NANG CHAUH LO CHU (2050) CH-2

Episode kal lai dah luhna

Moderator: writers

Atei-i
Posts: 344
Joined: November 18th, 2016, 7:39 pm

NANG CHAUH LO CHU (2050) CH-2

Unread post by Atei-i » April 18th, 2021, 2:52 pm

NANG CHAUH LO CHU (2050)

CH-2


"I va chau awm ve a?" Couch a ka muthlu chu Zodina chuan min rawn be harh zawka.


"Chau ve ang reng ka chawn ana thum mai"

"Khawi ka lo hmet ang che" ka chawn a min hmeh pah chuan, "Naktuk te chu i nu damdawiin chhuah ni ania i kal ve thei angem?"


"Ka hre lo le, duh hun hun ah kan chhuak thei bik si loa,ka hman chuan in lamah ka tlawh mai ang"


"Lehkhabu chu i chhiar ami a?"


"Um tlem te ka chhiar a hmanni ah kha pa thlan ah khan ka kal ve a, ahmun vel pawh a fai tha khawp mai ka nu chuan a ngai ve hle ani ang"


"Ka chhiar ve te i phal em?"


"Ka chhiar zo phawt angnga i chhiar tlak ah ka ngaih chuan ka chhiar tir ve chauhang che" nui ar ar pah chuan dawh-kan a lehkhabu chu ka la a, ka chhiar zawm leha. Zodina chuan min rawn kuah pah in. "I nu nen hian in ngaih tak in in awm phah ngei ka beisei mi fel tak ani in ka hria" arawn ti tham tiaka, ka hmui ah zawimuang in min fawpa.


"Ka lo han mu hmasa angnge naupang mut na siam sak te angai a, zanin chu ka lo awl vek mai ang che"

"Chu ti maw! Ka van lawm thin em pa zawng zawng a pa tha ber i ni muah muah"

"Um a tawp lam kha chu ka phut em em lo ania" hlim sang chuan room a kan fate in fiam chu ava khawih tre chiama.


*CHHIAR CHHUNZAWM LEH TEH ANG*



"Ka hming chu Christopher Lalruathlua nia" ka lam hawi paha arawn tih chuan ka mit ka la sawn hleithei lo. Amah ang a hmeltha leh ka mit la tu ka thinlung nei tu hi ka la tawng ngai lo, a aw lah a nem in a tham nalh bawk si, a mit mu dun tak nghak mai te, a hmui sen chak mai leh a hmaifang a tawk chauha sei nalh zarh mai te chuan min bual â zo thei takngial.


"Tinge min en renga?"


"Maw......awihawm loh ka en lo reng reng che" ka ti thla ve ngawta, kha mi ni kha ani ka hring nun bul in tan na hmasaber chu, ka hming te ka hrilh ve a, ani pawn min nel ve hle chuan ka hria. En reng lo tur in ka in thunun fe angai tih ka in hre nghal.


Thian ka neih ngai loh avang a ka mal theih zia te chu chunglam in a hria ni ngei tur ani ka tan ani chu a hlu em em a, hmeichhe dang ang a nui vak vaka thian kawm thiam chi ka ni ve lo bawk nen, ka ngawi chawi in ka luhlul ve hle ka mizia avanga min kawm peih lo tu pawh an awm nawk ang. Khami ni atang kha chuan kan in hnaih sawt hle a, pawl 12 zirlai ve ve kan ni na in kan subject lak erawh a inang lo, room khatah pawh kan thu dun thei meuh lo.


Chuti chung chuan school ban ah a zo hmasa sa chu kan in nghak ziah thin. Ka duh zia hi hrilh ka tum ngai lo achhan chu min hlat phah angnga ngaihzawng atan min duh lo ang tih ka hlauh vang in, kan inthian that na bak keichuan eng thil dangmah thlen tir ka tum lo. Mahse a ruk chuan min duh ve ni te hian ka hre thin.



Kan veng piah lawk ah awm an nih avang in haw dun chu a rem phian, hmeichhe ho pawh in min tibuai ngam tawh lo a ka tan pawh a zia viau.


"Zanin chu thlabial zan te ani sia lawm a chakawm hle mai" Christopher an a tih chuan ka lo phur hluaia.


"Engtin nge kan lawm ang, lawm dun ila"'


"Ka thian ten min sawma mahse ka kal peih lo an tam thei lutuka tam deuh a zik hut hut na hi kei chu ka ngaina ngai lo"


"Kan in ang chiah anih chu chhungkaw chaw eikhawm te hi ka ning thei lutuk, inneih na ah phei chuan ka kal tha peih ngai lo reng reng"


"Vawiin tlaiah vawk chaw i pe leh dawn em?"


"Maw......?" Chu thu min zawt teh daih chu mak ka ti hle mai, engtin nge vawk chaw ka pe thin tih te a hriat, kan in atang a hla vak lo ah chuan vawk pui pahnih leh a no 10 lai kan vulh a tlai tin ka pe ziah thin zing lam erawh ka thawh har thin avang in ka u pek tur ah ka dah tawp a.


"Vawk chawi i pe thin ani lawm ni? Kawng thlang atang khan ka vah vel na ah ka hmu thin che alawm" min rawn lehhawi pah chuan min nuih sen sen a. Ka meng bial pap ka en duh lo tinge min en reng ati leh palh ang ka hawi sawn rang kher mai.


"I zak em ni? Vawk chaw pek te chu thil zahthlak ani hleinem talh phei chuan sum tam tak kan hailut theia, ka sawi tum tak zawk chu i pek leh hunah ka lo kal angnga zan ah kan lawm dan tur kan ruahman dawn nia kan sawi vel angnga" dik tak chuan ka vawk chaw pe min lo hmu thin kha ka zah chhan ani lo amah ka en reng avang a zak zawk ka ni.


"Aw nia, ka pe ziah alawm tlai tin ka pe thin i duh chuan min hmu ziah thei ang dar 4-5 vel hi ka pek hun ania" chutia kan ti ti malh malh lai chuan kan in kan thleng der mai kan school kawng hi thui ka tih theih thin nen ani nen chuan a tawi in ka kham lo thin takzet.


Chumi tlai a kan in thlah haw chu dar 4 rik leh hun ka nghak hlel kher mai nidang ah chuan thawmhnaw chhe ber ber ha a vawk chaw pe thin kha, a theih tawh ta tlat loh ka inbual faia ka thawmhnaw hak tur ka thlang kual vel a, chu ti tak maia vawk chaw pe tur ka in siam nasa chu ka u Hmangaihi chuan min hrethiam thei ngang lo aniang.


"Nang hi vawk chaw pe tur pawh i ang lo, bazar a chhuak tur i ang mah zawk engnge maw i hriat le?" Min ringhlel tih hriat tak hian min melh rûn a.


"Tun ang laiah thing deuh deuh in vawk chaw an pe tawh ngai lo"


"Hmmm......tu thusawi nge i hriata atthlak lutuk perfume in kah kha a tul miah lo aw Lallawmsang i ti uihawm lutuk i hnar in a ngaih loh tehreng nen" vawikhat chiah ka in kap hman min chhuh sak rang kher mai.


"Anih leh phawt mai le" kan vawk awm na chu kan in atang thlir phak tho mahse thei hai kung leh lamkhuang kung a len em avang in a lang chiang lutuk thei lo a.


Vawkin bul ah chaw chhum na kan neih chu ka hawnga dim thei ang ber in ka suaka, dar 4 chiah chiah ani alo kal tep tawh ang. Kan vawk ho lah chu an bengchheng ropui mai si.



Ka hnung lam atang min rawn ban thut tu an awm ka phu nasa lutuk chu ka per nawlh a, Christopher a ngei ani, ka awmdan vel chu hmuhnawm ti em em hian min lo nuih hak haka.


"Hey.....a nuihzatthlak miah loh ania, lungphu tha lo ka nei a tiang kha chu a zawng chhang chi viau loh ang"


"A hrim hrim in kha i va nalh reng reng ve vawk chaw rim nen perfume rim nen i nam chum chum mai" a ha var tha tak lang rawk khawp chuan a nui leh har hara. Anuih dan te chu a va han tawk chiah chiah tak a nuih hian a hmeltha lehzual a biang sum veilam hi arawn lang chiang em em lehnghal.


"Ka va awih lo tak sinus ka nei a, perfume hi ka in kap ngai lo hrim hrim a rim hi ka ti thei lo" tih pah in ka hahchhiau tuarh tuarha.


"I in kah vang anih kha i hnar pawh a zat mahse ka awih sak mai ang che, in vawk chu an va bengchheng ve khawi an ril atam tawh anih hi an chaw i hung teuh bawk sia pek vat tur che alawm" tih pahin ka no ken lai chu arawn la a, a kut pil pawk pawk chuan a suak thur thur a.


Awi ava han duhawm tak em tiang mipa hi an lo awm thei ani maw? Min ngaihsak ropui mai si min duh ve ni mai hian ka hria, mahse ka hriatah min duh thu a sawi ngai bawk si lo, a sawi hun tur nghak in duh leh ka tar thi thak maiang.


"Christopher angai lo asin khawi i in khawih berh vek dawn a rim chhe sia keiman ka lo pe maiang"


"Ngawi teh vawk chaw pe tur atan chuan i nalh sia i uihawm lutuk ka lo pe vek maiang" nui put put pah chuan a ti a.


"Nangpa hi min nuihsawh chiang lutuk ka nalh pawh ka in ti lo e ah" lehlam ka hawi tau hmaka.


"Tak tak ah tlai tin i pe ziah sia pek sak che ka chak ve alawm"


"Anih chuan zanin chu engtin nge kan inhmuh theih ang?"


"Ka hre bik lo ka rawn leng mai dawn mi?"


"Maw......i lo len ten a chi nang a pa ten....." Ka tawngsual teuh lutuk bialpa neih an la phal lo tih tum kha ka nia ka harh chhuak hman hlauh.


"Han sawi zel teh i pa te chuan engtin maw?"


"Ih...... mipa ka kawm tih an hriat chuan min hau palh ang"


"Aw...i bialpa pawh ka ni chuang lo a, mipa leh hmeichhia te chu thian an ni thei ve tho a tiang chuan mi lo ngai reng reng zawk ami?" Ekhai leh ka bialpa chei emaw min ti chiang lutuk ka duh lo reng reng ani lah chuan a ngaih ho hmel ropui si min en mang lo chuan a tawng mial miala.


"Ni lo e, chutiang ten ka ngai lo hrim hrim che, mipa chu sawi loh ka thian hmeichhia te pawh an rawn leng khat khawp asin, a pa in a hmuh che chuan mak a ti dawn em a"


"Chuti chu inhmuh ngaih na a awm lo anih chu"


"Tian ti ila ka ni te in ah ka leng dawn ka tia nga tuikhur bulah ka lo nghak maiang che"


"Chutia tih chu a tha lo in inah tlangnel tak a lo len ka duh ve alawm"


"Avan buaithlak tak"


"Lungngai suh tih dan ka hria lawm ka lo kal hun ah ka surprise ang che i pa chuan a hau miah lo ang che"


"Chu ti ka ring dawn che ania"

Chumi tlai zet chu vawk chaw ka pek tawh ah ka la pek rei ber ani ngei ang, kan huan awih ve tak mai rem lo zet ah chuan kan thu a kan ti ti a, vawk chanchin te kan sawi dun chiama, kan awmdun tawh chuan min tawng tir dan hi a hre khawp ah mi tawng tlem tak ka ni tih pawh min theihnghilh tir vek zel.


A bulah chuan midang ang daih ka ni, a nui duh in min tih lawm dan a thiam em em lehnghal, a mitmeng nalh taka chiang fek fawka min en a hrat hle bawk, a san em avang in a dar ka chen ve trawk a. Fiamthu te a han thawh vel lai chuan a hnung ah ben chawrh pah in ka nui har hara.

Chutah na tih hmel zet hian a eu zawta, a hmel a nur nghal vek, ka in thiam loh lutuk chu, "ka beng na lutuk che ami? Tinge kha ti taka i er chiam a, nge min tih der zawk?"


Min chhang lawk thei lo a kun vang vang a, arawn hawi chhuak leh chu a hmel a thlak danglam leh vata.


"Ka ti mai mai anihkha hmeichhia ve si i kutthlak ana hle mai" mezial arawn phawrh a zuk tum a a intin lai chuan ka lo en uluk hle.


"Tinge i zu ve duh ami?"


"Duh ve e ka tih chak na a rei tawh lutuk"


"Kha zu ve la mahse i chhungten an hriat vaih chuan a pawi viau ang"


"An hre lo ang hei chatuan sweet ka la nei alawm ka hmuam char char maiang" a then thaw a.


"I va han mak ve tak e aw" ka sam chu arawn tuai thur leh vaka.

Meizial kan zu khu ham ham chu a nuam dangdai hle mai, ka vawikhat tih na ani bawka ka hak deuh bawrh bawrh tui hmel zeta kuhva nen an han hip lut a an hnar khu chhuah leh hi chu ka ti ve chak thin alawm.



"Lallawmsang i va rei em em ve chaw kan ei tawh dawn........." Ka u in ring mangkheng a arawn tih chuan Christopher chu kan vawk chaw chhum na in ah a vak lut zawta.


Keilah ka phu nasa ka ding mar at a, ka meizuk ka peih thla nghal, "Aw ka lo chho dawn"


"Christopher lo chhuak rawh an hmu thei lo ang che an lo dak tawh lo"


"Ava den ve le" arawn ti chhuak ham ham a.


Kan huan sir atang chuan kawngpui pan na a awm a arawn kal na pawh anih tho bawka ta tang chuan a haw veleh ta a.

Zanah chuan ka phi cheng tawh lehkha zir reng reng a lang thei tawh lo ka tei ruk ruka pawn ah ka va chhuak a, thla te ka han en leh thul zan dang zawng aiin a lang fiah in a eng tha zawk chhum a awn loh vang te pawh a ni ang.



Dar 7:30 pelh deuh ah chuan kawngka kik ri dat dat ka hria a. Ka nu in alo chhawn vata.


"Lawmsangi a awm em?" Christopher a aw ngei ani choka a ka thu chu ka tho vata.


"Tunge i nih a?" Apa in alo ti nghal vat.


"Lawmsangi te school ami ka nia, kan miss ten H/W min pe a, chu chu rawn zawh lawk ka duh a"


"Lo kal rawh ka va hre ngai lo che ve? Tu fa nge i nih a?"


"Pu zosanga te Mulco dawr nei te kha ania"


"Ka va hrechuang lo ve"


"Christopher lo kal rawh" ka pa in a zawh tam hma chuan choka lamah ka phei pui vata.


Tukverh bulah thu pah in kan han zir der vel a, kan subject lak in ang lo bawk nen zir dun chu a har ve khawp mai. Dawh-kan hnuai ah kan ke lam chu a awm mai mai hauh lo kan in tlawh tawn seka, kan in nghawk thul thla kan en a kan in melha kan nui ru dun kerh kerh renga.


"Lawmsang i thianpa nen chuan in va hlim dun har har ve" sitting room a ka nu te t.v en lai chu an hriat ka hlau kher mai.


"U i ninawm lutuk saw tah lo va kal rawh"


"Khawi maw eng H/W nge in neiha ka lo zirtir dawn che u ami?" Lehkha bu chu rawn keu a tuma Christopher chuan rang zet hian a khup thawka.


"Angai lo ang hei ka thiam tawh lutuk kan zir zo tep tawh kan ti buai lutuk ang che"


"Teh vak chuan min ti phu alawm, anih chuan ka inbual dawn ania in chung te kha fanpui la thla bial zan anih hi inchung atang khan a eng tha ngawt ang"


"Nia kan zir zawh ah kan en chhin dawn nia" a kal hnu chuan kan thaw huai mai, a mit veilam chu a rawn ti sang zeuha, min rawn chheih chhunzawm lehnghal.


Zai zir chuan i sam kha thla rawh arawn ti a, kei lah sam sei ngaina lo mi tak ni mah ila a pa in ka sam tan a phal tlat lo, ka tawn reng zel a.

Ka lo ner nawka duh lo tih hriat tak hian, mahse ka malpui ah mi rawn nghawk chawrha. Thla a kawka ka sam a rawn kawk leha. Engtak chu hria ni maw nidang ah ka sam thlah tur in min la ti ngai miah si loa.



"Thla bial zan anih avang in thil min tihsak rawh i sam kha thlah rawh" tih hi lehkha ah a ziak a min rawn hmuha. Ni e mi romantic ve tak chu ani a tir atang reng pawh khan ka vei na tur char char in a khawsa ani ber.


Ka sam ka thlah chiah chu a lu a bu nghauha, akut zungpui arawn ti pir a, lehkha a ziak leh mial miala.


"Tikha chuan thla bial zan a ka hmuh tawha mawi ber ila ni i inhmeh lutuk" tih hi aziak leha.


Ka va han beng chak tak a zei lutuk hi chu aw min ti â zo thei mai dawn.


"Nu kan zir zo tawha inchung vel kan fanpui lawk angnge"


"Um rei lo ula zan rei deuh a haw te hi a hlauhawm ania" a pa zawk in min rawn chhang vut a.


Inchung kan chhuah pah chuan, "i pa chu a strick hmel hle mai, a makpa tur ka ni tih a hre der si loa"


"Hmmmm........nang hi i bialnu ka ni ami?"


"Ka fiamthu anihkha ka ti mai mai anihkha" step ah chuan kan in su chho bawrh bawrha.


Chhuah hmasak tum ni awm tak in ka hnung ah min rawn pawt let dawrha, kawngkhar bulah ding in min rawn welcome ta zawka.


"Christopher i zam lo emai kan in anih hi aw"


"I lakah chet mawi ka tum ve pawh hian a theih thin loh buaithlak emai in inchung chu a nuam khawp mai, a zau tha sia ar in vulh bawk alaw?"


"Um, kan eizawn ve na pakhat ania ka nu tih tur hre lo hian ran a vulh teuh mai a"


Thlasik a nilum kan ai na thin ah chuan kan thu a, sawi tur avang duh ta khawp mai vawiin lamh kan in kawm nileng bawka.


"Bialpa i nei ve tawh em?" Mi rawn ti hlawl mai.


"Nei lo e, tinge a?"


"Nga ti mah ka hre duh mai mai"


"Anih nang bialnu i nei ve tawh em?"


"Nei bik nang"


"Ka awih lo emai i zei danah hian i neih ka ring sa"


"Zei min ti amaw?"


"Um i zei em hi i bialnu tur chu a vannei hle ang" zak deuh chung chuan hmai sen tawn tawn in ka sawi zo thei hram. Engvang in nge maw ka sawi ve ngawt le ka zak hnuhnawh leh khawp mai.


"Chu ti maw? Ka bialnu tur an vanneih dawn chuan tunge vannei ang aw......." A hnung lamah a kut pahnih chu a daha van lam hawi pah in mu chiah si lo thu tung chiah si lo hian a dak ar ar a, a bawp lehlam a khai chho a.


"Chutiang te engtin nge ka hriat bik angnga?"


"Anih chuan mi vannei deuh chu lo ni mai ta che i duh angem?" Chu thu a sawi chiah chu ka hawi chhuak rang kher mai, ka sam ka hui chho papa.


"Engthu awih awm loh nge maw i sawi le?"


"Ka ti tak tak alawm"


Sawi tur reng ka hre lo min thawng takzet zam na nasa tak chuan min man nghal khua a vawh vang pawh ni lo in ka tha a khur der der a. Ka in ring zolo ani ber a min lo duh tak tak anih chuan keichuan ka hnial lo nasa mai.


Min rawn hnaih tial tiala, ka sam chu ka bengah arawn zep tha a, ka hmui a rawn melh ngar ngar mai, kan boruak chu rit tawh tak ani ka hmui chu akut in arawn tuai thuaka, ka lo chhing ti tih tawh.



Kha tih hunlai a ka awmdan kha tun thleng hian ka la hre thei nimin ang mai khan ka la ngai thei engkim mai kha ka theihnghilh ngai lo ka hre veka theihnghilh kha ka tum ngai lo.


A hmui nem tak mai leh vawt thler mai chuan min rawp fawp ta, ka che ngam tawh lo fawp let tur pawn ka in ring hman meuh lo ka lo awm tawpa.


"Tinge a?" Mak tih hmel zet hian min ena.


"Tinge" ka ti veleh tawp.


"I vawikhat na ani maw?"


"Um bialpa ka la nei ngai lo ka tih kha, nangpawh i vawikhat na ve tho ani lo ami?"


"Ni tho e, mahse i awm tawpa hehe" zah hmel zet hian a kun hniam daiha. Kan pahnih ve ve tan khan a zahthlak duh khawp mai.


Rei fe kan ngawih hnu chuan ka lam arawn hawi thuta ka khabe ah rawn vuan in min rawn fawp tha leha, tun trum chu ka in ring ve deuh tawh duh thawh tak in ka lo kuaha kan in fawp ta vawng vawnga.


Kha ta tang khan dam nawm zia te, hring nun mawi zia te hun hlut zia te, ka lo piang ve hi vannei ka in tih zia te ka hre chho mawlh mawlh ani ber. A nawm dan chu ka sawifiah thiam lo zawk, ka mipa duh em em mai in min lo duh ve reng tih ka hriat baka nuam kha ka la tawng leh lo.


Mahse thil pawi lutuk a rawn thleng ta, a pa chuan kil khat atang min lo thlir ru reng tih hi.



"Eng thil nge in tih hi? Pawl 12 in zir ve dek dek a, hmangaih na ah in tlu lut nghal amaw? Chu pawh dawt hmang in hetah i rawn leng lut a, ka fanu i rawn tibuai ngam alaw? I va zak lo ve chhuak nghal vat rawh vawikhat mah kan inah rawn kal leh tawh suh" Thinrim eng phiar chuan arawn ti tawn tawna.


"Pa keima thiam loh vek zawk alawm hetah ka sawm luia lo kal tur in ka tia engkim kha keima tih vek alawm ani kha chuan thiam loh na a nei lo hrim hrim"


"A eng a pawh chu lo nise bialpa nei tur pawh in ni lo board exam tur in nih hi i fail vaih chuan nang chauh in i tuar dawn lo i chhung te zawng zawng hi zak tak in min siam dawn tih hre ta che, lehkha zir chauh ngaihtuah rawh"


"Ka pu ka tih palh lutuk keima thiam loh vek ani khawngaih in ani kha chu ngaidam hram rawh"


"Lawmsang i roomah lut rawh haw rawh nang pawh hetah lo kal tawh suh" Christopher a chu a nem kal dawr dawr a, ka rilru ava hah tak em hreawm ka ti takzet kan boruak nawm lai taka a pa in min lo hmu chu a hrehawm kher mai ka zak bawk si, ka theih tawp in ka dang ve a, awmzia a awm lo, a pa ka hlauh em avang in room ah chuan ka lut a, khum ah ka mu hnawka ka trap vak vaka.



"Lawmsang kha ti vak vak a tah tur ani lo a ruk in tun ang laiah chuan an in ngaizawng fer fur tawha nang pawh hi i che huai thei reng reng lutuk mai, tiang te chu vawikhat mah ti tawh suh keipawh pawl 8 ka zir lai atang tawh in ngaihzawng ka nei chho char char ka chhung ten tuman an hre lo tun thleng in tiang te chuan ti ve ta che zei lo lutuk mai"


"U keichu min hriat vek kha thian takngial pawh ka kawm ngai lo a, ani nen khan kan in kawm a, engtik laiin nge kan lo induh tawn pawh ka hre lo zanin a thil thleng kha chu tum lawk vak pawh ani lo arawn thleng thut alawm keipawn ka hre lawk bik lo" ka mittui hruk hul pah chuan ka in hnit hluam hluama.






.................... PRESENT................


"Hui hmangaih na ah chuan ka nu chu a luangliam hneh ve hle mai, a hrim hrim in Christopher a pawh hi a zei ve anih hi ka pu chuan a duh loh avang in an in nei thei lo ani ngei ngei ang" sana kan en chu dar 1 alo ni vu tawh mai ka mut a chhuah em avang in zan dang a chhiar leh ah ka dahtha ta a.




A tuk ah ka hna te ka kal zawh hnu chuan ka nu te in lam chu hreh tak chung si in ka kal thleng ve leh ta hrama.



"Bawihte lehkhabu chu i chhiar ta em ni?"


"Aw chhiar e hun ka nei lo lutuka ka chhiar ve tran chauh a"


"I pa in ei tur a lei lawka, ka ke pawh a zia tawh khawp mai, thla tam tak chu wheel chair ah ka thut angai dawn anih hi, thlan pawh tlawh a harsa lutuk lo ang chu maw" ala ti talh mai thlan tlawh chu a tawp san dawn lo a ka hriat avang in ka sawipui duh ta lo a.



"Nu thil pakhat ka lo zawt che ka pi leh ka pa kha tinge an in huat tlata, mi sawi thawm ka hre thina?"


"Ah thawnthu sei tak mai mawle"

"Nangmah vang bawk em ni?"


"Mi hi chu i ring chhe ve khawp mai hahah" a nui hak haka.


"Ni lo in amak ka ti em a an sawi dan chuan a monu ah a pawm lo che tih vel te ani nawka"


"Chu i hriat reng chu mitthi tawh chanchin han sawi chiam hi a harsa thin khawp mai, a taka hriat tur leh hmuh tur awm tawh si lo dawt sawi te pawh kan ang lek lek ang tih ka hlau, mahse nia ka mizia chu i hriat vek kha thil pakhat chauh ngaihtuah ngut ngut thin mi ka nia, i pi kha nu fel tak chu ania lawm, in hriatthiam tawn na hi a pawimawh bera, thil hriatthiam tawk loh vang mai mai anih kha"


"Anih leh ka pa nge Christopher a tha zawk ang? Ka tih awmzia chu tu zawk in nge duat che a ngaihsak zawk che?" Chu tih lai tak chuan ka pa alo haw thuta.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)