SENIOR-I Chapter-14 (Hlutei Jocund pachuau)

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

SENIOR-I Chapter-14 (Hlutei Jocund pachuau)

Unread post by Hluhlutei » March 12th, 2021, 9:32 pm

KA RAWN EDIT LEH TA LO, MUMANG NEN KA RAWN DAH NUAIH, KA TAKSA CHAK LOH A ZUAL A, TUNLAI CHU KA MUT HI A CHHUAK EM EM RENG MAI NI.
896fc488315846cd3e3280b459ff5437.jpg


U Zuala mak ti hmêl chu nui sak sak pah chuan "Enge?" Ka lo ti var a, a nui chhuak hak, "A van mak hetah enge i tih ve?" Arawn ti deuh hû a, Lalrammawia leh hmeichhia pakhat kawngkhâr lam pana an in zui chhuak lai va melh ralh pah chuan, "Hemi hawng tu hi kan ex Student a nia, nang enge i tih ve?" Pangngai thei ang ber chuan ka ti na in, kan inbiak lai ah erawh ka rilru ka pe thei lo, ka kawchhûng hi aso but but hian ka hria, "Nia....Pu Rina hi ka nu nen hian unau an nia, ka pu tihna nih chu" alo ti ve mai a, mak ka tih rual rualin a han sawi takah chuan Lalrammawia nen pawh in anna mual mual chu an nei ve riau alawm.


Party chu nuam ti lo chung chungin ka awm ve ta reng a, A khâ tâwkin kawngkhâr lianpui inhawng huau reng chu ka melh leh zauh zauh ṭhin, Midang ho chuan nuam an tiin thlâ te an han la leh rih a, kei erawh ka nghilh dup reng a, ka rilru a ka vei lian tak chuan min kam ṭûn rengin ka thil tih engmah pawh a tui thei meuh lo, U Lucy teho chuan U Zuala lah chu min chhaih laih laih reng a, a ni e ni lo e engmah ka sawi hran lo, ka nui liam ve tawp mai ni, dawhkân bawh a ka melh ngai melh a ka lo ṭhut ngawih kar lai chuan tu emaw hi ka bulah chuan arawn ṭhu thla thurh a, rang zeta ka hawi chhuak chu, Lalrammawia alo ni, ka la phu chiang em em zui, alo thlen lai âwm rêng ka hre lo.


"Ngati nge maw min hmuh apiang hian thlarau hmû ang maia i phâwk hrû reng le?" A ti nuah nuah a, ka awm dan chu amak viau anih ka ring, ka awm dân chu siam ṭha vatin ka nuih sak a, midang ho lah chuan min en duh hlawm ngang mai.


"Rin harsa ka ti êm a, Hetiang taka i hlawhtling thei hi mak ka la ti reng" thutak zeta ka tih chuan arawn nui ve suk a,kan inbiak dân leh kan awm dân teh thlâwt chu ka rinloh leh ka lo suangtuahna ang kha a ni lo lutuk chuan min tina veng veng thei, ka ṭah tepawh a chhuak rum rum zawk, mi hrang ang mai kan ni, kan inkar ah hian khi chat zau lianpui a awm tih kan hai lo ve ve bawkin ka hria.

Chutah engemaw sawi tum ni âwm taka arawn ân zuau lai chuan "Lalrammawi" arawn ti lâng lâng a, ka hnunglam ka hawi chu mipa rual amah ang rual vêl tûr hi thawveng zet hian an rawn lût ṭhap ṭhap a, "Ka va kal lawk ange, sawi tur ka la nei ania" ring vak lo a rawn tih pah chuan a kal sawn nghâl vut a, a ṭhian te lam pana a tlân phei lauh lauh chu ka enzui vawng vawmg ringawt, enge a sawi tûr chu ni ang tih ka ngaihtuah zui vang vang a, ka hriat rualin hlauhthâwnna engemaw tak ka nei tlat, Uzuala arawn ṭhu thla zui ve zat a, fiamthu te arawn thawh takah chuan ka nui ka nui leh thei tawh, "Lo a i feh hmel ngawt ai chuan hmuh i nuam alawm, ka hai ṭep che ni" ala ti ziah zui.





Dar 10 rîk dâwn ṭêp in U Lucy haw a duh ta ruai a, a fanu kum 4 Mi a kalsan bawk nen a ngaihtuah viau aniang chu, an pa hi chu a fel ve ngawt mai, tiang hunah pawh hian a chhuah tîr ve mai zel a nia, rilru khingbai zet chuan kan inzui chhuak hnak hnak a, U Zuala pawn min rawn zui ve, pawn lam chu a vawtin ka lo in ha bûl bawk nen ka bân vel chu arawn bawl nghâl ṭek ṭek mai, ruah a sûr dawn anih ka ring,
"Kha ka coat hi ha rih rawh" tihpahin Uzuala chuan a coat chuan min rawn khuh nghâl hlup a, mak ti zetin ka en ho ringawt, ani pawn kamis chiah aha tho sia, "Kan haw dawn tawh tho a, nangman ha zawk rawh" tihpaha pêk let ka tum chu alo duh ṭhak lo nia.




LALRAMMAWIA (point of view)


Zonunmawii car a alût tur chu râlkhat aṭang chuan ka thlîr zui vawng vawng a, an tlân liam chiah tih chuan ka nui chhuak hawk, ka beer hûm chu nghet zeta vuan chungin U Zuala lam chu ka pan nghâl dawr dawr a,
"Ehe...Mawia, In Miss hlui te an haw chiah" nui sûng hian Uzuala chuan alo ti nih chu, Zonunmawii'n kei aia athlan zawk mipa chu tinge kan chhûngte zing ami alo nih kher le? Uzuala te nen hian inpawh lutuk lo mahila misual ani lo tih ka hria, mahse Miss Lucyi'n "An inngaizawng ve deuhin ka hria, an inhmeh bawk sia an innei mai ang" ti a ka bula asawi sar sar laia ka nat zia kha, ka nu kha ka zawng hmu ta lo a, a hma aiin ka beidawng zual a ni, mahse Ka beiseina pakhat Zonunmawii'n nghâkhlel takin min lo nghâk tih ka hriat avâng khan rim takin lehkha ka zir a, beiseina chhetê neiin atân liau liau a rawn lêt ka ni asin, mipa dang min lo kawpsan tih chu hria ila Mizoramah hian ka lêt leh tawh ngai lo ang, Uzuala chuan a hriat miah loh laiin ka pawi a sawi reng chu ni sia, amah pawh hi ka haw zo vek tawh.

"Kha hmeichhia kha tina ngai suh ang che" chang faka tihpahin inchhûng lam pan chuan ka kal phei hlawk hlawk a, ka beer cane ruak chu bawlhhlawh bawmah ka paih zui chawrh bawk, ka thil in vâng kha ka sa hulh hulh reng a, "An pahnih khân an thleng thui tawh angem?"
Tih te ka ngaihtuah phei chuan ka â mai dawn in ka hria, party hnêawm zet aṭang chuan chhuakin car chuan Zonunmawiin te in lam chu ka pan vut a.




Ka tlân chak ang reng bawk a, ka thleng hma kher mai, thinrim zetin kawngkhâr chu ka beng dawt dawt a,ka lo rui tawh bawk nen ka sa hulh hulh mai, ruah mal arawn far zui fap fap a, kâwl a phe nasa hlê bawk, ruah mal lah chu a lian ṭha hlawm ngang mai, thlî erawh thaw lo mahse khawpui ri dur dur chuan min ti hmanhmawh hlê, arawn hawng lawk lo lenghâl.

"Ka rawn hawng" tihpahin chhûnglam aṭang chuan pên thlep thlep rî ka hre zui a, chutah kawngkhâr chu Zonunmawii chuan arawn hawng zui rak a, ka hmêl a hmu chu thlarau hmu ang maiin a phâwk leh hrâ tawh nia, t shirt lian tak hnuai ah kekawr bûl chhîng zet hi a ha a, a inbual zo hlim a niang a rim a tuiin a sam huh hlap chu a far fap fap bawk, chu zawng ai chuan, a mal vâr nalh zet mawlh mai chu ni.

"E...enge ilo tih dawn a?" Arawn ti bah niai a, ka thinrim bawk nen ka sawi tûr hre lo chuan ka en tlawk tlawk reng a, chutah a zak deuh a niang a towel ken lai chu a bih ta sat sat a, chutih lai tak chuan ruah namên lo in a rawn tla zui nghâl, "Lo lût rawh, i huh vek ang" tihpahin inchhûnglam chu min pansan leh ta daih a, keipawh ngawi rengin ka lût ve mai,

"A vawt reuh sia thil sa i in duh em? Thing emaw coffee emaw?"

"Hetah hian chutiang in tura lo kal ka ni lo" awki hniam ruiha ka tih chuan inthiam lo hmêl zet hian a chil alem khalh a, "Anih chuan ṭhu la" inthlahrun hmêl tak hian arawn ti zui leh sap a, hetianga inthiamlo hmêl taka a awm hian ka haw takzet a , ka na hlê bawk, Ka ngaih ang leh ka beisei ang alo ni lo lutuk chu ka inchhîr hlê a, mahse awmzia a awm tawh lo tih erawh ka hrechiang hle thung.


"Ka rawn lêt leh hi i hlim vak lo tiraw?" Ala ṭhut veloh vâng chuan rum zetin ka melh chho a, a kut chu lo sik niap niap in min en zak zak mai,
"Tinge chutiang te i sawi a?" Zâwi zet hian arawn ti a, ka tum loh deuhin ka nui hak, a ban rêkah chuan vuan in ka bulah chuan ka pawt ṭhu hnawk a, min hlau hmêl apu lek lek in ka hria, min enkiau reng lehnghâl, a mit meng lian ṭha zetah chuan en in,

"Kha pa kha kei aia aṭhatna pakhat tal min hrilh thei angem?" Ka tih chuan phâwk fê hian min rawn en a, ni tak e, bialpa a nei tih ka hria tih a hre lo tak alawm, mak ti âwm pawh a ni reng a ni, mi pangngai a nih chuan a inthiamlo ve viau ang le.

"Tu maw? Tunge i sawi chu?" Chal chuar deuh nang hian arawn ti niah niah a, ka chhâng peih tawh lo, hriat loh der a tum emaw ni, "Tunge i sawi chu?" Arawn ti leh a, "I bialpa kha mawle" ka lo ti vat, chutah thâwk la hakin min rawn en vamg vang a, "Mipa ka biak leh ka kawm apiang tehi ka bialpa an ni tihna mi? ngati nge mi zawng zawng hian ka lan dan aṭang hian ka nihna tûr an teh nghâl vek zel le? Nangpawh i bâng lo" thinrim zet arawn ti tan tan a, a thinrim hmêl ling hlar chu ka en vang vang ringawt, a nih chuan a awm zia chu a bialpa a ni lo tihna mawni le? Mahse engtin nge ka rin theih ang?

"I bialpa a ni lo maw Uzuala kha?" Ka tih chuan min chhâng tawh lo in lehlam a hawi ta hmak a, a titau tih ka hrethiam mai, ka tum loh deuh chuan ka nui chhuak huk a, Â ka in ti ngei mai, helaia thinrim engphiara kal kha second hnih thum hnu ah ka nui leh vur vur chu ni sia, ka bula titau mêk nu sam huh hlapah chuan ka va chûl sak a, a darah vuana duat zeta ka lama ka kuai her chu alo tûm bâr mai,

"Haw rawh, i hmel hmuh pawh ka duh lo, Nangpawn kawppui i nei tho a, kei hi sin thinrim zawk tur" min hnungchhawn chung chuan arawn ti leh hlak hlak a, ka thin pawh a rim lo, ka nuih aza tlat anih chu, ka nuih vaih chuan a thinrim zual dawn si, chutah tho in "Ni e, min hmu châk lo a nih chuan ka haw leh mai ange" Nuih za insûm zet chuan ka ti a, kawngkhâr lam ka pan nghâl, Ka va leh hawi zauh a, alo la ṭhu rân mai.


"Engkim vâng hian ka tihpalh takzet a ni, rei tak ka in nghah tîr hnu ah che ka tina che a, a pawi ka ti takzet a ni" amah enkara ka tih chuan rawn hawi chhuakin a mitmeng lian zet chuan min rawn enkar a, chutah rawn ding chhuakin a chal chuar nâng bawk "Ka bialpa a ni lo, ni e i duh chu nei mawlh ta che, keipawn pasal ka nei nghâl ang" thinrim zet chuan arawn ti ta hlak hlak mai.

"Zonunmawi" ka ti ringawt, ka fiam kher kher chu ka inchhîr ngei mai, ka hmai chu tuai puatin, "Nia, Mi hi an nihna diktak aiin kan hmuhdan hmang hian kan lo teh leh ṭhin a, ka dik lo a ka hria alawm, mihring vetho ka nia" ka'n ti hluai a, mahse a hmel dur khap aṭang chuan inhauh pui chi a ni lo tih ka hriat vângin ka va pan hnai a.


"Ka tihpalh ka tih chu.....khâ nu kha ka bialnu ni lo in ka nutei fanu a nih kha, thlah tu a neih loh vanga thlah mai ka ni, a unaupa ka nihna angin ka vemghim mai chauh alawm, Ihmaw...Ka nu kha, ka hmu ta lo a" awki hniam ruiha ka tih chuan min rawn en kiau a,

"Beidawngin hun rei tak ka awm hnu in i tân ka lo lêt asin, Mizorama rawn haw leh ka châkna chhan chu nangmah chauh hi ini, Ni e...ka awm bo chhung khân mipa ṭha tak tak i tawng ang tih ka hria lawm, mahse chûng zawng zawng pawh hnara min lo nghâk tu Nula hmelṭha tak kha duat taka enkawla, hmangaih tura lo lêt ka ni, Lehkha rim takin ka zir a, engmah tihsak theih che ka nei lo, Mahse i tân ka lo lêt"

Ka thinlung zawng zawnga ka sawi chhuah hnu chuan mittui tling kiau hian min enkar a, "Min lo ngai em?" Nui chunga ka tih chuan bu nghauh nghauh pahin a mittui arawn luangthla zui ngiai ngiai mai, Duat tak chuan ka kuah ta vang vang a, "He hun hi ni lawm ni kan nghah chu?" Ka tih chuan arawn nui hak a, chutah ka kuahna chu phelhin duhthâw zet chuan ka fâwp zui a, ani pawn min lo chhânglêt rang rang ngang mai, chutah ka duhthâw ta tial tial a, a t shirt hâk lian zet chu zdn chho in a âwm bâwr kawh lah mai vawtthler ah chuan ka hup thuk mai, alo îp châwih zui, bra a hrêng lo tih kan inkuah lai khân ka hre daih tawh.





MAMI (point of view)



Sofa ah chuan ṭhu in ruah sûr bân hun chu kan nghâk dûn a, mahse a sûr tam tial tial emaw tih tur a ni, ari buan buan mai, A mal chungah chuan ka kê hlângin ka ke phah pheikhawk sâng ka bunna vânga ma êrh ûrh chu ka hmeh tîr a, lungawi tak chuan alo hmet ve mai bawk a, hetia ka tih tîr lai hi apa chuan hmu se asa viau ang le, a fapa duat kha ka ke te ka hmeh tîr vel mai mai sia, ka ngaihtuahna vâng chuan ka nui chhuak hak a, hriatthiam loh hmêl zet hian arawn hawi hû mai.


"Tikhân la ṭhu rawh aw ka'n chhîng sek ange" fiamthu a ka tih chuan arawn nûr nasa mai, zêp lo chuan ka mut a chhuak tawh angreng viau, 12 a pêl hret tawh ania, chutah ka inrin hma chuan a kil lamah chuan arawn inhnawh thut a, kan mu dûn chu ni nghâl mai, "Tho vat rawh" ka lo ti hlar a, "A teuh lo mai, ka chau lutuk, mut ka duh, min ti harh hlek suh ang che" techu rawn la ti zui, ka kawngah chuan rawn kuahin sofa bân kham chuan a thaw ri sak sak a, a lungphu rî ka lo ngaithla kar thung.


"Zan in chu ti hian riak dun mai ang" mut chhuak âw tih hriat zet hian arawn ti ṭial ruak a, nui hak pahin ka ham hawi chho chu alo hawi thla ve chiah , min rawn fawp zauh, ka hlim lutuk hi ka mumang tepawh a ang rum rum ka ti, ka mumang pawh chu lo ni tehrêng se harh chhuak thei tawh lo ila ka duh zawk, a taksa chu a hma aikhân a lian in a hlai tawh hlê a, ngaihṭha zet chuan ka kuah hle hle ringawt.


"Zonunmawi nang hian min hlau lo mi?" Arawn ti leh nuah nuah a, engvangin nge maw ka hlauh ngawt ang le? "Hlauhna chhan tur che ka nei mi?" A hmêlṭha tak enkar pah chuan ka lo ti ha a, chutah ka inrin hma chuan min kuai zangthalin ka chungah chuan arawn awm thut anih chu, min bawh bet ta rûn mai, kei erawh chuan phâwk hrâ in ka lo en thung, chutah ka kut phah pahnih chu muangchangin rawn hûm in sofa ah chuan a nawr bet a, muangchâng leh ril raih hian min rawn fâwp anih chu, ka chhânglet lo ang ka ti rân rân a, mahse ka thei lo, chutah rawn duhthâw ta zêlin ka nghawngah techuan a hmuilum thar thar hian arawn fâwp thla dan dan a, a nuam ti ngam si lo hian ka hnar phal chuang bawk si lo, ka taksa techu nasa takin a in sang mar a, ka inhum ruh nasa hlê bawk, chutah ka t shirt chu rawn hlim thutin ka kawr chhûngah chuan a lu a thun hmak a nih chu, min pawm tho nawlhin a mal chungah chungah chuan alam hawi zawng hian min ṭhut tîr a, ka âwm bâwr zawna arawn thâwk lum halh halh lai techuan thâwk pawh ka thaw ṭha ngam lo.


Ka awmbâwr chu a ka lum thar thar chuan arawn fâwp nar nar a, ka tum loh deuhin ka thaw chhuak hawk thei, chutah ka t shirt hnuai a a lu thun reng chung chuan ka hnungzâng chu a zût kual dan dan a, "A tâwk tawh" aw khûr dar dar chuan ka lo ti sep a, ka t shirt chhûng aṭang chuan arawn nui hawk mai, ka t shirt chu hlim chho in arawn dâk chhuak a, a sam thur deuh bap chu a inhmeh chiang alawm,

"Tâwp thei lo ta ila" nui chunga arawn tih chuan ka lo bêng taih thung,

"Ka fiamthû nih kha, i rimtui lutuk a, i vun lah hi a mam in nêl thep a deh i nuam" tih nuah nuah pahin ka mal chu a zût a zût a, nui hak pahin a kutah chuan ka lo bêng taih thung, tâwp tawh mahila kan la in pawm ûl reng a, akut erawh a hlei sâwt viau, a nghâwngah ka lo kuah chial thung, ka t shirt chu arawn phelh ta thut a, bra ka lo hrêng lo bawk nen ka zak lutuk chu ka lo in hup châih châih a, ka hau nghâl mawlh mawlh bawk.

"Ti zahthlâk thei lutuk" ka ti hlak hlak a, mahse ka kut chu rawn la sawn in ka kawngah chuan arawn kuah hnai sauh a, ka awmbâwr chu a fâwp leh ngâng mai, kei erawh men pawh ka meng phallo in ka lo maimitchhîng diar diar a, ka hmuihnuai pet fan fan in a tukhum samah chuan ka lo chûl ruai thung,

"I nalh takzet a ni" ka beng bulah chuan arawn ti sar sar a, lai zetin ka lo nui hak thung,


"Ka ngai lutuk bawk che" tih zui zat pahin min rawn fâwp leh a, zan in zet zawng, kan inkham thei lo ni berin ka hria, sex hmang si lo in hmangaihna pâr kan tlân dun a, tumah hi kan mamawh ta lo ni berin ka hria.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)