SENIOR-I Chapter-12 (Hlutei Jocund pachuau)

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

SENIOR-I Chapter-12 (Hlutei Jocund pachuau)

Unread post by Hluhlutei » March 8th, 2021, 9:06 pm

LAPTOP AṬANGA KA RAWN TYPE VE ANIA, E DIT A BUAITHLAK NA IN PHONE A TYPE AI CHUAN NUAM TAK A NI RINGAWT, DUH DANG PAWN ṬAWNG THLÛK DIK KA RAWN HMANG THEI DAWN LO A, KA RAWN TYPE MAWL TAWP A, IN MI HRIATTHIAMNA KA DIL E.
5e7bf6edac7277af29e4c8b303ee5ce5.jpg

Inthlahrung ru zetin ka ṭhutna ngaiah chuan ka ṭhu thla zal zal a,ka nu chuan min en uluk ngang mai,ngawi reng chuan ka ṭhu kun ngal reng a,reilote ah kan ei tur chah pawh arawn thleng zui ve mai a,ka pa leh ka nau chu an ri nghal hlut mai,nichin thil thleng kha an hmu ve vek sia engmah an sawi bawk si lo nen ka awm an ti nuam lo takzet a ni,mahse ka nu erawh ala ngawi ngal reng a,chik zet zet a min en reng vang nge ka awm pawh anuam thei lo,ka nu hi nu fing tak, thil chhut peih leh thil te tham anga kan ngaih tepawh ngaipawimawh tlat mi hi a ni ve a,ka pa erawh a ngaih asam hle thung,chaw kan ei lai techuan ka nu chuan ka hnunglam chu a melh leh zauh ṭhin,ka ngaih ṭha lo chuan muangchangin ka hnunglam chu ka hawi ve phei zal zal a,ka rei!....Lalrammawia chuan khawdang hawi lek lo hian min lo la enkar reng anih chu, an chhuak daih tawh turah ka lo ngai a.



Ka enkar lai chuan a bula ṭhu nu chu kai tho in an chhuak ta daih a,ka enzui vang vang ringawt,ka chaw chu ban zeta ṭhialin ka hmalam ka hawi leh a, ka pa leh Matei inbiakna chu ngawi rengin ka ngaihthla kar reng ringawt. "Khapa kha i hriat zawng ami?" ka rin lawk ang ngeiin Ka nu chuan arawn ti chhuak ta nge nge a, ka thil ṭhial lai chu lem khalhin ka nu mit meng fing zetah chuan ka enkiau, "Aw..mahse kan inhre ṭha lutuk lo" Ka lo ti zawi sap ringawt, ka nau puihna ngen in ka han mit mei zauh a, "Kha pa kha chu a á deuh a" ka nau chuan alo ti chhuak hluai a, ka melh hrawk ringawt, kha aia thu awihawm deuh tekha asawi ve ka lo ring ania, "A en dan aṭang che khan dik lo a awm tlat alawm, Tleirawl hawk lak vanga buai mai mai rual pawh ini tawh lo, pasal tur zawng rual ini ve tawh,i ṭhian tepawn fa pahnih pathum an nei tawh" Ka nu chuan ati ta fak fak a, muangchanga ka chaw ṭhial chungin ka lo lem khalh khalh ringawt, "Pathian ṭih mi tak,pasal tlak zawng rawh, i kum pawh atam ve tawh a khatiang tleirawl hawk lak mai mai kha chu buaipui duh reng reng suh" ka nu chuan ati leh dap dap a,ka lo bu nghauh nghauh ringawt. "Âaaa.... nu,in zilhna hmun a ni rih lo, ka chaw ei pawh in ti tui tawh lo zo vek" Matei chuan alo ti nang nang a, kan nui leh ham ham ringawt.



LALRAMMAWIA (point of view)



Lalnunfeli chu chak zeta tlanpuiin an in zawnah chuan ka ding dat a, ka rilru hah leh buai zia hi awm ngaihna pawh ka hre lo, "Tunge khanu kha?" bike aṭanga chhuk thlak pahin arawn ti zawi sap," I hriat ve zel angai lo" ka lo ti hmak thung, henu hi ka ngaina ngai lo, ka rilru hah tih thawl nana chhuah pui mai ka ni, ka beer in vang nge ka lu lah chu ahai deuh muai muai reng leh nghal, "Kha nu vang kha mi i mood a off em em a?" nui chunga arawn tih chuan ka lu ka lo thing ringawt a, tunah chuan a rilru ka ti buaiin a awm ka ti nuam lo viau ang, beiseina ka siam sak te te a hmeichhe dang ka chhuahpui leh daih si a, min hua in min be duh lo mahse k dem hauh lo ang le.



Engmah sawi tawh lo chuan ka in khalh haw leh vat a, Senior-i te in peng ka thlen chuan ka ding dat, call tum in ka phone ka phawrh uk a, mahse a chhungte an awm lai a ni bawk nen tih buai ka duh leh ta lo, chak zet chuan kan in chu ka pan ta zawk a, In ka thleng chu common room ah ka pa alo ṭhu kur mai, in ngaihtuah muk hmel zetin a in kuangkuah hlun a,chal chuar nungin a en ngai alo en vung vung mai, ka thawm a hriat veleh chuan min rawn en vut a, "Ka lo nghak che a, lo ṭhu lawk teh" dam thlup hian arawn ti a, peih lo zetin ka pa bulah chuan ka ṭhu thla ve mai a, ka pa chuan a aw rawn thian khurh in " I insiam tawh em?" min enkar hian arawn ti, ka lu ka lo thing vat, " Ka kal dawn lo" luhlul zeta ka tih chuan ka pa chuan thawk ala deuh hawk a, ka u ka khawih vang kha nge hnawk sak ta riau in min hria aniang ram danga lehkha zir turin min ti a, ka kal dawn teuh lo mai,"I pa hi min do dal leh dawn em ni? vawi khat chauh chu ka thu awih ve la ka ti khawp mai" ati deuh sup a, in seh ruhin ka en ngai ka lo en ngar ngar thung, ka kal dawn teuh lo mai, an hauh tur ringawt pawn hetah hian ka awm ve char char dawn, ni leh lo, keimahin ka awm anga ka in chawm zo lutuk ang, ram danga kal ka hreh em em vang pawh a ni lo, ka pa thu hnial ka chak ve hrim hrim vang ani mah zawk.

"Shillong a ka mi leh sa te zing ami in i nu a hmuh thu asawi a" arawn tih chuan mak ti zetin ka pa chu ka en vut a,dawt asawi ka rin rual rualin dawt sawi hmel awm pawhin alang lo, chutah a ipte aṭang chuan engemaw hi rawn phawrh in muang chang chuan min pe a, ka en chu hmeichhe pakhat thlalak black and white hmanlai zet hi alo ni, a fiah lo in a hmel pawh chiang deuha en loh chuan a hriat mang loh, "Kha kha i nu anih kha,keipawn kum tam tak ka hmu tawh lo" arawn ti zui zauh a, ka nu thlalak chu ka en vang vang, ka hlim rual rualin ka mittui tepawh arawn hnai kuar mai, ka nu ka ngaihna azual a, kuah vawng vawng a, ka hrehawm tawrhna zawng zawnga tehi a awmah bei a hrilh ka chak takzet a ni, ka nu ka hmuh chak em em khan Shillong ah daih enge atih ang? kei min kalsan in chu lai hmunah ah chuan enge atih ang? tih thu chu ka in zawt zui mawh mawlh a, "I nu i zawn chak zia ka hriat vangin alawm lehkhazir chhuanlama kal tura ka tih che, hnawksak leh ninawm ka tih vang che a ni lo, ka fapa, ka thisen ini a, ka hmangaih che in enkawl che hi ka ning ngai reng reng lo Bawiha, lehkha ṭha takin zu zir la, i nu tan leh ka tan hlawhtling takin rawn let leh la ka duh a ni" ati dap dap a, ka hlim lutuk hi ka pa techu kuah vawng vawng mai ka duh rum rum hial a ni.

"Pa....." ka han ti ringawt ṭhin,sawi zui tur em em pawh ka hre leh chuang lo, ka hlim in ka lawm takzet a ni, thinrima kal tura min tih lai kha chuan ka nuhrawn leh ka unaupa an hlim em vangin ka pa runluih tumin nula te ka vahkual pui kha nia, ka vahkualna lamah Seniori ka la hmu zui, ka insawi fiah ngei chu angai dawn sia, min be duh angem le? tih rilru nauh nauhin hlim leh phur surhin ka room ah ka tlan chho a, ka room ka lut chu khumah mu in Seniori number chu ka hmet chhuak a, ka call nghal, ka rin lawk ang chiahin alo la duh lo ngei e, zan tlai chhia ala ni lo a, Ala mu dawn lo tih ka chiang.
*Rawn chhuak rawh, in inkawtah ka awm, irawn chhuah loh chuan ka rawn lut ang*
tiin message ka thawn zui zat a, ka bike chahbi leh helmet chu la in phur zet chuan ka chhuak zui a.


Ka rin loh lutukin an in kawtah chuan puan lian zet bat hian alo ding vang nia, eng dawt thu tak chu chhuanlam ang maw tih ngaihtuah chungin abulah chuan ka va ding a, " Lo chuang rawh, hetah chuan miin min hmu ang" ka tih chuan ner nâng hian min rawn en a, "Aih, hetah sawi rawh" Ka rin ang ngeiin alo ti hmak nia, ka tum loh deuhin ka nui chhuak huk a, "Lo chuang lawk mai la, darkar khat pawh a ni lo ang" ka tih takah chuan hreh hmel zet chuan arawn chuang ve mai a,a rawn chuang fel ta maw tih in hmanhmawh zet chuan ka inkhalh chhuak nghal, a hlau aniang ka hnung aṭang chuan min vuan ve ṭang ṭang mai, ka tlan laklawh lai chuan ka han break thut a, ṭê ṭhat pahin min rawn kuah chaih chaih mai,ka lo nuih hak takah chuan rang takin akut chu ala sawn zui leh vat a,


Rei vak lo hnu ah ka pa lodge, ka kal tuman ngei chu thlengin a veng tupa chu chahbi ka dil zui a, ka pa hrilh lo turin ka ti nghal bawk, ka pa lodge veng tupa Pu Khuma hi ka naupan lai aṭanga ka mi ngainat tak, ka pu tak tak ang mai a ka ngainat a ni a, kan in man dun tawh hle bawk, ka pa lodge awmna hi fal ṭha viau e ti lo chuan Aizawl khawpui chhung ami a tho a ni a, kal a rem in ahla lutuk lo bawk nen, mahni pawn ka kal fo, exam dawn phei chuan ka riak hial ṭhin, a fal ṭha in mahni a lehkha zirna hun thawl ka ngah phah mai bawk ah, bawlhhlawh ang maia min enna Inchhung lian tak ai saw chuan te in ṭha lutuk lo mahse nuam ka tiin ka hahdam phah daih zawk.

Kawngkhar chu hawngin Senior-i chu ka kai lut a, ngaihṭhat loh hmel zet hian alo hawikual hrak hrak thung, "Tinge hetah min hruai? ka haw leh vat angai asin" lungawi loh hmel fe hian arawn ti a, a thinrim hi chuan achal hi a chuar deuh nâng zel, heng zawng zawng hi nakinah chuan ka theihnghilh ala ngai dawn si a, class room arawn luh dawn apiangin a zam lutuk chhuanlamah atarmit lian zet kha asiam ṭha hmasa ziah ṭhin a,ka mita min en apiangin a mit meng hi a khap ngai miah lo tih te zawng zawng hi ka theihghilh ala ngai dawn si, ka nu nge ka thlan anga ka hmeichhe duh em em hi? ka rilru a buai takzet a ni.

"Min hruai haw leh vat rawh, i duh duh a i tih theih hmeichhia ka ni lo" ati zui tan tan a, huat en ah pawh ka en duh lo, zan in na na na chu ka awmpui dawn a ni tawp, "K biak che chu i hria em?" arawn ti leh a, ngaipawimawh duh lo in sofa ah chuan ka ṭhu thla a, a thinrim hmel tai hlar chu ka en vang vang ringawt, "Petrol ka nei tawh lo, i duh chuan ke in haw mai rawh" fiamthu a ka tih chuan ahmel arawn ling hlar mai, "Hmela, zaktheilo lutuk, keipawn thusawi tur k nei ve vang chauha lo chhuak ka ni tih i hria em? kha nula kha ka thik reng reng lo, ka bialpa ini lo a ini ngai bawk hek lo ang, i duh duh chu awmpui rawh, engatan mah ka ti lo" arawn ti vei tan tan a, ka nui chhuak lo hi mak ka in ti zawk, a thik zia chu tihian alang reng tho sia, chhang duh lo in ka ngawihsan ta daih a, ft 5 tling ve ṭawk ṭawk si hi aw rawl lah chu anei ṭha phian lehnghal.


"A ṭha e, min hruai haw dawn lo nih chuan ke in ka haw ve mai ang" nghet charh a tih pahin kawngkhar chu ahawng zui rak a,a chhuak ta mai, rang mangkhengin ka um zui vat a, step ah hmanhmawh zeta atlan chho lai chu han nang ching in a pum zawnah chuan ka kuah lawp a, pawm kang zui nawlhin inchhung lamah chuan hmanhmawh takin k luhpui leh nghal, min sual let lo la na in a tal ve nasa mai,kawngkhar chu kalh zuiin a ding kun lap reng chu ka en vung vung tawp, han tih lungawi dan ka thiam tawh der si lo, "Zan in bak hi ka rawn tibuai leh tawh lo ang che, engtikah mah min hmu leh tawh lo ang" ka tih ngaihna hre lo chuan ka ti ta ringawt a, rang zeta rawn hawi chhuakin zawhna mit meng hian min en ta kiau mai, "Shillong ah ka kal dawn a, ka nu zawng turin" min chhan mai loh vang chuan ka ti leh a, a mit meng buai nak chu ka hrethiam lutuk tlat, sofa ah chuan ṭhu thla in thaw ka la hawk a, ala din ngawih reng vang chuan hruai haw leh daih mai tepawh ka duh hman rum rum e a, mahse zan in chauh chu buaina engmah siam lo a ṭha taka inthlah ka duh vangin a ban rek ah chuan vuan in ka mal chunga ṭhu tur chuan ka pawt ṭhu lui ti tih a.

Hmeichhia hi chu an mak ve ngawt mai, an duh reng pawh hi duh lo ang hmak hian zu awm thiam ṭhin a mawle,a kawngah chuan kuahin a awma alungphu ri dat dat chu ka ngathla vang vang a,a rimtui reuh em em lehnghal,ka tih ang ang chuan alo dawh ve hle hle a, min duh ve zia hi ka hai loh vanga alakah pawh ngampa ṭhin ka ni reng a,"Tuna ka pa nupui hi ka nu diktak a ni lo a,keichu ka pa sawn mai ka ni, u mipa ka nei a, ani chu ka thik in ka awt thei hle,ani chuan nu hmangaihna adawng bik a, nu leh pa thlazar hnuaiah awm in duhsakna chitin rengin an vur reng a, keichu maw...kan in chhungah sawn bawlhlawh ang chauh ka ni, ka nu hi tunge ka hre lo a, a thi nge a dam pawh ka hriat lo laiin nichin khan ka pa in Shillong ah a awm thu min hrilh a, lehkha zir pahin ka zawng dawn a, dawra hmeichhia kha chu ka hmelhriat satliah mai chauh a ni, kan in karah engmah a awm lo, ka pa runluih nana ka fawrpui mai mai anih kha, engtin mah ka khawih lo" awki hniam tak mahse chiang taka ahriat theh tur chuan ka hrilh dap dap a, ka sawi zo chu a reh ta vang vang mai, pawn lama rannung chi hrang hrang hrâm leh a lungphu rí chiah ka hre thei, ka han hawi chho chu a mit meng fim kak hian min lo enkiau reng chu niin, "I thusawi chu thudik tak a nih ka ring alawm, mahse insawifiah a ngai lo ania, kan inkar ah engmah a awm loa, i duh duh chu i chhuahpui thiang alawm, engmah sawi theih ka nei lo" arawn tih chuan ka en vang vang a, kan inkara induhna awm hi a hre lo der nge a hre lo tak tak zawk? Nge ni a apawm thei lo zawk ni ang? A thusawi chuan ka rilru ti hnual rawih mahse thinrima lâk ka tum hauh lo.

"Lalrammawia a bem mêk che tih i hre lo mi?" fiamthu a ka tih chuan alo nui hak a, ka bialnu ni turin ka sawm ngai lo a, inngaizawng ti a sawi dawt theih ni si lo hian kan in hip tawn em em thung si chu nia, "Zan in chu hetah hian riak dun ang," ka tih chuan min rawn en kawk a, a duh dawn lo nasa tih ka hria, hmeichhe rilru thianghlim tak a ni a, ka rilru pawh hi aman pha kher lo ang.

Ala thianghlim tih ka hriat vangin khawihchhiat tumna ka nei hauh lo, mipa ka ni a, tunah pawh hian a vun nêl thap leh a rim tui em em te, a hmaia make-up awm lo fai sar techuan min hîp in a taksa nalhna par tlan chu ka chak lutuk tlat, mahse enge achhan ka hre lo, he hmeichhe rilru thianghlim tak leh mawl zet hian min ring tawkin min zui chhuak a, khawih chhiata a rilru tihnat ka phal teuh lo mai.


"Nang hian min duh takzet tih ka hria a,chutiang bawkin keipawhin ka duh che, mahse kan kum a in thlau lutuk, keichu kum khat avei leh chuan nula senior diktak ka ni tawh dawn a, nang chuan i ṭhat lai hun ila hmang dawn chauh, Naupangte,kan pahnih hi chuan inzawmna siam lo law law zawk ang, keichuan pasal tur Pathian ṭih mi mifel tak leh in nghahna tlak ka duh a, mahse nang chu chutiang nghah nan chuan hun arei dawn lutuk, tunah pawh ka chhungten pasal nei turin min nawr reng tawh a, kan pahnih chuan inkawp tur kan ni lo" inthlahrun hmel tak hian arawn ti sep sep a,a thusawi zet chuan min ti hnual rawih thei, mahse ka thlirna aṭang erawh chuan arem lohna ka hre ve hauh lothung, nufa rual zet tepawh an innei a, keini kan nih vanga kan theih loh bik nachhan tur ka hre ve tlat lo a ni.



"Kum techu number mai mai alawm, kan pahnih a kan in duh tawn chuan atawk" ka tih chuan thaw hak pah hian ka kut chu arawn vuan a, thinrim hmel a pu lo a, a nui lui sak, avan hmelṭha chiang tak, "Hriatthiam tum hram rawh khawngaihin" arawn ti dam dap nia, chhan ngaihna pawh hre lo chuan ka ṭhu ngawi ta reng a, mipa dang ta anih chu ka phal lo mai ni lo in ka remti thei lo a ni.


Ka ta ni se ka duh a, he hmeichhe nalh zet leh rilru thianghlim zet hi ka ta a siam a, duat taka enkawl ka chak a ni, "A nih innei mai ila" ka tih chuan atthlak tih hmel zet hian arawn nui hak a, ka insum thei lo chu a inrin hma chuan ka fawp ta thut, a che a tawp hmak mai,a biang nel thap bial kârh ah chuan vuan in duat zetin asam fai sar chu ka chul sak a, min chhanglet lo a, min dang hek lo, ka fawhna chu thlah in a chal ah chuan ka fawp zui leh vang vang a, ngawi rengin alo dawh ve mai zel bawk, a biangah chuan fawp thla zelin a nghawngah chuan ka hmai ka phum hmak a, a rimtui zet chu ka hip lut vang vang ringawt,alo ip deuh chaih chaih techuan phurna min pe nasa hle, "Engmah sawi tawh lo la, keimah chauh min ngaihtuah rawh, Mami ka ngai che, i kianga awm hi ka thlahlel takzet a ni" ka ti zui sa sa a, "Khawimaw...." tihpahin arawn tal deuh aih aih mai, naktuk mai khi ka kal hun a ni tawh si, ka rilru hrehawm zia hi min hriatpui ve se ṭha tur.


"Min thlah haw la,phone call in kan in be zawk dawn nia" dam dap hian ala rawn ti fan nia, engtia rei nge ka cham dawn ka hre si lo, Mmmmm.....ni e, henu hian min lo duh ve lo tak tak anih dawn hi tiin ka awm sawn ta hmak a, ka ṭhutna aṭang chuan tho chhuakin ka bike chahbi ka la zui vat a, min lo en ha mai, arawn tho chhuak ve vat bawk, "Kal ang" tih leh chhuah ka rual nghal, ka hnungah chuan min rawn zui ve dat dat a, ka ngaihtuahna akal thui viau nghe nghe, heti khawp hian hmeichhia ka la atchilh ngai lo, ka hmangaih tawh ni berin ka hria, ka bike ah chuan lawn in ka ti nung zui vut vut a, arawn lawn ve tharh mai.

" Anih Min lo nghak reng angem?" ka tih chuan darthlalang aṭang chuan ahmel chu ka en pah zauh a, min lo thlek deuh ha mai, "Tinge ?" arawn ti deuh ha a, "Engtikah emaw chuan i bialpa ni thei turin ka rawn let leh anga, i chhungte leh i hmelhriatte lakah min zahpui tawh lo in 'ka bialpa anih hi' ti a inchhuang taka midang bula min sawi theih hunah ka rawn let leh anga, chumi hunah chuan min hnar angai tawh lo anga, chumi hun thleng chu rinawm takin min lo nghak la" ka ti deuh duah a, darthlalang aṭanga ka en chu alo meng sen deuh ram mai, "A pawi ka ti, engmah ka tiam thei lo che a, mahse ka lo tum ang, chu hun chu thleng vat vat se ka ti" inthiamlo hmel zeta tihpahin arawn nui deuh hak a,"Hetiang ka ni hi keima thiamloh vek zawk alawm" tiin ka in khalh chhuak zui nghal a .





MAMI (point of view)


In ka thleng chu khumah chuan ka mu thla thlawp a, ka ngaihtuahna akal thui viau, Lalrammawia hi ka duh takzet a ni, hei ai hian lo piang tlai deuh ila, nih loh pawn lo piang hma zawk se ni tur, kum engzat nge ka nghah ang? kum nga (5) ni lo, kum engzat pawh ni se ka nghak thei lutuk, ka inhuam viau bawk, mahse ka chhungte leh midang bulah enge ka sawi ang? mi nghah ka nei ti dawn ila a dik awm si lo, ka rilru a buai nuaih mai,engpawh ni se ka awm dan tur chu hun in ala hril zel ang chu, Pathian kuta in nghah mai loh chu kei mi chak lo tak hian tih theih ka nei si lo alawm le, mi a ang maiin lo nghak ta ila ka nghak chhuak zo kher angemka hre bawk si lo, nghak lo dawn ta ila midang laka rilru pe nghal zung zung chi ka ni bawk si lo, haaa....ka hah, ka chau a ni, ka mut pawh a tui tawh lo, khumah techuan ka in let ka in let a, zan in chu ka tlaivar ngei dawn anih hi.




NEXT MORNING




Nizan ka tlaivar lek lek vangin luna burin ka tho chhur chhur a, ka nu in choka ah chuan ei rawng alo bawl mial mial tawh, ka nau tak ngial pawn min thawh khalh ve nia, "I riak chhuak amaw tia?" tihpahin ka nu chuan min lo en ho mai, "Nia, a ngai leh lo an tia, ka ṭhian ten min rawn thlah a ka rawn haw leh ringawt alawm" ka lo ti nghal mawlh mawlh a, engtik atang khan nge dawt sawi hi ka lo thiam em em pawh ka hre tawh lo, nizân khan ka ṭhiannu dam lo riahpui angai tiin dawt ka sawi tak e.

Dawhkan bulah chuan ṭhu in ka nu thingpui min siam tui zet chu ka in khalh khalh a, ka awm anuam lo in ka mood pawh a dik thei lo, ka nau leh ka pa chu eng engemaw sawi hian an nui har har reng a, hetiang hian chhungkua in han awm ho reng thei ila ṭha tur, ka nu leh ka pa haw hun ka huphurh takzet a ni, chutia mûk zeta ka in ngaihtuah lai chuan thawk leh khatah kawngkhar chu tu emaw hian arawn kik ta karh karh a, ka ngaihtuahna aṭangin ka harh nghal zawk,ka nau chauan "Tunge?" tih lang lang pah hian kawngkhar chu a hawng ri rak a, ngaihven tawh lo in ka thingpui in lai chu ka in zui daih, "Awihaa!....Lalrammawi" a tih ri ah chuan ka zuang lo chauh nia, rang takin ka hnunglam chu ka hawi vat a, ka rei! ... kawngkhar zawnah chuan Lalrammawia chu bag ak ṭap chung hian alo ding reng anih chu, ka lungphu asu zui dat dat a, mittla lek lo in Lalrammawia hmel vawt raih chu ka thlir tlawk tlawk ringawt, " Tunge inih a?" ka pa chuan alo ti hu a,in thing harhin ka tho zui vat.

Lalrammawia chu ka pan nghal,ka nu pawn ka hnungah min rawn zui ve tih ka hria, "Enge i rawn tih dawn?" hlauthawng ru tak chuan ka ti zawi sap a, a hmelah chuan lungngaihna hlir ka hmu thei, chutah a hnungah chuan suit dum ha palian pui pui pahnih hi a lo ding ve reng tih ka hmu ve chiah, Suitcase nen, vawiin ah a kal dawn tihna em ni ang?

"Tuna ka thil tih tur vang hian min dem thei lo ang" vawt raiha tihpahin min rawn pan hnai a, nghet zet hian ka nu leh pa leh midang hma ah chuan min kuah ta vawng vawng anih chu, ka hamhaih lutuk chu chet mai nachang pawh ka hre lo, "Ka chau lutuk, ka hah ut ut reng a, ka thi mai dawn in ka hria,ka chakna nei let leh turin ka rawn kal anih hi, phone batry low tak angin min ngai la, nang chu charger chak tak ini tihna ni mai" arawn ti zui sar sar a, awm dan tur pawh ka hre lo ka hamhaih lutuk chu ka ang huau reng ringawt, chutah muangchang chuan min thlah in thawk ala hawk a, arawn nui ta var var mai,"Tikha chuan ka chakna ka nei leh ta, ka thaw leh thei tawh e" ka dâr tawn tawna vuan chung chuan zang vah hian arawn ti leh a,

"Vawiinah maw i kal dawn?" Zâwi sapa ka tih chuan alo bu nghauh nia, engtin nge ka hriat loh theih? Ka mittui arawn tling nghâl pap a, sawi mai tûr pawh ka hre lo, ka nu leh pa hma ah kher min kuah bawk nen, ka zah rual rualin a ippik takzet tih ka hriat chian em vangin ka thinrim thei lo, ka khawngaih takzet zawk, mahse tinge ka thinzawn hi ana ut ut reng a, ka ṭah te lam lam a chhuak zawk.


"Mangṭha vek u, ka rawn ti chî aî cheu a, apawi ka ti takzet a ni" tihpahin midang ho chu a enkual a, chutah min rawn en lehin, "Ka kal aw, ka thusawi kha hre reng la" awki hniam ruih hian arawn ti a, a nui hmel phêna ahlauhna leh natna techuan min tina takzet a ni, engemaw tal tih theih nei ve ila ka ti takzet bawk.

"Ka kal aw" tihpahin min bye bye pah chuan a chhuak zui ta vut a, a kal liam chiah chu a reh zui vawng vawng nia, kawngkhar in hawng hiai chu ka en zui tlawk tlawk a,tinge ka thil hlu tak châng anga ka in ngaih tlat le?, tikhan a kal ta mai tihna em ni ang? ti tawp khan a kal tak tak amawni le?, ka hrethiam thei lo a ni,ka hmu leh angem? ka mittui atla takngial dawn, ka pa chuan a aw arawn thian kharh a, ka mittui aluangthla zui nghal, engvang nge ka hre lo, chelh ka duh a, ka kiangah awm lo mahse ka hnaih ah a awm tih tal ka hriat pawh khan ka lawm tawk asin, hei hi chu a fair lo deuh a ni, ka nuna thil thleng hi a fair hlawl lo.

Ka pa chuan ka darah chuan min rawn beng zui thak thak a, ka mumang tepawh a ang rum rum e zawk, mahse mumang atan chuan a chiang mah mah lawi si, ni e, a kal ta.... ka hmuh phak ah a awm tawh lo...ka nun aṭangin Lalrammawia chu a kal bo ta.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)