MAFIA. BELOVED

Episode kal lai dah luhna

Moderator: writers

Remruatfeli feli
Posts: 143
Joined: June 28th, 2020, 9:53 pm

MAFIA. BELOVED

Unread post by Remruatfeli feli » April 13th, 2021, 10:10 pm

Ti ve leh bek bek ang aw ni,nidang angin zan tin ka lo dah thei dawn lo a,mahse lo dah chin tura ka sawi ah khi chuan regu taka lo dah ka tum thung ang.Ka mit hian a tlin loh bakah zirlai nih chuan hun neih tam hi a harsa ltk a,kei phei chu midang ang hi ka nilo a, phone atang ka type bawk nen darkar 4 dawn te ka type a ngai a,a thui ngai Chuang bawk si lo huizzzz, lo chhiar phawt mai teh u.

MAFIA BELOVED CHAPTER-1


" Eng tin nge inthlen tir theih mi tlaktlai lo ho"


" Mr.Morgan,phatsan tu a lo awm vang ani,kan tum loh takin thil a thleng a ni"


" I chhuanlam fahran te te kha ka ngaithla peih lo,chhuak la phatsan tu dinhmun tur chu I hriat kha," ti nghal hrawk in ka dawhkan chu ka nem thlu pawp a.



Phatsan tu dinhmun chu hriattir a ngai khawp ang,eng vanga min lo bum ngam nge anih,ka naute hi ka hrual tha lo ani ngei ang,ka pa phei chu ka hriat tir thiang lo ani tawp mai.


*****



" Mr.Morgan khawngaih in min ngaidam rawh,pawisa ka mamawh em vanga ti ka ni" a mitmenga hlauhthawn na chu ka tan chuan thil hmuhnawm tak a ni.


" Kei hian tumah ka ngaidam ngai lo ,,,,,chuan ka ngaidam ngai bawk hek lo ang"


" A kut kha tan sak ula,a mitmu kha in kher chhuah sak bawk tur a ni,nge ni a kei hian ka kher chhuah sak kher dawn che" a hmai tlang chemtea rin riak riak pah chuan ka ti nghal hrawk a.



" Mr.Morgan , khawngaih in min ngaidam rawh ,khatiang thil kha ka ti leh tawh ngai lo ang" kei ai chuan upa in ka pa te nen rual khat ni tawh mahse an boss ka ni tlat,chuan kei hian khawngaihna ka lantir ang maw!!!! A teuh lo mai,kum sawm leh pali ka nih atangin tual thah hreh lo tura zirtir ka ni tawh.



" Chhuahpui vat rawh u,chuti anih loh chuan a taksa hi ka chan sawm duh vek mai ang" ka tih thawt rual chuan,ka ho te chuan an pawt sawn nghal rawk rawk a,ka mizia an hre Chiang tawh bawka min tihluih chu tumah in an tum ngai lo.Hlauh hmel taka chhuak te chu ngaihtuah duh lo in thil dang ka tih san a.


" Mr.Morgan meeting ineih a hun tawh a" tim dai chuan ka secretary chuan a rawn ti a,ka cigarette chu nawr hlum in muang changin ka hawi chhuak a,ka hma a zam taka ding chu melh in ka bu zui nghut a,ani pawh engmah sawi lo in a chhuak ve nghal a.Ni e,mi nelawm ka ni ngai lo a,tual thah ka hreh ngai bawk hek lo.Ka hming chu Alex Morgan ni in tunah hian kum sawmthum na ka hmang ve mek bawk,hmun hrang hrang ah hotel leh restaurant kan nei a ,chu chu kan hmingthan pui hle bawk ,mahse chu chu kan in thupna mai a ni,Mafia gang ah hian ka pa hi a hotu ber ani a,hei hi hman atanga kan chhungkaw inthlah chhawn thil a ni,mahse mipui hriat ah erawh hotel tam tak nei leh mi Hausa tak fapa tih bak in ka lang lo,ka pa hi a upat ve deuh tawh avangin a ai ka awh a,mahse thu thlukna tam tak leh dan tam tak chu ama siam hi ala ni.



*****


" Hey baby I secretary nu saw zilh deuh teh" inti no fe chuan a rawn ti a,a hmui sen hlar mai chu a seh zeuh a,a thawmhnaw hak tawngchham zet chuan a mawng a khuh tawk tawk ang tih vel chu a ha bawk a,ka taksa te chu a chul kual ruai a,a kut tang sei hlarh chuan ka m*****a chu a tham leh tawk thin a,chu chuan insum thei lo in min siam leh thin,rum ri hrawk in a hmui sen tai hlarh ah chuan duhtawk in ka fawp nghal buan buan a,a awm kawh lah chu melh in ka nui suk a ,chu tah kawngka a rawn kik ri avang chuan phun nghal sup in lo lut turin ka ti nghal zat bawk a.


" Ahhh.,Sir ,ka tihpalh ltk mahse buaina a awm a"



" Lo va chhuak tawh rawh" ka tih hmuk chuan a lungawi lo tih ka hria mahse ani lungawi lo ve mai mai hi ka buaipui hman lo a,ka care chiam a tulna ka hre hek lo,min lungawi loh khum ngam dawn lo tih hi ka hming ka chian tluk zet in ka Chiang a ni....


" Mahse,,,,,, kan la.." a thusawi chu lo pawt chat in.


" Kal tawh rawh ka ti che ni lawm ni,anih loh chuan" ka sawi laklawh lai chuan


" Aw..ka kal ang mahse kan la zo lo ania," tih pah in ka hmui ah chuan duhthawh fe in a rawn fawp leh a.Model nalh tak chu ani ngei a lawm ,hun pawh ka hmanpui tam ber a niang,a dang chu one night stand ang bak an nilo,ani erawh kha chu a dang ve tlat.


" Enge I sawi duh chu sawi rawh" ka chair a thut thlak dawt pah chuan ka ti a,ka hun hman nuam tak tur a rawn ti chhe tlat,chu vangin ka lawm teh chiam lo,


" Ka hun hman nuam tak tur i rawn tih chhiat avang hian ka lawm chiam lo che tih chu I hriatthiam ka ring"



" Staff pakhat in kan thuruk hi a hria,eng tin nge kan tih ang" a rawn tih chuan ka lo nui suk a


" Chung te chu zawh ka ngai em ni, Jackson,I tih tur te chu a Chiang reng lo em ni" ka tih sup chuan ani pawh chu a then ve nghal suk bawk a.



" Mahse sir, naupang kum sawm pariat vel chauh ala ni sia"


" C'mon Jackson,naupang an nih leh nih loh ah ka buai lo,ka duh chu kan thuruk hi him reng se ka duh," ka ti nghal nghut bawk a.



" Anih chuan keiin ka lo buaipui fel dawn nia" a tih chuan ka bu nghal nghut a.



*********Next Morning



Newspaper chu la kang in ka nui lui suk a,a front page ah chuan kan hotel a thawk pakhat chu suiside angin an lo chhuah hi ani a, Jackson thil tih ani tih ka hria,ani hi chu ka ring em em reng bawk a ni,kha naupang khan kan thuruk hi hrelo ni sela chu nung dam in ala awm ve mai tur,mihring hian kan thil hriat loh tur kan hriat hian kan nunna atan a pawi zo thin.




" Hotel a thil thleng kha enge awmzia" ka pa chuan a rawn ti a,ka fork leh spoon chu dah thla in ka pa chu ka melh nghal vut bawk.


" Kan thuruk alo hria anih kha"



" Eng tin nge a hriat theih, fimkhur tur che in ka chah che ani lawm ni"


" Ka theihtawp chu ka chhuah mahse eng tin nge kha naupang khan alo hriat theih ka hre bik lo"



" Kha tiang chhana ka ngainat loh zia I hriat kha ,chhui chhuak vat ang che"


" Ok"


" Eng tin nge hetiang te chuan hruaitu ah ka dah theih ang che,mi nep tak ang khan khawsa reng reng suh ang che" a rawn tih leh chuan ka lo bu nghut a.



" Dan hmasa ber kha theihnghilh ngai suh,mafia inih chhung chu hmangaihna ah I tlu lut thiang lo tih hi"


" Ka tlu lut ngai lo ang tih ka tiam a che" ka pa pawh chu ka chhan na ah a lawm tih hriat zet in a rawn bu nghut a.


" mafia kan nih chuan thil ho lam mai mai ah Kan in ham buai tir tur ani lo,"


" Hotel pawh saw I ngaihthah ngawt thei lo a nia,hotel ber I run that loh chuan kan thil tum ber a buai vek thei"


" Awle,hna lampang chu lo ngaihtuah duh suh"


" In mak pafa em mai,inah tal hi chuan hna lam hi chu sawi lo teh u,ina in awm khat teh lul nen" ka nu chuan a rawn ti hlak hlak a.


****
Ka office ah chuan thu in kan hna kal zel tur chu ka ngaihtuah a,hotel ringawt ka ngaihtuah theilo a,hotel ai mah chuan kan hna pui ber drugs ram hrang hranga dan phal loa kan thawn chhuah hian rilru a kap zawk,ka office kawngkhar kik ri ah chuan ka harh chhuak zawk a.Lut turin ka ti nghal sup bawk.

" Mr.Morgan ,Japan a kan dealer te khan ,in hmuh an duh anih chu hmai chhanah"


" Min bum chhuak mai mai lo ang,an rualhman na hi hrelo turah min lo ngai anih chuan mi mawl tak an ni ngei ang"


" Anih chuan I kal theihloh tur thu ka lo hrilh mai dawn nia"


" A ngai lo ang,ka kal tur thu hrilh ang che"


" Mahse,,,,,,mahse engtin"


" Eng vanga min hmu duh nge tih tal chu ka hre tur ani lawm ni?" Ka mitko san ak chung chuan ka ti a.


" An ruahman na kan hre si lo,I nunna atan a hlauhawm a sin"


" Chu tiang hlau turah min ngai em ni"


" Mahse"


" C'mon Jackson, hahdam tak khan awm rawh ,an duh chu an hmu ngei ang,an ni khi kan dealer te zinga a lian ber pawl an ni a,kan ti lungawi lo thiang lo,tin South Korea ah phei khi chuan kan pe chhuak nasa a chumi avang chuan Asian lampang khi kan thlahthlam thei hauh lo"


" Awle ka lo buaipui dawn nia"


" Leh lawk ,mi pakhat lo zawng ang che"


" Mr.Morgan chu chu ngatan nge?"


" Zawhna ka duh lo tih I hriat kha,tirawh ka tih che chu ti mai rawh"


" Ok sir ka tihpalh a ni"


" Tupawh ani mai,kan tan an tangkai rei dawn lo ,kan dah bo leh vat erawh a tul ang" ka tih chuan bu nghut in a chhuak ve nghal a.


" Mike kha hmuh ka duh tih lo hrilh nghal ang che"


" Awle ,sir"


***

Japan ah chuan kal ka tum reng reng lo,tupawh hian hmuh min chak a,tunge ka nih tih hre chak in kan dealer te hian min veh reng tih ka hria ,min thah chak lah an tam ,chu mi avang chuan fimkhur taka chet ka lak ve a ngai,ka hmel hi an hmu Zen zen loa ,hei hi keima duhdan a ni.

" Sir min ko em ni" ti dak chung chuan Mike chuan a rawn ti a,ani hi chu a la tleirawl deuh bawk nen midang zawng ai min hlau bik a.

" Aw,hotel kan sak tumna hmun kha ilo en fel tawh em"

" Sir ,hotel kan sak tumna ah khan mall sak an lo tum a ni awm e"


" Chu chu ila buaipui fel lo em ni" ka ti nghal nghut a.


" Tun dinhmun ah chuan ka hmin thei rih lo"A rawn ti zawi sup a,ka thinin a tuar leh ta lo.


" Khawnge Jackson,?" Ka ti bung nghut a.


" Sir,thil itih tir tih sawi in a chhuah lawk tur thu a sawi a"

" Minutes nga chhunga ka hnen a rawn thleng lo anih chuan in pahnih hian nung damin ka chhuah lo ang cheu,chhuak nghal rawh"


" Sir, minutes nga.." a ti hman tawk


" Ka silai chu phawrh in a ke ah chuan ka kap nghal zat a,a na ti ltk chu a ke a dawn ngawt ngawt ringawt.


Midang chu ko lut in ," he mi tlaktlai lo hi la sawn vat rawh u,chu ti anih loh chuan nangni pawh kha nungdam in in chhuak lo ang" ka ti rual chuan an che nghal sawk sawk a.


" Mr.Morgan ,enge ni ta?"


" Eng vanga ,India rama ka hotel sak tum kha tun thlenga chinfel ala nih loh,India ah supply kan neih that nan chuan hotel kan sak angai tih ka hrilh che ani lawm ni."


" Mr.Morgan kha chu "


" Engmah chhuanlam ka duh lo ,vawin ni ral hma ngei in buaipui fel ang che"


" Sir,ka be tawh a,a thu a sut duh lo"


" Anih chuan kawng dang Kan zawh mai angaih hmel, appointment lo siam ang che Mr.Singha nen chuan"


" Ok,sir"



***
Hotel ah chuan Mr.Singha hmu tur chuan ka kal a,ka thu pek a hnial anih chuan a dam chhung in a inchhir tawh ang.Hotel kan thleng chuan alo thu vang tawh a,a hmel pawisawi lo hmel zet saw thah chak na hlir in ka khat nghak vek ,nui lui sak chung chuan chibai chu ka buk a.

" Thusawi pehhel kual hi ka thiam lo,ka sawi tlang nghal ang,mall chu sa suh, I duh duh zat sum ka pe ang che ,chuan hei hi sawmna ni lo in thupek ani" ka tih sup chuan ka hma a pa chu a lungawi loh hmel kher mai .


" I sum kha ka mamawh lo ,Mr.Morgan"


" I mamawh leh mamawh loh ka zawt lo che,ka thu chu pawm mai rawh,ka dawhthei vak lo a nia"ner sawk pah chuan ka ti leh a,rinai a luhlul phian.



" he ram hi ka ta ani tawh a,mall pawh chu ka sa ngei ang"



"Sak chu ila tum cheu ang maw Mr.Singha,I inchhir loh ngei ka beisei" ka bianga hmui hmui to ser ser chu khawih zeuh pah chuan ka han ti leh a.


" Ka thusawi ah ka Chiang,hotel chu I sa ngai lo ang,kei hian mall lian tak ka sa dawn a ni"


" Ok,fine" ka tih rual chuan ka silai chu ka phawrh nghal a,a hmel ah chuan hlauhna,thlabar na,ka hmu thei.



" Ka sawi tawh ani lawm ni Mr.Singha, warning ka pe tawh che a,ka thu I zawm duh lo bawk a,mahse lungngai suh nang ini bawk a, chance vawikhat ka pe leh ang che,I ram chu min lei tir mai rawh"



" Ah...awle awle,chuan ka nunna hi I zuah ang tiraw?" A rawn ti bah nawk nawk a .


" Tehreng mai,nangni ang hi chu ka lo buaipui zing tawh a lawm"ka lo ti sam et a.


A paper chu rawn phawrh in ,a hming ai ah chuan ka hming kan dah ta vek a, chu tah che thut in a chal ah tak chuan silai in ka tin ta nghal ran bawk a,


" Ka nunna I zuah tur thu I sawi kha khawngaih in mr.Morgan".

" Ka zuah tur thu ka sawi em ni"


" Khawngaih in,I duh duh ka ti ang,nupui fanau nei lai ka nih hi"


" Lungngai duh Mr.Singha na I hre hman lo ang,chu chu I lawmman tur chu a ni" ti sup pah in ka kap nghal thuai a,tuna kan awmna room hi sound proof vek ani a,tuman an hre lo ang.Kha tiang ang mihring kha chu ka that hreh hauh lo.



" A ruang hi lo dah fel ang che" ti sup in room chu ka chhuahsan nghal a.


LIA. MICHAEL


A ruk thei ang ber chuan tukverh thlang lampang chu ka pan a, party tih vel leh thian kawm tam hi ka chhungte hian an rem ti lo a,enge a chhan ka hre lo ,kum sawmhnih ka tling ve tawh a,eng vanga naupang ang maia min khung bet thin nge an nih ka hre lo,mi thenkhat min hmuh dan chuan, nun nuam tak duh duh nei thei leh chhungkaw hlim thei tak atanga seilian ang in min ngai maithei, mahse hei hi chu ka pawn lam lan dan chauh a ni,kan chhungkua hi kan in pawh lo in ka pa leh ka u phei hi chuan enge an tih thin em em hi ka hre lo,dawr kan nei a,kan dawr pawh a lian in sum tam tak Kan la lut tih ka hria,mahse ka pa leh ka u erawh an hna bang te hi zing lam dar thum ah te an lo haw ve leh chauh thin,ka nu ,ka pa leh ka u hian ka awm ve tih pawh hi an hre lo hial in ka hre thin ,ti hian chhuah an phal lo a,room ah hian ka tawm chawt amaw an tia,a teuh lo mai,kei mi nghal leh harhvang tak hi room a ka inkhung tlat tura an ring hi an mawl hle a ni.Kei chuan chu chu rem chang ah la in party awm na hmun tawh phawt chu hmaih ka tum reng reng hleinem.



Ka hming chu Lia. Michael ni in ,tun ah hian kum sawmhnih na ka hmang ve mek ,kan ram dan ah leh mi zawng zawng min hmuh dan chuan puitling ka ni tawh ,mahse eng vanga ka chhungte hian keimaha ka tlat hran phal lo nge an nih tih hi ka hrethiam thei lo.Hmeichhe te ka ni lo a,model tam tak ai pawn ka sang zawk,ka vun hi a ngo in ka mam nalh hle a ,ka hnute lian mawi tawk tak leh ka mawng vawn tha ve tak vang nge ,ka mit dum pawl ral avang hian mipa ka hip pawh ka hre lo, keimah ka insawi theihna nilo se mipa hi chu ka duh duh ka thing ve thei tlat,ka sam chu ka kawng thleng ni in a a kir nisi lo hian a kawi deuh ngul bawk ,mahse chu pawh chu a nalh tia min fak sak tu hi an tam ltk tlat,mipa ah ka tla na e tilo in ka u naupa strick em em leh ,ka pa in la fekfawn ve tak hian bialpa neih te chu an phal teuh lo mai,thian ka kawm pawh an phal lo a nia, bialpa neih te chu a teuh in a hnai lo.Mahse ka sawi tawh kha ,ka mize harh vang tak avang hian an duh duh Dana awm chu hnai lo tak a ni, bialpa chhelo ltk mai kan college ami ka nei ve reng a lawm,a chhelo in hmeichhe duh rawn ani ve tlat.




___________________________



Chapter 1 ah an dah tam nghal ngai lo toh hi ka in hnem na ni teh se😂a ngaihnawm em nawm loh em tih kha comments lam ah aw,chu ta tang chuan ka continue dawn nge dawn lo ka hre chauh ang.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)