BEFORE YOU GO - 18 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

BEFORE YOU GO - 18 By Bearr Chhakchhuak (Dreamer)

Unread post by Bearr » April 11th, 2021, 10:52 pm

CHAPTER-18❄️



"I lo haw maw,I u a chesual a lawm" ka nu chuan alo ti a an bul ah ka va thu phei veleh a ka u na lai an tih a ke chu ka en a,na han tih lua tur ni in ka hrelo a lan dan atang rengin a nat hmel loh



"Khawi ah nge a tih nat a?" Ka tih chuan ka u chuan ngawi rengin min lo en a



"Muana te Veranda ah,I chhuak nghal daih sia I u chawhmeh ka han suah tir a,a han chesual anih hi Muana'n entir turin a kal pui nghal hlauh zawk a"



"A va tih zia ve, lehkha ka va zir teh ang" tih leh room lam pan ka rual a ka phone ka phawrh a lehkha zir hma in ka bih leh zuai zuai bawk, Vanrammuana massage dawn pawh ka in beisei loh laiin pathum lai alo awm a



Ka thinrim reh hun ah be tur in min rawn chah na vek ani,ka reply lo a phone chu dah in lehkha ka zir ve malh malh a,dar 10 vel atang chuan ka mutchhuak tawh lutuk in lehkhabu ka khup thawk a khum ah lawn in ka muhil nghal bawrh bawrh





"I ke chu a na vak tawh nange?" Khum atang a tho chhuak in Ka u room a lo tei vel melh pahin ka tih chuan a bu nghut a,nizan kha chuan a nat hmel viau a tun ah pawh bai deuh mahse na nei ang pawhin a awm lo



"School I kal dawn em? Keichu ka kal lo mai ang ka tia " atih chuan ka in ngaihtuah vang vang a,in ah a awm chuan Vanrammuana pawh a awm ngei anga College a kal ve tawhlo lehnghal sia



"Keichu ka kal ang" ka ngaihtuah na vang chuan phur lo zet in ka ti a, school ka kal hlan in enge thleng ang? Ka sawi tawh kha Vanrammuana'n ka u a duhlo tih hre mahila ka ngaihtuah na in thil tha lo hlir a ngaihtuah chhuak zel tho!




*Morning...I thinrim a reh tawh em?*


tih Vanrammuana hnen atangin dar 5 vel khan ka dawng leh tawh,mahse ka reply ta lo



School kal a ka chhuak turin Ben-a bauh chiam thawm ka hriat vangin ka han hawi chho a Aron an Ben-a a lo hau chu ni in,tinge maw a hauh ringawt ni? A thinrim ve viau nge a rawn hawi thla a mahse a hawi sawn lehnghal daih,nidang ah te chuan min hmuh tawh chuan min be ngei ngei zel kha ania


____________________________________

★ Vanrammuana POV ★



"Buaina I tawk ami a? I hmel reuh ruih chu leh! I pangngai lai pawn hmuh I nuam lo ania tun ah phei chuan a! "



"Rini mawle" ka ti sup a hmalam ka melh lehnghal vung vung



"In ni tawh tak tak ami a? Thiana a va zia ve ti kha chuan ngai I rawn awh leh vat dawn anih hmel a" ka dar a rawn ben thak thak pahin atih chuan ka nui sup



"Class I kal dawn lo ami?" Ka tih chuan thut hmun rem tha sauh sauh pahin



"Dawn lo mai,tunlai chu class kal hi ka ning hluah hluah" atih chuan ka class kal ve thin lai min ti hrechhuak,engtik lai mah khan class kal kha ka ning ngai miahlo "chuan Arini chu tinge a?"



"Nizan ah a u chesual entir in ka hruai a,in hmu tur kan nia ka va kal leh hman ta silo nen a thinrim deuh anihkha ka massage pawh a seen vek min reply chuanglo"



"Um a awm ve tho mai,thlem turin ilo zei bik viau lo bawk sia" ka thaw hawk a,ka thinrim lam nilo in Zorina sawi hi a dik lutuk vang ani, Duati pawh kha ka thlem khat khawp mai,in ti thiamloh kan nei khat bawk nen ka mizia in a ken telloh vang hrim hrim pawh khan a thinrim pawn a ka thlem vak ngailo



"Tih ngaih na pawh ka hre hrep lo" ka ti chhuak tawl a,ka massage a chhang duh bawk silo a a mah hmu tur a ka len luh dawn lahin Rinpuii alo awm ve leh zel anga chu chu ka peihlo sa tawp bawk



"A la nau ve hmel sia a buaithlak ang,mahse a tawngkam hman dan vel atang kha chuan a ruk in a puitlin viau ka ring..e nimin khan Lawma khan Arini te chhuah hnu a I chhuak ve kha alo chik deuh che aniang Duati a theihnghilh tawh ami atia ka bul ah"



"A awm ve tawh hleinem" ka ti mai a, Lawma pawh hian a nau chhan leh thlavang hauh kha a pe na khawp a, Duati lungawi loh chang te Khan min rawn biak a Ching hle thin



"A engpawh nise Arini chu I biak ngei ngei angai anihchu"


"Nia..."


"Ti teh,sawtah khan va kal ila..hman ni lah khan in tur pawh I hawn ta lo kha ania I in leh chak tawh viau lo maw?"


"Chak hran lo" ka lo ti liam puat



Nileng in Zorina'n min zui kual a ahma pawhin kan in zui ve deuh chawt thin,tlai lam dawn ah kan in lam ah kan in zui phei a ka rin loh deuhin Rini alo haw mial,sana ka en vat a ban a la hun chiahlo,rum thei ang ber in min en a



"Zorin kan va in hmu khat ve,lo leng rawh tlai tak tak hma in ka va bazar lawk ange" ka nu bazar tur rawn chhuak nen kan in tawk bawk,ka nu hmuh lai a han biak chiam a duh ka rin loh vangin ka nu kal jlhun ka nghak a




"Awle hmanhmawh suh,ka awm deuh reng ang" Zorina'n alo ti fiam ve bawk,ka nu a kal chiah Rini gate a a lut chu ka zui ve nghal a



"Ka massage I reply lo a" ka ti ringawt a,a ni pawh a kal lui tawh chuanglo



"Ka hman tawhlo a lawm,e chuan ka la thinrim" a rawn tih chuan kun in ka nui suk,engmah zwp tit tet a thiam lo tih a tawngka atangin a hriat mahse hei hi ka duh zawk



"Ka lo han chho ang" Zorina'n atih chuan ka bu nghut a



"Chuan tun ah in bia ila.." ka tih chuan a rawn in her a



"In be tawhlo ang ka tih kha,phone emaw hmaichhan ah pawh nise"



"Enge thinrim vak na tur awm? tih luih na vangin ka hruai ani mai a,a lak a ka rilru I hre vek tawh ani lawm ni?" kei mipa dawh theilo lutuk chuan ka aw ki ka san leh nek tawh!



"Hre vek e,mahse ka thinrim miau sia lawm,ka lo nghak che tih pawh I hre ve reng a bike I khalh thu chauh min rawn hrilh a..I u ke na entir turin ka hruai a te rawn ti ve la ka thinrim miahlo ang"



"Ok,kha chu ka thiamloh tih ka hria..I awm a nawm loh phah ka duhloh vang ania ka sawiloh,tum ai in kan rei bawk nen ka hmahmawh bawk in ka rawn be ta manglo che anihkha"



"Hmm,ka sawi peih tawhlo" ti a min luh san atum chu a ban ah ka man chawt a kan in lam ah ka kai chho hmiah,tun darkar ngei hian kan in kar buai hi chin fel vek ka duh



Ani pawn min hnial lo a,min hnial sawt ati lo zawk pawh ani mahna ,in chhung kan luh a Zorina mit lo san keuh chu ka nuih suk ringawt in chhung luh pui mai duhtawk lo in ka room ah ka chhoh pui a



"I nu lo haw hma a chhuah ka duh ania enge ila sawi dawn?" kawngka bul ah chuan a ding tlat a



"Kan inkar kan sawi fel hun ah I chhuk dawn nia..chuan a eng ber chu maw ila thinrim pui char char?"



"A vaiin..." A ti deuh tawp! tha hawk in ka pan hnai a



"A nihchuan...Ka tihpalh" ka lam ah pawt hnai in ka kuah a,a tir chuan a che tha duhlo a mahse a tawp ah erawh min kuah let ve tho "kan tha em?"



"Tha tep..." Ka nui chhuak hawk,awlsam hi chu a tum lo ve mawle "ka thik thu hi a chhe lutuk a,ka thiante bul ah pawh ani tho" a rawn ti leh a



"Pawi na a awm hleinem" ka tih vel ah min kuah nghet sauh aa chhip ah ka fawh sak vawng vawng



"Ka u in a duh ve vang che hian ka thlah dawn miahlo che,mahse ka bialpa ni Chuang suh" a rawn tih chuan ka in la hrang hlek a



"I danglam lutuk hi a mak ka ti, khatiang thu I sawi hun kha ka nghak rei tawh bawk a tun ah ka hre ve ta a lawm..." A hmui ah chuan duhthawh zet in ka fawp a,a in lak hran rual chuan a hmel ah in thiamloh na lian tak nei ang hian a rawn awm a



"Ih maw keichu ngaihsak a duat ka ngai lutuk,chuvang chuan ka chhungte leh ka best te pahnih lo chu ka ring ngam lo" tih pahin a chhuak daih a zui pawh ka tum chiahlo




Inhnuai ah chhuk in Zorina nen online games kan khel a, tlai tak tak ah haw a tum ka thlah a,a kal liam deuh chiah tih in Rini hnen atangin call ka dawng a mak ka ti riau bawk min rawn call chu sawiloh massage pawhin min rawn be hmasa ngailo




"Aw..." Ka ti mai a,a rawn in hnit hlap hlap tak ah chuan an in lam bawk chu ka en a "Tinge,I tap ami?"


"Ka u nen kan in hau a" a rawn tih tak ah chuan ka lo in hum ruh nghal vat


"In kawt ah ka ding mek,lo chhuak teh" ka tih chuan a ri deuh rak rak a "nge ka lo lut zawk dawn?"



Phone chu a off daih a an in a luh tum a ka pan phei lai takin a mah zawk a rawn chhuak a,nichin a haw thla kha a la in thlak lo ani ngei ang uniform nen a la awm,a rawn phei zel a a mit a bui deuh lak bawk



"Tinge a.." ka hma ah chuan a ding ngawi reng a "engtin nge atih che...I nu a awm lo ami?" Ka tih chuan lu a thing ringawt



"Ka u hi a sual tawlh tawlh" tah aw tuau pahin atih chuan a sam thur deuh bam siam that sak pahin a biang ah chuan ka dawm sak a



"Lo lut rawh,pawn a va tah kher angailo" Rinpuii kawngka bul a rawn ding in atih chuan Chuang zet jn ka lo en a " Rinzual...lo lut rawh" thupe aw zet a atih chu ka lo ngai thei hauhlo



"Ka biak zawh ah a rawn lut ang" chang fak in ka lo tih sak hmak,ngawi rengin ani pawh a lut leh mai Rini chu ala in hnit deuh faih faih a "Ka bul ah I awm rih duh em? "



"Pawn ah sawn ka thu rih mai ang,a nu alo haw tep tawh awm sia I bul a ka lo chhoh daih chuan min hau ang" a ti reuh a,chhoh san mai bik ka duhloh vangin an Veranda thuthleng lam panin ka kuah phei a



"I nu lo haw hma ka lo awmpui ang che,engtin nge in in hauh hrim hrim? Kut a thlak che em?" Ka tih chuan lu a thing mat mat a



"in in a kan chho kha min hmu a,zahpuiawm lutuk min tia chuan ka thinrim ve bawk sia ka hnial ve a a tawngkam a na leh lutuk a,nidang ah tiang in kan in hau ngai silo a ka la na lutuk a"



"Um anihchu...Min lo call hrim hrim a I ti tha lutuk" a sam ah chuan ka chul sak a


"Nia..ka nu phone ila a lo haw nghal dawn Chuang silo a nangmah ka lo call tawp che anihkha" Ati reuh a



Rei pawh kan thut hma in a nu a rawn haw a,a tap tih a hriat a duhlo nge a in siam rem in a hmai te chu a tuai puat puat a mahse a mit sen ram leh a hnar sen tek te,a tah na vang a awm danglam te chu an la ngai vek tho



"Ka han chho ange..zan ah ka lo bia ang che" tiin ka thawh san a



"Muana ilo leng a law,ka va chhuak lawk e ka tia rawn lut ta che.. Bawihte in va lo bang hma ve vawiin chu,kha ngati I tap ami?" ati zawm nghal zat a, tlangval upa lam tawh ni mahila Rini thlavang ka hauh sak vang hrim hrim pawhin ngawih mai mai ka tum lo



"Kha a u nen an lo in hau deuh anihkha, Rini school bang kha ka hruai chho lawk a a u khan a lo hau na deuh aniang, thiamloh na a neilo ania a u zawk khan thil a nilo zawng in a ngai kawi anih hmel" ka tih sak a



"aw ani maw a va zia lo ve..an in hau khat viau a sin an unau hi chu..ka va hau ange i u chu tinge ka fanu duat te alo hauh chiam ni!" tiin a fanu chu a kai lut a keipawh ka chho ve nghal mai


________________________________________

★ Arini POV ★




Room ah ka in khung deuh tawp a,ka u phei chu biak ka tum lo bur..min hauh chhan pawh Vanrammuana nen kan in zui vang mai ania...min ti thinrim ve tawh tun ah chuan amah nilo in keimah leh Vanrammuana chauh ka ngaihtuah tawh ang




Ka nat na chu engpawh ni rawh se Vanrammuana hi ka hlat reng tawh dawn bik lo saturday anih vangin kan thian ho chuan kan chhuak mai mai a, David an hman zan a sawi chhuak chiah Kimi chuan phawk zet in min en a



"Sir Amon nen khan in in ngaihzawng Chiang lutuk, engkim sawi vek rawh" Kimi chuan ka nui vur vur lai chu min rawn sik hrep a



"A na!! Kan in ngaihzawng lo" ka ti ve mai a chutia kan vak vel in Vanrammuana leh mipa pakhat ka la hmelhriat veloh leh nula no nalh zet in zui lai ka hmu a,a bike ah nula chu phur in mipa awm ve chu a mah in a bike ah a Chuang bik a ka sa leh phat tawh



"Enge a..?" Ngawi reng a ka thlir reng vangin Kimi chuan min nghawk zeuh a,ka melh lam melh ve mahse an tlan liam hman vangin a hmu ve hman lo



"Ka call dawn.." tih leh ka phone phawrh ka rual a,vawi thum ngawt a ring ral hnu ah a vawi li nan ka call leh a a la ta hram! "Khawi ah nge I awm a?"



"Ka chhuak lawk a ,tun ah chuan chanmari ah kan awm?"


"Kan I tih chu.." a rawn nui hawk a,ka thiante lah chuan enge kan sawi tih hriat tum in beng an lo chhi ve kar


"Lawma leh Judy te nen ania,ngaih tih that loh angailo ania..I chhuak ami?"


"Um,ka thian te nen,chuan tunge Judy chu?"


"Ka hmelhriat mai mai mawle"


"A nihchu" ka ti bul deuh hmuk a nuih in sum aw zet hian thawm a rawn nei a,a aw thian karh karh pahin


"Khawi ah nge I awm? Ka lo lam ang che" atih chuan ka duhloh thu in ka chhang nghal vat a "Sawi mai mai rawh,a nihloh chuan I ti tau hman ang"


"Ti tau hman pawh nilo in ka ti tau mek,in hmeichhe kal pui pawh i sawi tha duh silo ka hmu vek cheu I la phur lehnghal a!"


"Oh,,an in ah ka thlah a chanmari ah in awm ani maw ,ka rawn let phei dawn chiah I awm na min hrilh la ka rawn lam ang che" ka call kher kher chu ka in chhir tep


"A ngailo ka duh lo ka thiante an a ve a kan vaiin min phur thei dawn chuanglo"


"Ok,ka rawn thleng phawt ang I aw na chu sawi la" atih chuan ka sawi hma min zawh leh char char ka rin vangin ka hrilh tawp a



Ka thiante bul ah ka lo sawi lawk sa vek bawk,nuam lo ka ti ve det..rei vaklo ah a rawn thleng a ka thiante hnen ah chuan a rual a ka haw kher a duh vangin min phurh haw a duh thu a hrilh an haw na tur in sangkhat a pe bawk



"Kal ila.." ka bu ve nghut a,heti khawp a min ngaihsak leh ka bul hnai a awm a chak hi mak ka ti zawk

IMG_20210411_224910.jpg
* I admit that I get jealous when your talking to someone else instead of me *



"Hey naupangte...?" Kan vaiin kan hawi rual dual a,kan piah lawk a mipa ding ka hmuh chuan ka meng biak nghal kawk



"Au Hming..ui kan in hmu hlawl" a lo thlen rual chuan ka ti nghal tuarh a



"Kan va in hmu lo rei tawh ve" a kut a rawn phar kak a ka chibai ve nghal vat bawk



"Nia...I van chhelo tawh em em!" Ka tih chuan a kiai suk a



"Nang alawm mahse ka naupangte-i kha ila ni tho ania aw,I nu te an dam em?" A tih chuan ka bu nghut nghut a



"Thlah tawh rawh" Vanrammuana'n ka beng bul chet ah chuan a rawn ti a kan in chibai kha kan la in thlah miahlo tih ka hre chiah! Keipawh in ka thlah ta nghal vat



"Hei..au Hminga ania middle ka kal lai atang a ka Hero anih hi... school ah min chhan ziah a " phur deuhin Vanrammuana a ka hrilh ve a a hmel a lo tum deuh bar "sorry.." ka ti leh sup



"Khaw maw hetah lo ding teh I va sang tawh ve,min Chen kha I chak nasa thei sia" tih leh a lam a min pawh a rual a chutiang chiah in Vanrammuana'n ka ban lehlam ah a rawn vuan chawt a a lam ah min pawt hnai lehnghal



"Kan haw dawn?" A lo ti deuh hmuk a u Hminga chuan ngai theilo tih hriat zet in a melh nghal ralh



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)