MI PRINCÍPE CHAPTER 7

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

MI PRINCÍPE CHAPTER 7

Unread post by mawitei bawihtlung » April 11th, 2021, 10:19 pm

MI PRINCÍPE






CHAPTER 7







MAWITEI POV....





Kal ila chuan ka sawi tawh kha i bulah ka lo kal ve dawn min hnial suh hmeichhe tan a mawilo tih ka hria mahse i dinhmun der thawnga a awm lai hian ka kalsan dawn lo che " ka tisap a ,ni e kalsan ka tum lo kha nithum chhung khan engkim ka zir thiam bawk .







Ani hi ka venghim tlat ang ,min en vang vang a a rawn thaw hak bawk ,a rilru a insual buai tih ka hre thei ,min en ngur a ka lo nuihsak thung “ min hnial suh aw I bulah awm tlat ka duh" ka tihleh takah chuan a bu nghut a .







“ Haw tawh ang a tlai tawh " a rawn tihchuan nuih vur vur chungin ka phur ka thawn mawlh mawlh a ,ka em chu a lo chelh nghal vat bawk ,muangchangin kan haw a ,ka kut chu a vuan tlat leh nghal hepa hi ka phone ka lo entir kha ka inchhir deuh rum rum .






A zir tak tak vaih chuan ka lai hma nen ka awm thiam lo ang tih ka hlau “ hey nang hi I zir tak tak ange aw " tiin ka melh ha a “ eng maw i sawi awmzia bawihi" a rawn ti a ,awi ka â zo dawn story ho video kha a en tih ka chiang lutuk .







“ Lalrinawm ininawm khatiang zir tawh suh ka lo en tir duh palh palh che ani " tiin ka hau hlak hlak a ,ala nui mai mai zui mahse a aw thum leh pa zet nen hian a inhmeh phian “ in awmna a inthil tih than kha hriat ve hrim hrim ka duh alawm nangmah ang bawk hian " a rawn ti a .






A sawi dik ve tho mai ,chhang duh tawh lo in a kut chu ka vuan let a ,a nui suk chu ka hmu reng ,khawchhung kan luh dawn a vangin ka kut ka la sawn a ,kan inzui lut nghal hnak hnak bawk ,inkawt kan thlen chuan kan inthena ,zan lamah a rawn len tur thu sawiin akal zui nghal vat .







Ka phur chu keuhin inchhung ka lut a ,Lawmi chuan min lo nuih var var a “ awi nangmah hi nih ve ka chak mange " tiin a nui har har a “ chak lo mai teh taka naktuk chu inpa pawh a tel ve ngei awm sia " tiin ka sawi zui a ,a rawn thawk hak .






“ Nia dik tak chuan ka hlauthawng ralbei tur an ni a ,dam takin inrawn let a ngem tih hi a hriat bawk siloh" a rawn ti ve a “ ka theihtawp ka chhuah ngei ang Rinawma hian a venghim Dawn tih ka chiang bawk ,ngaihtuah awm an ni lo ang chubakah Kunga hi hneh mai mai chi niin alang lo .







A awmdan thawveng zet phenah hian hlauhawn tak a inphum ru tih ka hai lo hei nangmah ngei pawhin pâ iti em em ania " tiin ka nuih hak haka, anipawh insiam tha in kan infiam pah a ,Pa luta a rawn luh chuan min rawn pan vat a.





“ Naktuk chu I kal ve dawn amaw lalfapa Khan a sawi a ,Mami fimkhur la ka fanu ang chiaha ka en ve tho inia dam takin lo let leh ngei ang cheu " a rawn ti dam thlap a ,ka lo bu nghat nghat a ,ka thuruk hi lalber leh lalfapa bak hian an la hre lo tih ka hre mai .







“Him takin rawn let ngei ka tum dawn nia ,chuan I sawi angin keipawhin nu leh pa tak tak angin ka en cheu a ,ka nu leh pa dik tak erawh an thi tawh thung mahse nangni ka tawng leh cheu a ka lawm takzet" tiin ka sawi ve duah a .





Ka thusawi zawng zawngah ka la puitlin ber tum ani hial ang a tih chu ka ngaihtuah nghal zat ,rawng kan bawl mawlh mawlh a thlai hring hmeh tur awm reng hi nuam ka ti a bikin maian bai hi ka hne thei lo an baizawr thiam bawk sia






Chaw pawh ka ei leh teuh tawh hetiang hi chuan ka thau vat ang ,zan lamah Rinawma te rawn len hun ka Chang a ,an rawn lang har phian leh nghal ka thinrim tun tawh Lawmi lah chuan min lo runluih ziah leh nghal .





Kunga a rawn lut a ,mahse ka mi nghah ber a la rawn thleng chuang lo ,ka tau bur a Kunga chuan “ thiana chu tihtur pawimawh ka nei lawk tiin a pengkawi a nihkha " a tihte chuan ka rilru ah ngaihtuahna a rawn lut a ,Thakimi te inlamah a kal aniang tihte chu ka ngaihtuah a .







“ Lawm ka mu mai dawn aw" tihpahin khum lam ka pan a ,ka mu nghal hmak ,ka thinrim hlur te chu ka inhrethiam lo pawnlam a rawn ri a,amah ani tih ka hre nghal mai ,mahse ka tho tawh awm hlei lo e mai a .





“ Khawnge mawii " a tihri te chu ka hre reng Lawmi chuan “ I rawn kal har sia a mu ta anihkha nangpawh eng chunge itih kawi ni" a lo ti var a,an tawng chu ka ngaithla reng “ nia Thakimi pa in min ko peng lawk alawm le Mawii chu anuam lo ami " a tihzawm a .





Ka thinrim tak zet englai pawh a Thakimi tireng mai ka tho chhuak leh a ,min lo en nghal thap ,ka hmel an hmuh chuan an meng deuh kawk a Lawmi chuan “ Mawite tinge I mit kha a sen vek ania " a rawn ti a ,a aw te chu a khur titih






Ka lo thinrim deuh ani maw ” Lawm inhriat a hun ta bawke kei hi he in khawvelah hi chuan dawi ka thiam a ,chuvang chuan a nia hetia ka awm mahse min hlau lo ula ka duh keihian tumah tihnat ka tum lo cheu nia " ka ti vat a .




An mak ti hmel chu ka nuih lui sak a “ min lo hrethiam teh u ka chhuak lawk ange chuan min hlau suh u ka tihkha aw " tihpahin Rinawma min en reng chu haider in ka kalchhuak a ,ka thal chu ka la nghal bawk.





Khawpawn lam ka pan a ,ka thinrim bawk nen ka thal chu ka kuai kul a a fang chu ka vuah nghal zat a pawlin a rawn eng nghal va va bawk ,ka kap chhuak zawk a ka hma zawna thing ho chu an bo nghal duak bawk .



**awihawm loh e mahse amazing hi nuam ka tia 😳🤪😂🤣****




Ka hnung a tang chuan min rawn kuah thlawp a “ tinge mawii I lungawi lo ami " a rawn tisup a ,ka ngawi reng “ min thlah teh ka la inzir duh chuan keimah chauha awm ka duh bawk haw rawh " ka ti hmuk a .






“ Aih Thakimi chungchang vang kha a nihchuan apa in min be duh lawk sia ka kawi zawk alawm chuan a ni nen kan inbe lo " a rawn ti a ,ka nuisak thung “ anih chu haw rawh " ka tileh kher a rum nghutin ka hnute chu a rawn hmer vak a .





“ Ana Lalrinawm khang kha tive suh ka tiche ani lawm ni " ka tituar a ,kalsawn ka tum chu min kuai herin min fawp tawn tawn a ,ka chhang let duh lo “ bawihi " a rawn tileh a ,hethu a sawi hi a inhmeh ngawih ngawih hian ka hre thin.





“ Bawihi ka bawihi inih hi tun a tang chuan Bawihi tih hian ka ko ziah tawh ang che " a rawn ti a ,ka ner nghal nawng “ ka duh bawk lo " ka ti a,a rawn nui hawk hawk “ thikthu chhe em em I hi a nang chauh lo chu tumah an awm lo ka tihkha " a rawn ti a .







Chiang zetin min en bawk ,ka hawisawn daiha ,a awmah chuan min kuah bet vang vang a “ in khawvelah let tawh lo in hetah ka bulah hian awm reng rawh aw " a rawn ti sup sup a .






Engchen nge keipawh in ka awm dawn ka hrelo dik tak chuan keipawhin fahrah ka nihna khawvelah khan let ka chak tawh biklo ,he lai ah chuan engkim ka nei a ,nuam ka ti takzet bawk .






“ Haw ang ka thiltih tum I tichhe vek " tiin ka phun hlak hlak a ,ala nui hawk hawk zui “ nui reng suh Lalrinawm ninawm khawi ka kal Dawn I duhleh tah hian ramsa ho nen awm ru " tiin ka kal san nal nal a .







Ka hnungah min lo um leh vat tho ,in kan thlenga Lawmi te chuan min lo be vat ,an hmel pawh a lo pangngai leh tawh ,Rinawma te pawh an haw thuai a ,Lawmi chu ka pan vat “ min hlau lo tiraw " ka tihchuan a lu a rawn bu nghat a .





A tir kha chuan ka hlau che a ,mahse tunah chuan min tihnat duh ka ring lo ka hlau lo che " a rawn tihchuan kan nui hak hak a ,muturin kan inmangtha a ,khumah chuan ka ngaihtuaha Rinawma awm dan vel chu ka nui leh thin ka duh thlawt alawm .








A awm dan engkim hian min hip ani ber ,tawng tlem viai e tilo hian a thusawi chhun hi a ni thlap thin , athusawi reng rengah a mah a inrin tawk zia a lang bawk .




Zingah ka tho a ,ka mamawh tur ang ang ka siam ve vat vat a ,Rinawma leh Kunga pawh an rawn thleng vata “ hmeichhe raldo tur ka vawikhat hriatna thiana ilo thlanthiam hi le tikhan khawi kipah pawh in inhnuk dawn ania " Kunga chuan a dawn ti a .






Kan lo nui dar dar thung ,a fiamthu thawh peih lutuk hian a tinelawm zual nimaiin ka hria ,Lawmi te ho nen chuan kan in bye bye lauh lauh a ,kan kal liam rualin a hma ah min kal tir a ,Kunga nen chuan kan inkawm pah mawlh mawlh a .







Rinawma erawh a ngawi reng a,hepa thin hi chu aw ,kal kawngah chuan ka rak chul hi ani ringawt ,kan kalna tur khua thleng tur hian zankhat kawng lakah riah angai a ,ka huphurh lem lo .





Sava vel kan bulah chuan an hram chiah chiah a ,Rinawma chuan Kunga nen kan inbe reng chu min rawn hau a “ khang kha chuan ralho kan bul hnaiah awm se kan hre thei dawn lo bengchheng reng lo khan kal ru " a rawn ti a .






Kunga nen chuan inen in kan nui tut tut a “ awle ka lalfapa hmeltha ka tana khuanu ten an vohbik ,pianglo val zun ngaia ka thamral maitur phallo va ka tana an rawn pianchhuah tir hringmi zawnglaiah a sakhming mawi chungchuang pasaltha Lalrinawma ini hi ka lawm .







Piangnawn leh dawn pawh ni ila nang tho ka thlang ang che " ka ti duah chu mi melh reng ringawt ,kunga lah chuan ka ang phuau in min en a ,ka nuih ringawt hma chu ka hruai chhunzawma kan thawm tawh lem lo ..






Khua a tlai ruih tawh keini pawh kawng chanve ai thui chu kan kal tawh ,“kan tluan chuan nauchaw pek hun velah khua kan lut thei ang " Rinawma chuan a rawn ti a “ helai hi a rema buk sual nghal mai ila " a tihzawm a.






“ Angai kher ami khi puk a awm reng khi " tiin kan chhak khama puk kaw huang chu ka hmuh a ,ka biangah a rawn la piai vak zui “ ana Lalrinawm tikhan min ti ziah suh" ka tihlar a ,Kunga lah in ei lo lutuk in kan pahnih chuan min en a .






Puk lam pan chuan kan kal vat ,a zau phian lehnghal khawthlirna turin a rem chang takzet bawk ,kan innghat thuai thuai a “ tikhan lo awm ula hmeh tur kan va zawng ange " tihpahin Rinawma chu a silai nen a chhuak nghal a .





Ka en zui reng “ ngaihtuah duh suh a rawn hlawlh tling ngei ang ,hengte chu ka hmu nguna ngaiah ka neih tawh " Kunga chuan a rawn ti zung zung a ,engmah sawi tawh lo in meichu ka chhem mawlh mawlh a .





Khua a thim tep tawh a rawn let har takzet ,kal ve mai ka tum deuh ut ut a ,mahse puk pawnlamah thawmah chuan ka tho chhuak vat a ,Sakhi tuai lo awm ka hmuh rual chuan Rinawma pawh ka hmu nghal a .





Sakhi sa chu an chan mawlh mawlh a keiin kawr tui chawiin ka lo chhum bawk ,kan chaw eikham chuan kan chawl vang vang a ,Kunga phei chu a mihil daih tawh .




Pawn thla eng kulh chuan puk ko tlang vel chu a chhun ruih a ,ka tho chhuaka pawnah chuan ka va thu vang vang ,ram chu a cham put a ,a lunglen thlak vawng vawng thei heng te hi kan hunlai ah kha chuan hmuh tur a vanga .





In a tam tawh bawk nen thla eng pawh a lang tham tawh meuh lo ,Rinawma chu ka bulah a rawn thu a ,a darah lu ka nghat nghal zat bawk “ amawi tiraw hetiang hi hmu reng thei ila " ka tihchuan ka Sam a zut hauh hauh a .







Ka kiang a I awm reng angai dawn anih chu " a rawn tisup a,ka hnaih sauh bawk ,a romantic tak zet , akut chu ka hmer vang vanga,he kut hi thlah ka duhlo .



Mahse engtikah emaw chuan ka thlah ngei angai dawn sia,chutih hunah chuan engtin tak awm ang I maw .




(Naktukah lo dah leh ka tum ang aw )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)