ZOCHHUANAWMI.Chapter 1-7

[Numami. Tbc]

              ZOCHHUANAWMI




      By

         TBC Numami

                 







            CHAPTER 1
Yes, vawiin solo competition ah top5 ah ka tling , Lalpa ka lawm e. 




       Hawnpui tur neih loh bik ziah hi ka ning tawh khawp mai. Hlimtea kha lo duh hle hle ila tha tur a nia, Zuala'n duh suh a tih vang vek, amah lah hi a lerh ropui si, Apuii nen an in then chauh a, Dikteii nen an inkawp leh nghal a. Jason-a leh Mahrıati lah tuma tihbuai theih lohin an nghet dun bur bawk nen… ka mal bik riau mai. Mahse, ngaihzawng neih chu ka chak hran miahlo. 
        Tunhnai te hian Dikteii leh Zuala an inbe tha vak lo a, Zuala hian a hne leh tawh a niang hawpui tur ka neih phah hlauh zel a, a zia ve phian rih e. Mahse kar leh vel ah chuan ka chuang leh tho ang, chuvang chuan Hlimtea hi ka yes mai a ngai dawn nih hi! Hui ha…..
     Ka hlauh ang chiah a thleng leh ta. vawiin chu Zuala leh Dikteii an in phur haw leh ta tlat mai. Mahse, Hlimtea nen kan inphur ve tho a lawm, Zuala ten min kalsan hnu chuan taxi stand a hnaih tho avang in, lunghnur deuh tak chuan ka kal  hnak hnak a. 
      " Zo, i haw daih tawh emaw ka tia, lokal rawh," ti ri ka hriat chuan ka hawi let vat a, Hlimtea chuan minlo nuih var var a. A hnung ah chuan ka lawnkai vat a, chak zet chuan kan tlan chhuak veta a. Ala hma bawk a tiin kan leng kawi ve hlak a nih kha!
          Solo competition  top10 pawh tluang takin kan zofel  thei ta, vanneihthlak takin top5 ah ka tlingve hlauh mai,  Ka va lawm em ! Mahriati, Jason, Hlimtea nen chuan kan haw ho leh dial a, kan in a lut kawi tura ka sawm chuan zanlam a lokal an tum zawk avang  in an haw ta hlawm a. Ka rilru tak chuan, Zuala hnen a hrilh hlan ka nghakhlel hle…. " Vanneihthlak takin ka thawm a hriat chuan a rawn chhuak hlauh mai." 
     Zuala chuan minlo au va, kava kal chuan top5 ah i tling sia, a lawm nan kan inah chaw lo eita che. Autograph te min sign-sak anga, thla te kan la dun a nga, nakin ah chuan i lar lutuk ang a, min sign-sak hman tawh awm si lo, tiin minlo fiam hlut a,  a hnungah ka chum vak ringawt.
" Hlimtea nen in inngaizawng em? tiin min zawt a nih chu, 'Aih,' ngaizawnglo engvang ngawt in nge kan in ngaihzawn ringawt ang?  katih chuan a awih lo kher mai. In inngaizawng in ka hria, a endan che hi  ka hrethiam ve vek a lawm, mi a nileng ka nih loh hi zuk ti chiam a,! ka ngei lutuk chuan, ' Nia,' kan inngaizawng a lawm, kan hmeltha dun sia kan inhmeh iti viaulo lo maw? tih pah chuan ka nui pah nghek a, a thinrim leh sia, 'A hmelthat vang tak hian a thalo a nia,' a ti leh sup a. ka ngei lutuk chuan, min ti duh dah lutuk, ka bialpa ve tur a piang min sawichhiat sak zel mai, ka duh duh ka ngaizawng ang nangpawh i duh duh i ngaizawng a ka sawisel sak ngailo che, ngaihzawng i ngahtawh ropui si ka ti deuh zek a. 

" Ka nula ve tawh a bialpa ka duhve tawh a lawm," ka tih chuan, i rilru leh ka rilru in ang hek lo ala ti talh nia.  " Inang lo reng ang chu, hmeichhia ka nia nang mipa i nia, tiin thinrim takin ka chhuahsan daih"! Hlimtea hi ka duh em em hran lo.
    Class kal chu dan ang chauh in ka kal vel mai mai niber in ka hria! vawiin kan class bang pawh Jason+Mahriati chu an inphur haw leh a, Hlimtea class ala zawh chiah loh avangin kalo nghak deuh! 
     Hlimtea ka nghah laiin Zuala'n hawpuiah min sawm a ka hawpui  hmiah. Thingpui dawrah kan chawl a. Hlimtea nen kan in ngaihzawn leh zawn loh min zawt leh a, engnge duh leh kan in ngaizawng a nga, i buai na hi ho thei e,  tiin ka chhang ve hmak!
Chutah thu mak deuh min hrilh a, mak a ti ve lo a nih chuan kei chuan mak ka ti tho tho. Zoi, ' Hman atang tawh khan… ka rilru ah hian i awm reng tawh a, hrilh che ka tum reng thin a, ka huaisenna hian a tlin thin ngang lo a ni. Bialnu dangte ka han nei kual vel ngial a tumah ka duh tak tak thei silo. Ngaihzawng i nei tur anga ka han ngaihtuah hian ka thik em em a, midang tan ka phal theilo che ni. Ka huaisenna zawng zawng sawmkhawm in…  Ka hmangaih che… min duh ve chuan… khawvela mipa hlim ber ka nih ngei ka ring. Chuan,  nangpawh hmeichhe vannei ber ah ka siam thei ngei ang che. Unau angin kan in en tih chu ka hretho a… min chhan mai pawh a har ve ang tih ka ring, ngun deuh in lo in ngaihtuah tha leh la, min hnar lo hram ang che aw, " Ka hmangaih tak zet che ni," a tih chuan mak ka ti lutuk chu ang deuh phiau chung hian ka en ngawt ngawt a. Han chhan mai ngaihna  pawh ka hrelo.
   " Zuala'n min hmangaih maw? Ni e, unau ang maiin kan awm thin a, kan naupang dun a, kan thanglian dun leh a, kawng engkimah kan in thurual zel thin." ka hamhaih bawk si chuan kalo in ngaihtuah dawn nia,tiin ka chhang ve tawp.










                       CHAPTER 2
     Karkhat lai ka in ngaihtuah a, chhan mai dan tur ka hrelo kher mai. Mahse, Zuala hi ka hnar na chhan tur reng ka hre chhuak theilo, a nihna tak ah chuan hun rei tak atang tawh khan kalo ngaizawng ru reng thin zawk niin ka hria.! Nileng zankhua deuh thaw in kan in hmua, class kan kal rualin kan haw dun leh a, lehkha nise kan zir dun reng thin, bazar- ah te kalin kan leng kual thei reng a, nuam  pawh kan tive thei hle…. Kan awmdun reng reng hian chik deuh hian minlo en leh vung vung thin a, ngaihzawng ka neih leh neih loh hi min zawt leh khut thin. Ka neih loh thu in ka chhang liam puat zel!




         Mahriati te angin lunglen pawh kan hreve hman meuhlo. Mahriati pawh ka hrilh duh lo, unau ang maia khawsa kan ni a, thenawm khawveng min hrechiang vaklo te phei chuan unau tak tak emaw min ti thin. Chutiang a nih lai a lo in ngaihzawn kha chu a chi viau lo! Mahse, Ka rin phak bak in ka unaupa chu a romantic- in a zei zek leh nghal, ka hmangaih tak zet em tih hi ka in zawt thin, ka chhang thei mailo na'in ka duhve tak zet tih chu ka hria… A zei em a lawm."
" Ngaihzawng ka la neih ngaihloh a vangin, zei- tih chu ka hrethiam chiah lo."
     Vawiin hi thla nga kan inzuina chiah a ni. Chhungte leh thiante hma a inthup a ngai chu buaithlak khawp mai! Kan rilru kan inhriat tawnsak hnuah phei chuan kan in ngaiin, kan inthlahlel zual sauh leh nghal!
        Zanin chu Zuala te inah ka leng phei a, a thiante anlo leng ve a, fiamthu an thiam hlawm bawk a kan nui nasa ngei mai. An thilsawi chu a mak kati lutuk. Zuala chuan Mission veng ah chhass pahnih ngawt aneih thu an sawi a nih chu!  Sawma chuan mission veng a mi  kha chu a hne leh tawh nizan ah pawh kan leng alawm, U Zo, i u hi a luck viau a nia, vengtin ah a hung thluah bik a kan tlukloh val a nih hi atih chuan, ka thinphu chu a in thumrawn tluk tluk mai. Zuala lah chu a nui mai mai leh nghal a, melhrum vak ka tum tehreng nen min en duh thaklo leh nghal. Chhuanlam siam in ka haw nghal daih! Khumah chuan ka in ngaihtuah nasa hle mai. Nizan kha chuan damlo kan tur angin a in sawi then a, awiii… nula alo va rim ni reng in. An sawi dan chuan minlo kawp teuh a nih hmel riau mai! An fiamthu mai mai ani thei tho bawk. Hunin ala hril ang chu,. A ho lutuk, mu hmak ang. 
       Ka unaupa chuan minlo kawp reng tih ka hrechhuak ta! Khami ni tang khan ka hlat ah a awm lui tlat a, class- ah pawh minbe tha duhlo, in lam ah pawh min be ngai chuanglo, mission venga a len thu leh Dikteii hming an sawi chu ka hre ngun tawh hle mai. Apuii pawh engmah kala hrilh duh hrih lo. 




         A mak ka ti tulh tulh mai, ka rin aiin ka tuar dawn tlat! Ka unaupa hi kalo hmangaih tawh hle tih ka hriat chhuah phah, lehkha zir pawh ka tui tawh lo, zai leh hla zir pawh a nuam thei lo. Zuala te in ah pawh ka leng lut ngai tawh lo a, kan chhungte pawh hian mak an ti ve hle. Ka nu chuan, Mate, iu Zuala nen hian in inhau a mi? alo leng khat riau mai, tiin min zawt a. Haulo e, ka leng peihlo mai mai, Enge pawi a mah pawh alo leng chuang hlei nem tiin ka chhang! 
          Jason-a te in ah chaw kan ei khawm a, zan dar10 vel ah kan haw ta hlawm a, kan haw lam chuan bike in Zuala'n min phur haw  a, chuan maw, a mak lutuk bike a tang a ka chhuk chuan ka banah alo vuan chawt a, ' Ka… hmangaih che,' tiin min fawh a tum vel mawle, engnge i awmzia hi? kei min hmangaih chung hian ngaihzawng dang i ngah hle sia, i á deuh te hi nilo maw, Dikteii ka ni lo a nia, tiin inah ka tlanluh san hmak. Rang lutuk in min rawn zuilut nghal a, ka chhungte anlo mu vek tawh a, lehkha zir chhuanlam in ka room ah a rawn lut a, hnar ngaihna pawh ka hrelo. "A lo kir leh dawn a niang a, lo kir leh ta se engtin nge ka chhan ang? ka hmangaih viau tawh a, mahse, ka ring leh thei dawn a mi? Chhandan tur hria chuan khawngaihin minlo hrilh rawh u… mahse, alo kir tawh ka ring lo."




        Aw Lalpa, ka awm dan hi ka va duh lo em!! Hei thla thum lai a lo ni ve ta der mai a, mahse, Zuala hi ka ngai tulh tulh leh nghal anih awm hi! A ni lah chu min ngaive awm pawh in a awm duh miah lo leh nghal. Hrep tak hian…! Mahse, mite paw'n inthen chu na an tih ve tho ka ring, a rei hun ah an theihnghilh ve leh mai in ka hria. Keipawn ngai ka awh ve leh mai ang chu.
           Inrinni  zingah chuan kanu in hmatak ah min rawn kaitho a, ka thinrim angreng hle. Mami tho rawh, iu Zuala'n min bazar pui rawhse a ti nih chu a rawn tih chuan ka tho rang ngei mai. Mahse, ka thin a rim thut a, min tihdan vel hi min thamlo riauin ka hria a. 




       " Nizan ah ka mengrei lutuk a ka peihlo, amahin kal mai rawhse," ka tih chuan kanu chuan, a nghak reng che a kalpui mai rawh ati leh a.
Tunah khawnge a awm katih chuan, alo nghak che mawle i kalpui dawn chuan tho nghal la in tifai rawh, i inthiar rei thei si tiin a nui hak hak a. Lungawi chiahlo chung chuan ka tho taih taih a, bathroom ah lutin ka in phihfai sawk sawk a, ka ha ka nawh zawh chuan bathroom atang chuan ka chhuak nghal a. Zingkar ani bawk a inchei vak lovin track-suit senduk ka ha a, sneaker var ka bun leh tawp a, ka sam chu ka chhip ah ka tawn sang vah bawk a. Hmanhmawh ang reng tak chuan step ah ka tlanthla deuh hlawk hlawk a. U Zuala chu sitting room tukverh bul ah chuan pawnlam thlir hian alo ding a, ka thawm chu hria ang pawh in a lang duh thaklo, a awmdan vel a vang chuan ka hnual deuh rawih a, keihi ka phur leh lutuk a niang a tiin ka in ngaihtuah leh hman pek a. Ka lam alo hawi chuan ka en duhlo lui ve ngat a, chikzet hian min en tihchu ka mitsir in ka hmuthei reng. A thaw deuh hawk a, ka hrelo der ve hmiah! Choka ah ka lut tlang daih a, a rawn lutve nghal a, i hman tawh chuan kal nghal ila atih chuan, chhan pawh ka chhanglo ka chhuak nghal tharh a,  a bike bulah chuan kalo ding a.




          " Bike a kal nge i duh ke in?"




      " A hla tham sia bike in kal ang," kati deuh hmak a. 
      " Awle, kanau hmeltha, ka hmangaih em em ni bawk i thu thu le,". 




       Ka lei ka chhuah khum nghek a, i chimawm thiam ve mai sia, hmangaihna semzai thiampa… kalo ti vat a, a nui tha duhlo khawp mai.
         Ngawireng chuan a hnung ah ka thu a, ka in rin hman hma chuan a tlanchhuak phut a ka phu nasa lutuk chu a hnungah kava intauh dawt a, a kawngah nghet zetin ka kuah a, ka thinrim kher mai. Chimawmpa ka ti deuh tuarh a, za em em hian a nui hawk hawk a, a hnung ah chuan ka chum taih taih a, ka tum zui bar bar bawk . Darthlalang a tang chuan mi rawn en a, a mit a rawn siai zauh a kazak viau mai. Ka biang a sen nghal tan tan ang chu…




   Inbe mumal manglo chuan bazar ah kan lut a, a mamawh atih zawh chuan kan haw leh nghal.
    Kan bazar zawh chuan an in ah kan lut a, chawei ve nghal tur in min ti a, a room ah kan chho a.
         " Hmanzanà ka hmangaihche" ka tih kha thudik a nih kha, midang ka kawp chiah hian ka hmangaihzia che ka hre chhuak a, unau angin min entlat tawh bik lo la a tih chuan chhandan tur pawh ka hrelo ka ngawi reng a. 




      Chutah, ka hma ah a rawn thingthi a. 
 " Min ngaidam rawh khawngaihtak in, min hmangaih ve tur hian itan enge ka tih ngai"? a rawn ti ta. A hmel ka han en a, ka tuar zo thlawt lo, hmangaihna hlan in ka ngaidam ta mai! Lawmthu min hrilh mawlh mawlh pah chuan min pawm kang a, min virpui ta chiam à, lawm dan a thiam lo lutuk a, ka lu a tihai vek a lawm. Pawi tihna ka neilo, engnge ka hmangaih ve tawh tlat a lawm. ' Chuan BA kan zawh veleh inneih kan tum ta nghe nghe a sin.'!
          " Nuamsa tur chuan hreawm hmasak a ngai ang bawkin inhmangaih tur chuan inhmangaih loh hmasak a ngai ve tho mai."







      Zanin chu hla kan practice leh a, Zuala hovin motor- in kan kal a. Hlimtea paw'n min rawn enve a, Kan thian te hian Zuala nen a kan chungchang thu hi engmah an hrelo. Hrilh hriat kher kha tul kan ti lemlo.  Finale a hnaih tawh a vang chuan ka zir ngawrh hle a, ka aw pawh duhthusam piah lam in a chhuak tha a, min uap tu in a zir bawk a ka lungawi hliah hliah mai.
      Zan dar10:00 a rik chuan kan haw ta dial a, thla a eng em em mai a. Kan in ah thingpui intur in ka sawm hlawm a, kanu chuan minlo la nghak char char a, thingpui kan in zawh chuan thian dang te chu an haw ve ta a. Zuala chu ala awm khawmuang rih a, varanda-ah chuan thla eng lawmin kan thu a. Ka kawngah rawn kuah in a lam hawi chuan min kuai her a, a vawikhatna atan kan in fawp!! Ava han nuam chiang tak em!9 A duhthawh hle a ka zei tehchiamlo nangin, hreawm pawh in a awmlo, duhthawh em em in kan in fawp ngawng ngawng a. Ka vawikhat mipa fawhna nimahse, duhber leh hmangaih ngawih ngawih te nen chuan zei viau pawh alo ngailo a nih hi. Tihdan tur chu alo thleng chawpchilh ve mai.
       Hlimtea hi mak ka ti ngawt mai, a hma khan min duh viau awm khan a awm thin sia, tunah lem min duh awm ang pawn a awm leh tawh lo. Thian ang chauhvin min en leh tawh bawk si a! A hmeltha in an hausa bawk a, a luck em em bawk a, kei ai a tha leh neinung a tawng tawh a niang.  Pawi lo, Zuala hi ka duh in ka hmangaih daih zawk.




                         CHAPTER 3
       Ka nuteii fanu Rinrini, Champhai-a mi pasal neihnaa kal tur in Ka pu Thuama te chhung Kawnpui a tangin an lo thleng a, kan ri luih luih mai, ka nu leh pa dawr lamah an buaiin, ka u Ruata lah office chawlh a nei thei lo bawk sia, chhungkaw aiawh turin Champhai-ah chuan kal awm ber ka ni tlat mai. Mahriati leh Zuala an kalve theih nan ka tawngtai nasa viau ang.




     YAHOO!!! ka tawngtaina Pathianin a chhang a ni ngei ang, Lalpa, ka lawm e.




     Tuk kin khan ka pu Thuama te nupa leh ka pu chu Champhai pan in an chhuak a, Nubawihi leh Senteii te unau chuan apa te ruala kal ai chuan kan rual a kal an duhzawk a vangin chawhnu lam ah kan motor-in Zuala leh Mahriati bakah, Nubawihi te unau nen kan kal dawn a nih chu, tih chi lutuk…
        Kal kawng ah chuan Mahriati leh Senteii te nen chuan zinchhuak ngailo kan ni bawk a, thil mak deuh hi kan han hmu thei khawp a, kan ri chel chul reng mai. A ngai te in Nubawihi chu a ngawi ngal reng mai a, min nin hmel leh hle in ka hria. Kei aiin kum khat velin a upa a ni mai a, a inti puitling viau… a in lak no lutuk vang mai mai niin ka hria.
         Luah loh buk(thlam) chul thiap ka hmuh chuan ka rilru a khawih riau mai a, chawlh zawk chu ka chak riau pek a, Mahriati ngaihdan chiah a lo ni. Rei vak lo chu kan chawlh nghe nghe kha. Champhai kan thlen chuan, Ka nuteii te in bulah chuan hmeichhe naupang an lo in kawibah a, Mahriati nen kan telve zuai. U Rinrini te inneih zan chuan Mahriati nen enthlak kan tum a kan buai raps, rei pawh kan la enlo tih in Zuala'n min rawn hmu a a enve chak lutuk chu lo niin! ka hnungah chuan a rawn ding a, ka sam kar a tang chuan a rawn bih ve dawk dawk! Mahriati nuih insum theilo lutuk vangin ka pu in min rawn hau a, rang lutuk in kan tlanchhe ta nih kha!
         An thingpui inna no vel seng fel tur in min rawn au va, Mahriati a kal ta vat a. Kan mutna pindan ah ka lut vat a, Zuala a rawn lut ve nghal zat. Room kawngkhar a kalh zui hmak a, kalo melh vak , Mahriati alo let leh vat dawn nia ka lo ti sup a, let vat lo ang, dawr ah ankal  alo ti vat a. Khumah min nem thu a, ka  hmui chu khawih in " fawh ka chak lutuk tawh" tih nghut pah chuan, duhthawh leh uar fahran chuan min fawp nghal tawn tawn a, a taksa lian leh hrawlpui chuan min delh run mai a, ka tek deuh chuaih mai.




  " Ka nau hmeltha lutuk, ka angel thianghlim te ka hmangaih che," zawi supa a tih chuan kalo ip chawih  thei. A hmel lan dan pa lutuk leh sexy zet chuan ka thawk ati chham tak ngial dawn! A chawl dat a, dimte in ka hmui ah chuan a rawn fawp a nih chu! ka hamhaih deuh a vangin kalo dawh mawl tawp a, a nui nghawr dat! room lam pana pen thawm kan hriat chuan ka inla hrang vat a, rangzetin kawngka kalhna ka hawng a, bathroom ah lut rawh ka ti sap a,  Mahriati a rawn luh chuan ka lai lutuk ringawt! Mahse, engmah a hrethiamlo, bathroom a thawm a hriat chuan, Zuala a awm ami? tiin min zawt a kalu ka buk khum nghat a.




      Ka pu te chuan cham an tum avangin Nubawihi te unau chu kan in a cham tur in kan haw ho leh a. Khawzawl ah chaw eiin kan chawl zawk a, Kawlkulh kan pelh chuan motor chu a chhe ta tlat mai! Zuala'n a siam mawlh mawlh a, a siam chhung chuan Nubawihi chu alo phun alo phun mai a. Mahriati chuan alo khak zauh a, an inhau ve hlak mai.
Kawngpuiah chuan ka mu zangthal ar ar a, ka zai san hmiah. Zuala'n min rawn en a a nui suk suk mai. Khua a lum tawh bawk nen tawnzau bah chiah a ha a, a thlan deuh hluam bawk a, a pian chu a nalh kher mai. A dar pharh hlai tha zet leh a ban bul sek phiar fut chu a lang chiang ngang mai… a sam chu a hnawm deuh chap a, a biang chu a tsi ve hlatvmai bawk!, sexy mai mai tak a ni! a duhawm zia leh hmelthat zia chu hre awm pawh in a awm duh thaklo leh nghal. Nubawihi chuan mitkhap miah lo hian alo melh ngawih ngawih chu niin, ka thik nghal kher mai. Ka melh deuh ram ram a. Mahse, Zuala chuan hmu ve awm pawh a a awmloh vang chuan ka thaw huai mai. 
      In kan thleng chu ka lu a na deuh riau mai a, ka room ah Zuala nen lehkha kan zir a, kan in fawp leh zauh zauh thin, kan hlim in nuam kan ti hle. In ngaizawng tak tak anga kan awm hnu hian lehkha zir dun chu a hma aiin kan uar zawk a, kan zir dun deuh reng tawh mai thin. Mahse, nuam kan tih lutuk na lam ah hian tih loh loh tur kan tih phah ang tih ka hlau thin khawp mai. Ka u hi a zei in a nula mi ropui sia, in ven zawh loh hun ka nei ang tih mawlh ka hlau thin. Zanin pawh hian in fawh bak ai a thui kalpui min tum chuan ka lu nat ka chhuanlam nghal vat zel! 
   Thingpui kan inna no seng turin Zuala a chhuak a, khumah ka lo mu zal mai mai a. Kanu te an chhuak vek a, Nubawihi te unau chuan hreawm anlo tih ka hlauh a vang chuan ka tho chhuak ve ta nghal a. Limbu-tui ka in chak a vang chuan choka lam ah ka lut phei nghal a. 
    " Aw Lalpa leh ! choka a ka thil va hmuh zet chu… a mak ka tiin rapthlak kati kher mai," ngawi renga let leh nghal ka tum chu ka in chhuih palh hlauh mai… ka tah chhuah mai loh nan ka insum fe a ngai leh ta.
     Ka thawm chu hriain Zuala chu a rawn hawi phei vat a, phawk fé hian min rawn en a, hreawm ka ti lutuk chu room-ah tlan luh leh nghal ka tum a. Senteii chuan Zoi, i tha em? i hmel kha a dáng vek a nia, enge i va hmuh a alo ti chul a, eng… engmah…. hmulo e, ka in… chhuih a lawm ka ti bah nawk nawk a, a awih chiah lo hmel khawp mai. 
      Room- ah ka chho a, ka in kalh khum hmak.




" Aw Lalpa, ka thil zu hmuh zet chu… aw… sawi chhuah pawh ka va hreh tak em! mahse, sawi ngei a ngai bawk sia…  Choka ah chuan maw… Zuala… 
   Ka va sawi hreh tak em…!




       Choka ah chuan maw… Zuala… leh Nubawihi… chu an lo in ' fawp' a nih chu! ka rilru chu a na kher mai. Ka hmui a fawhna em pawh a la ro hman hma hma in, kan in chhungah ngei ka thisen zawmpui, ka unau nu ngei chu a fawp ngam a nia, Lalpa, aw…. Zuala… eng mihring chiah nge maw i nih le? Kan in zui that lehna pawh thla khat erh awrh chauh a la ni a sin! Thinlung chu na viau thin mahse, a keh sawm tur anilo a sin… mahse, zanin zet chu inrinna hun leh hmun pawh awm hman lo lek in a vaiin, a zavai tak meuh meuhin a keh sawm ta a nih hi, zawm khawm leh theih pawh a ni tawh kherin ka ring lo. Ka tap tur anilo tiin ka in fuih sauh sauh a. Mahse…. chu pawh chu…, ka rilru hi a na em a, ka mittui hi ka dang kir zo ngang lo a ni. 
     Zing lam dar2:45 a ri ta hial mai… mittui nen ka la in chiah piah nuaih mai. Ka lu lah chu a na em em bawk nen, ka mit a thip hlur tawh bawk a. Ka chhungte pawh an mutui tawh khawp mai. Kei lah nghaterep ang kar ka ni mai si. 
      Kei chu… oh…. Zuala, engati nge hetiang leh mai mai tur a hmangaihna min hlan le? ka hma ah thingthi meuhin ngaihdam te kha min dil ve a, " hmangaihna semzai thiam, nunrawng hmeltha chu ilo nih tak zet hi."




     Ni a liam a, kar a liam leh ta. Zuala pawh a inthlahrung ve tak tak a niang… nge a lem channa leh bawk ni ang. Kan inah a rawn lut leh zauh thin a. Min be leh zauh thin a, a rul tawk chauhin ka chhang mai thin.Nubawihi nen khan an in kawpzui ta nge ta lo pawh ka hre zui lo. Kawnpui lam ah an haw ta bawk nen, rilru na a indawm kun a in khung reng khan rahtha a chhuah mawlh lo. Phurlo tak chung chuan college ka kal a, ka hlim sawt ka rin tehreng nen chuan… ka ha se hi ni ri ngawt!
    Zuala hmelah chuan rilru na, hreawm tihna leh zahna, in thlahrunna hmel reng reng hmuh tur awm ve map lo chuan ka thin a tirim zual sauh leh nghal! Teh chai hian. Jason-a leh Mahriati te hlim hmel leh in duhtawn thiam tak ka hmuh te chuan ka rilru na a belhchhah ting mai si. Lehkha ka zir thei bawk silo, zai pawh a nuam tawh chuang lo. Thlemtu a tha bawk a nimin chu zu ka'n in siah kha!  rilru na pawh a dam huai huai mai lawm.

Ka mut pawh a tui khawp mai. Chawei dawn ah ka u Ruati'n min rawn kaitho a ka harh thei hram. Chawei kham ah luna burin college ka kal a. Zuala nen pawh kan inbe chuanglo, ka hmelhriat loh  en hmiah. A ni pawn minbe bik chuang hlei nem! Tlai ah pawh Sangzuala nen kan in leh. Rilru fimin ka awm ngam rih tlat lo, mut a chhuak duh a a tha phian mai… tun dinhmun ah chuan.


Rinawmna reng reng neilo hetiang mihring laka ka thil neih hlu ber, ka hmangaihna kalo hlan ta kher kher hi a pawi katiin, ka inchhir tawp thei lo. Ka hmangaihna hi lo hlan lo ni ila chuan, leng dang chhaiin rilru na zawng zawng hi sirah ka hnawl diak mai tur!




     Ni a liam a, kar a ral leh ta, thla hial alo vei ta reng mai. Rilru dam a hnekin, a zual zapui vaihlenhlo an tih ang mai… Zuala leh Apuii inkawp thu ka hre leh ta, ka thik in ka rilru a na zual tak zet a ni. Mahse, Zuala la duh âwm hian lan ka tum lo hrim hrim, Sangzuala nen zu in turin kan inzui tlut tlut mai a ni. Sangzuala hi kei aiin a upa a, chhungkaw pangngai tak niin, phaiah hna training tur in a kal a, kum hnih a zir tawh hnu in a lo haw a, zu ngawl a rawn vei haw tawp mai a, a mak kan ti teh a sin, Khatla tlangval zu heh ber a ni hial tawh ang. Zu ka in nasat a vangin chaw pawh ka ei mumal lo a, ka chhe pawr  tawh tawp, mahse, ka theih tawp chuan ka in tifai ve reng tho. Ka chhungte pawh an mangang khawp mai, Mahriati paw'n min dawp ta zauh zauh a, ruih hi a nuam ve hrim hrim tih bakin ka chhang duh thak lo. 
       Mahse, chawlhni chawhma inkhawm chu ka la thulh bik chuang lo. Mahriati hian min rawn sawm peih bawk a, ka zui leh dat dat thin. Ka chhungte ho leh Mahriati, Zuala ho ho chuan Gospel camping-a lut turin minti reng a, exam a hnai tawh tiin chhuanlam ka siam ve zaih,.. Pathian Thute chu… Ka nu aia hria leh sawi thiam hi an awm chuanglo.




      Solo competition pawh final a hnai tawh viau na in, zu ka in regular lutuk a, rilru na bawk nen ka tello hmak… enge pawi vak chuang, Ka chhungte, Jason leh Mahriati te an tek ngei mai. 
Zankhat chu ka mutui lai ka harh hlawl mai! Ka mutna bul tukverh pardah chu ka keu a Zuala te in ka thlir a, ruah a sur cherh cherh a, chhum  zing chiai chiai karah chuan a room eng deuh riai riai chu ka hmu thei a, naktip  mai hi exam a nih tawh a vangin lehkha a zir a ni ngei ang. Lehkha zir chu ka ngaive tak zet a lawm, mahse, thildang ngaihtuah a har em a ni! A hma ang kha chu nise kan zir dun leh ngei awm sia! Mahse, tun ah chuan inhmu phak reng siin mualza tam kar dana leng ang mai kan ni ta si!! Tak zet hian…, ka mittui ka dang zo leh ta lo! Ka muhil leh thei dawnlo a nih hi… hetia tah tlaivar ngawt ai chuan leng chhuak teh ang, eng emaw ka mamawh a ni mahna, dar12:30 a ri tawh a, ka haw leh nghal vat ang. 




       In ka thlen leh chuan khua a var thuak tawh a, thawmdim thei ang ber in ka room ah chuan ka lut a, bathroom a tang chuan kanu alo chhuak chiah a, ka phu nasa kher mai.
     Khawnge i kal a, zanlai lai ah?




" Ka muhil theilo a, pawn ah thlifim ka dawng mai mai."




      Zanrei tawh ah khawi ah mah chhuak tawh suh, i awmdan hi sim tum ve rawh, a tih chuan, zalo zetin ka nui hak a.
Room ah ka chho a, ka thil chu ka in nghal a, tlem chuan min chhawk ve deuh a lawm… 







        Nizan khan chhuak lovin lo mu mai mai ila tha tur, mahse, a pawilo ti tawh mai ang! kea ka kal thui vang a ni ngei ang, ka rawl thum mai! Naktuk exam ve ngei ka duh bawk sia, vawiin chu lehkha zir nasat ka ngai  kher mai. Mahse, luak chhuak leh rawl thum tihreh nan zu ka in leh tho! Zing zing a zu rim nam rum ruma chhungte han hmachhawn chu in thlahrun a na duh viau. 




      ' Mate, i awmdan leh lan dan hian min ti lungngai tak zet a ni. In naupan lai atangin Pathian thu nen kan enkawl che u a, in fel chho viau a, kan lawm tawh teh lul nen, tunah heti hian i tal buai ta mai si a, ka enkawl tha tawk loche em maw ni le? ' kanu in a tih chuan ka khawngaih kher mai. Thu tha min zirtir zawng zawng te chu ka thinlung a a nun reng thu chu ka hrilh a. 




  ' Mahse, ruihhlo ten an la chiah hlum tho tho ang che,'

" Khua a han dur tak tak chuan ni khi  lang leh tur pawh awm lo khawp  in khawiah emaw kal bo daih lovin chhum chhah tak phenah khian mawi takin a lo eng reng thin a , hnehtu a ni deuh ziah leh nghal," tiin ka chhang leh a dik fu lo maw? 




      Zuala'n lehkha zirpuiah min rawn sawm a, ka hnia fithla chiang asin! Zu kalo in hman vangin awmdun kaduh chiah lo.
 ' Nizanah lo kal ka tum a, minlo zirpui duh ka ring lo a.' a la ti zui leh hram. Nghal leh lutuk mai… Mahse, lehkha chu kan zir dun leh ta tho a, dar 9:30 a rik chuan intih harh pahin inchung varandah ah chuan kan thu a, khua a dur khup a, thli a thaw deuh vuk vuk a, a vawt deuh var mai. Zuala chuan a remlo zetin minkuah a, " zan in chu zankhua in kan zir ang," tih pah chuan min kuah nghet sauh a. Min fawh tum chuan min kuaidak a, ka hmui ka chip tlat a. Chuti mai a infawh tir chu ka tum tawh hauh lo. 
  Ka hmui chip tlat chu nawrkau tumin tan ala nasa kher mai! A ban tha chakzet chuan min pawm kang lawp a, ka room pan chuan min pawmlut dawr dawr a, khum bulah chuan dimte in min nghat dat a, " Ka naute, fawp tur che in min ngen rawh," tham tuaka ka beng bul chet a arawn tih chuan, ka tiril a tek chhawk mai. A dulah chuan na lo tei'n ka piai sak a, cool ruih hian alo nui suk! 
      " Hepa zet hi chuan keimah zawng zawng hi min thunun tlat mai nih hi.!"
    " Naute, fawp tur che in min ngen rawh," a tih leh sup chuan ka tang thei tawh der lo, a tukkhum ah ka kut pahnih suih zawm in dingdihlip ak ak chung in a khabe hnuaiah chuan hmui kau tiar in ka melhchho a, a mitah tak ka en a, " ka u, khawngaihin min fawp rawh," hriat tham chang chang chuan kati khur dar dar a, rumchhuak hawk in a taksa betthlap chuan min kuah leh a, duhthawh pawh ni satliah lo in koham em em hian min fawp nghal ngawng ngawng a, ka taksa chu a sa chhuak pup pup a. Kan lungphu te chu a richhuak hial in ka hria. 
      Kawl a rawn phe zawr zawr a, ring mangkheng in tek a rawn tla a, ka phu nasa kher mai! Ruah a tla nghal phuar phuar a, current lah chu ala thim zui. Zuala chu ka kuah leh nghal vat a, a thim bawk si, emergency light lah chu ka nu in nizan ah an room ah a dah daih leh nghal a. Phone light chu ka ti eng vat a.
       Ka room kawngka chu an rawn kik dat dat a, kawngka ka hawn chuan, ka nu in " in zir ngawrh sia, inriltam ka ring a," a thim bawk sia,  tiin emergency light a rawn keng a,  juice leh chhangthawp butter  tahsa a rawn keng bawk a. " Mengrei lutuk lo ula, hei ruah a sur bawk si, current awmlo nen, Zuala, Mami room ah hian mu ve mai rawh , a dawih si, a hlau ang," a tih chuan ka lawm ngei mai. Kan ei zawh in ka nu chuan min  chhuahsan ta a. Rei vaklo kan zir leh hnu chuan thli a thaw nasa bawk nen mu tur in kan inbuatsaih ta a. Bathroom- ah lut in ka inbual sawk sawk a, ka chhuah chuan bawkkhup zawng in a lo mu a, phone- ah youtube a lo en a, ka thawm hria in alo hawi vat a, towel chauh ka ven a vang chuan ka in thiam chiah lo. Min en deuh vang vang a, enge a ngaihtuah tih hriat har zet hian a mengzim deuh san bawk a, " ka lai ve lek lek dawn lawm, min en renglo khan va inbual ve vat rawh," tek a tla ang ka tih chuan, a tho vut a ka towel ven lai chu melh rulh pah hian kha kha kalo hmang ve dawn mi? a tih chuan puan ka la vat a, towel chu la in inbual tur in a lut ve nghal a.
         Ngawireng in ka mu a, Zuala alo chhuah chuan khumbul a sofa ah chuan ka sam kalo hru mawlh mawlh  a, a inhru hul sawk sawk a, boxer nen chauh chuan a awm a, ka hnungah chuan min bawh awn deuh hian a rawn awm a, a taksa khauh tung in min deh chuan a vawt ka tih tehreng nen ka sa nghal pup pup mai. Min kuah deuh vang vang a, min fawh tum chuan min kuai her a, ka lo thlahlelve bawk nen kalo kuah ve nghal vat a, duhthawh em em chuan kan in fawp vawng vawng a., min kuahna chu ka tal pit phut a, a hamhaih ve ngei mai.
    " Ka mu dawn zingah thawh hmat kan ngai, mangtha aw," tih pah chuan ka mu nghal daih a, sofa ah chuan a sintur puan nuam chu ka theh phei a, ka in lukhup ta daih a. 
        Kawl a rawn phe leh zuai zuai a, tek a rawn tla ri leh thuai mai a, ka rak thawt a ka tho rang teh a sin! Zuala bulah chuan ka tlan phei nghal a, a bulah chuan rang lutuk in ka mu ve nghal a, minlo kuah nghal hlu hlu mai. A awmah chuan ka hmai ka phum a, nghet lutuk in a kawng ah ka kuah a. Tek lah chu a khat tawkin a tla reng bawk si! Ruah lah chu a tla tam tawlh tawlh leh nghal! 
       Sofa a tang chuan min thawh chhuahpui nghal vut a, ka bawp chuan a kawngah kherhbetin a taksa ah chuan ka betthlawp a. Khum lam pan chuan a pen nghal pawk a, ka awmbawr ruak kang leh ka hnute hmur tang deuh at chu a hmui sexy zet lum ham ham chuan a nawk ne ne a, a taksa lo danglam ve tual tual chu ka hrethei! 




      Khuma min nghahthlak dawt rual chuan a nui zui hak a, ka mutkawr hak ka kawng a a hnawl tawm vek chu ka ke lam ah a pawtthla hrawk a. Ka khum zau zet ah chuan panty chauh inbelin ka mu a, a mitmeng a min beisei tih hriat zet hian min melh sawr sawr a, nui leh suk in ka ke rek ah vuanin a lamah min pawt hnai nghal hrawk a, phurna nasa tak chuan min tuamdun nghal hlawp hlawp a, ka taksa ah chuan rawn lutin ana zawk mai a, nawmna sawi hleihtheih loh chuan rawn chhunzawm vatin, nghet em em in kan in kuah a, ka sir ah chuan a let thla nghal tap a. 
         Exam chhung chu ka thiante zar ah ka awm tha ve phian,  naktuk chiah kan nei tawh. 













                       CHAPTER 4
  Exam zawh a tih tur kan rel nak nak a. Hmuifang a kal kan rawt thlu ta nge  nge a, tuman ruih tur lampang chi reng reng pai awih loh an ti sap sap a. 




   " Kei chu ka rui ang,! ka tih chuan Zuala chuan, Aw, zu ngawl vei ho tak hi chu." fiamthu ti tak deuhin  alo ti zauh a,  ka melh zui ram ram a, anlo nui dar dar a, zu ngawl vei nih hi ka duh bik reng reng lo! 




   " Nangmah vang a nih hi, biahthu der kha minlo hlan lo la chuan…. ti a au khum vak chu ka chak hle mai." Ka ngamder bawk silo. Mahriati chuan a lo hau vat a. Mipa ve si tawngthei zet zut lutuk a lo ti ve bawrh bawrh a. A in thiam leh chiah lo a nih hmel! 




    " Min ngaidam rawh, ka tihpalh a nih kha." a ti sup.




   " Mi rilru tihnat i hreh lo ang bawk in, ngaihdam dil leh pawh i hrehlo kher mai," kalo tive hmak. Thinrim tun reng bik kha ka duh loh a vangin, hlim awm tak chuan ka nui ve leh tho mai. 
       Exam zawh tuk chuan Hmuifang a kal tur chuan kan chhuak ta a.
    " Zo, tinge an bulah khan i chuan ve loh"? Mahriati'n a rawn tih chuan kalo phu deuh zawk a, harh chhuak thut in zawi zet in thawk kala deuh ham ham a, "i bula chuan ka duhzawk vangin," tiin kalo chhang a, buaina kannei tih kha a hriat ka duhlo. 
     A hmun kan thlen chuan midang pawh anlo awmve nak nak a, hmunfal deuh lai chu kan pan a, thlifim a thaw heuh heuh bawk a, a nuam ngei mai. Ni a sa vaklo a, khaw awmdan nen chuan ka cool deuh ruih mai. Jasaon-a chuan youtube- ah hla a play- a, ruah a sur dawn vang chuan kan eitur ken te chu kan ei a, kan haw ta dial a.







       Exam chawlh chhung a Champhai a awm hrih turin kanu in min ti a, hreh viau mah ila han awm tak ah chuan a nuam ka ti ta phian a, zu a awm hi chuan khawi hmun pawh hi a nuam kati vek tawh mai. 
    Ka nuteii fate chuan hla an zir a, zirpui tur in min sawm a, ka zirpui ve mai, mahse, ka zai thei tawh hlawl lo. Ka thlan
 atla nasa in, ka thaw a hah hma tawh em em a, hetia han awm chu ka duh lo hle mai. Chumi tireh tur chuan ' zu'  bawk a ngai leh tho si!




           " Zu ngawl ka vei tawh tlat a."




      Thinlunga Zuala zun tham ral silo up hlum ka tum hian min tina em em bawk si! Ka khawvel hi a ná ni berin kahria. Ka rilru a hah poh leh ruih nasat ka duh zel bawk nen. A va hahthlak tak !
    Zan in chu YMA thil tih khawm na ah zai tur in min sawm ve a, ka zai ve hmiah mai. Rin ai tak chuan ka la zai thei phian a,. min lawm thiam hle mai. Tlangval la naupang hmel tak hmeltha deuh  nen kan in kawp a, a hming pawh ka hrelo. Kan rui lutuk a, zing dar sarih ah ka haw chiah, ka nuteii'n min hau ve hlak a, anpa chuan nula an ni ve tawh a, tiang chang te chu a awm ve tur a lawm tiin ka thlavang alo hauh ve nasa mai. Mahse, tunge ka kawm a, khawnge ka riah pawh min zawt chuang lo.
          Rui reng rengin hun ka hmang a, hun pawh a kal duak duak mai. Hman zana ka tlangval kalpui ve ngawt lah kha ka nutei fanu Amawii chhass alo la ni zuiii,..Hui ha! 




          Zuala leh Nubawihi ka hre chhuak a,  ka nuih lam lam a za… engpawh nise,  kan rui dun em em a, engtin mah kan awm chuang hlei nem! Amawii pawn engmah a hre chuang hlei nem…. 




       Kan result pawh alo chhuak ve ta reng mai, ka pass ve hlauh mai. Ka lawmna aiin mak  ka tihna hi a nasa fe zawk mai! Ka thiante vang liau liau niin ka hria, champhaia awm rih ka duh tehreng nen… haw a ngai tlat mai. Ka nu a tha vaklo a, min ngai hle ni awm e. Ka nu hi hnute cancer a ni a,  a hnute dinglam hi an paih sak tawh a, alo taidarh tawh a ni mai thei. Zuala'n min rawn lam dawn tih ka hriat chuan ka phur teh chiamlo kher mai.
      Chhun a haw a duh viau na in, zan haw ka rawt ve tlat… a hmangaihna chang pha ve tawhlo mah ila, zankhat na na na chu ka bulah  hun a hmang ve tur ani. 

" Apuii bul ah ni lo in…"


Thim zing a motor a khalh lai chu ka en reng a, ka rilru a na  leh tlat tawh. Chuta chhap ah Apuii kha a bialpa hlui Faktea nen an in ngaizawng leh a niang, a rilru nat thu min la hrilh zui! Teh hrep hian.




 Mittui tling pam chungin ka thiam dan ang ang chuan kan hnem ve a nih kha! Apuii chu a lo hmangaih hle a niang. ka thinlung chu a pik lutuk, zu ka hawn chu ka in hmiah a, min hau ve khanglang leh nghal! A hmuh lai a tah ai chuan chahthlak san hmiah kha ka duh zawk. Ka harh chuan motor chu alo ti ding a in kan thleng tawh emaw tih nak alai in, motor lian in kawng alo dang chu ni in… ruah a sur cherh cherh a, thil ka hre chhuak zawk mai. Ruah sur cherh cherh laiin hmangaihna par tlan dunin ramri kham pel rawkin khawvel kan chendun a nih kha! 




           " Boruak awm dan hi a sexy riau tiraw? kan hun kal tawh kha min hriat chhuahtir a lawm le," tih pah chuan ka chal a rawn fawp nia mawle! A duh thawh zel a, ka hmui rawn fawh tum chuan a lam ah min pawt hnai a, a fawh leh khawih vel chu duhlo viau mah ila, ka taksa chuan a hnar thei der lo. 
   Aw Lalpa, Zuala hi a â ta mai em ni?  Thih daih mai ka van chak em… harsa ti zet in ka hnar thei hram a nih kha!!!




    In kan thlen chuan ka chau ve viau mai. Bathroom ah lut in ka inbual nghal sawk sawk a, tui vawt tak a inbual chu ka harh kawk mai lawm. 
    Ka room ah chho nghal in towel chuan ka lu ka tuam a, darthlalang hmaah  ka thu a,  zawi muang in lotion ka in chulh a, ka hmel chu a tla dak mai, ka taksa pawh alo cher hman tawh khawp mai. bath rob chu phelh in ka in thlak lai chuan Mahriati alo lut a, ngawi rengin kan in nuih tawp. 




     Mahriati chuan Zo, kan thian ho kan pass vek a a lawm nan zan in ah Jason-a te in ah party kan rawt a, ka rawn hrilh che nih chu, a tih chuan kalo then sak a.
       Nia, kalo tum dawnnia mahse, kei chu enge maw tello chuan ka theilo nia, katih chuan a ner nang nang mai.




Zan ah chuan Zuala nen kan kal dun a ka hlim hlawl lo, Jason a te thenawm tlangval Mawia leh Apuii an rawn kal ve a, ka mood an ti off nghal vek. 
    Zuala chu a ngawi ngul reng a, Mawia chu a thik chiang mai. Mawia nen chuan enge maw vangin an inhnial thinrim a, an insual ta mai… an thelh nghal vat a an inkhawih na hmanlo hlauh.  Zuala chuan i rui lutuk dawn haw nghal ang, a tih chuan ka duhlo bur!  Lunghnur deuh tak chuan amahin a haw ta a, ka khawngaih viau mai. Kei hi hlimlo mah ila Zuala tal hi chu hlim tur in ka duh a sin!! 
        Zuala haw hnu chuan whisky ka in belh leh a ka rui rapthlak. Mahriati leh Jasona'n kan kawt thleng min thlah a, an let leh nghal a. Ka ruih em vang chuan inchhung pawh ka lut thei lo. Varanda thuthleng ah chuan ka mu tawp a, ka chatthla zui… hit lo thei viau mai. 
    Zing ah chuan ka nu in min rawn kaitho a, a rilru na hmel ka hmuh chuan ka khawngaih ve tho mai. In chhung ah kan lut a, midang anla tho lo hlauh, tihchi lutuk. Ka room ah ka nu in min chhohpui nghal a, min zilh hlak a nih kha… 
        Vawiin chu Zuala a lo leng ve teh mial a, kalo rui leh hle tawh a, ka awmdan bawraw tak a vang in min hau a. 
   " Engvanga rui reng nge i nih a.? tiin min zawt a, ka hrilh lo chiang ang chu aw… 
        " Nang pawh engvangin nge  ngaihzawng hlir hi i buaipui a, pakhat hi i duhtawk thei mai lawm ni, ? ka tih chuan a thaw deuh hrawih . 
       " Tumah kha ka duh tak tak lo, ka kawp vel mai mai a nih kha," a tih chuan ka awihlo lutuk chuan lei ka chhuah khum vak. Inkawp leh tur a min sawm chuan kalo teu hlar. 
" Infiamna ang lek a min ngai a nih chuan i tisual hle ang, hmangaihna hian tawpchin a nei thin, duhreng vang ni lovin! Nang hian min tina a sin… i hmangaih tak tawng turin kalo tawngtai sak thin ang che." tiin ka lo chhang hmiah nih kha!




         Vawiin chu zingkar a tang zu ka in a, college ah pawh chuan kala rui hle mai. Hui ha… college a tang chuan min hnawt chhuak! Rui chunga class chhunga ka awm thin a vangin college zahawmna ti bawrhbang ah min puh a nih chu… pawi kati therte lo! Lehkha zir a ngai tawh dawnlo tih na ni mai.Eng helh neilo lekin rui char char ila ni mai. Mahse, chhungte leh ka thiante chungah ka in thlahrung ve det…







      Ka chetdan chu a mak thei khawp mai. Zankhat lek emaw ka riah bo ka ti a, karkhat zet kalo riak bo pek a nih chu, ka pa in an mangan zia sawiin, ka riahna min zawt a, hrilh kher tul ka tilo. Durtlang rama Hlimtea te thlam ah Sangzuala, Dinpuii, Hluteii nen zu kan luantir a nih kha… nuam mai mai tak a ni! Hlimtea erawh vawikhat mah a rui ve miah lo nia! 




     " Aw, karkhat lai maw ka riah bo kha, chuti nih chuan Zuala nen kan in thenna kha nimin lawk emaw ka tia, alo va rei tawh ve." Ngaihtuah chian chuan kum hial alo vei tawh a nih chu. Zuala nen kan inthen a vanga rilru na kha reh a hun daih tawh a sin! mahse, a zun ngaihreng ka bangthei silo! Kan hlimdun lai te kha auh kir leh mai ka van duh em! mahse, atheih chuang silo maw! kirzai rello in a her liam zel mai si. Nakin ah phei chuan hmanlai an chang zo ve mai dawn ani tak sia. Aw… Zuala unau anga kan lo awm reng lo kha a pawi zo ta nih hi tiraw? 
       Aw Pathian, engthil nge ka tih leh tak? Zuala… aw… min hmusit phah nan hmang lo hram ang che… a pawi emai. A bialnu thar Maengi nen an in kawp tih hrereng chungin thlemna ka do zo leh ta lo. Hmangaihna kan chendun leh hram a nih kha! keima thiam loh vek hi a ni. Mahse, a ni pawh a thiam bik chuanglo bialnu nei reng chungin min beisei tho thin a nih kha. 
         Bathroom ah lut in ka inbual a, na chhawkna eiin ka mu zal a, kalo muhil daih niin, ka harh meuh chuan alo tlai tawh hle. Room atang ka chhuak a, ka u room chu ka bih dek dek a, alo thim vek a. Inhnuai ah ka chhuk thla a, ka nu leh pa pawh anlo haw tawh. Choka ah ka nu in eirawng a lo bawl a, ka pa chu chawei dawhkan bulah thu in Bible alo chhiar a, min hmuh chuan minlo nuih suk a, a bul ah chuan ka thu ve nghal a. 
    " Pa, khawnge ka u hi"? a dar ngheng ar ar pah chuan zawi nghiai in kati sap a. 
   " I u te chu a office bang a room ah a chhoh nghal kha, a mu ani lo maw.? a tih chuan, a room a thim vek sia, a muhil leh pek tawh niang tiin ka chhang puat a.
      Nu-i thingpui minlo pe dawn a maw ka tia, a tih zawm nghal zat a. 
       Khawi keiman kalo pe ang che, keipawn ka induh a lawm, tiin ka tho nghal tharh a, ka lu a rawn hai thut a, ka mitchhingin ka chal ka dawm vang vang a, ka pai deuh khat khat bawk a. 
    " I van nawm loh hmel ve mami"? ka nuin a rawn ti nghal vat a. 
   ' Nuam e' thawh thut lu hai a nih kha kalo ti vat.
" Tunlai hi i zawi thei riau mai, zu in hi sim tawh rawh, in check-up ila a tha ang," a tih chuan kalo ner khum nang nang a. 
       " Ka nuamlo satliah mai mai," inentir a ngailo kalo ti hlar a. 










          Zuala Ka hmangaihna leh thikna tang kawp chuan a chhass te phatsan tir duhna rilru min pe a, a duhthusam ang ngeiin he ka taksa mipa dang ka hlan phal loh hi phaltak in ka hlan leh ta mai a nih hi! Mahse, awmzia a neilo chiang kher mai… 
      Nizan ah hmangaihna kan chen dun a, zanin ah nula dang rim turin a chhuak leh ta du du mai. Thla lah chu ngeiawm khawpin a la eng zui! Thla eng lawm a kan pahnih chauh a  varanda- a kan in fawh lai te kha aw!
      " Van angel rual te u, hman ah chuan in fak thin Pathian hi ka fak ve thin ngei a lawm, mahse,… tun ah chuan Setana nau ni mai awm in ka tal hiar zota"! Harhfim in khawvel hi ka hmachhawn ngam tawh thlawt lo. 
       Ka duh reng vang nilo a, zing ka thanharh ruala Zuala hmel  ka mitthla a lo lang thin hian, nilenga thinlung na vawng vawng tireh tur hian maw, ruihhlo lo chu a awm silo a nih hi. 
     " Saw, a leng chu alo haw chiah a lawm, tu emaw tang belin hmangaih biahthu a va hlan leh ngei awm sia maw… kei lah amah ngai em em in kalo tap si!




          " Dar 11:30 a ri chiah a, ka rilru ah sual alo lut thut a, thawmdimte in ka chhuak them them a. Zuala te garrage-ah chuan ka lut a, a bike seat kazai chhiat sak vek a, kan bawlhhlawh bawm leh an bawlhhlawh bawm kawngpui ah ka bun vek a, pot pawh ka hun thlak sak vek! U Lawmi kekawrte pawh Pu Zama te kawngkhar ah ka kap parh duai mai"! Zing an thawh chuan an thinrim ve khawp ang.Pawi kati sih sah lo, nge ka thinrim so sang hi an tuar ve ani mai.







      E khai, ka nunin a zirlo bawk a, zan hnih thum lek lek police lock-up a riah chu ka ngah ta hle mai. mahse, hreawm kati lutuk tawh lo, ka riahchhan diktak ka ngaihtuah chuan ka rilru a na thin khawp mai, chuvang chuan nasa leh zuala ruih a ngai leh thin. 







     Umh… hmm…. ka riah bo loh leh ka rui zawi thei si, chhungte mitmei kawi pawh ngaiah ka nei tawh. College lah ka kal tawh bawk silo.  Mahriati alo leng a min zilh leh hrep tawh.
        " Zo, engvanga rui reng nge maw inih le, i ruihchhan tal hi chu min hrilh vela? a tih chuan ka ngawireng a.
       Mawh… rilru natna i nei chiang mai. bialpa i neia a duhlo che mi? engkim min hrilh ve vek rawh, a tih leh chuan ka nui ringawt a, engmah ka sawiduh loh vang chuan a thinrim lutuk chu a tap hial mai, thiantha ang ah pawh min ngailo a nih hi, a tih phei chuan rilru a buai duh kher mai. Mahse ka unaupa nen a kan chungchang hi tumah hrilh ka tumlo. 










            Vawiin tlai nitla tur chu a engsen phut mai a, sava te lah chu nuam tih hmel takin an chiar nak nak hlawm a, a rem tur takin thlifim a thaw heuh heuh bawk a,  'd' zun ngaih lah bang thei silo. Ruihhlo leh tlangval dang hmanga up hlum ka tum chu kaihthawh a awm in, thinlung hliam dam theilo a tang chuan thisen a lo hnam leh ta! Ni tla tur thlir chungin guiter nen varandah ah ka thu a, ka zai vang vang a.  Zuala alo kal tlat mai. Hlimtea nen kan chungchang min zawt leh a, ninawm lutuk, min zawt zing tawh mah mah ni, ka hrilh peih tawh bik lo. Hriatpuii nen in la tha zel em? tiin ka zawt let ve zaih! 
          Apuii'n alo sawibuai a, ka fa pai angin alo sawi bawk a niang, kan inthen daih a lawm."
         " I nei dawn em"?  ka tih chuan, " dawnlo ka tihtlak tir dawn" a tih a tih awm hawt lo chuan, engvangin nge kafa a nih ngawt ang! a ti nih chu… rapthlak hian. 
      " Nupui tur khawp a hmangaih ka neilo" zuk ti a.
         " Nang hmangaih i nei bik a mi? tiin  min zawt a, hmangaihna awmzia te min zawt bawk. Hmangaih ka neih bik loh zia ka sawi khum chiam a nih kha… 













                          CHAPTER 5
       Vanduaina hi chuan a um in min um a nih hi! Mahriati te in ah ka leng a, ka haw lam chuan ka chauh lutuk vangin lu hai in ka tlu a, Damdawi in ah min hruai nghal a. Aw Lalpa, ka thu hriat chuh!
     " Naute thla thum mi kalo pai reng a nih chu! Zu ka in nasat lutuk vangin ka thin leh pumpui a chhe nual tawh a, naute tan a pawi theih a vangin enkawl rih ka ngaih thu min hrilh a. Min lo admit a karkhat lai ka riak nghe nghe.                 




          Hmangaih ber te fa han pai chu lawm viau awm tak! Mahse, a rang thei ang ber a paih ka duh a ni. Keima thu chauh a paih kha Hospital dan a ni bawk silo. Ka chhungte lah chuan in ah kan ngaihtuah tha leh ang an ti bur bawk si. Hei nimin ah ka chhuak a engmah anla sawi chuang lo. Zanin hian sawi tawh se kati ngei mai. 
     Damdawi in a ka awmlai khan zankhat chu Zuala'n min riah pui a(naute pa!) rilru hah nak a laiin Dawrpui nula Hriatpuii'n a rilru a luah leh tawh thu min hrilh a nih chu! Apuii nen anla inthen tak tak bawk silo, Unaupa(!) lerh deuh neih chu a buaithlak kher mai. Tu fa nge ka pai tih min zawt nia! He pa lerh lutuk leh mawl bawk si hi engtia tih chi nge maw a nih le?????
              " Ka rei!! engtin nge ka awm zel dawn le? Nizan khan Zuala te unau ho pawh ko pheiin min dawp ta! Nau paih ka duhthu ka sawi chuan ka pa ngaihdan a nilo bur!! " Naute pa sawi la, in innei ngei ngei tur a ni a ti mauh mai! Ka sawi chuan Zuala'n engtin nge a ngaih ang? Min hmangaih loh bak ah nupui neih a la duhlo, Apuii a then theih loh bak ah, Hriatpuii a buaipui mek ani bawk si. Ka chhungte leh thian ten hria se mak an va ti dawn em.!




      Zuala te nen hian chhungkua ang maiin kan in en a, a nu leh pa te hi motor accident vang a an boral dawn in kapa hnen ah Zuala te unau hi fa anga lo enkawl tur a an chah ang in tihian chhungkua ang maiin kan khawsa zel mai anih hi. 
      Naute pa hming chu min zawt tluk tluk reng a, ka sawi duh der silo, kapa thinrim lutuk chuan min vaw ta chiam mai. Ngaihdam dil paw'n awmzia a nei chuang lo. " Ka sawi dawn chuang lo, min vaw hlum tawp mai rawh," ka tih phei chuan a thinrim zual sauh leh nghal. Sawita ila Zuala chu a tan ka ring lo a, chhungte vang paw'n min nei ngei bawk ang. Mahse, nupa hlim kan ni ngai dawnlo a, a ni phei chu hreawm reng reng in a hun a hmang tawh ang. A nun khua tih chhiatsak ai chuan keimah in ka tuar zel zawk mai ang. Ka hmangaih hi a hreawm ka phal ngailo ang! Zuala himna tur ni a ka ngaih a vangin, ' a pa puh tur ka hrelo a ni,' kan ti mai chu, kanu leh ka u te an tap nasa ngei mai! Ka pai'n min vaw nasa zual sauh bawk si, mahse, a pa puh tur pawh hrelo khawp a fanu sual leh sawnpai neih chu ka pa in min duh ta tlat lo mai! Ka ngen chiam pawh in min pawm duh tawh tlat lo. Kei leh Zuala nen a kan fa chu chenna tur nei loa zan thim hnuaia hnwhchhuah in kan awm ta! 




  " Ka nunin zir mawlh heklo, ti ila… Zuala vang a ni zawkmah ang chu! tumhnih ngawt duhloh, hnawl a hnawhchhuah ka tawk ta.!" Tun tum pheichu a rapthlak kati tak zet!
       Khawi lam nge kan pan tak ang? Mahriati lah a Patea damlo tlawh turin Seling lamah a zin daih bawk si! Ka uten ka pa an ngen mawlh mawlh kar ah chuan ka nu tap ri pawh ka hre thei, k'u Lawmi'n min rawn um zui a, cheng singkhat min rawn pe a, " Mate, ka nau i ni tih hi theih nghilh ngai suh aw…," i mangan leh buai hunah min rawn phone thin dawnnia, itan ka awm reng dawn lawm, a tih chuan ka insum zo lo, kan tap dun a, ka pa chuan vin thak hian, Lawmi i zui ve nghal dawn a nih loh chuan rawn lut nghal rawh, khatiang misual lutuk kha i unaunu nitlak pawh a nih chai loh kha!!  a rawn tih chuan rang zetin a lut ta a. Keipawh kalna tur hrelovin kawngpui ah chuan ka pen chhuak ve ta a.
     Hlimtea nen kan in tawk hlawl mai, engmah pawh sawilo chuan ka panhnai nghal ruak a ka tahkhum chiam ringawt.! A ngaihna hrelo zet chuan ka tah chhung zawngin min kuah a, ka hnung ah a beng pah thek thek bawk a, ka thla amuang nghal hle mai. Duhtawk a ka tah hnu chuan, thil awmzia min zawt a, ka hrilh chuan an in lamah min hruai a tum a, ka duhlo zet na in, an in lamah katan hmun a awm tih sawiin min hruai haw ta a. Ka hreh viau na in, zanin chauh chu riak phawt ila, Mahriati lo haw hun ah tihdan a hre mial maithei a sin! 
     An in kan thlen chuan alo reh thiap a, a room lam panin kan chho nghal a, a khumah chuan ka thu thla nghal hnawk a, ka hmai hupin ka tap khur leh ta ngawr ngawr a. Tihvak ngaihna min hriat loh avangin ka darah minlo kuahve ringawt a, chutia tah chiam chiam ringawt chu ka inthiam chiah loh avangin, ka mittui te chu ka hru hul sawk sawk a.




      " Ka pa min vuakna hliam ah te chuan damdawi te min hnawih sak a." Ka taksa hliam nasa tak chu a thla lak a dahthat ka duh ta tlat a, underwear leh kawrhnuai chauh ha in Hlimtea hmaah chuan ka in post leh rih a, kan nui dun leh rih! Kan hlim leh ta phian a. A nu leh pa leng pawh anlo haw ni ngei ang, Hlimtea chu a nuin a rawn au lang lang a, kan pahnih chuan a room atang chuan kan chhuk ta a. A nu leh pa hmachhawn chu ka huphurh ngang mai. Engang pawhin minlo tawngkhum mahse tawrhdan ka thiam theih nan ka rilru chuan ka tawngtai thla mawlh mawlh a. Sitting room-ah chuan an nupa in anlo thu a, min hmuh  chuan mak anti hle tih ka hre nghal mai a. En pawh en ngamlo chuan ka kun ta daih a. Thil awmdan vel Hlimtea'n a hrilh chuan, a nu leh pa ngaihdan chu alo nilo kher mai. 
        " Hetiang, mihur zungawl vei leh nghal kan in a awm ah kaduh reng reng lo," a pa chuan a ti ta hmiah mai. Mak pawh kati lutuk hran lo. Ka  Nu leh Pa pawn min duh bik chuang hlei nem! Kal chhuah nghal mai tum chuan ka tho chhuak nghal vat a, Hlimtea chuan minlo pawtthu leh nghal vat a. A nu leh pa hnen ah chuan ngen tak te hian a han ngen a, awmzia a awm chuang lo hle. Ka bula rawn kalve mai chu a tum a, kalo remti lo nasa mai.
    " Min hnar thei chuanglo ang, ka chhungte hi chhungte tih tlak pawh anlo nih chai loh hi, an in tih pianthar hlawrh hlawrh teh reng nen.!" a ti ta chiam mai a. A pa in, " E, ka fapa tih che pawh a zahthlak ta khawp mai, ka in chhung hi rawn rap tawh hlek suh," tikhan in pahnih khan va hur vak ula ti nia,   a tih chuan "




        " Keipawh in ka nu leh pa tih che u hi zahthlak kati fe zawk," he in a kalo kir tawh loh nan ka tawngtai thin ang, mahse, Pathian thu ka ring e bal e, in tihdan hi lo in enfiah ve thin ang che u," a tive ta hmiah mai. Keimah vang a zankhat thil thu lek a, a hma a in nghirngho na nei miah silo, chutia an in tuithlar veta mai chu ka in thiam thei thlawt lo. Khatla veng chhungah hian ka tan hmun a awm ve ta silo, khawi lam nge kân pan ve tak ang, keini nufa hian ? " I mittui te kha dan kir tum hram hram la, a bak zawng chu ka tih turah dah vek rawh," tia hnemna awka chuan ka thla timuang viau mahse, keimah vanga anu leh pa unaute, an in thlengin a chhuahsan ve kher chu ka in thiam thei lo, a pawi kati tak zet zet a ni. 
     Ka thawmhnaw nen bike-a chuan chu a rem changlo hle mai! Bawngkawn a Hlimtea cousin-te in kan pan a, thil awmzia ahan hrilh chuan anlo fel em em mai a, thingtlang lam a tang a, rawn awm an ni a, an unau in an awm a, a nau in pawl12 a zir mek a , a u hian sorkar hna chhete a thawk ve a. An fel lutuk chu a in thlahrun awm rum rum zawk mai. Kan duh chen chen awm turin minla ti zui… Ka pa min vuak na hliam vel vang chuan ka mu hlei thei miahlo leh nghal, rilru lam na nen ka tap tlaivar zak! vawiin pawh ka che tha thei der lo mai. Zu chu in ila ka zia deuh mahna!
      " Zuala, ka hua che, ka haw tak zet che. Mahse, ka hmangaih reng tho ang che." Nangmah vang a ka tawrhna zozai hi i hriat chhuah hun chuan tlem tal chuan min khawngaih ve ngei ang.
      Kar khat zet chu kan awm ve ta reng mai. Hlimtea nau te hi an fel em em a, a nau mipa hi Valtea niin, a u hi Maengi a ni thung. Maengi hlawh hi a tam viaulo na in an awm thei phian a, chhungkaw pangngai neih ang chu annei kim ve vek! Min duat thiam lutuk hi nuamlo katih phah zawk. Hlimtea hian PWD-ah JE hna a thawk ve tawh a, a zia phian mai.
   Maengi te unau hian nupa ang ah min ngai hmiah a, pawi pawh kati lo, sawi kher kha tul katilo bawk. Ruih ka mamawh tawh lutuk hi zan ah hian ka muhil tha thei lo a, ka taksa a na in chaw  ka ei thei bawk si lo. Hlimtea hi a mangang thei thin khawp mai.




     Hlimtea hi chu mak tih loh rual a ni lo, ka tan a Pathian ruat liau liau alo nih hi, vawiin chu zu min rawn hawn nia mawle, khawia mi nge ti a ka zawh lah chuan, " ho lutuk, nui la, a bak zawng chu ka tih tur ah dah rawh," tiiin min chhang mai nia!
  Maengi chuan zu ka in thin tih a hriat chuan pawi ati em em a,  a u hnen ah , then tum la i tan atha zawk ang,  a tih chu ka hre ru a, Hlimtea chhanna chu mak kati kher mai! " Engtin pawn lo khawsa se, zu ngawl vei pawh ni rawh se, enkawl ka huam a,mite'n misual, zu ngawlvei an tih thin nun ah hian vantirhkoh nun thianghlim leh duhawm ka hmu a, silfaina tuifim a tanga lak chhuah rual a rimtui siamna khura kum tam tak chiah leh hnua khawvel rawn rap ve chauh a nih hial ka ring,! a tawng zawngte hian zawlaidi a phuhchhuak ni hialin ka ring a sin.! Vanram ah pawh khian a aia ri mawi a awm bik lo ang tih tur khawp in a nui ri te hi a mawi bik a sin! Maeng, ka thatna tura i rin min hrilh a vangin ka lawm khawp mai. Ka nuna mi pawimawh ber hi ka kal san thei lo. Ka hmangaih em em a sin,! theihnghilh na hun pawh ka ngah tawh a lawm, mahse, keimah hian ka theihnghilh phal nganglo a ni, ti a a chhan chuan Maengi pawh chuan lainat hmel tak hian a hnem let zawk ta hial a. Hlimtea'n minla hmangaih tih ka hriat chuan mak ka ti lutuk! ka ring theilo hial zawk. An in kan chhuahsan dawn pawh khan thian tha kan ni, a ti mai kha ni sia.
     Room- a ka lut chiah chu Maengi a rawn lut ve nghal a, ka phu deuh zuk leh nghal. 
 " U Zo, ka bialpa hlui in veng a mi ka hrilh che kha, ka duhvak lo ka tih kha alo kal a, rawn hmuve hrim hrim la,  u Hlimtea nen chuan an in hre lutuk," tih pah chuan min kai chhuak dawr dawr a. 
   Aw Lalpa leh! ka mi hmuh chu tu dang ni lovin Zuala ni reng in… Maengi a sawi thin kha Hlimtea unaunu hi maw lo ni… hriat lohna zet hi chu! Min hmu thut chu a meng phawk nasa teh a sin. Maengi lah chuan " hei ka u te nupa an nih hi," tiin min la in hmelhriat tir zui… ka nuih za lutuk chu ka in sum hmanlo ka nui ta nghek mai a, eng ber chu nge ka nuih chhan pawh ka hre chiah lo, Zuala ka runluih na ni ber in ka hria, Maengi chuan ka u nen in in hre si a, U Zoi nen pawh hian in inhre ve tho a ni maw? ala ti tak deuh deuh a.
        " Kan veng hi kan tam ve tawh a, ka chhuak vak ngailo a, hriat ka nei vaklo, bak ah min hria pawh an awm vaklo," ka tive hmiah. Hlimtea leh Zuala chuan mak an tih hmel nasa, an hawiphawk dun hra mai.
       " Ka pum chhungah ama fa ngei ka pai mek a, chutah a thik em em thin, Hlimtea nen nupa angin Maengi te inah kher  min rawn hmu a, ka lo la hrelo der leh nghal, mak min ti viau ang. Kan chhungte ve ve a hrilh mai chu ka hlau thawng viau." Mahse, inti mipa ve tawk tak a nia, a tawngtheih viau chu ka ring lem lo.
      Zuala lo kal atang khan thla khat a liam leh ta reng mai. Engmah a sawilo a niang, chhungte thawm kan hrelo e mai. Mahse, keimah zawk hi ka dik lo tlat! Ka rilru nâ a zual tlat mai. Harhfimin khawvel ka hmachhawn ngam leh ta lo! Hlimtea'n min hawn sak zu leh ganja chu ka in hnemna ber a ni leh ta! Hlimtea rilru hi eng nge ni ve le? Naute paih mai ka sawi lahin a remtilo bur bawk si! Chutah, ka ruihna tur lah chu min hawn sak reng bawk sia. Nupui a tan min duh a niang a! Chu chu ka ring chiah bawk si lo. Kei ang, hriat loh fa pai, ruih hlo ngai leh nghal hi nupui…! Zahthlak zawk… ngaihtuah loh loh tur… nau hi kan paih ngei tur a ni. 
   Tlai a Hlimtea office bang rawn haw chuan, ka thawmhnaw tur leh naute puan tur a rawn khai haw teuh mai a, naute puan tur a rawn hawn hnem lutuk chuan ka nuih a ti za kher mai. Hrilh hai tak chuan min en a, ' tinge, ka lei diklo a mi?' a tih chuan, dik e a tam lutuk a tiang zat zat a ngai hleinem ka tih chuan, a in thiamlo hmel lutuk chu ka khawngaih zawk.
   Tlai chaw eikham chuan Hlimtea chu pawimawh ah a chhuak a, lo nghah pah in varandah ah kalo thu a.
     " Khawnge in pa?" Zuala'n a rawn tih chuan ka phu nasa in ka thinrim kher mai.
      " Enge hetah i rawn tih dawn? kalo ti hlar a, min chhanglo in a thaw hrawk ringawt.
     " A tir te khan naute pa hi tha tak khan sawive mai tur che lawm, inneih kan phal i ring vaklo a ni maw? nge nia i puh thlu ve tawp zawk"? min ti nih chu, ka tap lek lek mai. 
     " Tumah ka puh lo, tumah  pasala  neih ka tumlo bawk" kative hmiah, thudik a hriat ve kher kha tul kati teh chiamlo. 
 " Uai, ka nau duhtak hian nawhchizuar ang lekin mipa te hi khumlaizawl alo tawmpui thin a ni maw? min la ti ngam nia, hepa hian zahna hi a pianpui ve miahlo a nih hi!




       " Hlimtea nen hian khum kan intawmlo."




       " Tuma'n in room-a thil thleng kan hre ve hlei nem."  Mahse, a pawi hleinem tiraw? hei hian pa a mamawh ve tlat sia lawm," tih pahin ka dul a rawn zut ngam nia mawle, min fawh te a la tum zui! Teh chai hian….
    Ka thinrim lutuk chuan a hmai ah  kan beng nghek mai a! a thle sawk thei! nge pawi ka that lo ji laem zawk rawh se! ka kut a thip zawk thei hial!  Hriatpuii zuk fawp rawh tiin kavin tuarh! A rin loh lutuk a kut ka thlak chu a ti hrilhhai ve a niang, min en ren rawn a. 
" Kawlh lutuk mai, ramhuai i nih hi, ramhuai min ti nih chu ! 
" Hreptak che hian… vawikhat mah ka mit hmuh phakah rawn inlan tawh ngaisuh." ka tih chuan, min elsen zet hian a nui vur vur nia mawle.
    Hlimtea lo haw chuan khumah a vang zawng ngatin zu no ruak nen kalo mu a, min mut that tir te chuan ka ruih em vangin ka tawng peih thlawt lo. Ka muhil emaw a ti niang. A chevel chu a rukin kalo thlir reng tih a hremiah lo…
   " Ummm, i mumang ram chu tawmpui i hlauh hmel e mai. Mahse, pawilo e, tah tlaivar fo ai chuan i chahthlak hmak hi a that zawk ka ring, thil thalo tih hrereng mah ila, i ruihna tur chu ka hawn sak zel rih phawt ang che. Vawi khat nui la, a bak zawng chu ka tih turah dah rawh," tiin a phun sap sap a. Hlimtea awmdan chuan  ka lung a ti chhe viau mai, ka tah chhuah mai loh nan ka in sehruh tang tang.
     Zingah chuan ka harh hmave hle mai, mahse, Hlimtea chu ka thawh khalh chuang lo, chhuata a mutna chu alo tel fel leh diam tawh. Bathroom- ah phak chualin ka lut a, a thingrim ka nam rum rum leh nghal! ka thawm hria in Hlimtea chuan bedroom a tang chuan min rawn au a, ka inbualna tur tui lum a peih vek tawh thu a rawn sawi a, ka then sak… pa tha tak zawng ava ni chiang tak em! 




      Ka inbual zawh chuan room- ah alo la thu reng a, phone- ah tu emaw hi alo be mawlh mawlh a, kava luh chuan phone chu a dah nghal vat a. Hlim deuh hian minlo nuih var var a, ka nuih let ve sak. 
    A rawn chhuah chuan Naute paih chung chang bawk ka sawi leh a, a hnual nghal rawih in ka hria. Mak deuh mai chu, inneih pui ah min sawm a nih chu! Hmangaih deuh ka neih thu leh, min duh ve loh avang a ka talbuai zia te, a fa ka pai a, a pa ka sawi chhuah duh loh thu ka hrilh vek tawh chung pawh hian a nupui atan min la duh tho ang maw? Aih, min hmangaih vang ni lovin, in kan chhuahsan ve ve tawh a, a naute bulah nupa angin kan awm tawh bawk si, thil a awlsam zawk nan inneih mai kha tha ber a a hriat vang a ni ngei ang. A sawi dan chuan Zuala'n keimah min ngaizawng lo tur leh ka hnaih a awmlo tur in alo vau thin thu min hrilh a nih chu! Hepa chetdan em em hi chu! Ramhuai a zawl a ni hial lo maw???




           Vawiin chu Mahriati ka phone- a, thil pawimawh deuh hrilh tur ka neih thu ka hrilh chuan a phur ngang mai. Mahriati alo thlen chuan kan room-ah kan lut nghal a, tumah an awm loh a vang chuan kawngka chu kan kalh a. 
     Zu ka la in reng vang leh nau ka pai bawk si a vang chuan ka cher kiam mai a, ka vun pawh a nunglo khawp ang… Hlimtea hian vitamin leh thei lampang chi reng reng hi ka nghei a remtilo bur mai a, englai pawh hian duhtawk a ka eitur hi a awm reng. Ka ei peih loh em thin a vang hian thei lampang chi phei chu Maengi hian min eipui ve thin a, damdawi erawh hi chu Hlimtea hian a awm laiin, chaw eikham vel ah hian theih nghilh nei miahlo in min eitir ngei ngei thin. Hei vang hian a hma ang em em khan ka chau lutuk ngailo.
      Mahriati hnen ah chuan, Hlimtea'n inneih that a rawt thu ka hrilh chuan a phur ngang mai, nau paih chungchang kha chu engmah a hriat loh a vangin ka sawi lang duhlo. Zuala fa a nih thu hi chu Hlimtea nen a kan thuruk! Nileng deuh thaw a kan sawi dun hnu chuan inneih that mai chu kan ti tlu ta!!! Hlimtea chu ni tlak dawn trep ah a rawn thleng a, damdawi leh ka eitur a rawn hawn leh treuh mai a, buhfai  bag a rawn hawn bawk a, chawhmeh nen a rawn bawr khawp mai a, a inbualna tur tui kalo lum sak a, a lawm thiam hle mai. Zanriah eikham chuan ka pum a nawm vakloh a vang chuan room ah kan lut vat a, inneih that ka duhthu Hlimtea ka hrilh chuan a lawm ngang mai, mak ati hial zawk! A fa pai ka nilo a, ka hmangaihlo tih a hre bawk a, inneih ka remti mai chu mak tih loh rual a nilo reng a ni. 
   A tukah chuan Hlimtea office rualin ka chhuak ve a, kan veng a kal ka châk tlat mai pek a, dar khat velah a office a tang taxi min koh sak a, kan veng kan thlen chuan mi min hmuh loh tur dan ang berin ka kal a. Rin ang ngeiin kan in vel chu alo reh thiap a, ka'n hawi vel , kan naupan lai a Zuala nen kan seilenna  hmun ngei kha a niin, thla êng lawma kan infawhna hmunte chu a ngai ngaiin an la awm thap mai! Ka mittui ka dangzo leh dawn lo. Mahriati ka phone lawk a vang chuan an in lam ah ka chho a, min hmuh chuan alo lawm ngei mai. Sitting room-ah chuan ka u alo awm ve reng chu niin, kan in hmuh chuan engmah sawi lovin kan in kuah a, chhuak em em in kan tap dun a, min ngaiin min ngaihtuah em em a, ka tan min lo tawngtaisak rengthu a sawi chuan lung a tichhe zual hle. Dar thum a rik chuan haw turin ka in buatsaih a, Zuala te in chu ka dinchilh leh ren rawn a. Hlim tak a kan nuih ho na thin ngei kha a sia maw, tunah erawh… kan in, kan veng nuam ka lo tih ve thin em em kha, rauhsan_ luahloh bûk/ thlâm ang maiin a chul thiap ni berin ka hria! Hlimtea te in tha zet pawh ka thlir dauh dauh a, hetiang khawp a in tha leh nuam lutuk, chhungkaw in ngeih tak leh fapa duat em em ni thin kha, keimah vang mai hian heng thil zawng zawng hi a chan a ni ta mai si a, hreawm a tuar reng tawh lo ang, pasal a ka neih ngei a ngai a ni. Mahse, an in lama haw mai turin ka nawr leh phawt ang! 




       Kei chu engtin pawn awm zui mah ila a pawina reng ka hrelo, Zuala'n min kalsan tawh ber a hnu, rui hlum thak nah ila a pawi chai lo! Sangzuala nen kan inhmu hlawl mai a, zu inpui ah min sawm a, nau ka pai a vangin ka in ngam tawhlo thu ka hrilh chuan pawi a tih hmel viau.Phaia ahna training kha zawm leh turin an rawn sawm hlauh mai a, a kal hlanin a bialnu in pasal alo neihsan daih mai a, chuvanga a rilru na lutuk tal buai leh ta a nih thu a sawi chuan ka lainat ngei mai. Dar 4:30 a rik chuan Hlimtea office ka thleng chiah, anlo bang ve dawn chiah a, haw turin kan chhuak nghal.
    Zan ah Zuala alo leng a, Maengi nen an ti ti kar lak ah khawnge i pasal Hlimtea tiin min zawt chhen mai a, ka thinrim ru kher mai, ka vin hrep hma in ka mutsan daih! Hlimtea lo haw lai chuan kalo tap a, ka lungngai hmel chuan a ti chi-ai zo leh vek tawh. Ka hmaah a rawn thingthi a, ka lu ah a chul pah leh hliau hliau a, mittui a thlem chhuak zual ting mai si! A awmah beiin ka tah khum ta chiam mai a, an in lama haw leh mai turin ka ti leh a, chuti mai a min kalsan chu a tum lo bur. 




  " Thil eng eng emaw hi ngaihtuah vak vak thin suh, he khawvel nunrawng tak hmachhawn tur hian, engtikah mah, engvang mahin nangmah mai hian ka kalsan ngai tawp lo ang che a ti hmiah! Nui la, a bak zawng chu ka tih tur ah dah hmiah rawh." a ti leh tlat tawh. Hepa hian minlo hmangaih ve tak tak a nih dawn hi!




      " Zuala, i nun khawlo tak a vanga kan buaizia leh manganzia hi i hre ve der silo a tiraw? hria pawh ni la, engah vakmah i ngai leh awm silo a, i duh ang tak khan he khawvel par mawina chu lo tlan zel la, kei hian tuar ngai zawng zawng chu kalo tuar zel mai ang."
Nizan a Zuala lo leng khan ka rilru a tihnat em a vang in, zingah chaw ka eithei lo a, Hlimtea office kal hlan in zu ka la a, rui hnep khawpin kan in leh a nih kha… tlai lamah chuan ka luna lutuk in min ti harh a, dar3 alo pel tawh. Rawngbawl pawh duh viau mah ila ka tha in a tlin thlawt lo. Hlimtea a lo haw chuan ka in thlahrung viau mai. Ka nuamlo zui viau leh nghal! Damdawi inah min hruai a, nau ka pai bawk si, zu kalo in khanglang nen min lo Admid- nghal a, ka Hb alo hniam hle niin, thisen unit nga lai mai min pe a. Zuala paw'n min pek ve talh kha. Hlimtea thianpa Duha leh thiannu Mahriati'n min pe bawk a ka lawm hle mai.




    " Zuala, Isua thisen, kan sual tlenfai nan a kraws-a luang kha tluk mah suh se, i thisen min pek hi kan nufa tan hian a nep bik hauh lo a sin! I fa, i rila rah ngei hian than len nan a rawn hmang dawn nia! tiin ka phun sap sap a.
      Hlimtea nen chuan nu leh pa duh loh ni mah ila, Pathian hriatpui na in kan in kutsuih ve ta a, in hrang chan ve tawh kan duh a vang chuan Maengi te inluahna te in tho, an kawmchhak lawk ah chuan in mal ding te fel ran mai nupa rek luah thin tho chu a ruak hlauh mai a, tah chuan kan indang veta rawih a. A nuamve phian mai. Ka naupai pawh a puar ve tan ek ek tawh e ! A che nasa ve tawh khawp mai. Ka hriat miah loh chu damdawiin ka chhuah atang khan a thla thumna chiah a ni a, " zu ka la in leh miah lo tih hi." in chakna pawh ka nei tawh miahlo leh nghal! 




       " Mahse maw, mak deuh mai chu Hlimtea hi nupa nun ka hmanpui thei miahlo!" hreawm ka tiin ka inthlahrung ngei mai. Inneih kalo remti ta kher kher kha a pawi zota nih hi. Hlimtea erawh in min hrethiam em em .




      Hlimtea hian hunawl min neih tir lo hrim hrim a, chhun ah a office-a min hruai loh leh, puanthui khawl min lei sak a, naupuan leh a kawr thui tur min lei sak a, chumi buaipui chuan ka nileng ve thak zel. 
        " Raipuar chu a hahthlak hle mai.!" ka hriselna tha vak lo nen, zu kalo in nasa hman lutuk khan pum thalo min neih tir a, ka awm hi a nuam thei chiah thin lova, chawhma lam ah puan ka thui a, chawhnu lam hi chuan ka mu leh nge nge thin. A chang leh kalo muhil tlang daih a, kanpa arawn hawn hian a kalo mutthilh tawh chuan min kaitho duh lovin, ngawirengin ei rawng a bawl a  chawei dawn ah min kaitho chauh zel! Ka zak viau zel.
       Vawiin chu Maengi te inah ka leng phei mai mai a, bathroom ah ka in thiar laiin Sitting room- a Zuala hming lam nuaih chunga inhau ri ka hria a, kan ngaithla chiang deuh a, ka phu deuh zawk mai! 
     Aw Pathian, engthil nge thleng leh ta hi? Apuii'n Zuala fa a pai mek thu leh, inneih vat an tum thu te sawiin, Maengi chu lo inthiarfihlim tur in a rawnti a nih chu! Mahni mihring puite hmai zahna chang hre miahlo ho hi ka haw tak zet tawh a ni. Apuii thil rawn sawi chu thudik a ni tak tak a ngem? alo ni tak tak a nih chuan… Maengi rilru chu ava na dawn em!
         Zuala, tu rilru mah tihnat belh tawh lul suh. Hmangaih i nei theilo a nih chuan, ngaihzawng neilo khan awm ve hle hle rawh,! tiin ka phun sep sep a. Apuii a haw hnu chuan Maengi chuan, ' Zuala chu ka ngei kher mai, hmanni ah pawh Apuii khan an in massage na min rawn thawn tawh a, a pha nasa lutuk a, ngaihdam min dil nasa bawk nen hmutawh miah lo tur a ka in tiamtir fe hnuah ka lungawi ve chauh a, tiin a lungawi loh thu chu min hrilh ve mawlh mawlh a, ka khawngaih kher mai. 
        Ka dinhmun ang chiaha a rawn dinve ka hlauh a vangin, inthentir vat dan ngaihtuah a tul tih ka hria, Hlimtea hrilh vat tur a nih hi! Maengi chuan vanduai a in tihzia min hrilh phei chuan hreawm kalo ti ve em em ringawt! ' u Zo, nang chu i vannei bik e, u Hlimtea hi a zaidam si, a fel ropui bawk sia, ka u a ni chung hian a ni anga mipa zaidam leh fel hi ka hrelo, a hmeltha em em leh nghal a, a palian bawk si, tiin a fakta duah a kan nui dun leh rih, kan hlim zui ta phian a. Rawngbawl a lo hun daih tawh niin… Maengi chuan u Hlimtea phone ila , hetah chaw ei mai rawh u a ti a, rawng chu kan bawl ta nghal a. Thlai rahbai tur anlo nei hlauh a, tui tawk in ka bai a, chingit, bekang, hmarchapui nen  lengser nen kan bai pawlh nuaih mai a, tui khawp mai. Zana  Zuala a lokal chuan ka inthia fihlimsan daih a,an inhnial chu ka ngaithla ru tho,  Zuala chuan Maengi hnen ah chuan, " Apuii chuan dawt chiang lutuk a nih chu a sawi, ahma pawn min tibuai hrep tawh lawm, kan in thenna a rei tawh lutuk. Khawngaih takin thinrim lo hram rawh." ti a a thiam ang anga a ngen ngial hnu pawh in Maengi thinrinrim chu chuti mai a rehchi a ni hauh lo! Lunghnur tak a Zuala chhuak ta chu nui var var chungin ka thlir liam a. Apuii chungah chuan lawmthu hrilh hial ka duh!




   Naupai ka ngeih lo ti dawn ila, tunah thlasarih lai kapai ve tawh a, thlanga a nih atang khan zu ka in tawh lo a, tunhnai te hian ka damsam lo ta deuh reng mai a, kan in check-up ngun ta malh malh khawp mai. Ka thin chu a la fungtion chiah loh a vangin pumpui damdawi ka ei reng bawk a, Dortor- chuan mut tam ka mamawh thu min hrilh ngun viau bawk. Hlimtea chuan khawl khawih pawh a phal tawhlo a, nau kan nei hnai tawh bawk nen, ka chaklo tan viau tawh bawk si a, awmpui lak mai chu tha a a hriat a vangin, Maengi te khua a mi nula fel deuh mai Enkawli min chahsak a, a fel in a zuan zang em em a, a hmeltha in a hleitling em em bawk a, Hlimtea te thlah ho hi an hmeltha hlawmin an fel em em vek.!!! 
       Nula kan neita bawk a keipawh ka inti hahdam lui veta deuh a, mahse, thil zawng zawng chu ka khawih tir chuang lo. Zing thawh hi chu ka in la awlve deuh.
     Ka rai lian tulh tulh a, Hlimtea a buai tulh tulh thung, mahse, a hmel hmuh a nuam thin ngei mai. A hlim hmel em em reng a, naute lo piang tur a nghakhlel hle a, a pa tak tak pawh nise, hei ai hian a lawm chuangin ka ring lo. Ka chhungte(Hlimtea nu leh pa te) ho chuan naute lo piangtur chu an nghakhlelin, a hming phuahtu nih an in chuh laih laih reng a, a nuam viau nai'n lawm a kimthei hlawllo! Keima nu leh pa te nen kanla inbe tha theilo chuan ka rilru a tina in, ka beidawng lek lek thin. Hlimtea bula ka sawi chuan, beidawng lo a nghak hram hram turin min fuih ve sauh sauh a, tawngtai tam kan ngaihthu a sawi uar hle! Hlimtea'n thil awmzia a han sawi hi chuan ka hahdam huai zel, a dawh theiin a zaidam em em a, engkim ah Pathian a rawn thlap thin. A hmeltha in a palian bawk a, a rilru pawh a zau a nih hi! rilru te leh kawi hi tu chungah mah a pu ngailo. Ka chungah leh lek phei chuan, Ka engkima ka engkim, ka hmuhtheih Pathian ni hialin ka hre thin.
  Ka nau neih thla a lo thlen chuan, naupuan leh naute mamawh ang ang chu, Kan nula chuan a su faiin a nawt leh thlap a, a nawhsa chu suitcase- ah kalo remtha ve mawlh mawlh bawk a. Inrinni a ni a, Hlimtea pawh office an chawl bawk a, alo buai ve char char bawk a, vawiin chu kan chhung buai a ni ber mai. Zanlam ah chuan ka chau angreng hle a, ka pum a na riai riai reng bawk nen, ka awm chu a nuam chiahlo hle. Hlimtea chuan ka hnung chu tuilum in min zut sak a.  Zan dar sawm vel ah chuan ka pumna chu a rawn na zual leh ta tlat mai, ka then deuh sak sak reng a, chutia kan buailai tak chuan kanute an rawn lang hlawl mai a, ka lawm teh a sin! Damdawiin lamah kan tlanphei nghal vat a, nau-in san min rawn pek zui mai a vang chuan, ward-ah min nawr lut nghal a, ka mawngbawr na lutuk vang chuan ka in humruh tang tang mai a, ka thlanfim a chhuak nghal bawrh bawrh in ka hria.




        " Hlimtea mangang hmel lutuk ka hmuh khan, nat nak a laiin ka nuih a za kher mai." minute sawm vel na lutuk tak mai ka tawrh hnu chuan, " fanu ka nei ve ta." Lalpa, ka lawm e , tiin ka phun sap a. Naute an buaipui lai vel chuan Kalo muhil hman! Ka in hliam deuh a vang chuan min buaipui leh deuh reng a, ward-a min nawr chhuah chuan naute chu anlo thut bial laih a, ka chhungte ka hmuh chuan ka lawm kher mai, ka tah nuih deuh in ka hria. Ka nu chuan, Bawihte, ka van lawm tak em! tihpah chuan min rawn kuah vat a, ka pa lam ka en chuan hmangaihna mitmeng hian minlo en a, alo nuive var var mai! Tunah chuan ka hahdam ta huai mai. 
    Ka u in naute a hmuh chuan, a pa a chhun hle mai, a tih chuan ka thin alo 
phu zawk thei, mahse, u Hlimte in in ang e, a tih tak ah chuan ka thaw huai mai. Hlimtea chu ka melh zawk a, minlo mitmei vat! a zei thin a nia… Naute chu Hlimtea fa a nilo tih tuman an hrelo! 
   Ka nute pahnih ber chuan min ti nui nasa! Kan in a riah an duh ve ve sia, kan in a chep ve ang reng bawk si nen, zanin chu an pahnih in an riak ve ve a nga, a hnuah zanthum dan ah an in riah chhawk zel dawn a nih chu… rorel dan pawh an  thiam fû mai. Ka in hliam nasat deuh a vangin duh ang pawn ka nui thave theilo, kalo then ve vak vak ringawt!! 
  Naute neithar hlim kan ni bawk a, kan ri ve laih laih reng mai a, kan in luah a chep bawk si, ka dam maitheilo nen, ka pa ( kanpa pa zawk) chuan an in lam ah in suan luh mai a rawt chuan, kalo lawm hle mai. mahse, kanu chuan kan in lamah zawk ni rawh se, a lo tive leh tlat mai, kan buaithin laih laih a ni a. 
         Nau ka pai a vanga min duhlo a, in atanga min hnawchhuak tu te khan, naute alo pian meuh chuan min in chuh leh laih laih mai lawm! 




   " Mihring siam that nan khawdur a ngai," hla siamtu in alo tih kha maw. 
       A tawp ah chuan Hlimtea te in a awmtur chuan thu tlukna an siam fel ta a. mahse, Hlimtea ngaihdan a nive ta hauh lo mai! Zaidam tak hian, a duhdan te chu a rawn sawi ve a, in leh lo kanlo dinve tawh a, kan in hi te deuh mahse a in hmun hi kan leive tawh a, sak that tumin hma kala ve mek a ni a, insakna bungrua pawh alo thlengfel vek tawh a, naute kan neih a vangin in kanla thiat theilo a nih hi, chuvang in he kan in hi khawiah mah kan chhuahsan lo ang, a ti bur mai. Hlimtea thu tlukna chu tuman an sawisel lo.




   Naute pawh thla khat lai a lo ni ve ta: 
            A hming a tan Zochampuii keimah ngeii'n ka phuah ta a! Ka chhungte ho zawng zawng pawh an lawm ve tak tak in ka hria. Kei chu, naute ka hmuh rual hian ka tah a chhuak tlat zel! Zuala kha ka thinlung a tang hian ka la paih bo thei tak tak lo. " Min lo dem mai bik suh u, ka hmangaih em a ni"!  
     Hlimtea lah hi, sawiselbo hi a ni ringawt! kan nufa chung ah leh, ka chhungte thleng pawhin engkim zawng zawng ah hian kan tan a in pumpek tak zet zet a ni. Nau alo pian a tang khan hian, " Dearest," ti hlirin min ko a, mak ka ti teh mai sin!!!!




        " A nu chhun tur hmeichhia kan nei hlauh chu a lawmawm hle mai," Hlimtea'n a tih chuan ngaihtuah chiang mang lo in, " A pa chhun se," ka lo ti ve ringawt a, a hnual deuh sawt in ka hria. Ka inthiam leh vaklo khawp mai. 
      " A pa chhun deuh tur mipa hlir kan nei leh dawn lawm," te kati ta vel mai mai a! 
   ' Ber ' thla kan lo chuangkai leh ta reng mai. Khua a vawh deuh a vang chuan naute buaipui reng reng in Hlimtea pawh a buai a, office a tlai lek lek fo thin! Chhun lam ah hi chuan Enkawli'n a kuah deuh chawt a, keimah ngeiin khawih ka tum pawn an phal tlatlo. A chhan chu thil hriat chhuah ka nei a, naute ka buaipui ve deuh hi chuan ka rilru a na tlat zel a, a chang phei chuan ka thinrim thin bawk sia, a hreawm ka ti thin khawp mai. Mahse, Hlimtea hi a fel hrim hrim a, ka khawih vak ngai lovin a buaipui vek thin. Hei vang hian ka nute rawn awm pawh ka duh loh phah hial! Hriat loh loh tur an hriat phah ka hlau!!!
     Ka fanu hi ka hmangaih loh vang a ni lova, ka thunun theih bak, thil hriat chhuah ka neih tlat thin a vang hian hreawm kati thei hle. Enkawli pawh hian mak ti hmel deuh a min en chang a tam ta mai. Hlimtea hian naute ka pawm laia ka hmel diklo thin hi a hrethiam a ni ang, " Dearest, hnute hnektir la, a bak zawng chu ka tih turin dah rawh," tiin min nuih var var zel. 
      Chhun ah Hlimtea office hlanin Zuala leh Hriatpuii anlo kal a, naute diaper leh a thawmhnaw tur an rawn keng ve tan mai, naute an hmuh chuan Hriatpuii chuan awiii…. Zuala naute  hian a chhun che in ka hria, an ti mai chu ka phu nasa teh mai sin! Mahse, ka hrelo der hmiah, Zuala'n min rawn envat pawh ka hmu ru reng, thildang ka sawi san hmak a nih kha! 
       Zuala'n kan fa ngei mai a pawm kan hmuh meuh chuan ka mittui a hnai nghal.,. inthiar chhuanlam in bathroom-ah ka lut nghal vat a, insum lo lekin kava  tap! reife ka tah hnuchuan, khuh lui kharh kharh chungin ka chhuak a, ka hritlan thu sawiin nachhawkna ka dap nghal chung a nih kha. Naute chu alo la pawm reng a, " fanu innei hmeltha kher mai, a duhawm si,"  a tih phei chuan tah hawm hawm ka chak ber…
          Zuala te rawn kal tlai a tang chuan, ka rilru a rawn na thar leh a, a thawmhnaw rawn pek ka hmuh phei chuan thinlung a khawih riau mai a, ruih ka chak leh ta tlat mai… Hlimtea lo haw hma ngei a ka chhuah vat a ngai. Enkawli hnen ah chuan ka chhuah lawk tur thu ka hrilh a, hmanhmawh takin wine shop- ah ka kal a, Whisky ka la a, in ka thlen leh chuan alo la haw lo hlauh, room- ah ka in kalh hnan te te a, ka hmanhmawh deuh nen tui pawlh manglo chuan ka tlak deuh pawp pawp a, ka pum chu a sa thla nghal vang vang mai, rilru hah hrelo lek a ruih ka duh a vang in no li ngawt ka in!
       Hlimtea lo hawn chuan kalo rui tawh hle a, kan nula chu a be mawlh mawlh a, " vawiin ah tunge lokal?" tia a zawh chuan, a sawi ve mai bawk a. Room a rawn luh chuan,
   " Dearest, vawiin chu i khua lo har em"? ka ngaihtuah deuh che a, kalo haw hma nih hi, nuih var var pah chuan a rawn ti a. Ka in thlahrung leh viau mai. Ka chal a rawn dek a, kalo phu deuh zawk a. Ka rim chu hre awmpawhin a awmlo. Ka hmui chu a rawn fawp zauh a, naute chu a be mawlh mawlh a, Bawihte, a nu nen vawiin ah in lo inhau em? aw… i zung a, i e bawk a nih hi! tih pah chuan a thlak mawlh mawlh a. Enkawli chuan zanriah a peih tawh thu a rawn sawi chuan, chaw ei chakna  reng reng ka nei lo. Zanriah pawh ka eipui peih leh ta lo.




       " Ka tal buai leh tawh lutuk tlat,"
Zanah naute hnute pe tur paw'n ka harh hlei thei tawh lo! chhunah lah kal chhuah fo ka duh bawk si! Kan chhungte nen kan awmna a in hlat hlauh zawk a, min la hrechhuak lo hram! Hlimtea hian minla thup pui hram hram zawk a.
    " Aw, ka nun dan hi pawi han tih ai paw'n a pawi tawh zawk niin ka hria. Mahse, ka sim mai thei rih tlat lo! Zuala hi hmufo lo ila, chu chu ka tan a tha ber. A hma kha chuan ka hlim nan tiin ka rui thin kha nia, tunah erawh na chhawk nan ka rui tawh zawk a nih hi! Naute enkawl ber hi a ni! a hmeltha in a duhawm em em a, a hrisel tha in a tlei em em leh nghal a, kei ai mahin kan nula nen hian an in awrh ngun zawk  a, a zia phian mai." A chhun che a, a hmeltha e," ka ti thin a a lawm ve thei hle.
        Enkawli a rawn awm tirh khan ka dinhmun hi ka hrilh vek a, min khawngaih em em a. Naute pawh hi ka ngaihtuah ngai miah lovin a buaipui vek a. Hnute tui pawh zu ka in nasat lutuk vangin ka pe chhunzawm hlei thei bawk silo a, cerelac kan pe tawp. 
        Ka ruih loh in Zuala ka ngai a, ka ruih lah in Hlimtea lak ah ka inthlahrung bawk si! ka nun chu hreawm ve tak a ni. Inthen mai ang, ka tih lah in a duhlo bur bawk si!
   Hlimtea chungah hian lawmthu sawi dan pawh ka thiam lo! A chunga ka lawmna hi dai mawlh suh se! Ka tan chuan "Vantirhkoh" ani ve thlawt… ' Engtik ah mah ka rulh zawh sen ngai loh tur  Lawmna' min pe chho mawlh mawlh mai a nih hi! Naute enkawl kha ka huphurhin, rui chunga sekrek khawih ka peih lohzia kha a hria a, nula awmpui tur min ngaihtuah sak a, tunah chhungte lakah min hum leh a. Ka pasal a ni bawk a, ka nu leh pa a ni bawk a, ka engkima ka engkim ni tur a " Pathian in min pek liau liau a ni," ka ti lo thei lo.
       Ka pain tu fa nge ka pai tih min zawh laia Zuala fa a nih thu ka lo sawilo kha tun thleng hian ka la inchhir lo, Zuala kha lo sawi chhuak ta ila, tun ang hian a nun hi a zalen thei tawh lo anga, nu leh pa tak tak  ang a alo en ka nu leh pate, ka chhungte hian an hmu khawlo vek tawh anga, a nun zawng zawng hi keimah vangin a chep phah vek mai thei a sin! Zuala lungngaihna chu ka tan tahna a ni dawn a, a hlimna chu… a hlimna pawh ka tan chuan tuarna a nive tho. Mahse, kan pahniha hreawm tawrh ai chuan keimah chauh a hreawm tawrh hi a ziaawm deuh a lawm.




     Mahse, ka pasal mawlh mai hi a lainatawm! Kei leh Zuala nikhua loh lutuk a vanga hreawm a tuar nasa lutuk hi ka in thiamthei ngailo ang.! 
     Ka pasal fanau te tan mi hnawksak mai niin ka inhria a, ka fa, ka ril a rah ngei pawh enkawl theilo in, rilru na leh rui reng rengin ka hun ka hmang a, engnge maw kadam ve reng hian awmzia a neih le?






















                        CHAPTER 6
         Naute pawh kum thum a tling ve dawn tawh a, a hrisel tha bawk a ngaihtuah em em a ngaitawh lo bawk. 
        ' A hun a lo thleng ta '
 Mahse, vawi khat tal chu Zuala  hmuh leh phawt ka duh tlat mai! Engtinnge ka tih ang aw? Zan thimah chuan tuma'n min hre chuang nang!  naktuk zan chu kan veng lamah ka va kal hrim hrim ang. 
      Zan a rei ta hle mai, ka muhil thei thlawt lo. Kut khur hlawk hlawk leh mittui luang ngiai ngiai chungin an pafa mu chu ka thlir a. Aw… Hlimte, tikhawp hian kan nufa in min hmangaih a, ka tan hian tih loh reng i neilo a sin! Mahse, ka chunga thillo thleng turah hian min dem lutuk lo ang tiraw? 
      Thawm dim thei angber chuan ka tho them them a, bathroom chhunga ka zu thuhruk chu la chhuak in ka dawt nghal khawlh khawlh mai a, chaw ei mumal loh nen engmah hrelo in ka awmzui ta hmiah mai. 
      Ka harh leh chuan khumah kalo mu a, ka mengchhuak thei miahlo leh nghal! Hlimtea chuan minlo ko nghal vat a, ORS min siam sak a, ka in nghal vat a tlem chuan ka harh deuh. 
  Hlimtea chu office- tur in a kal tawh a, Enkawli leh naute pawh Maengi te in ah an kal lawk a. Tun hi hun remchang tak a nih hi… Mahse, aw …. mahni nunna em han lak chu ka huaisenna hian a tlin dawn em ni? mahse, ka ngam ngei tur a ni! thil harsa a ni hleinem…. syringe hmangin ka thisen zamah boruak ka chiu lut mai dawn alawm!!!!     
    Aw…  Van angel te u, minpui hram teh u… Mahse, heti hian dam vereng ila Hlimtea te pafa(!) tan hian hnawksak mai ka ni dawn si!! Ka sualna a vang hrim hrim pawh hian damreng tlak ka ni mawlh silo! 
      " Zuala hian a duhtak tawng a, nupui neia ' tiam tlat e' a tih hun a la awmve ngei anga, aw… chutih hunah chuan ka tana hmun ruat, hremhmun lam pan tura thlan kawngka ka kik hawn ala ngai tho tho dawn a lawm! " Vawiin a tih tur naktuka tih ah khek suh," tih a nih kha….
 chuvangin aw… thihna… minlo kai ta che. Ka pasal duhtak, min enkawlna leh ka tana zahna leh mualphona i tawrhna zawng zawng vang in ka lawm e.
        " Zuala, hun hriatreng tlak(!), tawrhhlelhawm tak min hmanpui thin avangin i chungah ka lawm lutuk. Thih hnu piah lam ram te a awm tak tak a nih ngai chuan, tah chuan kalo nghak reng ang che."   
            " Hlimte, i chungah hian lawmthu sawi dan ka thiam hlawl lo, min ngaidam rawh. Min hmangaihna hlu tak khan ka nunna hi a chelh zo chuang lo a ni. I tawngkam um in ka nunna ka la dawn a, a bak zawng chu i tih turah ka dah ta mai,"  tiin ka phun sap sap a.
       Ka room kawngkhar chu a rawn in pawt hawng lawp a, ka meng ngam hlawl lo.




       " Naute, ka naute… aw… ka Hmangaih," Zuala aw ngei a ni. A lo let leh tak tak a nih hi!!
     Ka hmangaih chu a aw chauh ni lovin a mah ngei a ni. 




        Ka diary kha Enkawli'n lukham hnuaia ka dah kha alo hmu a, alo kengchhuak daih niin, Hlimtea alo va phone a, anlo in hrilh kual hman vek a nih chu!  
      Rei fe chu inbe lo chuan kan awm  a. 
        " Min hmangaih thu hi engvang a zep tlat reng nge i nih?" Zuala'n a rawn tih chuan ka ngawireng a. 
     " Min hmangaih thu i sawi ngai silo a, ka rilru na leh iipik lutuk khan hmeichhe dang kawp ka ching a, min thik leh hreawm ti hmel khan i awm ngai bawk silo a. Zo, ka nun hi awmze neilo hian a awm thin a sin! Aw… keimah avangin heti khawp hian hreawm ilo tuar a! Engtin nge kalo hriat loh theih le??? tiin a in dawmkun ngawih ngawih a, tuman kan chhanglo. 




        " Hetiang teh nuaih a kan boruak a awm tak ah chuan, Hlimtea rem tihna thlapin kan inlam ah kan nufa chuan kan haw ta rih a. Zuala nen pawh pangngai tak a man leh mual in hlanin, pumkhat kan ni ve ta."!!!




   



















             Ka thutna atang a thawh tumin khum tlâng chu ka vuan a, ka in pawt tho tur chu ka taksa khur nasa lutuk vang chuan ka pai khat khat a, Zuala chuan minlo dawm ding vat a."
    Zu ka in nasa in chaw mumal ka eilo rei bawk si, ka chau ngawih ngawih mai. Chianglo ruai chuan ka meng diar diar a, ka room chhung lo eng uar a vang chuan zing a ni tawh tih ka hrethiam mai. Bawihteii pawh a tho daih tawh nih hi! Ka hmai chu hup vang vang in ka thaw chhuak ham ham a. Dawhkana tui lo inchhawp chu ban in ka in khawlh khawlh a, Zuala lo dah a ni ngei ang.
          Bathroom ah lút in ka inbual phar phar a. Nizan ah Mahriati'n min awmpui a nih loh pawh in zingah alo kal a ni ngei ang. Sitting room-a Bawihteii nen  an in chhaih nui ar ar chu ka hria a. 




   Bathroom ka chhuahsan rualin thawk ka la hak a, reilo te ah Zuala te pafa pawh nui var var chungin an rawn in pawm lut a.
       " Nizan i mutui em,? ka hmaah chuan an pafa chuan an ding rùn a, a mit ah pawh ka melh ngamlo! ' Aw' tih nan ka bukkhum zauh a, inbiak tam kha ka peih vaklo. 
     " I zingtho hmel pawh a hma ang chiah, ila sexy em em tho." ka beng bulah a rawn ti sup a. A awm ah kalo nem vak ringawt a, a nui zui nghal hawk hawk. 
        Hepa han zei dan em em hi chu, ka haw thei ngai dawnlo a nih hi.! 
    Zing zingah i va hlim bik ve? sawi mai tur ka hriat loh avangin ka rilru a rawn lang hmasa ber chu ka zawt tawp! 




     " Ka nupui duhtak leh ka fanu duhtak te hi an zingtho hmel ka hmuh hian ka hlim lutuk a nih hi." a tih chuan kalo ner khum vak! a nui nghal var var a, ka hmui ah zawite in a fawp pah zauh a, khumah naute nen infiam in an let dun hal hal a.




            " Mahriati kha alo kal a maw ka tia, khawnge a awm a,? 




          "Nizan khan a rawn riak a,office tlai a hlau sia, a haw nih kha. tiin minlo chhang vat a. Chhan tumin ka ang zuau tawh a, ka ngawi leh ta daih a. 

         







                     Zuala (POV)




  Hmeichhe dangten min pek theih loh, hlimna leh phurnate min pe theitu a nih vang hian ka tan mi scecial tak a ni tih ka hria a, heti taka a zun ngaih a nat avang pawh hian a danglam bik hle tih chu ka phalo. Unaunu mak damglam tak min pek avang hian Pathian hnen ah lawmthu ka sawi hial thin a nih kha! 
       Kan pahniha hun kan hman dun reilote chhung kha, ka dam chhunga ka hun tawn hlimawm ber berte an ni hial a sin! Hmeichhe dang kawp kual teuh mahila, tumah kha han duh tak tak leh ka rilru ka pek kha tumah an awmlo. Khum min tawmpui tur khawp a min tihlim zo ka tawnglo a ni ber mai. Chuvangin, a tan, a tan ngawih ngawiha piang ka ni tih hi ka inhre reng a, a tang bela damlai ni ka hman theih chuan si loh  avangin, rilru na ngawih ngawihin ka awm reng thin! Kan fa, ka ril arah ngei enkawl thei lo khawp a ka awm kha hreawm kati hle mai. Naute duhawm tak khan nu leh pa ti a koh tur alo neilo tep a nih kha! Nu leh pa neihloh hreawm zia a tak a tawng mektu kani miau a. Nau apai tih kan hriat tirh a, tufa nge tih a pa in a zawh khan, ' Zuala a fa
      Khawvela thiltha awm zawng zawng leh ka hmangaihna hi avaiin, a zavai tak meuh meuhin, an nufa hian ka hlan nawn mawlh mawlh e! 
      A chanchin thinthawng tak ka hriat ni a ka hlauthawng lutuk leh ka thinphu nasa lutuk kha, minti hlauthawng takzet a! Mahse, a fanu kha… ka fa, keima ril arah ngei a ni tih ka hriat leh keimah chauh hi a hmangaih ber ka nih thu ka hriat rual a ka hlim si zia kha! Ka nun ruak zawng zawng kha neikir leh tur in, ' ka hmangaih, Zochhuanawmi, ' chauh hi katan a mi pawimawh awmchhun liau liau alo nih hi.!!!!
















        " Khum lam pan a ka hmangaih Zoi rawn lut chu kalo en reng a, ava han nalh chungchuang tak em.! Vana tang a " Angel," rawn chhukthla ni hial a mawi a ni. 
         " U Zual, mut hmain kan inbual lawk aw,"? a tih chuan, kan pahnihin inbual dun ang kalo tivat a. 
   " Bawihteii a harh ang, lo awmpui rawh." tiin min chhang vut a.
        " A nih chuan inbual ta che," kalo ti hmuk a, ka lutve ta tho. Toilet-ah a lut tlang nghal daih a, a inthiar rei zek leh nghal! Hrilh hai angreng tak chuan kalo inbual ta ringawt a! A lo chhuah chuan min rawn nuih var var a, make-up  a hmang miahlo chung pawh hian a hmelthat zia hi a inhre tawp lo ang. 
    A thawmhnaw phelhin a rawn inbual ve nghal a, a kawngah kuah in ka fawp vawng vawng a.A hmui chhahtap leh nem em em te chu a la ngaireng mai. Ka hmangaih em em ka nupui nita hi ava han hmeltha teh reng em! Ka duhthawh zel a, a taksa ruak kang chu duhthawh zet in ka chul kual ruak ruak a, ka inpeih nghal thlap mai! Mahse, kan fanu tap rang rang ri chuan ka thil tih lai chu min ti tawp chiang kher mai. 
" Reitak inkhung chi a ni miahlo," nui hak hak chungin a rawn sap a. Ka pawmpui thlap mai. Towel chu vengin ka chhuak nghal dawr dawr a. 
    " Bawihte, ka lal fanu duhawm te." tiin ka pawm tho nghal vat a, a ngik deuh faih faih a, a lu ah chulin ka awi deuh hliau hliau a, a muhil leh nghal mai bawk a. A sirah chuan mu in phone ka khawih pah mai mai a. 
      Bathrob ha a alo chhuah chuan kalo en deuh  run a, a sam la huh deuh chap nen chuan sexy tak hi ni ringawt! ka thluak a nu leh nghal but thei nia.! A bathrob senno chek hak leh a taksa faisar, a chawn var haih maite chu a in chawih kher mai! A sam chu hair dryer-in  a chhemtir thuak thuak a, Bawihteii chu a rawn che deuh sat sat a, a blanket te chuan ka khuh tha vat a. A muhil nghet zui ve leh mai bawk a.  A sir ah chuan  ka mu ve nghal a. 
     " Lo mu ve tawh la," ka ti deuh sup a. 
   " Lawk aw, ka sam hi duhaiin a la rolo deuh a," 




       " tikhan ilang sexy daih zawk," 
      A kut pahniha a biang dawm ve ve in, a meng deuh ralh ralh a, a lai hmel te hlei hlei hi a lawm tha chu! Khum a tang chuan ka tho vut a, ka pawm nawlh a khumah chuan dimte in ka mut riai riai a., ka fawp nghal mawlh mawlh a.




        Duhthawh taka chet kha ka duh viau na in, kan sirah chuan kan rangkachak naute chu tui em em hian a muhil a, a thaw sek sek bawk a, kan melh rual thawt a, kan nuidun var var  a.




        A bawp sei thlarh chuan min kherh chial a, amal chu ka khup chuan nawrkau deuhin a chungah chuan ka lawnkai vat a, pumkhat a insiam leh tur in a taksa chhungah chuan ka luhtir lehta….




       " Thawmdim tak, uar ru tak bawk si chuan hmangaihna lipui ah chuan kan pildun lehta vawng vawng mai a!




    Minsi cheta ka ban lukhuma mu ka nupui duhtak chu ka thlir vawng vawng a, ava han hmeltha tehreng em! A thaw sek sek a, a rawn rum deuh tiah tiah a, kalo kuah vat a, ka awmah chuan a hmai phum kakin ka kuah bet thlawp a, ka nupui leh ka fanute hi ka enkham thei ngai dawnlo a nih hi! An nufa chuan an chal ah ka fawp ve ve a, nui vur vur chungin ka mit ka chhinglui veta ngawt a.




         Ka harh leh chuan khua alo eng ut tawh a, meng manglo chuan lukham zawnchu ka dap dan dan a, an nufa chuan an tho tawh ni ngei ang.! Bdthroom ah lutin ka inbual nghal sawk sawk a, ka chhuah chuan Bawihteii alo lut ve chiah a.
    " Papa… tingpui in duh em? fiah lo zet chuan a rawn ti niah niah  a, ka hnuk a ulh hial mai! Ka pawm nawlh a ka kuah nghal vawng vawng a.




      " Duh teh reng mai, ka rangkachak naute, tiin a biang te tak te ah chuan ka chuk mawlh mawlh a. 
    " Morning, duhtak,"
    

         "Morning, Ka nupui hmeltha."
   




          "Hetianga tuktin in nufa a minduat chuan, awmdan ka thiamlo mai dawn a sin," nui ruh ruh chunga ka tih chuan
      " Hetiang i rawngbawl sak che hi lawm, kachak leh thlakhlelh ber chu ka Lalpa," no tak a min melh sawr sawr pah chuan alo ti vat a. Kei pa ber pawh ka lai deuh rut mai!







               " Tukthuan eikham chuan kanpa chu office turin ka insiampui mawlh mawlh a, a thawmhnaw hak tur hi nawhfel sa thlapin khumah ka dah mai thin, a nektie awrh chu ka siamrem sak leh thlap a, ka duhtawk ka siam tawh hi chuan ka pasal hi chu a duhawm ve thlawt a ni!
        A hmelthat leh a zei em avang hian ka chanphah lo chauh a nih kha! A sang over lo na in Mizo mipa- ah chuan alian ve thawkhat tho mai. Dar pharh tak leh kawngfek rat a niin, a hnarngul hi a nalh em em bawk a, a mitmeng mawlh hi a nalh mai, a mithmul a sei er tan a, a mitmu hi a pawnglam deuh niin, min melh deuh hi chuan ka laichhelo chauh zel a nih hi! A nuih zawng a aha var rual nalh em em hian a tilang pa leh zual! 




       

           Kan inneih a tang kum 10 chuang zet chu alo nive ta reng mai. Bawihteii pawh pawl 12 a exam ve mek a, nau pa2 a nei leh tawh a. Anni pawh an lianve tawh khawp mai.
       Kanpa hi Ka fanu a pian hma deuh khan, Forest department- ah Range Officer hna a thawk tan a, a farnu khan pasal a neitawh bawk a, inhrang chang ve in, anni pawh hi an khawsa thei khawp mai. An nupa in Doctor ve ve an ni a,   Private Hospital siam an tum mek bawk.







         Himtea(POV)<




A tawp tak tak ta! sawi leh chuan tur reng ka neilo. Hnawl ka ni tih ka hria a, phatsan in ka awm mek tih nen. Ka nupui hian kei aia duh leh hmangaih a nei tih hrereng chungin ka hmangaihna dah lal zawkin, tlawm leh zah mualpho pawh huam tak meuh in nupui ah ka nei a. Kha chen kha thinlung hliam leh na ngawih ngawihin ka awm a. Thil thleng thei reng a ni tih ka hriat lawkna hian min hnemin ka rin ai takin ka tuar thei a. A nat chu ka na ve lawm! Mahse, ka buai phah lova, mu leh mal neilo tur khawpin ka tûar hek lo. Min duhlovin keia thlan leh hmangaih a nei tih ka hriatrengna hian min tina na meuh mai, ka inrintawkna leh keimaha chapona tlem la awmve hian ka tawrhna leh  natna zawng zawngte hi tihlan ka tumlo mai chauh a ni! Min duh lova miin hnawl tu hian ' ka mittui farkhat pawh a phú lo a, amah vang a ka natzia hi hriat phei chu a phulo hlawl lo!!!!! Hmangaihna ah ka tlu lut a, ka Angel nula hmeltha ka tawng a mahse, boruakah a thamral leh si! Ka hun liam tawh ka ngai a, chelhdin theih nise ka duh a lawm… mahse, ka thei silo. Bum in ka awm a min bumtu hi ka hua a, ka natna ang chiah hi pek ve ka duh a mahse, ka thei silo! Ka thinlung hian theihnghilh a duh a, a theihnghilh tawh emaw ka ti hial zawk a… mahse, athar zel si! Hei, kum 10  lai a liam tawh hnu ah pawh amah ka hriatrengna pawh nimin mai a thil thleng ang maiin a rawn inlar zut zut a. Ka thinlungah ser lian tak a siam tawh avangin theihnghilh chu thil harsa tak a ni.
        Mahse maw, ' huatna' chauh a ni ka pai tawh ni!! Amah vang hian ka hlim theilo a, ka duh duh ka hmangaihin, ka in hmangaih tir thei lova, henu Zochhuanawmi nasa taka ka thinlung min hliamsak tu ngei pawh hi kalo in hmangaihtir theilo a lo nih hi!




        An fanu(ka fanu) Bawihteii pawh a nula ve uaih tawh a, a naute pahnih Sang Sanga leh Kimteii pawh an lian ve tawh khawp mai! 

      Keipawh tun thlengin nupui neilo in ka la awm reng a, Zoi te chhung nen pawh kan inbe chhe chuanglo a, mahse, ka tlawhpawh viau chuang lo!













   ( A ngaihnawm in tih viau chuan ka chhunzawm leh ang... a tawp dan tur hi siam a har lutuk a.)