SECRECY CH-26 BY~Mrs.Babes Bawihtlung

Episode kal lai dah luhna

Moderator: writers

Mrs.Babes Bawihtlung
Posts: 58
Joined: December 9th, 2020, 12:11 pm

SECRECY CH-26 BY~Mrs.Babes Bawihtlung

Unread post by Mrs.Babes Bawihtlung » April 11th, 2021, 10:14 pm

SECRECY


Chapter-26

THANCHAMLIANI P.O.V


"Engtin nge I chhawrh theih zawk? Amah vangin kan buai hrep tawh kha"ti thum dut tu chu ka en kar.



Min hrilhlawk miah lovin ka hotelah a lo kal a. Ka hlim ve tehreng nen Esy a hmu chiah kha a rawn thinrim nghal ti tih a...ka bengdai thei thlawt lo.



"Tanpui a ngai a ka tanpui ve ani mai"
"I bialpa aiin I thlang zawk dawn maw?" Ti hmuk a chiang zeta min melh kalh tu chu ka en let ve kar.

Engvanga Esy ka pui chu duhlo viau nge maw ani le?


"A hma khan nangpawn I thlang zawk ani lawmni?"ti nghek in ka melh leh nghar. Ka sawichhuak a,ka na leh. Khazan khan kei min thlang lovin Esy inlam a pan a. Ka accident phah ta hial reng anih kha.



"Hun kal tawh rawn sawichhuak suh"ti nghutin a hawisawn hmak.


"Sawichhuak lo thei lovin min siam a nih hi.. kha zan khan... Tanpui a ngaih thu leh midang tumah a neih loh thu I sawi a,tunah pawh neih engmah a nei lo. A mipa zawk in a tanpui thei anih chuan engvangin nge kei,a hmeichhiatpui hian ka tanpui lo tehlul ang"ka sawi zo ka thaw hak. Mit tlalek lova min en tu chu ka melh nghal kalh.



"Awle... Pui ang che,tanpui mawlh rawh. Mahse,min rawn be suh ang che"ti nghut in a chhuak nghal daih. Mak ti lutuk in ka nui hul hak.



Romalsawma kha! Khatiang mizia kha a nei ngai lo. Engvang teh thut nge? Chuta karah,min be suh a ti maw. Hah! Zaktheilo lutuk. Khatiang mipa rilru té zet kha ka mamawh therte love. Kal rawh se,tunge awmtheilo zawk chu kan hria ang.



"Keimah vang tiraw?"ti sep ri ah chuan ka ngaihtuah na atang ka harh zawk.


"Nilove... A sual a chhuak a nih kha"
"Keimah vang ani tih ka hria lawm.. ka bang zawk mai ang. Keimah vangin vawikhat in inthen tawh a. Tuntum chu ka inthiarfihlim zawk ange"ti sep sep in a coat hma a a hming tarna chu a la thla a.



"Angai lo... Thawk rawh,ka mamawh che,kan hotel hian kan mamawh che"

"Ka lawm lutuk e aw"ti tiau in min rawn kuah chawih. Keipawn nui ver verin ka lo kuah let nghal.


ROMALSAWMA P.O.V

Hmanhmawh zetin Chami inlam ka pan nghal. Traffic a thawl bawk a,duh ang thalin ka tlan thei chu ka lawm letling zawk. A gate a in kalh loh avangin ka tlan lut nghal a.



"Bella"ti that in kawngkhar ka tlawh thuai. A lo inkalh chai hleinem.



"Bella"ka au leh a,mahse thawm engmah a awm lo.


"Thanchamlian"ti leh that in ka hawikual nghal ruai.. ka ngaihtuah anghi nilo hram rawh se.



Kitchen lam atanga thawm a rawn awm chuan ka tlan phei vat. Hlauh nei tih hriat zela dawhkan hnuai a lo bawk tawm kak ka hmuh chuan ka ngaihtuahna a kalthui hle.


"Coco papa ka lo kal ania"ti dam dap in ka kut in ka hui zeuh zeuh a. Mei rawn vai thet thet in a chik ngher ngher.



"Lo kal rawh le"a bula thut thlak pahin ka ti sep a,ka pawm kang nghal nawlh.



"Khawnge momma"min chhang dawn lo tih hretho mah ila ka zawt a. Ka beidawng tawh. Khawiah nge a awm ang.



"Nungdamin lo awm rawh aw... Ka rawn zawng hmu vat ang che"ti sep in ka maimitchhing vang vang. Min rawn call lai khan lo la ila... Hlauhlawp a a awm laia pui tura ka awm loh avang khan mi â tak ka ni.



Ka hming lamin min ko mawlh mawlh angem? Ka kal hun nghak in alo awm reng angem? Zawhna tamtak ka nei. Mahse,chhanna zawn dantur ka thiam lo ani.



FLASH BACK

Ka phone ri ral ral avang in ka file check lai atang ka mit ka la sawn vat.Caller ID ka hmuh chuan ka ner sak.



Engvanga thinrim em em nge maw ka nih le? Keipawn ka hrethiamlo ania...ani pheichuan engtin nge a ngaih ang. Mahse..ka phalna la lova Esy a chhawr ngawt kha ka lawm lo. A thiltih engkimah inrawlh ka tum anilo.... Esy kher bikah hi chuan,a hma pawh a kan inkar chhiat chhan ani tih a hre ve reng awm sia. Eng ang rilru nge a put bik ni. Nge keimah hi ka dik lo zawk.



Ka ring ral tir thak a... Reilote hnu ah a rawn ri leh nghal.

"Min ngai hmasa zawk ah I tang ve ania...mahse kala in duh tlat dawn"ti nuah nuah in ka pick duh lova.



Chami bula ka awm hian ka mizia a naupang chhia thei em em a. Keipawn mak ka ti zawk.Midang,min lo hmu tu phei chu awm se min nuihzat ka ring tlat. Mahse,hmangaihna in a a bualat meuh chinah chuan kan duh ang in kan awm lo nasa ani.




"Vawikhat min rawn call leh la, ka la tawh ngei ngei ang"ti rilru neuh neuh in a call ka chang ran a. Mahse a reh hmak.

Lungawi lo ru zetin ka phone ka melh kar. Min ngai reilo hle mai.


Ka message tone a rawn ri vât. Ka en ngal vat. Ka thil hmuh avang chuan ka ding chhuak hluai. Hlauhthawnna nasa tak ka nei nghal bawk.



Chami nikhawhrelo tih hriat zeta motor seat a a the bawi thlalak hi min rawn thawn a.. A hnuaiah "call I pick duh lo chu I fing hlemai.. thil I rawn ti awlsam sawt.. ka lawm e"tih hi a rawn thawn tel bawk a. Hmanhmawh lutuk in ka call vat... Hrep hian!



Call pangngai in ka call leh a.. a in switchoff hmak bawk si.


Engvang in nge ka lo induh khum vel hrep ni. Ka venhim tur thu kha ka sawi a,mahse min mamawh hunah pawh a bulah ka awm theilo ania.

END OF FLASH BACK


"Bella khawnge I awm?"beidawng zetin ka tichhuak sep.


A awmna tur awm ka hre thlawt lo. Ka ngaihtuah a,mahse tunge a hruaibo tu hi ka hre bawk silo.



Thil ka ngaihtuah chhuak... Kha ka mumang... Nilo.. Bella nena kan mumang in ang kha.. kha thil kha alo thleng dik tihna em ni? Nge ni a thil dang zawk?



"Sanga" phone a pick rual chuan ka ti nghal tawp. Ka hlauthawng a,Bella chungah thil pawi a thleng ang tih ka hlau takzet.

"Eng nge nita boss?" A rawn ti nghal vat.
Sanga hi ka ngaina ngai lo. Mahse,mipa chu kan ngainat loh pawh hmeichhia angin kan zeldin ve lo a..kan ngainat loh chuan inbiak loh tawp animai.



Mahse... Amah hi a fing a,kan in kawm chho a,ka mil chi tak a lo ni lehnghal.



"Chami a bo" rilru hah zet chuan ka ti chhuak hap. Ti ngaihna a hriat bik ka ring lo. Mahse,min puih theih ka ring tho bawk si.



"Eng nge awmzia?"hriatthiam loh hmel zet chuan a ti haw a. Mak chu ati ve viau tak ang. Chami nen kan in ti thiamlo tih a hre miau lova... Chulo ah, Chami ka awmchilh deuh chawt tih a hrechiang a,a bo chu mak a ti khawp ang le.



"Chami inah ka awm..lo phei phawt teh"

"Awle boss"tih leh dah a rual.



Chhui dawn tehreng pawh niila..khawi atang nge kan chhui ang. Engkim hi a thim hmuk.. tan na tur ber ka hrelo.


Sanga a rawn thleng a... Ro te kan rel dun a,pahnih chauh chuan indaihloh ana ngei mai. Mahse,midang hrilh chi lah va ni suh.



"Boss... A mak ka ti,engtin nge in intih thiam loh lai tak a chet nachang a hriat theih. Ka rin dan chuan.... Hrilh hre tu an awm a niang. Anih loh vek pawn,a chhui nasa viau ang che u" ngaihtuah muk tih hriat zet chuan a ti fan raih raih a.


"Ni e,a mak khawp mai"ka lo ti ve sup. Sawitur dang thlawt ka hrelo. Rilru hah bawk nen,awm ngaihna ka hrelo takngial dawn.


(。♡‿♡。)

Car a ding dat a. Seat hnung a engmah hrelo a thu zawi hniang chu a awn hma deuh awk.


"I chawh reuh ka ti"tih pahin a nui uar uar a.


In hlui tawh tak,tuma tlawh pawh ngai loh tihhriat zetah chuan an inkuah lut a.


Kawngkhar pakhat a nem hawng a,nui sukin engmah hretawh lo a zawihniang,hmeichhe duhawm tak leh vanduai tak chu a pawm kang nawlh a.


Bang kil lam apan a,a ke in a tlawh zeuh a, a rawn inhawng nghal ruai ruai a. A kal ngun tih hriat zetin chung bang tawlh lai a hmuh te chuan hlauh ai mahin a hlim zawk a.



"Heihi I khawvel ani tawh ang" ti sup in a hmeichhe pawm chu, khum tetak te,uk deuh kharh tawh ah chuan a nghat thla a. Lungawi tih hriat zetin room chu a en kual a.


"A nuam hle mai"nui hak hak chunga tiin chu room,tukverh pawh awm lo atang chuan a chhuak a. Boruak thianghlim rawn luh na tur awm sateh mahse a daihkhawp ngut amaw chu?



"Ka nu leh pa thi tawh te atang khan hlimna ka lo la zawng ve char char thin a.
Mahse tun atang chuan... He khawvel a awm te atang ngei hian hlimna vawrtawp ka zawng ve tawh ang.
Tun a ka nun hman mek hian min tina a,mahse hei lo nun hman tur ka nei chuang silo. Tuna ka nun hian min tina thei anih chuan engvangin nge ka nun vek hian min tih dam theih lovang ni.
Ka tuar anga,ka tuar chhuak zo ngang lo anih leh keimah in kawng ka sial chawp anga,chu kawngah chuan ka kal ang. Ka la hlim lo cheu anih chuan kawng dang ka zawng leh mai ang." Whiskey, a bottle a dawm vang chungin a ti malh malh a.



Room lama thawm a awm takah chuan harhchhuak thutin a va pan vat. Hmeichhe pawisawi lo leh duhawm tak,tal ve tap tap a hmuh chuan a nui sak. "Duhawm reuh lutuk" ti a phun sep in a chhuahsan leh nghal a.


🖤 Ka rawn dah thei lawk loh avangin in mi hriatthiamna ka dil e🖤



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)