DUM-I

Episode kal lai dah luhna

Moderator: writers

Twins Mom
Posts: 159
Joined: May 12th, 2016, 7:43 am

DUM-I

Unread post by Twins Mom » May 13th, 2016, 12:13 pm

DUMI
EPISOD - 1
.
.
" Nu, school pawh ka kal duh tawhlo. School ah DUMI, Hangi te min ti zel a. Tuman min kawm ve duhlo "
.
Tap bai bai chhung chuan ka nu bul ah ka sawi thin. Ka nu hi chu a ngo a ka pa hi a hang avangin kan unau ah pawh keimah chiah hian ka chhun a ka pa chu a hmel pawh ka hmuh ve hma in a boral a ni. Mahse thlalak ah
chuan ka hmu ve tawh a, ka pa pawh kha an unau zing a hang awm chhun ve tho a nia a hmeltha ber ve thung a. Kei erawh chu ka sam akir deuh ka hang dum beh tawp a ni mai. Tarmit ka bun bawk. Ka dum bik em avang hian tahna ka tawng ngun hle mai. Khawihmun ah awm ila " Dumi, Hangdumbel, Dumtei " tih hi ka hlawh thin avangin tap in ka haw ngei ngei thin.
.
Kum 15 ka tling ve ta, mahse ka dum em avang hian deuhna ka la tawng zel a. School kal te hi ka huphurh em em zel mai ani, a chang chuan school te ka tlanbo tawp zel thin. Mahse ka nu chuan min hau phal lo, a chhan chu a fanu neih chhun tak meuh meuh ka nia. Ka unau te chu mipa ania, buaina tur an neilo. Kei erawh chu thawmhnaw pawh lei dawn ila ka dum em avangin ka hak mil tur hi kan zawng nasa thei hle.
.
School ah ka nu in sawi eng ang mahse min chheih nawmnah na chu an thulh chuanglo. Class ah pawh a hnung ber ah kei leh mipa pakhat chiah kan thu thin kan in be ngailova chuan a ni chuan min chheih ve ngailo. Biak pawh kan inbe ngailo ang tluk a ni a tul te lovah chuan kan in be ngailo. Ka hmel hi tha ve lo phei se chu he khawvel hi ka chhuahsan na a rei tawh ang.
.
Ka hming chu Angela Lawmsangpuii a nia. Ka nu hovin ka pian hlim ah atangin kan awm hova, chuan harsa lutuk chu kan ni hranlo. Ka sawi tawh ang khan ka vun rawng avang hian buaina ka tawk ziah tih mailo chu harsatna ka tawng ngailo. Ka u te pahnih erawh an ngo va khawi hmun ah pawh an luck em em zel mai ani. An farnu neih chhun hi min duat in min hmangaih em em a. Ka vun rawng avang hian min zahpui ve ngailo.
.
" Hei...Laldumte, Sawmkima hi i lo Arsi ve a law a i dum beh si a duh ve te i ring ami a. Keilo chu tumah duh a neilo. In in hmeh ve lo "
Lalnunkimi kan class a min hmusit em em tu chuan Class a kan awm lai chuan min lo deuh sawh leh vak vak a. Midang an tam si ka zak lutuk hi thla nei ila ka thlawk bo nghal daih duh in ka ring.
.
" Hei, nang kha enge i nih bik a heinu ai hian i ngo a ni mai thei e. Hmelthat lam ah chuan i tluk lova a ne pawh i tluk pha lo. A hang avang hian hmusit ngawt suh. Nangpawh kha nisa hnuai ah phei chuan i hmuh tlak bik tawp nang "
Ka bul a thu chuan alo ti let ve a. Mak ka ti hle hetia min lo chhan ve avang hian. Min hmuh sit hlawm em avang hian a nin ve deuh nge ni a dawh thei ta bik lo ania nge.
.
" Ve che chuan le, mipa ve te te si i tawng thei reuh ka ti. Chuan i bul a thu nu ai hi chuan ka hmel a tha a ka luck zawk bawk. Chuan nang a lo chhan pawh a ngailo, i enge a ni ve a i lo chan ve ngawt a "
.
" Mipa ka nih avang hian ka tawngtheilo tur tih na mi, chuan maw he nu ai hian i hmeltha tak zet em ? ( a ding a, kan class alo awm ve te ho bul ah chuan " Angela i nge Lalnunkimi hmeltha zawk han sawi teh u " a ti nghal a. Class awm ho chuan keimah min lo kawk a Lalnunkimi chu a thutpui a thiante bak in an kawklo ) Kha i lo hmu maw....nang aia hmeltha hi lo hmusit ve tawh suh ang che. I ngo avang khan i luck kher bik lo a nia "
Lalnunkimi chu en jar chung chuan Francis a chuan a tia.
.
Lalnunkimi chu a zak chuang hau loh, a ni hi chu Mihausa fanu duatsual a nia Tumah hian an khin tin ah an tin lo hrim hrim. Thian pahnih a nei a athupui te, chuan Nuni kid te an ni bawk. Makeup te an pai a an in la CK hle bawk a....Nuni zar ah a thian te pahnih Atei leh Thartei chu an in la ve em em bawk a ni.
.
" Hei.... Nangte hi i va lo nasa reuh e. He hangdumbeli hi i eng nge a nih a chu tia i lo tan ve em em a "
.
" A nasa lo zawk pawh kha ti a nih chuan kan va nasa dun awm hi tia. Ka enge a nih i hre duh tak zet maw ......ka tan a mi pawimawh ber a nih hi. I hrethiam tawh mai em "
.
Francis a chu mak ti tawk in ka en nghal vat a, engvang a khatia awm nge a nih. Biak pawh kan in be ngai si lova mak ka ti tak zet a ni.
.
Francis a pawh hi a hmeltha in aluck em em a, mahse tumah a kawm ngailo ang tluk a ni school ah chuan. A mah hi a ngo va a fresh em em mai bawk a, hmeichhe duh chi a niang kan class hian hmeichhe hovin an lo rim thin ei tur te an lo pe a. Amah ang bawk a Luck a awm ce bawk a chu nen chuan hmeichhe ho hian an bawr luih luih zel. Basket ball hi an thiam in an lar em em bawk. An sang tha dun sia an lak chuan te tak ani.
.
" Ha3.... i tan a mi pawimawh ni si ti nge in thu dun reng a in inbiak ngai siloh. Chuan maw hmeichhe in biak na ah lo inrawlh ve tawhlo la Mitha i ni mai "
Tih leh kal a rual a, a la nui vak vak zui.
.
Ka thaw huai thei a kal chu mahse ka zah avangin ka la dak chhuak ngam chuanglo.
.
" Thiannu, ti nge kha tia i ngawih reng zel a. Hangi Dumi an tih che pawn ngawi tawh suh aw... nang ni aia ka hmelthat chuan a tawk ti la a dik vek. An ni ngo avang khan i luck lo bik miahlo a nia aw "
Ka hma a thu hmeichhia pakhat thu chuan min lo ti ve nghal bawrh bawrh a.
.
" Chuan kan pahnih in inkawm ve ang aw "
A tih zawm rual chuan a kut chu min pe a keipawh chuan nui vur vur chung chuan ka kut chu ka pe ve a. Lawm thu te ka hrilh nghal a.
.
Francis a chu hmeichhe ho vin an lo bawr leh nghal avangin kan in be hman lo va ka be ngam bawk hek lova. Mahse lawm thu hrilh chu ka duh a ka ngam bawk silo.
.
Class kan bang a mahse ka tan chuan zahna bawk ka tawng leh ta. Kan school haw kawng ah chuan ka thianthar nen khan kan haw na a in an loh avangin keimah te bawk in ka kal a. Ka hnung ah chiah hian Mean girls ho an awm a, min chheih nawm nah chung in ka pawnfen te ka bag te an lo vawm a an lo khawih bawk a. Ka kal chak vat a mahse min lo um zel si ring tak tak in min chheih a ka rilru a na khawp mai. Sawmkima chu a tel ve bawk sia min chheih nan tak ah min hmang bawk a hreawm duh khawp mai.
.
In ka thlen chuan ka tap lut leh nghal a, ka nu chuan ka tah chhan chu zawh kher ngai lo vin a hrethiam nghal vek a ni. Ka room ah chuan khum ah ka bawk a ka tap nghek nghek ringawt.
.
" Bawihte, bang rawh le. Khatia i tah vak vak khan awmzia a neilo nia. Nakin ah an chheih nawmnah thin na che hi chu i hre reng zawk dawn a sin. Tun ah kum 15 vel chuah ila nia i tawrh tur chu huaisen tak in hmachhawn la, khua rei ah chuan mi ngaihsan leh mi fak i la hlawh ve em em ang. Chutih hun ah chuan hmusit tu ho kha chu an la inchhir in ngaidam an la dil leh em em ang che. Le...bazar ah kan kal a ngai nia han in thlak la kal vat ang. I nutei fanu kha kan hnen ah alo awm ve dawn a kan hmuah a ngai nia "
Ka nu chuan a thiam ang tawk in min hnem ve a. Ka thova ka nu chu ka kuah a ka tap leh a.
.
" Nu, hetiang em em min hmusit hi Isua hian a rem ti a mi. Ti nge hang deuhva min siam bik "
Tap pur chungchun ka tia.
.
" Bawihte, ka sawi tawh thin kha. Mihring hi chu Pathian in a a duh dan ang thlap a min duan / min siam ka nia. Chuan kan tawrh a phal ang bawk in kan hlim a ka lawm hi a phal asin. A chang chuan zahna tam tak kan tawng a. Mahse kha tiang kha a ni reng lo, kan tan a ruat sa ang in kan zahna leh tah na kha bo vek in hlimna leh lawmna in min thlak sak thin alawm. Tun ah ila naupang a i lo thang a nga tuman an chheih buai peih tawhlo ang che. Bawihte, kha te chu i tawrh tur ah dah tawp rawh. I pa pawn i tawrh ang hi chu a lo tuar chhuak vek tawh asin. "
Ka nu pawh a insum theilo kan nu fa in ka tap a. Min kuah a min hnem phah bawk a.
.
Bazar ah chuan kan kal chhuak nghal a, ka nutei fanu chu kan nghal nghal bawk a. Rin aia alo thlen hma avangin kan haw nghal a. In kan thlen chuan ka u te pahnih pawh an lo haw tawh a.
.
" Bawihte, vawin khan ka hmu reng che a sin. Khatiang a an ti leh che a nih chuan min hrilh tawh ang che. Khatiang mi hausa fanu a nih vang khan ti nge i hlauh vak a. Keiman ka hma chhawn tawh ang "
Kan upaber Mama chuan min ti nghal a.
.
" Khang chu theihngilh ang u, hei in unau nu thar hi han chibai ve teh u. Lalsiamthari Siampuii a nih hi "
ka nu chuan alo ti tak ah chuan ka u te nen chuan an han in chibai leh a. Eirawng te kan bawl a kan inkawm hlim leh tawh khawp mai.
.
" Bawihte, in school ah ti duh dah thin tu che an awm a mi "
U Sangpuii chuan min zawt a.
.
Min tih dan vel chu ka hrilh a a thinrim ve khawp mai. Kei aiin a u deuh va chuan kan school ah alo lut ve dawn bawk a kan class a in ang lo thung dawn a ni. Kei aiin a pawlsang deuh tih mai lo chu kan in tiat khawp mai. Ka kum phulo vin ka tang chak a nula ang chiah ka nih mai chu. Ka unau te leh ka nu te ai pawn ka lian a ni. Ka u te hi chuan ka nu an chhun a an te dun khawp mai. Ka pa hi pasang tha tak fit 6 tling a nia kei mah hian ka chhun ber a ni. Kan class ah pawh a lian fal bik ka ni thin ka thang duh em avangin
.

.
School kal pawh ka phur ve deuh ta usiampui nen kan kal rual in akan haw rual thei tawh dawn a zia hle.
.
School kan thlen chuan Mean Girls ho vin min lo en kur a min lo nuih sawh vel a. Usiampui in an mit ah tak an melh chuan hmun dang an hawi nghal hmak. Class ah ka luh dawn tep tih in kan Sir pakhat hian min lo ko va ka bag pawh dah lo chuan office lam ah chuan ka kal nghal a.
.
Ka let leh chuan ka thut na ah eng emaw ni hi an lo that bal teuh va, ka rilru na lutuk chu ka mittui alo luang nghal a. Tlan chhuah ka tum kawngka ka thleng hman tep tih in Francis chuan min lo man bet a ka kut ah min kai nghal dawr dawr a
.
" He thil hi tu tih nge ? Sawi vat ru "
A aw ki atang chuan a thinrim hle tih a hriat a, a awi ki a sang tha hle bawk.
.
Tumah an tawng tak lova an ngawi hmak a, min lo en thup bawk. Kan Mean girls ho an rawn lut chiah a class ah.
.
" Hei nangni mean girls ho kha he thil in tih avang hian in hlim phah em ? "
Tih leh an school bag chu a la lawk a ka thut na a bal kai nuai chu a hru nghal sawk sawk a. Lalnunkimi bag kher a nih vang chuan a thinrim kher mai
.
" Zawnga leh "
Nuni chuan Francis a chu a tia ring vak lo hian. Francis an alo hria nge ni Nuni chu ava pan a hnek a tum ta mai
.
" A nilo, kha tiang khan ti suh. Hmeichhia a nih kha, ngaidam thei tu nih kha a tha ber "
Ka lo ti vat a. A hnek hman teuh ther ther a sin. Nuni chuan a hlau lutuk chu a ka khawingaih let ling zawk.
.
" Hre rawh....hetiang a in tih leh tih ka hriat chuan hmeichhia e chhia lova ka sawi dawn lo nia. Ka kut tum hi in hmachhawn tawh chiang ngawt ang. In hmu em tikhawp khan in hmusit a na in tawrh a phal lo mai pawh a nilo a ngaidam thei che u hi lawm hle ang che. In hauhsak vang leh i pa MLA a nih vang khan chapo tawh ngai suh. I hria maw "
A chal a kut zung tang a kawh sawk pah chuan a tia akal sawn ta nghal a.
.
Ka hlim veng veng, a ni hi awmlo ta che ka tlan haw nal nal awm si a. Kan veng leh kan haw na kawng hi a in an loh avangin hawn hun hi ka huphurh thin. Mahse tun ah chuan haw pui tur ka pakhat ka nei a ka u kha ka huphurh na pawh a zia ta.
.
Dar a rik tak avang chuan inline tur in kan chhuak ta hlawm a, kan in line chhung zawng in Nuni te pawh chuan min ti buai ngam ta lova. Nidang chu ni se min ti buai leh reng awm sia.
.
Chhun chawlh lai in keichu Tiffin ka pai thin avangin class ah ka ei mai thin a. Ka u bulah ka va kal chhung zawk in ka tiffin ah chuan lei an lo phul leh ta. Ka rilru nat dan chu na tak a ni a chhan chu vawiin a ka tiffin pai phei hi chu ka nu in uluk tak leh tui tak a min siam ka pai a nia. Nidang ah chuan Office a kal daih thin avangin min siam sak hman vak lova keiman ka ute tiffin tur nen ka siam diam thin. .
Ka chaw chu ka ei theih tak loh vah chuan kan school dusbin ah chuan ka peih a, Francis a lo lut chuan min lo hmu hman nge ni min lo pat vat a " khawimaw " tih pah in ka tiffin chu a la lawk a a kal chhuak nghal vat a. Ka um zui nghal vat a.
.
" Francis, khawngaih tak in lo la rawh. A hing a chu vang alawm ka peih "
Amah um chung chuan ka tia, mahse ka thu sawi chu eng ah mah a ngailo a hma lam chu a pan ngat ngat a. Kan school canteen chhungah chuan a lut nghal a. Mean girls ho leh Sawmkima te thian ho chu an lo thu khawm a. Ka thil min tih sak dan chu an lo nuih pui mek a.
.
Francis a chuan an thutna lam ah chuan a pan phei a a va ding a an bul ah chuan. Nuni chu a ban ah a kai a akal pui dawr dawr a. Kan school kawt ah chuan a din tir a kan office atang lang thei chin ah chuan. Ka tiffin chu a hawng lawk a alu atang chuan an leih bua mai chu Nuni chu a țe thawt thei. School nau pang ho chuan an lo en sup sup hlawm a. Nuni chu a tap pur mai a
.
" Ti tawh lo tur in leh ti buai tawhlo tur in ka hrilh che em ? I rilru chhiat man i hmu a nih kha "
A tih hman chiah tih in Sawmkima chuan Francis chu a hmai ah arawn hek ta chawrh mai. Francis a chu a tlu a ain rin lo em avang khan, sawmkima chuan a bawh nghal rawp rawp a. Mahse a hneh lo nge ni Francis a chuan a leh thal vat a ahnek ve ta hrep hrep a. In sual lo tur chuan ka lo au vak vak bawk a, hetia keimah avang a an insual kha ka duhlo tak zet ani. School naupang hovin an en tak sup sup avang chuan kan sir te pawh an lo tlan vat a. An lo țhelh a office lam ah chuan an pahnih chuan an hruai phei nghal a.
.
Kei pawh ka usiampui in min lo buaipui vat a class ah kan kal nghal a. Keiman office a kal ka duh avangin ka u nen chuan kan phei ta vat a. Principal bul a chuan an lo awm an insual chhan chu an lo zawt mek a. Sawmkima chuan in sawi fel chu alo tum mek a. Luh ka dil a ka lut ve ta nghal.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)