COMPLICATED CHAPTER-10 BY-SANGPUII

Episode kal lai dah luhna

Moderator: writers

C Lawmsangi
Posts: 66
Joined: February 1st, 2021, 7:58 pm

COMPLICATED CHAPTER-10 BY-SANGPUII

Unread post by C Lawmsangi » March 7th, 2021, 9:50 pm

CHAPTER-10


"Alex, Jacob-nen hian lo awm lawk ula. Benjamin-te nen hian bill-vel kan lo va pe fel ang e" Rini chuan a ti sap a, ka lu ka bu zauh.

An chhuah vek tawh hnu chuan ka chung a thil thleng te chu ka ngaihtuah a, engvang nge ka hrethiam lo! Jacob-pawh chu biak nachang ka hre chuang lo. Ka rilru a hah a, in sawi thawl na tur ka mamawh takzet!


"Jacob.." ka piah a thu ngawi ngul pa chu ka au vak ringawt.

"Na I nei ami?" Rang zet a rawn phei vut pah chuan a ti a.

"Nei love. Englo a nia, thil hrilh duh che ka nei a"

"Sawi la.." a ti sup.

"Ka thusawi hi I awih lo maithei! Mahse, thu dik tak vek ani. Tu emaw stranger-ti a ja koh mai hian min rawn be thin a, a hmel ka hmu ngai lo! Ka rilru natna tur thil pakhat a ti a, chu chu ka nunhlui min phawrh let sak ani. Mahse, chumi hnu chuan rilru nuam deuhin ka awm phah zawk. Mak tak maiin a zûn ah ka uai takzet! A hmel hmu lo mah ila ka hmangaih tih ka chiang! Ka accident- zan khan ka hmu a. Oh.. a hmel nilo in. Chuan, amah ka hnaih zawk theihna a nih beisei in a motor number-en ka tum a, chuan, ka hnung lam atangin min rawn su a" ka sawi zawh chuan ka thaw hak. A hmel tak rûn chu ka en a, eng nge a ngaihtuah tih ka hre thei lo!

"Stranger-i ti tiraw?" A ngawih vang vang hnu chuan a rawn ti sup, ka lu ka lo bu nghut.

"Keipawh min lo call-thin a, a no.pawh ka la nei" a thusawi avang chuan ka meng dawrh thei.

"Tak tak ami? Khawi maw a no.chu..."

A phone-mim entir a, a no.ka en chuan ka meng kawk! An no.a in ang!

"Amah.. amah hi alawm. Min zawn chhuah pui rawh! Ani hi ka hmangaih ani" men tiau a ka tih chuan min en mawl tawp, tih ngaihna a hriat loh hmel takzet! Zawi muang a ka hnung chul hauh hauh pahin min kuah thuak thuak.

"Ka zawng hmu dawn alawm! A tha leh vek mai ang" a ti sup! Mi a hnem thiam dan ber te pawh a ni maithei ani.


"Le.. Kan chhuak thei e.." Rini au ri lawng lawng avang chuan ka thlah nghal vat, min rawn hmu ngat se chu min sawi zawm phet a tum leh dawn! Fa nei ve uk tawh si a nghal lutuk mah mah thin.

"Ka van chhuak hma dawn ve" ka ti sep.

"I la awm duh ami? I duh chuan i awm thei tho" nghal zet a Benjamin-an a tih chuan ka melh nghek. An nupa hian eng em em nge maw an hriat a, an nghal em em le!

"Shut up!!" Ka ti chiam, an nupa chuan min nuih hawk hawk, Jacob-ka va en zauh a, a ri lovin a lo nui ve suk tho.


_________________________



"Alexandria, no.hi kan call-chhin tawp mai dawn mi?" Ka room-a kan thut lai chuan Benjamin-chuan a ti zauh, ka ngaihdan chiah chiah.

Ka lu ka bu zauh a, ani pawn call button-a hmet nghal zak bawk.

A ring-char char a, a rei tial tial, a tawp a tawp ah a rawn pick up-hram.

"Hello.." ka aw hriat than nen a in ang tal chuan a rawn ti sup! Nilo.. Rempuia aw ani?

"Hello.."

"Hello"

A tu a mah mah in kan chhan loh avang chuan a off-daih.

Engtin nge he thil hi ka chung ah a tih theih? Chuan, attlak zet in kei hi a zun ah ka uai a, huh.. a ruk tak chuan min nuih zat ngawt ang!

"Ka duh lo" ka ti chhuak sep!

"I hriat ngai ami?" Jacob-chuan a lo ti sup.

"Aw.. aih.. nilo.. hriat ka duh lo.." ka ti bah nak nak.

"Ok. I tan sawi a nawm loh chuan engmah sawi rih suh"

"Ka.. ka bialpa hlui a nia. Min bum a.. ugh.. engmah a nilo"

"Ok, ka hrethiam e."

Ka hnung a chul hauh hauh pah chuan a ti a, ka lu ka lo bu nghut bawk.


Jacob-an min haw san hnu chuan ka phone-chu phawrh in Rempuia number-chu ka hmet chhuak nghal zat.

"Hello"

"Hy, babe"

Min koh dan avang chuan ka ner nak.

"Rempui, tunah khawnge I awm?" Ka ti chang bal.

"Bangalore-ah"

"Hmuh che ka duh" ka thusawi avang a a nui suk ri chu ka hre thei.

"Engtik lai pawhin mawle, babe"

Hrep tak chuan a! Tenawm lutuk mai.

"Bye" min chhan let hma chuan ka off-nghal vat.

He mihring hian engtin nge min bum theih a, ka nun zawng zawng a tih chhiat vek theih? Amah pawh hi ka tichhe ve ngei ngei ang..



____________________________



"Jacob, ka apartment-ah I lo thleng duh lo tih i chiang maw? " ka apartment-lam pan a min thlah lai chuan ka ti sap.

Rempuia belchiang turin leh stranger-hrechhuak turin Bangalore-ah ka chhuk hnu hnawh a, Jacob-pawn min zui tur thu a sawi bawk. Kan pahnih a kan chhuk rual avang chuan ka rilru a nuam deuh bawk.


"Yea, thleng lovang. He lamah apartment-ka nei ve alawm" nuih suk pah chuan a ti a.

"Ok, zanin la la ah hian Rempuia ka hmuh nghal ang" ka tih chuan a lu a lo bu ve nghal zat. Stranger-hi kan hriatchhuah a hun tawh ani!

Engvangin nge Jacob-hi a target-ve ang le? Rempuia hi lo ni tk tak ta se, tinge kan nun hi infiam nan a hman le!

"See ya soon" ka apartment-kawt a kan thlen chuan ka ti sap.

"See you"

Hmanhmawh zet a a tlan chhuak nghal chu en in ka nui sak, ani nen hian engkim kan hrechhuak tep tawh!


Ka apartment-ah lutin hmanhmawh zetin ka inbual nghal vat. In rem fel em em ka ngaih loh avangin Rempuia chu a apartment-ah ka hmuh tur thu hrilh in ka inthlak nghal mawlh mawlh.



"Rempui"
A apartment-kawngkhar kik kerh kerh pah chuan ka ti a, rei lote hnu ah a lo hawng vat. Mahse, ka bseisei loh deuhin Sapna zawk ani, kekawr bul leh tawnzau chauh a lo inbel bawk, a bra hak pawh a rawn lang dek dek.

"Oh my God, Alexandria, hetah eng nge I rawn tih dawn a? " inla nei tu zet chuan a lo ti hliai.

"Oh your God, Sapna. Rempuia ka rawn hmj dawn a nih hi" ner sak pah chuan ka ti a.

Chutih rual chuan call-a lo lut nghal zat.

"Babe, secret room-ah khan lokal mai ta che" Rempuia chuan a rawn ti sup, ka lo nui sak thung! He room-chungchang hi Sapna-in a hre ve lo tih ka chiang! Ka rulh let nan tal pawh ka run luih khawp ang.

"Ok" call-ka hang up-nghal zat.

"Hetah Rempuia a awm lo" bul hmuk a ti tu chu en in ngeiawm zet chuan ka nuih hak.

"Secret room-ah a awm alawm. Oh, my bad! Ka sawi chhuak palh, I hre ve tawp nang" ka ti sak.

Thinrim hmel zet leh min keh bawrh bawrh chak hmel zet chuan min en a, keiin a lo nuih kher bawk. A awm ve chu care-loh hmel fe in secret room-lam chu ka pan nghal zat.

Rempuia ka hmangaihna kha bo tawh mahse he hmeichhia ai hian min duh a, min hmangaih zawk tih ka hriat vang ringawt pawh hian ka rilru a nuam, min tih nat let in ka tina thei tlat!

Room-ah lut in bookshelf-bang ami chu ka nawr tawlh a, kan secret room-a mihring ruang am pawh chu ka hmu thei.


"Rempui, i call log-ka en lawk thei ang em?" Ka luh rual chuan ka ti nghal zat.

Ka hnung a min rawn zui ve reng tu nu mit tih kham ka chak vang ringawt in ka kuah thuak bawk.

"Tinge?" A rawn ti sup.

"A pawimawh a"

"Ok, it's all yours" tih pah chuan a phone-chu min pe nghal zat. Sapna lungawi lo thaw ri leh hak thin chu ka hre thei reng.

Tunah hian a chak ang ngeiin kut min thlak se chuan Rempuia'n min chhan zawk dawn tih chu kei in ka hriat chian tluk zetin ani pawn a hrechiang! Hna ah lah ani aia thu zawk ka ni bawk nen ka chungah engmah a ti ngam lo!



____________________________________



"Jacob, Rempuia chu a nilo! " chiang tak a ka fiah vek tawh hnu a ka hriat chhuah chu stranger-hi Rempuia a nilo tih a ni miau sia ni!

"Thil mak tak ani. Kan zawng dawn tih hi a hre lawk a ni ngei ang!" Phone-kal tlang chuan a rawn ti ve sup.

"Naktuk ah pangngai zawkin kan chian peh dawn nia, muttui " a rawn ti leh sup.


"Muttui le"

Thlawhna kan chuan avang in ka chau ve deuh nen ka lo muhil nghal daih.


Zing ka harh rual chuan bathroom-ah lutin ka inti fai nghal. Ka dressing table-a puan them awm chuan ka mit a la zak.

"Vawiin ah min rawn hmu rawh" tih leh a hmun leh dar zat chu a lo in thui par a, tu tih nge tih ngaihdan ka nei nghal. Ka mi hmangaih leh thlakhlelh em em kha ani!


Hmanhmawh zetin ka insiam a, make up-na lo te in ka hmang bawk, heihi ka nih dan reng ani. Make up-ka hmang tam ngai lo, mahse, ka thlah lem lo.

Car-chu la chhuak in ka dawk chhuak nghal zawk, hmanhmawh zet in ka tlan nghal par par.

Rempuia min bumna ka hriatchhuahna hotel-chhawng chung ber ah chuan ka chho a, a boruak te chu a zangkhai takzet!

"Bawihi" hnung lam atang a lo chhuak aw avang chuan ka phu zawk.
In her ka tum chuan nghet zetin ka hnung lam atang chuan min rawn kuah a, a pangti lum ka feel-leh veng veng tawh!

"Hmuh che ka duh!" Ka ti chhuak sep.

Ka inhet rual a ka mi hmuh avang chuan ka meng kawk!

"Nangmah hi I lo ni reng a" tah nuih hak pah chuan ka ti sap, ka mi beisei loh lutuk kha ni mahse, amah a ni tih ka hriatna avang chuan ka hnar phal chuang lo!

"Tunah chuan ka kiang ah i awm thei tawh ang tiraw? Nangmah nen chauh kan awmdun tawh ang a" nuih hak pah chuan ka ti a, ni erawh a ngawi ngul thung.


"Bawihi, nang nen hian kan awm duh thei lo! " harsa tih hmel zet chuan a ti hrawk.

"Aih.. a teuh lo! Ka bulah hian I hlim dawn lo ami?" Tiin ka vin nghek.

"Bawihi, hrtiatthiam tum rawh" zaidam tak chuan a ti a, kei erawh chuan nghet zetin ka kuah nghal zat.

Khawpui a ri dur dur a, rual mal a tla sep sep bawk.

"Bawihi, nakin ah kan awmdun theih loh chhan I hre thuai mai ang, ka kalsan che a ngai ani" ti lui tih hriat zet a nuih suk pah chuan a ti a, kei erawh ka muttui a tla nghal der!


"Shit, bawihi.. tap lo teh" ka chhip a fawh vang vang pah chuan a ti a.

"Tinge? Tinge nang nen hian kan awm dun theih loh?" Ka ti khur dar dar.

"Ka tihnat nawn leh che avangin ka tihpalh" dam dap leh ril ruih a a tih te chuan ka ngaih a ti tha lo zual, he mihring hi ka chân thei lo!

"Kha mi ni khan kalsan lo che ila chuan keimah avang hrep hian I tuar miah lovang mawle, min chelh tlat lai te khan lo awm ni ila tha tur! Keimah avang a i tawrh hrep tawh hnuah pawh I bul ah ka awm thei chuang silo a! I hlimna dal tu ka nih avang hian min ngaidam miah suh aw"

Nghet zet chuan min kuah let leh a, khawpui a ri dur dur a, ruah lah chuan ka natna hrethiam ni awm fahran chuan ka mittui tlak nasat ang bawkin a rawn sur nasa ve tial tial bawk a..

"Hlim rawh aw, bawihi" tih pah a min hlag zawng a ke a pen chuan ka um zui leh zat.

"Aih.. aih.. nilo, nang hi I kal thei lo! Tih dun tur kan la ngah lutuk! Ka.. ka hmangaih che, chuvang ringawt pawh chuan kal suh" ka ti bah nawk nawk, ani pawh a thaw hrawk.


"Bawihi, i hrethiam lo ani!" A ti halh.

"Min kalsan chu I duh amaw? Sawi rawh.. Jacob Rohluzual, kei min kalsan hi I thlang takzet maw? I la inchhir dawn a nia. Mipa dang nen a kan hlim lai I hmu thei dawn nik maw?" Ring zet a au tuar tuar pah chuan ka ti a, kut a hum ruh talh talh bawk.


"Hetah lokal teh" tih leh min kaih a rual a. Hmun hul deuh kan thlen chuan paper-pakhat hi bag-te atang hian a rawn phawrh a, min melh run bawk.

"Hetah hian I zawhna zawng zawng chhanna a awm. Hei hi hria la, ka hmangaih che a, engkim hi ka hmangaih vang che a ti ka ni bawk tih hi. Engtik ah mah theihnghilh ngai suh ang che aw"tih pahin a vawikhat nan ka hmui ah chuan duhthawh zetin a fawp a, ka lo chhang let tha nangiang mai.

Bag-te atang bawk chuan lighter-hi a rawn la chhuak a, a talh alh a, ti mit leh thin. Ruah pawh a hân deuh tan tawh bawk. Chutah ka inrin loh laiin paper-chu hal in min hlat zawng chuan a pen leh pawk pawk. Zui ka tum chuan min rawn khap vat.

"Khang thuruk te kha a kan ral hma in chhiar zawk rawh" a ti sup. Min kalsan ka rin loh avang chuan paper-kang lam pan chuan ka kal vat.


"Bawihi,
We shall be together in other life maybe, this was too COMPLICATED.

Ka hmangaih vang che a ti ka ni a, min rawn zawng miah suh aw. I tan a tha tur a ka thil sawi hi zawm hram ang che.

He hna hi ka hrilh chiang ang che, ka hmel i hmu a nih chuan ka thih a ngai tihna a ni a, chuti a nih lih chuan i duh emaw duh lo emaw he hna ah hian I thawh ve a ngai bawk! He hna ah hian inrawlh ve lo la ka duh avangin kawng dik zawk ni a ka hriat chu ka thlang mai ani! Ka chungah eng thil pawh thleng se, a chhan I hriat thu emaw he hna chungchang engmah hi sawi chhuak suh ang che. Kan senior-te'n an hriat tawh che avang in kei hi i hmelhriat loh ang ah min ngai la, ka chungchang hi hre lo anh hmak in I awm dawn nia.

Ka hmangaih takzet che tih hria ang che aw!

Hlim ang che" ka chhiar zawh rual chuan paper-chu a kang ral ve nghal.

Jacob-a dinna lam chu ka en a, amah a awm tawh lo. Chumi rual chuan hotel-thlang kawngpui ah chuan accident-a thleng tih thawm a ri nghal zat! Khur ru dar dar chung chuan ka hawi tla ve vat! Ka thil hmuh avanh chuan ka tim uai thei.

Mipa pakhat chu thisen hlir a bual khah vek a awmin lei char ah chuan a mu tawp! Tunge a nih? Jacob-a em ni?






__________________________



Putea birthday-kan lawm a, ka duh ang pawn a sei thei lo!

Tihian kan ti tawp mai dawn mi? 🙄



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)