TAMING OF THE BAD BOY 11

Episode kal lai dah luhna

Moderator: writers

Maveni hmar
Posts: 164
Joined: March 17th, 2021, 6:20 pm

TAMING OF THE BAD BOY 11

Unread post by Maveni hmar » April 11th, 2021, 5:59 pm

Chapter _ 11

Ramnunsanga chuan lehkha zir tum in a zirlai bu chu a keu a , a han chhiar thin , a rilru ah a lut thei ngang lova beidawng zet in a sam fai siau chu an nuai thur nawk nawk a . " A reh lutuk hian ka rilru kal ding tur a ti buai ani ange." tiin Sam Smith hla chu a play a , thawk la ham ham in a han chhiar tha leh a .


A zirlai chu chhete mah in a rilru ah a lut lo . A mitthla ah chuan Sangpuii hlim nui hmel mawi tak chu lo lang in a beng ah chuan a tawng rin chu rawn ri nawn awn awn a ," Science subject ni lovin Sangpuii hi zir ila ka thiam hma zawk dawn anih hi." ama hriat tham lek chuan a phun sap a , za lo zet hian a kiai sak a .


Victor-a damlo buaipui in hrehawm tak in damdawi in ah chuan a han awm ang em ? Nge hlim tak in an inchhaih anga an nui dun ang ? Chutiang ringawt ngaihtuahna chuan a rilru a zem buai a ." Tawp rawh , Ramnunsang. I zirlai bak ngaihtuah hman i ni lo . Mi hausa fate ang in hmeichhia leh ngaihzawng nei hman i la ni ve hlei nem . Tawp nghal rawh. " tiin a in hau ru mawlh mawlh a .

A in thing nawk a , a hmai te phih harh in chhuat dungah vawi sarih bawr vel a vei tawn a muangchang a thawk la raih raih in a zirlaibu chu a thut chilh leh ta a .

*****************************

Sangpuii muhil a harh chuan a zi mar ar ar a. Amah lo en reng tu Victor a hmuh chuan a nui sek a.



" Morning, bawih duat! "





" Morning! Ka van muttui em em ve a. Nang, i mu tui em? "



Victor chu a nui var var a, " Teh reng mai. Nizan ang reng reng a mut tui kha ka la nei ngai lo. " a ti a.



" Ka'n tho ang e aw.. "



" La tho suh. Ka la ngai che a lawm. " tiin a ban tha lam chuan a kuah bet tlat a. Chutih lai tak chuan a nu chu thingpui leh chhang keng in a rawn lut ve chiah a.




Sangpuii zak lutuk chu a sen tawn tawn a. " Min thlah teh, Vic. Ka thawk a chham dawn. " tiin a kuah na ata chu a tal chhuak a. A sam thur te chu zut mam in a tho chhuak thuai a.



Anu chuan nui var var hian, " Nizan lam enge in an? In mu tha thei em? I khawsik te a awm lo maw? "a ti sawk sawk a.



" Ka tha lutuk tawh. Ka mu tui rapthlak ani mai. "



" A va lawmawm ve. Hei thingpui leh chhang ka rawn ken sak che u a. Sangpui, Vic_a enkawl chu a hahthlak em? " tiin an thingpui in tur chu a thlit sak nghal a.



" Hahthlak love. A fel lutuk a lawm" a ti ve mai a. Thingpui te an in zawh chuan, " Sikul ka tlai palh ang, ka haw mai ang e. " a ti a.



A nu chuan, " Ni e sikul i tlai chuan a chi dawn loh em mai. Kunga 'n a zuk thlah ang che. I fel in ka lawm lutuk ania. "a ti a.



" Khawngaih in min haw san suh. I awm loh chuan ka damlo zawk ang. "



" Pangchang lutuk suh aw, Victor. Sikul a thulh i duh em ni? Sangpui, zuk haw san daih rawh.. " Victor nu chuan a ti a.



" Nilo, min awmpui rawh. Min kal san suh. "



" Vic.... "



" Khawngaih in... "



" Mahse... "



" Tlem te tal pawn min ngai ve miah lo em ni? "



" Tlai sikul ban ah ka rawn kal leh ang. Bye! " tiin Sangpuii chu a tlan chhuak hi a ni ber a .


In a thlen chuan Ramnunsanga chuan chaw a lo ei mek a. A hmuh chuan a lo nuih var var a, " Hun i hmang nuam em? " a ti a.



" Damlo enkawl tan hun a hman nawm theih dawn em ni? " a ti deuh halh a ,a in thiamlo in a zak ru ve ang reng hle a . Mahse in ngaihtuah harh leh thuai in engmah thil tih sual a nei lova eng nge in thiamloh chhan tur leh in thlahrun chhan tur a nei hlei nem mawle.



" Victor chu enge a an a? "



"A tha ang reng. Ni hnih ni thum hnu chuan a chhuah theih mai ka beisei. "



" A va lawmawm ve a. I rawn ei ve nghal dawn nge? "



"Aw, ka ril a tam vak lo na a.. ei ve nghal mai ang. "



" Vawiin sikul kal i tum em? "



" Aw, tum e mawle. " tiin thleng a in lak a chaw chu a ei ve ta nghal a. " Rome, enteh... Victor hian min duh a... Ka duh ve tan deuh in ka hria a. Duh suh i tih chuan ka duh lo mai ang. Eng tin nge ka awm dawn? " a ti a.



Ramnunsanga chu a nui chhuak hawk a, " I nun a roreltu ang hrim in maw? I nun a nia i duh duh in i awm thei a lawm. Ka duhthlan sak che ni lovin i duhthlanna kha a pawimawh ber. " tiin a. Chhang a.



" Ngaihzawng nei tur anga ka in ngaihtuah hian ka rilru ah i lo lang zel a.. "



Ramnunsanga chuan chaw bar thulh meuh in a rawn melh a, " Ka zirlai ka hlawhtlin a hna ka neih hma chuan ngaihzawng ka nei lo ang ka tih kha.. " a ti a.




" Min nghak rawh i tih pawn ka nghak thei em em ang che. "



" Min nghak tur in ka ti thei lo ang che. "



" Anih chuan Victor chu nei tur in min duh tihna em ni? "



" Aw. Kei chu min ngaihtuah suh. Victor hi i duh ve tih ka hria a, a kiang ah chuan i hlim in ka ring ani. "



A tan a Ramnunsanga thatna zozai hi a zahawm a, a mit meng ah hian a duh ve ni a hriat theihna hi lan chhuah chang a awm leh zauh thin a. Victor a neih san daih chuan a in thiam thei dawn lo ani. Tun ah chuan amah ber in 'phalna' a pe tawh a, a in thiamlo tawh lo ang.




Chu mi ni tluk a sikul a nin leh ban dar rik har chu a la hre ngai lo. A mitthla ah chuan Victor hmel ringawt chu a lo lang a. An zirlai pawh chu a ngaihsak thei lo sikul ban vat vat chu a chak ber mai a.




A tawp a tawp ah chuan sikul chu an bang ve ta hram a. Ban ve leh chuan in lam ah pawh haw kawi hmasa lovin rilru zangkhai tak in damdawiin lam chu a pan nghal a. Victor canbin a thlen chuan hmeichhe nui ri har har a hriat chuan a ding chawt a. Kawngkhar chu hawng ru dek dek in a va bih a Heleni leh Mapuii a hmuh chuan a ding chawt a .

A lut dawn tho nge a haw daih ang tih ngaihtuah in a ding vang vang a . A luh chuan Heleni leh Mapuii chuan hnehsawh zet in an lo ankhum anih loh pawn an huatna mitmeng thip kha a hmu ngei dawn si a . Zawite in a lu a thing na na a luh loh chu a ti tlu ta a . In her in muangchang chuan a haw leh ta zawk a .



*******"**"************************
Victor chu a khum chungah a thu tum bur reng a. Nimin tlai ah Sangpuii a rawn kal lo chu a thinrim hlur mai a. Tlai ah a rawn kal loh chuan zan lam ah tal a rawn lan a beisei a. Zanah pawh a hmel hmuh tur a awm chuang si lo, a thinrim bawk si a ngai bawk si mut pawh a mu tha thei lo ani.



" Ka nu, doctor ko la tunah hian min discharge nghal tur in hrilh rawh. "



" Ward a rawn fan hunah kan dil mai dawn nia. "



" Skul kal hman a chhuah ka duh a lawm. "



Sam rawn lut chuan a thu sawi chu a rawn hre hman a, " Tukin chu i mood a va fuh lo ve a, unaupa. Eng vanga skul kal chak thar ta em em nge maw i nih le? " a rawn ti lut a.



" Nimin ah Sangpuii'n a rawn kan lova a lungleng mood fu lo anih beu buau hi. " A nu chuan a ti a.



" Doctor chu va be mai rawh ka tih chu. "



" Awle, lungleng a i thih hma hian doctor hnenah chuan chhuah phalna chu ka va dil mawlh ang e. " tiin a nu chu doctor be tur in cabin a chhuahsan ta a.


**********************************
Ramnunsanga leh Sangpuii chu sikul lam pan chuan an in zui hnak hnak a. Sangpuii hmel chu a ngui in a ngawi rauh rauh reng a.



" Hlim hmel pu ve la mawle. He tia ngawih reng hi i in hmeh ve lo. " Ramnunsanga chuan tiin a fiam zauh a .



" Ka rilru ah Victor hlir a awm a? A dam ve deuh tawh ang em le? " tiin a phun sep sep a .



" A tha tawh lutuk ang. Sikul ban ah kan pahnih in kan han tlawh dawn nia. "



Sangpuii mitmeng ngui raih chu phurna vang in a de sawr sawr a, " I ti tak tak maw? Ka van lawm tak, Rome. " tiin a ban ah kuah in a nui hawk hawk a.



A ban na lam chu awrh in Victor chu skul kal tur in a in siam sawk sawk a. An driver Kunga chuan skul ah a va thlah a. Sikul an thlen chuan Sangpuii Ramnunsanga ban kuah chung a nui hawk hawk a hmuh chuan a thinlung chu a na vawng vawng a. A kut na lo lam chu hum ruh in a in pet ruh hle a.



Kunga chuan, " Vic, i tha em? Na i nei em ni? " ngaihtuah hmel tak chuan a ti a.



" Aih, ka tha. Ka engmah a na lo. " tiin car atang chuan a chhuak nghal a. A thian ten an lo hmuh chuan an bial nghal laih laih a. Dam tak a sikul a rawn kal leh thei chu lawmawm an tih thu hrilh in an chibai nak nak hlawm a.



Sam chuan, " Saw... I thinlung lalnu pawh a rawn thleng ve chiah e. I be chak a ni lawm ni? " a ti zauh a.




" Teuh lo mai. " a ti nghut a. Sangpuii awmna lam pan chuan a phei ta nghal a. Nui sang a Sangpuii'n a lo melh chu hmu lo der in a kal pel lui deuh ngat a.



" Vic?? I lo chhuak der tawh elaw? " tiin Sangpuii chu a lo nui ver ver a. A biakna pawh hre lova amah hmu lo ang mai a kal pelh chuan a nui hmel chu a reh hmak a. Heh pet sawi laih in class ah chuan a lut ta hmak a.



Class ah chuan Victor chu biak huphurhawm tawk hian a thu tum deuh bur reng a. Thinrim hrikthlakna tur mamawh ngawih ngawih hmel hi a pu a, tumah chuan biak pawh an be tha ngam lo a.



Sam chuan, " Nimin tlai a rawn kan loh che vang in i tih tauh san rih dawn em ni? " tiin a nuih tat tat a.



" Ngawi mai teh. "



" I ti tau rei thei ngut ang em le aw? "



" Min nuihzat deuh tih na em ni? "



" I nuihzatthlak em a lawm. I chet vel dan hi a naupang chhia em ani. "



" Ka thinrim em a lawm. Nghakhlel tak in ka lo nghak ve char char a.. Chutah sikul ah lah hlim em em in mipa dang bulah a la nui zui a. "



" Ka va lainat tak che em, naupangte. "



" Dik tak chuan ka kal pelh luih a ka biak duh loh kha chuan min rawn um zui a, ka ban ah rawn vuan in nimin a rawn kal theih loh chhan sawi a ngaihdam min dil ka lo ring a sin. A tan hian eng tihna mah ka ni ve lo a niang. "



" I beisei ang chuan ngaihdam a dil ta si lo che a. "



" Chu vang chuan ka thin a rim zual sauh ani. "



Sam chu za em em hian a nui hawk hawk a, " Hmangaihna hian mihring hi a lo ti naupang chhia in a lo ti zuau thar leh thei anih hi. Vic, nep viau teh suh aw. Hman a Victor kha khawi ah nge? Ko kir leh vat rawh. "



" Ka nep lo ania aw, hmela! "


**********************************

A mitthla ah chuan Victor_an a kal pel lai kha lo lang in chal dawm meuh chuan a in ngaihtuah vang vang a. Manui chuan rawn nghawk zauh in kawngkhar lam chu a mit mei a. Victor ngei mai chu an class ah chuan a rawn lut a, a bul a rawn thlen chuan Manui chuan a thutna chu lo kian in pawn ah a chhuahsan ta nghal a.



A bul rawn thut pah in lungawi loh hmel tak chuan a melh a, " Ka rawn kal ang i ti si a, engah nge i rawn kal leh loh? Ka lo nghak char char che tih i hre lo em ni? " Victor chuan a ti vawt raih a.



" Ka rawn kal a lawm. Mapuii leh Heleni kha an awm si a ka haw leh daih anih kha. "



" Rawn lut tho ta che. Ka ngai em em che tih i hre vek si a. "



" Min ngailo a niang nichin ka biak che pawn min kal pel lui hmak anih kha. "



" Ka thinrim a lawm. "



" Tunah i thinrim tawh lo tihna em ni? "



" Thinrim tho. Kha pa Ramnunsanga nen khan in in kar ah enge awm? I bialpa ani em? "



A nui sak a, " Ka unaupa ang ani. Ka bialpa ani lo. A tawk em? "



" Aw. "



" Eng tikah nge ilo chhuah a? "



" Tukin zing ah _ ka ngai lutuk che a chhuah ka dil tawp a lawm. Tlem tal in min ngai ve em? "



" Ummm.. "



" 'Ummm' tih chu eng tihna nge? "

" Tam tak tihna! "



" Anih.. Min hmangaih ve em? "



Sikul tan dar a rawn ri ral ral a, Sangpuii chuan, " Dar a ri a nia, class ah phei vat rawh. " a ti thuai a.



" Ka zawhna min chhang phawt rawh. "



A ban an tuamna ah chuan "Luv U 2" tih hi a ziah sak a. A chhiar hnu chuan nui var var in Victor chu a chhuak ta a, a chhuah pah chuan kawngkhar bul atang chuan flying kiss a rawn hlan a, nalh zet hian a nui zui sak a.


**********************************

Chaw ei kham chuan Victor chu a room ah thu in Sangpuii ringawt chu a ngaihtuah a. Tunah te hian a bulah awm ve se a ti in a ngai ngawih ngawih mai a. A hmeichhe lo kawp thin te tumah a ngai em em ngai si lova mak pawh a in ti hial ani. A ban tuamna a a thil ziah sak chu chul in a nui sak a . A phone chu la in Sam chu a call ta a.



" Hey! "



" Sam, lo leng phei teh.. Ka lung a leng teh mai ania. "



" I lunglen viau leh i kut tuamna a Sangpuii thil ziah kha thlir char char la ti nia. "



" Rawn kal nghal ang che. " tiin a phone chu a dah hmak a. Zai a ngaithla ta veng veng a. Darkar chanve pawh tling lo ah Sam chu a rawn thleng ve ta mai bawk a.



" Tiang em em a tuarchhello leh nep hi i ni ang tih ka lo ring ngai miah lo che a. " a rawn ti lut a.



" Ka ngai em a ni. " tiin a kut tuamna chu a melh a, " A nalh ti raw? A hand writing te hi a mawi ti raw? "a ti a.



" I over hret. "



" An in i hriat kha min len pui la. "



" A chi loh ang! "



" Eng vang chuan maw? "



" Ih.. Kha pa...Ramnunsanga nen khan an cheng dun a lawm. "



Victor chu a tek chhawk a, a ding nghal hluai a. " Ramnunsanga chu ka that ang. Hrep tak a! Mipa dang chen pui reng chung in min lo fiam vel ani maw? Ka hmuh hunah chuan an chaklo dun kher ang chu!" tiin a in hrosa nasa mai a.



Sam chuan, " Chutiang ani lo. " tiin thil awmdan Ramnunsanga hrilh ang zawng zawng chu a hrilh ve ta vek a. " Unau ang chiah in an in en a, engmah rinhlelh tur a awm lo. Ngaihtha tak in awm rawh. " tiin a hnem zui a.



A thaw huai a, " A Ni pasal chu ka va khawih chak ve le aw. " a ti vang vang a.



" A ni ngawt mai. "



" Unau ang chiah in in en mahse unau an ni chuang lova , in khat a an chen dun reng hi tha ka ti lo ani. A in luah tur ngaihtuah sak a ngai ani. "Victor chuan a ti rum al a.



" Ve ngawt a che. "



" I hmeichhe hmangaih chu mipa dang nen in khat ah cheng dun ta se i duh bik dawn em ni? In kawm thlang a lehkha zir nan i hman thin in te kha lo ti ruak la, a luah tur in kan siam dawn nia. "



" A chi dawn em ni? Kan in kawm khawmna in ber ani sia. "



" Naktuk atang in kan chei dawn nia aw. I hmuh phak reng ah a awm tih ka hriat chuan ka ngaih a tha dawn a ni. "



" I thu ang in le, ka lalber! "


*****"**********************

HMUN AWL :

Lehkha chhiar hi ka ngaina a M&B , Denis Robins , Barbara Cartland , Nick Carter , James Bond , Mona Chung ,Cowboy thawnthu hrim hrim leh Sydney Sheldon ...ka va han chhiar nasa thin taaakk.

Lehkhabu ziaktu ah chuan Sydney Sheldon hi ka duh ber a , a thawnthu hi ngaihnawm loh ka la hmu lo . Cowboy ah chuan Sudden -a kha ka va han atchilh thin tak ! Ka nu in min hauh chang te khan Sudden-a kha a sakawr Nigger chungah chuang in min chhanchhuak tur a rawn kal tur ang ten ka suangtuah thin ...

Kan hun lai kha chuan Photoromance te kha a lar thin a kan chhiar nasa thin hle a . Bruno Minniti leh Dan Green te kha ka va han atchilh hnehsawh thin tak..kha Bruno Minniti kha ...💕💕



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)