MY PROFESSOR CHAPTER - 1 BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

MY PROFESSOR CHAPTER - 1 BY MAWITEI BAWITLUNG

Unread post by mawitei bawihtlung » May 14th, 2021, 9:09 pm

PROFESSOR LUCAS LALPEKHLUA






CHAPTER 1





“ Bawihi i neih ngei angai ani ,kei leh i naute hi min en la ,jaila tang turin min duh em ni" ka nu chuan a rawn ti a ,ka pa misual tak vangin keini nufa hian kan tuar leh dawn chu ani si a,ka tap zawih zawih a .






Pu Ricky Zohmingliana te chu tupawn an hria ,an chhungkua a lawi pawh an chak ,mahse an fapa Lucas Lalpekhlua mi luhlul leh vawt zet nupuiah ka tang anga maw ?engtin nge ka theih ang pathlawi ka nei nghal mai anga maw .





Chu pawh a pathlawi chhan ka pa ani si ,ka rilru hi a buai takzet ,phuba vanga min nei tur ani tih min hrilh chiang tawh bawk ,chutiangah engtin nge ka awm theih ang ,kum 19 lek hian kum 30 mi pasalah ka nei dawn ania ,ka tah hi a chhuak takzet .






Theihse tlanbo ka chak a ,mahse ka nu leh ka naute pahnih pawisawi lo ka kalsan angai dawn a ,jailah an dah mai dawn si ,zanah an rawn lenga pu Rickya te erawh hi chuan an fapa thiltum hi an hre lo tih ka Chiang ,mi tha tak an ni a ,mahse an fapa erawh a ni ve hauh silo .






“ Inneihna chu ka pawm e " ka tichhuak sap a , a rawn nui nghal vur vur a “ ka fapa hian a fa leh a nupui a chan a tang khan hmeichhe dang a melh leh tawh lo ania engtin nge ilo thlemthluk ni ,college pawh i duh phawt chuan kan college ah I kal dawn nia " a tihchuan ka bu nghat ringawt .






Inneih ni tur an ruat fel a ,ka thaw hi a pik tun a ka pa min hringtupa ngei huatna in ka khat bawk ,ka nu nen pawh a kut kan tuar fo a ,mahse belh tur dang nei miau heklo hrehawm tuarin tun hun hi kan thleng hram ani si a ,ka nu in min hah pui zia ka hria a Lucas hi ka neih chuan ka nute chu a chawm dawn tih a sawi a .







Chuvanga neih rem ti ka ni pakhat ,pawnlam thim mup leh arsi pe tuar chu ka en a ,ka nunhlui ka ngaihtuah a ,mi rethei tak nilo mah ila ka pa a vang hian chhungkaw hlim tak kan ni ngai lo ,a sualin zu a in reng a ,kan hlau thei hle anihkha ka nu kut a thlak thin lai te ka ngaihtuaha ,tunah chuan jailah a awm a .






Mahse a tualthahna chuan keini thleng a nghawnga ,khawiah pawh kal ila tualthattu fanu tih hlirin min ko a ,ka tuar hram hram thin,ka mittui chu aluang ngiai ngiai a ,tinge ka hringnun thawnthu hi hlimna nitur ziah a ni ve dawn lo em ni .






Inneih ni a thleng a ,biakin ah chuan ka bulah a thu run a ,a nelawmloh tak zet pastor hmaah chuan thu tiam kan chham a ,ka tawng zawng te chuan a sak tulh thei ,inneihna a zo a pawnlamah thla lak an tih a vangin kan dinga ka pheikhawk sang bun te chuan ka ke atina .





Mipui lah an tam nuam lo ka ti bawk ,ka hmuiah a rawn fawp a ka la phu zawk zui ,kut an lo beng dar dar a “ khatiang khan awm reng lo in i chhungte ngaihthatnan nui lui ve ta che " a rawn ti hmuk a ,ka melh nghal rawm bawk “ I thulo" ka ti ve hmak a .





Ka kutah ala rawn hmer vak zui ,ka va han ngei tak keiai upa fee nupui ah ka tang dawn chu anisia ,chupawh min haw em em tu leh nghal ,inlamah kan hawng a ka huphurh lutuk chu ka mittui te a hnam sawk thei ,engtin nge ka awm ang.





Min thah chak em em tu bulah ka awm dawn anisia ,ka thaw hak a ,a pa te inlamah kal hmasa in zanah a inah kan hawng a,a fal bawk si ka hlau takzet a duhchuan min dahtha nghal thei tih hi ka chiang em ani,kan inneih kawr kan thlak a ,min rawn pan chuan ka tawlh hnung ve zel bawk .






Bangah min nawr bet a ka mit ka chhing tawp ,a rum nghuta ka menrualin a hmui a pet kawi nawk a ,ka tha a khur dar dar bawk “ ka hmelma fanu hi ka khawih peih tehhrep lo ve lungngai suh ka lakah I him" tihpahin a kalsawn a ,ka tap chhuak hak .






“ Nu engtin nge ka tawrh reng theih ang " tiin khum lam ka pana ,khum lu lama thlalak intar chu ka en a ,a nupui hmasa leh a fapa chu an nih hmel ,an inhmeh takzet ka pa in a suthlum.sak tih ka hriat hian ka inthiam lo ve tho ,ka intifai a ka mu vat .






Ani pawh ngawi rengin a rawn mu a ,kan indai lo a ka thla a muang sawt bawk ,ka mit ka chhing a zing a nih chuan tho chhuakin ka college kalna a tangkai tur ka siam zung zung a ,awmpui an awm tih ka hriat a vangin rawngbawl chu ka ngaihsak duh lo law law .






A rawn tho a ,min en leh ngur tawh “ i hman chuan lo zuk chhuk la ,ka rawn chhuk ve vat ang chaw ei kha lo siam rawh se " a tihchuan ka bu nghat a ,ka tlanchhuak vat bawk ,abula awm rei ka theilo ka thaw a chham mai Dawn in ka hria ,a hmel chu a tha Chiang mahse a thinrimna mitmeng hian a hmelchu a hliah tlat si .









Chaw kan ei a ,tumah kan tawng lo ,kan eikham rualin a car lam kan pan a ,ngawi rengin kan tlanchhuak leh a ,ka thaw leh hak thin tupawn kan innei tih an hre vek tawh ngei ang le ,college kan thleng a ka chhuak nghal vat ,ka nel hlawl lo .





Amah pawh ka nelturin a awm hek lo ,pa Ricky a chuan min lo hmuak a “ in va hma ve " a rawn tihchuan “ nia kan hmanhmawh deuh sia " ka ti ve mai a ,Lucas pawh rawn kalin a pa nen chuan an in be zui a ,zirlai dang te chuan min thlir thup bawk .







Class lam panin kan kal a ,ka huphurh min hmusit tak tu te nen bawk kan inhmu leh dawn ania , ka seat turah pa Ricky chuan min thlah thlap a ,Lucas erawh a kal tlang hmak,ka pasal te vang nge tumah chuan min chhaih duhdah tawhlo Siami te tihloh chuan.







An ni hi Lucas a nen hian an in zui thin tih ka hre bawk ,dan tumna ka neilo a ka awm dan ang anga awma buaipuiloh ka duh,a ni pawhin ka nunah thu rawn neih a tum lo a ,keiin ka tum bik kha a tha kher lo ,Davida chuan min rawn pana ani hi ka thian kawm ngeih ber ani .






Ani chiah hi englai pawha min tan tu leh min puitu awm chhun ani bawk ,ka lo nuih var var a “ pasal neih vang a induh kher " a rawn tichu ka ner nghal nang a “ I duh duh sawi suh aw " ka ti hlak hlak a ,kan nui zui leh char char .






A bula awm a nuam a ,fiamthu a duhnen ka nute pawn an hlim pui viau thin,class ah chuan ka pasal ngei chu a rawn lut. a Davida nen kan thutlang min hmuh chuan min nuihsawh zet hian min en a ,kei erawh ka kun nghal daih.







Ka chau a in kan thlen pawh chuan ngawi rengin roomah ka lut a kawngka a rawn hawn thuai takah chuan ka phu dawrh bawk “ min tizak turin ka neilo che Lalrinsang i hria em " a rawn ti tuar a ,ka phu nghek bawk ka pa in ka nu a hauhlai chu ka mitthla ah a lang nghal zawt zawt a .









“ I pasal ka nitih i hria midang hmuha mipa dang hnaih kha a ngai em nge nanghian min runluih itum hre rawh ka nupui leh ka fapa phuba ka lakna hi nang hian min nuihzat anih chuan vawiin la la hian ka that ang che" a rawn tihrawk a






Ka beng chu ka hup a ,ka nu in min tlanchhiat puia min bihruk pui dan leh ka pa in thah min tum thindan zawng zawng chu a rawn lang uar uar a ,ka thu a “ aih pa khawngaihin ka nu nen hian min ngaidam rawh ka nu hi engtin mah tisuh" ka tichhuak nghal nawk nawk





Ka tap chhuaka ka kun reng bawk ,ka taksa chu kut lum thur thurin a rawn khawih a,ka che nghal phat ka thawk te hi a buai leh dawn in ka hria ,ka thaw hrawk hrawk a “ hrepa " a ti chu ka hria a ,ka lu a hai nguai nguai a ka khawhmuh a thim nghal bawk .







Ka kut chu chelhtu an awm “ bawiha enkawl tha la hmeichhia chu chhul nei kan ni a ,kan hrisello awlsam bawk ,rilru hahna a nei anih ka ring a ,tha tak leh duat takin enkawl ang che " titu chu Lucas a nu a ni tih ka hre bawk ,zawi muangin ka mengchhuak a .





“ I tha tawh maw " a rawn tivat a ,ka lu ka bu nghat kan misuala erawh angawi ngul a ,ka en tawp ,tui tlem in in ka mutha leh sat sat a ,nu Dinsangi pawh in min haw san ta bawk ,kan inbe lo a ka be chak hlawllo .






Ka muhil leh riai riai a ,ka harh leh chuan ka mitmen pawh a nuam ta deuh ,khum bul dawhkana chaw eitur chu ka bana ka ei melh melh lai chuan a rawn lut a ,min en vang vang hnu ah a kalsawn nghal vut .







Ka chaw eikham rualin awmpui a ko a ,an rawn la nghal vat “ ka chhuak dawn ania " tihpahin a chhuak zui a ,engmah ka sawi lemlo ,a nun ania a thu a lawm.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)