NANG CHAUH LO CHU (2050) CH-4

Episode kal lai dah luhna

Moderator: writers

Atei-i
Posts: 344
Joined: November 18th, 2016, 7:39 pm

NANG CHAUH LO CHU (2050) CH-4

Unread post by Atei-i » April 20th, 2021, 8:48 pm

NANG CHAUH LO CHU (2050)

CH-4


"Lawmsang i pa ka ni a, ka thu chu zawm mai rawh ani nen sawn vawikhat mah in hmu tawh suh ang che u engtik ah mah ka pawm thei ngai lo ang" a kuhva ei lai chu a thial sawm nawk nawka lehlam min hawisan hmak lungawi lo tih hriat tak hian a tho vuta inchung lamah min chhoh san ta daiha.



"A hrim hrim in in nula chho dawn ek ek a, hmangaih na ah luang liam nghal em em zel mai, i u te ang hian awm ve mai mai rawh" a nu in mi lo tih chuan ka tum bur a, tumah reng reng hian min tan bawk si lo, ka rilru nat zia te hrehawm ka tih zia te an hmu tlang ve vek a min hmangaih tak tak lo anih dawn hi ka rilru chuan ka ti nuah nuaha.


Ka pa hi zawng chin lem nei lova rorel mai thin, rothap leh hrohrang na ve tak anih piah lamah kan hun tawn in a lo zir bawk nen kan inkar chu a khi chho tan ta hle maia, kan in be khat in tun hma a kan nuih ho ang pawh khan kan nui ho hleithei tawh lo. Ka hel ru tlat tawh.



Hmeichhe tum ruh ve ngang mai, ka duh tawh chu ti tlat chi, ka thil duh ka neih theih loh pawn neih dan kawng dang zawng char char chi mi luhlul tawp khawk ka lo ni ve bawk nen. Zan ah chhuak ru in Christopher a te in lam chu ka pan ta ziaha.



Kan in hmuh hmasak bera kan in tawn dan te kha a romantic takzet ka tan chuan theihnghilh harsa tak ani, an in hi kawngpui chhak deuh ah building lian pui kar a awm a ni a, han bihruk mai na tur pawh a awm thluah a, pawn alo chhuah hun ka chang tawp a.



A dawr kal tur ka chang fuh hlauh mai, a hnung ah chuan ngawi reng in ka kala, ka midang vei vak an awm ve avang in ka va pawh lawk ngam lo.


Ka in chhuih khuta ka au deuh thawt ka ke chu a na kher mai, ka tuai vawng vawnga, ka hawi chhoh leh chuan alo awm tawh miah lo ka piah lawka dawr te chu ka va thlir a, mahse tumah ka hmu bawk si lo.


Ka hawi kual chiam hnu chuan ka ban dinglam ah min rawn pawt thuta, ka phu chiang lutuk.


"Hetah engnge i rawn tih dawn a?" Hnai set sawt ah kan in melha ka ban a min pawh na pawh chu a thlah chuang lo.



"Ih englo......thil.....thil hrilh tur che ka nei a"


"Eng chu maw?"


"Kan inhmu khat em a"


"Nang tak hi chu aw I luhlul ve ngawt mai, engtia rei nge tiang hian i tih zel dawn a?"


"Ka theih chen chen tun ah chuan ka lo kal chhan tak chu thildang daih ania"


"Eng chu nge sawi vat teh ka hmanhmawh ania, ka rei hman lo"

"Ka pa in a sawi a ih......ummm....i hre ve vek tawh em?"



"Eng maw?" Chik fe hian arawn ti leh a.


"Ka pa in i bulah thil sawi a nei em?"


"Nei lo kan inhmu lo hrim hrim nga ti nge?" Bang bo tak chuan min zawt let nghal angaih na ka hre lo takzet ka duh loh pui ka sawi dawn tlat a hriat na ka nei ka in her let zawta.


"Anih leh phawt le bye bye" ka tlan haw nghal vang vang kan room tukverh ah ka han lawn liam leh chu ka pa hma ah a pa alo ding kur mai.


"Lallawmsang khawnge i kal daw daw a?"


"Khawiah mah...." Ka ti zawm zat.


"Khawiah mah kal lo si tinge kha lai atang khan i rawn vah luh a?" Ka u lah alo meng bial nasa maia. Ka tha a khur nghal vek thei.


"Ih....ih.......exer ka la e ka tia"


"Zanrei ah exer an la ngai lo vawikhat mah chhuak tawh suh ang che ka hriat leh chuan a pawi thui viau tawh ang"


Room a chhuak chiah chu khum ah ka tlu hnawk ka chau vek thei.



Hun alo kal zel a ka lunglen na chuan zia-awm lam a pan thei meuh lo ka zirna pawh ka tih chhiat phah telh thin. Nipui chawhnu lam ah chuan pawl 12 pumpui mai chu outing nei in reiek tlang ah lawn tur an ti a, ka phur kher mai Christopher a ka hmuh theih na hun remchang tak ani dawn in ka hria.


Bus ah te chuan a bula thut chak in ka phi ruai a mahse hun remchang ka hmu thei mai lo, a thiante ho in an lo be ve chhen bawk nen, hmeichhia lah in an zuam nasa mai si mahse tumah kha a biak that ka hre chuang lo. Keimah ang a biak hi chu a nei hauh lo.


Tichuan tlang ah kan lawn tan ta, bo lo vel tawk in kan kal darh ta sung sung a, athen an in kai a, a then mahni chauha kal an awm bawk, a huho a kal te nen kan in kal thelh nawk hlawma.


Christopher a chu ka zawng reng mai ka mit a kham zo dawn takngial ka hmu zo si lo tlang chhip kan thleng ta ni pawh a sa tha khawp mai. Tlang ah chuan ka zawng ka zawnga ka hmu chuang lo kal kawng ah ala thang ani ang tiin ka zu let thla leh a.


Thui fe ka kal let hnu chuan mi veivak pawh an vang pharh tawh ka hah lutuk a tawp ka zu thleng dawn takngial tlang chhip lawn chhuak zo chiah e ti lo chuan ka let leh nghal nal nal thei nia mawle.


Mahni a han chhuah leh pawh chu ka phur tawh lo hle ka hah lutuk chu ka thu hnawka, chutia ka thut reng lai chuan ka piah lawka Lal in kalkawng a mi pakhat phei zuai hi ka va hmu a, en chian tumin ka phei ve nghal.


A hnung ka zu hmuh chuan Christopher a ngei ani, mak ka ti lutuk chu ngawi reng in ka zui ve a, hetah chuan haw lamah chauh kal tur an ti bawk sia tinge hetah a kal daih le rilru chuan a ti malh malha.


"Christopher khawnge i kal dawn min lo nghak teh"


A ding chawta, a kal thla lehnghal char char hmanhmawh deuh in ka zu um a.


"Hetah chuan kal an phal loh kha ka zawng nasa lutuk che tlang ah khan i lo chho ve miah lo ami?"


"Chho lo a min hmuh reng hi" leh lam hawi sawk pah chuan a ti a.



"Min va han ti hah tak" ka thaw hlawp hlawpa.


"Hetah lo kal rawh ka ti che ami i duh a i lo kal anihkha"


"Ni lo ka tih awmzia chu...aw....nia i sawi dik tho mai"


Ka in rin loh lai chuan D in pakhat Lal in ni awm tak ah chuan min pawt lut zawta ka phu chiang ngei mai.


Ka ban pahnih chu ka lu chung ah a nem bet tlata. Hnai tawk ah min en a.

"Christopher engnge i hriat a min ti hlau alawm"


"Tinge engvang a min duh em em nge i nih?"


"Ka hre bik....." Ka sawi zo hman lo min rawn fawp vaka ka hriatthiam dan ber chuan thinrim deuha in nawr nawk nawk hi a ang ber. Ka tal vaka min vuan nghet sauh bawk.


"Christopher......"


"Min duh ani lawm ni?" Ka khabe ah rawn vuan leh in min hmer vaka ka hnute arawn tham vaka, na ka tih em avang in ka kut lehlam a vawn loh zawk chuan ka nam sawn a ka theih tawp in ka indang beta.


"Min duh chuan ka tan engkim i ti thei tur ani"


"Chutiang in min ti ngawt thei lo ang, ka duh thlan na min zah sak ve la hei hi chu ka duh lo pasal neih hma a sex hman hi ka duh ngai lo hrim hrim"


"Anih chuan a tawk anih chu i kal thei ang" ka ban chu a paih thla sawka.


Mak ka tiin hrehawm ka ti takzet kha tiang a a chet duh kha ka ring ngai lo. A mizia tak tak alo thup zawk em ni nge ka thianghlim na min tihchhiat sak a chak zawk hmeichhia mah ni ila chak na nei lo bik chu ka ni lo mahse tiang a kan insum theih loh chuan a pa sawi ang mai kha ka ni dawn asin kum naupang te a nau pawm ka duh lo hrim hrim.



Chhuatah chuan ka thu hnawka ka tap zawih zawiha, "Hetiang hian ani maw min lo hmangaih loh i lo mak hle mai a tir ah kha chuan min duh tak tak ka ring char char thin asin, mahse nang chuan mutpui atan chauh maw min lo duh, tha tak in kan awm dun thei lo em ni?" Ka kawt ban pawh alo pawt tet hman a kut thlak ana takzet.


Min hnung chhawn zawng chuan a ding renga, ka lam pawh arawn hawi duh lo. Engmah sawi lo chuan min chhuah sana.


"Christopher....... Christopher.....ka hmangaih che i duh chu ti ta che anih leh ti la min nei la kumkhua in kan awm dun theih dawn chuan ka pawi ti reng reng lo, min duh ve tih hi ka hria alawm" ka au chul a tumah kan bul hnaiah an awm loh avang in ka au ring thawkhat chuan ka hria, amah pawh a ding chata.


"Min duh loh chuan ka hmai chhan ah hian sawi ta che ka duh lo che ti teh" a hma ah tak ka han ding siaha. Min en tha ngam meuh lo a mittui tling pam chu ka hmu thei ka hmuchiang lutuk van lam a hawi chho zeuha mittui tlak hlau tih hriat tak hian a khap fawk fawka.


A kawrah ka pawt her sawka, "min enteh ka duh lo che ti ta che sawi la chiang taka min hrilh chuan ka tan pawh a nuam zawk ang chuan ka kalsan ang che" chu zawhna chu min chhang thei bik lo atawp ah chuan a insum zo ta bik lo mipa mah nise a mittui arawn tla zawih zawiha, keilah tap bawk kan pahnih chuan kan tap dun ta tawpa.


Tih theih dang a va han vang tak em, kan chhungte hi tinge kan inkar ah an lo inrawlh kher kher ni in hmangaih tak te chu awmdun tir ve mai tur ania, tunhma thil avanga inhmuh min phalsak tlat loh hi hriatthiam harsa ka ti takzet.



"Min kalsan rawh ka thei tawh lo, engkim atawp vek tawh, ka pate-a thil tih kha ka dam chhung in ka inthiam thei ngai dawn si lo, min haw ngawih ngawih tur zawk i ni asin, tinge min hmangaih thu te i sawi lehzela" ka biangah chuan a kut pahnih meuh in min chelha min chhuk en vang vanga ka chal ah tak min chuktuah leha.


"Ka hre bik lo engtik lai khan nge ka lo hmangral hman che ka hre bik lo hmangaih loh che hi a har em ani, ka tan chuan ka hlim na ber i ni asin" mittui tla zawih zawih chuan ka ti veleh a.


"Kha mi ni kan awmdun tum khan i pa in min lo hre daih tawh asin, kan in ah lo kal in min rawn hau chiam a, mahse i pa thiam loh miah suh, keimah ni thiam loh vek zawk ani ka pate-a pawn rei tak chhung chu min khuahkhirh a, nang hmu tawh lo tur che in thu min in tiam tir asin, chuan school pawh kal lo in ka tlan bo vang vang zel ramhnuaiah keimah chauh in ka awma ka tap nitin thin asin, i hria em kan in a i lo kal zan a ka pate-a'n min vuak kha ka school kal loh a hriat vang in min vua anihkha tunah min duh loh nan tiin kha tiang thil tenawm tak kha ka ti leha mahse.......mahse......"


"Ni lo e, chutiang sawi suh ka hria alawm i mitmeng ah khan ka hre thei vek tiang te chu kan paltlang dun thei lutuk ang nakin ah nula kan ni ve mai tawh dawna kan ti thei lutuk ang tunah chuan chhungte chawm ngai kan la nih hi min nghak rawh kan la awmdun thei em em ang"


"Kan exam zawh ah sipai ah ka pate-a'n tan tir min tum a, ka tlin chuan phaiah ka chhuk thla ve nghal dawn asin engtin nge ka awm zel dawn pawh ka hre lo" min rawn kuah a lungchhe tak chuan a tap leha.


Chumi ni chuan rei tak kan awmdun a tlang ah pawh kan lawn dun leha, hmeichhe ho zawng zawng mak tih khawp leh thik tham khawp in min ngaihven a min duat hle tunhma ai mah in min ngaihsak zawk, ka hlim zia kha sawi hian a fiah zo kher lo ang.



Mahse kha mi ni kha kan awmdun hnuhnun ber tur alo ni reng si thlasik arawn in her chho a, zir na lamah tan kan ngai chho telh telha thildang kan buaipui hman em em lo, lungleng viau mah ila pass loh kha ka hlau ve bawk si, exam te kan zo fela kan in hmu ta miah lo. Mahse lane line atang ka la inbe ve char char a.


Vawikhat chu result kan puan ni in phone ah inbiak na hun kan nei thei hlauh mai, ka chhungte an awm lo bawka.


"Hello, Christopher i pass em?"


"Aw pass e 1st ah ka pass a"

"Keipawh 1st ah ka pass asin avan nuam tak kan lawmdun thei angem?"


Tawng tur a awm lo a in hnit hlawp hlawp ri ka hre ta engkim ka hrethiam vek keipawh chu a ngai te bawk in ka mittui a tling leh nghal zung zung a.


"Lawmsang, lawmsang ......kan in hmu thei tawh lo ang ka pate-a te khua ah naktuk hian kan chho dawna ka rawn chhuk leh hun chu sipai ah min luh tir angnga ka kal ani mai ka rawn biak leh loh che chuan ka kal tih na ani tawh mai" harsa tak chuan a sawi zo thei hram.


Kha mi ni baka ka lungngaih kha a awm leh tawh chuang lo a nu rawn haw chu ka lo tah khum chiama ka insum zo lo ani ber, ka hmangaih ber hmu tawh lo tur a ka in ngaihtuah hian e ana em ani, a nu chuan ka fail emaw ati hman a mangang hmel kha ka la mitthla thei reng. Khami tum khan a pa chuan engmah a sawi duh lo min hnem a tum bawk hek lo a nu erawh in min khawngaih takzet ka duh duh lei ah te min thlem ta vel a, mahse engmah duh dang ka nei si lo.




Tichuan hun a kal zela kan college luh na tur te ka u nen kan en fel a nula ni ve ta ang mai hian ka in hria, ka hlim em em rual in ka hlim na chu a khingbai thei khawp mai, ka taksa peng lehlam chuan Christopher a ahre reng thin.


Kum tam aliam a hun tam aliam ta Christopher a pawh sipai ah chuan a tang ani ngei ang, reiek tlanga hlim taka kan awmdun bak kha kan inhmu leh ta lo college ka zawh thleng pawn a chanchin hriat tur a awm tawh lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)