JOEL LALREMSIAMA 6

Episode kal lai dah luhna

Moderator: writers

Hluhlu-i Khiangte
Posts: 93
Joined: April 7th, 2021, 10:04 am

JOEL LALREMSIAMA 6

Unread post by Hluhlu-i Khiangte » April 11th, 2021, 4:21 pm

JOEL LALREMSIAMA



CHAPTER-6


By-Hluhlu-i Khiangte





Joel te chhungkaw puih na zar ah leh ṭhenrual ṭha te bengvar zar ah mualpho lo in ka nu ruang kan thlah liam a, hma lam pan erawh harsa ka va ti tehlul èm, hma hun duan lawk ngaihna pawh ka hrelo, Joela'n ka nu damlo enkawl tur leh kan in a khawsa a ,min pui tur a a tih u Puipuii lah chuan min haw san daih mai si a, mizoram ah hna thawk ila ka nau te pahnih hi an mamawh engkim ka pe thei awm silo, kalsan thei ni in ka in hre silo, dinhmun khirh lutuk ah ka ding anih hi! 



A sàrhu lai ani a, ṭhenrual ṭha te'n kan khawhar hlau in min len pui reng a, heng boruak hi reh se mal tak in kan unau thum in kan awm dawn. Ka huphurh lutuk hi thih ve daih mai te ka chak rum rum a, ngaihtuahna hmang thiam lo khawp in ka rilru a mang a, a buai vek, ka nau te hma hun ngaihtuah in zirna ka thlah tir thei silo, zirtirna pe turin sum ka mamawh lawi si!






Nu, pa, van aṭang khan Pathian kha dil ula, khawngaih in in fa te mangang au aw hi lo hrilh teh u, in tel lo a nun dan kan thiam lo a, in tel lo in ke kan pen ngam hek lo, ka nau te ka enkawl theih nan chakna min dil pui lul teh u, ka ti vawng vawng mai anih hi.




In dawm kun reng theih ni hek lo le kan kal zel dan tur ah Joel nu leh pa te ka rawn a, an ni'n rem min ruat pui a, Joel te in ah kan in suan lut rawih ringawt, a chhia a ṭha hre rual vek kan ni tawh a, ka nau te lah kan harsat vangin an kum phu lo in thil an man chak si a, zak tak chungin kan lut rawih.




An khawsak nuam sa bik hek lo le hna thawh chhunzawm turin Joel nen bangalore lam kan pan leh a, chhiattawk te kan ni bawk a, kan hnathawh na te pawh in min hrethiam khawp mai, thla hnih ngawt kan chawl bawk a, bangalore lam mizo welfare ah pawh kan tam loh chu sawi loh member fee takngial pawh kan pe lo ani a, min ràl in fuihna thu ṭha tak tak te min fah awl lo a, an fakawm ngawt mai! Mizo nih a va nuam êm ka ti ve hial.




Ka flat pawh luah zawm lo in Joel flat ah kan khawsa dun a, tak a, nu Ngaihi leh pa Khianga(joel nu leh pa) pawn kan inkar an la hre lo, ṭhianṭha ngawt kan ni emaw min ti tihna anih chu, kan boruak tawn nen hrilh hriat hma kher ṭul kan la ti lo bawk a, kan la in thup rih, an hnen ah chuan, ka nau te pawh kan be reng a, ka huphurh ang aiin thil a kal tluang chho ta zel a, ka rilru pawh a hahdam in ka hlim takzet ani, Joel te chhungkaw hnen ah pawh hian lawmthu sawi sen loh ka ba ani.





Joel nen pawh hna kan thawk dun mawp mawp a, kei pawh in thianghlim takin sum ka la lut ve zel e, kan hlawh hmuh ang ang kan thawn ve zel a, inthlahrun erawh a na duh viau mai, ka inthlahrun thu ka sawi hlek lah in Joel a thinrim ani nghal zel mai si a, sawi pawh ka sawi peih tawh lo zawk.





Kan hlim dun em em a, a thikthu chhe lutuk ber hi kan buaina ani ber, ka hna sawisel a ching ta zeuh zeuh a, hotel lam a thawk turin min thlem ngar ngar ṭhin, ka lo duh bik ṭhin silo kan in tihtauh khum a, kan lungawi leh vat mai zel, chengdun ta na na na chu daisual lek lek chang kan nei fo a, mahse Joel zawk a insumthei zawk ah a ṭang hlauh ṭhin, a chang phei chuan in ngaizawng pawh hi kan ang lo, best friend aṭang a in ngaihzawn na a tlu lut chho kan nih avang in kan in hrechiang in kan kar ah zep engmah a awm lo a, engkim tak meuh meuh kan in hrilh a, kan in hre tlang vek tihna nih chu.






Zanriah siam a in fiam bawk bawk chung a kan buai dun mawlh mawlh lai in ka message tone a ri tleng a, eng nge tih en tumin ka whatsapp ka hawng a, number hlang a ni, dp a dah lo a, video a lo awm, download in ka en nghal a, ka mobile ka thlauh bawl!





Ka sex video maw?





Hrilhhai zet in ka ding khawng reng a, ka khur nghal dar dar, Joela'n mangang zet a eng thil nge tih min zawhna pawh chu ka chhang thei lo, khur dawt dawt chung in ka mobile chhuat a let bal chu ka kawk ringawt.






Ka mobile chhar in a hmet mual mual a, a en a ni mahna ka mobile a vawm keh chuai(h).







Thinrim lutuk in a kal chhuak nghal dawr dawr a, um zui nachang pawh ka hrelo, dining chair ah ka ṭhu a, ngaihtuah ber tur ka hrelo, ka buai nuai nuai vek, ka melh ngai melh ngawt ngawt in ka ṭhu reng ringawt a, awm dan tur ka hrelo a, mualpho ka hlau em tih takngial pawh ka hre nek lo e.





Thil kan ût rim ka hria a, gas lam ka hawi chu kan thil chhuan a lo khu vut vut, a rimchhe lutuk, engtinnge ka hriat loh theih zawk ni, gas va off in ka ṭhu leh a, ka awmdan ka thlak danglam eih lo, hetiang khawp hian keima sex video ngei ka en a, min nghawng na chu ani si a, Joel phei kha chuan a tuar na dawn lutuk, kut min thlak lo a a kal mai te kha mak ka ti a, ka in ngaihtuah harh zawk, ka um a ngai.




In kalh fel sawk sawk in hmanhmawh zet in ka tlan chhuak dawr dawr a, ka mobile lah a vawm chhe vek si a ka call thei silo, ka tlan dawr dawr chu kan flat aṭang a hla lo te ah kan in tawk leh hlawl, ka kiang a lo thlen chuan min kuah thlawp a, rang zet in ka kuah let nghal vat, zu rim a nam anih chu, awih lo lutuk in min kuahna phelh in ka en a, a nui suk duh lek chauh! Ka nu boral hma a beer kan in dun bak kha ruih chi hrim hrim hi a ti ngai lo a, keimah vang bawk in humsual a dai leh ta.






Inchhungah kan lut a, room lam a ka lut tur chu min kuah her nawk in min fawp chat, fawh pawh ka fawp let ngam lo, a tan a in hlan ral ṭhak ka duh laiin natna ka pe zel bik a, ka zak ngawih ngawih, a tan hian ANCHHIA ka ni hial in ka hria, ka mittui a luang ngiai ngiai a, hrelo ang hmak in min fawp lui ngawng ngawng, min thlah hlawl rual in chhuak lutuk in ka ṭap hlawp hlawp a, min pawm bet leh nghal chawih.







"Lal fanu, ka tihpalh", a ti sup a, min duatna aw ri te chuan ka lung a ti chhe zual sauh zawk, ka kuah a, nasa lutuk in ka ṭah khum a, ka va laktlak loh lulai tak èm. Ka hmangaih in mipa dang, chu pawh hnam dang mipa lehnghal in duhthawh tak a min sawngbawl lai a en a, keimah vang in a na a, chuti chung chuan min hnem tu zawk ah ala ṭang zui ania!






Hrehawm ka ti a, ka zak ngawih ngawih, ka in sit thar leh a, ani ang mipa ṭha lutuk hi ka phu thlawt lo, ka nun uluk loh lutuk rah chu kei chauh nilo min hmangaihtu pawh in a tèl ve si a, kan video kha a darh angem? Minlo thawn tu kha Abhishek nge ni a midang zawk? Midang ni dawn se kha video kha engtiang a nei nge anih tih zawng zawng rilru ah a awm a, hma la tur in ka ngawng chhuih mai si, a hun lai khan pawi sak nei lêk lo in ka hriat chian pawh ni hlei lo ka mutpui a, inchhirna nei eih lo in, tun ah meuh chuan a pawi zia hi ka hre nawn awn awn dawn anih hi.





Motor horn ri chuah chuah ah ka harh a, rilru a hah a a nat nen ka mu tui ta phian, Joela'n rawng a bawl surh surh a, puar zet a ei in hna kal turin kan chhuak a, kalkawng ah mobile man tlawm te kan lei pah a, kan spa ka thleng chu ka tlai leh ta ber e, kan manager in min ko khawm a, kan pu te an lo kal leh tawh a ni ang, ninawm teh sek mange, an rawn kal ve reng mai, mahse, room ka va lut chu mak ti lutuk in ka meng bial pawp pawp, Abhishek hi engtin nge  a awm ve theih?






A bul ah Ate-i a lo ding a, minlo nuih sawng!





Kan owner te'n Abhishek hnen a an spa an hralh thu leh kan owner thar anih thu an sawi anih chu! Engvang kher nge maw ka thawh na spa ber kher, mumal lo zet in ka awm tluan ve a, sawitur pawimawh an sawi zawh hnu ah kan chhuak dial, kan chhuak chiah tih ah min ko lehnghal a, ka va lut leh, Atei leh Abhishek an lo in fawp ngawng ngawng a, an in ngaizawng miau a, awm lo hran lo e.





In her a chhuah leh mai ka tum chu Abhisheka'n min ko ding a, ka hawi let leh ruai ruai, Atei chhuak tur a a tih chuan a lawm lo nasa mai, a ban cheng a, fawh leh mai a tum chu a lo dang vut, min melh hlum a tum emaw tih mai tur a  rum in min melh hrawk a, a chhuak tau hmawk hmawk, ka nui hak a, a chezia hi a naupangchhia thei ania, Abhisheka'n min rawn kuah chuan ka nui tawp chawt a, ka tal hrang vat, za lo zet in a nui tawi tak a, "Baby ,ka duh che", a ti anih chu!





Hrep hian! 'Thu pawimawh sawi tur i neih loh chuan ka kal', ti a ka pen chu a thusawi vang in ka ding chawt, a duh hun a a mutpui theih ka nih loh chuan ka hna aṭang min ban anga, kan sex video a tlangzarh ang maw! In her zawk in ka ban ka vai a, ka kut a thip zak, a hmai han chan reuh zia chu(h)! Nge ka kut a no lutuk zawk🤣. Duhtawk ta mai lo chuan a dawhkan a snowball awm chu ka la lawk a, a lû tumin ka vawm chawrh, a chal ah a fuh a, thisen a hnam ṭiam ṭiam, ka va them thiam reuh e! Nuam ka ti riau anih chu!






Thinrim tih hriat zet in min en a, a dawhkan a thil awm a hai thla hmiah, ka rak ṭhat a, staff dang rawn tlan lut chu chhuak turin a au tuar(h), Ate-i ka lam a lo kal hnai in min rawn beng ṭhuai a, a na reuh zèk, a bialpa thisen ka chhuah vang a min ngaihdam loh tur thu te, ka sex video pawh an pahnih ruahman na a la an nih thu leh kha zan pawh khan pindan chhung a a awm ve reng thu te a sawi phiar phiar a, mak ti lutuk in ka en ngawt ngawt tawp, ka hmai a a rawn ben leh sawk chuan ka harh zawk.





Ka sa up up a, namên lo in thinrimna in min bual, ka theihtawp a na in ka beng let ṭhuai a, a ṭhu hnawk a, nasa leh rapthlak zet in a rak nawk nawk, 'in duh a hnu, min ti mualpho ula ti nia, nangni min vau vang khan ka tlawm eih lo ange, thih pawh ka duh zawk', ti nghek in ka chhuak dawr dawr. Ka thinrimna an kaitho takzet zet ,an duh ang a ka awm anih chuan ka nun ngai ah ka let anga, nilo, ka nun hmasa ai hniam ah ka in hnuk hniam dawn a ni a, khatiang nih leh ai chuan ka tihsual rah seng a, mualpho tak a awm pawh ka duh zawk, mualpho pherh erh in, thih phah hial dawn pawh ni ila an duh ang chu ka ti ngai lo ang, ka nun uluk loh vang a ka tawrh tur chu huaisen takin ka tuar mai tur ani lo'm ni ti rilru chungin thinrim zet in kan in lam ka pan dawr dawr a.





Haw kawng ah Joel ka call pah a, a pick thei miah lo!




Ka call nawn tluk tluk pawh in zu pick miah lo a, thinrim ṭûn in flat ka thleng a, a lo in kalh miah lo! Mak ti zet in ka lut a, Joel ka au làng làng, a reh tlawk tlawk lawi!




Room ka check a, a awm lo, chhuah leh mai ka tum chu ka hawi let leh vat, ka tlan lut rawk rawk a, Joel bungrua a awm miah lo!



Mangang zet in ka phì ruai a, Joel call leh ka tum a, a in switch off hmiah!

(Tawi ka ti miah lo😁)


Keimah ka ni reng ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)