TOXIC_LIPS Chapter - 26 By : Msi (Hmeichhe Naupang Tereuhte)

Episode kal lai dah luhna

Moderator: writers

Msi Miluhlulnui
Posts: 274
Joined: October 18th, 2019, 7:46 pm

TOXIC_LIPS Chapter - 26 By : Msi (Hmeichhe Naupang Tereuhte)

Unread post by Msi Miluhlulnui » April 10th, 2021, 10:47 pm

TOXIC_LIPS #CHAPTER -26

By : Msi (Hmeichhe naupang tereuhte)


A NGAIHNAWM LOH🤧


A phone a rawn ri a hun lo ti zet a chet hluk in a iptê a dap a kei erawh chuan a taksa ka lo kuah bet thung. Tunah chuan ngaihngam takin he taksa hi ka kuah thei tawh thlah ka duh tawh lo bawk.



"Sawi vat rawh!" Call a chhang a ni ngei ang a ti zui nghut a, a âwm a hmai phum reng chung chuan ka lo nui chhuak hak thung "minute 5 hnuah ka rawn let ang lo la țan suh u" a ti zui leh a âwm a hmai phum reng chung chuan ka nui leh hak.



"Lo la țan lo ula ni mai. Enge a...? Mi nghah iva theilo sâwt ve" a ti thlûk ta chiam! A kum nen a țawngdan chu a inhmeh lo lulai lutuk chu ka lo nui leh hak a a taksa ka kuah ngheh sauh rual chuan nghet zet hian min rawn kuah let ve a ka chhipah chuan a fawp vang vang a a biak pa țawng pawh ka hre thei.



"Khanglang a che Abraham!" a ti ta nghut, a biak pa nui hawk hawk thawm ka hria a Doctor-a chuan eng emaw sawiin an inbiakna chu a ti tawp a "ka va hnek nghal loh" a ti leh ringawt tawh bawk.



"Eng chungchang nge?" A âwm ațanga dah chhuah pah chuan ka ti a, ka biang chu a rawn tuai a "Function țan a hun tawh a kei ber ka awm si lo engmah an ti theilo a" a ti sup, amah ka kuahna chu phelh in ka țhu chhuak deuh hluai a mit ko sân uk in min en rûn a.



"E... chu engmah sawi buai lova kal nghal i ngai a nih chu" ka ti chhuak ta hluai, a ni erawh ka thusawi avang chuan alo thaw hawk "tho rawh nangmah chiah an nghah tawh phei phei che chuan" ti a a bana ka vuan tur chu amah zawkin min rawn vuan in min pawt hlek a khuma a mut dawt rual chuan a taksa ka bawh rawk rawk a.



Ka tho kâng tur chu ka kawngah a rawn hmer zui chawt! Amah chu ka bawh thla leh rawk a ner nâng in amah chu ka en a "a hunlo nia" ka ti zui hlak bawk "Function nge keimah min ngaihpawimawh zawk?" Ala rawn ti let zawk za mah zui.



"Nangmah... nangmah i pawimawh ber mahse tunah chuan hun pawimawh tak hman tur i nei a kal phawt i ngai alawm mi in nghah tir reng hi a țhalo ania" ka tih rual chuan "ka hria!" A rawn ti nghut! Ner nângin amah chu ka en a.



"I hriat reng te chuan tho vat la!" Ka au ring ti tih "kum tak tak hnuah ka kiangah i awm leh thei chauh a min kalsan leh lo ang tih pawh sawi theih loh i hlat ah ka awm dawnlo" a rawn ti hmuk! Ka thaw hak a a ngaih a ngam ve tawh amaw ka tia mahse tun thlengin alo la hlauthawng reng a nih dawn hi.



Amah chu bawh leh deuh in a biangah chuan ka dawm sak ve ve a a mitmeng a hlauhna lang chhuak pawh chu ka hmu reng "ka kalsan tawh dawnlo che, engtikah mah kalsan che ka duh tawh lo i bulah ka awm reng tawh dawn alawm chuvang chuan in hun hman tur va kaihruai phawt la ka lo awm ve reng ang. Chumi zawh ah chuan ka thusawi ah ka din nghet zia i hre mai ang" ka ti hap, ka kal tawh dawnlo lutuk hi sawi ngaihna pawh ka hrelo zawk.



"Min fawp rawh!" Teh thlâwt an a.



"A hunlo ka tih kha" ti nang nang a thawh ka tum chu min leh thal zui nghala ka chunga rawn innem khalh rûn chung chuan ka hmui bulah a rawn kûnhniam a si lo tawk vel chiah chiah hian a rawn awm a "minute 5 kan la nei chumi chhung lek chu" a rawn ti sup, a hmui che chuan ka hmui a rawn tâwk thawi fua zel lehnghal insûm a harsa.



"Nakinah ti zawk...." ka sawi zawh hma hma chuan "chhunzawm tur zawkin le" a rawn ti thâwp sup a ka kawng a vawnna a hmer salh rual chuan ka thaw chhuak ta hak ka hmuiah nilo ka hmui bulah chuan a rawn fawp a a thaw lum ham ham a a nui ri zui suk bawk.



"Bawihi minute a liam zel" ka dul vel chûl kual pah chuan a rawn ti leh, a thiltih avang chuan ka thâwk lak dan a sak țalh a hnuai lam a khawih thawi fua rual chuan rûm chhuak hak in a banah chuan ka hmer chawt!.



"A țha e, i duh lo angah ka ngai mai ang" lungawi lo ru zeta a tih rual chuan "hmela!" Ti hlar in ka kuai kûn a duhthawh zetin ka fawp zui nghal ngâwng ngâwng, a duh a hmu tih hriat zeta nui suk in min chhang let ve nghal zat a ka hmui nawr kau in a lei a rawn hawl lut a ka tana thil thar a nih tawh loh avangin dawnsawn dan ka hre hneh hle thung.



A kut awm hle hle theilo chu sawn chho zelin ka kawr chhanah chuan ka hnute a rawn țhâm a ka rûm zui hak!. Ka hmui hnuai pet in a in la hrang hlek a ka hnute țhâm leh nawk pah chuan min rawn fawp leh ngâwng ngâwng a chhan let ve ka tum rual chiah chuan a in la hrang a rûm nghat in ka tukhum chuan khum chu ka tauh dawt!.



"I sual lutuk!" Ka ti nghal hlak, a nui hawk thawm phei chuan ka chhunglam a ti za uaih uaih thei. Ka khabe ah chuan rawn fawp in ka ir ah chuan a fawp thla zela khum khuhna chu ka țhâm tâwk ringawt. Hepa bula ka awm hian ka danglam hma bik, ka paltlang hnem tawh mahse hepa min tawh hlek a ka danglam nghal zung zung ang hian ka awm ngailo.



Room ațanga kan chhuah hnu pawh in a ruala khi lama chho ve nghal turin min ti a mahse ka chhang ta lemlo kha ania. Ka hna ka zo fel anga chawlh ka la phawt anga ka chho ang ka ti rilru hrim hrim bawk a amah surprise ka duh ve hrim hrim.



A duhdan ang in hunserh an hman lai chuan ka lo awm ve reng a mahse a sir lam thim lamah ama min hmuh theih tur si ah chuan ka awm thung. Ka kalbo leh hlau ni âwm fahran hian ka dinna lam a rawn melh leh zeuh țhin tih ka hmuh chuan min ti na vawng vawng thei.



A thusawi lai chu ka en reng a mi hmuh ah chuan inringtawk tak leh zahawm takin a lang ang mahse ka hmuh ve danah erawh chuan a rilru chanve chauh a pe a a chanve dang erawh chu keimah ah a ni thung. Ka tlanbo leh a hlau tih hriat ngawih ngawih in ka dinna thim lam hawi zawng ngat ten thu a sawi a, a țhiante leh a chhungte pawh a hnungah an țhu vek!.



Tiang khawp sawn ka kalbo leh a hlau a ni a, a hlauh ang chu ka thlen tir tawp lovang amah ngeiin kalbo tura min hrilh te a nih ngawt loh chuan.



Boris-a chungchang vel ka sawi lai khan a insehru ngawt ngawt tih ka hria, a țhianpa puihna dil in thil chiang zawk a chhui a tum thu min hrilh Doctor a nih ang in tiang chhui thiam lamah chuan hmelhriat a ngah ang reng fû bawk ang. Boris chu vawikhat tal hmuh a duh thu a sawi khan lawmna min siamsak. A țhawng viau reng bawk a mahse a rilru puitlin zia a lang chhuak thung.



Thil hriatchian hma in an hmel inhmu kher lo in ka inhmelhriat tir thei mahse chu thilah erawh kha Doctor-nu kha ka râwn phawt anga remti lo pawh nise ka rem hriatna hmang in ka ti tho ang.



Unau nei lo a țhanlen hreawm zia tawng tu ka ni ve tawh a, an ni phei chu phir lehnghal pian tirh ațanga lak hran an ni zui lehnghal bawk si nen pawm dam mai mai harsa ka ti ve tho a!. Chuan Doctor-a hian engkim a chinfel theih ka ring a puih theihna kawng ka nei ve a nih chuan ka pui ngei bawk ang.



Thusawi pah reng chunga ka dinna lam a rawn hawi leh rual chuan nui sâng in kut ka lo vai zeuh a thaw hawk in a sawi zawm leh mial mial a a bahlah miah lo lehnghal. He thil hi a puala an buatsaih a ni tih zanina ka thlen hnu hian ka hre ve chauh a tiang em em hian ka bialpa hi a thiamna a sang ang tih ka lo ring hauh lo.



Ka kekawr iptê a ka phone dah rawn nghawr dar dar chu ka la chhuak a Sabi alo ni.



Ka pick vat a "ila rawn let dawnlo ami, i awmna ngaiah ila awm reng a a sen va va ania i dinhmun a hlauhawm ami? Midang ka rawn tir dawn em?" Mangang tih hriat zet hian a rawn ti chûl, nui hak in ka sana chu ka melh a ka lo la hmet thim lo ni ngei tur a ni.



Ka hmet thim vat a "tikhan a hring va va tawh em?" Ka tih rual chuan a rawn thaw ve ham ham "ila rawn let dawn lo ami? Ka ngaihtuah che, mit pakhatin a hmuh che kha mit sang chuang in an hmuh che nen danglamna a awm lo, nge ka rawn kal ve mai dawn mi?" A rawn ti leh, ka nui leh hak a.



"A ngailo e, ka rawn tlai deuh maithei aw tihtur tam tak ka la nei a in duh leh in lo haw thei ang gate veng tute pawh kha men rei tir lutuk suh aw" ka ti a, zanin chu Doctor-a bula hun hman ka duh aman min thlakhlelh ang chiah in kei pawn ka thlahlel ve.



"Kha Doctor pa kha i hmu a ni maw?" A tih chuan ka hmalam a ka mipa thlakhlelh em em inringtawk tih hriat zeta thusawi mek chu ka en reng "ummm... ka dah ang aw in duh chuan ka awmna in en zui theih reng kha ka ngaihtuah awm loh ania" tiin min rawn hauh leh hma chuan phone chu ka dah a a rawn nghawr leh pawh chu ngaihsak lo chuan bang chu nghengin Doctor Zoremsanga chu ka en reng.



A thusawi tawp ah chuan kut an beng dar dar a, pa Nghet-a pawh a rawn tho chhuak țuih țuih bawk. Ka dinna lam a rawn en a rawn pen a tum zet a chu ka lu ka lo thin khum a mahse Abraham-a leh Tc-a chu eng emaw hrilh in ka dinna lam a rawn pan ta tho mawle.



A thim lai a rawn hnaih zela ka dinna ngaia ding reng in ka lo en ve reng, a thim laiah a rawn lut a "a hunlo takzet" ka lo tih khalh a nui ri suk in min rawn hnaih chilh a bang nghenga ka din miau avangin a ka taksa si chêt in a rawn ding ve bawk.



"Rilru pawh min pek tir theilo!" A rawn ti nghut a ka nui ringawt "ka awm reng dawn ka tih mawlh mawlh kha i rilru i pe lo tih ka hmu chiang si midang kha chuan an hrethiam ve kher lo ang" ka tih chuan ka kawngah a kut rawn rawlh lut in min pawt chhuak deuh a ka hmui bulah chuan a rawn thaw ham ham.



"Ka hnaih ah hmeichhe hmelțha leh duhawm em em a awm reng laiin engtin nge rilru ka pek theih i rin Bawihi?" A rawn ti sup, ka hnarah a rawn fawp zeuh a kei erawh ka nui chhuak hak thung he mihring pa hi chu aw...



"Hreawm iti em? I ke a kham em?" A rawn ti a "hreawm loh e... mahse i awm loh reng chuan mi ngaihdan alo nilo palh ang e" ka ti a, ka biangah chuan a rawn fawp zeuh "kan kal chhuak daih dawn mi?" A rawn tih chuan a nâkah ka hmer sak tâwk a ka beng bulah a rawn nui ri suk "i â mi?" Ka ti zâwi hlak. Thawm dim ngai bawk si chu hreawm tak a ni.



"Tunah nge hmanah?" A rawn ti a, a chimawm dan hi!.



"Tunah tunah... va kal rawh i awm loh reng chuan mi ngaih alo țhalo palh ang i tana an buatsaih a nih hi" ka ti leh chiam a, ka darah khabe rawn nghat in ka taksa chu a rawn ngheng hnai sauh a min thlahlel tih ka hria, kei pawn ka thlahlel mahse tunah chuan a tihlan a hun ber rih lo a tin ni.



"Lo awm reng rawh aw" a phun sup rual chuan ka nghawngah a rawn fawp zeuh a ka mur nghal ar ar mai.



"A mak... ka awm reng dawn ka tih kha va let tawh rawh saw pui Tc-a te saw a thim lam an rawn hawi leh țhin ania" ka tih chuan a nui nghawr dat a ka taksa pawh an che tel ve thei hial.



"Min fawp phawt la"



"A ti leh tawh..." ka ti nang nang.



"Tunah..." a rawn ti leh rual chuan ka hmai zâwnah a rawn awm hnai a ti lo theilo hian min siam ziah ka hnar thei ngai bik tawp si lo "i rilru va pe tawh ang che aw ka en reng dawn che nia" ka tih chuan a nui ri suk ringawt a.



A hmuiah chu dîm tê in ka tawk a a hmui chung ka peh rualin a ni'n hnuailam a pet thung a uar zeta ka fawh leh rual chuan duhthawh lutuk hian a rawn che zui a a tawp thei dawnlo amaw ka tih hnuah ka hnute țhâm tâwkin a tawp a ka chal a chal nghat in a thaw ta ham ham.



"Ka kal vat loh chuan chintâwk ka nei dawnlo tlat" ti sup in min rawn fawp leh zeuh a kei erawh ka lo nui thung. In la hrang in min rawn fawp leh țhin a a sawi ang tak tak in chintâwk a nei lo a kal zet tawh a rawn let a ka sam kara a kutțang rawlh lut in ril zet hian min rawn fawp leh țhin ka nui leh ringawt zel.



A phei hnuah hunserh an ti tawp vat a light an ti êng vek tawh a mahse ka dinna lai erawh ala thim thung. Ka hmelhriat tam tak Mizoram lam ațanga zui thla tu an awm ve nawk tih ka hmu a chutiang chiah chuan helama mi pawimawh ho in an țhutpui ve fur bawk.



Ka Doctor Zoremsanga thiamna hi thiamna satliah a ni lo a filawr lak bik ka ti mai. Hetiang khawp a chawimawina hlu Mizo zinga dawng thei awmchhun ala ni, a dawng tih helai hmun a ka awm ațang chiah hian ka hria a an thusawi vel dan ațanga ka beng in alo hriat leh danah chuan India ram chhung leh ramdang a professor awm te nen thawhhona neih an tum tih vel a ni.



Kei pawh kar leh hian Lakme Fashion Week a walk tura sawm ka ni chumi zawh chuan chawl in Mizoramah ka let chho rih bawk ang Doctor-a erawh hrilh ka tum lo ka surprise ve hrim hrim dawn.




An mi sawm te an haw deuh thuak tawh, call pawimawh ka hman avangin an chhuah lai erawh ka hre hlawm lo thung "Bawihi, kan chhuah hma in ka pa te leh Tc-a te hmu ve phawt la" Doctor-a chuan ka awmna a rawn thlen rual chuan a rawn ti a.



Kan Hmangaih te rawn kal hun nghak in zan khua pawh kan țhu peih ang, kawng kham tih a awm ve lo ana theilo a ni mah zawk.



"Na... ka awm ve tih hrelo se țha daih zawk asin le ka hmuh lohna an rei tawh bawk sia ka zak a bikin Aijalon-a saw ka hmu peih lo" ka tih chuan a lo nui hawk hawk!.



"Ka fiamthu lo nia, i nu leh i pa pawh saw ka hmu hreh tho ka hmuh lohna an rei tawh lutuk a ka zak" ka ti leh hram a, ka kawngah rawn kuah in a lamah chuan min hnûkhnai a.



"Zah a ngailo, i awm ve tih ka hrilh a ka nu phei chuan a hmu chak lutuk che kal ila" ka bek a rawn fawh vang vang pah chuan a rawn ti sup "ka incheina te hi..." ka ti leh hram, a rawn nui leh hawk tawh! Kei chu ka fiamthu ve lo thawmhnaw pangngai deuh te lo ha ve ila chuan a nu leh a pa pawh ka hmu ngam ve mai tur ania ka la insit ber țum aniang.



"Thawmhnaw a pawimawh lo, nangmah kha i pawimawh zawk. Kal phei ang aw tumah midang an awm tawh lo party turin an chhuak phei tawh ka chhungte ho chauh saw an ni mai" min vengthawng ve tih hriat zet hian a rawn ti a ka thaw ta ham ham.



"I nu leh i pa ka hmuh hreh ber țum ala niang" ka ti leh hram bawk. Thim ațanga kan chhuak chu kan thawm hria in an vai mai chuan an rawn hawi phei a a mal te te in ka en kim hman vek! Mak an ti tih pawh a hriat.



"Ekhai leh! Kan mi nghal nu chu! Ka țhiana hian alo thukru reng che a ni maw?" Ka hlauh ang ngei ngei in Aijalon-a chuan ring zet hian a rawn ti a ka melh nghal rawm rawm. A dawra ka lo thawk kha tunah hian ka inchhir leh hnuhnawh.



"Kan țhianho hi chuan i style vek alawm kan lak țhin, bialnu thukru hmasa ber kha tunge?" Tc-a chuan a rawn ti ve leh a an vai nuih ta hawk hawk nu Zomuani leh pa Nghet-a thlengin.



"Hmel ho!" Aijalon-a chuan a ti ta hluk ringawt.



"Nu, pa hei Bawihi chuan Bawihi i hriat kha ka nu leh ka pa" hre tawh tho mah ila Doctor-a chuan min hmelhriat țhat tir leh a, nu Zomuani chuan nui sangin min rawn pan phei a min rawn kuah avang chuan hamhaih zetin Doctor-a chu ka melh a hlim hmel fê hian alo bu nghut.



"In hmuh ava khât ve tiraw Hmingthan, ka fapa hi i tello hi chuan hringnun hman dan pawh a thiam thlawt lo" ka hnunga rawn chûl pah chuan a rawn ti a, ka nui tawi tak ringawt.



"Nu-i i kuah rei tawh mah mah lo maw... kan kuah ve chak tho ania milar a nih hi" pa Ngheta'n a rawn tih takah chuan ka nui chhuak ta hak nu Zomuani pawn nui hak hak chungin min thlah a "ni dawn tak e ni dawn tak e i pa Ngheta hian a hmuh chak thu che a sawi a sawi zela" tiin a awm hrang ve a.



He mite nupa hi ka rin phâk bâk an ni. Doctor-a hian nu leh pa țha tak a nei a ni, an mahni a awm zawng zawng hi Doctor-a ah hian an awm vek a hetiang em em a nu leh pa țha leh mi rilru zau leh tluang dun lutuk hi he khawvel ah hian an awm leh thei tawh dawn em ni?.



"Țhianpa, eng rilru pu a thukru ta tlat nge maw inih le?" Abraham-a chuan a rawn ti a, Doctor-a ka en chuan alo nui suk mai "ka rawn lan ve chuan buaina ka siam nghal a ni mai a ti tlat si alawm" Doctor-a chuan a ti a, mipa te ho chu an ner ve nâwng a nih chu!.



"A ni teh tak ang, mi'n an hmuh chuan an bawr luih luih anga kan chang ve nang mawle" Tc-a chuan ala rawn ti ham ham zui a he mite țhianzaho han chimawm dan em em hi chu engtia tih chi nge maw ni.



"Zanin chu ka'n rawn telpui lo mai ang che u tihtur kan nei a" an ngei tur tawk lutuk tak mai hian ka ti let a, ka thusawi avang chuan Doctor-a pawh alo nui hawk! Tiang lam hi chu ka la hnehsawh ve alawm.



"Tc.... chhang tawh suh, i dang chiang ngawt ang kei pawh ka dang chiang tawh teh ania a zahthlak zawk țawngkam a thiam si tuk lawlh a chakawm" Aijalon-a chuan a rawn ti leh hram a an vai nuih ta huk! A dang chiang tawh khawp alawm le.



"Duhtawk teh u... Bawihi sawi ang khan ka'n rawn telpui lo mai ang che u" Doctor-a pawh chuan nuih tel suk pah hian a rawn ti a an țhiante nuih a za zual sauh zawk amaw ni "i bialnu ang hi zawn ve tur a nih hi ka duh riau mai. Hmingthanzuali tih hmingpu zawng ve char char ang u" Tc-a chuan ala ti ta deuh deuh.



Beidawng zetin Doctor-a chu ka en a, a ni pawn a țhiante chu tih ngaihna a hre vak biklo nge ni "an duh sawi tir phawt teh" a rawn ti ta ringawt bawk. Nu Zomuani leh pa Ngheta kan hnungah an awm ve reng a ka țawng țha vak ngamlo zawk mai mai a.



"Amah ang hi mi nu leh pa in an siam thiam ve lo ang chuvang chuan zawn loh law law a finthlak zawk ania, țhiana i nupui a nih hunah in inah pawh kan rawn chuangkai ngam tawh dawn em ni?" A rawn ti leh lek phei chuan ka beng chak ania. An nghal dan hi! Sawi ngaihna pawh awm lo.



"I țhiante kha!" An kal hran hnu chuan ka ti ta thlâwt! A rawn nui hawk a "i ti let erh lo nia" a rawn ti a.



"Ka hnungah i nu leh i pa an awm renga ka țawng țha ve ngam hleinem" ka tih rual chuan ka chalah a rawn fawp vang vang a a chhan ka hriat miah si loh in "ka lawm e" a rawn ti ta sup ringawt.



"Ka nu be lawk ila Boris chungchang kha" a rawn ti a ka en chho deuh kâwk!.



"Tunah maw? Ala hma mah mah lo ami?" Ka ti a, a thaw hawk!.



"Kum liam tawh ngaihtuah chuan a tlai tawh zawk alawm, engkim ka sawipui anga kan pahnih in kan chingfel ang ka nu in engkim a hriat thu i sawi kha" a rawn ti a ka thaw ham ham, buaina a thlen belh zawk ang em le?.



"Buaina a thlen belh zawk ang e, ti fiah hmasa phawt la" ka ti a.



"Hun a liam zel Bawihi, ka nu alo phei a engkim ka sawipui ang" a ti nghet churh mai si. A hmanhmawh lutuk avang hian thil a pawi thui ka hlau, fa neih chungchanga pa Ngheta ngaihdan kan hriatpui si lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)