CHAPTER 14 ( Last)
HAYANA MARTIN
Ka thawmhnaw vel rem fela wardrobe hmaah ka din lai chuan ka hnung atang min rawn kuah chawt a , min ti phu nasa lutuk.. Engvang in nge tiang hian a awm a..
" Min thlah rawh a lum si. "
" Ka ngai che alawm. "
He pa hi rin tur nge rin loh tur pawh ka hre lo, tukin a a thusawi te kha a thutak em ? Ka in her a inhma tawn chuan kan ding a, a mit ah chuan a melh ran a, " Ka ring lo che. " ka ti ringawt a, a ngaih pawimawh hmel loh khawp mai, ka hmuiah a rawn kiss zauh a " Keiin ka in ring alawm. " tih pah in a nui vur vur a min thlah a, a kal sawn daih..
Ka bulah a mut ka hlau chu sofa ah ka mu leh a, khumah a mu reng emaw ka tih lai chuan sofa tereuhte ah chuan rawn in rawlh in a rawn mu ve anih chu. A chep bawk si min kuah bet tlat a, lam ka hawi ngam si lo sofa nghenchhan ka hnimhnai ngei mai. Ka thin a phu dup dup bawk si ka thaw a chham mai dawn in ka hria . Ka ning lut, nek thlak ka tum pawh inmin kuah bet tlat bawk sia ka che hleithei lo..
" Hayana " thutak zet chuan a rawn ti a, enge a sawi dawn ka hre chak ngei mai chhang lem lo chuan ka ngaithla kar tho a..
" Min ngaidam rawh. " a rawn ti hlawl mai, chutiang a sawi ka ring lo lutuk..
" Engvang in maw ka ngaihdam ang che ? Tinge hmeichhe dang i thinlungah a awm reng em ni ? "
" Hah ..chutiang a ni lo, nang hi chuan min ngai lerh a ni tiraw ? Hmeichhia ka hmangaih thu ka hrilh hmasak ber i ni tih i inhre lo em ni ? "
" Maw ! " ka ti hu ah. Aw ka awih hlawl lo he pa hian dawt sawi a thiam lutuk mahse min ti lai tho..
" Ka lam rawn hawi teh "
" Aii "
" Mawhh "
" I duh leh nangmah kha rawn hawi mai rawh. "
" Ka hawi sa reng alawm hei i tukhum chiah ka hmu thei. "
Enge ka hriat pawh ka hre lo chep chep chuan ka inher a, kan inmelh hnai ngei mai . Ka thin chu a rawn phu leh dup dup tawh , nam thlak ka rilruk lai tak in, " Min nam thlak tum miah suh ang che , ka rawn mu leh zel tho ang. " a la ti zui plan a fail nghal..
A ban kham chuan ka mu a, a ban lehlam in min kuah bet bawk a, a hmel ka hmuh chuan ka lai zet a awm ah ka hmai ka phum ta ringawt a..
" Hayana , i chungah ka lo chet tawh dan leh rilru na tak taka ka siam che avang khan min ngaidam rawh, i tan rin mai ka harsa dawn tih pawh ka hria . Mahse tuna ka thinlung hi min hriat sak rawh, tun a i zam ang chiah khan kei pawh ka zam in ka lai ve lutuk. "
A chep teh reng nen a che sek mai, ka kut chu la in a thin zawn ah dah in a thinphu nasa lutuk chu ka hre thei, " I hria em, nangmah chiah i ni lo keipawh ka ni ve tho . Chuan ka hmangaih che ka tih khan ka thinlung zawng zawng in ka sawi a ni, ka hmangaih takzet che. " zawi te te chuan a ti ser ser a..
Ka dak chhuak deuh a, min lo en kur min rawn fawh a tum, "He tiang atan chauh hian min duh lo tih engtin nge ka hriat ang ? " ka tih chuan a thil tum chu a thulh chiang hle mai .
" A tha e , i phalna lo in vawi khat pawh ka khawih lo ang che . A hma pawn ka ti ngai chuang em nii ? Hman zan te kha chu nang pawn i....... "
" Ngawi rawh engmah sawi tawh suh, ka mut a chhuak. " tiin ka kuah let ve a
Ka zing tho ka sil vek engtin nge khu thuthleng ah khuan kan mut theih pawh ka hre lo, bakah khum a awm e reng a, miin rawn hmu se chu over min ti ve ngawt ang..
Chu mi ni chuan class la tur in min thlah dawn maw tih nak laiin hmun dangah a tlan daih.. " Khawiah nge kal i tum a ,? Kha lam kha kan class awmna lam a ni lo. "
" Ka hria, vawin chauh te chu a vawikhat nan kan in date ve dawn lo ami ? "
" In date ...a naupang chhia e mai. "
" A sawi tu hi en teh, min nei lo la chuan in college ah i kum rual pui vel i indate pui zawr zawr ang chu "
" Chutiang a tan hun ka nei lo, bakah naupang pawh ka ni lo. "
" Naupang te reuhte aia u te zah lo zet i nih kha. "
" Kei aiin kum 5 chauh in alawm i upat. "
" I rawn pian ve te chuan, tawgkam thalo pawh kan thiam zo vek tawh. "
Khawi khawiah emaw min kal pui ka chhuak khat deuh bawk nen a thawven thlak ngei mai , ka hahdam sawng sawng mai.. Ka phone a ri ka la, ka thu hriat chu ka awi thei lo. Ka pa awmna ah kan tlan nghal a room ah ka lut a, a mit a lo meng anih chu ! Ka lawm lutuk ka biangah mittui a rawn luang zawih zawih a , a bula ka phei chuan min rawn melh pah in ka kut a rawn vuan anih chu..
" Pa " Ka ti a ka tawng pawh a hria mahse min la chhang thei lo . Min chhan ve chu a duh tih ka hria mahse a aw a la chhuak thei tlat lo . Ka lawm lutuk hi sawi ngaihna pawh ka hre lo a rawn harh tih ka hriat ringawt pawh hian ka lawm tawk em em, a taksa enfiah tur in an hruai chhuak a..
Aidan chuan min rawn kuah a, tunah chuan engkim hi a tha vek tawh ang ka pa a rawn harh a, engmah hlauhthawn tur leh lungkham tur ka nei tawh lo . Vawi leh khatah ka phurrit zawng zawng a kiam vek ang mai hian ka thawl vek hian ka hria a ni . Tun ah tak hi chuan he khawvel ah hian kei ai hlim hi an awm kher lo ang..
Ka pa pawn that lam a pan zel a, tawng te pawh a rawn tawng ve thei tawh mahse a ke erawh tih dam theih a ni tawh lo a zeng hlen tawh ang . Mahse a tan engtik lai pawn ka awm dawn a, wheel chair a nawr reng ngai pawh ni se ka ti vek thei..
Tlem chuan a hma ai in ka buai ve deuh class kal ve reng a ngai a, ka pa enkawl ngai nen Aidan nen pawh kan in hmu khat hle a , inah pawh inthlak tur leh thil ei tur in ka haw zeuh zeuh chauh ani . Mahse Aidan chhung te pawn min hrethiam hlawm khawp mai..
In ah inthlak tur a ka haw chu choka ah U Elena lo awm hnen ka lut hmasa a kan ti ti dun reng a, ka nu a rawn kal ve bawk U Elena chuan in tur min pe a in ka tum chiah chu ka nu chuan min rawn dang a, no chu min laksak in a hnim a..
" Elena , hei hi enge awmzia ? " ka nu chuan tih pah in bawm hring lam hi U Elena hmaah chuan a lek kang a, U Elena chu a hlauhthawn hmel in a hmel lan dan chu rawn danglam in a chiai hmel tak zet a ni.
" Ka nu , ihh ...engmah ani lo, ka damdawi anih kha. " tih pah in ka nu thil ken lai chu lak sak a tum a, mahse ka nu chuan a lo la sawn hman..
Thil awmzia ka la hrethiam ve mai lo, ka nu chu a thinrim hmel kher mai tlem in a lo tawng ring deuh nge ka pa leh Aidan u pawh an rawn phei ve nghal..
Ka pa chuan ka nu thil ken lai chu laksak in a chhiar a, " Hei hi enge awmzia nau tih tlak na hi tinge he tah hian a awm ? " ka pa chuan a rawn ti a..
Ka hrethiam chiah . Engtin nge hr tiang thil hi a tih theih ? U Elena hian min duhsak in in tur min pe thin amaw ka lo tia mahse nau ka chhiat theih nan maw a lo tih a ? Hah ka awi thei thlawt lo . Nau ka pai tak tak lo tih chu ka hria mahse engtin nge ka chungah tiang khan a tih theih ? Keimah ang tho in min ngaina ve takzet emaw ka lo ti thin a , ka rilru a na in ka mi rin tak in min phatsan ang mai hian ka ngai a ..
" Elena engvang in nge Hayana chungah tiang hian i tih ? I nau ang chiah in i en ve thin emaw ka lo tia . "
" Nu , pawi ka ti lutuk, nau ka chhiat khan ka rilru a na in hreawm ka ti takzet a , tu in awh zia pawh ka hria mahse vawi leh khat ah kei ni lo in Hayana chauh in ngaihsak tak kha ka hrethiam lo in ka tuar thei lo takzet a ni. "
" Engtin nge tiang chuan i ngaih theih, kei hian nang leh Hayana te hi ka en hrang ngai lo che u . Ka tan chuan ka fanu ang chiah in ni asin. "
" Mahse ka pa tan chuan a ni ve hleinem . Nau ka chhiat ni atang khan min bia in melh pawh min melh leh tawh lo. "
A pasal chuan a hmaiah a rawn beng pawp a, " Eng tin nge nang hi ka nupui i nih theih ? I thiam thu sawi lo in ngaihdam dil ta che. " a ti vak a..
Aidan pawh a rawn chhuk thla ve, kan thusawi a rawn hre hman ve vek a ni tur ani ka darah min rawn kuah nghal a, engmah sawi tur ka hre lo ka zak takzet ani . Ka fapai vang in tunah an buai a, mahse an rin ang in nau ka pai der bawk si lo. He lai hmun atanga tlan chhuah vang vang chu ka chak takzet.
Aidan chuan engmah a sawi lo room ah min chhoh pui daih, kan room kan thlen ve leh " Aidan engtin nge ka tih ang ? Kei hi ka rai tak tak bawk si lo a, an hre chhuak ngei ngei ang "
" A pawi lo, i kiangah ka awm reng dawn alawm engmah hlauh tur a awm lo. " Min rawn kuah a
Diktak chuan engkim hian ka awm a ti nuam lo, ka pa vang in ka hlim em em kha hei hian min rawn thungrul ni mai hian ka ngai . Tinge hlim taka ka awm ve hi a theih miah loh le ??
ELENA
Ka pa in he in atanga a bo rih tura min tih avang chuan ka rilru a ti na in, ka thin a rim takzet. Engtin nge tiang khan ka chungah a tih theih? Nau ka chhiat avanga min ngaihven lo deuh kha chu ka la hrethiam mahse ka nu te in ah awm rih tura min tih na chu chhuak tura min tih na angah ka ngai..
Hayana chu ka en a, a thiam loh a ni lo tih hre mah ila kei in tianga na ka tawrh laia tha tak taka an lo be huam huam kha ka hmu thei lo, ani pawn a nau pai chu chhiat ve tur in ka duh ngawih ngawih . Mahse zing tin ka in tir a, a chhiat thei thak lo chuan min thawng in mak ka ti takzet a ni . Eng ang fa nge a pai bik ni..
Ka pasal pawn min dan a tum lo, a pa a hnial lo ka nu chauh in kal lo tur in min ti, kan room ah lut in ka insiam sawk sawk a, ka tlan chhuak nghal..
Dawr ah ka lut a, ka nu ka call a ka chanchin chu ka hrilh a, ani pawh a thinrim in a lungawi lo takzet a , ka awm na ah lo awm tur in min ti a , min rawn hruai tur thu a rawn sawi a..
Hmeichhe pakhat sang lam sam kir hian min rawn hnaih in, " Hayana i sawi em ni? " A rawn ti a..
" Hayana Martin i hria em ni? Ka pasal a nau nupui a nia " Ka ti a..
" Hah hre lutuk e, mi bum hmang anih kha. " A ti ta hrep a..
A tawng duh dan chu mak ka tiin ka awih lo tep, mahse tun dinhmun ah hi chuan Hayana tih chhiat duh na chiah in ka khah avang chuan engpawh sawi se ka awih vek tawh..
" I mo pui saw maw, a rai reng reng hleinem, engtin nge in hriat loh zawk? Ka unaunu hrawn a ni e, kei baka a ni hre chiang tu an awm lo. "
In sawifiah lo pawh ni se a rai lo tia a sawi chu ka pawm nghet thlap, rai se tun chen chen ah nau a chhiat loh na chhan tur a awm lo reng a ni. Eng tin nge a theih zawk ? Ka pasal a nau neih a duh vang in a rai der amaw hah hei hi ka nu leh pa te pawn an hre ve ngei tur a ni..
Ka thinrim lutuk, in ah ka let leh a ka pa room ah ka lut tlang nghal ka thil hriat zawng zawng hmaih nei hauh lo in ka sawi fai vek, min duh lo anih pawh in he mi bum hmang pawh hi a chhuak ve tur a ni..
Ka pa chuan mak a tiin a ang phuau phuau mai, a awmpui te hnen ah Aidan te nupa ko thla tur in a hrilh nghal a..
Mi dang pawh reilo te ah ka pa room ah an rawn thleng kim nghal vek, ka pu tiam lo in , hna thil vang in a zin bo hlauh a, he thu awiawm loh lutuk hi hre ve se ka tih nen a mo a duat em em hi a rin ang a lo ni lo tih hi a hriat a ngai a ni..
" Hayana, Elena thusawi hi enge awmzia nang hi i rai lo amaw? "
A tha e, i lem chan hun a tawp , ka mo pui, ka chhiat chuan nang pawh i chhe tel ve tur a ni..
HAYANA MARTIN
Ka pa thusawi chu ka awih thei lo, engtin nge a hriat ? Ka thin a rawn phu dup dup a , ka thi thei mai dawn in ka hria . Engtia han chhan let chi nge anih ka hre lo ka khur der der a, bah nuai chuan " Ka pa ka...." Engmah ka sawi hlei thei lo. Aidan chuan ka kut ah a rawn vuan a..
" Aw, i hriat ang kha a ni e , ka nupui hi a rai lo. "
" Maw ..?? Nang pawn i hria a maw? "
" Aw engkim ka hria ..chuti chung a nei tu chu keimah ka ni a, ka nupui hi dem theih na in nei lo. " A ti hmak..
Ka tan dawt sawi tur in ka duh lo, zan tin tiang hun hi a thleng dawn tih ka suangtuah fo tawh reng a ni, a taka ka hma chhawn a ngai..
" Aidan thusawi kh a dik lo kei hian Aidan ka neih theih nan ka rai der a, a chhan chu ka pa enkawl nan pawisa ka mamawh em a, lem ka chan a ngai ta a ni. "
" Hayana i a em ni? "
" Ka nu , ka pa, min ring in tu hmel hmuh in duh zia pawh ka hria mahse ka ti beidawng takzet che u a pawi ka ti, ngaihdam dil che u ka tum lo, in mi ngaihdam tlak pawh ka ni lo, pawi ka ti takzet a ni. "
Ka pa chu a thinrim in kut min thlak mai duh hmel a pu a ni, mahse a awm takzet min hnawt chhuak pawh ni se pawi ka ti tawh lo . Tun ah chuan ka pa a rawn harh tawh a ziaawm lam pawh a pan zel a, a tan hun ka nei a ni mai..
" Anih chuan i tih tur i hria ang tiraw ? I fing bawka a tir atang khan nang hi ka ring lo reng che a ni . I hmel hmuh leh hi ka duh tawh lo. " Ka pa chuan a ti hmak a..
Ka rilru pawh a na in, tah hawm hawm mai pawh ka duh lutuk mahse ti dik lo tu zawk ka ni a engmah sawi buai theih leh tih theih ka nei lo. Aidan chuan a pa hniala tum tih ka hria a rang thei ang ber in ka lo dang nghal, apa nen an inkar that lo zia ka hria tlem in an inkar a zia chho ve tan mek laia an inkar tichhe zual tu nih ka duh lo..
Ka pa room atang chuan ka chhuak a, engmah nei lo in ka lut a engmah ka ta ken chhuah tur ka nei lo, pawn ka pan nghal, ka hnung ah Aidan an min rawn um in, ka hnung atang min rawn kuah a..
" Min kal san i tum tak tak em ni? I uang a ni tiraw? Khawngaih in min kal san suh , Hayana. "
" Aidan khawngaih tak in min kal tir rawh, i tan phurrit leh mi tangkai lo mai chauh ka ni. "
" Ngawi hmak rawh ka laka i inthiam lo takzet anih chuan min kal san suh. "
" Kei ang ni lo, hmeichhe tha leh famkim i phu a ni kei chu min theihnghilh rawh. "
" Ka hmangaih che, ka hmangaih che, ka hmangaih takzet che min kal san suh i tello in ka awm thei lo. "
Ka hria kei pawh in ka hmangaih che, mahse ka kianga i awm theih nan i pa i do a ngai anga chu chu ka duh lo fapa tha tak ni tur in ka duh che..
" Hah ka hmangaih ve hleinem che, ka pa a harh tawh a, ka in ka nei let bawk a, ka tan tangkai na i nei tawh lo, kei chuan ka pa chauh ka mamawh a ka mipa hmangaih awmchhun chu ka pa chauh a ni. " Min kuah na chu ka pawt phelh a, ka theih anga chak chuan ka tlan san a..
Hun rei tak hnu ah, ka lak ah a in hawng ve chauh a, tun ah ka kal san leh a ngai si, a tello a hun ka hmang tur ka ngaihtuah ringawt pawh hian ka thin hi vih ang mai hian a na thei..
Pan tur ber pawh ka hre lo, ka pa awm na room ah ka kal a, tui tak in a lo muhil a, oxygen tel lo a, a mu tawh ka hmuh ringawt pawh chuan ka lawm em em tho, tun ah hian ka nun hi buai chuar in hreawm viau mahse ka pa tal a tha a, ka lungawi a ngai a ni..
Ka pa ngaihtuah awm lo bawk a, ka rilru na min hnem tur tal in Carter hmuh ka duh ka zawng a.. Ka thian neih chhun a ni a, aninlo pan tur ka hre thlawt lo a ni..
CARTER SCOTT
Raya natna a rawn zual thut OT ah kan nawr lut nghal, ka hlau thawng in, doctor mah ni ila min ti chiai ngei mai. A dinhmun a tha lo in ka ngaihtuah na ah chuan a thi tawh ngei dawn anih hi ka ti tawh, a thawk hmuh tur a awm tawh lo, a taksa a rawn dai tan bawk.
A awm ah ka nam a awmzia a awm lo oxygen nen kan tang kawp bawk, ka beidawng tawp ah a thawk kan hmu leh ta hram a , ka bei nasa lutuk chu ka thlan huh hluam mai. Thuthleng ah chau zet a thu in OT atang an nawr chhuak chu ka en zui vawng mai ni..
Nurse leh Doctor dang ten lawmpui na min rawn hrilh luam luam hlawm a. Mahse tun a ka awm dan hi a mak takzet ka hlauthawn vang nge, ka thin hi a rawn na vawng vawng mai..
Ni 3 hlawm tawp ni khaw hre lo in a awm tawh, eng e maw ni zawng tak hian damdawiin chu a reh in tih tur a vang viau in ka hria. Damlo ka en zawh phei chuan a reh hian a reh tlawk tlawk, a fiamthu thawh te ka hre leh chak in a nui sen sen hmel te pawh hmuh leh ka chak takzet..
Doctor " Ka hnung atanga an rawn tih chuan phur lutuk in ka in her nghal mahse nurse Jenn a lo ni, ka lo tum leh nghal hmak nge, " Min hmu chu i va lawm loh hmel ve. " A ti hial.. Mahse ka lawm loh em em pawh ka hre lo..
A room ah lut in a khum bul ah ka thu a, a kut chu ka vuan a harh chuang miah lo chuan min rawn hmer let ve deuh, tun atanga rei lo te ah a harh theih tawh ka besei phah deuh.. A hmai zar tu a sam chhawlleng chu ka kut chuan ka ti sawn a, " Ka chungah hian enge i tih Raya? "
Raya room atanga ka chhuak chu Hayana ka lam pana rawn kal ka hmu a , hla tak atang pawh chuan a tap niin ka hria, ka bul a rawn thlen ve leh min rawn kuah a, a tap nghal hawm hawm mai..
" Yana tinge, eng thleng? "
" Carter eng tin nge ka tih ang? Aidan nu leh pa ten kei hi ka rai der tih an hria, Aidan ka neih chhan leh ka bum tih zawng zawng an hre vek tawh. "
Han tih vak ngaihna pawh ka hre lo, tih sak theih ka nei der si lo, ka kuah a ka theih ang tawk chuan ka hnem ve bawk..
Tih tur ka neih vak loh lai ani bawk nen, an in ah ka thlah a, an in ka kal loh na pawh a rei tawh bawk nen ngaihtuah tur a ti tam ngei mai..
Ei tur ka siam sak a, a la muhil daih zui kaihthawh ka tum lai tak chuan call ka dawng a, Raya a ni mak ka ti lutuk ka meng phawk hraw mai..
" Raya "
" Doctor sual tak i ni, i damlo a harh pawn a bulah i awm lo ania . Kha nu bul ah khan i awm leh a ni maw ? " A rawn ti, ka awi lo lutuk ka ding tawp..
" Raya. "
" Min hmu tur tal te chuan i rawn kal ve dawn lo em ni? "
Hayana muhil lai pawh ka ngaihsak tawh lo ka car chahbi la in ka tlan chhuak nghal, ka thil tih leh ka awm dan hi keipawh in mak ka in ti a ni . Ka mi ngaih pawimawh ber chu Hayana a ni emaw ka ti thin mahse tinge he Raya bul ah kal loh hi ka hlauh em em chhan ka hre lo..
Damdawiin ka thleng a, a room ah ka en hmasa ber a awm lo, a awm na tur ka hre mai in ka hria. In chung lam ah ka tlan chho nghal a, a lo awm ngei e. Ka kawrlum hak lai phelh in a hnung atang chuan ka khuh a.
A rawn hawi let a, min rawn kuah nghal, ka thin chu engine ang mai hian a rawn phu dup dup mai, min kuah na chu thlah in ka thin chu a rawn khawih a, a lu kun hniam in a, ka awm ah a lu ti si in ka lungphu ri chu a ngaithla a..
" Doctor, nang hian min duh ve em ni ....i thin hi a phu dup dup mai, nge i rawn tlan na ah i hah vang zawk ? "
Ka nam sawn a, " Mm ka rawn tlan a ka hah a nih hi. "
" Tinge keimah min hmu tur mai mai in, hmanhmawh tak in i rawn tlan a? " A la ti hram..
A lam ah pen hnai in, a hmui ah chuan ka fawp, kei ai uar uar in min rawn fawp let..
" Enge kha kha awmzia? In date ang i tih na nge, tawng lo tura min tih na? "
" Khawiah mah min kal san lo in ka bulah hian awm reng ang che tih na anih kha. " Ka ti ve a..
" Anih chuan vawin hian kan indate tan na tih na mi. ? " Tih pah in a au vak a, min rawn kuah a, ka lo kuah let ve a..
Ka duh ang chu ka ti ang, ka tlai duh tawh lo ka tih sual nawn leh loh nan ka thinlung in ti tura min duh chu ka ngaihtuah na in pawm lo mahse a vawikhat nan chu kawng chu zawh ve chhin ka duh . Kan pahnih inkar ah hian engpawh thleng dawn se, a rei emaw rei lo pawh ni se ka tih theih ang ang tih ve ka duh tawh a ni..
AIDAN YOUNG
Ka call a la duh lo a, ka hmuh dawn pawn kawng min hawn ngai hek lo, vawi tam tak amah hmu tura ka kal pawh in min hmuh a duh lo.
Ka pa chu nitin ka thlem a, amah vang chauh in ka pa lak ah thinrim loh leh tha taka awm ka zir ani . Ka pa pawh in ka awm dan mak a ti ve khawp mai.
" Pa , Joshua laka thil thleng te kha, ka theihnghilh lo mahse Hayana vang khan ka natna te a zia in mahni in dem ngawih ngawih in hun ka hman loh phah asin. Nang hian ka lak atang in min lak sak thei lo ang. "
Ka duh chuan ka pa dil lo leh zawt lo in ka duh dan ang in ka awm thei mahse, Hayana tan chauh ka ti a ni . A tan chuan ka chhungte hi an hlu in an pawimawh em em a, ka chhungten an pawm thlap anih loh chuan a tan pawn he in a rawn let leh hi a nuam dawn lo chuvang chuan ka pa hian ka hmangaih zia hi hre ve se, a fapa luhlul leh engmah hlauh nei lo kha ka ni tawh lo tih hi hria se ka duh a ni..
Ka pu chu ka pa room ah a rawn lut a, " Hayana hi nang hian i pawm hma chu he in ah hian a rawn let thei lo tih hi i hria em? " Ka pa bul ah a rawn ti a..
" Hah ka pa nang pawh in maw ? A thil tih i hmu ani lawm ni? Mi bum hmang anih kha. "
" Keimah vang chauh a ti a nih kha . "
" Maw!!?? Enge i sawi awmzia? "
" Kha mi ni , i pawisa pek ni khan, i hnen ah kir leh a thudik engkim hrilh che a tum a, mahse kei in ka lo dang a, apa ka chhan sak anga ka tupa nei tur in ka ti a ni. "
" Mahse eng vanga ti nge i nih ? " Ka pa in a tih chuan ka pu chuan ka pa hma ah chuan bag hi a theh thla a..
" Kha kha enge anih i hria tiraw? Hayana pawisa i pek kha anih kha . Min pe let a, hawn pawh a la hawng lo, a chhungte vang in vanduai na a tawk mai chauh a ni, i buai na chauh ngaihtuah lo in midang te harsat na hi thlir ve thin rawh , ka fapa. " a ti a..
" Thutluk na chu i kut ah a awm . " tih pah in ka pa room chu a chhuah san hmak a, ka pu in Hayana lam a tang hi chu ka van lawm ber em, ka pa ka hmin hun ah Hayana hruai tura kal chauh ka hmabak tawh a ni mai..
Hayana hmu tura kal ka tum chu ka pu chuan min rawn dang a, " Hun pe rawh, amah hmu tur a i kal i kal chuan a inthiam loh na i ti zual mai mai, chuvang chuan a mah a in peih hun nghak rawh. "
" Mahse ka pu, hun pe ila, engtikah mah rawn let duh tawh lo ta se? "
" Lungngai suh a hmangaih takzet che anih chuan a rawn let em em ang. "
Nghah... chu chauh chu maw ka tih theih a.. Huh
HAYANA
Ka pa pawh a tha tawh viau mai in ah ka hruai haw a, kan in ah ngei kan pahnih in mahse tun ah chuan a kal thei tawh lo a, Wheel chair ah nawr a ngai tawh. Tun ah chuan ka nun pum hi ka pa tan chauh ka hmang tawh dawn a ni..
A room ah chuan ka nawr lut a, ka nu nen kan pathuma thlalak dawhkan ah ka tar chu a ban hmasa ber a..
" Pawi ka ti lutuk bawihte, i harsat na tawh te ka lo hriat pui ngai lo che a, i tana ka ti emaw ka tih kha i tan natna a ni ang tih ka ring pha lo a ni. Min ngaidam rawh. "
" Pa , nang ber ti khan i awm in engtin nge ka tih anga? I thiam loh engmah a awm lo. " Tih pah in ka kuah a. " Tun ah chuan kei man ka chawm tawh ang che, engmah i tih a ngai lo..
Tun ah kan pawisa neih lai hi chuan hun rei tak chu kan inchawm ve mai thei anga mahse hun reitak a daih theih dawn loh avang in ka theih ang ang hna ka thawk ve a..
Chhun lam ah ka pa ka awmpui a, zan lam ah cafe ah ka thawk thung ka hman chang chang in thawmhnaw te pheikhawk leh thi leh bengbeh te ka ziak ve reng zel bawk huh engtik ah mah Designer chu ka nih hmel loh khawp mai..
Zanin ka hna thawk chu ka dik hlei thei lo, ka thlanfim in min bual a, ka lu a hai muai muai reng ringawt mai, ka lu hai lutuk dawhkan ka bawh ngawih ngawih, ka khaw hmuh a fiah lo in a rawn thim riai riai a..
Ka harh leh chuan ka kut ah venflon in vuah in iv a lo in khai bawk, ka kut ding lam chu mipa kut hian a hmer ran a, ka pa emaw Carter anih ka ring ka en a, Aidan chu ka hmaah a lo thu kur mai, ka phu nasa lutuk ka ban ka pawt sawn dawr a, muhil a rawn harh phah..
" Hayana ..lalpa leh i rawn harh thei maw? " Tih pah chuan min rawn kuah a, ka ngai lutuk ka ngai lutuk hi ka aa thei mai dawn in ka hria..
" He tah enge i tih? "
" I hna thawh na ah nikhaw hre lo in i tlu a, min rawn call a. "
A aw te a thaw ri leh a rim engkim mai hi ka ngai takzet a ni . A tello in ka awm thei viau emaw ka lo in ti a mahse a hmel ka hmu hian ka ngaih zia leh ka hmangaih zia ka in hre chhuak thar a ni..
A bag atang in bawm tetakte hi rawn phawrh chhuak in, a hawng a zungbun a lo awm, mak ti tawk in ka en ha ah..
" Hayana Martin , khawngaih in min nei rawh. A lem ni lo in a tak, nang leh kei. " Awm dan tur pawh ka hre lo, mak ka ti engvang in nge tiang hian a awm ka hre hek lo..
" Min ngaidam rawh, ka pawm thei lo. " Ka ti a , thil dang sawiin min thlem leh char char ka hlauh vang chuan kal san ka tum a..
" Min tlan chhiat san thei tawh lo, Hayana Martin, min kal san i duh chuan kha i pum chhung a ka naute kha min pek phawt a ngai ang. "
A thu sawi awmzia chu ka man lo in ka bo takzet eng naute nge a sawi? Ka lem chan chhun zawm a tum em ni?
" Ka fa i pai, nang leh kei a fa . A der a ni lo , a tak ngei a ni. "
Ka pum ka khawih a, ka ka rai amaw!!? Engtin nge anih theih, mak ka ti lutuk chu ka ka hau ringawt..
Ka khum lam pan in ka pu chuan ka pa chu a rawn nawr phei a,, " Ka pu , nang pawh maw ? Ka pa , nang pawh... enge he tah in rawn tih vek a ? "
" Aidan an inneih puiah a sawm che kha i pawm loh kan hlau lutuk a kan rawn kal tawp anih hi . " ka pa chuan a ti a
" Paa, engtin nge nang kal san in pasal ka neih theih ang ? "
" Tuin nge min kal san dawn ti ? Ka rawn zui ve lo ang che tih pawh ka sawi thei lo. " a ti a
Ka tah nuih dawn in ka hria engtia han awm ber tur nge pawh ka hre lo, " Inneihna ah keimah ngei in maicham lam pan in ka kut ngei a kaih ve che pawh ka duh a, ka hmuh lai ngei in pasal i neih ka duh. "
Ka mutna atang chuan ka tho a, ka pa chu ka kuah a , thil pakhat la zawh loh ka nei tih ka hrechhuak..
" Pa hman a Vidia nen phone a in in biak a kei chu engmah min hrilh ve lo tura i tih kha eng nge ni ? In fa lak ka ni em ni ? "
" Tuin nge ti ? Nang hi ka fanu neih chhun i ni a khawi atang mah in kan la lo che. "
" Anih Vidia in a rawn call che khan Hayana in a hre thei lo i tih kha enge awm zia ? "
" IMM kha kha, hmeichhe pakhat in ka hna thawh na ah ka fa ang in naupang pakhat a rawn sawi a, ka hna thawk hah ka zu in chu ka lo rui deuh nen khan zan ah ka che nikhua lo deuh nge ni, mahse lungngai suh ka fa a ni lo ani. "
Vidia a lo phatsan ve zuai tih ka hriat chuan thinrim ai mah in pawi ka tih lohna a tam mah zawk ka lawm lutuk chu ka kuah leh thlawp a..
A hma kan inneih ang em em a pui chu ni tawh lo mahse tun ah chuan a tak a, ka pa ngei in min hruai lut bawk chu zawng ai chuan ka mipa hmangaih ber a ni tawh bawk, mipa chimawm leh sual amah pawh ka hriat chian loh ni tawh lo in ka mipa hmangaih leh ka pum chhunga awm naute pa ngei ani tawh tlat...
THE END THE END..
Ka story te min lo chhiar sak ve a ka lawm lutuk.. In lungawi loh pawn comment na ah min hau mai dawn nia.. Chuan Story hi ziak leh dawn ta ila, a changtute sap nge mizo in duh..
Chapter 15 https://storyfb.com/viewtopic.php?p=39462#p39462