Ch-22
Give priorities to those who give theirs to you.....It's not a deal but matter of dignity
"Khawnge I awm?"call a lak rual chuan ka ti hmuk.
Tun ang zan tawh ah khawnge a awm hrep ni. Dar 7 chauh la ni mahse hmeichhe tan chuan zan chhuah a him lo.
"Hei.....hotelah,customer lungawilo in buaina a siam a"ti lang lang in a kalsawn tur thu a sawi nghal zat.
"I lo la haw lo a,ka ngaihtuah deuh che"tih leh thuthlenga thut thlak ka rual.
"Awi leh! Coco kha a chaw lo pe rawh.Kitchenah lut la, cabinet kha hawng la,a chaw I hmu mai ang,ka rawn haw tep. Ka dah aw"ti chung chungin chhan let hman lohin a dah nghal daih.
Tihian chhungkua ni ila, ka hna bang hi min lo lawm thin se. A nuam ngawt ang.
"Coco... Lo kal rawh le"ti dam thluam in a chaw kan pek thinna lam ka pan a,thuawi zetin,mei vai ve terh terh chungin min zui a.
Chami nghah pahin ka phoneah news ka chhiar mai mai a, tlangval a pumpa e tilo hian Chami tello a mut hi har ka ti leh fu si. Doorbell a rawn ri tleng tleng a. Chahbi spare a kawl tho a,a rawn lut ve mai ka ring avangin ka thut ngai in ka thu reng a. Mahse ka rin ang a ni hauh lo,a hma aia uar zawkin a rawn ri nawn tluk tluk.
"Thanchamliani zet!" Ti hluk in kawngkhar lam ka pan a. "Lo lut ve" ka tawnglai ka tawp chat. Tumah an awm lo!
Mak ti zetin ka hawikual ruai a,mahse tumah ka hmu lo. Thil ngaihtuah neuh neuh chunga khar ka tum lai tak chuan kawngkhar hma chiah a thil awm chuan ka mit ala chat. Engtinnge a tir khan ka lo hmuh loh.
Ka la kang vat a,a rit nulh lehnghal. Kawngkhar kalh tha in sittingroom lam ka pan a.
"Hawng chiah ila"ti sup in a tuam na,paper var chu ka pawt phelh a. Laptop ang deuh,te reuh te a dum rawng hi alo awm reuh anih chu! A duhawm takzet.
"Eng nge niang le"ti nuah nuah in ka kuai chho a. On hranpa ngai lovin a rawn eng nghal pup.
En em em tur a awm lova. A var pup tih mai loh chu. Han hmeh tur engmah a awm bawk silo nen,mak ti zetin ka en tawp.
Ka enreng lai chuan nui hak ri a rawn chhuak thut. Hmeichhe aw ani!
"Hello.... Chami,I kuang lo tur I nawr tih hria ang che. Romalsawma hi ka ta ani tih lo hre ve mai mai rawh. I lo la tibuai cheu anih chuan kan MLA te chunga thleng ang kha I chungah a thleng ve ang. I tihtir chu I hriat kha.. Goodluck"aw tliang rat hian a rawn ti a,a sawi zo chiah chu a hma a pendrive ka dawn ang tho khan a khu luih luih a,a puak thek a,entlak a awm tawh lo.
Tunah khan Chami amaw min ti ani chiang... Mahse,tulathattu kha chu a thi tawh sia,tunge Chami rawn vo tu hi nita ang.
Chami aiah kei ka lo awm hlauh hi ka vannei takzet. Ani ang hmeichhia chuan a hlau ngei dawn a,min then kha a ti tlu ngei ang le.
Tu nge min rawn thawntu tih hriat chhuah a har dawn tehreng nen a thil min rawn thawn lah hi hman zawh in a chhe nghal vek zel bawk si. Tunge hetiang technology sang lutuk hi siam thiam tehrep ni.
Ka paih vat a,engmah thleng lo ang mai a awm tumin ka thaw chhuak hawk. Mahse a har hle mai. Chami hi engtin amawni lo awm palh ta se... Aaaa, ngaihtuah tawh lo zawk ang.
"I van in ngaihtuah muk tak"ti hlak a ka chhip sam tham vak tu avang chuan ka harh zawk.
"Engtik in nge I lo then"ti sup in ka malchungah ka pawt thu nghal.
"Ala rei lo... Ka lo luh lai pawh hrelo khawpin eng nge I lo ngaihtuah bik a"a tawngdan atang pawh alawm chiah lo tih ka hrethei. Mahse hrilh ta ila,ka chan zawk ang tih ka hlau.
"Eng nilove.... Kan hna chungchang vel mawle" nui suk in a awmah hmai ka phum nghal kak.
"Coco chu chaw ilo pe em?"ka sam khawih neuh neuh in a ti sep. Tunah chuan a lungawi vak lohna te kha an bo tawh a ni ngei ang.
"Pe eee...a ei teuh"
"Romal"thutak zet chuan a rawn ti sap a. A hmel en turin ka dakchhuak vat.
"Thil thalo a thleng em ni?" Hlauthawng zet chuan ka ti nghal ruai. Ka thil tawn dik loh sa nen... Ka hlauthawng takzet.
"Nilove... Chhan awmlo hian lo kalsan ta thut che ila engtin nge I awm ang?"a sawi zo ka nghing deuh lawih in ka hria. Eng ang rilru tehhrep nge a put hi?
"Chutiang sawi suh,min kalsan dawn lo"ti hmuk in ka kuah nghet sauh. Thaw hak in ka tukhum sam a tham tawk.
Dikloh na chu a nei alawm,nge ni a thil tawn a nei zawk?
"Bella,ti nge a?"
"Ka mumangah hian room pakhat,tukverh awm miah loh naah hian ka lo awm a. Vawilehkhatah a sir chung bang,boruak lo luh na atang chuan thil var hi a rawn lut tup tup a... Ka thaw tha thei lo a,thei leh thei lovin ka au che...mahse min chhang thei bawk silo... Chutiang chu zan thum lai azawnin ka mang tawh"a ti hap a.
A mumang chuan a ti hlau ve hle a ni ngei ang.
"I chungah engmah a thlen ka phallo"ti thum dut in ka thu tha a,ka awmah ka kuah bei nghal thlawp. A inthlahdul tih hriat zetin a rawn thaw nghal siai siai.
"Romeo in min chhanhim dawn"ti nuah nuah in min kuah thak a,a lo muhil hman ani maw? Mut duh reuh lutuk mai.
Ka maimitchhing a... Mitthlaah kha thil mak zet kha a rawn lang uar uar. Engtin nge an siamthiam bik hrep ni. A maksak ropui si.
UNKNOWN P.O.V
"Shit!! Hmelchhe lutuk"ti that in bang ka hnek chawrh. Kha thil kha Thanchamliani dawn tur asin. Engvang tehhrep in nge Romalsawma khan alo lak theih.
"Ka thiamthil ka hmuh tak tak ang che u"ti sup in ka laptop hmaah ka thu a,ka kut ka elhri nghal thap.
Romalsawma email ka hack a... Mahse hmuh tur em em a awm lo. Police ho profile ka check a,tah pawh chuan hriat belh tur em em a awm chuang lo.
Thilpawimawh inthawn nan email an hmang vak lo anih hmel. Ka chhipsam tham tawk in ka thaw hak. Min hmakhalh an awm zawk amawni le...
Ka check thuak thuak a,ka mit la deuh tu a awm tlat. Eng link nge ni ngai.
Ka click a... Fbah ka lut hmak. Ka rin ai police ho thiamna hi a sang ve tlat. Duh ang tawk chuan an bum theih loh tawp ang le.
An mahni té hian blog an lo siam chu niin... An private a,an hide leh daih bawk si... Tu mi dang mahin a awm ve tih an hrelo tawp ang
Zawn nachang pawh an hre tawp nang.
Ka lut a... Ka rin ai a ho. Ka scroll zel a,mitthi ta te pic leh mak an tih thu te ani tlangpui. An rin dan in an comment a, comments ka en chu ka nui hak. An thutak viau dawn maw tia... Pu Roberta thi te kha 'a hur vang' tih ten an commet a.. min support tlat a ka hriat.
Ka tichho leh char char a... Zomuansanga'n 1m ago a a thil rawn up chuh!
Caption ah ; Tualthattu a rinhlelh hmasa ber. Tih hi a ni a,chu zawng aia mak chu Chami,Romalsawma bialnu an ringhlel chu ani.
Video hi ani a,ka play chiah chu ho ti lutuk in ka ner nang. In atanga a chhuak lai atang video in an cover a... A hotel thleng in... Mahni bialnu pawh han rinloh mai chuh!
An mahni tibuai tur tawk lekin ka comment a. Awmzia nei lo mahse an buai ve nak tho ang. Ka virus siam ka dahlut a... Ti kha chuan fb bug amaw an ti hrim hrim ang. Tu mihring sualin nge virus siam duh tehlul ang ni. Haha!
Ka chhuah hma in Chami an rinhlelh thu an sawi vel chu ka la a,thawn keuh ila nimai lawm. Tikhan inti buai ve reng reng rawh se.
"Nu,pa... In phuba ka la zo chiah a, ka unaunu phuba hi ka la ve leh nghal dawn a... Min hau su aw.. Hemi ka tih zawhah hi chuan khawvel ah tih ve tur ka nei tawh dawn lo. A awmzia chu in bulah ka rawn kal ve thei tawh dawn anih chu... Elly kha lo duat ru a,ka unaunu a nih kha"ti sep sep in vanlam hawiin ka dak a.
Lamtang nei ve tawh lo mahila,keimah in ka bei ngam. Ka hmangaihte tan anih phawt chuan engpawh ka huam.
"Khalemmm naupang khawngaihthlak te"nui hak hak chunga tiin thlalak ka thawn a. Min rawn reply hun hun ka lalram intan hun.
Minute 5 dawn ka nghah hnu ah a seen ve ta!
"Tunge?" Tih te hi arawn thawn a. Lawm zeta nui hawk hawk in ka phone ka switch off a.. a sim ka phawi hmak.
Ka thil va thawn ah khan ka virus chikhat... GPS ang chi hi a tel a,min rawn reply chiah khan set chawp ngai lovin a in on nghal a. Tun ah chuan khawi hmunah pawh awmse,a phone awmna apiang chu awlsam zetin ka hre thei tawh mai dawn a ni.
"Hringnun chu a hmangthiam thiam tan a nimai. Nuam deuh a hman I tum pauh leh hreawmna I hmachhawn tam anga,in ngaitlawm taka I hman leh hmusittu che an tam ani mai. Sawm chawp ngai lovin nangmah va in theh la,an thil tih engkimah hmakhalh tu nih tum ang che." He thu hi Elly khan min hrilh fo. Tun atang chuan he thu rinchhan hian ka kalchho tawh anga... Ka nunah tumah ka senglut tawh lovang.
Mera mutchhuak lutuk he Zan in chu very ho deuh reuh
Please click mawlh kha... Pawisa ka mamawh teh a nia
... chuan comment pawh kha aw