Zochhuanawmi chapter8

Episode kal lai dah luhna

Moderator: writers

Numami. Tbc
Posts: 4
Joined: April 23rd, 2021, 10:55 am

Zochhuanawmi chapter8

Unread post by Numami. Tbc » May 14th, 2021, 1:11 pm

### [ZOCHHUANAWMI.Chapter 7](viewtopic.php?f=6&t=18484#p39651)
* [Edit](posting.php?mode=edit&f=6&p=39651 "Edit post")
* [Delete](posting.php?mode=soft_delete&f=6&p=39651 "Delete post")
* [Report](app.php/post/39651/report "Report this post")
* [Share this topic on](viewtopic.php?f=6&t=18484# "Share this topic on")

[Post](viewtopic.php?p=39651#p39651 "Post") May 4th, 2021, 8:20 pm
              ZOCHHUANAWMI




      By

         TBC Numami











               CHAPTER. 7



         Hlimtea(POV)<

A tawp tak tak ta! sawi leh chuan tur reng ka neilo. Hnawl ka ni tih ka hria a, phatsan in ka awm mek tih nen. Ka nupui hian kei aia duh leh hmangaih a nei tih hrereng chungin ka hmangaihna dah lal zawkin, tlawm leh zah mualpho pawh huam tak meuh in nupui ah ka nei a. Kha chen kha thinlung hliam leh na ngawih ngawihin ka awm a. Thil thleng thei reng a ni tih ka hriat lawkna hian min hnemin ka rin ai takin ka tuar thei a. A nat chu ka na ve lawm! Mahse, ka buai phah lova, mu leh mal neilo tur khawpin ka tûar hek lo. Min duhlovin kei ai a thlan leh hmangaih a nei tih ka hriatrengna hian min tina na meuh mai, ka inrintawkna leh keimaha chapona tlem la awmve hian ka tawrhna leh  natna zawng zawngte hi tihlan ka tumlo mai chauh a ni! Min duh lova miin hnawl tu hian ' ka mittui farkhat pawh a phú lo a, amah vang a ka natzia hriat phei chu a phu hlawl lo!!!!! Hmangaihna ah ka tlu lut a, ka Angel nula hmeltha ka tawng a mahse, boruakah a thamral leh si! Ka hun liam tawh ka ngai a, chelhdin theih nise ka duh a lawm… mahse, ka thei silo. Bum in ka awm a min bumtu hi ka hua a, ka natna ang chiah hi pek ve ka duh a, mahse, ka thei silo! Ka thinlung hian theihnghilh a duh a, a theihnghilh tawh emaw ka ti hial zawk a… mahse, athar zel si! Hei, kum 10  lai a liam tawh hnu ah pawh amah ka hriatrengna pawh nimin mai a thil thleng ang maiin a rawn inlar zut zut a. Ka thinlungah ser lian tak a siam tawh avangin theihnghilh chu thil harsa tak a ni.
        Mahse maw, ' huatna' chauh a ni ka pai tawh ni!! Amah vang hian ka hlim theilo a, ka duh duh ka hmangaihin, ka in hmangaih tir thei lova, henu Zochhuanawmi nasa taka ka thinlung min hliamsak tu ngei pawh hi kalo in hmangaihtir theilo a lo nih hi!

        An fanu(ka fanu) Bawihteii pawh a nula ve uaih tawh a, a naute pahnih Sang Sanga leh Kimteii pawh an lian ve tawh khawp mai! Bawihteii hian hmel ah a nu a chhun em em a, a nu ai hian a sang zawk.
      Keipawh tun thlengin nupui neilo in ka la awm reng a, Zoi te chhung nen pawh kan inbe chhe chuanglo a, mahse, kan in tlawhpawh viau chuang lo!
        Zo- Sang Music company hi kum nga lai kalo nei ve tawh a, ka kal ngai loh avangin ka mikhual hle mai. Mahse, musician te chuan minlo hria in, minlo chibai sap sap a, mak ka ti deuh hle a, rest room- a ka luh chuan mak ka ti ta lem lo ti ila, rest room- a ka thil hmuh chu mak kati hle tho mai. Ka tleirawl tirh atanga tun thlengin ka thlalak te chu frame mawi deuh hian an lo tar kalh mai nia!! 

          Bawihteii chuan min inhmelhriat tir a, company hi Bawiteii kut a a awm tawh thu leh thil tul dangte ka sawi fel hnu chuan office lam pan in ka kalsan leh ta a. 
            Zochampuii (Bawihteii) POV

                  Pa Hlimtea office ka thlen chuan alo buai hle a, zam ru tak chung chuan thutna mon kawhhmuh ah chuan ka thu a. A company- a thawh ve dil tura kal ka ni a, ahma in ka sawi tawh a, a remti chiah tawhlo kha a nia.
     Min han en vang vang phawt a, chutah muang chang hian

          " Engpawh ni se, i hma lak dan pawh hriat hmasak a tha ang." a tih chuan ka lo phur kher mai. 
                     Instrument leh studio chhung vel chu ka han belchiang tan ta a. Bungrua vel zawng zawngte chu duhthusamin an tha em em hlawm a.. Ka nu ka chhuna music leh zai hi ka tui em em a, mahse, mipui hma ah chuan ka la zai chuanglo. Ka tuina hria in ka nu leh pa te hian Patea (Hlimtea) company a thawh pawh min phalsak reng a nih kha! Mahse, instrument vel khawih tur hian an company ah hian ka kal ngai miah lo. A chhanchu kan inah  phenglawng atanga electric guiter, Mizo khuang atang a drumset, keyboard leh piano thlengin ka nu hian alo nei kim biai a, room hran zau tak min siamsak bawk a, hmun dang a kal kha an phal vaklo a. mahse, heti khawp a music ngaina si hi zai lampang hi ka zak tlat nia! Nileng zankhua in aw chhuah miah lovin instrument ka ply ngat ngat zel.
          Pu Dawnga nen film music kan han endik chu nuam kati kher mai. Mahse, romantic scene music chu ka duhthusamin a fuh lo tlat! thil dang chu a fuh viau thung sia. Chu aia nalh zawk chuan kan ti thei ngei ngei tur a ni. 
            Uluk mang khenga darkar thum vel ngawt ka beih leh hnu chuan musician- te'n ngaihthlak theih turin an han khawih ve leh zung zung a. Zanriah ei pawh a hun tep tawh a, mahse, ka lung a la awi thei tlat ! Ri fan kal riai riai kara ri inthlep no nalh lutuk tur chu an thlep no nalh tawk thei tlat lo. Pu Dawnga chuan a nalh tawk tawh viau lo maw? alo ti ve sup a.

         " Nalh tawk kha ka duh lo, nalh ka duh," kalo ti ve tlat a. " a tlai tawh si a, naktukah chhunzawm ila," a'n tih lah chuan ka lo hnial ve tlat bawk si. An lungawi vaklo kher mai…
     A tum hnihna pawh chuan minti lawm chuang lo. A vawi thumna kan tan leh hma chuan Pu Dawnga pawh a haw tau hmaks.! " Engnge maw an hriat a ka solfa ziahsa pawh musician- te hian an thluak burah an thun theih loh a, an kut paw'n an rem fuh theih tlat loh le? An za vai mai chuan an ning hmel hrep leh nghal. Kan company hmingthatna chu kan za vaia hmingthatna tur a nih thute chu kan hrilhfiah leh hnuhnawh nih kha! 

    In ka thlen meuh chuan zan dar 10:30 a pel duai tawh, ka nu leh pa chu an lo meng a, ka nu chuan, " Bawihte, duh aiin i mengrei thin mah mah lo maw? a tih chuan, keimah vanga mengrei an nih ringin ka inthiamlo chuan ngaihdam ka dil nghal sawk sawk a.

      " Nia, kan ngaihtuah khawp che a sin, mahse zanin chu men rei zan a ni hrim hrim a lawm,," ka pa chuan alo ti vat a.
      Ka nu chuan in mengrei sia, coffee sa ver vawr kan siam a nge, chaw chhum kep i ngaih loh thu kha i rawn sawi si a, coffee tal chu in la a tha ang, tiin choka ah a lut phei nghal a. 

          Coffee in pah chuan inkhel kan en a.
         " Pa, EPL hi i enduh ve viai sia, The Reds leh Red Devil i hre hrang lo tlat hi i thing ka ti tlat, tiraw nu,"? tih pah chuan ka nu chu ka melh zawk a. A mitko alo san deuh ak a.
        " Chutiangin an awm hrang tih kalo hre reng reng hlei nem, nui var var chung chuan ka pa chuan alo ti leh sup a, a hrelo der vel tih ka hriat chuan ka hmui kalo tihpawr khum vak a, naupang thil in hrilh ang deuh hian, muang fan raih hian, " Awm hrang teh reng mai. Liverpool hi The Reds an ni a, an hmelma kumhlun chu an khaw club a mi tho Everton hi an nia, tan kawp chi miahlo an nih hi, ilo tan kawpin ka hria, a chi miahlo a nia, ka tih chuan a nui ta hawk hawk mai a. 

             Chuan, kawmthlang pa tan em em khu, Manchester United, Red Devil an nih khu ka ti leh zat zat a.

         " Min hrilh fiah thiam bawk a, ka var kuar mai. Bawihte, nang chu **kop** an tih ang hi i nih ka ring," nui var var pah chuan a ti leh a. 
            Zinga ka tho tur chu ka peihlo khawp mai, school kal a ngai bawk si, mahse, ka meng thei der lo, class ka thulh mai dawn mi le aw? Ni lo ve, The Reds kan chak a lawm le, kan class a The Reds hmusit ve em em tu kha intihtheih khum ka chak riau.

       Chhunah chuan Pu Dawnga nen, Pa Hlimtea nen kan music siam thar  chu kan en tha leh a, kan duhthusam ang thlap a ni ta! 

   " Tha lutuk, a hmaa mi pawh tha kalo tih tawh tehreng nen, hei zet chuh! Engtia han ngaihtuah chhuak thei nge maw i nih chu le? Champui, music director ropui tak ila ni ngei ang," tia Pa Hlimtea'n min fak chuan ka lawm kher mai. Mit meng hriatthiam har zet a min melh deuh vung vung chuan ka zam chhelo chauh, diktak chuan Pa Hlimtea hi ka **star** deuhin ka hria…. 
      Pa Hlimtea chuan, thingpui dawr a chawlh nge in duh, heta eitur chah mai, tia min melh sawr sawr chuan, ka khur deuh der der leh nghal!

        " Dawr ah ei chhuak ve hrim hrim ang u," Pu Dawnga'n a tih chuan ka thaw huai thei. thian dang te chuan cassette dang buaipui lai an neih avangin tih tur dang em em kan neilo bawk a, Pinky-i nen kan pali chuan kan chhuak ta a. Pinky hi punjabi tleirawl ni mah se, Mizorama piang leh sei lian a ni bawk a, tawng upa thleng hian zu han thiam a.! A hmelthain a pian a thiam bawk a, mizo nula tam tak hi chuan an tluk lovin ka hria. Keimah tiam lovin! 
          " Inrinni khian studio kan luhchilh chhin ang. Class kal tibuai lo thei ang bera kan zir a ngaih dawn avangin zan lamah chhuah fo kan ngai dawn bawk a, in chhungte pawh lo hrilh lawk ula, tul in tih leh keiman ka rawn hrilh dawn nia," pa Hlimtea'n a tih chuan kan lo bu nghauh nghauh hlawm a. Eng eng emaw kan sawi leh hnu chuan, pa Hlimtea chu a office lam ah a kir leh ta a, studio chhing chu a reh nghal huaiin ka hria.
          Ka haw lampang chuan Pa Hlimtea in ah chuan ka lut kawi zawk a.
       " I va haw hma awm ve?,"  ka inthiam leh chiah si lo, " office i tlan bo nge i nuamsam lo?" tiin ka fiamthu leh vat a. 

         " Office thilah ka chhuak leh a, studio- lamah khan hna a awm chuang lo bawk a, ka haw tlang ta mai a nih hi, nang pawh i haw hma ve tho hi?!

         " Kei pawh hna ka nei bik lo a, bak ah nizan ka meng rei ve bawk sia, darkar saemhnihpali thawk turin min duh tihna nimaw?"
         " Darkar khat thawk tur pawhin ka beisei lo che sin!. tih pah chuan min rawn hnaih nghal ruak a, a chetdan chuan min ti hamhaih kher mai! kan in hnaih lutuk vang chuan ka meng ngam thak lo! Ka hmui ah chuan a a rawn khawih a, " duhawm lutuk mai", tham tuak hian a rawn ti sup a. Ka zak lutuk chu ka alh mai dawnin ka hria, ka kut chu ka humruh tlat a, ka tang nasa lutuk chu ka kut pawh a thlan dup mai!.








   



    CHAPTER 8

Pa Hlimtea hi diktak chuan ka ngaizawng pawhin ka hrelo, mahse a pa ka tiin kangaisang em em a ngaihzawng a nei nia ka hriat te hian kalo thinrim ve ringawt zel.
" Haw tawh ila a tha ang,"
" umm, ka thlah ang che,a ti nghut a, a Bolero chuan kan kawt thleng min thlah a.
In ka luh rual rual chuan,
" Bawihi ilo va haw har ve, ka pa chuan alo ti nghal a.
" Nia, pa Hlimtea te inah ka rawn lut kawi a" ka tih chuan ka nu chu alo thaw deuh hak a. A ngaihdan alo nilo leh pek tawh nih hmel.
Ka room ah ka chho a, ka mitthla ah pa Hlimtea chiah a awm. A hmel kha a dik chiahlo,thil enge maw zep nei hmel a pu tlat in ka hria.
Ka phone a chhe bawk si, a thar lei ngei a ngai a ni.

Zing chawei khama studio ka thlen chuan ka tlai deuh hret a, studio chhung ka lut chu Pinky chuan Pa Hlimtea a accident- a a na deuh an tia mahse, hetah a rawn kal tho, a room ah a awm a tih chuan,ka hamhaih angreng khawp mai.Ngaihsak viau anga lan kha ka duh chiahloh a vangin, ka hna chu ka thawk nghal mawlh mawlh a, ka rilru ka petheilo thlawtlo.
Chhun cawlh a nih chuan eitur kengin a room lamah chuan ka phei a,ka awmdan hi ka hrethiamlo, pa anga ka en kha ka ngaizawng dawn tlatin ka hria, ka vei em em bawk.

A room kawngka chu ka kik a, a reh thap a ka kik leh a thawm ala aawmlo, ka ngaih athalo deuh a kawngka chu ka nem a a in hawng ta a.Room chhung chu a thim deuh ruih a.

Boss, Boss, Pa Hlimte,room chhung chu ka melh kual a, sofa ah chuan alo mu bam a, " i tha em?" tion ka pan vat a, a chal chu a vung pawng deuh luah a, a hnar a thi bawk a, a mengsen deuh ram a, a tap in ka hria.

" Pa Hlimte, i chungah engthil chiah nge thleng?, a ngawi ngul a.
Hetia i awm ringawt chuan atha lo, tiin tun thawh ka tum a,a rang tung bawk si.

" Kalbo rawh" a ti sup a.

" Engvangin, ka kalsan theilo che nih hi."
" Engvangin nge min kalsan theih loh?"

A chhan chu, ka... ka ngaihtuah che vangin, a chhan ka hrelo ka rilru ah i awm reng a, a chhan chu ka khawngaih che, a chhan ka hrechiah lo min zawt suh.

" Huh, ka mal em vang hian maw?"

" Aih, chuvang a nilo, pa Hlimte, tho teh i hliam hi damdawi te hnawih a ngai nia,tiin ka tung tho a, a rit nasa mai sia, min rawn kuah chawt a.
" Tihian reilo te ka kuah thei che a ngem?"
" Aw, min kuah reng tawh hi,"
A nui chhuak hak a, a inla hrang nghal vut a.

Ka hliamte hi min tihdam sak thei a ngem?
" Engtin? ka lo ti hu a,
" Aw, damdawi te kha i hnawih a nga, i tuam bawk ang," first aid box awmna chu min kawh hmuh a, a hluam te chu ka hru fai a, damdawi ka hnawih sak bawk a. A kamsir ka hruk lai chuan alo then deuh sak sak a,a langtha reuh lutuk.
" Tihian i langtha daih zawk" katih chuan a then deuh suk a.

" Tinge tiang hian i awm a?"
" Ka accident,"
" engvang in?
" a tam mai,ka sawilo zawk mai ang."

Ummm... i thu thu lawm, ka hriat veloh chi a nih chu ka ti deuh nghat a, ka tum deuh bar bar bawk a, sana ka bih vat a,
" Awle, chawlh a zo der tawh ka kal a nge, lo in enkawl tha la," tiin ka tho nghal a.
" Awle, atha lawm min puih avangin ka lawm e." a ti nghut a Ka chhuak nghal nal nal.
Studio ah ka lut a, Pa Dawnga leh Pinky anlo awm a,music video tur anlo buaipui a anlo buai dun hle a, ka rilru ah pa Hlimtea chiah a awm, kei hi ka dik hauhlo, ka duh tihna mi? nilo, pa ang mai a ka en kha nia,kei hian ka ngaizawng thei lo ang, chi loh lutuk! Tinge thil mak deuh deuh hi ka ngaihtuah tak?!!

Hna kan ngah deuh a vangin dar 6 ah pawh kanla haw hman lo a, kan zawhfel meuh chuan dar8 a pel tawh.

Ka scooty chu ka ti nunga kal mai ka tum a, side glass a tang chuan pa Hlimtea ang deuh ka hmu a, ka hawi let chuan amah alo ni a, tinge motor a kenglo a mawnle?
" I hawdawn a mi? tiin a bulah chuan kava ding a.
" Nia, hetah hian ka riak mai ang, kati deuh a mahse, haw ka duh leh zawk a.
" Kalo thlah haw nghal mai ang che" motor i keng bawk silo a, ka ti deuh zung zung a, a hreh viau na in ka tihluih avang chuan ka phur thei hram? Mipa ka phurh hmasak bet ala ni zui.

A in kan thlen chuan ka ding a, a chhuk mai dawn amaw ka tia, ka hnungah chuan a bei thlawp a alo muhil niin, remlo deuh chuan ka en vang vang a, a va han hmeltha tehreng em?
" min enreng dawn nge kan chhuk dawn"? ka phu nasa lutuk chu kan tlu trep leh nghal.
" kaih thawh che ka tum a" katih chuan a then deuh sak a.
" Ka lawm e, min thlah a vangin, tikhan haw nghal mai rawh, a tlai tawh si, i chhungten anlo ngaihtuah tawh lutuk ang che." a tih chuan ka bu nghat a, ka tlan chhuak zui nghal a. In ka thlen chuan kanu chuan minlo la nghak a, thil awmdan ka hrilh chuan
" Chutiang te chu i riahpui mailo nia, min rawn phone maitur che lawm."

" Ngaihtuah awmlo e ruh tliak leh hliam na lutuk a neilo a, a hmai vel a khemve deuh a ka silfai sak a, damdawi ka hnawih bawk a, ka rawn hawsan ta nih kha, ka tih chuan a thaw deuh huai mai. Ka room ah ka chho a Ka inbual sawk sawk a, ka mu nghal hmak, ka mutui kher mai zingah pawh thawh ka hai zui!

Inhnuai ka chhuk chuan kanu in chawei alo siam mawlh mawlh a, ka ei nghal deuh sawk sawk a, ka room ah chho in ka insiam zawh chuan kal nghal maitur chuan chhuah ka tum a.
" Bawihi, tunlai chu i awm dan hi a mak riau, bialpa te hi inei anilo maw? ka nu in a tih chuan ka nuisak a.
" Kum 20 kani ve tawh a lawm nu, bak ah hna ka neive tawh bawk a.
" Ni e, i naupang chhe zawk zawk tawh hlei nem, mahse, mifel leh tha rintlak chu i hriat ka ring" ka pa chuan alo ti ve chuar chuar a.
Traffic a jam nasa lo bawk a ka thleng thuai a, ice cream ka lei kawi leh rih a, Pinky- i hian a duh lutuk a ka hmuh hi chuan ka leisak hram hram thin.
Office ka thlen chuan anlo kim thap tawh a. Music video tur shooting neitura chhuah kan ngaih avangin anlo hmangmawh hlawm hle tawh a.
Thawktu dang ho chuan minlo en deuh thap hlawm a, a chhanchu hetiang hian ka inchei ngai tlatlo a, kawrchhing ka khup chenvel ka ha a, high hell nen, ka sam ka thlah hniang bawk a, min enduh viau pawh chu hre awmin ka awmduh lo luive tlat.
Pa Hlimtea room ka pan nghal a, kawngka ka kik a, a chhanna pawh nghaklo chuan ka lut nghal a.
" I va tlai ve, ilo kal dawn ta lo emaw kanlo ti hman a."

" Ka hmaih phal bik nang le," tiin ka chhang vat a.
A thut na a tang chuan rawn tho chhuak vutin, min rawn pan nghal ruak a.
A rimtui inhnawih rimchuan ka hnar a verh nghal zar mai, kalo hip lut vang vang a .

" Bawihte, i nalh tak zet a ni, ipa hi min ti a thei tak ngial dawn"
" Oh, fiamthu renglo teh, i hman tawh chuan jdl tawh ila, tiin kalo chhang daih a.
" Nilo, Bawihte kei hian ka duh che ni, ka nupui nitur in, ka fanu ang nilo vin, ka fate nu turin ka duh che ni... atih chuan thawchham lek lek in kalo ngai thla a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)