BELONGS TO YOU - 17 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

BELONGS TO YOU - 17 By Bearr Chhakchhuak (Dreamer)

Unread post by Bearr » March 6th, 2021, 11:27 pm

CHAPTER-17🌿





" Kendra ani kha ka hrelo I ti ve ziah a,ka awih tawh miahlo ania a rawn ngaihven thin dan che ah te khan" Gloria kal liam lai ka thlir reng laiin Melissa chuan a rawn ti a nui suk chungin car ah ka luh san hmak,ani pawh a rawn lut ve mai a hospital lam panin ka tlan chhuah pui nghal





"In inkar ah eng pawh lo awm tawh mahse tun ah chuan kan pahnih kan ni tawh a,ani kha I bul hnai a awm tam turin ka duh miahlo a la duh che tih ka hre thei mai a nang in I ngaih dan chu ka hrelo a mahse min phatsan lo ang tih chu ka hria"





"Ngaihtuah vak vak suh" tih Chauhin ka chhang a,nui chungin hmalam a melh vang a ka ngaihtuah vang a ka sawi ang ah a ngai pawh ani mahna mahse a teuhlo,ka nu leh Gloria bak ka nun ah hmeichhia ngaihsak a ngaihtuah ka neilo,nei ka tum bawk hek lo





"In chung a kan tih kha..."





"I pa in min duhloh zia I hria a,buaina kan tawh a ka nat I duhloh chuan kan in kar a thleng kha sawichhuqk rihlo ang che,I pa in ka lak a a rilru put chu I hriat vek kha" tiin ka lo pawt chat vat





Gloria min rawn hmuh vang ringawt pawh in kha thil kha chu sawichhuah leh pawh ka duh tawhlo,min rawn fawh hmasak a tum tih ka hriat vangin kawngka ka hawng a ka chhuak hmak,a awm na lam ka hawn sak a ngaihsak thei ang ber in lem ka chang a ani erawh in thutak zet in a lo ngai hlu em em zel






" Ka hmangaih che,engtik ah emaw chuan ka pa hian ala hrethiam thuai mai ang lungngai miah suh aw" ka kut ah chuan a rawn dawm a beisei nei tak in min nuih sen sen bawk,a bialpa lem ka chan miau vangin ka tih ngei ngei a ngai ka ning takzet,ka phuba lak na atan a tangkai ber ani bawk si





"Lut rawh..." A hmui ah nilo a chal ah ka fawp a,chu ringawt pawh chuan ati nui thei nia! Hmeichhe ho hi hriatthiam an har takzet anih hi tih lawm an awlsam em em a thil ho te ah an lungawi lo leh mai thei bawk a






Hospital a luh fel rualin party na lam ah ka let leh a, Kendra ang a lem ka chan a ngai tawh lo bawk a ka nuam huai in ka hria,tun ah chuan khawi ah pawh ka zia diktak ka chhuah thei tawh a police an in lan loh na tawk vel in ka chet chuan engkim a dik vel zel ani mai, Gloria kha a mah chuan a haw dawnlo tih ka chiang a chuvang a let leh ka ni






Mellisa khan a in a kal turin min ngen tlat lo se chuan ka tih nat kher angailo tur ania,bak ah heng party ninawm lutuk hi a awm ang tih ngaihdan pawh ka neilo a chung ai mah chuan Glo a rawn tel ve ang tih ka ringlo hrim hrim, party na in kawt ka thlen hma deuh chuan kawng sir thuthleng a alo thu ka hmu a rilru na ang pawhin a awm lo a bawp tawi ve tak chu a ti che chhen a a hawi a hawi bawk






"Glo...haw ang tinge hetah I awm khawi ah nge I pheikhawk leh I bag?" Va pan ka tum laiin a thiannu arawn lang a chhuak ta lo chuan ka en reng





"Englo bathroom ah ka theihnghilh a,ka thu rei tawh lutuk a ka ruih pawh a reh vek tawh,nang I fim tawh ami? " Tha deuhin a chhang mai a ,nichin thil thleng te kha a hre leh tawh miahlo tih na emaw ni





"Anihchuan ka va la nge aw,min lo nghak la kan haw dawn nia" a thiannu in a kalsawn san rualin sana ka melh zeuh a dar 12 a pel fel tawh,an hostel an thlen thlengin ka zui a gate a lut ta mai lo chuan a thiannu nen chuan eng emaw sawiin an in bia a ka awm hlat tawh vangin ka hre mai theilo





A tap tih ka hriat rualin ka chhuak nghal pawp a mahse tun a ka va pan leh chuan thil a buai mai mai ang " ka hmangaih asin Katt.. Kendra hi ka hmangaih,ka hmangaih lutuk a mahse ani chuan min hriatthiam sak lo mai pawh nilo in hmeichhe dang a nei a...ih zanin a ka hmuh phei kha chuan ka na lutuk a ka puak darh vek dawn in ka hre hial asin!" a ti tawn tawn





Ka awm na hmun ah chuan ka lo in hum ruh ve nghek,keipawh in ka hmangaih zia hi hrilh hre leh thei ila ka ti takzet,mahse tun ah chuan a hun tawh rihlo,a tawrh hram hram rih angai...ka nu tan a ka in tiam tawh kha ka puitlin ngei ngei angai tlat,theih nise chuan engkim tun ah sawn ka hrilh ang, Melissa hi duhna pakhatmah ka neilo a ka duh leh hmangaih awm chhun chu ani chauh tih hi ka hrilh nawn mawlh mawlh ang





Mellisa chu ka hmanrua pakhat ve mai ani a,ka tan hmanrua a nih na bak in hlut na a neilo...mahse engmah hi ka sawichhuah a rem rihlo..ka in puan avang a engkim a tawp a phuba ka lak theihloh ai chuan ka ngawih rih hi a tha zawk, hostel ah chuan an lut a






"Ka hmangaih lutuk che,tuar hram rawh ka tan...a hun ah engkim ka hrilh che anga min ngaihdam theih nan engpawh tih ngai se ka ti mai ang,ka nu tan a ka tum ka hlawhtlin theih nan lo tuar leh hram la Glo..." Ka car ke chu ka pet pawp pawp "mipa nep tak ka ni, shallaa!!!"



____________________________________

★ Gloria POV ★




"Hey I tha maw?" Lu rit bur in ka tho a,ka lu na lutuk chu ka dawm vawng vawng,zu rim ka la nam huqm huam bawk sia zingkar fresh lo ber avan ni Chiang tak em! "Kha in rawh I harh deuh mai ang" juice in tur min rawn pe a,ka pum te hi a nuam lo





"Ka lawm e,engtinmah I awm ve miahlo ami? Keichu ka nuam lo kual chhuak vek" juice chu ka in pah a Katty chuan ka in khat vang a tiang a awm hi ka nih thu min hrilh a,ka juice in lai phuh thawt thei khawp in nizan thil thleng te ka ngaihtuah let mawlh mawlh





"Tinge a tuilo ami a?" Katty'n ka phuh chhuah ho hruk pahin atih chuan ka khabe a luang te chu ka tuai puat a ka zah thar leh thinrim thar thut vangin bathroom ah ka tlan lut nghal,ka taksa te chu darthlalang ah ka in en a engmah khawih na hnu hma ka hmuh loh vangin ka thaw huai





Ka inbual sawk sawk a college kal pahin thil ka ei tawp,rin loh deuhin Rinkima a rawn lang ta hlawl,kan au thawt hlawm hmeichhe ho chu..a la na viau emaw kan tia a rawn lang hlawl bawk nen au loh chu ahar ve viau ani,mipa ho chuan an lo welcome sap sap a, thu ho a kan ti ti pahin ka phone a kan chhungkaw thlalak hlui te chu ka en kual mai mai a Remsanga nen a kan lak te pawh a la awm vek






Kendra nen coffee kan in dun hmasak ber zan a kan lak chu ka ti lang fuh,a hmel a hliah deuh tlat lai vel te ka ngaihtuah let a,khatih lai khan a fel in a nelawm zawk tehreng nen tun ah chuan a danglam tawh,kan ti ti lai chuan security a rawn kal a gate bul ah min hmu lawk duh an awm tih min rawn hrilh





Vawiin chu Katty a thiante bul a a awm vangin mahni in ka tla kual thei,gate lam ah chuan ka phei a kha pa bawk kha..! Ka sawi awmzia chu putar Kendra huat em em kha..car bul a ding in min hmu chu lawm hmel deuh hian a nui a in huat na neilo miau chuan nuih let in ka pan phei zel





"Min hmuh duh na I nei ami ka pu?"




"Lo lut phawt la..." Car kawngkhar chu a hawng a gate lam ka hawi vang vang phawt " lungngai mah ta che reilote chauh biak che ka duh a,ka thlah leh thlap dawn che nia" atih ve tlat vangin ka zui a





Hotel changkang leh nuam zet ah min hruai in ka duh ang ang engzat pawh min order tir a tum a,mahse pahnih khat vel bak ka order duhlo ka in lak polite lam nilo in kan ram ah kan khua ah pawh ka tih dan ve reng anih vang ani





"Enge min biak duh na chu?" Thil ei pahin ka melh zauh a nui chung hian a kut in ei phawt tur chuan min hrilh a,ka thil ei min en deuh reng vang chuan nuam ka ti chiahlo





"A englo ania,I ei zo tawh bawk a kan sawi tan.mai ange class ila nei awm si" ka lo bu nghauh nghauh a ani thung chuan a thut na a siam rem sauh "zanin ah kan chhungkaw dinner min kil pui turin ka duh che a hun I nei thei angem?"





"Maw! ngati nge??" Ka chhungril hi zawh na hlir in a khat nghal ani tawp mai,tinge dinner min kil pui chu a duh teh thut a? Vawi thum vel bak kan la in hmu lo a chutah kan in pawh viau lo bawk a chuti chung chuan dinner kil pui ah min sawm ania!





"Nangmah ang rual vel hi fanu ka nei ve a,thian kawm tam lo tak ani bawk a,engtik in nge a lo hmuh che ni...thian a tan a duh che tih a sawi a a hnen a hruai tur che in min ngen cham chi a tih theih dang ka neilo I rem tih chuan ka lawm ngawt ang"





"Mahse chuti mai in engtin nge min nel theih a vawikhat chauh min la hmu awm sia,bak ah keipawh thian kawm thiam chi ka ni vaklo a min hmuh chu a duh ka ring chiahlo deuh ani ka pu,a ka tihpalh ka rawn kal theilo ang"





"Damlo natna nei ania " ka bag ak a ka tho chhuak vek tawh chu a rawn tih leh vangin kal mai lo chuan ka ding khawmuang leh " hun angah tawhlo,I khawngaih thei hram lawm ni? I duh phawt chuan ilo kal man ah pawisa tam tak ka pe ang che,thian neilo anih vang leh mi na zawng a ngainat theihloh vangin nang a lo ralkhat ngainat ngawt che pawh hi kan lawm tawh lutuk asin"






"Eng na nge a?" Ka thut na ah bawk chuan ka thu leh



"Cancer ania..." Pawi ti leh hreawm ti hmel tak hian a kut in a hmui a hup nghal vang vang



"A van pawi ve..." Tih bak sawi theih ka neilo,kan thu ngawi leh reng a



"Hun chu min neih sak thei a ngem? Reilote chauh pawh ani mai" a ti tlatsi,zan ah dar 9 thleng bak gate an hawng tawh ngai bawk silo,bak ah ka hmelhriat leh thiantha pawh nilo a tumah ka hmelhriat awm loh na a kal chu ka duhlo mahni phei chuan





"A awle a pawilo hun I neihloh pawn ka hrethiam che ania,zirlai I nia lehkha zir chu I tan a pawimawh zawk dawn tih ka hria a lawm min hrethiam dawn nia,I hun hlu tak min pek vangin ka lawm e..I kal ang hmiang kan va thlah leh dawn che nia"





"Ka pu..." Dawhkan thawhsan a a chhuah dawn laiin ka au leh "ka rawn kal dawn nia..mahse ka thian pakhat tal ka rawn hruai thei angem?" Ka tih chuan nui chungin a bu nghut a college lam pan in kan in khalh chhuak leh





Kawng ah zanin dinner hun tur leh ka kal na hmun tur te min hrilh thlap a,a nau te min rawn hruai tir a tum zet na in ka hnial ve tang tang vang chuan a aw thei hram,mahse tunge ka kalpui tak ang? Hmeichhia ai chuan mipa chu an tangkai zawk dawn a engpawh tawk thei ka nih vangin





"Kim ka lo be lawk che" college ah chuan Kima ka au a,a rawn tlan phei ve mai bawk, Zampuii bawk in Rinkima a ka au ang maiin a rawn thlek leh du du tawh!




"Nge ni a?" A rawn thlen phei rualin atih chuan thut na ka lo kawh hmuh hmasa te te a kan thut fel hnu ah




"Kim,zanin ah min chhuahpui thei angem? Ka sawi awmzia chu I hman angem?" A ang phuau vangin a dar ah ka beng chawrh




"Kan in date dawn maw?" hepa tak hi chuh! A nui vak vak ringawt enge maw a hriat chu le?




"Dawn lo,dawn lo! khawi ah emaw kal ka ngai sia mahni a kal ka duhlo deuh a "




"Kendra sawm mai la,ka kalpui che chuan min sawp ve hrep anga sin kha mihring mize thup thiam a khan" atih kher vang chuan ka nui suk,ni e tupawn Kendra chu mi in thup ani tih kan hre deuh vek tawh ang Rinkima a khawih hrep atang khan




"I ninawm! Thutak ve teh zanin ah ani lehnghal I hman dawn em?"




"Tak tak in zanin chuan inkhel en kan lo tum a,min hrethiam mai rawh,a reng reng in khawi ah nge I kal dawn? Ziri te an hman lo ami?"




"Ka sawi peihlo kal teh,I hman chuanglo" ka nam tho zawt a nui chungin min tlan san leh mai,Zualtea ka sawm leh a a hman bik silo Kima te nen inkhel en anlo tum ve tho





Muansanga leh Hruaia te ka sawm leh a an ni pawh a hu ho in inkhel en an lo tum ve bawk ka van ning tak! Rinkima thei se chuan midang sawm kual kher ngailo in ka sawm hmasa ber ang mawle,mahse ani chu hospital a rawn chhuahsan chauh sia sawm chi ani bawk silo




"Ka lo kalpui dawn che ami?" Ka dar ah a rawn vuan thut! Ka lo ngaihtuah lai tak in a rawn lan chu



"Khawi ah maw?"



"I va bo hma ve" ka chal ah chuan a rawn tuk lawlh a rawn thut thlak pahin " I kal na tur ah chuan mawle,zanin ah kalpui ngaih na I nei a ni lawm ni?"



"E aw nei e,mahse engtin nge I hriat a?"



"Kima te ho in min rawn hrilh a lawm,an hman lo vek sia an in thiamlo deuh aniang"




"Misual ho chu" ka nui chhuak hak a,an vai khan in khel en ho vek an lo tum sia an in thlahrung aniang " mahse I kal thei dawn ami? I la dam chiang kuang silo a..bak ah inkhel te chu I en ve duhlo ami?"




"Duhlo...bak ah ka club tan ten an la khel dawnlo a naktuk tukleh zan ah an khel dawn chauh a ka en pui peih lem lo,ka nak tih loh ah chuan na ka nei tawh hleinem"




"Nak ber chu a pawimawh a lawm enkawl uluk ngai ber ania,I thawk nuamlo hlek se chuan ka tal buai vek dawn a sin ka enkawl thiam dawn teuhlo che ania"




"Pawi hleinem I bul ah ka thi rup anga ni mai min enkawl theih dawnloh chuan" a ban ah ka beng pawp



"Sawi den emai a!" Rinkima chauh a theih si vang leh mipa kher a him ah ka in ngaih si vangin kan pahnih a kal tur chuan kan in be fel a







"Khawi ah nge I kal dawn?" Ka in chei ve em vangin Katty chuan ka in siam buai vel chu zawh na min lo zawt char char,keiin in siam pah bawk in ka lo chhang zel a ka chhuah dawn chuan kan dorm piah chiah a a thiante dorm ah ka kalpui leh thlap,ka haw hma loh tak thut a riak thei mai tur a in push chah turin ka hrilh





"Warden dil ka la ngai" huphurh zet in Warden office kawngka ka kik kharh kharh a,lut tur a min tih chuan thawk la te te in ka thawmhnaw te chu ka siam fel leh phawt "Warden...englo ih zanin hian ka chhuak lawk thei angem? damlo pakhat in min hmuh a duh a,ka lo haw leh vat ang ka tiam a che" a hmel a ner nghal nang vangin ka ti nghal zawt zawt





"Kal rawh" a phal pawh ka rin loh tehreng nen chutia min kal tir mai chu ka awih theilo hial zawk "kal ta che.. mahsela midang hriatloh theih ang ber turin I kal angai ang,ka chhuah tir che tih an hriat chuan ka hna tan a pawi thei ania complain awm ka duhlo bawk"





"Aw..awle ka lawm lutuk warden,a hma thei ang ber in rawn let ka tum dawn nia" tiin lawm takin office chu ka chhuahsan a kawt ah Rinkima'n min lo nghak ran tawh "taxi kan la mai tur ah ka ngai a I khalh thei ang maw?" Bike nen a nih vangin ka ti a





"Tehreng mai,khalh theilo khawp in ka na hleinem,bak ah taxi te chuan haw lam ah engtin nge ni ang? Hostel thleng phur tur che chuan an chhiar to viau ang I pawisa kha ren hle zawk rawh" seat hnung beng thak thak pahin atih chuan nui chungin ka Chuang ve mai a





Kan tlan chhung zawng chuan rilru in mahni ka in hau char char, Rinkima min biak pawh ka lo hrelo leh thin, engtin nge ka mi hriat ngai miahloh te hmu tur in ka kal ve duh ngawt le? Mahse kha tih lai khan ka pu kha ka khawngaih em atin ni "ughh a hming takngial pawh ka la hrelo zui!"




"Tu chu maw?" Rinkima'n a lo ti vat



"Kan kal na tur mi chu mawle" ka tih chuan a nui hawk hawk a "enge a?"



"A hming takngial pawh I hriatloh in ah kan leng dawn chu ania, ngaihtuah chian hian nuih a za tlat a lawm"



"Ni ve tho mai" tiin ka chhang ringawt a,ka pu te in awm na ka sawi chuan a hriat hnu ang a tih thu a sawi a,ka rin ai in kan tlan rei phian lehnghal!




Hemi hi ni in ka hria a sawi dan ania,kan tlan pel tep tihin ka sawi a,ding in ka pu a phone number min pek chu ka call a rei vaklo ah chumi in chhung atang chuan a rawn chhuak a...an in vel chu a nawm hmel tawp bawk,in a lian in a hmun vel ringawt pawh a pui takzet





Rinkima chuan ka pu rawn kal phei kan nghah lai chuan min rawn nek zauh pahin " ani saw ka hria a lawm Mr Thompson anih saw,sumdawng hausa deuh ania chuan kan College a mi pawimawh tak pakhat anih saw"




"Maw! Engtin nge ka hriatloh theih?" Ka ti thlawt, engtin nge kan college nen a in kaih hnawih mi pawimawh deuh chu ka hriatloh char char theih a? "A van zahthlak tak"




"Ho lutuk,I hrelo tih pawh a hre bik kher dawn mi?" A tih chhungin ka pu chu a rawn thleng a min chibai ve ve in in chhung lam ah chuan kan in zui lui a,mi hausa leh zahawm ani tih hria ila chuan hei ai a mawi deuh te hi ka in bel ve tur ania




Inchhung kan lut chu ka zam deuh nghal tawp, Rinkima jacket hnung ah ka kai deuh tlat bawk a Mr Thompson a nupui ani ngei ang ka nula tak mai hian min lo hmu a min lo lawm thian em em bawk,zanriah kil ho tur kan nih vang khan college atang tawhin engmah ka eilo a ka riltam ru tawh takzet





"Lo kal rawh u tah hian,in riltam tawh awm sia "dinner kil na tur aniang chu ka ti ma li a thut na min kawh hmuh ah chuan kan thu a " aw,an ni pawh an lo thleng chiah anih chu" Mr Thompson a nupui chu a kalsawn nghal a Mr Thompson chuan





"Ka nupui anihkha Deyna tiin in ko dawn nia,ka hming kha chu in hre tawh ang chu tiraw?" nui huah huah pahin atih chuan za lo deuhin ka nui ringawt,ka hre ve chiah tih hria se chuan a lawm viau lo ang





"Khawi ah nge I fanu chu?" Ka kal chhan ber hmeichhia awm na chu ka zawt ve tawp a, Mr Thompson chuan in chung lam melh pahin




"Aaa,min hrethiam dawn nia a muhil rih a a rawn harh tep tawh ang,vawiin lam ah treatment an la bawk nen a chau deuh aniang a la harh mumal lo a" atih chuan ka um aw ve mai a

IMG_20210306_232517.jpg



"Ka pa,kan rawn tlai deuh a min hrethiam dawn nia" hmanhmawh tak a hmeichhe lo kal phei ka hmuh chuan ka phawk lutuk chu ka ding zuau hman,ani hi ka pu fanu maw lo ni a?





Ani pawhin min hmu chu mak tiin a rawn kal lai pawh a ding chawt a ka rilru in Kendra rawn tel velo hram se ka ti nghal mawlh mawlh,Ka hlauh ruk ang ngeiin a rawn lang ve chiah! Ka haw nghal duh ta rum rum,nizan khan min khawih luih a tum bawk a tun ah dinner kil ho kan ngai dawn ani chiang mai!





"An ni hi I sawm ve tihna ami?" Melissa chuan min lawm loh hmel tak hian apa bul ah chuan a zawt a, Kendra chuan chapo hmel zet a ka hma zawn thuthleng lehlam ah chuan rawn thu in min melh nghal char char





"Aw,I lawm lo em ni?" Mr Thompson an atih chuan nui chung leh nelawm thei ang ber fahran hian min nuih a lu thing chungin




"Nilo e,a lawm awm lutuk a lawm in hriatchian lehzual pah na ani mai a " Kendra bul tak ah chuan a rawn thu a a ban chu a chelh sak chat bawk,ka lo thik tawk a tlin em vangin ka hma a tui in thli sa chu ka in pawp ringawt " pa ka lawm ê, Kendra hi I pawn ve theih pawh ka lo beisei ngam lo a ka lawm takzet a ti chhunzawm zat a





Chu lek pawh chuan ka ngaihtuah na ati kal thui hle bawk,a hma khan ka pu ka zui vangin min rek in min that lo chauh kha ania Melissa nen ve thung chuan huat chu sawiloh a makpa ang maiin a leng lut vel anih hi,keiin ka zui chuan a thinrim em em a Melissa ve thung chu...




"Kendra..hei engtin nge a awm?" Melissa chuan a nghawng hnunglam chu a khawih a Kendra chuan ngawi rengin a Melissa thi awrh lai leh a kawr lo in bat kawi kual vel ni awm tak chu a siam that sak a,a siam zo chu ngeiawm leh min tih el ang hrim hian min nuih suk a Rinkima kawr ban ah nghet zet in ka tham ringawt ka nat lutuk vang ani





"Kan haw mai dawn ami? I duh dan dan ani mai" Rinkima'n atih chuan thawk la hawk chungin Kendra chu engahmah ngailo ang maiin ka melh ve kar a




"Aih,kan awm ve ang " ka ti ve hmak



"Chuan Miss Gloria,ani kha I thian nge I..."



"Ka bialpa anih hi" sawi pawh a sawi zawh hma in ka lo chhan khalh vat,a chhan pawh Kendra tih thik ve ka duh vang ani,nizan kha chuan ka rilru ka siam fel vek tawh a Kendra leh a kaih hnawih hrim hrim engmah ka ngai tawhlo anga ka theihnghilh ang ka tia mahse a har em ani




Rinkima'n rawn tawng a tum ve chiah chu a kut ah ka dawm sak a ka awmdan chu a man aniang a ngawi ve ta reng a ka bialpa ang a ka chhuah ringawt chu ka inthiam lo lek lek,chutih rualin Kendra dawhkan a akut hum ruh tung ka hmuh chuan min ti lawm ve tlat



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)