a.. Constable Msa vuan tu ho chu in melh hrak hrakin Msa na ti mu kawm duai leh a thisen thenkhat nena chhuat laia let reng chu an thlek leh thin a.. An zinga pakhat chu rawn tawng chuakin "engtin nge ni ang... Sir hi chu ati awmlo thin khawp mai a rui leh anih dawn kha heti ngawt hi chuan kan dah ngawt theilo" A tih chuan a thiante pawh chuan an lo thlawp ru viau na in an sawi chhuak ngam chiah lova an hotupa thinrimna hmachhawn an hlau ru vek ani.




Chhanletna adawn loh avang chuan buaipui bik ngam lovin in thurualin an chuahsan ta nghal a.. Msa chu a hmai leh a pum te a taksa vek deuh thaw chu na tia dawm reng pahsi chuan in sawn pawh ain sawn tha thei lova...a chhungte angaiin athakhlelh tum ber ani hial ang.. Athil tih vanga a tawn ni mahse Sawmtei chu ngei ve na chin leh alaka lungawilohna chin anei a.. Engtiang fa kova ngaihdam dil nge abeisei tih pawh angaihtuah thiamlo zawk.Mahni in lainatna neiin mipa biangah mittui a luang chhuak ta hial a, atan engti kawng maha kawnga en tawh loh tur zia ahriat chian phei chuan a beidawng leh zual ani..





Chutiang a a awm ngawt ngawt lai chuan Sawmtei te pawh a nau mahlimite nen Hospital atanga chhuak turin an lo in buatsaih ve reng a.. Sawmtei chu alo harhchhuah atangin ala ngawi reng a, mahlimi leh Mapuia pawn tih ngaihna vak an hrelo ni ngei ang ngawi rengin an in buatsaih tawp a.. Sawmtei chu muangchanga che tuah tuahin kawngkhar lam chu a pan a, Mahlimi pawh chuan zuive vatin a banah avuan ta nghal a. "" U i tha em i kal tha thei ang maw" Tiin a zawt a, Sawmtei chuan abuk khum ringawt a. Chutah mapuia chu rawn tawng chhuak lehin "" Naktuk hi Msa rorel sakni ani dawn a kan kal ve ngei angai ngei ang"a rawn tih chuan Sawmtei chu ading dat a..




A ngaihtuahna leh suangtuahna ah chuan acheng reng mai a, apuma afa awm leh a chunga (msa)thleng tur angaihtuah chuan a beidawng ru viau bawk a... Chutah Sawmtei chu in thing harh vutin in tihhlim deuha duh ni ngei tur ani a nui sen sen a"ka tha e naktuk chu ka nghakhlel tawh lutuk Malsawmkima hian ana thei ang ber hremna ahmuh ka duh ani ka taksa a ser ahnutchhiah na zawng zawnga vang hian ana thei ang ber leh hreawm ber tuar ve turin ka duh "a ti deuh hak a. A kalzawm leh ta nghal a.. A tu amah chu tawng leh tawh lemlo chuan in lam pan chuan an kal chhuak ve ta nghal a.




Kawngtluan mai chuan an ngawi thiap a in ah chuan Pu biaka te nupa chuan lo chhawn vatin Sawmtei chu an lo buaipui nghal a.. Msa nu zawk chu rawn tawng chhuak vatin " Sawmte i dam sam si lova hahdam deuhin awm rawh aw i dam hma chu hetah in la cham reng dawn nia nitin kan in awm thina nga anuam viau ang tiraw"tiin tihhlim tum tak siin a be liam liam a. Sawmtei pawh rawn then ve sakin a lu arawn bu a.. A hmel chu hlimna hmela thlak tumina beiru fan fan bawk. Mahlimi chu phur aw taka rawn tawng chhuakin "" Nia u keipawh ka duh dan chiah ani mahse a nu ka ngaihtuah mai sia keichu ka chhoh mai angai ang, nang chu hetah lo awm hrih mai rawh i dam chian hunah ilo haw leh thei thova, hei anu leh pa hi an fel sia ka ngaih pawh angam lutuk khi lamah a nu ahah dawn sia kei tal ka han chhoh loh chuan anu ahah lutuk palh ang"tiin a u kut chu a hmehsak niap niap a..





Sawmtei pawh chuan anu chu ngaituah zawm ve nghalin lo lamah thlai thlak leh sawhthing lin a ngai chho tan dawna, hetia a fate pahnih ngawt han awm bo mai chu a ngaih a ngam bik zanlo ani, mahse anau tel lova awm ngawt lah angam chiah bawk si lo a rilru chu zep rual lovin abuai ta map mai a, chhungkaw nu ber chu rawn tawng chhuak lehin "ni e hei tuan tul ahun chho dawn a,sawmtei lah kal chhuak mai chi ila ni silo khilama inu a ngaihtuah awm mai bawk si Mahlimi thusawi chu a tha viauin ka hria nangmaha heta awm i hreh ngawtlo te chuan, chu bakah hei mapuia leh Stephena an awm dawn bawka i khua pawh ahar miah lovang" Tiin a rawn ti chhuak luai a..





Sawmtei pawh a nui ve hak nghal a"nia i thu thu ani mai , mahse Mate nangmahin motora chhuan i hreh angem i rui nasa thei sia"tiina ner sak a, mahlimi pawh a ner ve sak tho..motor rui nasa dun ve ve an nih avang hian zin vei vahhi an ngaina lemlo dun viau ani.. Mahlimi chu rawn nui hakin "mahse ka haw ngei angai sia lawm ka thi em lo turah ngai mai ang" Tia fiamthu thutak deuhsi a arawn chhan let chuan an nui hak hlawm a.. Motor ruih tawh lai leng hi chuan kawng thlangah emaw tlan liam daih ila,anih loh le puak darh vek se tihhi kan chak ber thin ani hial ang.. Motor rui mi tan lo chuan motor ruih hreawm zia hi a sawi mai theihloh tlat ani.Rei tawk fang Mahlimi haw chung chang an sawi ho hnu chuan Naktuk zinga haw mai turin thu an ti tlu a, Sawmtei tan pawh puitlin zirna leh mapuia te chhungkua a nel ve theihna tur kawng zel anih avangin Sawmtei pawh chuan hrehru taksi chuan a pawm ve thei ta a...






Zan dar 9 rik tepah chuan muturin an in mangtha liam liam a.. Sawmtei chu anau leh anu (msa nu) chuan a roomah kai lutin Mahlimi nena mutdun mai an tum avangin Anu chu an mangtha a, Sawmtei leh mahlimi chu khi vur vura mu tlangin Sawmtei chuan atih thin dan pangaia anau kuah leh hnànin a maimit ching zuita nghal a.Zanlai vel ani ang tih turah chuan Sawmtei chu thang harh thutin a mangchia a vanga a thlan chhuak dup leh a hlauhna tihreh tum chuan a thu chhuak hlawl a, boruak hipin athaw deuh kawk kawk bawk a.. A mumangah chuan A lo ngaihzawn rukve reng thin ruatpuia chu doctor lo niin a nauvei nau chhar tur alo ni a, ruatpuia chuan atirah chuan duhsak leh lawmpui ang taka langin naute ahring chhuak chiah chu a bul a chemte chuan Msa sawmtei bula lo thu reng chu a vit nghal a,






Sawmtei nau vei hlim leh che theilo tawng pawh tawng ring theilo leh au chhuak theilo chuan lo ban tang tangin a naute Ruatpuia kuta awm chu a ban tawk tawk a, Ruatpuia chu nuai uar uara naute en pah chuan "ka fapa" Tiin a chhuak zui ta daiha' a chuta tanga rawn harh chhuak hlawl kha ani. A mumang avang chuan awm nuam pawn a awm theilo a let tawn chhen a, a mumang chuan thlamuang tak pawn aawm tir theilo tui taka anau muhil chu thlek vung vungin naktuk maia ahawsan tawh dawn avangin a ngairu sa viau a, mahse anu chu a ngaihtuah lo thei bik silo mahlimi chu kuah vawng vawngin a muttha ve nghal a.






Zing khaw var chuan angaite bawkin ni eng mawi leh danglam tak chu a rawn her chhuahpui leh ta phat a, Mahlimi chuan a u tui taka muhil set set chu a kal tawh dawn avang maia kaih thawh chu ahreh ru em em a, a u chaklo leh hahdam mamawh em em mai tui taka muhil thei ahmu chu arilru taka hlim nui khi vur vur chuan kaitho lemlo chuan achhuak phei a.. Mapuia leh anu leh pate chuan lo chiau au vatin "sumo chu hetah hian ami kan lo nghah mai dawn kawmthlang kawngpuiah khuan a rem mai ang tiraw" Tiin Apa chuan alo zawt vat a. .






Mahlimi chu bu vatin "imm arem ber ang ka lo nghak mai thei ang, u sawmtei chu ka kaitho duhta lo mai hahdam amamawh sia, chuan u mapui chanchin min lo hrilh zel la a u dinhmun lo sawi zel rawh aw ka ring dawn che ania" A tih chuan Mapuia chu bu ve vatin a Air-bag chu a khai sak nghal a.. Anu leh pa chuan tawngkam tha a thlah liamin mapuia chuan sumo lo thlen thleng leh an tlan liam thleng chuan a thlir zung vawng vawng a.. Ham buai buaia in chhung alut chu anu chuan lo be vatin "ala hma hle mai mut leh te ka duh " A lo ti vat a, mapuia vek chuan "keipawh hei dar 6 pawh ala ri lo a la hma mah mah ani" Tiin anu chu a kalpel a aroom ah chuan lutin a khumah chuan a va bawk thla leh hnawk nghal ani.. A mut achhuak ve tawng khawng ni ngei tur ani alo muhil zawm ta mai a..






Anu in arawn sawi dat dat chuan a lukham sira sana a melh zeuhva dar 8 alo ri fel deih tawh a.mut kham map lova tho kang tuah tuahin a nu thingpui rawn ken chu a in zawm a. "" Luna tawk lekin ka mu anihhi"ti niap niapin Mapuia chuan a lu chu adawm vung vung a, anu chuan rawn chhuak harlo tura chahin a chhuahsan ta nghal a. Sawmtei pawh tho phang leh zi mar er er a rawn tho chhuakin anu ei siam lai chu a pui ve nghal vat a.. Anu chuan zawi sap chuan "mahlimi khan kaih thawh che kha aduh lova, tui taka i muhil thei kha alawm ve hle ani ngei ang" A rawn tih chiah chuan Sawmtei chu harh chhuak phutin Mahlimi awm lo leh a kal tuk ani tih ahre thar a, anu thusawi avangin thlah hman lovin akal tawh tih a hre zawm zat bawk.






A hnual nghal ruih a a lung aleng thar ta nghal zat bawk.. Zawi te a rawn tawng chhuakin "matei tak hi chu aw, ka ngai hle mai" A rawn ti sap a, Anu chuan lo chhang let vatin "a fel in a chuanawm khawp mai, nangpawh lungngai lo la i dam veleh i haw thei mai dawn a, damvat vat i tum dawn nia hei chaw ei ka hman a, ipa leh i u mapuia ve au ta che" A tih chuan Sawmtei chu phe vatin a va au ve lang lang a, arilru chuan chhungkaw tak tak te pawh an ang atiru in a awt ru viau bawk. Tukthuan an eiai chuan Mapuia chu rawn tawng hmasa berah tangin "vawin chu court neihhi ani tawh a pa in rawn kal ve dawn em" Ti pahin anu lam chu a melh a..






Sawmtei pawh achaw bar lai a chawl dat a, a eizawm leh mai a... Anpa ber chuan "ava rang teh thut ve ka rindan chuan karleh lam turah ka lo ngai a, mahse a rang lama tihfel zung zung kha atha tawh a a pawilo viau ang kan kal vek dawn nia" A ti nghet ve charh nghal a. Chutiang anih lai chuan Msa te lam pawh lo in buatsaihin an chuanna tur motor te an siam fel a, anchhuak hman tep tihah Msa pa chu rawn lang thutin A fapa pem khem nuai mai ahmu thut chu a meng phawk hra a.. Police thenkhat chu en kualin a chhan chu an hrilh theih ngei beiseina nen a en kuala mahse tuman an hrilh lova Hrilh tum hmel pawh an awm lo..





A fapa lam pana kal phei vatin "enge thil awmzia hi .. Hetianga kut thlak theihna dan hi a awm em ni? " Tia lungni vaklo àw tak chuan constable leh inspector awmkhawm ho chu a melh kual vek a.. Tuman chhanna an pe lo. Chutah Msa sawisa tu ber chu rawn chhuak phei vutin "keimah ka nih kha enge iva rawn in la huaisen ve, misual kutthlak chu kan hna ani" Rawn ti chhur chhurin amitmenga a rui tih hriat reng renga sen ram chu tu mai tan pawh hai chi anilo. Msa pa chuan zawldawh taka chhang letin "ka pu dan leh hrai chu keini ai in hre ngei anga mahse hetiang ang dinhmuna din tir khawp hi chuan in khawih theih ka ring biklo" A tih chuan chu sub-inspector pa chuan hnaih phei hrutin a melh rún a. "Dan chungchang i hriat loh chuan ngawi mai rawh" A ti fak a,





Msa pa chuan chhan chi a angaih tawh loha vangin angawih santa daih a. Mahse a fapa hmel a en changa mit bui leh a biang vel duh deuh churh a hmuh chuan pa hmangaihna atang chuan hmuh kan mai leh hriatloh der mai chu aharsa ve khawp ang le.. Msa chu dim baksak lo chuan Jeep-ah chuan nawr lutin an tlan liampui vawn vawn a.. A motorah chuan lutve nghalin a zuive ta nghal a.. Treasury square an thlen chuan a pawh hian an pawt chhuak a, a Hnung atang chuan an nem deuh sawk sawk bawk a, mipui tamtakin an lo hmuh chuan eng emaw sawi sep sepin an thlir zui vawng vawng a an ngaihtuahna tam ber nia lang chu mipa awm tha duhlo police in an man a ang ber... a hmel hmai khem nuaiah chuan zurui thin sual deuh a ang ber tawh.





Msa te an thleng fel deuh chiah tihin Mapuia te pawh an rawn thlengve nghal a.. Mahse sawmtei erawh ataksa chakloh em avangin Anu (msa nu) inkal aphal lova in ah hahdam turin atih avangin a awm ani. Msa chuan mapuia ahmuh chuan a meng deuh zawk a, sawmtei hmel arawn lanloh avang chuan mak atiru in hmuh ngei alo in rin avang chuan eng emaw chu angaihtuah deuh vung vung a.. Mapuia te chhungkua pawh chuan Msa an hmu chu an hrilh haiin mak an ti ve hle ni tur ani an en deuh zek zek thin a, Msa hmel hmai chhe ta vek chu a mak tih loh chi zia zang anilo ani.





Court chu tanin ukil(lawyer) chuan Malsawmkima hekna leh a in puanna Mapuia hnena a thusawi then khat te chu a rawn phawrh chhuak vek a.. Msa pa zak leh hreawm ti lutuk chu a landanah pawh ahriat vek theih a, ukil thusawi zawhah chuan Judge chuan lehkha leh Msa hekna chi tinreng a hmuh Chuan thu thlukna chu a sIam fel ta a, aw thian khurhin "finfiahna tamtak ka hmuh hnu leh amah Malsawmkima ngei pawn thiam thu sawi tur aneih loh zia ka hmih hian a tih sual ngei ani tih a ti chianga, chuvang in Kum 7 hreawm takin Jail-ah atang anga tin hei bakah pawisa fai Cheng nuai 4 a chawi bawk tur ani" A rawn ti chiah chu Msa chu a à huih vek hian ain hria a, apawnlam hriat ruau vek mai ani.





A mitsulh nghal thei, ahremna tawh em em a han ngaithla ngam hrim hrim chu pui a in tiru viau na a, Judge thuthlukna erawh ngaihthlak nuam tak ani lemlo.. court hun an zawh avangin Msa chu Police chuan an kai hrang leh nghal a, apa chuan pan hnai vatin "ms bawiha Sawmtei kha arai ania i fa apai" A tih chuan Msa chu an kalpui dawr dawr lai chuan a pen tawp chiang kher mai, apa amelh let ngawt ngawt a a hrilhhai zia a pa in ahmu rual chuan hnaih leh vatin "Sawmtei khan i Fa apai a, Mahse a taksa hi angaihtuahawm an ti a, doctor ho khan a hrisel loh zia leh ngaihtaihawm anihzia an Sawi a"a tíri chu ahre chang chang tawh a tir phata apa thusawi Sawmtei a rai i Fa apai tih thu ngawt khan a thluak chu a verh aa reng mai a, awm ngaihna reng ahre lova mahse engmah tih theih a neih loh avangin Apa chu a en let a Pa tunah chuan ani nen chuan hmelhriat loh kan ni tawh alawm inzawmna pakhat mah kan neilo, nangni pawh hian va pawh lutuk suh u an lo hmusit palh ang cheu"Tia msa'n a pa ahrilh let chuan aPa chu angawi dawt a chu veleh police ho chuan an kai leh dawr dawr a.






Msa chu Station lama an phurh chhuah dawn chuan Mapuia chhungte leh apa dinna lam rawn hawi letin a mittui tla chu ahru zeuhva.. "Pa ka nu lo enkawl tha rawh aw ngaihdam min lo dilsak bawk la.. Chuan mapuia engkim avang hian ka tihpalh ani e, Sawmtei lo enkawl la a rilru natna tur engmah atawn tawh loh nan keiang mipa lakah hian ilo venghim dawn nia, ka tihpalh lutuk" Tiin arawn au chhuak sup a.. An tlan liam ta nghal a.. Msa pa chuan zah hmel takin Pu biaka te chhungkaw lam chu amelh a.. "Pu biak Sawmtei chu enge a an tawh a, rawn kan chu kan duh thin a mahse min hmuh duh kan ring bawk silo, " A tih chuan pu biaka chuan lo chhang let vatin "aa a ziaawm tia sawi tur chu ani chiah lova nimin khan amah leh amah alo in tina leh bawk si nen" Tia achhan let chuan Msa pa chu rawn meng deuh zawkin a rawn din hnaih suta.






"Enga tinge, ava zia love tunah a tha tawh em? " A rawn tih leh chuan pu biaka chu a lo thaw deuh hluai a.. "Aa a zia ve zel turah chuan kan ngai a, amah chauhvin kan kalsan bawk nen kan va haw tawh ange" A tih chuan Msa pa chu abu ve sulh a, anin vai liam ve ta nghal a.Mapuia ten in an thlen chuan Sawmtei chuan alo hmuak vat a, "pa enge chanchin? " Tiin hriat chakru tawh si mahse zamru ve tak chungsi chuan alo zawt nghal vat a. Mapuia leh anu hmel hlim vur mai ahmuh chuan a tha lam ani tih a hrethiam nghal a, mahse Judge berin a thuthlukna ani a hriat chak zawk. Anu chu rawn tawng chhuak nghal vatin "" Sawmte Msa chu kum 7 a tang dawn anih chu, "a tih chuan Sawmtei chu a phawk hra nghala, mak ati tih a hmelah chuan alang vawn vawn nghal thei ..






Alawm leh lawm loh pawh ain hrethiam lo, mapuia chu ngawi rengin aroomah chuan alut nghal a.. Apa chu ngui hmel em em a rawn tawng chhuakin " Msa chu lehlam takah chuan ka lainat ru hle mai, khatiang ang dinhmun anih tawh hnu ah pawh anu leh pa ahmangaihna leh Sawmtei laka ain thiamlohzia hria a bawiha hnena athu chah te kha a puitling ka ti khawp mai, kum 7 a tang dawn ta mai si a.. "A rawn ti zawi sup a.. Tumah reng chu an tawng zawm tawh lo an ngawi thiap mai ani.. Sawmtei chu akal hrang daih a Mapuia room ah chuan lutin Mapuia tukverh bula lo thu ngawi rún mai ahmuh chuan apan hnai a..





Court atanga arawn haw atang a awmdan chu a mak ati ru zek bawk. " U mapuia i tha em? ilo haw atang i awmdan hi amak lutuk a"tiin a sirah chuan ading a.. Mapuia chuan melh chho vutin anuih let suk a.. "Lo thu ve rawh Sawmte thil dang daih ka lo ngaihtuah a, " A tih chuan Sawmtei chu in sum hman lovin "Msa chanchin ani tiraw" A ti vat nghal a. Mapuia chu meng deuh zawkin Sawmtei chu a en zawk a, angaihtuahna a hre thei chu mak a tiru viau na in a risk dik ni-ah te angai leh hnuhnawh mai a, alu thingin "ai ngaihtuah lo" A ti sulh a, Sawmtei chu ner sakin a dawtsawi thiamlohzia ahmuh chuan a nuih te hial ati za a, athian tha ber mai a dinhmun a hriatpui si avanga lungngai ru ani tiha hrethiam vek tho.




Sawmtei chu thaw deuh hluaia abula thu thla in "u mapui dawtsawi i thiam lo e mai, i thianpa i ngaihtuah tih i hmelah alang reng alawm , min huat phah em ka tawrh tirna hi a awm lo iti em?" Atih chuan Mapuia chu rawn hawi chhuak vutin Sawmtei chu a en a" Teuhlo mai chutiangin ka ngailo aaa zeplo chuan ni e Thiana chu ka ngaihtuah ve alawm a mah lo ang takin a chalchan zia min hmuh a, nanghi lo enkawl tur che in leh natna i tawn tawh lo nana venghim tur che in min chah nge nge asin, kalo hriat thin Msa akha anilo ka lo hrechiang viau emaw ka ti a, mahse a thian tha ber pawh hian ka lo hrechiang reng reng lo anihhi.. Mipa ho leh nung ho ve taka ka lo ngaihna kha ka ti sual ani mi ropui tak alo ni reng zawk a..





Mahse i rilru tih hnual ka tum vanga sawi ka nilo ania aw"tiin Sawmtei darah chuan a beng thek thek a.. Sawmtei pawh chuan hrethiam takin "ka hrethiam alawm thiante hi chu engdang zawng ai hian an hlu chawk thin ania, keipawh ka ni fo ania" Tiin pangai takin achhang let a.. Sawmtei rilru ah pawh Msa chu a cheng zui vawng vawng mai a,lo ngaidam maise tih te thleng chuan asuangtuah thleng vek a.. Anupui neihna tur vel hrechhuak thutin mapuia hnenah chuan "u mapui Msa nupui tur kha? " Tiin azawt ta hlawl mai a.. Mapuia pawh chu a rawn meng awrh nghal a. "Remremi maw!! Kalo theihnghilh daih alawm a hreve tawh angem le? " Tiin a mah leh amah chu ain ngaihtuah vung vung a, sawmtei pawh chuan alo en ve reng a.





Chutah Mapuia chuan "kan call ange aw, ahriat ve ngei tawh chu ka ringa " Ti nuap nuapin a call ta nghal a. Remremi chuan Msa chanchin engmah reng alo la hre miahlo alo ni, tunlai an in biak that loh em avangin Msa call hun nghakin alo awm reng zawk a.. Mapuia'n arawn call chuan thil nihdan leh awmzia chu alo hre chauh lo niin a rilru na lutuk chu awmdan mai pawh athiam lo, mittui far zawih zawihin a ngaithla chhuak thei hram a.. Anin biak zawh chuan a kawr chu seh betin a tap ringngam bawk silo nen ka in seh ruh tún a, athinlung chu engmah hiana tidam tawh lovang tih theih khawpa na hian a awm ani,





A tawng tawh te chuan in hriat thiampui ngei ang... Nula puitling tawh chu uar takin atap hawm hawm a, A hmangaih hmasa ber leh ahnuhnung ber tura alo ruat tawh Msa ngeiin achunga athil tih leh hmeichhe dang laka alo chesual mai chu a hrethiam thei thawt lova, hriatthiam pawh aduhlo ... A rumri leh a tapri ah chuan anu chuan arawn lang vat a.. A fanu lo tap khur ngawt ngawt chu hnem pahin a pawm a, ataksa khawng thung leh khur ngut ngut chu a chul hliau hliau va.. "Mamte enge thlenga hahdam rawh " A ti dam dap a.. Remremi na ti lutuk awm ngaihna hrelo chu tap pawh atap ri thei lo a awmah chuan in hnawh tawng khawng ang mai hian a phuar bet tlat a,thawk pawh athaw tha thei tawhlo... Anu chuan ahnungah ben sak thak thakin a chul hliam hliam a, afanu awmdan chu mak tihna chiah anei.





Chutiang khawpa Remremi'n a tawrh lai chuan Mapuia te lam pawh rilru nuam lo em em chuan an thu ngawi kar a. Mapuia chu tawng hmasa tu ah tangin "Msa hi i ngaidam thei angem, atan hun chhunghi zo ta ang se la, ahmel i hmu leh duh a angem? " Tia azawh chuan sawmtei chuan amelh deuh vat a.. Mapuia thutak hmel deuh ngur a lo meng phi sap ahmuh chuan a hawisawn vat a.. "Ka hrelo le, ka tawn ang kha tu hmeichhia mah hian tawng tawh lo se ka duh a, Msa chungah hian ka thin chu arim lutuk ka duhdan phei chuan keimah ngei hian kut thlak thei ila ka duh hial a, mahse ka ti anih chuan amah ang bak ka ni dawn silo..





A chunga rorelna hi ka duhdan ani,mahse enge a chhan ka hrelo ka lainat ru deuh hlek a, amitmenga in chhirve na ka hmuh khan ka khawngaih ve ru tho, mahse ka thu ka sut let theilo, ka tawrh hi ana ve lutuk asin" Tiin a chhang let a, chhuah tumina ding kang nghal a, chu veleh mapuia chuan akutah vuanin achelh ding dat a. "" Sawmte awmlo iti viau maithei a, mahse ka thianpa hi kawg lehlamah chuan ka hre chiang ve thawkhat a.. I chunga athil tihah khan a in thiamlo ve hle tih chu ka hriatpui ani, ahun laia a sawilo erawh kha chu ati dik bik hauh lova, mahse a ma sawi ngei ka hriat chu kha zan khan a vawi khat nan zu alo in ve a, chupawh Remremi nen an in hau deuh ani awm e..





Engtin nge ka hrilhfiah ang che aw, Thiana hian remremi hi a duh takzet a remremi vang hian a nun hmalam zawng zawng a siam tha a akalsan vek bawk a, atan chuan vantirhkoh hi ani mai,a hlimzia pawh kei ngei hian ka hmuh puia , ka lawmpui thei khawp mai.. Mahse khazan ber khera nang alo tawng che kha chu Pathian ruat zawk te hi anilo maw te ka ti mai mai, "tiin atawp data Sawmtei chuan ngawi rengin alo ngaithla ve thung a. Mapuia chu rawn tawng lehin " Kan hmangaihte'n an tawngkam khat lek pawha min tihnat dan zia hi i hre ve ngei anga Thiana phei chu ala nà mi alo nive bawk nen a rilru hah leh nat chang hian fianrial emaw amah chuahva awm hi a duh thina , chungah pawh chuan Remremi chiah hian a hnem thei thin.





Ka sawi awmzia chu i hrethiam mai em,Msa tan chuan remremi tluk hi an awm tawh ngai lovang "a ti leh sap a, Sawmtei thinlung chua na zar nghal thei Msa aduh ruk vang ni lovina chunga thleng chu eng ah mah angaihsak lo anga angaih vang ani. Mapuia pawh a rawn ding chhuak leh a.. " I chunga thil thleng kha a dik miah lova Msa pawh a ti dik chuanglo hremna aphu ngei a, mahse Sawmte i naute leh apa dinhmun tur hi i ngaihtuah tel dawn nia aw apa atana misual Jail- tang hminghi i lam rik ngailo se ka duh pui vang mai che ani"ti sapin a chhuahsan ta nghal a. Sawmtei ngaihtuahna chu a sú buai chiang khawp mai a tawplama athusawi mawlh chuan ati mangang ani..





Anau paihi a lo pian huna alo seilen ve theih chuan zawhna tamtak ala zawt ngei anga chumi hun thlenga alo ngaihtuah thlen chuan a rilru chu a nuam zan biklo mahse a naute hi a dam hlen dawn em tih ahriat loh tluk zetin engmah ngaihtuah sa chiam chu aduh ta lo ani. A chhuak phei ve a anu chuan lehkha bu chhiarin apa erawh chu phone alo en a, nupa in ngeih leh in hmangaih tak an ni a, Sawmtei chuan a rilru ah apa hrechhuak in adam alai an chhungkaw hlim dan leh tuma tihbuai lova zalen leh nu leh pa hmangaihna thlazar hnuaia an awm laite chu a hrechhuak a, Mapuia te chhungkaw dinhmun chu aawt thar em em mai ani.






Anu chuan abula thu turin a lo au vat nghal a.. "I lu na vel chu enge a an tawh, i taksa lam te" Tiin a hnungah chuan a chulsak a, Sawmtei chuan nui sen sen a a kut chu vawn sakin "ka tha ve tawh lutuk min ngaihtuah lutuk suh Stephen-a hi a lo haw ala hunlo ami? " Tiin kawngkhar lam a melh zeuh va, "imm la hunlo deuh dar 3:30 ah an bang thin ahei dar 2 chauh alawm ala nih" Ti pahina sana chu amelh leh zeuhva, Sawmtei pawh chuan hrethiam takin "a nih chu ka lo hrelo va, nu eirawng bawl tan tawh ila in khawm zan ani bawk sia" A tih chuan apa zawk chu rawn tawng chhuak nghalin "ni e nu-i eirel han buatsaih tan ula keipawh ka hruai zan ania ka tlai thiang miahlo" A tih chuan Sawmtei te chu choka lamah chuan in zui lutin an che tan ta nghal a..





Msa pawh Jail runthim an tih ah chuan amah chauhvin Cell dangah a awm run mai a, pawngsual case anih vang nge a awmna Cell pawh an duhthawh khawp mai.. A banphak loh tur khawpa sangah chuan ventilation pakhat te hi a awm a, chubak eng rawn luhna tur kua pawh a awm lo.. Nimin maia an in sualna vangin ahmai leh a mit vel chu a la bui nasa viau a, aduk deuh chur bawk a.. Mahse chung zawng ai chuan anu leh Remremi chu angaihtuahna ah an awm lian zawk... anu damthat ni reng neilo fate hmangaih thin tak tan chuan a tawrh theih pawh aring lova, chulai chhanah a hmangaih em em mai leh a tana engmah a ui ngailoh engkim a tihsak thin remremi tana atawrh dan tur a ngaihtuah phei chuan a rilru hah lutuk leh na lutuk chu awm ngaihna pawh ahrelo hial a.




A hmeichhe hmangaih awm chun liau liau tana athil pek theih chu azakin mualpho na leh natna chiah a hnutchhiahna chuan a tina zual viau bawk.. Kum 7 chhunga thil thleng thei zawng zawngte angaihtuah phei chuan a mitsulh a amittui ahnàm sawk bawk.Zan 2500 vel zet a hmang liam tur chu mihring anihve na-ah chuan ahuphurh ani... Zing ni chhuakin a rawn kaihthawh chuan a awmna Cell thim tak atang chuan aharh ve hrama.. Tukthuan ei awm velah chuan a hranpa in an rawn pe a, dal leh alu kan tlawng chu an rawn pe a, aril atam tawh em avang chuan alo ei nghal buan buan a..





Chutah constable pakhat chu rawn kal in a Cell chu arawn hawng a"hmuh duh che an awm"tiin kawl chu a bun tir leh te te phawta , tichuan a hruai chhuak ta nghal a.. A thianpa Msa ahmuh rual chuan a rilru chu ahlim ve nghal suk thei a, abula Sawmteia hmu tel erawh a nuilai ti tawp dawttu ani nghal a, alawm lo tihna ni lovin a mak a tih vang zawk ani.. Mapuia chu rawn tawng chhuakin "" I tha maw,? "A rawn ti sulh a tawng tur leh sawi tur a hriat loh em vang a zawt mai ani.. Msa chu bu sapin Sawmtei khimki zeta msa hnunga ding chu a melh zeuhva Sawmtei hmel ner deuh sek sekah chuan a hmel landan hmai duk leh mit bui deuh lung chu ahrechhuak a..





"" Aa ka tha ania enge in rawn tih dawn "tiin harsa tih hmel tak chuan a zawt let a, Sawmtei chu a thlek deuh vung vunga Sawmtei pawh chuan lo en letve nghalin Msa mitmeng nunglo zet leh a mitmeng atanga thupha chawi mawlh mawlhna rawn lang chhuak chu hmuh loh der aharsa khawp mai.. Chu ai zawng chuana landan hliam na tak chuan Sawmtei rilru chu tinem in khawngaihna leh lainatna aneihtir thei ta hial a.Police in an sawisa tih a hrethiam nghal vek bawk mahse a pem nasat em avang chuan chuti em ema an sawisa thei chu a lo lungnih loh pui ru viau na a sawi chhuah erawh atum lem lo..





Mapuia nen an in biakna chu lo ngaithla in a khat tawkin an mit chu a in tawng leh thina , Msa mitmeng dul raih mai in a en chang apianga a lai deuh tlat thin leh a en rei ngam miah lo chu tihreh dan pawh ahre chuanglo, Mapuia chuan Sawmtei chu be thutin "kal ila" A rawn ti a alo phu zuk lehnghal.. Enge Msa a nen khan an sawi pawh a hrelo... Mahse Mapuia'n a kalsawn pui dawn a Msa'n a dul zawn thep zan maia rawn thlek vung vung takah chuan a hrethiam ve nghal a, rangzeta apum dawm vatin a kawrchu atham khawm a..





Msa chuana chezia chu ngun taka lo thlirin zah hmel tak chuan a Cell lam panina kal liam ta nghal a. Sawmtei te pawh Mapuia nen Bike a in phur haw lehin Mapuia chuan in a hruai tlang lovin avah kual pui mai mai a, rilru tih thawven nan tak an hman phah ve ve a , anuam an ti dun viau bawk.. Tlangnuam View a an awm lai chuan Mapuia hmelhriat pa pakhat leh a nupui ni ngeitur nau pawm chuan Mapuia chu an rawn bia a, Sawmtei chu lo awm hrang vatin chumi te chhungkaw member pathum te leh mapuia te in biakna chu alo en reng a, amipa zawk chuan anupui kawngah vuanin an fapa chu a kut dinglamah apawm chhawk a, anupui a humdan hrim hrim ahmuh chuan a hmangaih zia atilang viau bawk..






Chutah Mapuia chuan rawn kohvin a pan ve nghal vat a.. "Heihi anihhi ka hmangaih em em chu" Tiin a thiante chu a hmelhriat tir a, Sawmtei mak ti lutuk chu Mapuia chuan ahnunga sik vatin a signalna ani tiha hrethiam nghal a.. A chibai ve nghal mai bawk a.. Thil dang dang sawia an titi luam hnu chuan an in mangtha thei ve ta a, an kalliam hnu chuan Mapuia chu rawn tawng chhuak nghalin "kut min thlak suh ang che tuna mi te kha ka thian kawm ve thinte an nia an pahnih hnih khan Msa te nen a in kawm ho vek kan ni, bialnu ka neih ve ngailoha vang hian ka mipa pui kawp mai thei turah te min ngai fiam thin a ka duh bik lo" Tiin anui tut tut a Sawmtei pawh chu khi ve sun sun nghalin a kut a lak kan tawh chu a dahthla zal zal a.





Sawmtei chu ner sukin "zep zuap che chuan kal tawh ang" Tiin a kalsan ta nghal a. Mapuia pawh nui vur vurin Sawmtei chu a um vat a, a thianten bialnu nei anga an ngai thei tawh tur chu a lawm ru viau lehnghal naupang chhia ve tak chu a ni , Sawmtei abeisei lam erawh ani hauhlo thung atan chuan a unaupa leh a thian tha ber nih mai atum tawh ani.
In an thlen chuan tumah reng an lo awm lova, Sawmtei chuan zawng kual nghalin a au va mahse tumah hmuh tur an awm lo, chutah mapuia chu anau Stephen-a chuan rawn call in a pa stroke-a a awm thut avanga hospitala an kal thu a rawn hrilh chuan phi chengin sawmtei nen chuan hospital lam pan chuan an tlan chhuak leh ta nghal a.

FB_IMG_1614829385571.jpg

A zei ve tho tiru.. Buai chung chungin ka lo dah thei a😁Chuvangin min click sak vek thei👇

Ads click thin kan tlem sawt riau mai, story kan chhiar a nih chuan story ziaktuten hahman pawisa an lo dawn ve theih nan ads i click theuh ang u aw



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)