James Mallory and Harlen Irene

Episode kal lai dah luhna

Moderator: writers

Maruata jr
Posts: 82
Joined: September 12th, 2018, 10:28 am

James Mallory and Harlen Irene

Unread post by Maruata jr » April 13th, 2021, 9:21 pm

James Mallory and Harlen Irene

Retold by - C.Laizawna
Retype by - Maruata jr

Season - 2

Chapter - 5

Kan lo let leh ta, Kar thar chibai vek u. Tun tum chu Love Story lam kan hawi tawh ta sa sa, ka thiannu kam chhuak, ka duh em a. Tha ka tiin a ril dik bawk si a. Ka rawn thai lang teh ang. Phal taka min pe tu, ka thian Zahmingi chungah lawmthu ka sawi a ni e...

Zahmingi(Ziaktu)

KA LEI ARSI

Chawngmawii leh Hrangchhuanate chuan, lan loh hun neiin, bo thin chang nei mahse. An tum kawng ngai zawhin,"Indi", turin an lo kir leh thin.

Ka lei Arsu erawh kir zai rel silo. A liam a, a liam vawnv vawng ta si, awm khawharin ni leh zan ka hmang ral leh thin.

Hun leh kumte an liam zel a, awm harin ka chung thangvan ka han thlir a, ka lei Arsi engmawi tak ang ka hmu. Mahse, a hle em a, hmuhchian a har hle lawi si a, chu Arsi chuan ka mit a la ta em em a, a kalna lam apiangah ka mit chu a kalpui zel niin ka hria.

Chu Arsi chuan, ka hringnun awmkhua a ti nuam a; mahse, Seol ang mai a ka nunkhua a tih hrehawm chang erawh a awm bawk thin.

Kha Arsi thar, hla tak atanga lo lang, hmuhchian harsa tak, Arsi danglam tak kha. Eng Arsi tak ni ang maw ! Ka lei Arsi iang zo tak ang maw ! tii ka dawn vawng vawng thin.



Min va hneh si em !


Le story lam hawi leh tawh ang aw...



Recap :

Tichuan, Mallory chu a thu ta a, a ngaithla a. Chu aw chu hmeichhe aw niin a hria a; mahse, tunge a nih zawng a hre lo

***********************


Mallory chu pangpar buk hnuaiah chuan bawk vakin a kal phei tham tham a. A han ngaithla leh a. Chu tap aw te chuan Mallory hming te chu a han lam ta mai a. Irene-i a nih a ring a, a ding ta thuai a. Rose par buk hnuaia Irene-i bawk chu a va pawm a, Irene-i chu a lo chau tawh hle a, "Aw ! Mallory, nang i ni maw?" a sawi zawh hma chuan chuktuahin an infawp ngawih ngawih a. Thian inkawmngaih tak, rei rak inhmu tawh lo, inhmu leh phut angin an lawm em em a. An lawm lutuk chu an mittui a tla zawih zawih a. An thawm chu inchunga mite'n an hria ang tih an hlau a, huan lai lampang, dil kama Oak thingbuk awmna lampangah chuan an phei dun ta rial rial a.

Thla lah chu a eng em em mai si a. A tuk ni erawh chu Irene leh Capt Cox inneihna ni tura ruat a ni si a. Irene-i mangang lutuk chuan, "Aw, Mallory. I hnenah min hruai ve ta mai che. Naktuk hi...Aw! Mallory. Ka zui ve mai ang che," a ti ringawt mai a.

"Ni love. Irene, mi nupui tur i ni tawh a, mi zui mai chuan kan chungah enge lo thleng ang ? Hetia kan awmdun lai mai pawh hi min hmu sela kan chan chu hlauhawm tak a ni ang. Ka damchhungin Paris khawpuiah kir lehin ka inring lo. Kei chu Sailor(Lawngmi) mai ka ni a. A...ni love, Irene. Ka hmangaih ang che a min hmangaih ve tak tak i nih chuan i pasal tur chu hlin takin nei mai la. In inneih hnuah pawh, hmangaihna khuanu chuan zah a ngaih duh chuan, kan tan kawng a la rawn hawng leh mahna. Kan nghak zawk dawn lawm ni?"

Irene-i chu Mallory chuan han hruai bo dawn ta ang sela, a chunga lo thleng tur chu a hmu reng si a. Irene-i chuan an inneih dan tur chu a han ngaihtuah a. A mittui chu a far zawih zawih mai a.

Irene-i chuan, "Mallory. Mi tam tak tana piang ka ni lova, mi pakhat tana puabg ka ni a. Mallory, i tana piang ka ni si a. Mahse, nang nen kan inthen dawn ta a ni maw? Nang ka neih che si loh chuan...ka thu mai ang. Cax-a tana piang ka ni si lova, engtinnge ka neih theih ang?" a ti a.

Mallory pawh chuan tihngaihna a hre lo hle mai a. Ngawi reng chuan an inen a, tuarna thuhmuna tuar an nih chu an inhriatpui a. Chutia hlim taka an awm lai chauh pawh chu hmangaihna khuanun malsawmna chu a nih hre chungin an pahnih chuan hmangaihna khuanh chu an dem lek lek zawk a.

Apple par vul chuk mai hnuaiah chuan an inhmangaihna thu hlir mai chu an sawi dun ta mial mial mai a. Chuti khawpa inhmangaih chu an Pathianin anni pahnih chu a inneihtir dawn ta lova. A tuk chu Irene leh Cox-a inneih ni tur chu a lo ni reng tawh a. Mallory chuan, "Irene, I pasal neih hunah pawh min han theihnghilh mai suh ang che aw? Ka hmangaihna che hi englai maha, luiluang a chawl ngai lo ang hian englai mahin a reh dawn tawh lo a ni. Mahse, Irene...keimah avanga pasal i neih thulh tur chu ka duh lo a ni. Hlin takin in innei ang a, kan tan kawng a la awm leh mahna. Kan ngaithla rih tur a lawm! Khuanu hian mak tak tak hian ro a rel fo thin a ni. Capt. Cox i neih pawh hi kan tan chuan a tha zawk pawh a lo ni mahna. Pathian chauh lo chuan tunge hria ang le? Zanina kan lungngaihna leh hrehawm kan tuarna te zawng zawng hi hlimna min petu a la ni mahna. Thufing pakhat pawhin'Thil tha a lo hnaih lai chuan thil tha lo pawh a lo hnai hle thin' a ti a sin. Kan tan vanneihna a lo awm mai thei a ni. Mahse, a tawp berah chuan, hei hi ka han sawi leh teh ang aw. In inneih hunah kan tan vanneihna a awm si loh chuan, hei hu han theihnghilh ngai suh ang che- James Mallory. Tunah hi chuan nang hi chu mi nupui tur i ni tawh a; mahse, ka hmangaih em em mai si che a. Nang pawhin min hmangaih ve bawk a. Ka tuar theih chhung chu nangmah avangin hrehawm chu ka tuar zel ang a. I tan hian ka la inpe reng tho ang. Mahse, Irene, kei zawng hmangaihna khuanu ka dem lo thei lo a ni e. Engvangin nge kan inkarah hian kulh bing sang tak chu an lo rem le ? Kei tehlul hnenah hian HMANGAIHNA LEH VANDUAINA a rawn thlentir le ? A ngaihna ka va'n hre lo em !" a han ti a.

Irene pawh chuan a tuarpui thiam hle a. Tuarna thuhmun chu an tuar dun a. "Aw, Mallory. Kei hian a sin nang aia khuanu chu dem zawk ni. Aw, kei nu te thihsan, nunna beidawng leh nula naran nai hnenah hian hetiang thil rapthlak hi a rawn thlentir mai le. Mallory, nang ai chuan kei hian a sin tuar na tur zawk chu. Cox-a chu nei duh lo mah ila, nangmah avang chauh leh kan tan a la that beiseiin ka nei hram a ni ang chu ! Nang nena Puithiam hmaa thu kan tiam kha chu a ang dawn ta lo hle a nih hi le !" a ti a. A tap zawih zawih mai a.

Oak thingbuk kara thla eng chuan Irene bianga mittui luang chu a chhun tle ser mai , James Mallory tan chuan tuar a va har dawn em! Hmana thla eng hnuaia hlim taka an awm lai te kha a hre chhuak a. Tunah zawng hlim teh mah se lungngaihna thu chauh lo chu sawi tur a awm tawh si lova. A va inang ta lo em ! Thla eng leh huana pangpar te chuan lungngaihna chauh lo chu engmah an rawn thlen ta si lova. Mite hian chutiang lungngaihna chu tuar ve ngai pawhin an ring lo a ni. Chutia an pahnih chauha an awmdun lai chuan thlifim chuan a rawn chhem heuh heuh mai a. Cider thingte lah chu an kur nghiau nghiau mai si a. Far thing hnah ri hiau hiau te chuan lungngaihna rawn thlen zel huan an hria a. Thla lah chu a eng em em mai si a. Zan thla eng tak mai chuan Prime Minister huan chu a chhun dum ruih mai si a. Zan thla eng lah chu an tan lungngaihna rawn thlentu ni mah sela mi zawng zawbg tan a ni kher awm si lo.

Chumi darkar tlemte inpawl hlimna an nei pawh chu khuanu malsawmna a ni tih an theihnghilh ta em ni ang le ? An tan chuan khuanu lah chu dem loh rual a ni si lova, dem rual lah a ni hek lo. Khuanu hian mite rilru natna tur ngaihtuahpui lo hian thil a ti thin si a. Lungngaihna a rawn thlentir thin em ni le ? Hnai love, khawvelin hetiang thil rapthlak hi a rawn thlen zawk a ni. Hun hian luipui tui luang angin tumah a nghak ngai si lova. Mallory leh Irene pawh chu kumkhuaa cheng dun turin hun a pe hek lova. Irene chuan Mallory han hnuchhawn chu thil harsa tak niin a hre si.

Chumi zan chu an tan an inpawlna hnuhnung ber a lo nih mai si chuan an tan thil tih tur a va vang dawn em ! An inhmangaih reng turzia leh an tuarzia tur chu an inhrilh ta mial mial a. An rilru ve veah chuan lungngaihna chauh lo chu eng dang mah a awm thei ta lova. Mahse, an hun neih remchang hnuhnung ber a nih dawn avangin inhmangaihte"n an lo tih fo angin thu an lo thlung ta a.

Biak in sana lian chuan zan dar 12 a rawn khawng ri bul bul mai a. FAREWELL TO THROUGH(Damtakin) tih hla hi Irene chuan a sa ta a. A thiam em em mai si a. An pahnih tan ALICE ROSS-a phuah niin an hre tlat a. An lung a tichhe ta em em a, an infawp ta ngawih ngawih mai a. Mallory chuan, "Irene, zan pawh a rei ta," a han ti a.

Irene chuan, "Min ning ta a ni maw ?" a ti a. "Ning love. I pate'n an ngaithiam lovang che tih ka hlau a ni."

Irene chuan, "Nang nen kan awmdun phawt chuan min that mah se pawi ka ti hleinem," a ti a.

Mallory chuan, "Anih leh, chutianga rilru huaisen i neih phawt chuan kei chuan englai mahin kalsan che ka tum lo a sin," a ti a.

Irene chuan, "A nih leh Mallory. Hawh i tho teh ang, ke a kham dawn e. I vak zawk ang," a ti a.

Mallory chuan, "Chu, hawng tawh rawh i tihna em ni ?" a ti a.

Irene chuan, "Ti love. Kan vei harh zawk ang chu ka ti," a ti a.

An hun neih chhun chu lawm taka hman an tum a. Nuihna ngawt an zawng a. Tichuan, huanah an vak dun ta a. Cider par te chu an thliak a, hlim em em mai chuan an vei an vei a. Hlim em emin chumi darkar chu khawral mah sela an rilru lian ber zawk chu a tuk nu chuan a rawn chhuahpui dawn si a. Hun reilote hlimna an neih chu Pathian malsawmna a ni tih hai rual a ni lova. Nakinag chuan Mallory ngaihhruina Oak, i hmuh apiangin min hre reng ang che aw, a tihna kha an va thleng a. Oak thing ngheng chuan an ding a, an lung a chhe dun em em mai a. Irene chuan, "Mallory, he Oak thing hi min ngaihhruina thing kha a ni a. Kei chuan Cider i hmuh apiangin min han hre reng ang che ka tih kha. I hmangaihna min hnutchhiah thei lo maw?" a ti a.

Mallory chuan, "Aw !!! Harlen Irene, ka hmangaihna che mai lo chu hnutchhiah tur che ka nei lo," a ti a, a pawm ta a. "Thihna chuan ka chungah ka a ang reng a, lungngaihna chuan ka chungah thla a zar reng a. Ka chungah thuhna puanzar chu awm reng mah se ka hmangaihna hi a chuai tawh ngai lo a ni. Mahse, Irene, he khawvelah hian Khuanu chuan kan inneih a remti lo a nih chuan, miten an sawi Thlarau Pialral hi awm tak tak te a nih chuan, Irene, chutah chuan innei ve tawh ang aw?" a ti a.

Irene chuan chu thu chu a tuar zo ta lova, a tap ta zawih zawih mai a. Sawi tur pawh chu a hre lo hle zawk a. Mallory chuan, "Irene, intiharh hram hram rawh. Kan hun tlemre neih hi hlim taka hman i tum zawk ang aw," a ti a.

Thla lah chu a eng em em si a. Mahse, chumi te pahnih rawn then tirtu a nih si chuan a va runthlak dawn em! Hlim tak leh lungchhe tak chung chuan an inkaihkuah a, thla eng chu an thlir dun ta reng a.

Miten he khawvela a nuam ber an tih leh a hlauhawm ber an tih chu an lo tawng dun ta a. Chumi darkar tlemte pawh chu an hmang zi leh ta si le ! Zan dar khat(1) chu a ri leh ta a. Chutah zet zawng inthen loh theih loh a ni ta si a. Chutichuan, an inthen dawn ta a nih chu ! Chumi darkar atang chuan he khawvelah hian inthen hlen dawn tih hria sela chuan......


Khaia a tawp leh der mai, eng nge lo thleng zel ang le...Eng pawh ni se, duh tawk leh phawt ang aw.


Chhiartu duh tak te, Muttui vek u le

Wait for Epi 6



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)