MI PRINCÍPE CHAPTER 10

[mawitei bawihtlung]

MI PRINCIPE





CHAPTER 10





MAWITEI POV...




Ruah chu a rawn sur hum hum a ,Rinawma chu ka hnaih nghal talh talh,tek leh thli chu a ri dum dum renga ,lehlam takah chuan a nuam phian ,puan chu kan sintha a ,min pawm bet vang vang a .






Ka nui var var a va han romantic reuh tak ,hengte hi nakinah chuan kan la ngai dawn lutuk tlat “ Rin kan khawvela ka let thut a nihchuan tap miah suh aw " tiin a awmah chuan ka bei nghet sauh a ,a taksa chu a rawn tang nghal talh .








“ Chutiang sawi suh hetah ka kiangah hian awm reng la ,kan pahnihin kan tar kun thlengin hlim takin awm ang " a rawn ti a ,ka thaw hak ka awm hlen theih hi ka ring lo ,a chhan chu reilo te a tana awm tura tihkha ka ni miau a .






“ Engtik niah emaw chuan ka la kalsan ngei che angai ang ,chuvang ania ka hrilh che thei chu ni ila kumkhua a I kianga awm ka duh mahse khuanu rorel hi kan pumpelh thei bik silo a ,chuvang chuan ka thuchah che hi hre reng la ka lo awm ta lo anihpawhin mittui nen min thlah hauh suh ang che " tiin ka hrilh sap a .







Ka chungah a rawn innem khalh nghal run a“ aih kan pahnih a kan awm theihnan kan inneih vat angai anih chu " tihpahin ka mal chu a rawn nawr kau leh sawt sawt a ,ka ang phiau ringawt ,awlsam zetin a rawn lut a ,a zawh meuh chuan ka meng peih tawh thlawt lo .







Ka muhil nghal bawrh bawrh a ,ka harh leh meuh chuan khua a lo var tawh a ,ruah leh thli pawh a bang tawh bawk ,ka bula mu chu enin ka nuisak a ,ka tho chhuaka ka inha nghal mawlh mawlh rawngbawl tanin tui chawi turin kawr lam ka pan a .







Tuiah chuan ka inbual nghal sar sar ,sava vel chu ka bulah an rawn chiar nak nak a ,a nuam ti zetin ka nui var var reng “ Mawii" ti a Rinawma au chuan min ti harh zawk ,a au vak vak a ,a mangan hmel lutuk chuan min ti hmanhmawh ka thawmhnaw chu ha sawk sawkin ka tuichawina um nen chuan ka pan vat .







A mah ka hmuh chuan hlauhthawn hmel zetin a hawi kual ruai a ,ka pan hnai a ka thawm a hriat rual chuan a rawn hawi a ,mi rawn pan nghal hmawk hmawk chu mak tizetin ka lo thlir reng ,min rawn kuah thlawp a .





A thaw hlawk hlawk bawk “ I tha em " tiin a hnungah chuan ka beng thek thek a ,min kuah nghet sauh “ min kalbo San emaw ka tia lawm ,khawiah mah kalsuh aw I kal dawn lo tiraw " mangan hmel zet hian a rawn ti a ,ka lo bu nghat ka kalsan hlau em em tu hi ka la kalsan ngei chu angai dawn sia .







Puk lamah ka hruai a ,ka kut lah chu a hum nghet em em zui ,chaw kan ei lai pawh chuan a thlah phallo “ Rin ka kalsan dawn hleinem che hahdam rawh" ka titawp a ,a chaw eilai pawh a ngaihsak meuhlo “ aih ka hlauthawng min kalsan miah suh" a rawn ti leh a .






Ka thaw hawk “ ka sawi tawh kha ka kalsan dawn lo che " ka tileh a ,tlemin a inthlah dul deuh bawk ,mahse ka kut erawh a thlah chuang miah lo anih chu ,chaw ei kham rualin kan chhuak leh a ,nau ka pai angem le tihchu ka inzawt pah bawk .







Khawchhung kan lut a ,min hmu apiang chuan min zui sap sap a ,an phun ser ser bawk ,lalin kan thlenga Rinawma chuan min kai lut a,lalpa leh khawnbawl te bakah hmeichhe pakhat leh lalpa ni ve tho tur hi an lo awma ,a hmeichhia chu ka melh reng.







Keimah ang bawkin he khawvel a mi ani lo ,mahse eng dawi mah a thiam ve lo tih ka hre nghal thei ,Lalpa chuan Rinawma nen chuan min ko vat a ,“ hei ipa kapa te khua hian chhiat an tawka kan khua a lo in bengbel ve an duha ,tihian kan inah hian awm mai sela " tiin Rinawma chu a rawn a .







Rinawma pawh chuan “ a tha lawm " a tive mai a ,kei erawh chunu in a Rinawma a melh dan chu ka hmu reng ,heta a chen ve reng phei chuan a zarhneh dawn tih ka hre thei “ hei lalfanu Thani anih hi " tiin a min inhmelhriat tir a .




Tha tak chuan ka chibai ve mai ,mahse kan mitmeng erawh in kan incho hluah hluah tih a hriat ,ka thaw deuh hak a ,Rinawma chuan min rawn panin “ ka thlah tawh ang che " a rawn tisup a ,ka bu nghat .





Kan in lam panin kan kal a ,ka luh dawn chuan ka biangah a fawp zeuha “ zanah ka lo leng ang " tihpahin a kalsawn a ,ka nui var var ,min ngaihsak zia ka hria a ,ka lawm viau



Kum khat ka lo awm tling ve ta reng mai ,nitin kan feh tlang a ,inlawm vel te chu nuam ka ti ,ka ngaihtitha lo tu erawh Rinawma zan a a rawn lang khat thei em em hi ani ,zawt ila “ engmah a awm lo " tiin min chhang ziah leh nghal .





Mahse ka ngaih a tha thei lo ,zankhat chu lalpa in min ko a ,ka pan vat mahse ka thu hriat erawh in min thawng dawt ani ber ,Rinawma fa Thani a pai tih chu ,ka che buai nak a Rinawma chu ka melh nghal vat “ mawii " a rawn ti a .





Kei erawh ka ngawi reng sawi tur ka hre thlawt lo ,phatsan ka nihna chuan min tina takzet “ fa an ken tawh miau a vangin a rang lama inneih mai a tha kan ti a ,kan rawn che ani ina ang tih ka hria ,mahse hei rinloh deuhin thil a thleng si a " a rawn ti a






Ka hrethiam e ka lo inthiar fihlim ange " tiin ka tho chhuaka ,Rinawman min rawn khawih a tum chu ka dang vat ,ka mit ka chhin rual chuan ka mittui a far nghal fap a ,ka tlanchhuak nghal nal nal,ramhnuai lam ka pan a .




Hmun rem lai ah chuan dingin ka tap hawm hawm a ,ka rin ang chiah hmanlai mipa chuan an duh duh an mutpui mai thin,chu chu lo hre tur ka ni a sin ,pasaltha phei chu an nun a holam viau an tih kha alo dik anih dawn hi .








“ Mawii ka sawifiah thei " Rinawma chuan a rawn ti a ,ka kut chuan tawng lo turin ka ti vat “ ka ring che a ,ka ring lutuk che min phatsan ka ring ngai lo zana ilo len ngai loh chhante pawh I buai aniang tiin ka ngawihpui a ,mahse a chhan erawh hmeichhe dang laka min kalsan vang alo ni si a .






Ka hua che ka haw ngawih ngawih che vawikhat mah ka lam hawiin rawn pen tawh lo la.,ka mithmuhah rawn lang tawh bawk suh" ka tisap.a ,ka sawi pah te chuan ka mittui chu a dir zung zung bawk





A hmel ngui nghiai te chuan keimah min tina ve ngut ngut ,inlam ka pan lai te chuan ka lung na ngut ngut chu ka dawm a ,in ka thlen meuh chuan ka bawk lut thlawp.,Lawmi chuan min lo kuah a “ tinge mawii " a rawn ti vat a ,ka chhang thei lawk lo






“ Lawm min phatsan min phatsan a sin" tiin ka tap zui hlawp hlawpa ,ani pawhin min kuahin thil awmzia a hriat meuh chuan a tap ve teuh tho ,sawi ang ngeiin Rinawma leh Thani pawh an innei a ,kei erawh pawn ka chhuak leh ngai tawh lo .







Lawmi leh pa luta te chuan min buaipui tawp a ,ka cher em em a ka dang vek bawk ,Kunga pawh a thianpa a vangin a inthlahrung tih ka hria ,mahse ani hian tihsual a nei ve lo tih ka hrilh a ,a rawn leng leh ngam chauh ani .




Nikhat chu ka thal nen ka vakchhuak ve mai mai a,ka bula lalpa ka hmu thut chu ka hamhaih viau “ Mawii hetah i awm ani maw ka fapa khi I chhanchhuah a ngai a nupui khi mi tha lo ani chuan a nihna" a tichiah chu silai puak leh bawhthlawp a rual a .





Ka pan hnai vat ,mahse a thi hman ,thawm a rawn awm luai luai a ,lalpa leh keimah min hmuh chuan an phun mur mur a ,Rinawma a rawn lang hlawl “ pa" tihpahin apa chu a rawn sawi a “ engthil nge itih " tihpahin Rinawma chuan a rawn tithawt a .





Ka phu zawk “ ka tih ani lo silaiin an rawn kap alawm " tiin ka en a ,mahse min awih hmel loh “ man rawh u " a tituar a,mipui chuan min rawn man bet nghal a ,ka tal eihlo Rinawman min ring miahlo chu mak ka ti takzet .




Thani chu rawn kalin Rinawma tap chu a kuah a ,hmuh har ka ti takzet ,thing inah min khunga Lalpa chu an vuiliam mek tih ka hria ,ka chungthu an rel tih ka hre bawk ,ka thi ngei dawn e .




Ka nuisak a hei hi ka khawvela ka let hun tur chu a ni ngei ang ,mahse enge thleng hi engtin mah min tilo a ,mahse khawchhunga ka awm ve phal ani tawh lo thung,ka kal hma chuan Rinawma chu ka en a ,lalpa thu min chahkha hrilh ka duh mahse a hunlo .





Enge tih ka hre miau lo a ,Rinawma chu lalah a thu ta a ,kei erawh ramhnuaiah chuan ka cheng tawp ,ka ngai a mahse ka tihlan erawh a rem ve tawh lo ,Lawmi chuan nitin min rawn tlawh ziah a ,ka mamawh min rawn ken ziah ka thawmhnaw ka khawvela tanga ka ken luh ho zawng zawng tiamin .








Nikhat chu ka awmna puk kawngka a rawn ding chu ka en reng “ i puihna ka mamawh Thani huai ho in an rubo a min pui hram ta che " Rinawma chuan a rawn ti a ,min theihnghilh tak tak tawh a ang hle mai .




Tawnglo in ka bu nghat a ,ka insiam zui vat ,ka zawh rual in ngawi rengin kan inzui chhuak a ,tlangval rual khat nen kan khaw kham huai ho in an luah ni a kan hriat lam chu kan pana ,puk chhung chu a thim khup bawk .






A thang em em zui kan lut thuk zela ,huai ho nen chuan kan inhmachhawn ta ran mai “ ka nupui kha rawn chhuah rawh u " a tituar a ,huai ho lah chuan an nuih zui a ,kan inbei chu a nider ,an tam nen hneh an har takzet ,Rinawma chu a au tuar a ka chem pek ngei kha a vai pawpa .






Huai ho chu an darh nghal chuai ,ka pum thip zawk chu ka en a ,huai lampa lah chuan min nuih in min pawt nghal lawp a “ ka duh ka hmu ta e khawkhat lal meuh chu bum I har rin nen ka hmeichhe duhtak zawk I rawn hruai a ,ka lawm khawp mai " tihpahin ka biang te chu a rawn nul a .






Ka dawi engmah a thawk lo ,Thani chu Rinawma lamah an thehphei a ,Rinawma chuan “ mawii " a rawn tisup a ,ka nuih sak ,huailalpa chu ka nghawk sawk a ,a lu ah chuan ka thal mu chuan ka vit nghal hrawih .








A talbuai lai chu chuhin Rinawma te chu puk pawnlam ka panpuia “ kal vat rawh u" tiin ka pum hliam chu ka dawma ,Rinawm an min rawn khawiha tum chu kan inkarah bang ka siam vat “ Mawii lo hawng rawh kan pahnihin bei ang " a rawn ti a .





Ka lu ka thing vat “ I khuate I kutah an awma I nupui kha hruaila chhungkaw hlim tak din dun ula keichu min ngaihtuah suh kal rawh chuan hei hi kan inhmuh tawpna ber tur anih hmel hle mai ,mangtha aw ka hmangaih che " tihpahin ka nuisak a .







Puk chhungah chuan ka lut nghal vat ,huai lalpa nen chuan kan inmelh rana ,ka thi dawn anih chuan a nipawh hi a thi ngei tur ani ,kan inbei a ,bangah chuan ka leng deuh nawk ,ka ka tang thi a chhuak a ,a tawp nan tiin Rinawma nui hmel ka suangtuaha ka then ta sak .







Ka thal chu ka kuai ko a ,ka kah chhuah rualin huai lalpa chu a au tuar a ,akeh nghal chuai bawk ,keipawh chu ka tlu nghal nawka ,hei ngei hi ani ka tawpna tur chu ,ka khaw hmuh chu a thim nghal hmuk bawk





RINAWMA POV...




Mawii lo hawng rawh ka tihchu " tiin ka au tuar ,mahse puk chhungah chuan a lut bo tswh ,nilo nilo dawi a insut rualin ka tlanlut a,Kunga pawhin min rawn zui vat ,“mawii " tiin ka au a,mahse a reh tlawk tlawk.






“Mawii khawnge I awm " tiin ka thingthi hnawk a ,thisen baw nuaih te chuan min tina lutuk ,ka tina a “keimah vang vek huaiho bula pe tu ka nih hi,huai ho lakah a chak theilo tih hre rengin ka hruai a keimah vang ani " ka tituar a ,Kunga chuan min rawn be vat.







“ Thiana nangmah indem suh amah ani tih a la chiang lo " a rawn tisup a ,ka lu ka thing nak ,he thisen hi mawii thisen ngei ani tih ka chiang ,ka kun tlawk tlawk “ tihpalh ka tihpalh mawii ,Thani khan ka.fa kha a pai lo asin,mahse chuti chung pawn ilakah ka insawi fiah thei silo a .







Ina takzet tiraw ,tinge kan pahniha kan thih rual mai loh " tihpahin ka chem chuan ka nghawng zai ka tuma ,Kunga chuan min rawn laksak vat “ in ngaihtuah chiang rawh i thi anihchuan I khua leh tui te ngaihtuah rawh Mawitei pawhin a duh hauhlo ang" a rawn ti a.





Ka ngawi reng puk kil tin chu kan zawnga ,mahse hmuh tur a awm lo “ Rin mangtha aw ka hmangaih che " tihri te chuan ka beng an luah a ka au vak “ Mawii ka bulah lo let rawh min mangtha suh .






Ka bulah lo let rawh" tiin ka au a ,mahse a reh nghal tlawk tlawk ,ka muttui nen chuan ka au vak a ,a thal hman thin ngei let ngat chu ka chhar a ,ka pawm vang vang “ Rin engtikah emaw chuan ka la kalsan ngei ang che a ,chutih hunah chuan I mittui nen min thoah suh aw .







Ka tello in chhungkua hlim tak dinla ,I mittui titla hauh suh" a tihchu ka bengah a rawn rinawn tluk tluk a “ i thu min chah hi ka theilo ,mawii bawihte ka mamawh che a sin ,min haw ngawih ngawih mahla ka hlatah awm suh" tiin ka phun sup a .







Khaw lamah kan let a ,Thani pawh ka then fel hmak bawk ,uire chhuahin an chhuaha pawi ka tilemlo ,ka pa kha apa thah anibawk ka thah tir ve nghal a ,ka hawi kual ruai a ,ka hmangaihi a lo lang mai lawng maw " tiin ka zawnga .







Mahse a hmel hmuh tur a awm lo mipui tam tak karah te chuan a lo inphum ru mai thei a sin ,tiin ka zawng ruai a ka hmu chuang lo “ Mawite tihnat tumtu che pawh kha an awm tawh lo a sin ,lo haw tawh la , maw lo haw tawh rawh " tiin chhuatah chuan ka thingthu a .





Ka tap chhuak hawk ,ka nu chuan min kuahin min tahpui bawk ,ka hmangaihi kha ka ngai a sin ,Kunga leh Lawmi chuan min awm pui chawt a ,ka inthah ve mai an hlaua ,ka mut hnuah pawh rei lo te tal an awm thin .




Intihnat ka tum tawh lemlo mahse thih vat vat chu ka chak ber




( Kan complete tep tawh e )