AGAPE_CHAPTER_10_BY : Duati Tochhawng

Episode kal lai dah luhna

Moderator: writers

Thelma x ivy
Posts: 111
Joined: December 15th, 2020, 8:42 pm

AGAPE_CHAPTER_10_BY : Duati Tochhawng

Unread post by Thelma x ivy » May 14th, 2021, 6:45 pm

AGAPE


Duati Tochhawng



Chapter_10




"Sangsang" Ruatkimi leh Rinkimi pawh chuan an ti rual thawt.


" mak ti lutuk suh u" U Sangsangi lahin nui chungin alo ti mai.



" Engtinnge helaiah i awm theih, i thi tawh si a" Rinkimi ani.




" mitthi tawh heta ka awm chuan ka thla ani mai, thihna kha thihna bawk a thungrul turin ka lo let leh" U Sangsangi chu a nui nghal uarh uarh, a arapawm takzet, Rinkimi te pawh an khur hlawk hlawk mai.




"I ni theilo, dawt ani kan mitvai mai mai ani, Sangsangi kha chu kan that tawh" Ruatkimi ve thung chuan a rawn ti, mak ti zetin ka en, U Malsawmi chuah nilo in anni pawh hi an tel ve maw.




" ka nilo, inthat tak thlarau chauh kha alawm ka nih"




" ni e i thi tawh, kan that tawh che" Rinkimin aw khur hlawk hlawkin a rawn ti.




" in tihsual man chu dan ang ngeiin hremna in hmu ang" U Thelmai ani.



Police an lolut a, Rinkimi leh Ruatkimi chu an rawn hruai daih.



"U Sangsang ini tak tak em" ka zawt ve ta nge nge.



"Bawihte Sangsangi anilo, Amuan poisa chu i account ah ka lo thun ang aw, min puih avang in ka lawm e" U Thelmai chuan alo ti



Mak ka ti ngei mai, u Sangsangi nen an inang ropui si, U Sangsangi aiin tlemin a cher deuh tih zawng ani.




" awle , ka kal nghal mai ang aw" Tih pahin akal zui daih.




"Engtin nge u Sangsangi anih loh theih a, an inang chiah sia" ka zawt leh hram.




" Sangsangi ang tur ber mi ka zawng a, makeup hmangin kan chei anih kha, tuma bula sawi chhuah a remlo ang aw, Rinfela ngat phei chuan a hre tur anilo, kan ti na mai mai ang" U Thelmai sawi chu adik chiah, U Rinfela hi ka khawngaih takzet.




" damdawiin lamah ka dah ang che aw" U Thelmai bawk chuan ani.



" tinge i lokal ve dawnlo ami"



" kal ve lo ang"



" ngailo i kalbo ka phal tawhlo, i kalbo khan hlimna min thlen reng reng lo, i kalbo hma ai khan kan hlim lo zawk" ka manbet nghal tlat, ani pawh chu a thaw ve hawk. Kan pahnih chuan Damdawiin lam panin kan kalzui ta nge nge.




Ka nu te bul kan thlen chuan ka nu chuan min lo kuah nghal chawng, a tap tawp.



" tinge i bo vang vang a" Thelmai a thianten an kuah sap sap lam pan a kal pah chuan a rawn ti.



" a chhan i hriat kha" za lo zet a nui pahin alo ti.



" thil tha ber anilo ka tih kha" Thelmai pawh chu kuah ve.



" Bawiha pawh a harh tawh a sin va hmu ve la" ka nu chuan a tih zawm leh zat. Bu deuh nghutin alut zui ve nghal mai bawk.



" Bawihte enge thil thleng" U Nuin a rawn tih rual chuan U Rinfela chu ka en nghal, la lainat tak zet.



" Ruatkimi leh Rinkimi khan min man a, chuan U Thelmai khan min lo chhanchhuak a police hruaiin , chuan Rinkimi te chu an man a"



"An man chu atha hlauh e, tawngthei dun si" Mahlimin alo ti deuh hluk.



"Buaina i tawk chu a thatloh rualin Theli kan hmuh leh phah a atha khawp mai" U Gracie chuan nui pah chuan a rawn ti, engmah hi ala thutak ngailo reng reng.





Immanuela ka la hmuh bikloh avangin a awmna cabin kawngkhar atang chuan ka va bih.



U Thelmai nen chuan an lu an lo insik tir, U Thelmai phei chu a tap hial in ka hria, ka u te pahnih zingkawng bumboh lutuk hi ka khawngaih takzet.




"Nu ka lut ve thei em" ka nu en pah chuan ka va zawt.



" lut thei e, nangmah buaipui tuma kan lo chhuah lai mai mai alawm, kan vaiin lut ang". Ka nu in alo tih takah chuan kan zavaiin kan lutdial.




**********


THELMA (POV)



Immanuela ka hmuh chiah chu ka inthiamloh nghal rawih rawih mai.


A mutna bulah chuan ka va thu hniam, a mit a chhin tlat avangin a a muhil ah ka ngai.



A kut chu laksakin ka vuan a , a hit thler bawk si, ka theihtawp in ka hum lum ve.




" nangmah ini tak tak em" Immanuela chu ka en, ka bu deuh nghat.



Rawn thawh a tum nghal ut ut, ala nat ropui si ka lo dang vat.




" mu mai mai rawh dam thalai amaw in ti suh" mutthat tir mawlh mawlh pah chuan ka ti.



" i kalbo tawhlo ang tiro"



" kalbo dawn e i damlo sia ka lo kan zuaih mai mai che"


" kal rawh" lehlam a hawi nghal hmak mai, ka nui deuh tut tut.




" kalsuh min tih te ka ring ve ania, ka kal ilo duh viau anih kha" kal tum ang deuhin ka thutna atang ka tho a ka thutthleng te chu ka ti ri leh vel.




Ka banah rang zet hian a rawn vuan, mahse ala nui duh chuang miahlo.



" min kalsan i duh vang hrim hrim anih kha"



" min ui der ve tal ka ring a"



" anih anih ka thiamloh vek anih kha thu leh tawh rawh lem, i kal ka phal tawhlo hrim hrim" thutak zawk a alo tih takah chuan ka nuihza lutuk insum zolo chu ka nui ta nge nge, ala tum hmak zui.




"Nghal viau suh i duh leh tlanbo rawh" a rawn ti tum hmak, keilah ka nuih a za tulh tulh mai bawk si.




" i dam velah inneih ka duh teh reng nen tunah chuan monu ber a tlanbo angai dawn ta nih hi" tih leh ka kal nghal mai.



" Lalrinhlu rawn letleh nghal rawh, kan innei chiang khawp ang, duhlo mahla ka ru dawn tho tho che" a teh nghal tawk chuan.



" anih chuan kan tlanbo nghal teh ang"


" ka mutna atang a ka thawh i duhloh chuan ka bulah hian rawn kal mai rawh" tumbur chuan ka kal nghal hna hna, ani lah tu hnehtu inti zetin ala nui sawng leh nghal.



" fanu tlanbo alo kir leh ani maw" cabin chhung rawn luh pah chuan Stephena'n a rawn ti.



Bottle ruakin ka vawm zui nghal tawk, ka la vawn thelh zui ang leh nghal a, Nu Dingdingi hmai a ri chawrh. Ka nuihza bawk si, ka inthiamlo bawk si.



" oiii...nu ana em, Stephen vang vek" tih pahin ka va pan nghal.



Nu Dingdingi pawh alo nui tawp, Stephena lah chuan min kawk chungin min nuih vak vak leh nghal. Ka van ngei mai mai tak.



" i hahmai kha ila rauh( Roh nge a dik zawk ka hrethiamlo) anih chuan chip hmak rawh" a nui lai a tawp nghal hmak mai. Nichin min nuihdan chiahin Amah kawk chungin ka nui ve, a thin a rim tha leh mai mai.




Ka phone rawn ri tang tang chu ka en, Sangsangi tih alo inziak kuau mai.



" ka lo kal leh ang" tih leh room chhuahsan nghal ka rual.



" enge nita a" ka lak rual chuan ka ti nghal thawr, ka tawngkam bul thei hmuk hmuk lutuk hi ka hua.



" Rinfela ka hmu chak" ani teh tlawng pawh chu.


" engtinnge niang aw ka tih ang, Mate naktuk lam i nghak hram thei angem, Ruatkimi te kha jail ah kan thawnliam kumkhua angai bawk sia"



" awle a pawilo, ka nghak thei lutuk a lawm , naktuk a piancham ani bawk a surprise nan kan hmang dawn ania" phur zet chuan a rawn t ve ta




Kan inbiakna chu titawp in ka thiante awmna lam bawk ka pan leh.



Tun thlenga mak ka la tih chu engtia damchhuak nge anih tih hi ani, a ruang kan vui kha Amah ngei niin ka hre bawk si? Amah zawt ila min hrilh duh bawk silo. Mahse mak ka tih chu an zia hi a inanglo bawk, Sangsangi nen khan ze inperhsan tak ani bawk, Sangsangi ani tak tak lo ami tih hi ka la ngaihtuah fo.


" thil thleng a awm ami a" an vai chuan min en thap, enge maw an hriat ni.



" Sangsangi thatu zingah khan Ruatkimi leh Rinkimi pawh kha an lo telve a, chumi chungchang vel chu mawle" ka ti ta ringawt.



" thihna chuan in thungrul lo em ang chu maw" Nu Dingdingi'n alo ti nghal.



" Teuhlo mai nu, Police in an man alawm, i Fanu thar hian i thu a awih lutuk, Dan ang takin hremna ape ania" Tetein min rawn en pah chuan a rawn ti.


A thusawi chu ka lawm viau na in Sangsangi chungchang kha a sawi chhuak ang tih ka hlau takzet.



" Atha lutuk, Naktuk Fela piancham lawm pahin thil ka pe teuh ang che u" Nu Dingdingi chuan alo ti, Sangsangi an sawi lang leh tawhlo chu ka lawm takzet.



" Immanuela chu amah in damdawiin ah a awm angai dawn ani maw" Muanawma'n alo ti.



" ka tello in engmah in tilo ang " pakhat lahin alo ti deuh hluk



"I dam chak teh reng nen kha ai khan han dam chak leh zual la i telve mai tur ania" Muanawma lah chuan tih thinrim tum zetin alo ti leh.



" naktuk kan ei atan i sa kha hemro i duhloh chuan ngawi mai mai teh" ka tih rual rualin "in intan bik hle mai, keichu dam ve tlak ka ni hleihnem min hem ro mai rawh u" ala rawn ti tak ang deuh deuh. Hepa tawngthei lutuk hi.



" Immanuela hi damdawiin a tang a chhuak thei anga, in inlamah kan lawm mai dawn ania" Rinfela chuan a rawm ti.



" chutiang tur ani ngailo, ani chu kallo mai rawh se" Nu Dingdingi ve thung ani.



"Lungngai hmarchate nu Dingding, in inkha lo ui zawk rawh kan rawn lip se hneh dawn ania aw" Muanawma'n thawveng zetin alo ti bawk.




Kan thianho tluk a thawveng kan awm hi ka ringlo, kan in hmangaih tawn em em vek bawk.




" kan la zawt miahlo che, police ho nen in kal a, mahse kan misuali te inpuan tir nan chuan police ho an lanloh angai ngei anga, nangmah chuan inih ka ringlo" feli chuan min rawn zawt kauh , ka ngei mai mai ania.




" Midang a ruai a U Sangsangi lem chang turin" Tetein alo ti.



" Sangsangi lem chang thei ngat tur chuan amah a an viau angai dawn sia" Gracie ni



" engtinnge i hmuh a" Muanawm ve thung ani.



" chuan Rinkimi ten a awih tihna ania" Stephena ve thung ani.



" chuti khawp a in ang chu engtinnge anih theih" Mahlimi ve thung.



" Sangsangi ang a hmeichhe tha ani em" Rinfela zawh na chuan min ti tap lo chauh. Hepa hi ka khawngaih takzet.



An zaivai zawhna chu ka chhang senglo, ka chhanna nghakin min en thapnbawk si



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)