The secrets behind the Elite and My love Ch-5 (by Beatrice Scorpio Ralte)

Episode kal lai dah luhna

Moderator: writers

Beatrice Scorpio
Posts: 105
Joined: November 14th, 2019, 11:33 pm

The secrets behind the Elite and My love Ch-5 (by Beatrice Scorpio Ralte)

Unread post by Beatrice Scorpio » May 14th, 2021, 8:11 pm

.
.
.
"Tu tih nge i hria em?" a sir a ka kal hma chu ka han kal chak deuh a, chuan a ke pen rual chuan ka pen ve a, min chhan zawng a a hmel landan ka hmuh theih nan.


"Idea thenkhat ka nei."


Awle, chiang takin chhanna mumal min pe dawn hauh lo. Step a kan chhuk lai chuan ka rilruah ngaihtuahna thar a rawn lut leh. "Enge Vanessa room-ah khan i tih a?" Tumai pawh chu inhnuai lam a awm tur an ni si a.


"Nangmah rawn hruai tur che in min ti," Step tawp ber kan thlen zawng chuan music thawm chu ka hre thei tan riai riai tawh, mahse Vanessa in chu a len em avangin Ashton hnungah chuan ka la zui ve dat dat a, chumai bakah hriatpawlh a awl angreng a chuan ka bo duh lo. Thil engkim a sawi dan hmang hian chiang takin thudik a sawilo ani tih min hriattir tlat a. Anih loh vek pawhin, thudik pumhlum a sawilo a ni ngei ang.


Ashton chuan inchhung a pool awmna, Elite member dang ho zawng awmnaah chuan min hruai a. Swimsuit an lo ha vek a, mahse a landan chuan tumah chuan tui an la cheng chiah lo a ni ang, pool sir a chair velah chuan an awm kual vel mai mai a. Kan lut chiah chu an lo hawi chho thup a.


"Engin nge ti rei em em che u a?" Nathan chuan a rawn ti a. "Nangni hi minute sawmpanga lai in han awm ania."


"Engmah" Ashton nen chuan kan lo chhang rual.


Jacen chuan a mitko chu a rawn san ak a. "Eng emaw min hrilh duh loh thil in ti em ni?"


Ka lo en ha ringawt, "Zankhua in fiamthu tenawm tak tak thawh i tum em ni?"


"Ngawi teh," Vanessa chuan a rawn ti a, a kut a rawn phar chhuak bawk. "Ka bedsheet kha suk turah ka dah a ngai em?' a rawn ti a. A zawhna avang chuan Skylar chu a rawn hnar ri hrawk a, Keira-in a mitmu a lo chet kual ralh bawk a, Nathan leh Jacen-te chuan min rawn nuih a, kei lah ka lo lai deuh a, mahse tihlan loh hram hram erawh ka tum. A thusawi dan hmangah leh an lo tih dan velah chuan a uang emaw ka ti a mahse a bangbo hmel tak tak reuh bawk sia.


"Aih," Ashton chuan a lo ti a. "A ngai lo."


Vanessa bulah chuan ka va thu a, a chhan chu Elite zing a a bangbo ber ni mah se, a fel ber a ni tlat. Ka hriat chinah tal chuan. Nathan pawh a fel khawp mai, mahse Keira a malchung a a awm lai chuan ka pan hnai duh lo, an in kuah chawt lehnghal a.


"Hey," zawi sap chuan ka lo ti a, chutia Jacen-an kar hmasa a a chung a thil thleng mak deuh chungchang a sawi mek lai chuan. Vanessa chuan ka lam chu a rawn hawi a, "In vaiin hetah a hnuaiah hian in awm vek em?'


A lu chu a bu nghauh a. "Aw, i bo em lo tiraw?" Ashton chu a va en a. "Ashton kha nichin deuh lawk khan rawn zawng tur che in a rawn chho a."


Rawn chho turin a ti reng em? Ka awmna hriat kha a duh tak tak zawk em ni? Nge ni a thil dang a tih theih nan a kawr(cover) ah min hmang mai mai zawk? "Uh, nilo e, bathroom kawngkhar kha a in hawng thei lo a,"



"Oh, nia, a chang chuan a jam thin alawm." a rawn ti a. Chuan chair pawh kha amahin chair hnuaiah a rawn insawn a nih ka ring. "Engkim a tha vek em?"



"Aw!" ka lo ti hluai a, dawt sawi tur ka hriat awmchhun a ni tlat. Ka han hawi kual a, "In bul a awm hi ka tlangnel lo lutuk a," ka han ti a. Min chhan theih hma hauh chuan Jacen chuan Vanessa chu a rawn ko a. Kan thusawi lai chu ka lo ngaihtuah let a, Vanessa thil min hrilh chu uluk takin ka han ngaihtuah a. Ashton kha inchung a rawn chho awmchhun a nih chuan.....Bathroom a min kalh hnan tu kha a ni thei mai angem?



Mahse ngatinge? Ngatinge min puih leh nghal si anga? Chuan eng vang a ti nge a nih reng reng ang? A hrim hrim thu in Elite zing a mi tupawh chu lo ni ta se, engvang a ti nge an nih ang?


Ashton chu ding chhuak a room atang a a chhuah chuan ka ngaihtuahna atang chuan ka harh chhuak zawk. "Khawnge a kal dawn a?"


Skylar chuan a mitko chu a lo san ak a, "Vodka leh no la turin."


"Ka va pui ang," tho chhuak awk chuan ka han ti a. Elite ho in min tihbuai hma khan ka zawhna zawh tur ka la zawt zo reng reng lo.


"Oh, i ti tan der dawn a maw," Jacen lah chuan a rawn ti uang bawk.


Ka hawi let eih lo, ngeiawm deuh chuan ka kutzunglai chu ka hmuh a, a ai a nasa in a la nui ta deuh deuh. Choka kan thlen chuan Ashton chu ka va um pha ve chauh.


"Kawngkhar bulah khan chair kha i lo dah em ni?" Cupboard a hawn lai chuan ka lo ti a.


A rawn hawi chho deuh a mahse min en lo. "Engvang ngawtin nge ka tih anga?" Bottle thenkhat chu la chhuakin a thil inziak chu a han chhiar a, pahnih tih loh chu a dah vek a.



Min hmu thei lo mah se ka dar chu ka lo san ak a. "Ka hre nang, fiamthu hriatthiam har deuh emaw vel atan te?"


Ashton chu cupboard atang chuan kal sawn in a dangah chuan a kal leh a, tun tum chu no a rawn la chhuak ve thung a. "Aih, ka ti lo," ti a min chhang chungin a kutah chuan no tam zet chu a keng bawr luai a. "Khang ho kha rawn keng rawh," tiin a hma lawk a a bottle lak chhuah chu a rawn kawk a.



Alcohol chu kengin hall lamah chuan kan kal phei a. "Engtin nge ka rin theih anga?" Ka han ti leh a.


"I theilo," tih zawngin min chhang.


Elite member dang ho zawng awmna chu kan thleng tep a. "i thiante zing a pakhat tih hi a nih i ring em?" kawngkhar bul deuh lawk a ding chung chuan zawi sapin ka han zawt a.


Ashton cbuan a dar a san ak ringawt.


"Ngatinge?"


"A chhan te chu a ti tu a zirah a in nghat ang chu," tiin min chhang a.


Ka thaw chhuak hak a. Ani biak hi chu Raine leh Kaden-an ka lak a thil zep an neih lai a Kaden biak ang vel ani. "Chhanna pangai min pe thei lo em ni?"


"Tupawh hian thuruk thim leh chuaichuar tak pakhat tal chu an nei vek alawm," a ti a. A nui sak, mahse nelawm hmel leh hlim hmel pakhat mah hmuh tur erawh a awm lo. Second reilote chhung chauh lehnghal.


A mitah tak en chung chuan a pangai thei ang ber chuan ka hmelhmang siam hram hram ka tum a, "Enge nang ve?"


"Come on," Jacen chu pool atang chuan a rawn au a. "in pahnih khan in in melh no tan der tihna em ni?"


Kan pahnih chuan kan haider a.


Ashton chu a nui deuh sak a, nui hmel hlauhawm leh nelawmlo zet chu min rawn hmuh a. "Chhan nei a thuruk an ni alawm, Elena."


_________________


Nilaini a lo nih chuan Elite ho chu ngaiah ka nei ve ta deuh.


Chawchhun ei lai a an bul a thu turin min ti lui tlat a, chuan Jacen lah chuan ka zui ngei theih nan ka locker ah min lo chang ziah lehnghal a. Ka class thenkhatah ka hmu fo a, chuan a chang chuan hall-ah te pawh kan inbe ve thin. (hall kan tih hi room pakhat atang a room dang leh kalna kawng zim te ang chi hi aw sei put ang kha)


Kei ang mi hniam lutuk hi school a lal ang mai a an sawngbawlten a min bia min bia hi school pumpui titi a tlingin a chhan zawnchhuah an tum nasa hle a. Thuthang a tam tulh tulh a, an sawi nasat poh leh an uar in a mak tulh tulh lehnghal.


Vanessa chu a felin a nuihzatthlak a, blonde moment ngah ve viau mah se. Kar khat hnu ah chuan kan in 'close' ti in ka ko ve thei tawh em ka hre chiah lo, mahse he school ah hi chuan thian ka neih ve hnaivai ber chu a ni.


Skylar nen pawh kan in kawm ngeih chho tan phian a, kan rilru puthmang a in an deuh tlangpui avangin.


Nathan pawh a fel a, mahse chuti teh lua chu a ni chuang lo. Ka be vak ngai lo a, a chhan chu kan class neihte a in ang lo a.


Jacen nen hi chuan inlaichinna mak deuh mai hi kan nei a. Fiamthu dukdak lo pui pui hi a thawh thin a, kei lahin sual deuh deuh hian ka lo chhang a, mahse kan in haw lo ve ve.


Keira leh Ashton hi a ni ka hriatthiam theih loh chu. Keira, an lalnu deuh reuh, chawchhun chu Nathan malchung a hmang thin, nuihzat hmel deuh a min en vek thin hi. Chuan Ashton, ka in hmangaih tir tur pa chu, inrinni tih loh kha chuan ka la hmu mumal meuh lo.


Mahse khami te pahnih tih lohah kha chuan, an sual hranpa lo. An bul a awm chu nuam te pawh ka ti ve deuh tak tak.


Jenna Tunclet chu khawi hmunah pawh ka hmu deuh reng a ni ber. Ka English class-ah mai pawh ni lo in, ka class zawng zawng deuh thaw ah a awm ve a, ka lo hre ngailo mai chauh a ni, a chhan chu kei ang bawkin a sir kilah a tawm ve thin a. Mahse kar kal ta chhung khan ka va en apiang hian min lo melh kur lai ka va hmu thin.


Elite thil vel a thlen atang hian mi zawng zawng hian min en duh ta hle a, mahse Jenna min en duh dan hi chu a dang daih. Elite ho in min kawm avang hian mak tihna a lang ve lo a, midang ang lo takin, thikthu emaw, erna a lang ve lo. Nilo, a lungngaih hmel zawk. Chuan chu chuan ka awm a ti nuamlo hle bawk.


Vawiin chu min melh chauh a duhtawk ta lo. "Elina, ka be lawk thei che angem?' a dawhkan ka kal pelh zawng chuan a lo ti a. Ka hmui hnuailam chu ka han pet deuh vang vang a, a sirah chuan ka thu ve ta a.


History leh Biology chauh hi thutpui ka neihna class a ni a. Skylar hi ka Biology class-ah a awm a, chuvangin a bulah ka thu tlangpui a. History class hnuhnung berah khan hmeichhe pakhat ka phone ruk tum bulah ka thu a. Chuan ka manchhuah lai a a hmel kha a nuihzatthlak takzet, kha thil kha thleng nawn turin ka duh tawh lo.


Jenna hnen a eng chungchang nge min sawipui duh ti a ka zawh hman hma hauh chuan, Mrs. Gastern, kan History teacher chuan class chu a tan ta a. Period pumpui chuan a tawng a. Jenna nen inbiakna hun awl kan nei meuh lo.


Tun period chu tum dang ang lo takin a reh thuap a. Zirlai tam zawk hian Blaire Academy a zirtirtu tam tak hi an zah lo hle a, mahse tupawh mai chuan an ngaithla thap. Ka han hawi kual a. Mrs. Gastern chu an lo en thap a- min rawn en zeuh zeuh hlawm bawk.


Keimah min an an tum em ni? An ngawih reng khian Elite ho in an hriat phah an ring em ni?


Bell rik hma minute hnihah chuan, Jenna chuan ka lamah a textbook chu a rawn nawr phei a. A in keu sa a, thla hmasa a kan zir tawh hnu ah hian a in keu a. Highlight lah chu a la tam em em mai lehnghal. Mrs. Gastern chuan a thusawi lai a zawh rual chuan Jenna chu ka han en a, mahse Jenna chuan min chhang lo a, min en bawk hek lo.


Lehkhabu bawk chu ka en leh a. World History nen hian Jenna thu min hrilh duh hi a inzawmin ka ring lo, chuvang chuan a word highlight loh ho chu ka han en chiang deuh a. A message chu ka hmu ta.


Fimkhur rawh, a text highlight ho chu kan chhiar kan leh a, royals ho lak atang hian a nih loh chuan-Ka tawp chat. A phek dawt lehah chuan a highlight zawm zel a. Text chu rawng lar tak chuan thai kawi nuaih hi a ni a. Ka han chhui zel a, i pilbo mai ang an - Ka han keu leh a. A dawt lehah chuan highlight pakhat mah hi a lo awm lo a. Text chu ka han en chiang a, helaiah hian a tawp ringawt theilo ang, awmzia a nei dawn lo asin. Ka han en chian leh deuh chuan, letter chu a lo in thai chhe deuh ani tih ka zu hmu a. Chung thumal inthaichhia chu ka han nawt reh a- dawt sawi ah.


Fimkhur rawh royals ho lak atang hian a nih loh chuan i pilbo mai ang an dawt sawi ah.


Ka dawhkan rawn bengtu avang chuan ka han hawi chho a. "Minute sawm kal ta khan bell a ri tawh tih i hria tiraw?' Jacen chuan a rawn ti a. Ka han hawi kual a, classroom chu a lo ruak deuh vek tawh a, Mrs. Gastern, a dawhkan a lo thu mek tiamlo chuan, room chhungah chuan kan awm ve lo ang mai hian a la awm lehnghal.


Jenna textbook chu ka khup a, ka thil ho chu ka han la khawm a. "Hun ka lo hai a," Ka han ti a. Jacen-an ka lehkhabu ken lai min rawn chhuhsak chuan, ka lo ken tir tawp, Jenna message avang chuan ka thluak chu a la buai. Enge a sawi awmzia hriatchhuah chu thil har a ni lo, Elite ho lak atang a fimkhur turin min hrilh a ni. Min ngaihtuah vang a ni tiin ngaihzam takin ka kal tir thei, mahse thumal a han tih kual dan vel te kha, thukru tak a a han thai kual vel dan te khan thil mai mai chu a ni lo tih min hrilh.


"Jenna Tunclet i hria em ni?" Jacen chuan a rawn ti a.


Ka rilru a rawn chhiar ang mai hi a ni. "Enga?"


A kut a lehkhabu in tiang chho ur chu a kawk a, Jenna textbook chu a chung berah chuan a lo awm ani tih ka han hmu a, a cover mawng lamah chuan a hming chu felfai zet hian a lo in print a.


"Oh, ka textbook inah ka lo theihnghilh a, a ta min hawh tir a nih kha." Dawt muhlum pawh a ni chuang hleinem. Ka textbook te chu karleh a kan essay submit tur hnuaiah a awm daih alawm, mahse class-ah textbook kan hmang lo. Jacen erawhin chu thil chu a hre lo ang.


Ka locker kan thlen hma zawng chu a ngawi reng a, "Elina," a rawn ti a, ka locker bul chu a ngheng a.


"Aw?' ka han en zuai a, ka locker lam chu en lehin ka lehkhabu chu ka dah lut a.


"Jenna hi be suh, aw?"


A lam hawiin ka en reng ringawt. "Enga? Engvangin?" Tunah chuan Jenna thu min hnutchhiah kha ka palzam mai mai thei ta hauh lo. Elite ho in an hriat ai a nasa in Elite ho hi a hria a ni ngei ang.


"Englo a nia, a unaunu a bo atang khan a rilru a buai deuh hlek tawh a," a rawn ti a.


"A rilru a buai hmel loh." tiin ka han chhang a, ka aw chu a pangai thei tur ang ber chuan ka han ti a, ka locker ka kalh pah bawk.


"Hetah hi chuan min ring tawp rawh." Tunah chuan in zing a mi tumai pawh hi ka rin theih che u ka ring tawh lo. Jenna message chuan ka awm a ti nuamlo takzet ani.


Elite chungchang hi hre hnem deuh tawh tur hi ka ni a, mahse engmah tak tak ka la hre lo. An nun dan zia a nung tur leh hrethiam ve tur khawpin ka la hre lo.


"Hey Jacen," ka han ti a, amah tihbuai in beisei chuan. "Ngati nge min rawn lam tur hian an tirh bik ziah che a?" Ka rilru chanve chiah kan inbiak naah chuan ka pe. A chanve dang chuan dawt sawi tur a ngaihtuah mek. Jenna thil sawi tum kha hriat ka duh, chumi awmzia chu chawchhun ei laiin Jenna ka hmuh a ngai. English period ah lah Vanessa a awm avangin min be dawn der silo a. Chuan kar kal ta chhung a Elite ho bul a chawchhun ka ei avangin, eng emaw anni hrilh tur ka zawnchhuah a ngai.


"Tuin nge min rawn tir ti a?" Jacen chuan cafeteria lam pan a kan kal lai chuan a ti a, "Ka in volunteer pawh a ni thei asin,"


Jacen nen a kan lut chiah chu mi titi lai zawng zawng an reh deuh duak a. Elite ho nen kan inkawm ho ani tih hi tumahin an pawm duh lo. Kei, school a tumah be ngai lo nen hian. A hnu lawk chuan an rawn tawng leh tan a, mahse zawi te te in.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)