SENIOR-I Chapter-15 (Hlutei Jocund pachuau)

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

SENIOR-I Chapter-15 (Hlutei Jocund pachuau)

Unread post by Hluhlutei » March 29th, 2021, 9:32 pm

KA CHAWLH VANG VANG HNU AH KA RAWN LET LEH TA E....KA REGU TAWH VIAU ANG AW....

COMMENT SECTION LAMAH KHÂN THINRIM LEH KA CHAWLH CHHAN HRE LO IN AWM NUAL ṬHIN A, KA CHAWLH TUR THÛ KHA SAWILO KA NI LO A, KA CHAWLH TUR THÛ SAWI LAWK THLAPA RAWN DAH KA NI A, KAN THUZIAK TE IN LO CHHIAR DUH HI KA LAWM LUTUK, CHUTIH RUALIN THU PAWIMAQH KAM SAWI ṬHIN TE PAWH HI MIN LO CHHIAR TEL SAK ṬHIN ULA KA DUH KHAWP MAI, MIHRING VEK KAN NI A HARSATNA TAWK THEI VEK KAN NI, A CHÂNG CHUAN HUN THÂWL TEHI KAN MAMAWH VE ṬHIN A, RILRU LAM HARSATNA NEUH NEUH NEIH HI WRITTER NIH CHUAN A AWL LUTUK, SUANGTUAHNA RAMAH CHÊNGIN A LUNGNGAIH THLÂK LAM RINGAWT ZIAK ṬHIN NIH PHEI CHUAN SUANGTUAHNA VÂNG RINGAWTA ṬAP THEI TE KAN LO NI A, RILRU HARSATNA THLENGIN KA TAWH PHAH ṬHIN, READER TE HI KA TÂN IN HLU LUTUK, KA NGAIHPAWIMAWH TUR BER PAWH IN NIH RUALIN, MAHNI LEH MAHNI IN NGAIHTUAHA INDUAT VE HI ANGAI TAWH TIH KA HRUA A, ENGTIN PAWN MIN TI MAHULA KEICHUAN NGAI AH KA NEI THEI MAI A, WRITTER LO CHHUAK THAR TE TAN KA RAWN SAWI KÊP ANIH CHU, RILRU A ALUH LOH CHUAN A NGAIHNAWM LOH, NANGNI PAWN IN HRIA ANGA, KHAWI EMAW LAI NAWI RIAU HI A AWM VE ṬHIN, THIL NGAI RENG TIH HI A NINAWM CHANG HI ATAM VE LUTUK ANIA, READER FEL TAK TAK TE IN HRIATTHIAM HI KAN NGAI LUTUK RINGAWT, INHRRETHIAM TAWN ṬHAM ṬHAM ANG U AW.


A TAWP BER ATANA KA SAWI DUH CHU, KEIMAH BÎKAH CHUAN Sum duh vang leh lâr engemaw châk vanga Story hi ziak ka ni lo a, nuam ka tih êm vâng leh suangtuahna rama chêng a, ṭhian kawm em em tur pawh nei lo ka nih avâng chauha rawn ziak ka ni a, keimah leh keimah ka induat chhûng chu ka story tehian belhchian an dawl ang tih ka rawn sawi ve lawk anih chu he he...chapo na ah lo ngai lo hram ula, ka story tehian ngaihnawm loh riau zân a nei nih chuan ning chung chunga ziaka nangmahni ka ngaihpawimawh vang chauha rawn ziak ka ni tih in lo hre dawn nia.


KA LAWM E.

4528626906b48ae4d0302f9e697b0308.jpg

Chau zetin khumah chuan ka mu ar ar reng a, ka dar ruak kânga rawn fâwp tu hmuilum thar thar chuan min ti nui sak, ruah la cherh cherhin khawpui pawh ala ri der der mai, Ka thil tih ka ngaihtuah lêt chuan thil ṭha lo tak a ni tih hrilh hranpa ka ngai lo, mahse engin nge min mawlh ka hre lo, ka hnar thei ngang lo a ni, khâ thlêmna duhawm tak kha kei mihring, mihring a zawnga chak lo ber hian engtin nge ka hneh theih teh lûl ang.


"Hawh bathroom ah kal ila, ka lo bual ang che" dam dap hian arawn ti a, ka lû ka lo thing vat, "Che lo a minute 10 tal mut ka châk ber" ka lo ti khûr dar dar thung, ka taksa techu anâ in vuak hrep ang mai hi ka ni, mahse ka thinlung erawh mak tak maiin a hlim veng veng thung.


A hmâ aṭang daih tawhin keichu thil ho tê, midang ina an palzam mai mai theih pawh hi la serious em em ṭhin mi ka ni a, Chutiang bawkin in ngaihzawnna leh hmangaihna pawh hi a hlû ka ti in ka la thutak a , Hmangaih chin tâwk hi ka hre lo fo ṭhin, Nakina ka mittui ti tla tu tûr a ni tih hrereng chung pawhin, Hmangaihna vâng chuan thûk tak thleng pawh dai ka huam ṭhin, Hei tunah pawh a nghawng tûr hre lâwk sa rân in thil sual tak ka tih hi.


"Min hua em? Ka tum lâwk sa a ni bîk lo nia aw, ka tihpalh liau liau a nih kha" ka ngaihtuahna vânga ka hmel ngui lap arawn hmuh chuan inthiam loh hmêl zet hian arawn ti a,

"Min be tawh lo la ka ngei lo che ni mai" ka lo ti mai a,tunah rih chuan in ngaihtuah veng veng ka châk ber,

"Tinge i ṭawng peih lo mi? Nge ka hmel i hmu peih lo" arawn ti deuh ruai a, chek hlak pahin chal chuar nâng chuan ka lo melh rum âl thung, a hmui chu chîp vatin room aṭang chuan a chhuak nghâl nul nul a.



Sana ka en chu zîng dar 2 alo pêl hret tawh, current a awm lo nen mahni a awm chu ka thil nuam tih zâwng a ni lo tawp lehnghâl, Lalrammawia lah chuan eng tak zu ti ang maw? A rei zia mai chu, mahni in khumah chuan ka in sawh tau sawk sawk ringawt, ka tho peih bawk si lo, emergency light hnuaiah chuan ka mu mengkar reng ringawt, kâwl lah chu phe nasa em em mai sia.



A hnu deuh ah chuan kawngkhâr chu arawn hawng ruk ruk a, coffee min lo siam sak ve ngei chu niin, kawr mumal ka la hâk loh vângin ka puansin lai chuan inkhuhin ka tho ṭaih ṭaih a, ka tho tûr chu ka banah alo vuan ve ṭung mai, min la hmer na em em zui.

"A nâ.....mahni pawn ka tho thei" ka lo ti bak hlar a, ala nui vur vur zui, chutah a coffee min siam sak ka in chiah chu ka luak lo chauh, a kha urh sûn lutuk, ka uak nghal tuar a,

"Tinge a tui lo mi?" Arawn ti hû mai, keipawh hi ka â tawh, engtin nge ani ang mi hausa fapa inchhûngah pawh engmah ti ngai lo ina coffee a siam thiam te ka rin reng reng le?
"A kha lutuk, fian engzat nge i thlâk?"

"Fian hnih (2) chauh, a tlêm ang ka tia fian te chanve ka thlâk leh a" inthiam lo hmêl zeta arawn tih chuan ka khawngaih bawk si, ka thinrim insûm boruak hîp lût vang vangin ka thaw chhuak leh hawk a, "A ṭha e, Ka va insil lawk" tihpah a kal mai ka tum chu ka kê arawn khûr hlak hlak a, ka hnung aṭang chuan min rawn dawm zui vat, bathroom thleng chuan min kuah phei ta nge nge a, zei lo viau mahse a tumna hrim hrim hi ka tan chuan a tâwk viau a ni.


"Chhuak la, ka inbual harh anga mut ṭhat leh ka duh"

Ka tih chuan alo bu nghauh nghauh a, a chhuak veleh nghâl mai,


Ka inbual zawh chuan ka harh deuh huai in ka hria, ka chhuak chu ka khumah chuan that chhe zet hian alo mu zawi hnuang a, a khuh deuh kharh kharh bawk, ka thawmhnaw chu min hmuh vek tawh tho a a awm ve tih hrelo der hmakin ka in ha mial mial a,


"Mami" arawn ti thûm dût a, rang taka hawi lêtin ka mithmul ka tih sân khum zauh, khuh kharh kharh pah hian "Ka khuasik dawn in ka hria" arawn ti nih chu,



Rang takin ka in ha sawk sawk a, a pang ka khawih chu alo sa vur tak tak mai, "Lawk aw natchhâwkna ka'n la ang'e" tihpahin ka drawer a ka dah ṭhat chu la in tui nen chuan ka ei tîr nghâl vat a, keipawn ka taksa na ṭhêm ṭhum tih zia nan ka ei ve bawk.


Khumah chuan châu hnêp in kan mu dûn ta reng a,Biak pawh kan in be peih lo, Zâwng kah thlâk angin kan mu zawi dûn hnuang ringawt.



Ka harh chuan nî alo tlangsang tawh hle,ka bula thawri sak sak pa chu ka en vang vang a,a chal ka khawih chu alo dai diai tawh, sana ka en a, dar 8 alo ri ṭep tawh nghe nghe, rang takin ka tho a, ka hmai tephihin ka in ti fel fai zung zung a, ka la rit lûk reng mai,ka thá pawh zing dang angin a tho ṭha lem lo, mahse in ti harh luiin rawng techu ka bawl lui sawk sawk a, naktuk lamah chauh class kan tan dawn vang leh vawiin lamah engmah tih tur ka nei rih loh vangin ka hmanhmawh lem lo,rawng bawl paha thingpui ka in lai chuan Lalrammawia pawh arawn tho chhuak ve chhur chhur a, a zing tho hlim pawh aṭha leh tho mai,tlemin ka lai ve deuh bawk,nui suk chungin ka bulah chuan arawn ṭhu thla ve a, ka biangah arawn chuk zauh,kan awmdan hi pawn lamah chuan hlim hmel viauin lang mahila ka chhungrilah erawh mahni leh mahni inthiamloh na in ka khat et et reng a,mahse a lung tih awi loh ka hlauh vangin ka ti lang lem lo,"Min siam ve dawn lo mi ka chau teh mai nia" nûr deuh nang hian arawn ti a, nui sak pahin ka siam sak nghal,

"Enge i an i zia em?"
Ka tih chuan bûk nghauh pahin ka thingpui siam sak chu a dâwt zui khalh a.


"Chaw chu ka ei lo mai ang aw, ofice ah ka ei zawk mai ang,class kal ka ngai bawk sia" arawn tih chuan rang takin ka hawi let vat a, "Engvangin maw?ka bawl kep che sin" lungawi lo zeta ka tih chuan nui sak hian, "Ka rawn kal reng dawn lawm,class ka kal pah angai bawk sia" arawn tih chuan ka thinrim nghâl hlur nia, emgvâng teh hrep mge ka hre lo, ka ngaih lutuk vâng pawh a ni mahna le, titau ti tih chuan chaw hmeh chu ka chan bawrh bawrh a, min en reng tih ka hria, mahse ka hre lo der hmak thung. "Titau lo la" dam thlupa tihpahin ka hnunglam aṭang chuan min rawn kuah lum thar thar a, ka chhang lem lo, ka lo ding ngawi ngal thung, "I tan vek alawm, kan exam ṭep tawh a, ka pass chuan ka thil tih lai aia ropui zawk hi ka la ti anga, tichuan kan innei ang, nangmah vang hian suangtuahna ka neih phah a, tum sâng tak neiin tum ruhna min pe tu ania sin" a thinlung chhungril ber aṭanga sawi a ni tih ka hria, hei hi ania Lalrammawia ka duhna chhan, dawt, thu belh chian dawllo leh a rilru ni lo pui min hrilh ve ngai lo hi ka thinlung a hneh theih chhan ni ta ber in ka hria, "Ka la ngai che lawm" ka ti ta ringawta, nui hak pahin alam hawi chuan min kuai her a, a mitah pawh ka en ngam lo, nizan thil thleng te vang khan ka la zakin hrehawm ka ti ru veng veng reng bawk, "I hmel hi chu aṭha mawle, i mawl deuh e tih mai te chauh a ni" ka sam tuai ṭha pah chuan arawn ti zauh, ner sak pahin a awmah ka lo beng taih a, alo nui hak thung, "Office banah ka rawn kal ang,kan lengkual anga, inah ka haw peih lo" a tih chuan a hmel chu ka en vat a, "I mawl, haw ngei ngei rawh, zanah ilo leng anga, mahse riah chu theihloh" ka lo ti nghal zung zung a,"I tih kha ka ring reng ahhh....a ṭha e, ka kal dawn aw, ka rawn bia ang che, min lo ngai lutuk lo la" tih pah chuan kal mai atum nia, ka thil chhuan lai chu off in varanda thleng chuan ka thlah a, kawt thleng han thlah chu ka duh viau rualin cctv atam si, miin min ringhlel palh ang tih ka hlau.





NIlengin ka awm a nuam lo a,ka chau nghulh reng mai,Matei lah chuan min tlawh kawi lo a chhuk daih atum leh nghal, ka ngai viau na in a zirna ka ngaihpawimawh pui lo thei si lo,chhun thil pawh ei ṭha peih lo in ka mu tlawk tlawk reng ringawt,ka ngaihtuahna chu hmun hrang hrangah avâk kual a, ka thil tih pawi zia leh ṭhatloh zia ka ngaihtuah phei chuan mahni leh mahni ka inten ru ngaih ngawih, mahse sawi chhuaha tih lan kher ṭul chu ka ti chuang lo, thil ni lo pui pui ka ngaihtuah a,kha thil ka tih chhan kha ka ngaihtuah let rauh rauh pawn achhan awm ang han puh tur ber pawh ka hre mai lo,ka duh em vang leh chân ka hlauh lutuk na vang kha nih loh pawhin,kan in hip tawnna te vang pawh kha a ni maithei, ka chhungrilah ka tawt up up reng a,Pathian leh ka chhungte lakah ka inthiam thei ngai lo ang, a bikin ka nu phei chu, a fanu duat em em, a neih phâk bâk thlenga min vur ṭhin tu, ka mawi loh leh hrehawm ka tih hlaua hrehawm tuara hna rim taka thawk ṭhin tu kha tunah hian hmeichhe khawlo tak ang maiin ka awm chu ni sia, a hriat vaih chuan a in tina duh hialin ka ring.




Kawngkhar rawn ri rak rak chuan ka ngaihtuahna ṭangin min ti harh zawk a, rang taka tho in ka hawng chu Lalrammawia arawn ni lut var var mai, za lo zet chuan ka nuih let ve sak a, a thawmhnaw hak chu a inhmeh viau nghe nghe,"Insiam la, leng chhuak ang, khawi ah emaw ka hruai ang che" zângvah hian arawn ti lut a, lêng mood ah pawh ka cheng rih lo sin le, mahse hetia awm tlawk tlawk chu ṭha a ka hriat loh vang chuan phur lem lo tak chuan ka lo rem ti ve mai a, "Make-up hmang vak duh suh aw" room a ka lut tur chiah chu arawn ti zui lung lung a, nui hak chungin ka lu ka lo nghauh nghauh ringawt,t shirt dum lian lek lek leh mom jeans dum lek lek ka ha a, sneaker var ka bun leh top bawk, ka sam chu ka thlah mawl leh tawp a, ka hman chu ni der, ka purse leh ka phone chu ak in zawi hniang chuan ka chhuak a, ka mit meng dul raih arawn hmuh chuan ka hlim lo tih ahria a ni mahna min rawn pan hnaiin ka dar tawn tawnah chuan arawn vuan a, "I hlim loh chhan hi ka hria lawm, i thiamloh a ni miah lo ania aw, keima zawk alawm" ati dam thlup a, ka ṭah chhuak insum chuan ka chil ka lo lem khalh, a hrehawm ka ti êm a ni, "Ka tihpalh" ṭap aw lek leka ka tih takah chuan nghet zeta min kuahin ka hnungah chuan abeng zui thak thak a,ka mittui chu luang huh ve hlap mai, mahse ṭah erawh ka ṭap em lo, ṭap mawh ve tak ka ni ṭhin, mahse thiamlo chung chunga min hnem a tumna hian ka rilru a hneh in a lakah ka lo pangchang ve bawk nen, ka mittui ako chhuak lo thei lo a ni.







Aizawl khaw pawn daiha restaurant pakhat ah chuan min chawlhpui ve ngei a, customer dang an lo nei tam lo bawk nen a reh nuam in chawlh hahdam nan chuan duhthusam a ni, Edsheran zai an play riai riai reng a, ngaihthlak ahahdam tak zet a ni, french fries leh thil eng engemaw te kan ei dun a, ṭawng tam lo dun na na na chu kan lo lai ve deuh bawk nen sawi tur kan hre lo dun thei khawp mai, Shillonga an awm laia hnamdang ho in an koh ṭhin dan techu a sawi a, mittui tla phungin ka nui leh tawh, "Râm a " an ti ṭhin a ni awm e, a hnu deuh ah chuan ngawi renga kan ei tûr kan ei melh melh lai chuan "A....Lalrammawi," tihpahin hmeichhe pakhat thil ei zo chhuak tûr ni awm tak chuan arawn ti hlawl a, nui hak pahin arawn pan zui bawk.


A hmêlṭha reuh phian lehnghal, ala naupan hmel hle bawk, Lalrammawia chuan en hau chung hian "Hetah enge i tih ve a?" Ati deuh hû a, ka thil ei lai châwl meuh chuan ka lo en hrek hrek thung, "Enge i tih ve zawk? Chawlh ka rawn hmang a, ka chhuk thla leh ṭêp tawh, ila lêrh reng em?" Nui har har pahin chunu chuan ati zui zauh a, Lalrammawia chuan min vêng thâwng tak hian min rawn melh zauh, "I ho emai a" alo ti liam puat a, ka hmui ka lo ti pawrh ru zauh thung, "I hmeichhe kawp ho tekha khawnge? Shillong aṭangin hruai chhoh ve tur che lawm" ati leh zauh a, ka thin sa halh halh tih zia nan tui sik chu ka lo dâwt nghal khalh ringawt.


"Awihawm loh emai a" ati leh ringawt a, a mit meng a hlauhthâwnna rawn lang chu ka hmuh hmaih hauh lo, "Zan tin hian nula dang dang tekha i chhuah pui ziah a, engtin nge i pass theih le? Tak takah, Naktuk ka birthday ania, kan lawm dawn nia aw" ati leh a, ka fork ken lai chu ka lo hûm ngat ngat ringawt, "I rawn kal ve loh chuan ka be tawh lo ang che, ka sexy thu i sawi ṭhin pawh kha dâwt vekah ka ngai ang" nui har hara tihpah chuan a chhuak ta vat a, ka awm ve reng laia chutiang hriat chu thil nuam tak a ni lêm lo, ka ngaihtuahna vâng chuan ka ṭhu tüm ta bâr a, ka thil ei lai pawh ei tawh lo in ka inkuangkuah hmak ringawt,
"A sawi zawng zawng kha a fiam thu vek a nih kha aw, ilo ngai thutak ange" Min rawn en zuk zuk pah hian a ti a,ka lo ner ru sak ringawt, chhan pawh ka chhang peih lo, a lerh lutuk hran lo na in mipa hi chuan hmeichhia hi chu an lawm tlangpui, an lo hmelṭhat phei chuan lawmzual tak an ni, ka thil ei lai pawh ei tawh lo in kawngpui lam chu ka hawi thla vang vang a,ka thik takzet a ni, ka thikthu a chhe hrim hrim bawk a, mahse mi a nileng lo tan chuan thinrim na tur chu ni ve lawm, ka bialpa hi ka lo hrechiang lutuk lo pawh a ni mahna le, "I thinrim viau ami?ka tihpalh, fiamthu mai mai in a nia ka chhaih ṭhin, nangmah chauh ka duh che tih techu i hriat vek kha" inthiamloh hmel zet hian arawn ti a, tuisik chu la in ka in leh khalh ṭhin, ka âwm zawn sa pup pup chu a reh thei dêr lo mai, " Ka sawi theih a awm hleinem, aṭha vek" ka lungawilo awki chu thup buai ka tum hran lo, "Haw tawh ang, ka chau" ka ti leh ringawt a, min en vung vung in ka hria, kawngpui lam ka la hawithla ngar ngar reng tho, "Hruai duhna che ka la nei sin, i nuamsam lo mi?" tihpahin min rawn en hnai deuh a, "Ka peih lo, ka chau ka tih chu mawle, haw ka duh" vin hlar a ka tih chuan a dawh theih loh zia a hmel aṭangin arawn lang nghal, thup a tum nasa hlê tih thlengin ka hre tel bawk, "Awle,haw ila" tih leh thawh arual nghal a, keipawh ka lo tho zui ve tharh bawk.






In kan thlen thleng pawh chuan ka la be duh ta chuang lo, kan in kawt kan thlen chuan kawngkhar chu hawn ka'n tum ve ngawt a, alo la kalh nia, "Hawng tache" awka nem hran lo taka ka tihchuan min rawn en in a hmel chu arum lek lek mai, "Khanu kha fiamthu bakin ka chhaih ngai lo, tinge engmah i sawi duh loh a? i ngawi reng bawk si, ka tan a nuam lo nia" thinrim awka a arawn tih chuan ka ter nghal at mai, " Nia ka thin a rim, khanu kha va nei daih rawh, hmelchhe si" vin hlar chuan ka lo ti a, " Tiang zawng kha chuan sawi lo teh, ka rilru i tina nia" thutak zeta arawn tih takah chuan ka inthiamlo leh lek lek mai,
"A nih, ka thik lutuk, ka tan chuan engkim hi thil tak tak vek a ni tawh a, khatiang fiamthu kha keichuan ka ngaina velo, ka rilru hi i hrethiam kher lo ang, keipawn ka sawifiah thiamlo, ka chhungril hi nuam lo tihna leh hlauhna in a khat reng a.....dik tak chuan ka....ihhh...min kalsan daih hi ka hlau takzet a ni" bah nuai chuan ka ti a, ka mittui arawn tling leh ringawt tawh lehnghal, a hmuh hlau takin ka kun nghâl daih a, mit meng dul raihin min en remg tih ka hria, "Ka tihpalh....ka hrethiam, ka hrethiam alawm...engmah hlau suh, i kiangah ka awm reng ang, engtikah mah ka kalsan dawn lo che" arawn tih chuan ka lo bu nghauh nghauh a, ka hmui ah chuan arawn fawp zui zauh, nui var var chuan kawngkhar chu a hawng rak a, ka chhuak zui ve nghal.



Ka chhuak chiah chu rawn dak chhuak ve in min rawn bye bye zui lauh lauh a, rilru hahdam huaia ka thlah hnu chuan kan in panna step lam chu muangchangin ka pan phei a, ka inrin hma chuan tu emaw hian ka ban rekah arawn pawt dawrh mai, ka lo rak ṭhat thung, chutah a hmel ka en chu ka rei!!!!!! Lalropuia, "Ka unaupa nen khan engtin nge in in hriat? Eng inzawmna nge inneih?" dur khupa min en chung hian ati vin ṭhawt anih chu, mak ti takin a hmel chu ka en vang vang a,"Enga?! tu i unaupa maw?" aw khur lek leka ka tih chuan "hrelo der suh" vin ṭhawta tihpahin min phih dawrh a, ka kat nghal nawk thei, "Tu i unaupa nge i sawi chu?" aw khur dar dar chuan ka ti leh ngat a, a awmdan hi ka hrethiamlo takzet a ni, "Lalrammawia kha ka unaupa neih chhun ka nau anih kha, eng inzawmna nge inneih?" arawn tih chuan mak ti zetin a hmêl dur thim khup chu ka en tlawk tlawk ringawt.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)