∆Game OF Love∆ CH-13 BY~Zeuss Pach

Episode kal lai dah luhna

Moderator: writers

Xhole
Posts: 59
Joined: March 26th, 2021, 2:49 pm

∆Game OF Love∆ CH-13 BY~Zeuss Pach

Unread post by Xhole » April 13th, 2021, 2:49 pm

∆Game OF Love∆

Chapter-13



Ka thutna tang in ka ding hluai a "Remruat i kal theilo nia aw" Chhuawmi tawng chu ka ngaihsak lemlo.


He hmeichhia hi a rui leh pek ani ngei ang , zahna chang pawh hrelo ang hi chu ka ti thei derlo lehnghal.

"I in rawlh loh na tur ah i in rawlh anih vaih chuan" a mit ah tak en chunga ka sawi lai chuan min hlau lo hmel taka min en ve ran chungin "enge ?...engtin nge min tih chuan ang? Mawhh ..kan deal kha theihnghilh hlek suh" ka thusawi lai pawt chat chuan a rawn ti lang lang a.


"I nasa hle mai " midangin min rawn en thup avang chuan ka chhang tam lo.

"Lalremruat ..kha nu kha engvanga kawp sek nge i nih a ?" A mittui lem lutuk te chu a la rawn ti tla deuh deuh a.


"Chu thil chu i hre chiang ber ang" tih baka chhanglo in kawngkhar lam ka pan phei hmawk hmawk a .


" a tawk tawh ..rawn let vat teh" Pawn thleng chu min la rawn zui chhuak ang deuh deuh a.

"Vanlalchhuanawm tun chauh ka sawi tawh ang ..min rawn umzui tawh suh" ka ti khauh ta fuk.

Ka thinrim hi a hlau tih ka hria , a ruih lai erawh in ka thinrim hun thleng a nghak emaw tih tur in min zar hneh mah mah thin.

"Mahse i bialnu ka nih hi" zawite a a rawn tih chuan ka nui hak .

Eng thu phiangsen nge maw a sawi " Kan in laichin na ah in ngaihzawnna a telloh zia chu nang baka hrechiangtu an awmlo " a thian te an rawn chhuak sap sap a.

"James hruai haw rang turin ka ti che" ka sawi zawh rual deuh thaw in a che nghal mai.

Hmeichhe zurui nen a in hnial na hun ka nei tawhlo , Zothansangi lah khawi lam tak pan ang maw , tun angah helai ah taxi a hmu dawnlo ropui lutuk ringawt.

Ka motor kawngkhar chu khar ri dawpin ka ti nung nghal a , a stearing herh kual leh papin ka hnunga mi te chu vawikhat pawh va melh tawhloin ka tlan chhuak nghal.

Engvanga thinrim hlur nge maw ka nih !




Amanda Zothansangi POV


Taxi lak mai tur vang lutuk chu ka tah a chhuak hlur tawh , ka ú phone mai ka tum a signal a awm bawk silo .


Khatiang khan kan boruak a awm ang tih rin ngaihna ka hrelo , Chhuanawmi tawngkam hman mawilo tak tak te kha ka ngaithla peih tawh thlawtlo a ni ber.

Kawngpui chu a reh duk mai bawk si , zan a rei tawh viau nge hmuh tur chu vang tak an ni.

Chulohah kan awmna hi khaw dai deuh ala ni a , chuvang te pawh chu ni maithei.


Lalremruatan min rawn umzui mai ka rinna leh rinlohna in chen reng , a bialnu bulah hun a hmang ve duh tawh pawh ni thei a , engvanga kei min rawn umzui daih chu ring nge maw ka nih le , atthlak hian a.


Ka thin chu a rim hlur ringawt , streetlight pakhat hnuaiah chuan ka thu ta reng a , a chhak lam chu a thim vek avangin ka kal ngam chiahlo .

Ka phone ka hmet eng a , signal tum khat lek alo awm tawk.

Ka nui var var a , mahse ka phone chu dah thla leh riai riai in 'engtin nge ka ú bulah ka sawi ang' ka ti niah niah.


Kawngpui ah chuan tleirawl thenkhat hmuh tur an awm leh zeuh zeuh thin a , min rawn pawh an tum chuanglo a lemlam kawng tak chuan mihring hmuh tur an awm chu a thlamuan thlak viau ang lawi a.

Ka kuttin seh neuh neuh chunga ka thut tum bar lai chuan ka ngaihtuah na ah lalmuani rawn lut thut.

Thian ka nei ve lawm le tiin ka phone ka phawrh nghal thuai a .

Dar 10 pm a ri dawn tawh a , alo kal peih angem aw!

Phone in ring ri chu ka ngaithla kar a , engmah tham kan ei hma a Chhuanawmi te an lo kal avang khan ei manglo in ka chhuak a , ka pum a ru rak rak.

Ka pum rawn ri leh thin chu dawm in ka nui suk suk a , lalmuani lah chu phone a la har hrep lehnghal.


"Hello " a aw tang chuan a muhil tawh a ang zawk mah.

"Lalmuan"

"aww ..enge ilo haw tawh mi?" Ham bai bai in a rawn ti let a.

"Aih"

"Enga , tunah dar 10 ari tawh nia riah nghal i tum ami?" A rawn ti hlak hlak.

A thusawi lai pawh chu chhanglo in " I mu tawh mi?" Ka ti sep a.

"Mut ka lo tum chiah " a tih chuan ka inthlahrung deuh.

"Ihh ..englo min lo hruai teh a " thaw vak in kawngpui chu ka melh reng a ,ka lam pan a motor rawn tlan a awm tih ka hre chiah.

A headlight in min chhun avang chuan eng motor nge a nih pawh ka hre theilo.

"Khawnge i awm a ? Remruata i bulah awmlo mi" a rawn tih te chuan ka thin a rim thar ta tlat.

"Nakin ah ka hrilh ang che , min rawn hruai dawn em ?" tiin ka awmna ka hrilh zui mawlh mawlh a .

A chet tlak tlak hnu ah "petrol kan en lawk" a ti hram.

Phone chu ngaihthla ranin ka hmui ka seh leh ner ner a , ka thutna zawn a motor rawn thi dúk vang chuan ka hawi kual hra .

Tu dang niloin lalremruata motor ani.
Kawngkhar a in khar rik dawp danah a rawn chhuk a ni tih ka hria.

Ka phone chu ngaihthla ran in hnuai lam ka bih ngur reng a , ka hawichhuak ngamlo ani zawk mah.

"Haw ang le" a aw thum zet ka hriat chuan ka phu deuh awk.

Ka la hawichho chuanglo , rawn thu thla ve in min en rún tih ka hria.

Lalmuani pawh chu a va rei em em ve mawle , dawt sawiin "aww..ka lo nghak ang che reilo la " ka ti ta ngawt.

Tunlai hi dawt sawi ka hrat ta riau mai !

"Tunge i biak a " a rawn tih leh takah chuan phone chu ka hmet tawp vat a.

"Ka thiannu " tih pahin ka tho ta tharh.

"Min rawn hruai dawn a " ka tih zawm leh zata .

A nui ri suk tih ka hria , rawn tho ve in " hrilh la , rawn kal a ngailo" ka phone hum ran chu a melh zauh.

"I thu lo" ka ti chiam ringawt.

Ngawi rengin kan ding dun ta renga , ka phone rawn ri thut chu ka la nghal vat "nichin khan tinge i lo dah daiha, petrol chu a awm amaw mahse haw lam hi a daih angem aw " a rawn ti niah niah a .

"Lo kal phawt la" ka lo ti tang thung .

Vawi lehkhatah ka phone chu a rawn la thut a , ban ka tum lah in a dah sang zel bawk si " hello" lehlama mi chu a bia tih ka hria.

Inkuangkuah chungin thinrim rú teuh hian ka lo ding tau hmak thung.

Min rawn en leh zeuhin a nui leh suk thin a "keiman ka rawn thlah haw dawn , lo kal angailo" lehlam a alo chhanna pawh ngaichang leklo in a dah zui hmaka a.

"Kal tawh ang le " ka phone chu ka hma ah tak lek pahin a ti sup.

A hmel ah chuan min nuih zat ang tlata hriatna ka nei lehnghal.

"Enga tinge min rawn zui a , i bialnu kha ka ngam lo tih i hrelo mi" ka phone chu phih lawkin ka bag ah ka thun nghal hmak.

"Tu ka bialnu maw" thinrim hmel a pu ve mang bawk silo , chutia a hrelo der vel te chu ka haw lutuk ringawt.

"Ka bialpa hi ka awm pui ve duh tawh a ..tihvel " Chhuawmi sawi dan ang chiah a sawi chhawng in ka hmel ka siam chhe vak ringawt.

Ka chetdan chu nui suk suk in min lo en reng a , ka tawp hmak.

" i rualin ka haw dawnlo " ka ti ta tawp.

"Chhunawmi kha ka bialnu ani lo " thutak zawka a rawn tih chuam awihloh hmel fahran hian ka lo melh ralh ralh.

"Ka bialnu nilo , i duh chuan ka thusawi i ring thei a i ringlo nih pawn ka bialnu nih phah dawnlo " a ti dam leh thlup.

"Ka ring lo mai ang che aw " ngeiawm deuh chuan ka ti let kha kha.

"Awle ..anih chuan haw ang hmiang" te chu a la rawn ti ta deuh deuh a.

Che lo in rum tak chuan ka melh chiam ringawt .

Thawk leh khatah ka kang ta nawlh a , a darah chuan ka chum vak vak ringawt , min zo leh lutuk te chuan ka thin a ti rim hlur .

Ka chumna chu na ti hmel pawh a pu lo , min kalpuo hlawk hlawk a , min pú lawp mai chu ka ngei ru viau mai.

A motor ah chuan min theh thla deuh dawp a , seat belt min hren that tur nghal mawlh mawlh.

Kal hualin a rawn thu lut ve a , motor kawngkhar hawn ka tum chu a lo lock vek tawh .

" Glass hi down rawh " ka tih chuan tha deuhin a down ve mai.

Kan tlan chhuak a , music a play ri leh rat rat tawh.

Kawng tluanin ka tawng tawhlo , min be lo a ka be bik heklo .

Kan in kawt kan thlen chuan lock na pawh alo hawng tawh niang ka hawng vat a , ka theih patawpin kawngkhar chu ka khar ri bawrh.

A nui suk ri ka hre zawm zat bawk "bawiha hi ka duat ania " ka pen sawn hma a a rawn tih chuan lei ka chhuah khum vak a " i duat maw ?" Ka zawh let chuan a mit ko a rawn san uk a .

Hawng tha leh ngatin , na thei ang ber chuan ka khar ri leh bur , a thinrim viau a ka rin kha a nui ta huah huah a , hetianga a nui nasat hi ka la hre ngailo.

Chet mai nachang pawh hrelo in ka en ta reng a " lut turin min sawm dawn em?" A rawn ti dam leh dap.

"Aih " tih leh kalsawn ka rual nghal.

Hawi pawh hawi let tawhlo in inchhungah ka luh san a , ka ú a room atangin a rawn chhuak chiah .

"Khawnge?" A tih chuan chhan ngaihna min ti hrelo letling hial.

"Remruata nen in chhuak ani lawm ni ?Tinge a rawn lut kawilo mi" ka chhan mailoh avang chuan a ti leh a.

Bu nghatin "a chau a " ka ti sep a min biak leh hlau in ka room lam ka pan san nghal daih.

Ka intleuh zuai zuai hnu ah ka mu a , ka taksa chu a na ve deuh thum mai .

Khuma mu chungin vawin thil thleng chu ka ngaihtuah let rauh rauh a , ka chet dan zawng zawng te kha a thalo takzet , khatiang khan ka awm tawh tur anilo .

Lalremruata hma ah ka la in phelhruak zui , ani lah engmah hre zui tawhlo ang hmiah in a la awmzui a , Chhuawmi nen khan an in ngaizawng lo tak tak angemle? A sawi danah kha chuan dawt sawi hmel a pu bawk silo Chhuanawmi lah in a ra neig hmiah tho si ..

Áaa...ka buaina tur pawh niloh chu a , mahse engtin mah ka awmzui tawh tur anilo thung.


Tho tharin choka lamah ka phei them them a , ka ú room pawh alo in khar hmak tawh , a mu ve leh nghal mai ang niang.

Fridge chu hawngin eitur ka dap a , tui ka in khawlh khawlh phawt.

Cup noodle chu la in tui ka chhuang nghal zata , la siam peih vek hnu ah ka room ah ka luhpui leh them them.

Ka ril a tam dan chu ropui tak ani , engvangin mge maw khang Chhuanawmi te vamg mai mai khan ka pum hi ka lo tawrhtir le!

Ka ei mawlh mawlh a , ka phone chu hmet engin whatsaaps ah ka lut ve nghal zat .

Lalmuani messange a lo tam ngang mai , vawi khat mah huan a kan awm lai khan ka be bawk silo a , chanchin rawn ngaihven in a lo dilchhut nasa ngang mai!

"Naktukah lo leng la , ka hrilh vek ang che class ka kal dawnlo " tih te mai chu ka thawn a .

Nui tha lem pathum ka thawntel leh hram.

A seen nghal a , ka mu dawn kha ati sia henu hi !

"Awle awle , nangamah ni vangin ka mut a chhuak lo vek , rawn hruai i ngai leh lo lha a rawn ti sia " tih a rawn thawn ta chiah reng a .

Ka thil eilai chu chawl map loin ka ei zui mawlh mawlh a , rei lo te kan in biak leh hnu ah message dang pawh en kual tawhlo in ka mu tha te te a .

Ka chau ve deuh nge ka mutthilh lai ka hre hleklo lehnghal.

Zingah pawh tukdang ai in ka tho har a , eirawng ka bawl zawh vek hnu ah ka ú exer la pawh rawn haw in chaw ei ka siam zui mawlh mawlh.

Ka muan(g)chang em vang nge a sana bun lai leh keimah chu min en tawn sek in "class i kal dawnlo em ni a ?" A rawn ti ta chiah.

"Ka chau ve deuha " tih bak in ka chhang lemlo.

Ka attendance ala tha thawkhat rih tho . Nimin lama kan kalna te chu enge a an tih vel min zawt a a pangai thu in ka chhang ve mai.

"Nimin kha chu ka hrethiam anihkha , tunbak kha chu zan chhuah ka phal lo nia , pawimawh ah lo chuan " a ti leh ringawt .

"Muani te in pawh nise " a tih leh lek phei chuan "ka chhuak peih bawklo " tih khum chiam ania ka duh ni.

Nimin khan midang chu nise ka ú khan chhuah a phal dawnlo chiang lutuk , a thianpa a nih vang chauha phal ve mai chauh ani.

..............


Lalmuani a rawn leng ta nge nge a , ka ú erawh khawnge a chhuah pawh ka hrelo.

A phul hlut renga "awii ..sawi tan nghal maiteh " a ti sek sek lehnghal.

Nimin a thil thleng zawng zawng chu chipchiar deuhin ka hrilh fai ka vek !

Sawi tur hrelo in a mit a khap fuk fuk ringawt.

"Khatiang khan min en vak suh" ka tih chuan a rawn nui chhuak chiam a .

"Manda ...enteh Remruata hian a duh che in ka hria " a rawn tih chhuah phawng vang chuan a ban ah ka chum tai a .

"Anaaaa...." Uar fahran a atih leh takah chuan "engvangin nge min duh ngawt anga , mawl reuh lutuk" tih bak sawi tur ka hre hlawl tawhlo.

"Ani lawm ...chu nimin a a chet dan te kha ngaihtuah ve la , duhlo che nise khatiangin a a che awmlo emmai " a hmel a thutak rún chu ka nuih a za tlat pek.

"Ihmaw , ani te chu Chhuanawmi bialpa lawm , khatiang a a chet chhan kha chu" ka chawl dat a " nangpawn i hriat bik chai loh kha , amah pawn Chhuanawmi a bialnu a nihloh thu a sawi vek chu chuloh ah a bialnu nise chu an huan ah khan engvangin nge a hruai ang che Chhuanawmi a hruai daih ang" alo ti leh zung zung.

"Naa...keipawh a bialnu ka ni bik chuang hleinem " ka bul a lukham chuan ka vawm pawp.

Ka khumah a vang zawngin a mu a , kei erawh khum lu lam nghengin ka thu thung.

Eng enge maw ngaihbel tur thil a zawng reng a , eitur siam tura ka tih chuan a kal chhuak ve thei ta hram.

Sitting room ah ka thut deuh remrawn hnu ah puih angaih leh ngaihloh te ka zawt a "vawin chu ka thil siam ka barh lui dawn che , room ah lo va awm rawh" a tih tlat avangin pui lo chuan room ah ka luh san ve ta mai.

Earphone vuah in khumah chuan ka mu a , maimichhing vang vangin ka ngaihthla .

A rei tak em vang chuan en thitlai tum in ka earphone vuah lai chu ka la thla a , thil ri deuh pawp ka hre zui nghal.

Ani hi alo che sual ani lo maw ?tiin ka nui tet tet mai, kan pahnih a kan awmdun chuan keimah hlir in eitur ka siam thin.

Phei them them in ka va bih dek dek a , ka ú ka hmu tel ta tlat , emgtik laiin nge maw alo haw le .


Lalmuani chu a kut a vur dep chungin alo ding a , ka ú in eitur alo siam mawlh mawlh thung, ka ú eitur siam lai hi ka hmu zen zen lo asin.

Lalmuanin mit tla lekloin ka ú chu a en renga , ka awm ve tih pawh a tu amah chuan an hrelo.

Ka khuh kharh kharh takah chuan an rawn hawi dun chiang ngang mai !

"I siam rei lutuk a " lalmuani chu ka en reng a , mit ka siai khum zeuh.

"Ah..ka kut" dang awk deuh taka a rawn tih chuan "Mate ..kha nangman siam tache tinge a kut a ti na a , nangman i siamlo a " sehchilh nawkin ka ú in a rawn ti ve vat a .

Melh tawn ralh ralh in ka ú in a hnar a tum data , lalmuani pawh a hmai a sen tan tan mai.

Engthil tak chu lo thleng ang maw ?ka nui rah rah a , kut ka kuangkuah vei than nen kei ai an sang ve ve bawk si a , ka chet dan chu a ngeiawm viau hian ania ka rin.

"I siam sak ami?" Ka ú thil lo siam mawlh mawlh chu ka thlek zeuh.

"Nangman siam zawm rawh " tih leh a room lamah a pen zui nghal hlawk hlawk.

A luh fel hnu ah ka nui chhuak chiam a , lalmuanin min lo melh no lo fahran mai " ilo chhuak timing lo lutuk , a zak ve nihkha " a tih leh lek phei chuan ka mit tui a tling pam thei.

Ka nuih chiam lai chuan "siam rawh " rawn ti vij leh thatin min kalsan deiha .

Ka lu thing nar nar in ka siam zui ve mai bawk .Ka nui var var renga , ka zai ri leh rat rat thin.

Lalmuani leh ka ú lo lai chhe vel lutuk kha ka ngaihtuah zawng ringawt pawn ka nuih a za telh telh lenghal .

'Mawl dun lutuk' ka ti chhuak sep.


Ka ú a duh ve leh duhve loh vel ka va zawt a , a in hnawhpuar tawh thu a sawi chuan ka room ah chawi lutin kan ei dun mawlh mawlh.

Ka fiam zeuh zeuh renga , ani erawh in tum deuh lai titih deuh si hian min chhang ve zel.

Kan eizawh hnu ah kan in ti fel leh vek a , tlai lam anih tawh avangin haw a rawt ta sek a , kan in kawt thleng ka thlah hnuah ka lut zui leh nghal mai.


.............................


Thla a liam a , hun chu a kalchak riau a hriatna ka nei .Khami ni bak kha chu Lalremruata nen kan in hmu leh mang tawhlo a , ka class bang emaw bazar atanga ka haw hi hmuh leh zeuh ka nei thin in belo in kan min kalpel mai zel, chulohah a tam zawk hi chu a motor ah emaw bike a achuan lai ani thina , keini lalmuani nen kan lo in phur ve thin bawk nen , kan in belo chu a awm viau mai.


A chang hi chuan min pehhel a tum ve ang tlat te hian ka hre thin a , mahse ka college bang min lo nghak emaw tihtur in kan collenge bulah alo awm leh nulh nulh thin ang lawi a.

Nge kan collenge ah hian bialnu a lo nei leh hman tawh zawk , Chhuanawmi nen khan an in zui lai ka hmu mang tawh ngai miahlo thung a , a reh ve takzet.


Lalmuani erawh nidang ai mah in kan in ah a rawn chuang kai tam a , min tirhbo daih te hi ala hrat ang em em lehnghal a , ka ú pawh dawr a a kal tihloh chu inah a in khung ve chawt zel.

...............

"Aww..pa "

"Mamte ..in dam em?" Ka pa nen kan in biak khat zia ka hre chiah.

"Aw dame , nang enge i an a ?" Ka tih zawm zat a.

A that thu leh ka zirna lam te min zawt ta duah a.

"I remchan deuh lai lo zawng la , helam ah rawn haw zawk la ka va duh ve mawle " a rawn tih leh takah chuan ka lo phur ngang mai.

"Awle , mahse thil thleng a awm em ?" Ngaihtuah ru hmel fe hian ka zawt zui khauh a.

"In unau in lo ni thei ula" chuai raih a a rawn tih leh takah chuan ka hrethiam.

"Min ngai em ni?" Ka ti phawng.

Nui huah huah in mi ngaih tawh thu te a rawn sawi ve luam a , ka ú pawh ka sawi pui tur thu te hrilh in kan ti tawp ve ta hram.


Eirawng ka bawl zo tawh bawk a tiin ka inbual zawhah chuan sofa ah mu in ka ú lo haw hun chu ka nghak a .

Sana ka bih leh zeuh zeuh thin , pawn lama hmeichhe nui har har ri ka hriat takah chuan ka thu ngil nghal zawt a , kawngka in hawng ri in a zawm ve nghal mai bawk.

Ka ú alo haw chiah anihhmel ka lo nuih var var a , mahse a hnungah lalmuanin alo zui lut ve tehmial a , pawna nui har har kha amah ani in ka hre reng ani.

"Uhum" lalmuani melh zeuh pah chuan ka ti a , alo ner nang mai.

Ka ú erawh in room ah min luhsan nghal daiha , he mi te pahnih hi an awmzia ka hre ta hauhlo .

"Zep in nei" lalmuani bula kal phei pah chuan chik deuh takin ka en leh reng a.

"Kal teh a " lai deuh tut hian ala rawn ti zui.

Sofa ah chuan thu thla dawp in ka zui ve zel a "in sawiloh chuan" ka mitko ka kan uk uk.

"I ú hi lawm , ala chianglo lutuk a" hahthlak ti hmel fe hian a thaw ve hawk.

"A beih a beih a ngai " awlsam zetin ka lo tihsan ve thung.

Thil dang dang kan sawi a "chaw ka lo ei dawn" a tih leh tlat tak avangin a awm tlang nghal.

Hei hi chu a dan pangai ve reng ania , chaw ei a ka sawm in a hnial ve khanglang a , hunlo deuhah a tum leh chung chung zel.

Chaw ei kan siam a , ani erawh ka ú ko turin a tho ta tharh, engpawh nise nidang ai chuan a zia ta deuh , nidang ah lem biak pawh a be tha ngam lo ania enge maw tak chu a thleng tawh tih ka chiang ngam sak.

Awlsam zetin an rawn in zui chhuak a , dawhkan kan kil bial laih lai chuan ka pa in zin tura min tih chungchang vel kha lalmuani awm lai hian sawi law law ila tha ka tih vangin sawi ka tum a .

Ngaihtuah na nei lo hmel zeta ka ú chaw ei lai chu melh leh zeuh zeuh in "Ú" ka ti sep.

"Sawila" ka bai siam hawp pah chuan min melh zeuh.

"Ihh englo tlaiah khan ka pa in min rawn bia a "

"Chuan" a chaw ei lai chu a tawp chuanglo.

"Min ngai ve tawh a , chuan tunkar tawp hian i buai loh chuan" ka sawi lai chu pawt chat in "zin in tum maw" lalmuanin a lo ti hmanhmawh.

"Aww..chutiang deuh chu " ka nui deuh suk.

Ka ú erawh in min chhang tawhlo , a ngawi ngul a enge maw a ngaihtuah le.

Hrechhuak zuk ang mai hian "ee..Muani lo kal ve la " ka ti ta hluai a .

Nui har har pahin "i ú ka hlau " a ti zeuh.

Ka ú a lo khuh kharh a , a thleng chawiin a tho zui vut lehnghal ..Huizz kawng a va ping hmel ve.

Lalmuani chu ka sawi pui ngial a , ani hi a kal ve dawn chuan ka ú pawh kan hmin thei hrim hrim.

"Ka nú rawn dil la" a ti ve ta hram chu kuah nawk nawk ania ka duh hial.

Chaw ei na kan seng fel a , sitting room ah kan thu ta thap.

Kan phone theuh khawihin kan in be lemlo , kei erawh ka hawi chhuak leh zeuh zeuh thin.

"Ú ..thei la ..úmm" ngen takte a ka ngen chu lalmuani lo nui hak .

"Kan buai dawn em ka hrelo a , kan la ngaihtuah tha dawnnia " a tih chuan ka awilo lutuk leh lawm lutuk chu ka kuah cheng cheng ringawt.

Kan unau che vel chu lalmuanin mit tla leklo hian minlo en a 'in hlim hmel lutuk' tih melh hian min melh in ka hria.

"Ka tel ve duh " rawn ti chhuak phawngin ka ú chu a delh hian kan delh bet animai.

"Kalsawn vat rawh u , ka rilru ka thlak leh hma in" thei leh theilo a ka ú in a rawn tih chuan kan chhuk chiang lutuk.

Thaw ham ham in a thu tha a , kan delh pet hneh em atin ni!

Ka ú a chhuah dawn tho avangin lalmuani chu a thlah nghal a , keimah in in ah ka awm leh tlawng tawh.

Whatsapp ah ka pa ka bia a , kan kaltheih mai tur thu chu la chianglo viau mah ila ka hrilh ta tho .A lo lawm ve khawp a , ka ú a tel tur phei chu a phur ve hmel hle , kan thiannu a tel dawn tih ka hrilh chuan a lo remti ve mai bawk a , lalmuani nen pawh an in ngainat viau ka ring .

Ka pa nen kan in biak zawha room a ka luh chuan ka phone a rawn ri ral ral a number hriatloh a tang.

"Hello " ka tih chuan min chhanglo in a ngawi vung vunga .
Ka sawi nawn leh pawn a reh leh ta tho.

A rawn tisual anih ringin off mai ka tum a mahse hmeichhe aw ka hriat tawh hnu ni ngei tur hi a rawn nui har har a , tawng tawhlo in ka ngaithla kar mai.

"Aww..a nuam lutuk " hmeichhe nuam ti hmel taka a rak kual vel chiam chiam ka hriat chuan ka phone chu dah hla in ka thlek vut.

Chhuanawmi aw ngei ani tih ka chiang ta .

Mipa nen an che tla lai vel thawm chu engvanga min rawn hriattir tum kher nge maw anihle !

Ka bengah chuan dah hnai in a rawn tisual anih ring chuan ka ngaichang renrawn a mahse a ai a uar fahran chuan a rak leh chiam chiam a , dah hmak ka tum tawh mipa aw thum dút ri avangin ka ngaihthla chiang leh ngat.

"F*ck ka zo dawn" thinchhe hmel taka Lalremruata aw ngei ka hriat takah chuan Chhuanawmi hian tihpalh thil thu niloin a tum reng vanga min rawn call ani tih ka hria.

Ngaihthla rei duh tawhlo in ka off ta hmak a , engah nge maw min ngaih le , khanu kha a khawngaihthlak takzet zawk Lalremruata nen kan in biak loh na rei tawh zia leh kan in kara engmah a awm loh zia te hi chu hria se hetiang hian a buai peih hauhlo ang le.

Zak maplo a khatiang a min rawn ti el vel thei kha mak ka lo ti letling zawk , khawiah mah ka sawi chhuak dawnlo nain a chetdan tehrep chu mawilo ka ti takzet ani.

Ka khumah mu thlawpin lehkhabu chhiar ka tum a , mahse nichin a ka thawm hriat vang khan ka dik hleithei derlo lehnghal, hriatthiam theih hauh siloh hian ka luak a chhuak deuh ut ut a ka awm dan chu a hreawm kher mai.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)