INCONCEIVABLE LOVE Chapter-2

Episode kal lai dah luhna

Moderator: writers

Kimkim's
Posts: 23
Joined: May 12th, 2021, 12:33 pm

INCONCEIVABLE LOVE Chapter-2

Unread post by Kimkim's » May 14th, 2021, 9:39 pm

INCONCEIVABLE LOVE
Chapter-2
Christina Pachuau



Zinga Defney rawn kal chu kawngkhar atang a rawn dak du du a, in chung atang chuan ka lo en reng. Rawng a bawl lai chuan ka va kal a. Min hmu chiah chu a phu zawk mai.
"Biak lawk che ka duh" tiin corridor thlang lam chu ka pan nghal a, darthlalang atang chuan hmui pet fan fan in min zui tih ka hmu thei, min hlau a ni ngei ang.

Chair ah chuan thu in ka opposite chiah ah a rawn thu ve nghal a, a kun ngal bawk
"Pawisa i duh a ni tiraw?" ka tih chuan a rawn hawi chhuak nghal a, a bu zeuh. Min hlau lutuk hi a nuihzatthlak zawk.

"Anih chuan ka nupui ah tang rawh" a hmel chu a rawn buai nghal vek, a lu a thing nar nar bawk.

"Pawisa ka mamawh vang ringawtin ka nei lovang che. I â ami?" tih leh thawh a rual a. A ban ah chuan vuanin ka pawt thu lehnghal a, a tang ve nasa hrep lehnghal.

"Contract in alawm kan inneih dawn" ka tih chuan hriatthiam loh hmel fe in min en a, ka nui nghal suk.

"Tlang takin ka sawi ang, ka nu hi damdawi in atangin a rawn chhuak dawn a. Chuan a monu in lo nghak se ka duh"

"Monu..." a tisap.

"Aw....a monu tur maw le" awlsam zet chuan ka lo ti a.

"Mahse chu chu engvangin nge a ngaih?" ka thaw hak.

"Zawhna nei tam lutuk hi ka ngaina lo" ka tinghut, ka sawi chiang viau in ka hria.

"Lo pawm ta ila....nupa tih tur ang zawng zawng a thleng dawn tihna em ni?" nuihza lo anga lan tum chuan ka mit ka san ak a, a mawl hle mai.

"Nilo....nilo...a thleih loh. Khum khat tawmpui tumna che ka nei lo. Ka bang zawk mai ang" tiin a tho a, a luhlul hmel hle mai. Mahse hetiang control hi chu ka thiam zawng tak a ni.

"I chiang chiah a maw.....i nutei tar tawh tak saw i ngaihtuah lo em ni? A tha alawm....hmeichhe tam tak ka hnuai a thawk duh tam tak an awm alawm" a hmel atang chuan a rilru a buai tih ka hria.

"Pawisa, thawmhnaw, engkim ka pe ang che. Thla thum chhung hetah i awm angai thung" thil ngaihtuah ni awm tak hian a melh ngai a melh ngar a, ka en kar thung.

A ngawih vang vang hnu chuan "In ngaihtuahna hun ka mamawh" a rawn tizawi sup.

"A tha alawm.....tlai lamah i chhanna chu min hrilh ang che. Chuan 'aih' tia chhan ka duhlo a ni" tiin room atang chuan ka chhuak a, ka room ah lutin ka insiam zui nghal. Ka demand hi a hnar phal ka ring hran lo, a buaina ka hre ve kar. In hnuai a ka chhuk leh pawh chuan ka hmu lova, ala inngaigtuah buai a ni ngei ang. Breakfast pawh ei lo chuan ka chhuak zui nghal.





DEFNEY POV:
Ka thutna ngai ah chuan ngawi rengin ka thu a, enge tih tur ka hrethiam lo a ni.. Ka nutein a mawhphurhna pawh nilo a min enkawltu hi nuam sa taka dah ka duh si a. Ka thianghlimna hlan chu ka duh bawk silo. Ka tah hi a chhuak ngawih ngawih. A lehlam kawng zawng tak chuan ka nutei tan pawh a thatna chu a awm tho. Tun ah hian a kum hi la tam lutuk lo mahse a kum rualpui dangte ai chuan a tar bik tih ka hria. He khawvela ka neihchhun chu ka nutei leh ka thianghlimna chauh hi a ni.




Ka inngaihtuah vang vang hnu chuan ka thaw hawk a. Mr Dave khan ka mutpui ngei ang che tih a sawi chuang hleihnem. Anin ka puihna a mamawh a, chutiang in keipawn. Chuvangin ka ngaihdan ka sawi ve thiang a ni. Chhun a ka thil tihfai laia ka rilru a thil awm reng chu anu chanchin chauh a ni. Kei min mamawh tur khawpin buaina lian tham a nei a mawn le?




In kawta car ri ka hriat rual chuan ka thin a phu nghal dawt dawt a, duhthlanna ka thlang sual ang tih ka hlau a ni. Kan inhre ve chauh a, kar 1 ka thawk tling tawk. Chu ka thawhna pa chuan contract hmanga inneih a rawt a, chu chu ka tan thil engmah a nilo. Mahse sum ka hmuhna a ni dawn bawk si.....




Thil ka ngaihtuah mai mai lai chuan "Defney" tih ri thawt chuan min tiphu nghal zawk. Davis hmel rum leh mitmeng vawt raih chu ka hma chhawn nghal.
"Thuthlukna chu i siam tawh em?" a ti a, ka en ngar.

"Hmeichhe dang tam tak an awm laiin tinge kei kher min thlan?" thaw hawk chuan ka ti a, a khabe tuai puatin a nui hak.

"Hmeichhe dang aiin thatna i nei bik hran lo tih hria la, i chhanna chu min hrilh vat rawh. Ka dawhtheihna hi teh tum hauh suh aw...Defney"

A mita en ran chunga chil lem khalh pah chuan
"A tha alawm.....i hnuai ah chuan ka thawk ang. Mahse i thil sawi kha hlen thung ang che. Chuan khum khat chu ka tawmpui thei lo ang che" aw khur deuh chuan ka ti a, a hmel atang chuan enge a ngaihtuah ka hre thei lo. Min rawn pan hnaiin a kut chuan ka hmai chu a rawn nul thuak a, ka hlat nghal vat.

"Mipa chu inpeih sa reng kan ni. Ka hnuaia i thawh dawn chuan ka thu i zawn angai" tiin a inher a. Thui a kal hman lo rawn hawi let chuang lo chuan "Ka toy pangai mai i ni, ka sex toy ni lovin" a kekawr ipte zen pah chuan a kal nghal a. Ka mittui chu a rawn tla hawk. Chhuat ah chuan ka thusawp tawp. Kha tawngkam 'toy' tih khan ka rilru a tina a ni. Mi hausa te hi ka haw hluah hluah, an sum kan mamawh avang hian an duh duh danin min tithei tihna a nilo. He thil hi ka hua, ka haw takzet.




Mi rethei te nun nek cheptu chu mi hausa te hi an ni. Mi hausa te avangin kan tuar reng zel bawk anih hi. He khawvel ah hian an sum bak hi enge chhuan tur an neih vat bik, engmah an nilo. Khur deuh chung chuan ka innem kang a, ka rilru chu a vai riai bawk. Gas chu off in ka kut ka silfai a, ka bang chu ak in ka chhuak nghal. Khapa hmel kha ka hmu peih hrih lo.




In ka thlen chuan ka nutei alo la haw lova, eng khaw sawi set set lovin ka mu nghal. Ka taksa leh rilru hi a chau a ni. Ka mit chu ka chhing vang vang a, ka nu leh pate bawk ka ngaihtuah chhuak leh tawh. Ka pian nawn lehna ah chuan orphanage ka hawng ngei ang. Ka lo muhil a ni ngei ang ka nutei chuan min rawn sawi dat dat a, ka meng nghal riai riai.
"I va haw hma ve"

"I rawn haw tlai vang zawk alawm" tiin ka nui a, a rawn nui ve hak.




Kan chaw ei dawn chuan ka phone ka zawng a, ka hmu miah lo. Khawnge a awm ang le?? Saddy, ka thiannu neih chhun te in lam chu ka pan a, anni pawh hi keina ang tho an ni.
"Defo...nang maw?! I rawn va leng khat ve" kawngkhar a rawn hawng chiah chu a rawn tinghal a

"Saddy, i phone ka lo hmang"

"Khawnge i phone?"

"Ka tibo" ka titiau.....ka unlucky day a ni chiang lutuk. Saddy phone hmang chuan ka nunber chu ka call a. A rawn lak chuan...

"Ooh...he phone neitu hi ka nia, khawngaihin i awmna sawi la ka lo lam ang" ka tinghal tlawng, min pe let lo ang tih ka hlauh ve bawk êm a ni....

"I phone chu i duh lo hma hle mai" ka beng atang la sawn in phone chu ka en nghal a, Pu Davis in ah ka theihnghilh tihna em ni?

"Ka phone anih kha...." ka tichiam a, ka van thinrim tak.

"I ta a nilo tih ka sawi hauh lo.....rawn lam rawh" tiin a off zui daih a, "Aaahh" awm ngaihna pawh ka hre lo, ka inthing vak a

"Defo, i lu ana ang" Saddy chuan a rawn ti a.

"Saddy, ka vanduai bik takzet a ni" ka tichuai raih, hmui alo tipawrh tarh.

"I vanduaina ka hre lo...lo lam rawh a tih che kha, va kal rawh" vanduai bik anga ka insawi hian a thinrim thin. Rilru chhiat vang ni lovin min hmangaih vang a ni. Ka tana tha lo tur a duh ngai lo.

"Tunge anih i hria a mi?"

"Hre chuang nang" a tih chuan kan nui leh ta nge nge....ka kawrlum fual ha sawk sawk in Pu Davis in lam chu ka pan nghal a. Ka thlen chuan Pu Stanley chuan min lo pan nghal a.
"Defney, enge ilo tih dawn?"

"Pu Davis hi a mu tawh em?"

"Mu tawh ang....ngati nge?"

"Ka phone ka theihnghilh a, ka va lam lawk ange" tiin kawngkhar lam chu ka pan a. Ka bih dek dek hnu chuan tumah ka hmu lova, dim te chuan ka lut a. Choka te, dining room leh sitting room ka awmna ber thin ka en vek hnu pawh chuan ka hmu bawk si lova. Khawnge a dah ang le? Aaaaa....a room ah ka luh angai dawn tihna em ni??




A room kawngkhar ka thlen chuan ka inngaihtuah neuh neuh a, ka hlauthawng bawk si nen...!! Thaw hawk in dim te in kawngkhar chu ka hawng a, current chu a eng de riai riai, a mu tawh aniang. Ka lut chiah chu ka phu nghal zawk. Mitmeng hlauhawm tak nen hian ka hma ah a ding a, ka thin a phu dut dut bawk. Ka hmui seh zeuh in
"Ka phone" ka ti a, ka kut a phar nghal zat bawk. Hlauhawm zeta nui suk in a ipte atang a rawn phawrh a,,,, hei vang hi anih hi ka hmuh loh...a kut ah chuan a lek lang nghal va va.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)