Hlathâwng tak chuan ka enkiau reng a, a thusawi chu a awmzia ka hrethiam lo a ni lo, mak ka ti lutuk min ṭhawng bawk si nen ṭawng ngaihna ka hre lo, ka khâ achih vek a, ka khawng vek ni te hian ka hria,
"Dawt"
Ṭap âw ṭiau a ka tih rual chuan ka mittui arawn luangthla nghâl ngiai ngiai mai, "Ka rin ang ilo ni lo tawp mai" ati chhuak hrâwk a, ka mitsulh ni tehian ka hria, enge ka sawi ang? Ka hre lo, ka ngaihtuahna tawi tup chu duh lo in ka inthing deuh nawk a.
"Ka duh duh ka kawp anga, ilo buaina tur a awm lo"
Hlauthawng ru angreng tak chuan ka'n ti bak ve hlar a, a nui chhuak hawk, "Ka unaupa hmangin ka lakah phuba lâk i tum deuh chu ni lo maw?" Ngeiawm zeta arawn tih chuan inhûm ruhin chal chuar nâng chuan ka en ve khâih a, a hmêl ngeiawm leh phakar zet hian ka luak ati chhuak takzet a ni.
"I laka phuba la tûr khawpin ka tân ṭangkaina inei lo, Lalrammawia hi i unaupa a ni emaw, ni lo emaw, ka duh a ka kawp a ni mai, i buai lohna tura buai buai lo khan min kalsan vat mai rawh"
Tih zêk pahin ka leh hawi a, stepa chhuk thlâk ka tum chiah chu "A nih ka chhûng ten hre ta se engtin nge niang?" Arawn ti nih chu, ka ke pên tûr chu ka la let rang ngang mai, rang takin ka leh hawi a, alo nui vûn vûn zui, a hmaia ka ben ṭhuai loh nan ka insûm nasa hlê bawk, "Engmah hlauh ka nei lo, Nang ang mi tenawm lutuk phei hi chu ka hlau lo lehzual che" ka tih chuan a nui lai chu rawn tâwpin min rawn pan hnai rawk a, bangah chuan min nawr bet chawrhin, "Chuti fako a i duh turin engtia thui nge inthlen tawh? In mu dun tawh em?"
Awka vîn zet hian arawn ti tuar anih chu, kawng kal an awm lo hlauh chu avan vanneih thlâk tak, "Min thlah rawh" ka ti tuar a, min man ngheh êm vângin mahni chuan ka tal chhuak thei awkawng lo, zu rim a nam huam huam bawk nen.
Chutah ka in luahna nei tu te kawngkhâr chu rawn ri rakin ka pi hi arawn dâk chhuak hlawl anih chu, Lalropuia pawn min thlah zui ve vat bawk, "Mami, tunge hepa hi?" Arawn ti châr châr a, ka mittui hrûk tâwk pahin "A pi....ihh....hei kawng min lo zawt a?" Ka lo ti bah nawk a, chutah ka pi chuan kan pahnih a uluk taka min en hnu chuan alût velsh mai a.
"Hei hi hre reng rawh, i kalsan vat dawn lo anih chuan i tân ala pawi ang, hre reng ang che" ka beng bula rawn tih sur sur pah chuan a kalsawn ve nghâl nal nal a, ka hik chhuak vekin ka hria, rilru tawt up upin inchhûngah chuan ka lût a, kawngka kalh nghâlin thâwk ka la zui hawk, sofa ah chuan ka ṭhu zawi hnawk a, vanva dâkin ka maimitchhîng zui vawng vawng mai, Lalrammawia nui hmêl mawi tak mitthlâ ah arawn lang a, ka mittui ka bekah arawn luangthla zui zâwih bawk, engthil teh hrep nge ka chungah hian thleng le? Ka bialpa hlui, vawi tam tak min bum tu unaupa bawk kha inzawmna ka lo siam pui a ni si a, Lalrammawia hian hria se engtin nge min tih ang? Kei hi min kalsan phah mai dawn tih ka hria, ka chiang a ni, Engtin nge a unaupa neih chhun chhûngkaw dinhmun ti derthâwng tu hi min kawp reng theih ang?
Ngaihtuahna athui pauh leh rilru ana zual ting mai bawk si, in ti harh luiin ka inbual fai a, hlâ ring tak play in rawng ka bawl zui nghâl bawk, khua athim thet thet tawh a, a reh in ngaihtuahna kalding hunlai tak alo ni bawk nen, ngaihtuah loh ka tum pawn rilru ah arawn lût zel nia, ka chawhmeh chan lai techuan châwl meuhin ka lo ngaihtuah leh vang vang ṭhin, ka hriat miah loh hian thil pawi ka lo van ti nasa tak êm aw, mahse ka hre miau lo a, zêp pawh ka tum hran lo, ni e, ka thianghlimna ka hlauh tawh tho tho a, huaisen takin ka hrilh mai tur a ni, Zahawmna hlauh tawh mahila thinlung ka la nei tal alawm, Hmangaih ka la nei thei a, tûmah hmangaih thei tawh lo khawpa tlachhia ka nih loh chhûng chu engmah ka hlau ngai lo ang, keichuan ka tuar maithei anga, ka chhûng tehian ka chanchin zawng zawng hi hre ta se engtin nge ni ang? Chu chuan ka rilru a kap ber zawk.
Ka ngaihtuahna ka kawm nasat lutuk vâng nge ka bai lah chu alo al reng reng lo mai, rilṭam ut ut tawh lamah ka chawhmeh siam techu ka han bâwl tui ṭha leh ang lawp lawp a, Dar 7 a rîk dawn meuh chuan Lalrammawia pawh arawn lawr leh tawh, chaw ala ei bîk lo a ni âwm e.
"Rilru hahna i nei leh tawh mi? Iva ngawi ve?"
Ka bai ka chaw bawrh bawrh lai chuan ka kawnga rawn kuah chung hian arawn ti hniam ruih a, Lalropuia thusawi vâng kha nge ka lo îp deuh châwih mai, a kut chu la thla in nui lui sak chuan ka kalsawn ta daih a, min en zui vung vung tih ka hria, ka hre lo der hmak thung.
"Tinge a? Min va ngai lo"
Lungawi loh hmêl fe hian ati zui nuah nuah a, puitling viau ṭhin mahse anaupan chhiatna hi alang leh tlat ṭhin,
"Chaw i ei dawn tih i sawi lâwk si lo a, chawhmeh pawh ka siam tam lo sin"
Thildang chu ka sawi ta daih a, Rpa chanchin sawi ka duh rualin bul ṭan dan tûr ka hre bawk si lo, ka buai ru takzet a ni.
"I bulah chuan ka eitui vek, Chawhmeh ei duh loh vak ka nei lo, mahse kan inah chuan ka nuhrawn runluih nan hian a chawhmeh siam apiang hi ka ei duh lo ṭhin" nui var var chunga arawn tih chuan keipawh ka nui lo thei lo, ka nui chhuak hak a.
"I nuhrawn chu a sual viau ami?"
Chaw ei siam mawlh mawlh pah chuan ka ti a, min lo pui ve zel bawk a,
"Ramhuai pitar chiah chiah a ni mai, engtin nge a mihring pui chungah khatiang khân atih theih le ka ti" ngaihtuah zui ni âwm tak hian a châwl dat a, sawi kher lo mahse a hmel aṭang hian natna tam tak lo tuar tawh tih hai rual a ni lo, engti kawng mahin ka kalsan thei lo, ani hian hmangaihtu a mamawh zia ka hria a, ka dinhmunah hian hmeichhe dang pawh ding ve mahse an thei bîk teuh lo mai.
"A nih, i tân hian enge ka nih chiah le?"
Fiamthu ti tak deuhin amah enkiau chuan ka ti a, min rawn en in a nui sak,
"Ka nun zawng zawng min thlâk tîr thei khawpa hmeichhe ropui tak ini, ka nu ang mai ini in ka hria"
Awlsam zet hian a ti a, ka lo nui hak thung, "Chuan, ka ta tura Pathian min pek liau liau ini bawk"
Tihpahin alamah chuan min pawt hnai dâwrh a, ka hmui ah chuan muangchãng hian arawn fâwp a, ka lo chhâng lêt ṭha kher mai.
Tui ti chuan chaw chu kan ei ve mai a, ka zak ru angreng viau, chawhmeh ka lo siam tam lo bawk nen, Mahse engmah sawisel lo in a ei ve mial mial tho a, ti khawpa mihausa fapa in ka bula awm a thlahlel ngawih ngawih hi a dik lohna ka hre hauh lo, an inchhûng saw atân anuam dawn lo tih ka chiang lutuk tlat, mahse, a unaupa bialnu hlui, nupui a neih reng lai pawha akawp ṭhin kha ka ni si a, a hriat chhuah hunah engtin nge ka tih tâk ang? A rilru ana dawn lutuk,
"Tinge min en reng a? I chaw ei a tui vak lo mi?" Arawn ti deuh hû a, ka suangtuahna ramah chêngin ka lo en vung vung tih ka hre chhuak chiah,
"Tui e"
Tihpah chuan nui lui hakin chaw chu ka bâr zauh a, ka ṭah achhuak bawk nen, ka âwm arawn tâwt up up a, lem pawh lem thei lo in mittui tling kiau chuan ka hmuam reng ringawt,
"Mami, tihsual ka nei ami?"
Chík zeta min en chung hian arawn ti hniam ruih a, insût hraihin hnuailam en chung chuan ka lû ka lo thing zauh, chutah ka kutah chuan rawn vuan in a fâwp zauh a,
"Hetia i awm hian ka na ṭhin lutuk tih i hria em? Enge chhan min hrilh la, tih theih nei lo mahila i thâwl hawk maithei sin, kan inkarah engmah thurûk awm lo se ka duhtakzet a ni"
Arawn tih chuan ka chaw hmuam lai chu lem khawlhin ka mittui chu ka hru sawk sawk a, ka chêt dan chu uluk takin min lo enkar thung,
"Englo ania....ihhh...i"
Ka ti ringawt, ka sawi thei lo, ka hmui hnuailam chu petin mittui tling kiau chuan a hmel chu ka en tlawk tlawk a, ka biangah chuan rawn dawmin uluk zet hian min lo en bawk,
"Sawi rawh le"
Dam thlup hian arawn ti a,
"Kei hi, i rin ang kha ka ni lo, i unaupa Rpa kha...kha kha lawm ka bialpa hlui kha, mi pasal a ni tih hre lo in bul ṭan ṭhat pui te ka lo tum a, i nu leh anupui khân kan inah min rawn kal chilhin na tak takin min ṭawngkhum a, kha vâng khan lawm a hma a nikhawhreloa min rawn hmuh kha"
Ṭap hliam hliam chung chuan ka ti ta tawp a, ka sawi zo chu ka inhnît zui hlawp hlawp thei, mengdur khap hian min en vang vang a, ngaihdam dîl tlâk ka nih loh vângin ngaihdam dîl pawh ka tum hek lo, ka zakin hrehawm ka ti takzet a ni.
"Inṭhen mai ang, kan innei thei dawn chuang lo"
A hmel pawh en lo chuan ka ti zui leh zat a, inṭhen ka duh tak tak vâng a ni lo, eng rilru nge a put ka hriat duh vâng chauh a ni,
"Engkim ka hre sa vek alawm"
Arawn ti hniam ruih anih chu, rang takin a hmel chu ka enkâwk a, mit meng dul raih hian min lo enkar mai,
"Ka unaupa nen inkawp ṭhat leh intum tih ka hriat vâng kha nia Ka u kha ka hnek, Nupui fel tak a nei hlauh a avânnei a nih kha, Ka naupan lai chuan ka u hi ka ngaisâng thei lutuk a, a kalna piangah zuiin a tih dân te, a zia leh a incheina thlengin ka copy ṭhin, mahse nangmah atih dan váng che khân ka haw zo tawh, ka mawl iti ve em? Ka u khân min ngaina ngai miah lo, khâ mipa naupang khawngaihthlâk tak a en dân kha tunah hian ka hrethiam ve chiah asin, ka unaupa ka ngainat leh ka ngaihsan em em bawlhhlawh ang chauhin min lo ngai ṭhin a, Engkim ka hria, A tîr kha chuan ka haw ve hman che a, mahse tihsual engmah i neih loh zia ka hre ta a, Thil thleng palh mai a ni, I nunhlui engpawh ni se, keichuan ka ngaidam vek thei che"
Ka mita en chung chuan ati dap dap a, mittui luang ngiai ngiai chungin ka lo ngaithla tawp, ka khawngaih bawk si,
"Kan hlimna tehi tihchhiat tîr lo hrâm rawh, Phuba lâk na ṭha ber chu hlim taka kan awm dun hi ni mai"
A tih takah chuan ka lo bu nghauh nghauh a, a ni âwm teh tak e,tinge chutiang ngaihtuah chhuah nachâng chu ka hriat miah loh le? Ka lo â tak tak a nih dawn hi.
"Naktuk zân hi ka pa piancham vawi 58 na a ni a, lo kal la, tichuan enge kan inzawmna chu an hre mai dawn lawm"
A tih chuan ka phu zawk thei,
"A teuh lo mai, ka rawn duh teuh lo" ka lo ti vîn hlar a,
"Ka awm chuan tumân engtin mah an ti ngam lo ang che, bakah mi tam tak an rawn kal ve dawn a, midang awm lai chuan buaina an siam ngam teuh lo mai"
A tih tâkah chuan ka lo bu nghauh nghauh ringawt a, kal chu ka duh tak tak teuh chuang lo, chhuanlam engemaw siam tur ka dap mai ang.