JOEL LALREMSIAMA 9

Episode kal lai dah luhna

Moderator: writers

Hluhlu-i Khiangte
Posts: 93
Joined: April 7th, 2021, 10:04 am

JOEL LALREMSIAMA 9

Unread post by Hluhlu-i Khiangte » April 13th, 2021, 4:17 pm

JOEL LALREMSIAMA



CHAPTER-9


By-Hluhlu-i Khiangte





Joel-a, Mapuia leh Muanawma bak ah an ṭhianpa Lalawmpuia te kha an ni!



Mak ti zet in ka en a, Joel-a an hmuh avang a ka nau te'n min rawn kheuh zeuh chuan ka harh zawk, hnuai lam ka bih ngar ngar a, min hmuh loh ka beisei.




An zai zo chu kut beng thawm a ṭha ham ham kher mai, eng hla nge an sak tih pawh ka hriat siloh!




Function a zo a ,zanriah ei nghal tur anih vangin kan ei nghal a ,kan tam tham viau na a, ring zet a Naom-i nu in min koh avang in Joel-a te ṭhian ho pawh ka lam an rawn hawi ṭhap, mak ti hmel an pu miah lo chu keiin mak ka ti viau lawi!




Ka lam pan a an rawn kal chuan rang zet in Naom-i nu lam ka pan a, Lalawmpuia nui ri hawk ka hre hman hram ,hepa hian min tham lo riau in ka hria a, ka ngei ru viau. A chezia chimawm zet hi ka mil lo nasa.




Kan room lam ah kan haw a ,ka nau te pahnih tui zet a an mut hnu ah pawh ka la meng kar, beer bawk ka lem leh khalh khalh tawh a, ka mitthla ah hian Joel-a bak zu han lang duh miah lo a! Thinrim zet in ka beer in na ruak vawm ka ṭum a chu ka nau te ka hriat chhuah avang in ka vawm ta em bik lo.




Function kan hman aṭang ka chhuak ta miah lo, ka hna ka kal tih loh chu, ka hna bak rilru ah ka dah lo lui ngar ngar a, Joel-a hmuh ka hreh lutuk vang a ni, ka sex video a hmuh hnu ah hrilhhai zet in min kal san a, dem thei ka nilo, ka zak ngawih ngawih a, mahse a duatna dawn te, a lak a pangchan ka chak na erawh a kiam thei chuang silo. Tu mipa tehlul in nge an bialnu te mipa dang chu sawi loh, vai mipa nen ngat a nuam an tawl dun lai a hmuh hnu ah iai map lo a pawm leh thei reng ang ni.




Dem tur ka ni lo a, dem thei dinhmun ah ka ding hek lo, mahse ka nun a hria a, ka tih ṭhin a hre bawk, hrilhhai tak a min kal san kher lo khan min ṭhen mai thei lo em ni? Tih hi ka zawhna a ni leh ṭhin. Ka thinlung ah cham reng mahse a hmangaihna ka dawng thei tawh lo a, tluk luh nan ka hmang thei tawh bawk hek lo. Mahse ,chhel tak in ka tuar tur a ni, reh hun a la awm ve mahna le.





Ka duty zo kan room lam ka pan mek lai chuan call a rawn lut a, min rawn call tu ka en chuan Sanjay ani, thil pakhat ka hre chhuak zawk a, ka sex video vanga buaina ka tawh lai khan ka be miah lo, mahse bia pawh ni ila engtinnge a tih bik vak ang? Abhishek leh Atei'n video an nei miau si a, beih dan vak a awm lo, Nilo, tih dan a hre maithei asin.




Call ka pick-up a, hello ka ti sap, "Annie, engvangin nge buaina i tawk tih min hrilh loh", thinrim hmel zet in a rawn ti ṭhawt a, ka phu dawrh bawk ,"eng buaina maw", ka tih chuan whatsapp message en turin min ti a,call a cut nghal daih.





Mak ti leh hrilhhai zet in ka whatsapp ah ka lut a, Sanjay-a message ka open vat, video a lo awm a, download in ka en nghal, kha sex video kha a ni!





Rang zet in video ka ti tawp a, Sanjay ka call nghal, rei in ring lo in a pick-up vat a, "Engtinnge he video hi i neih", ti a ka zawh chuan a darh nasat viau thu a rawn sawi anih chu!




Ka biak leh tur thu hrilh in call ka ti tawp a, room lam ka pan dawr dawr, ka mobile ri pawh ka ngaihsak tawh lo, room ka thleng chu tui ka in khawlh khawlh a, ka mobile a rawn ri leh ,Abhishek call alo ni a, pick-up in a ṭawng ve hma hauh chuan, "Tenawmpa,engtin,engtinnge i tih theih zawk?", ka ti tuar.





"Annie, in bengdai teh, engtinnge kha video kha a darh theih ka hre bik lo, ka hmel pawh a lang ve tho a, ka nupui hi ṭhen thei ka ni lo bawk, tunah ka nupui in a hre tawh a ni ang, ka be thei lo a ,ka rawn kal nghal dawn, ka bungrua an pack mek", a tih chuan na zet in ka thaw hawk a, "Atei tih a ni thei angem", ka ti zuai ruih.





"Ni maithei, ni hnih liam ta khan kut ka thlak a, ka be chhunzawm tawh lo", tiin a bungrua an pack zawh avang in kan in be tawp ta rih a, ka thawk a sak ṭalh ṭalh kher mai, keimah vang in ka nau te'n zahna an tawng dawn ta nge nge anih hi!





Kan madam hi a reh vung vung si a, midang chu ni se ka room ah rawn kal in min rawn chhuah chhal anga, emaw hna aṭang min ban bawk ang, mahse vawiin ah pawh a rawn lang reng si a, engmah hrelo ang hmak in a awm lawi si! Ka ngaihtuahna a buai nuai nuai.




Ka ngaihtuah mek laiin madam call a rawn lut a, ka pick-up hreh kher mai, mahse ka pick ta tho a, aw dam diai in an chenna hmun a kal turin min ti, ka chhan let na a nghak lo a, ni e, nghak tur pawh a nilo reng, Abhishek ka call thei tawh lo a, flight ah a awm tawh a ni mahna, ka la inthlak loh avang in ka in tleuh thuak thuak a ,ka insiam nghal zung zung, ka nau te dinner tur order in hna thil a ka chhuah tur thu ka hrilh a ,madam te in lam ka pan nghal.





An in kawt ka thleng a, lawm viau ka ni dawn lo tih ka hrechiang mai si a, ka hreh ru takzet, mahse ka tih sual rah chu ka tuar ngam tur ani, ka lut a, ka rin loh ang deuh in minlo welcome, hlim hmel pu sang in min lo lawm a, min ti hamhaih viau. Hna chungchang min sawi pui char char a, keipawn min zawhna ang ang ka chhang ve zel, engmah la hre lo te pawh a ang ka ti viau a chu sawi chhuak hmasa tu a ṭan ka tum bik lo.





Darkar hnih vel ngawt kan titi a, spa chungchang bak ah hotel hrim hrim chungchang te, ka staff te feedback a ṭha em tih chen in kan en dun a, ka hlawh min pun a duh thu te chu a la sawi ta deuh deuh. Rei fe hnu ah Abhishek a rawn lut hlawl a, a pawr fap mai, Madam Mamta pawh chuan ṭha deuh in alo welcome leh tho anih chu! Mak ka tih ang bawk in Abhishek pawn mak a ti viau tih ka hai lo.





An nupa room lam ah an lut a, darkar chanve zet hnu ah an rawn chhuak, mikhual ṭi dèk ang maiin ka lo awm ngawt ngawt tawp, room pakhat ah min hruai a, library room anih hi, a nuam takzet, mahse eng nge thleng dawn tih ka hre silo a, rilru nuam in ka awm thei lo, ṭhu tur a min tih chuan kan ṭhu bial ṭaih a, a zamawm takzet.





Aw thian kharh in a ṭawng chhuak a, "Abhishek nen hian in hmangaih vanga in nei kan ni lo a, kan nu leh pa te ruahmanna a innei kan ni, hun a kal a, ka lo hmangaih ta hial a, min hmangaih ve mai ka beisei ṭhin, a nupui leh a fa te nu ka nihna ang chuan min ngaihsak in sawisel tur ka hre ngailo, mahse min hmangaih miau lo a, a rilru sukthlek ka control theih a nilo, in sex video pawh a darh zau lo ang, ka tiam a che u, a tir ah chuan ka haw lutuk che u, Annie pawh thah hial mai che ka duh a, mahse Abhishek hian a hmangaih che tih ka hria ani", a tih chuan a ngaihna hrelo lutuk in ka melh haw.





Ṭawng ka tum chu min dang vat a, "In video kha mizo hmeichhe pakhat in min hmuh tir a, midang pahnih chauh a pek thu a sawi", a tih leh chuan Ate-i anih ka ring hmiah! Mahse, Sanjay-a khan a darh nasa ti khan a sawi si a! Thil kal dan hi ka hre ta lo tawp mai le! Chutah "lo chhuak rawh le", a tih chuan bang phen aṭang chuan Ate-i leh Sanjay an lo chhuak anih chu! Mak ti lutuk in ka hawi dawrh dawrh ringawt mai anih hi.




Sanjay-a te an rawn ṭhut ve chuan madam in a sawi zawm leh a ,"Sanjay hi ka nulat lai a ka ngaihzawng ṭhin anih hi", a tih chuan mak ti fe in ka melh leh tho! Sanjay chu ka en vut a, a kun ngur, tumah ṭawng lo in kan reh tlawk tlawk.




Madam rawn ṭawng chhuak leh chuan min ti phu leh zawk hlawm,natna a khat awrâwl hian,"ka dam rei tawh dawn lo", a ti anih chu!


Keimah ka ni reng ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)