♥LOVE IS THE MAIN INGREDIENT♥Chapter - 13 By Ęlèøs Vanchhawng

Episode kal lai dah luhna

Moderator: writers

Ęlèøs Vanchhawng
Posts: 111
Joined: October 6th, 2020, 8:53 pm

♥LOVE IS THE MAIN INGREDIENT♥Chapter - 13 By Ęlèøs Vanchhawng

Unread post by Ęlèøs Vanchhawng » May 3rd, 2021, 10:33 pm

Chaw eikhamah chuan kan chhuak a, tun tum chu kawnglakah pawh ka mu lo ve teh mial a. Ka mutthilh san saih chuan ka Driver hi a khua a lo har ang tih ka hlau bawk si a, ka mut achhuah deuh pawhin ka inti harh lui ve hram hram ani.







Ste a pawh a muhil leh barh barh a, a zia ve na riau chu motor ruih a nei miahlo hi ani, rui se chu ka buaipui na velah ka rui ve vek thei hial ang .






Pukpui kan thlenin chawhnu lam dar 2 a ri ti tih tawh a, motor in su an awm a ni ngei ang, kawngpuiah chuan mi an lo awm khawm tuau tuau a.





"Mi an tam si a, kan tlan tlang thei angem aw". U mala chuan rawn ti sup in , hma lam chu a en ngur a.





"A hnu lawkah police lam an lo thlen tak avangin mipui pawh an kalsawn nual hlawm a, kan tlan tlang ve leh mai a.





Tunlai mi tam zawk motor khalh remg reng hi chu an tlan chak thei lutuk a, Aizawl lam pawh an bang chuanglo. Vanduaina an tawk leh nge nge zel..





Ka pa te in kan thlen chuan ka pa in kawtah minlo nghak ran a, ste a pawh lunglei kan luh tantir a a harh kha a, motor tlan vel chu hmuhnawm ti deuh hian a en leh dauh dauh thin.






Ka pa in ste a chu lo lakna tum a, mahse ste a lah chuan a lo duh bik miahlo, kan nui dar dar a, duhlo hi a hre vaklo asin mawle a mak hle mai. .




Ka awmah chuan a bei tai a, a pû leh a pa che vel chu a lo en kiau a, " kan tupa duat sual theihloh chu a inti fing ve tan dawn elaw" ka pa chuan nui pah hian a han ti a, ste a lah chuan alo la chhaih let ve leh ang duai duai a.





"In chau viau lo maw?"

"Chau lutuk lo e, mahni motor a kal chuan a chawlh zawk zawk theih a, tihdan dan ala awm alawm.





"Bawihi, lo va lut rawh u in pa hi in bungrua te ka lo ken luh pui dawn nia" ka pa chuan a tih tak hlauh avangin inchhung lamah chuan kan lut a.





Alo reh thiap a, khawnge ka nu pawh hi a awm ni, alo chhuak zawk em mawni aw.





Ka pa leh u mala chu an rawn lut a. Tun tum chu ka nu a awm emaw awmlo emaw he in ka in ni thin ngeiah hian awm ve ka duh tlat ani. Ka nu tih hrehawm ka duhna ngawr ngawr lam nilo in , ka pa hi kawm tam ka duh tlat..






Kan inti fai a, ka room hlui ah bawk chuan kan chhungkaw te chuan kan inngat a, khum erawh chu ka pa in a lian a lo dah thung a, a hmasa a ka khum thin kha a zau zawng 4ft chiah a ni sia a, mi pathum mut nan chuan a te ve deuh ani.







U mala intihfai chhungin inhnuai lamah ka chhuk a, ste a chu ka paw pah bawk a.

"Pa khawnge ka nu hi?"

"A chhuak anih kha, lo thu lawk teh thil hrilh duh che ka nei ani"

"Aw, eng lam nge ni a?"
Ngun fe hian ka pa chu ka en a, ka hmuh hnuhnun ber ai khan a mit khur a thuk a, a cher deuh bawk tih ka hria, ani hi a damlo zawk em mawni aw.





"I nu hi ania, zu in zauh zauh a hrat a, then dawnin tar a lama han inthen leh chu ka ti deuh si a, Mama, damloh hma daih atang khan a in zauh zauh thin a. Mahse ka chian loh avangkn eng vak mah ka sawi ngailo. " A chawl dat a, a thaw huai ni berin ka hria.





"Hriatpuia khan hriat a nei tih ka hria mahse engmah a sawi ngai lemloh avang khan zawh pawh ka tum hran ngai lemlo bawk a.





Mahse damdawiin a kanndahluh tirh khan min hrilh ta a"





"Eng maw a hrilh che a"




" A zu in chu mawle, mak ka ti hran lemlo inthen hi ka duh ber anilo mahse kan in chhungkhur boruak hi a nuam thri tawh thlawtlo ani.




Thla thum dawn kan mu dun tawhlo"




A thusawi hnuhnun ber ka hriat phei chuan mak ka ti, ka nu ka huatna a zual sauh a, ka pa chanah ka indah phei chuan ka tawt up up ni maiin ka hria.





"Chuan enge tih ber i tum?"


Ka zawt tawp a, min hrilh ta ro ro a nih chuan min hrilh tlang law law sela a tha ka ti ani.

.




"Zinga a chhuak alo la.haw lo,inlo kal dawn tih a hriat ka ringlo bawk, a rawn rui haw leh ngeiin ka ring mahse rui chhia a ni ngailo ania, emgmah lo sawi lo la keiman inthen ka rawt dawn aa duhlo a nih chuan ka 'mâ' ani mai. "





Ka pa chuan a ti leh a, ka pawmpui hmiah a, lo sawibuai ka tum lemlo bawk , a tiartu zawk ka pa ani a, a ni berin a hrawn peih tawhlo a nih chuan tihtheih dang kan nei lo.


"Awle pa i thu thu le" ...




Choka lamah pheiin thingpui ka lum.a ka pa chu thingpui sen hang thlit sak in ka pe nghal a , ka pa hian thingpui bawnghnute pawlh a in ngai maihlo, chutiang bawkin keipawhin, heihi ka pa ka chhuna tak niin ka hria..






Bawnghnute a tih pawt hi a tuina ka hrelo a, a hriselna ka hre heklo, thil hrisel ngaihna ki tak ka ni a, mizo thlai zingah tuilo.a tih thin em em pawh a hrisel chuan ka ei lui mai thin.




U mala a rawn chhuk chuan thingpui chu ka lo siam sak ve vat a, a thlum a duh ka rin avangin ka lo chawk rak rak bawk.






An chhang bawm nen chuan chhawp pheiin ka pa leh u mala ti ti chu ka pa nen a kan sawi ang tho ani. Mahse u mala erawh chuan ahre sa vek a, kei aiin a hre thui tih a lang reng bawk.






Ste a chu ka awi mu a, a chau ve aniang a muhil barh barh mai, choka lamah chuan phei leh in fridge chu ka hawng a, arsa lei sa lo awm chu siam tan tiin ka phawrh a chawhtawlhah ka dah chhuak a.



Ste a chu inchungnlamah mut in ka chhuk leh a, ka phone ah chuan zai play sakin ka kalsan bawk. Tunlai naupang tam zawk chu hla play a awih kanhrag viau a, kei erawh in ka ti ve lemlo.







Mahse a muttui theih nan ka mut hnu a play sak ka hriat zeuh zeuh a mu rei zawk pawhin ka hria.






Chaw ei ka siam lai chuan ka nu chu rawn haw in min hmu chu a meng phar awk a, engvanga heta ka awm pawh chu mak ti em em nge anih ka hre heklo.





"Zualte inlo kal tur thu pawh minlo hrilh ve miahlo a,"


"Nia, kan rawn kal thut anih hi"



" Kan thiltih kan laklawh deuh a, ka rawn haw tlai deuh anih hi"



"Aw, awmlo phei ila chu chaw pawh in ei dawn em mawni aw" ka nui suk a ka nuih erawh a za viau lo. Nu tling pui si mahni duty hre lo ka ti ve tlat.







Room.lamah a lut tlang nghal.a ka pa chuan a zui lut ve zat bawk, a hnu lawkah ka nu thinrim tawng thawm ka hre nghal zat a.





"Nang zawk anih kha, mi mak kher ka ngailo e, ka thu in ka chhuak mai ang"




A sawi zawh rualin ka pa a awn chhuak nghal a, a hmelah chuan a lungawiloh zia leh pawi a tih zia a lang chhuak chiang hle bawk.




Tar alama inthen chu a nuam viau lovang, miin a sawi dan tur.zawng zawng nen ka pa pawh hi innthlahring mi tak a ni bawk si. Ka lainat ru takzet ani ...





End of Chapter 13



Ads click leh la aw.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)