NANG CHAUH

Episode kal lai dah luhna

Moderator: writers

Ruati Ruatpuii
Posts: 36
Joined: May 10th, 2021, 7:28 pm

NANG CHAUH

Unread post by Ruati Ruatpuii » May 14th, 2021, 8:04 pm

Chapter-5

Ramthanpuia POV

Ka office chhungah chuan keimah ang lo takin ka thutthleng nghengin ka thu nui vur vur a.


'Coffee bloom' hi hmanni lawk a kan hawn thar ani a.Mahse a chung lam hi chu hotel a kan hmanna a rei ve tawh,ram dang atanga lo kal kan sumdawn pui te leh mi Hausa ho hotel ani thung a,kan run na pawh a rei ve tawh.A rei ve tawh nain mi Hausa ho bakin hriat pawh an hre mang lo,'Coffee Bloom' hi chu ka nu duhdan in a duh duh tan kal theih turin kan siam thung a,mahse dawr dang ai chuan a danglam viau tho.

Hotel ah tih fel ngai te ka tih fel zawh chuan inhnuaiah ka chhuk thla a.Inhnuai pan na step a ka kal lai chuan,washroom atanga lo chhuak chiah chuan ka mit a la khawp mai..ka hmu ngun ve viau tawh a chu hetah kher hi chuan ka lo beisei lo.A thawmhnaw inbel chu changkang tih tur awm miah lo mahse a felfai thlarh mai a,a in hmeh viau bawk.

Kal mai a tum chu ka in sum hman hmain ka tawng chhuak hman...se thil pawi ani lem lo,a ke dam tawh leh tawh loh ka zawt a 'Aw' tih zawngin min chhang.A tawng tam lo ve hle nge min ngaina lo ve hrim hrim niang le.Kal mai a tum chu a pawisa ba a hre chhuak thut aniang chu a purse a rawn phawrh chhuak a,ka hrethiam nghal a,ka kalsan lui ve ngat.

Reception counter a ka awm chu 'Ka pu' tiin min rawn au anih chu....min hmu tar viau mi le...a ai chuan upa ve fe dawn mahila ka Pu han in tih em chu...ka lawm lo tak zet.Min rawn pan a,pawisa min pek a tum chu ka lo la mai duh bik lo,a hming ka hriat ngei angai tawh tlat.Kei ang mipa hmeichhia ka vawi1 melh pawh a an rilru ti buai pha ve map hi 'ka pu ' tiin min ko miau.

A pawisa ka lak man ah a hming ka zawt a min la hrilh duh mai lo leh nghal a.A tawp ah chuan a sawi ta nge nge...Remruattluangi....hming mawi tak ani,a inhmeh hle bawk.

A kal tur chu a kal mai theih loh thu ka hrilh chu a hawi â ngei mai,ka kut phar chhuak in ka hming ka hrilh ve a.A hriat ngei angai..'ka Pu ' tia min koh leh ka duh bur lo.Kan in chibai a,ka nuih suk chu a lawm hmel vak loh.Hmeichhe dang ang lo tak ani.Hei tak hian amah hriat chian leh zual chakna leh hnaih leh zual duh na min neih tir.

Remruattluangi POV

Ka thian te chuan kan haw kawng ah chuan ka vanneih thu leh keimah nih an chak thu hlir an sawi chamchi a.Ka engah vak a thawk lo.Mahse a hmel erawh a tha tih chu phat rual ani lo,a pian pawh Mizo mipa ah chuan nalh pawl tak ani.A sang thlarh mai bawk sia.Cher tih tur ni miah si lo hian a thau chuang bawk si lova.....A san zawng lah chu..kan in chibai dawn khan a pa len zia ka hre chiah,ka lo ngaihtuah ngai reng reng lova.Kei 5'3 pawh mizo hmeichhia ah chuan a vantlang pawl kan ni ve nia...chuti chung pawh chuan ka tan pawh lian tak hi ni ringawt.

In ka thleng a,ka nau lo la haw lova,eirawng ka bawl sawk sawk a.Chuan ka inbual a.Ka nu pawhin min rawn bia a,doctor in naktuk ah a chhuak thei ang a tih thu min rawn hrilh a.Doctor khan la awm rih turin a ti a,in lamah a chawl hahdam leh hman dawn chuang lova,pawi ka ti lo viau.

Ka nau pawh a lo haw a,chaw te kan ei zawh chuan lehkha kan zir nghal ve ve a.

College kal tawh mah ila,Zan tin a theih chuan school ka kal lai ang tho in lehkha ka la zir thin.Lehkha zir theih hlut zia ka hre miau.Tunah kei pawh zir ka duh vangin in hlawh Chung in ka zir tawk tawk a ni a.Ka buai ve tawk bawk a,ka hun hlu tak hi lehkha zir tih loh mipa han lêm kual vel nana hmang tur chuan ka ui em em ringawt hi ni mai.

Semester exam ah pawh a ti tha pangai pawl chu ka ni reng thin bawk a.Kan chhungkaw in nghahna ka ni a,zir chhuah veleh a hna tha tak ka hmuh theih nan ka result pawimawh zia ka hria.

Lehkha ka zir zo ka mu tur chu ka phone kan en ve zuai zuai a,kan thian ho group ah chuan khapa ti ila...Ramthanpuia chungchang bawk an lo sawi leh.A taka an hmu chu intithei tak hi an ni ringawt.Lalze-i phei chu nuam ti tak hi ni ringawt.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)