I'm Yours - 31 Last BY APUII TLAU

Episode kal lai dah luhna

Moderator: writers

Apuii Tlau
Posts: 59
Joined: January 30th, 2021, 2:54 pm

I'm Yours - 31 Last BY APUII TLAU

Unread post by Apuii Tlau » May 3rd, 2021, 10:43 pm

Chapter - 31






"Ka duatnu ei tawh suh.." ti dut dut tu avang chuan ka ner vak a.Hemi te pafa em em hi va hauh pawh ka tum buai tawh lo mahni intih hah thlawnna ni mai.Ei phal tawh lo ni lo in keimah min ve thawn vang a sawi ve mai mai ani tih pawh ka beng awmna ka hriat tluk in ka chiang.Chuti nilo se alak sak hmak tawh ang chu, abula awm run chungin a ei lai a en mawlh mawlh chu ni sia.









Ka fapa naupang zawk chu a diaper ka thlak mawlh mawlh a.Mipa si nungchang tha lutuk anei ka ti lo thei lo, a nuar ngai lo a, a tap meuh ngai lo bawk, na tawp khawk ah lo chuan a tap ngai lo kan tih ang tur kha ni.Kum khat atling ve tawh, a chum in a lian buang a, kal te chu sawi loh a tlan vut vut theih tawh hial bawk.Kum khat chauh nimahse kg 15 lai ani a, a than atha bawk nen ani ang rual ah chuan lian tak ani.Mit chhing chunga a nuih sun sun phei hi chuan kan laina hnai ah te pawh hian lawm lo hi an awm lo, tawng a hrethiam vek a, mahse ala tawng tha thei meuh lo thung.









Kum 6 dawn kan lo inneih ve ta a, hospitalah khan thisen hlauh nual in min chhan hman loh teuh viau mahse vanneihthlak tak leh Pathian vang liau liau ani ang chu doctor te zarah dam kan hauh ve leh thei tawk tawk ani ber e....Chhungkua tha tak kan din ta der chu nia hei









"Bawihte!" rawn ti sup tu chu melh pawh ka melh peih lo.Zingkar atangin ninawm khawp in an beng chheng a, buai lai lai in an lo inhlei ve reng bawk.Mi hi an ti hah hluah hluah.









"Bawihte!" a rawn tih leh chuan kan fapa Abrahim pawh a kekawr ka hak fel tir chiah a, a lo nui leh sun sun chu a biang ah fawp zauh in , apa en tur chuan ka dak chho ve ta hram bawk.








A fanu chuan a kawr hmawrah alo chelh ran a, Abrahim pawh chu a rawn pawm nawlh bawk.An chhaih fiam leh te te hnu chuan ka en reng tih hria in min rawn melh ve vat a.Kan fanu Annabeth-i erawh ka la be duh rih lo, thuawih hlawl lo rilru lian lutuk hi hrem deuh angai ani.









"Ice cream saw kan nei tawh lo ami!" a rawn ti chiah chu rum tawk in ka melh nghal.Hepa em em hi, naupang an nia, eichin tawk an hre tur ani tih tih pawn an duh apiang pe zel mai.Nichin lawkah choclate a ei zo chiah a, tunah ice cream ani em em lo.









Chhan pawh chhang duh lo chuan AB-a chu lak sak in ka inher vut a, inchung lamah ka chho nghal daih bawk.Nuam lo an ti ve niang min dang lo a, min en ve tawp ringawt.







Room ah pawh lut lo chuan inchung zawla naupang infiamna tur kan siam ah chuan ka chho tlanga, tha tak a kan hung vek avang in a thawveng in a him tawk hle bawk.Feb thla chawhma lam ani bawk a, ni ala lum nuam tawk hle. Carpet dup kan phah ah chuan Ab chu nghat in motor lem leh bike lem te, sakawr lem leh toy dang hrang hrang awm chu khalh pui in ka infiam pui a, mak deuh mai bawk chu a aw hi naupang dang ang in a sin ve rat miah lo, ani deuh dup dup reuh bawk.








"Bike i duh em?" ka tih chuan rawn inher in
"Aw" a rawn ti vak a.A tawngthiam chin hi chu a fiah fak fak thei teh ania.







"Nui phawt la!" ka tih chuan ti lui deuh hian a nui vei hak hak a, chu ringawt pawh chu lawm zetin ka nuih pui leh har har bawk.







"Ma tirawh"





"Ma!"






"Duh....."






"Duhhh"






Kan pahnih chauh pawh chuan hlim zetin kan nui dun hak hak a, ka nuih in hrethiam ve ang tak hian min lo nuihpui ve hak hak reuh bawk nen, rilru hah a chhawk thin ania.









Kawngka rawn inhawng thawm chu ka hria mahse tute nge ka chian em avangin ka ngaihsak duh lem lo.A dik lo, a tha lo tih hrilh hrilh hnu ah pawh an zawm duh tlat lo hi chu hrem an ngai ve tlat ani.









"Mà in infiam alaw?" ka fanu in ti dak a a rawn tih chuan ka lo bu nghat a, kan bulah chuan tim dai a lo phei in Ab an a u alo au ve ruai ruai chu a chhaih zui ve hak hak bawk.









"I thinrim ami?" tih sup pah a, ka hnunglama rawn thu thla paha ka kawnga rawn dawm tu chu ka chhang buai peih lo.Duat ah pawh chin tawk a awm, hetiang em em anih te chuan an sual bak hlur dawn asin.







"Ka tihpalh....mahse...." a tih lai tak a ka phone ah lai lo ri avang chuan a phun hluk a.Ka phone chu ban in ka nu leh pa in an lo video call leh tawh lo ni in.Nitin hian an lo be ve renga an ngai ve thei lutuk hi nuih an ti za zawk.








"Aw nu..." ka lak ruala ka nu hmel ka hmuh nghal avang chuan ka ti nghal vat a.Naupang ho bawk ani a rawn sawi leh hmasak ber ni.








Naupang ho hma a ka dah rual rual chuan an in ko leh nghal chul a, kan Nana-i pawh fing em em i tih takah kum 5 lek ni mahse tawngkam te hi a thiam teh ania.









"Api goodmorning....Apu pawh" a ti nghal zat a, ka nu te pawn an rawn chhawn ve nghal zat bawk.Ab lah lo rak ve chul a, han thinrim deuh bung bung mahila hmangaihte na na na hi chu induh san reng te hi har thin.








"Apu sem sem, nizanah maw ka mumangah ka lo hmu che u a, in lo zina api leh Ate kimkimi nen khan inlo zin dawn tak tak aniang tiraw" Ka fanu in a tih zat zat chuan ka nui hak ringawt(Apu hi mi zawng zawng zinga sem sem tia ko ngam tu awm chhun ani).Ti sawn tunkar tawpah chuan an rawn zin leh der dawn tih hi ka chiang ber awm e.









"Nia...bawihte kan lo zin dawn nia aw..." ka pa in a rawn tih ve hawk hawk chuan ka nui tawi tak a.Pa nui duh lo leh inhmuam up ve ber pawh a tute lakah hi chuan chhuatah pawh a tawlh ve hrat hrat zel tawh ania.Naupang hian nun an lo tihlim ani tih ka chianna em em ani bawk.








"Chaw in ei tawh em? Ate kimkimi kha in lo duat em?" a tih leh zat zat chuan ka lu ka thing nak a.Henu em em hi tu hi nge a chhun ni fing em em lutuk.








"Duat e bawihte....chaw kan ei dawn a hei, Mapuia kha lo ti lang lawk la" an rawn tih chuan anau bulah chuan phone chu a lek thla vat a. " Mapui Apu ti rawh " ka pa in a rawn tih chuan a u chuan ti tur chuan ati ve nghal zat a...." Apuuuu" tih pah chuan anui hak hak a, min rawn melh kher bawk.Lalduhawm em em pa a hi chu!









"Ngai che....chaw ei tui aw" an rawn tih leh chuan " Awle chaw ei tui u....Apu lo zin thuai thuai ru aw Ab nen pawh kan ngai lutuk che u nia...Ab ngai che ti rawh le" tih pah chuan a nau chu a a melh a, api leh pu lawmna tawk a thusawi lah hi thiam ropui si.









"Naiii eeeee" a rawn tih ve vak chuan nuih insum a har kher mai.Hepa ber bur em em a hi.










" Uhruai chaw ei kan peih aw..." Pu Abdula fanu upa ber in arawn tih chuan kan lo chhuk tur thusawi in Ab chu ka pawm kang nalh a.Ka pasal thaw ri deuh hak chu hre mahila kawngka lam pan chuan ka kal zel tho.








Choka kan lut chu Ab pawh athutna,tlak danna awmna ah chuan nghat in, ka pawt phui nghal a tha deuh chuan a thu ve mai bawk. Pi nibu-i te nufa in an lawm nuih leh vur vur hnu chuan an chhuk thla ta a.









Ab chaw tur bik NAN ka siam mek lai chuan Isaac te pawh chu an rawn in pawm lut leh hlu hlu a.Dawhkan chu an kil ve nghal mai bawk.






Ab-a nan tur ka siam zawh chuan " Ma bawnghnute chawm tur..." Nanai'n alo tih zawi sap chuan, ka khawngaih ve leh deuh si.Ngawi reng chuan frige a bawnghnu te chu va la in ka chawm sak a, chumi hnu ah mahni chaw pawh ei hman lo lek chuan Ab chu ka hrai zawm leh bawk.










"Chaw ei la...ka lo pe ve tawh ang" rawn ti sup tu chu ka melh ve thuai a, a chunga ka lawm lohna hria nge inthlahrung hmel a pu ve deuh bawk.Ngawi reng chuan pe in chaw chu ka va ei ve a,an pafa chuan an i hrai ve mawlh mawlh bawk.










Chaw ei kham chuan thleng chu kan ti fel mawlh mawlh a, Ab alo thu a, alo au ruai ruai a, Nana-i te pafa in thleng sengin kei in ka lo sil zung zung bawk.










"Mà...sorry aw...ihhh chocolate chu sunday ah bak ka ei tawh miah lo ang" thawmhnaw ka thleh mawlh mawlh laia ka fanu in ti dak a a rawn tih chuan ka melh ve vat a.A hmelah chuan nuam tih loh na ka hmu ve thuai bawk.









"Ti suh tih chu tih loh mai tur....nangma tan vek ania nakinah i ha te na nga, a hrehawm dawn a chuvang chuan ha nat loh nan ei loh tur ka tih chuan ei tawh miah suh ang che" ka tih chaun bu nghat nghat in lawm hmel zet chuan khum ah chuan a rawn lawn a, a nau lo thu nui vur vur a chu a chhaih nghal hawr hawr bawk.










"Kei ve!" rawn ti sup tu chu ka melh leh a, nuih zat hmel ru zeta min lo melh chu ngaih thei leh hek lo, ka thawmhnaw thleh sa pakhat chuan vawm pawp in, adang chu la in closet lam ka pan pui nghal a.Nui hawk hawk paha, min rawn zui tih ka hriat chuan hawi pawh ka hawi let duh chuang lo.










Thawmhnaw ka rem tha zauh chiah ka inher chu ka hnungah chuan alo ding run a, phu ve zawk mahila tih lan ka tum hauh lo.







"Kal teh!"






"Aih....min ngaidam ve phawt rawh!" a tih sup chuan ka melh chho vak a.Hah! Ngaidam pawh ni ila an tih luih leh chuan a pe leh dawn tho sia, a awm awm hian awm ve mai teh se.








"I tih ruk pui leh dawn tho sia" ka tih nghat chuan a nui suk a.A khabe ruh kual raih hmul awm ve deuh chhap nen hi chuan a patling ve tawh lutuk, a lang sexy mah mah bawk.









"Kan fanu nia lawm, tu nge a chhuna aluhlul em em i hriat kha!" a rawn tih leh sup chuan a awmah ka beng dawt a, ala nui hawk hawk zui.A nui ri hi mawi ka ti thin.Midang kiangah tiang hian a nui nasa ngai ve hauh silo, nilo nui vaih se chuan ka thinrim leh tho ang.....Thik thu thik thu! Huisss








"Kan fanu ania lawm mahse a hunah kan control a, kan ven loh chuan a nun thlahdah in amah a inti chhe thei a, chuvang chuan a tet lai atang hian fimkhur tak zalen ru tak si, thlamuang tak sia enkawl kan ngai alawm, a duh duh pek ringawt pawh hi ani lo hmangaih tak leh ngaihsak taka kan enkawl a thil tha leh tha lo an duh zawng ah pawh a huna kan thliar hran thiam angai, kan tih lutuk emaw chuan an nun ah zalenna tam tak kan pe tihna ania, kan thunun theih loh hunah phei chuan an mahni tan bawk ani...."ka tih hap chuan ka biang dawm chuan min kuai dak a, a mitmeng thuk leh ril tak ah chuan hmangaihna tam tak ani rawn lang chhuak ni.










"Nu tha ber ini!" tih sup pah chuan ril zet hian min rawn fawp vang vang a,closet chhungah kan awm bawk nen rei lo te tihah rei vak lo chu kan la awm dun hram bawk🙈









"Mà.....Ab-an i phone a paih ania" tia Nana-i rawn au lauh lauh ah chuan kan infawhna ril zet chu kan inthlah nghal hlawk a.Isaac a phun hluk chu nuih sawng in ka chhuahsan nghal vat bawk.










"Tinge a?" ka va tih chuan Ab chu ka lam hawi chuan alo nui sawng a, hepa pui lah hi! À buang bawk sia.....Nanai chuan ka phone a paih thlak thu a sawi chuan a paihna lai chu ka en vat a, ka phone pawh chu ka hmu mai bawk, mahse a hmai alo khem nuai tawh.









"Lalduhzual tinge i paih à!?" ti chuan kan hau der ve nghal thuai a, Isaac pawh ka bulah rawn phei ve in ka phone chu a rawn la vuta a thlek kual vut vut bawk.










"Timaw i paih à!?" apan a tih ve sup chuan ring zet hian a ban chum zeta inkuang kuah vut paha "Aw!" a rawn tih ve chiam chuan nuih loh a har kher mai, a u pawh chuan a nuih char char tho.Apa lah bang lo.











"Sual à, tih tur Duatpui!" aù in chhan zeta alo tih leh hnu hnawh chuan thiam leh thiam lo chuan an sawi ve nawk nawk a.Nun hi chu ati hlim ve chiang alawm.








"Misual chu len san ang u!" tih vut paha apa in au a pawm rual chuan kan inher vut a, tè ruai chungin khuma let tawp tawp pah chuan rawn chhuk ve a tum chu ding meuh chuan nui hak hak in kan en a, thei leh thei lo a khum atang a arawn tawlh thla chu ala tla dawt zui.A tlak paha "Awiii" ati kher chuan apa nuih a ti za ngang mai, a u nen chuan an nui dir char char a, keipawh ka bang bik chuang lo.Kan nuih a hmuh lah chuan tah an tum ringawt a.Nidanga a tluka tap duh chai ngai lo pa hi!











Pan phei chuan ka pawm kang nawlh a, a rit ve tawh si hi pawm pawh a hah thlak bik thin.







"Kan kalsan miah lo ang...le Ab kha bang rawh se....Apa te nen kan leng vek dawn" thlem paha ka tih chuan a nui leh ta var var a.Lawmawm thin.










"Swimming pool ah kan cheng ang!" Nana-in a rawn tih vak chuan Ab lah chuan ring zet hian "Yeahhhhh" an rawn ti ve chiam a, a aw tha si, beng chheng ve dut dut ania.










Chau hnap in swimming pool naupang ta tur chi ft 6/ ft 3 kan lei a chuan an infiam zawh chuan an mu ve ta hram.Nanai pawh a chau deuh nge anau bulah a mu ve mai bawk.









"I chau viau alaw" tih sup paha sofa ka thu thla hnawk chu min rawn hnaih chilh nghal thuai a, naupang nen nilenga tlan kual a, han au chiam chiam chu ahunlai chuan hlimawm viau mahse a zawh chiah hian kan chauh zia kan hre thar awn awn thin.










Ka mu zawi vek chu min pawm nawlh a, kan room lamah chuan min phei pui nghal bawk. A taksa lum thur thur te chu ka ngaiin ka thlahlel thar em em a, a fanu a awm chawt a, kei in Ab-a a hna nen a kawp nen Nanai ka awm chang pawh a tam mahse ani awm chu a hahthlak vak loh, thil a hrethiam in a fing hma chi lo ni nen, mahse Ab hi zawng a ngaihna awm hlawl lo ang.










Khumah min nghat thla in parda chu a zar phui nghal vek a,a shirt phelh in ka bulah chuan lo mu thla in min kuah nghal hlu hlu bawk.Ani bulah chauh hian ka pangchang ve thei a, ka thlakhleh zual phah na chhan pawh hi nih ka ring.










" Ka duatnu, ka lawm e aw....fa duhawm tak tak min pek mai bak ah chhungkaw hlim tak leh inlungrual tak min siam sak a, ka hmangaih lutuk che!" a rawn tih sup chuan ka lo nui sak a.










"Keipawn ka hmangaih che....keipawh engkimah ka lawm e aw..." ka ti ve sap a.










"Tunlai hi zanah i mengrei riau in ka hria!" a rawn tih leh sup chuan ka meng deuh zawk a, mahse ka chhing leh nghal mai bawk..










"Umm...hman deuh ah tawh khan, mi pakhat in lehkhabu min pe a, chu chu ka hmu chhuak a ka chhiar mawle..... a ngaihnawm tawp mahse min pe tu pawh kha ka hre lo!" ka tih sap chuan min kuah hlu hlu a.










"Ka hrilh ve ang che...dairy ni mai hian ka hria min pek chhan ka hre bawk silo a, a tirah khan keimah lo tumah hrilh ve lo turin min tia mahse ka pasal inia ka hrilh ve ang che" ka tih sup chuan a rawn nui che dawt a.keipawh ka nui tho.










"A ziaktu kha tlangval aniang, a thiannu a ngaizawnga a ruk in an inthianthatna vang khan a hrilh thei bawk silo a, hmeichhia khan a hrethiam bawk silo a chetzia a alan tir ve a chuan nula zawk chuan pasal a neih san daih a, mipa chuan tih vak ngaihna hre lo chuan a vil tawp ani ber, a khawngaihthlak tawp hmeichhia kha a pasal nen khan tihluihna a inneih an nia chuan a hnu ah a duh ve deuh bawk nen an inhauh vel chang hian a thianpa bulah chuan alo zualko thin a a thianpa chuan hnem vak ngaihna a hriat loh avang ani ber ang chu, a lainat ve tho nen lehkhabu ah te nupa chungchang vel an inrem theihna vel tur a chhiar thin a chu chu thurawn angin a pe leh thin, a lainatawm tawp a thianpa hi, chuan a hnu ah chunu tan chuan a tawrh ai a tuar sak leh a, silai in an kap ani awm e...." ka tih rual rual chuan Isaac chu rawn tho vut a, a hmel chu mak tihna leh hrilh hai hmel a pu mah in ka hria." Tinge a?" ka lo tih vat chuan ka darah dawm in min melh ngur a.










"Lehkhabu chu khawi ami nge...nilo tu pek che nge?" a tih vut chuan bo deuh hian ka lu ka thing a.A hmel chu a mak a buai nuai ani mai.









"A ziak tu tunge a inziak em?" a rawn tih leh vut chuan ka lo bu nghat a, "Tunge?" a rawn tih hmuk chuan thinrim emaw ka ti dawn hial mahse a mitmengah chuan ani chiah bawk silo.









"MARCUS LALDUHZUALA " Ka tih chuan phawk zetin min en a, a hmel ah chuan mak a tih zia alang a keimah pawh chu min melh vung vung ringawt!









"Hepa hi enteh i hria em?" tih pah chuan a phone chu ka hmai bulah a rawn lek kang a, ka en chuan hman a lehkhabu min pe tupa lek kha....an i hria nih te chuan khapa pawh khan sawi awm, ka hmuh kha chuan tlem chuan a thu deuh tawh zawk mahse amah ani tih ka chiang.










"Lehkhabu min pe tu kha lawm!" ka tih sap chuan phone chu en in min en nawn tir leh ngat a, ka lu ka buk nghut chuan thaw hawn in a insehruh ti tih nghal der bawk...










"MARCUS ANIH HI!" a tih hmuk chuan ka meng nghal kawk a, lehkhabu ah kha a thi sia mahse ka hmu leh bawk sia, engnge awmzia....tinge lehkhabu kha min pek..?










💙💙 Ka story ngaihnawm vak lo tak min ngaihhlut sak der a min lo chhiar sak ve hram hram avangin ka lawm tak zet....In mi support na vang liau liau ani e....Chuan A tawp na ni ta bawk sia...kan happy bawk a, comment tlem tal tih ah , ngaih hruina emaw ten lo comment leh theuh ula zan in hi sawi leh sawi hnu a tawpna ni bawk nen Ads click leh comment 1 tal min hnut chhiat vek dawn nia, chhunlama chhiar ho pawh kha aw💙💙💙💙 Mangtha leh phawt ule😘🥰🥰🥰🥰❤❤❤❤



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)