AFTERGLOW Chapter 12 By: Bibatei

Episode kal lai dah luhna

Moderator: writers

Bibatei
Posts: 54
Joined: April 28th, 2021, 11:29 am

AFTERGLOW Chapter 12 By: Bibatei

Unread post by Bibatei » May 14th, 2021, 7:59 pm

πΆβ„Žπ‘Žπ‘π‘‘π‘’π‘Ÿ 12





Bathroom rawn in chum ri dawt dawt vang chuan ka ding hluai a.




" Nute,i va rei ve,i tha em ? " a aw ah chuan min ngaihtuahna ri alang tel.




" Aw ka rawn chhuak nghal " ka insiam tha sawk sawk a,ka hmai ka phih nghal bawk.




" I rei luttuk a,ka ngaih atha lo alawm " ka chhuah rual chuan arawn ti sup.Khumah alo thu tawh.




" Nia " ka ti tawi tak ringawt.



" Lo kal teh " tih pah chuan akutin min rawn hui a.Muang changin ka pan phei den den.




" Nga ti nge i tah leh thin a " a rawn ti sup.Ka inthup ve viau emaw ka tia.




" Ka ngaihtuah na in kawng kawi a zawh palh a " nui seih chung chuan ka ti sap.




" I tah chuan maw... he lai hi a pik thin....tih theih ka neih loh phei chuan hreawm ka ti thin " a awm zawn khawih pah chuan ati sup.




" Ka tap tawh lo ang, ti nge alo nat mai mai " tih pah chuan ka kuah a ,a thu chung pawh hian min chen lek lek,khum alo sang ve bawk nen.





" Vawiin chu i nu rawn kal ve leh ka phei nghal mai ang aw,he tah chaw ka ei lo bawk ang " asam khawih neuh neuh pah chuan ka ti sep.A rum nghut a,ka nui nghawr dat thung





" Nga ti nge " ka awm zawn atanga rawn hawi cho kiau chung chuan a ti sup,a ner nang a,a in la cute ve emaw ni.A hmeltha em em mai leh nghal,a hnar ngul ah chuan ka nul zauha,chu ringawt pawh chu thla hlel tih hriat zetin a rawn nul let ve nghal,ka nui a!.






" Ka nu puih angai dawn a,inchei kan tum deuh a " ka ti sap .Christmas pawh kar leh leh pek a lo ni leh der tawh mai.






" In chhungkua hi ka awt thei khawp mai che u " ka awma hmai phum chung chuan arawn ti leh sup.Chhan dan tur ka thiam lo,ka kuah nghet sauh ringawt.






" Keini chhungkua ve hi chu eng lai mah in chaw hlui kan kil ho ve ngai lo,inrawn khawm leh in kawm fal kan nei ngai lo bawk,in khatah cheng mah ila hotel a thleng ho ang bak kan ni lo,kan in sul pel mai mai zel " a rawn ti a.Chutiang chhungkua a awm chu a hreawm ngawt ang , kei chuan ka tem ve lem lo nangin a nawm loh tur zia ka ngaihtuah pui thei.







" Keini chuan chhungkaw hlim deuh kan din dun anga ti raw " tih pah chuan kun hniamin a lu ah ka fawp vang vang.A rawn thaw hawk.






" Nute kei nen chuan engtikah mah chhungkua kan din ve dawn lo " rilru na tih hriat zet chuan chhung lam atangin a rawn ti tuak a.Ka awm a rawn nawr ngawt ngawt bawk.Ka thin hnun hi thuk taka vih ang mai hian ana.






" Chutiang sawi mah ta che,fa te kan nei anga nangin min la chawm ang chu.." ka ti sep.Ka duh loh deuhin ka hrawk a rawn thip a,chhunglam atangin a rawn inhnawh tup tup.A hmai chuan ka awm chu arawn nawr leh tawk a,a thaw leh hawlh thin.






" Joba kha mi Γ’ nge ni anga mihring a lo ani lo zawk " sehchilh rap hian arawn sawi a,a samah ka hmer vak ringawt.Hetiang lam asawi hi chuan a beidawng hle ani thin.





" Mihring ve tho alawm Tete " ka tap leh mai dawn in ka hria.Ka hnar aping vek tawh!.






" Engtin nge aneih zawng zawng an laksak lai khan lungawi taka apawm theih,kei chu ka pawm thiam thei lo!! " Rei lo te tak tak a chawl a "kha tia ka lung an thlak khan ka lawm em avangin Pathian ka hnaiha,Bible pawh ka chhiar nasa in ka hre ve hle bawk,nang pawn i hriat kha,ruihtheih thil pawh ka theih ang angin tih loh ka tum ve bawk,mahse Pathian chuan natna ngai ah bawk min hnuk lut leh a, Pathian hian ka hnaih duh lo in ka vui zawk theih nan hetiang hian min awm tir ni maiin ka hria " a rawn ti a,a ngaihtuah dan zawng hi ka duh tawp lo.







" I ngaihtuah dan a dik lo anih kha....., ngaihtuah chiang chhin teh Bible a joba chanchin i chhiar khan Pathian ni lo in Setana'n Joba kha a fiah ani lawm ni !.Ngun leh zual khan ngaihtuah la,Setana'n tunah hian i rilru a buk mek ani maithei asin,chu vang chuan in enfiah la,Pathian dem luttuk suh , he i natna hi Pathian hnaih nan hmang la,nun hlimna ilo nei mai ang " ka ti a.Ka mittui rawn tla tur chu ka khap per sak sak .





" Eng ang bialnu nge maw ka neih hi le " nui nghawr dat chuan arawn ti a.





" Eng din hmunah pawh i dina i bula ding ve tlat tur maw le " ka nui a,a ni pawh a rawn nui leh tho.Ka kut in ka mit la hnawm chap chu ka hru a.





" Ninawm " rawn ti hluk tu kan hriat chuan kan inthlah vat.Lalrema,Davida, Ruatpuia leh anu an rawn lut dual a.Dar zat ka en vat dar 8 alo pel hret tawh.







" Kha ti te chuan in inchar anga sin " Lalrema chuan ati hluk.Midang ho an nui dar dar.





" A thu sawi kha engah mah ngai su, Christmas ahnai tawh sia kuah lum tur ala hmuh ve loh vang ani ni " Ruatpuia'n Lalrema hnung ben thek thek pah chuan arawn ti a.Larema'n a nem bu lawp mai.Kan nui zo leh vek.An ni hi chuan rilru an ti thawveng ve hawk zel.






" Enge i an zel a ," Davida chuan Tetea chu arawn zawt a.





" Ka tha viau mai,harsatna em em ka nei lo " Tetea chuan ati sup.





" Anih leh tinge i ban kha " aban kawk zeuh pah chuan arawn zawt leh, Tetea chuan min rawn en kher anih chu.Ka melh nghek.A rawn nui ri suk a.




" Nizanah ka naute kawl a huaibak achhuak a " nui chung hian ati a,ka ner nawng nawng. Amah vang ani reng sia.Davida lah chuan min rawn la nuih ang vur vur a.Ka ngaithei bau lo.





" Amah zawk anih kha aw,enge kha tia...." Ka sawi zawh hlau luttuk in Tetea'n ka hmui arawn hup vat.




" Sawi chhuah awih loh ! " ka beng bulah arawn ti sup.Ni tak e sawi sual teuh ther ther ve leh,ka bu nghut a. Tetea pawh a khi suk.Ka melh nghek tho , min mawhpuh ve ringawt a.





" Eng maw? Enge in sawi a Vida " Lalrema he haw lah hi a hriat ve vek tum mai.





" I rualban loh na kan lo sawi a " ka tih rual chuan abula lukham chu arawn thlawk fua min la vawm fu lo zui.





" I va haw ve, i rualban lo tak tak ami? " nui chung hian ka ti a,midang pawh an nui dar dar Lalrema erawh atum hmuk.






" Nang hi chu biak tlak i awm lo,Vida engmaw insawi chu ? ti nge Tetea khan Nutei hmui ahup sak daih a ? " Talh talh chuan a.




" Hei akut hi achhan ka lo zawt a," Davida chuan ati sup.Min rawn melh tel kher avang chuan ka bula lukham chuan ka vaw chawrh.Ala nui hawk hawk zui.





" Lalnunpuii vang bawk ani maw,dam lo awm pui chi ini tawp lo " Lalrema chuan ati hluk.




" Nanga tawng zawt zawt ai chuan ka awmpui chi feee " uar fahran chuan ka ti nghek.





" Khawi a tawk in mak em em luttuk,Tetea te pawh an ril atam tawh ang , han ei ve phawt se in in thlun pawlh leh dawn nia " Nu zuali (Tetea nu ) chuan nui chung hian arawn ti hap.Kan ngawi thap .A ei siam chu table ah dah in khum lam arawn pan pui a.





" Nu zual kei chu ka ei lo ang,ka nu abuai dawn sia thlai a hralh ni ani bawk nen,ka phei nghal mai ang " ka ti a.Min rawn en vat





" Ei phawt la i haw zawk dawn nia " amah mai ni lo, midang ho pawhin min chelh tlat takah chuan ka ei leh nge nge.Ei zawh ve leh tih pawh tih fel pui lo in ka chhuah san nghal.




Lalrema'n min thlah a,kawng tluan in kan inhnial ani mai.In kan thlen chuan ka chhuk vat a,a helmet khum chhanah chuan ka beng bu lawp,a phun nghal hluk,ka nui hak hak a.Thil dang asawi hma in inchhung lam ka pan nghal,chaw an lo ei mek a,chanchin te sawi in inbual turin ka room lam ka pan chho nghal a.






Ka nu nen thlai hralh paha bazar nghal kan tum avangin ka insiam vat a,thlai hralh tih lem ah dawra dah zuai ani mai.Kan bazar rei phiana decoration kan lo nei tha tawh lo bawk nen,mipa ho erawh chuan current te fit in , tree vel an buaipui thung, a chei lamah ka nu nen kan ni ve thung ang.







__*








Naktuk Christmas anih tawh avang in kan phur tlang hlawm hle a,kan veng chu Christmas hla in aluah khat ani ber.




Zan dar 9 vel thleng ka chhung te bulah ka awm a.Tetea'n mimal chauha a lo hman lai a hmun dang hman san ka duh loh vang ani.Lawmi , Sangtei leh Tetea thian te ho in Cabinah kan awm vek a,in thurual in Cabin pawh kan chei nasa, doctor te phalna kan lak thlap avangin kan duh ang angin kan awm.Tetea nu erawh an homeah a hmang dawn thung.







Chhuatah pher kan phah a,Tetea kap karah ka thu , drip khai tawh lo in venflon an vuah tawh a,a tan pawn chet a awlsam deuh.A vawh deuh avangin kan pahnih chuan puan nuam kan sin a,a kut a awm hle hle thei lo reng reng.





Lalrema'n guiter aperh a, Christmas hla sa in kan zai ho dial dial .A hma a kan len ho tuma kan zai vak vak te kha ka hrechhuak rum rum,lung a leng duh ngei mai.




𝐴𝑀 π‘‘β„Žπ‘™π‘–π‘Ÿ 𝑧𝑒𝑙 π‘–π‘™π‘Ž π΅π‘’π‘‘β„Žπ‘™π‘’β„Žπ‘’π‘š π‘‘π‘™π‘Žπ‘›π‘”π‘π‘’π‘–,
π‘…π‘Žπ‘› 𝑖𝑛 π‘‘π‘™π‘Žπ‘€π‘š π‘Ž π‘β„Žβ„Žπ‘Žπ‘›π‘‘π‘Žπ‘šπ‘‘π‘’ π‘π‘–π‘Žπ‘›π‘” π‘β„Žπ‘’,
π»π‘šπ‘Žπ‘›π‘Žβ„Ž π‘šπ‘– 𝑑𝑒𝑛 π‘™π‘Žπ‘€π‘š π‘™π‘œ π‘šπ‘Žβ„Žπ‘ π‘’π‘™π‘Ž,
πΏπ‘Žπ‘™π‘π‘Ž π‘˜π‘Žπ‘› π‘‘β„Žπ‘–π‘›π‘™π‘’π‘›π‘”π‘Žβ„Ž π‘™π‘Žπ‘™ π‘π‘’π‘Ÿ π‘Žπ‘›π‘” π‘β„Žπ‘’...





Hal mawi van thengreng zau taka darh chuai chuai reng chu tukverh atang chuan kan thlir thup.Damdawiin ani sia ti ve thei hek lo le,cake kan order lian zet mai chu kan chhawp chhuak a,Tetea a hawi Γ’ hu mai,engmah kan hrilh ve loh vang ani mahna.







Cake chu Tetea kan chhem hlum tir a,thla kan la reng bawk,fiamthu te thawh in kan hlim tlang dar dar khawp mai.Ruih chi ken luh ka phal loh avangin coke an dawm fur a,Tetea erawh in ka phal ve chuang lo,a in loh laia lo in bik ka duh loh avangin kan pahnih chauhin kan in lo,Appy leh li chi kan in teuh thung.







" Merry Christmas " tih pah chuan ka hnar a rawn nul zeuh a,khum ah inhma tawn in kan mu a,midang erawh chhuatah chep deuhin an mu.Lawmi leh Sangtei thutthleng dawhzawm in an mu bawk.Tunah chuan dar 3 bawr vel anih tawh ka ring.






" Nang pawh merry Christmas bik riau " tih pah chuan ka han fawp zauh a,kham lo tih hriat deuhin a rum nghut.Chu tah a hmai zawna min pawt chho in min fawp nghal tawn tawn.A kutin ka hnute a rawn khawih chat a,dim na tel miah lo in a hrawm nghal tawn tawn bawk,a na lek lek,mahse sawi kher ka tum lo.






Ka hnungah zen lut in ka bra kilh na a phelh a, ka thawl nghal hawk,min la fawp reng chung siin ka kawng bawr a rawn zut chho riai riai a,ka za chuai chuai thei.Ka hnute rawn khawih thleng in a hmur chu a kut zungpui chuan a tuai hauh hauh a,dim deuh zawkin a rawn khawih a,ka ka chhungah alei rawn rawlh lut in zei zet in ache zui nghal bawk.A hmui sawn thla in ka ngawng vel chu ahmui chuan a fawp thla den den a,insiam remin ka chungah arawn bawk kanga,ka mal leh mal in karah a rawn inzep lut nghal bawk.Thla eng in ahmel achhun a,ka mit meng a fiah loh em avang in chiang takin ka hmu thei lo.







Rawn kun hniam in min fawp zauh a,thawm kan dim dun hle.Ka ngawng ah bawk tuan leh in a hne dek dek a,a thil tum ka hre thiam mai.Hnuai lama min do run tu pawh ka hriat hmaih lo,chu chuan boruak min ngam tir sawt in a kawr chhungah ka kut ka zen lut a,ka kut chu rawn vawn hnanin,a kekawr chhanah chuan a mi patna min khawih tir a,ka thawk ka hip let kawk.A rawn nui nghawr dat a,harh chhuak zawkin rang zetin ka kut ka la let nghal.







" Du...h..du..h..tawk..ang " ka tawng bah nawk,ka la thaw halh halh bawk.A kut achet chhunzawm reng avang chuan akut chu ka man chawt.Tiang chuan aia thui kan kal palh ang.Ka lu zawn ah rawn in beng kang in,ka chal leh a chal a insik tir dat a,a insum nasat zia ka hai lo,a bek zawn a pawng tawlh tawlh bawk,a mit meng a phelh phang a, ameng si sap bawk.Ka lan dan adanglam bik vak ka ring lo, thlasik khawvawh vin lai ni mah se thlan tui in min bual huh dup.






" Ka hmangaih che " ka chalah ahmui a rawn nawr vang vang a,ka thawk ala pangngai mai thei lo,a ni pawh chu tho,tho chhuak in bathroom lam apan a.Vawtin min rawn tham tan bawk.Kan thian te an awm ve tih ka hre leh chiah,kan thawm lo hre ta se,a zahthlak khawp ang.





Keipawh pangngai tum chuan thawk ka chelh vang vang a,ka thaw chhuak leh suai suai thin.Ka pa thusawi ' mipa leh hmeichhia an awm dun tam hi chuan thil tha lo zawk athleng thin ' a tih kha tun hnai hian a dik zia ka hmu chiang leh zual.





Bathroom atanga arawn chhuah chuan keipawh ka pangngai tawh.Ka sira rawn mu thla leh in min nuih suk,lai zet in a awm loh na lam ka hawi nghal daih.Min rawn kuah nghal hlun a,in let leh nghal in ka kuah let ve nghal , a awm lum vung vungah chuan hmai ka phum a,ka thaw chhuak suai suai,tunah hian ka famkim hluah hluah.







*




" Engtin nge vawiin chu nidawn " Davida chuan ati sup.Khumah kei leh Tetea kan thu a, midang zawng kan hnaihah thutthleng rawn hung hnaiin an thu thup, vawiin kan hman dan tur kan sawi ho mek.





" Kei chu min ngaihtuah su,va inkhawm ula,nuam deuhin va hmang rawh u " Tetea chu ain thlahrung tih ka hria,mahse a tel lo a hun hman kan tum bik lo.






" Chutiang lo sawi suh,chuan tuna kan thurelah hian lo inrawlh ve suh " Lalrema chuan a rawn ti a,Tetea kutah vuanin amah ka han en chho a,nuam lo tih hmel takin min en,ka nuih seih a,a awm ka ngheng nghal bawk.








" Kei chu hetah ka lo awm ang,ka nu leh pa te pawn an phal mai ang,in duh leh va in khawm ula "ka ti sap a.Min rawn en nghal thup bawk.Tetea pawh abang lo.




" A ngai kher lo ang ka tih chu,va inkhawm ru,min tawng tai pui tur tal pawn " Tetea chuan arawn ti sup.



Chutia kan lo sawi ho lai chuan Nu zuali arawn lut a,kan awm dan ahmuh chuan a hrilh hai hmel hle,nizan khan keimah chiahin ka awm pui tur thu ka sawi miau.Kan nuih tlawn nghal vur vur.Nu Zuali erawh a ner nung ringawt.






" Enge kha ti teh thup a in lo awm a " a rawn ti hlak a,kan nui vur vur ringawt.





" Nute nangman maw awmpui ang " Lawmi chuan arawn ti a.




" Enge in sawi,? Nute tu maw i awmpui dawn ? " Nu Zuali chuan a rawn ti vat.






" He tah inkhawm lo in ka lo awm mai ang chu ka lo tia ", ka ti sep.Nu Zuali ngaih dan ani lo nasa.







" Tun ang hun dam leh hrisel taka inthleng thei hi Pathian hnena lawm thu sawi a inkhawm nawn awn awn tur in ni zawk, tunah Bawiha erawh tiang din hmunah hian ading a,Biakin rap thei lo in he lai hmun ah kan lo awm angai a,nang ni erawh chu Pathianin hriselna tha tak ape che u a,Bawiha vang mai mai a inkhawm in thulh ka rem ti hauh lo " a ti hmak mai.Ngaihtuah chian chuan a dik fu mai.






Chutanga Nu Zuali'n a sawi takah chuan,kan haw tlang ta hlawm a,chawhnu tal chu awm ka tum fan tho,Tetea mit menga min thla hlel na kha ka hmuh hmaih lo,keipawh a tel lo a inkhawm kha ka phur hauh lo bawk.







In a ka haw chuan chhung in khawm te neiin lawm thu sawi tawngtai na te kan nei a,tuk thuanin zuiin chaw ei khamah ka insiam nghal.




Ka Christmas thuamhnaw chu inhmeh in ti zetin darthlalang hmaah chuan ka in theh kual vel a,Tetea thil pek tur a ka tih chu en leh in ka nui ver ver.Hmanni ka nu nen kan bazar ni a ka lei couple shirt a hring duk tak deuh mai a plan hi ani a,kan pahnih thlakak ka print tir nghal bawk.Kan vun a hang vak lo bawk a,kan in hmeh tho in ka ring.







Inkhawm pawh kan tam khawp mai,thusawitu lah in a sawi thiam a,rei luttuk sawi lo in hun tlem te chhungin thu tha tak tak akhungkhawm thiam khawp mai,inkhawm banah thingpui ruai kan kil ho a,chhangban an sem bawk, chhangban hi chu tui ti viau mah ila mi zingah chuan ka ei ngam vak lo,ei thiam ahar si.Chu tia thing pui ina biakin kawta ka din chuan , vawiin hun hlim taka hmang a biakin tuala mi tam tak insul pel te chu ka en a.







Kan vanneih zia hi sawi cham chi ve thin mah ila,kan nun hian vannei kan nih zia a pho lang ngai chuang miah si lo.Tunah mi tam tak mahni inlum ah pawh ni lo damdawiin ah,natna khumah mu chungin lungleng leh hreawm ti tak in he hun hi an hmang a,keini chuan an ni chu dΓ’wn miah lo in hlim takin hun kan hmang a,a then lah in khawvel suala luh nan an lo hmang bawk a.




Lal pianni champha mah ni se mi tam tak chuan suala tluk luh ni ah an hmang thung si.Kum danga hlim leh nuam ti taka he hunpui kan lo hman lai khan lungngai leh hreawm ti tak a he hun hi hmang an awm ngei awm si a, keini lah chuan vannei kan nih zia inhre map lo in thleng tur reng a ngaiin ngaiah kan lo nei a,kan lo va han Γ’ tak em.Hei pawh hi Tetea avanga ka zir chhuah ani.





Thingpui ka in zawh chuan ka thiante chu ka kalsan a, ka nu te bulah ka va kal in chawhnu ka inkhawm loh tur thu leh Tetea ka awm pui tur thu ka hrilh nghal.Tlai lamah haw har lo tur in leh Tetea pawh Christmas chibai lo buk sak tur chuan min ti a,ka nu pawh hian Tetea hi chu a ngaina ve mawle.







Damdawiin ka thlen chuan alo mu a, oxygen hip in drip an lo khai bawk,a bula monitor a in awn bawk,a nu lah dam lo tlawh tu te thut na ah alo mu bawk si.Tetea chu hrilhhai zet in ka en reng a ni tel in a tla hniam emaw tih mai tur ani,a vun adang lep a,a cher sawt em em bawk.Ti nge oxygen hip angaih nachhan,a ni hi alo zual ani reng lo maw.Ka awm chhung arawn in hnawh nghal tup tup ,dan rual loh in ka mittui a luang thla nghal pap bawk.Ka awm loh lai khan engtin nge i awm, hreawm takin i lo awm em ni.Present pek ka tum chu a mutna bul dawhkan ah chuan ka dah a.A khum bulah chuan ka ding reng , tui ti tak a muhil chu mittui kar atangin ka en ngawt ngawt.









" Nute,i rawn kal elaw " anu chu a rawn tho chhuak tham tham a.





" Ti nge Tetea hi,tiang a a awm a " ka ti chhuak tuau.A thaw halh a.







" Nia inkhawm tan dar a rik hnu vel kha niin ka hria , a awm hi anat thu a rawn sawia,ani meuh in kha tia a rawn sawi kha chu anuam lo hle anih ka ring a, doctor ka koh chhungin a khawsik alo insiam nge vawttin a lo in kuah khawm hluna ,a tlun ti tih bawk a " arawn ti sep.





" Ti nge min rawn hrilh vat loh " Tetea en pah chuan tah rin hlau luttuk in ka ti chhuak leh tiau a,rang zetin ka hmui ka hup nghal.Nu zuali chuan min rawn pan a.Min kuahin khum bul tuk verh lam min pan puia.






" Nute,hetianga Tetea i buaipui leh abula i awm thin hi ka lawm luttuk ringawt,mahse kalsan tur in ka duh che." A rawn tih chuan min kuah na atanga tal chhuak in Nu Zuali chu mak ti tak in ka en a.





" Eng vang in nge kalsan tur a mi tih " lungawi lo tak chuan ka ti a.Ka nu rual mah ni se ka tawng kam adam lem lo.





" Thu kawi ah la lo la,tunah chuan Tetea pawh hetiang mai hi ani tawh.Engmah beisei tur a awm tawh lo,ti hian akal hun nghah tawp ani mai,i tan zawk anih chu ka sawi " a rawn tih chuan Nu Zuali chu ka en tlawk tlawk,a ni pawh a rilru ana ve hle tih ka hria, mahse kha tiang kha sawi tur in ka duh lo.Chuan ka kalsan ngai dawn lo bawk.





" Eng din hmunah pawh lo ding se,ka kalsan dawn lo! Thihna ko tlangah pawh ding se, a bulah ding ve dawn lo mah ila ka kut talin ka chelh ang,kalsan turin min ti tawh suh " tih pah chuan bathroom lam ka pan a.






Kawngkhar kalh tha sawk sawkin ka thu thla hnawk a,ka mittui a sur nghal zung zung , ka thaw ipik luttuk leh rilru na bawk si tah rin ka hlau bawk si nen ka kawr hak chu ka kut hmawr ah pawt chho in ka hmui ka hup a , ka tap khur dawt dawt.Thawk pawh ka thaw tha hleithei lo,Nu Zuali thusawi ka ngaihtuah chian leh lek phei kha chuan ka Γ’ mai dawn in ka hria.




Aih ka duh lo,Tetea hian min kalsan thei miah lo,a puitlin huna a nih tum pawh ala ni em hleinem,Lalpa ala theih miah loh ania aw, khawngaih takin ti dam leh hram teh tunah sawn harh chhuah tir leh la, khawngaih takin dam takin rawn awm tir leh hram rawh.






Lalpa ka tawngtai na hi chhan tlak ani lo tiin hnawl mah la, khawngaih takin kohhran ho tawngtai na leh ama mimal tawngtai na tal tih hlawhtlin sak hram teh.Ka in sut nghal hlawp hlawp,ka duh ang pawn thawm ka dim thei lo , ka awm chhung hi ana nghut nghut , min khei sak ni maiin ka hria ,ka ke ka thluang duaia kawngkhar chu ngheng in chung lam ka en vang vang.Lalpa tunah hian enge tih theih ka neih?,ka tawngtaina chhan i tum bawk si lo.Tetea'n a tuar reng bawk si!.






"Lalpa dem in haw viau che mah ila nangmah lo tluk luh na tur ka nei bawk si lo" Ka rilru na luttuk chuan ka thawk ati harsa a , ka khawng ti tih bawk,ka mittui rawn luang te reng reng pawh chu ka nat zia hrethiam ang zia zang in a sa huam zel bawk.Ka hrawkah hian min hnawh tlat a,ka hnar aping vek tawh bawk.





" Lalpa a la theih loh aw " ka phun chhuah rualin ka tap leh nghal hawk,thawm ka dim thei lo ka na em asin.






Rei fe ka tah hnu chuan ka inphih fai a, darthlalang lo awm a ka in en chuan ka bui vek,ka mit meng asen ram bawk.Ka nui lui sak a.





" Tetea hian min kalsan dawn reng reng lo,Pathian hnenah kan tawngtai ani lawm ni, tlai ngai lo Pathian kan nei alawm " phun chhuak sapin bathroom ka chhuah san a.Nu Zuali chuan min rawn en vat ka nuih sak a.






" Nichin vang khan min hrethiam dawn nia,mahse ka thutluk na ala ngai reng ", a rawn tih chuan chhang lo in Tetea lam ka pan a.





" Nute,i nat luttuk loh nan kalsan zawk rawh " ka dara rawn khawih pah chuan arawn ti leh a,ka in sehruk nghek.





" Ka sawi tawh kha, keipawh ka thutluk na angai ,ka kalsan dawn lo " sehchilh rap chuan ka ti a,Nu Zuali pawh a thaw chhuak hawk.





" Tunah hian kalsan ta ni ila kei chauh ni lo in Tetea pawh hi na ve tur tho ani,kan intih nat tawn ve ve ai chuan tihian hlim taka hun kan hman theih lai hian abula awm tlat ka duh zawk " dam deuh zawk chuan ka ti a,Nu Zuali ka en chuan mittui tling pam hian lainat hmel zet in min lo en a,ka nuih a





" Ka fapa hian nang ang hmeichhia a tawng hi avannei tak zet " min rawn kuah pah chuan a ti a,a insut hraih hraih bawk.






" A ni hi tawng lo ni ila,hetiang ang hmeichhia hi ka ni ngai lo ang " ka ti sep.







Tlai lama Lalrema te ho an rawn kal a, ni dang ang in ka chiau au lo hrim hrim,tawng chak na pakhat mah ka nei lo.Tetea awm dan an hmuh chuan an hrilh hai ve hle a ,chanchin min zawh pawn ka chhang thei lo ka sawi hma in ka mittuiin hma a hruai zel vang ani.Nu Zuali'n chanchin te ahrilh chuan khawngaih thla la zet in Tetea chu an en ve ngawt ngawt tho.A ni erawh chu tui taka muhil ang mai in athaw suai suai reng bawk si.









Doctor rawn kalin arawn check zung zung a, doctor chuan a harh leh vat tur thu sawiin chhuak then tur leh awm huai huai lo turin min chah nghal bawk.Mi dang an chhuak veka , keimah leh Tetea chiah kan awm, room hi a reh tlawk tlawk ani mai.




Nizan lam ka ngaihtuah chhuak a, khatiang a thil kan tih khawm kha a zo lo chiang alawm,a hman nawm loh kan hlauh luatah a hun tawn leh tur kan lo dΓ’wn thleng lo ani.Inchhir na bawkin min rawn tuam leh tawh.Ka ning luttuk thawveng taka hun hman leh kha ka chak.Thut pawh thu tawh lo in Tetea harh hun nghak in roomah chuan ka tei kual chhena , anu a rawn lut zauh zauh bawk.





Tlai chaw ei dawnah pawh ala harh loh avangin haw lo in cabinah ka la awm char char, Doctor khan a rawn harh leh vat tur thu kha asawi si a.Ka nu in min rawn call na pawh ka chhang lo,haw hma tur khan min ti a,mahse a thu min chah Christmas chibai pawh ka la buk reng reng hleinem,ka sam chu ka hui chho pap a,Tetea chu ka en ran bawk.Ti nge i rawn harh har em em a....







" Nute,va haw tawh rawh arawn harh ve leh ka rawn hrilh dawn che nia, i phone a ri reng bawk si thil pawimawh a awm aniang va phei tawh " tiin Nu Zuali chuan haw tur chuan min ti a, keipawh a harh hun tur a hriat miau loh avang in haw tur chuan ka in buatsaih a,Nu Zuali'n motor min biak sak tum viau mahse ke in ka haw a, motor vei vak pawh an tam mai mahse service ni lo in Christmas lawma thalai ho leng an ni.







Kan in thlen hma kawng fal laiah chuan ka ding a,khua a thim vek tawh. Tetea nen zana kan inhmuh na thin kha tuna ka awm na hi ani a,ka nui a ! mi Γ’ ang maiin ! , " Tete rawn harh leh vat la in hmu leh ang aw." Ka phun chhuak sap.Ka mittui rawn hnai kuar chu duh lo in ka hmai ka hup thawk a,insiam tha in inlam ka pan nghal bawk.








" Ti nge rawn haw hma turin ka ti che si a, phone call ila thei bawk si lo " in ka luh ve leh ka nu chuan min ngaihtuah hmel tak chuan min rawn hnaih nghal ruak ruak a.A thinrim ka rin nen,chutia a rawn awm daih chu mak ka ti viau . Ka kun ngul a,ka chhungte chuan sitting room atangin min en thap tih ka hria.






" Tetea tha em? " Ka dar rawn khawih pah chuan ka nu chuan a rawn ti leh a,ka lu ka thing nar nar,ka tap leh mai dawn in ka hria.Ni lo ka tap tawh zawk.






" Ka fanu khawngaih thlak " tih pah chuan ka nu chuan min rawn kuaha,chu chuan ka rilru ati no zual ka mittui a tla leh nghal zung zung.





" Nu,Tetea saw arawn harh chhuak leh ang ti raw ? ti sawn a mu hlen dawn lo ti raw ? ,Nu min chhang teh !! ti sawn min kalsan lo ang ti raw? " aw rawl chhuah meuhin ka tap hawm hawm a..ka ngaihtuah na te hi a tawi tup.





" Bawihte lungngai mah ta che, aharh leh em em ang,tunah chuan a hahdam rih mai mai alawm,nang pawh chaw te ei la, i mu hahdam dawn nia,naktukah dam chuan ka rualin kan va kal leh dawn nia " ka hnung chul heuh heuh pah chuan a rawn ti a, chaw ei tur min siam saka a hming bakin ka ei lo, room ah min hruai chho in khumah min mut tir a,ka lu chunga kut nghata min tawngtai sakin ka mutthilh theih na ka bulah rawn mu ve in a kut chuan ka pum zawnah nau awi ni awm takin a rawn beng thek thek a.


π·π‘Žπ‘š π‘β„Žβ„Žπ‘’π‘›π‘” π‘šπ‘– β„Žπ‘šπ‘’π‘Žπ‘˜ π‘Žπ‘π‘–π‘Žπ‘›π‘”,𝑖 π‘‘π‘–π‘Ÿβ„Ž 𝑛𝑖 𝑠𝑒,
𝐴 π‘›π‘’π‘Žπ‘š 𝑛𝑔𝑒 π‘Ž β„Žπ‘Ÿπ‘’π‘Žπ‘€π‘š,𝑒𝑛𝑔 π‘π‘Žπ‘€β„Ž 𝑛𝑖 𝑠𝑒;
𝐻𝑒𝑖 π‘›π‘”π‘Žπ‘€π‘‘ β„Žπ‘– π‘˜π‘Ž 𝑑𝑖𝑙 π‘Žπ‘›π‘”,𝑖 π‘™π‘Žπ‘š π‘™π‘œ β„Žπ‘›π‘Žπ‘–β„Ž 𝑧𝑒𝑙 β„Žπ‘–.
𝐼 π‘™π‘Žπ‘šπ‘Žβ„Ž π‘šπ‘–π‘› β„Žπ‘–π‘ π‘Ÿπ‘Žπ‘€β„Ž πΏπ‘Žπ‘™π‘π‘Ž π‘ƒπ‘Žπ‘‘β„Žπ‘–π‘Žπ‘›.


Tih hla π’Œπ’‰π’ƒ 266 chu a rawn sa rat rat a,ni e,ka dam chhung hian engthil pawh hma chhawn mah ila Pathian ruat ani a,kan tih danglam theih engmah a awm lo, Pathian hnaiha ama bula tluk luh tawp mai loh chu tih theih kan nei lo,amah ah hian in nghat ila hah dam na kan hmu ani mai.









A tukah chuan ka tho rit bur keimah chiahin ka lo mu tawh,ka phone ka en chuan dar 12 alo pel tawh a miss call engmah a awm loh avang chuan ala harh lo anih ka ring,phone let turin huaisen na ka nei lo,thu tha lo hriat ka hlau ani.





Inhnuaia ka chhuk thlak chuan tu mah an lo awm lo,an inkhawm vek aniang,choka ah ka lut a, ei tur dawnkanah alo in chhawp lawk vek , ka nu tih anih ka ring.Peih lo tak chuan ka ei a, kei tal ka in tih chak loh chuan Tetea nen kan awm dun tam thei lo palh ang.






" I rawn tho chhuak peih maw " ka nu chu choka ah arawn lut a.Inkhawm an bang chiah anih hmel.Tawng ka a chhang lo in ka bu nghut,ka pa pawh a rawn lut ve nghal.





" Nu engtikah nge kan phei dawn " ka chaw ei lai en pah chuan ka ti sap



" Nute,hah chawl ve leh phawt la tiang chuan i chau luttuk ang " ka pa chuan a rawn ti sup.




" Ni e,chu chu tha zawkin i hre lo maw" ka nu chuan arawn ti zui a.Ka lu ka thing leh nar nar.




" A rawn harh huna ka lo awm loh chuan a hrilh hai luttuk palh ang " ka ti sep.Ka thleng chawiin thleng silna ah ka dah a.





" Nu phei turin ka insiam nghal mai dawn asin " ka tih chuan ka nu chu a thaw hak a,a mit meng in ka pa a rawn a, ka pa abuk tak nghut ah chuan




" Um....han insiam rawh keipawh kan inthlak ange " tiin choka a chhuahsan ve nghal.







Kan va thlen pawh chuan angai reng in alo la mu,Nu Zuali leh ka nu chu an inkawm melh melh a,Tetea bulah thu in akut ka chul sak heuh heuh thung.




' I muhil rei tawh mah mah lo maw,nge i mumangah kan pahniha hlim taka lo awm in rawn harh chhuah iduh tawh lo zawk , rawn harh tawh la Tete atak ramah hian ka hlauthawng a nia ' ka rilru in athusawi avang chuan mittui bawk arawn tla leh a,lo dan dan ka thiam si lo.Tete rawn harh vat teh,a hreawm emai.









__*




Kar khat hnuah pawh a rawn la harh loh avang chuan ka awm hle hle thei lo, doctor te lah chuan hetia nghah tawp hi ani mai an ti bawk si.Inah ka haw ngai lo a,ka ei tur hi ka nu emaw Nu Zualin an rawn keng mai thin ka inthlak na tur pawh.Tetea hetiang anih avang hian pathum aia tam cabin chhung a awm an phal tawh lo a,Lalrema te pawh an rawn kal chuan amal mal in an rawn lut thin.Min hnem ve mawlh mawlh reng bawk.







Kum hlui thlah zanah pawh a bulah ka awm chawt a,a nu chu awm ve reng thin mahse zan ka riah pui theih tho avangin zan lamah chuan ka haw tir mai thin.Kum thar kan chuang kai thei a,chu mi avang ringawt pawh chuan ka lawm ngawih ngawih,leh lamah school kan kal angai tawh dawn a,a bulah ka awm chawt thei tawh dawn si lo va,chu chuan ka rilru ati hnual lawk.






*








Naktuk atangin school kan lut leh tawh dawn a,thla leh maiah exam kan hmachhawn nghal dawn bawk nen ka rilru a in kap run mai.Tetea rawn la harh bawk si lo.Ka tawngtai nasa em em a,a bulah te Bible chhiar in arawn harh leh a hlim taka kan awm theih nan ka tawngtai nasa thei hle, mittui tla zawih zawih khawpa zan rei a van lam hawi a Pathian auh chang lah ka ngah.Van theng reng zau tak erawh a reh tlawk tlawk mai si a.










Ka hminga zawi te a min ko ri ka hriat avang chuan ka thu ngil nghal zawt,ka hawi nghal ruai a,mahse tumah an lo awm lo.Tetea lam ka va en chu oxygen chhan atang chuan chau tih hriat zet hian min lo nuih a ! .Ka mumang emaw tiin ka mit ka nuai a,mahse atak ngei ani !.Ka lawm luttuk chu khek chhuak nghal ruaiin doctor Sangpuia ka ko nghal chul a, zan rei leh rei loh ka sawi thei lo,ka kal sawn chuan a lo muhil leh ang tih ka hlau si,a kut vuan in doctor Sangpuia ka au leh chΓ»l bawk.



Doctor chu a rawn lut vat a,a check nghal vat bawk.A awm a khawih chuan anat leh nat loh azawt a,a bp a check nghal bawk, Doctor pawh athaw huai a, kei engmah hre thiam ve hek lo i ka lo thaw ve huai ringawt.






Lalrinsanga P.O.V




Ka bula hmeichhie ding hlim zet a min lo en reng tu chu ka nuih leh a,amak tih na ala bang lo,ka muhil rei viau ania nge.





Doctor chuan ka awm chu arawn khawih a,a nat leh nat loh min zawt nghal bawk,na a awm lo tih nan ka lu ka thing a, ka chhanna avang chuan U Sangpuia pawh athaw huai ,ka duatpuii pawh a thaw ve huai tho ,lawmawm reuh luttuk.






" Oxygen hi kan la thla rih anga mahse drip kan khai tha leh ang, damdawi pawh hi athar ka chawh che anga hei leh hemi hi i ei chhun zawm tawh lo ang,a sang deuh anih hi " tih pah chuan ka damdawi ei lai pahnih chu a ak hmak a.Paper ah damdawi ei tur te ziakin a sawi mawlh mawlh a, Nutei chuan uluk takin a ngaithla a, akut hnung suih in paper chu a en a,a bu ve khat khat,min ti nui leh tawh.A rawn hawi chhuah chuan min nuih ver ver.Zun ngahtei





𝐴𝑑𝑠 π‘π‘™π‘–π‘π‘˜ // π‘π‘œπ‘šπ‘šπ‘’π‘›π‘‘π‘ 

πΆπ‘™π‘œπ‘ π‘’π‘Ÿ 𝐡𝑖𝑏𝑙𝑒 π‘‰π‘’π‘Ÿπ‘ π‘’π‘ 
🌼 Tin Lalpa chuan Setana hnenah chuan," Ngai rawh ,a neih zawng zawng chu i kutah a awm e,amah tak erawh chu khawih suh ang che" a ti a.🌼
Joba 1:12



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)