SENIOR-I Chapter-17 (Hlutei Jocund pachuau)

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

SENIOR-I Chapter-17 (Hlutei Jocund pachuau)

Unread post by Hluhlutei » April 13th, 2021, 8:46 pm

Ka regu lo tih ka hria, hmanni khan ka lu na vak vak ṭhin leh ka taksa a duk rawn awm ringawt ṭhin hi ka entir chhin mai mai a, Mahse doctor khan alo ngai serious nasa mai, Thisen vâr ka lo tlachham nasa lutuk a, Thisen cancer veina chance a tam vângin ka duhzawng pawh ei thei lo in ka awm reng a, ka hlauthawng bawk nen engmah ka rilru ah a lut thei hlawl lo a ni, min lo hrethiam leh hrâm ru aw....ka regu thei tawh turah ngai ila...
ee309d16c45f90746fdc259988a2d8c5.jpg


Zân ah chuan alo riak tawh êm lo, bakah haw turin ka lo tur sek bawk nen, a ning ve ta deuh aniang a haw ta nge nge a, a haw hnu rei vak lo ah call ka dawmg zui zat a, ka number hriat ngai pawh a ni lo, ka en vang vang hnu chuan thu pawimawh a nih ring in ka la ve mai a,

"Hello"

"Lo chhuak teh, sawi tûr ka nei"

Chu âw chu ka aw hriat ṭhan tak, Rpa âw a ni tih ka hria, chhuah ka tum lo nasa mai,
"Sawi tûr ka nei lo"
Ka lo ti deuh hmak a, Arawn nui hak thung, "In inkar hi a ṭhat rei ring duh suh Mami, Ka nu leh ka pa hian an pawm thei dawn chuang lo che, chuvângin tâwp vat zawk rawh u" ala rawn ti ngam nia,
"Chutiang sawi tûr chuan tunge inih?"
Vîn ṭhah chuan ka ti ringawt, chhân ngaihna pawh ka hre mai lo bawk nen,
"In ngaihtuah chiang rawh, chu ai chuan ka hmei angin awm zawk la, i inhmeh zawk ang
techu arawn ti ngam nia, ka thinrim lh ngei lutuk hi sawi tur pawh ka hre lo, ka thaw te hi a buai mup mup thei nia, tenawm taka min bumna vang leh vawi tam tak min tihnat tawhna te vang khan ka lakah inthiamlohna chhete tal aneih ve te ka lo ring zawk a, Rpa hi ka hriat thin leh ka lo duh em em thin mipa kha ani tawh miah lo, heti em em a in thlakdanglam nasa hi mak ka ti takzet a ni, "I unaupa hi ka ei zo lo ang lungngai duh suh" ka ti ve tawp a, na deuha han chhan ngaihna pawh ka hre lo, "Hmeichhe fing tak ini amaw ka lo tia, ka rin aiin mipa ilo duh hle mai, ka rin ang ilo ni lo" a tih phei chuan ka hik chum chum thei, athusawi ka ngaihthlak peih tawh loh vangin ka off ta daih a, a number block dan pawh ka thiam lo,ka phone ka enchiang chu Lalrammawia missed call alo awm nual mai,


Ka call back zui zat a,

"I va Busy rei ve ngati nge?"
Arawn ti nghâl nia, ka mood off lai tak alo ni bawk nen ka ner sak ringawt, ka chhâng peih chuang lo,

"Nia"

Tih zawng chuan ka chhâng a, a unaupa nen kan inbia tih hi a hria anih vaih zawngin buaina a chhuak leh mai dawn tih ka chiang, a ngawih vang vang hnu chuan a âw arawn thian kharh a,

"Naktuk aṭangin class in ṭan dawn tiraw?"

Arawn ti hniam leh ruih a, "Mmm....nang enge i tih dawn?"
Ka ti ṭha veleh mai, kan inbiak dan chu zan dang ang a ni lo khawp mai, in ngaizawng te inkarah zêp rûk a awm tawh chuan engemaw riau an inkar chu azau tawh ṭhin an tih hi alo dik tak tak in ka hria,
"Office aṭangin online class ka kal ang, chawhnu lamah computer class ka kal leh ang"

Arawn ti a, hepa hi eng chiah nge tih a tum ka hre lo, tinge maw a in zir vak vak mai le aw,
"Eng chiah hi nge tih i tum le?"
Ka ti chhuak deuh sap a, alo nui hak thung, "Ei siam tih loh chu zir vek ka duh, sawrkar hna thawh ka tum lo ka tih tawh kha" arawn tih takah ka lo aw veleh mai a, kan inbiak zel takah chuan pangngai tak chuan kan in be veleh mai, zan in zet zawng ka ngai zual takzet a ni, ka tâwt deuh up up mai tunlai phei chu.




NEXT MORNING



Zîng ka tho chu luna bûrin ka tho a, engmah tih châkna pawh ka nei em em lo, ka inti fai sawk sawk a, tûkṭhuan pawh ei lo in thingpui leh chhang techuan ka inhnawh puar tawp a, Taxi ka hmuh hmasak berin school lam ka pan nghâl,



School ka thleng chu naupang ho an lo awm diah diah tawh a, naupang ho in min lo wish sap sap takah chuan tlêmin phûrna ka nei veleh deuh, Office ah chuan angai tê bawkin kan ti ti ho leh luai luai a, thawhpui teho ti ti ngaithla in chawhma chu ka hmangral ti ila ka sawisual lo ang.

A ni khatna a nih vâng pawhin kan inthlahdah reuh khawp mai, lunch ei paha ka phone ka en chu Lalrammawia message alo awm nual mai,
*Morning aw, tlai lamah chuan ka rawn lam ang che, inchei vur angai lo nia i awm ang tawp pawh khân lo kal rawh, ka pa kan hmu zuai anga ka thlah leh ang che, Ka nu leh Ka u chu peh hêl hrâm kan tum dawn nia*

Tih hi thui zet hian arawn thawn a, ka huphurh viau rualin hnial ngaih ka hre dêr lo, amah rinchhan tawp mai ang ti rilru chungin *Ka lo tum ang* ka ti ta ringawt a, a pa chu hmuh ve ka châk viau bawk, ka chanchin hi a sawi tawh ngei anga, in la engemaw taka hnial kha ka duh bawk si lo, mahse Min hre chhuak a nih vaih chuan thil pawi tak a thlen ka ring tlat thung, mahse bul ka ṭan tawh a, A tâwp pawh ka thleng ngam mai tur a ni, engtikah emaw chuan kan in hmangaihna hmang hian kan la hneh ngei ang tih ka hria.


Rilru nuam lo et et rengin nî chu ka hmang liam ve mai a, naupang lo lût thar ho lah chu an felin an polite viau bawk a, kan bâng hma viau bawk.



Dar 3 rîk ṭep in In ka thleng a, tlai chaw ka ei nghâl dawn lo chiang a, rawng ka bawl a, ka in ti fai nghâl bawk, ka inbual lai techuan ka ngaihtuah a, min hmu tase midang hma ah khân min tih mualpho duh mai tepawh ka ring rum rum e a, mahse Lalrammawia hi ka hmangaih a, ka neih duh tak tak dawn anih chuan ka la tuar dawn chauh, tun aṭanga ka hlauh nghâl mai chuan inṭhen a ni mai si a, ka ṭhen thei dawn si lo nen, huaisen takin paltlang ta zawk ila, eng thil pawi mah a thlen loh nana ṭawngṭai chu ka tih theih tâwk a ni mai.



Ka inbual zo bathroom aṭanga ka chhuak chu ka phone alo ri char char tawh a, ka en chu ka rin sa ang ngeiin Lalrammawia alo ni, rang takin ka chhâng vat a.

"Lo insiam rawh aw, hei ka rawn thleng ṭêp" a tih techuan ka lungphu asu nghâl dup dup mai,
"Awle"
Tih zawng chuan chhângin kan inbiakna chu ka ti tâwp ta vat a, phûr lo zet chuan ka insiam nghâl, ka kawrfual cream rawng simple tak chu ka ha a, tlêmin a pâr deuh, flat ka bun leh tawp a, make-up erawh min ti lang êmg tûr tawk lekin ka inbel thung.


Ka insiam zo tih chuan arawn thleng chawpchilh ve nghâl mai a, apa hi Ex minister te alo ni tawh bawk nen mi challang tak tak an kal ṭeuh dawn si a, ka inchei dan chu a tâwk ve viau in ka hria, a rawn lût chu phâwk hrâ in ka lo enkar a, coat suit nen a in thuam chu hmelṭha tak a ni, ka bialpa a nih hi rin harsa ka ti hial ṭhin.


"Kal ila"

A rawn ti ringawt a, ka inchei dan chu min fak ve te ka lo ring a nia, a hnunglam aṭanga ner khum sak pahin kan inzui chhuak ta hnak hnak a.




Car ah pawh chuan engmah zu sawi chuang lo a mawle, ka sawi awm bîk lo emai ti rilru ka'n titau deuh reuh a, ka titau tih pawh a hre leh tawp nâng,

"I va ngawi ve?"

Motor khalh pah chuan arawn ti chhuak hlawl a, chhân tumin ka âng zuau hman a, ka titau tih ka hriat chhuah thut vâng chuan ka chîp leh rang ngang mai,

"Min chhâng dawn lo maw?"

Tihpahin min rawn en a, tûm barin ka lo melh ralh ringawt,

"Tinge a? I kal châk lo viau ami?"

Tihpahin ka biangah chuan arawn khawih a,
"Chutiang pawh a ni lo, ka inchei dan hi min fak ve te ka lo ring a"
Ka tih chuan arawn nui hak a, a naupang chhia tih chu hre tho mahila, hmeichhe duh dân hrim hrim hi a ni in ka hria, han in fak te hian awih lo mahila kan lâwm viau zel tho.

"I nalh lutuk, ka tan chuan i nalh reng alawm, fak hranpa i ngaih pawh ka lo ring lo a" nui vur vur hian ati zui a, ka hmui ka lo ti pawrh zauh ringawt.


"Ka huphurh e, i nuhrawn kha ka hlau ber"

"Lungngai suh, ka awm alawm, ka pa pawn hre mahse ka hmin thei em em ang, ka pa hi mi â tak a ni lo ania" a tih chuan tlêmin ka thlâ a muang ve deuh, ka kutah chuan vuan in a fâwp vang vang a,
"Ka lawm e aw, ka tan chuan a pawimawh zia i hriat kha, hlau chung chunga i rawn kal hi ka theihnghilh tawh lo ang" motor khalh pah chuan a ti hniam ruih a, ka lo lai chhe ngang mai.

"Enge mawn le" nui chung chuan ka lo ti ringawt a, kan pahnih chuan kan nui dun hak hak ringawt.



An in kawt kan thlen chuan ka lungphu arang zual tawh khawp mai, ka thlan fîm arawn tla dap dap a, rawmawl chuan ka in hru deuh chhên reng ringawt, an in chu a lian in a changkâng viau a, mahse han awm châkna pakhat mah ka nei lem lo, In lian tak tak nei mahila hmangaihna leh hlimna a awm chuan si loh chuan awmzia a awm lo tih hi Lalrammawia aṭangin ka zir chhuak tawh a, Kan in ni se tiin duhthû ka sâm hek lo, Saw In saw In ni lo in indona mual a ni zawk mah in ka hria.



Gate chhûngah chuan car changkâng tak tak an lo dah ṭhup a, haw leh daih mai techu ka duh rum rum zawk e a,


Inchhûng kan lût chu mi challang hmel tak tak te leh hausak hmel tak tak techu an lo phu nuai nuai a, kei erawh ka kun zak zak reng mai, Lalrammawia chu a hawi kual deuh a, a sir lamah chuan min kai phei dawr dawr mai, min kaihna lam lamah chuan ka kat phei ve nawk nawk a, a hnu deuh ah chuan a ding at mai.


"Pa hei hi nia Mami chu"

A tih rî ah chuan ka hawi chhuak zawk a, ka hma ah chuan pa sâng lam ngo veng vung hmel fai tak, Lalrammawia nena in ang zet mai hi lo dingin chîk zet hian min lo en a nih chu, ka zâm lutuk chu ka chil ka lem khawlh a, han sawi mai tûr pawh hre lo in ka nuih sak ringawt.

"Ka hmu che chu ka lawm hle mai, Bawiha hian i chanchin te min lo hrilh ṭhin a"


Tihpahin a kut arawn phar chhuak a, ka lo chibai nghâl vat, a ta tûra ka ken sak necktie pin man to ve tak, keima pa pawh hetiang man zât ka la lei ngai loh pawisa ui chung chunga ka lei chu kut khûr deuh dar dar chuan ka pe a,

"Aw...ka va lawm ve, a ngai lo asin le aw"

Tihpahin nêlawm tak chuan alo nui huah huah a, ka rin aiin a fel hmêl daih.

"Nia, thil hlu tak phei chu a ni lo a nia"

Nui sak chuan ka han ti a, alo nui ve suk mai,

"Thil pêk reng reng hi an thil pêka ai chuan a petu thinlung hi a pawimawh zawk a nia"

A tih chuan chhân dan tur pawh hre lo in ka lo nui leh sak ringawt, ka kum ang zât ah hi chuan ti ti bawrh bawrh tur chu ka ni ve tawh mawle, mahse ka zak zumin sawi tûr hi ka hre lo ve thei êm a ni.

"Bawiha zanriah ei nghâl rawh se aw, Ei nghâl rawh aw Mami, kan inkâwm chiang leh ang chu"

A tih chuan Lalrammawia chu ka nghawk ru zauh a,

"Pa, exam a hnai tawh sia a buai ang"

Alo ti deuh nûng nûng a,

"A ni tak maw..zirtîrtu ini tiraw khâh?"

Arawn tih chuan "Aw, private school ah ka thawl ve a" ka lo ti zawi sap a, a bu leh nghauh nghauh mai, "A ṭhat nasat chu, zanriah chu ei phawt la, eng êm iti nâng, ei ngei ngei rawh nakinah kan inkawm leh dawn nia" tihpah chuan a kalsawn vut a, mahse ka la thaw maithei chuang lo, ka hlauhthawnna chu second tin mai hian a zual ni maiin ka hria.




"Engtin nge niang?"

Ner nânga ti chung chuan Lalrammawia chu ka han en a,

"Khatia i awm khân i duhawm lutuk" nui vur vur hian alo ti duh lek chauh nia, ka van ngei mai mai tak e aw.




"Ka haw dawn nge dawn lo?" Thinrim lek leka ka tih chuan min envang vang a,min chhan tum ni awm taka a an zuau lai chuan tu emaw hian arawn pawt her deuh lawp a,"Mama, tihpahin Rpa nupui khan alo kuai her anih chu, phawk zeta min en chungin "Nang hi" ati chhuak deuh sap a, ka chil ka lo lem khalh thung, ka lungphu arawn su dup dup a, engtin nge ka awm ang pawh ka hrethiam lo, in ti bo daih thei ila tih chu ka duhthusam ber a ni tawp, "E, hei hi ila hriat loh takin, ka rawn hruai ang ka tih kha a nia,Mami a nih hi" ati zui vat a, khawdang hawi lek lo chuan min en ta tlawk tlawk ringawt,eng ber nge ka sawi ang? khur dar dar a ka din lai chuan ka hlauh ruk ng ngeiin Rpa nuhrawn arawn lang veleh ta hlawl mai,tlan haw daih mai techu ka duh rum rum tawh, a mit meng dum huam leh lian ṭha zet chuan phawk hru hian min en kul anih chu, Rpa nupui erawh a mittui a tling kiau thung, "Nangmaw?!....enge hetah itih?" dur khupa min en chung chuan tawngkam nelawm loh zet hian min ti ta hrawk a, ka chil lem khalhin Lalrammawia chu ka enkiau ringawt, "Ani hi ka bialnu a nih hi, khatia biak kha ka phal hleinem" alo ti chang ve fak, ka kut khur dar dar chu ka sik ka sik ringawt, "henu hi i bialnu maw?....hahh...awi leh...henu lo hi midang i hmu thlawt lo ami?" hmuhsit hmel zet hian Rpa nu chuan ati ta zek a, thil sual lian tak ti ang maiin ka lo ngawi ngal thung,mahse engmah erawh ka tisual lo,ka dawih zep vang mai a ni, "He nu hi kan inchhunga awm ka rem ti lo, haw pui leh vat rawh, i bialnu a ni em ka pawisa lo, i pa in a hmuh hma hian chhuah tir ang che" midangin an hre lo ang ti ni awm fahran chuan a aw rawl tawp zu au a mawle, nasa ka va han ti tak, "He inchhung hi ka In a ni vetho, lo buai lo mai rawh" Lalrammawia pawh a awki asang tawh khawp mai, midang lo awm ve chuan min en ta thap a, chutah buaina rawn ti belh chhah turin Lalrammawia pa leh Rpa an rawn in zui phei ve leh ta, ka mittui tla mai tur chu duh lo in ka in pet fan fan reng a,ka kut hmalama suih chungin ka lo ding kun ngal reng a, ka thil tih tawh a ka la inchhir ber tum anih ka ring, "Enge ni leh ta? in va bengchheng ve" Lalrammawia pa chuan arawn ti phei khur khur a, "Enteh Bawiha pa, i fapa huaisen zia hi,a u in a hmei ang maia aloen thin kha ka bialnu tiin arawn hruai lut anih chu" thinrim zet hian RPa nu chuan alo ti a, Lalrammawia chhiatna a duh lutuk na lamah a fapa pawh mi zawng zawng hma ah ati mualpho tih a inhre lo a ni ngei ang, "Chutiang ka va hre ve lo ve, engethil awm zia hi tu emaw tal khan lo sawi teh u" vin khur khur a tihpahin a chhung techu a enkual a, a mit meng thinrimna a khat leh a hmaisen chuan min va han ti hlau tak, Lalrammawia kutah chuan ka va vuan da da a,rang zetin min lo vuan a, nghet zet hian a vuan zui bawk,"Lalropui hei hi thudik a ni em?" tiin Rpa chu en khuih a, Rpa pawn a pa thinrim chu a hlau ngang a niang a chhang ngam lo, ngawirengin a ding zum reng ringawt, "Tunlai hmeichhia techuan zah hre tawh hek lo, mi pasal pawh an kawp duh mai zel" Rpa nu chuan alo ti zauh a, paidaih a har ka ti kher mai, "Pa kei hian engkim ka hria, he hmeichhia hi a thianghlim takzet a, ka u hmei a ni ngai lo bawk, a hre chiang tu ber ka ni" Lalrammawia chuan ngên ngawl zet hian alo ti ve a, ka in hum ruh nasa tawh kher mai, ṭawng ve châk eng ang mahila midang an tam bawk si, Lalrammawia pa chuan rilru tâwt hmel zet hian thawk ala hawk a,

"Ka theih tâwp ka chhuah a sin, hetiang hian maw min rulh lêt dawn a? Enge pêk loh che ka neih?"

Apa chuan awki hniam ruih hian arawn ti nih chu, A hnunglama Rpa nui sak chu rum zetin ka lo melh ve thung,

"Pa ka ti tak tak, dawt ka sawi lo, He hmeichhia hi"

"A tâwkkk...." arawn tih vîn ṭhawt ri ah chuan ka lo phu zawk thei, hlauthawng zetin ka enkiau a, a pa thinrim hmel chu hmuh hrehawm ka van ti tak, ṭawngkam vîn hi ka naupan lai aṭang tawha ka hriat khán êm vang nge dawn sawn dân tur ka hre lo takzet a ni.


"A hrim hrim in nangpawn i hre reng awm sia engtin nge irawn kal ngam a? Ni leh lo, hmeichhe zak thei lo tak ini, i huaisen hlê mai"

Rpa nupui chuan alo ti ve bawk a, Rpa chuan engemaw tal sawi ve se ka ti takzet a ni, hetiang mihring hi alo ni ang tih ngaihna reng ka hre lo, Chhâng ta mai lo chuan ka ngawi ta reng a, chhuah bo daih ka châk tawh takzet a ni, ka tâwt up up reng mai.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)