EGOISTIC BOSS CHAPTER 7

Episode kal lai dah luhna

Moderator: writers

Roses Are Rosie
Posts: 289
Joined: February 23rd, 2020, 2:20 pm

EGOISTIC BOSS CHAPTER 7

Unread post by Roses Are Rosie » May 14th, 2021, 9:41 pm

🌼 EGOISTIC BOSS🌼

CHAPTER SEVEN

--------------

Ni zungin ka hmai a rawn chhun set set a, peih lo zeta tho chhuakin bathroom lamah chuan ka lut a

Nizanah muanawma awmdan vel chu ka ngaihtuah let a, ka tim uai uai thei, khatiang khawp khan min hnaih a nia, a rui tih hre mahila, keimah ah nghawng a nei thui zia hi hria se chuan min nuihzat ngawt ang..

"Morning" choka lamah chuan ka phei a..

"Morning le..tukin chu thawh kan hai a ni maw" nui var var chungah ka pa in a rawn tih chuan ka nui let ve sak a..

Nizan ah lalmuanawma"n min rawn kaitho lo se chuan thawh ka hai lo ang mawle..

"Engtin nge dawr chu ni dawn ta..a rilru chu a thlak thei ta em" thingpui min rawn pek pah chuan ka nu chuan a ti a..kei erawh ka za chhuak vek, dawr neih let theih nan ka inhlan tih hria se chuan engtin tak min ti ang maw..

"Aw a tha vek e, building thar an sa rih dawn lo a nihchu" nui sen sen chung chuan ka ti a, ka chhungril ah erawh ka khur der der, ka chhungte bulah hian dawt ka la sawi ngai lova, dawtsawi pawh ka duh hek lo..mahse tunah erawh kan him tlang theih nan nitin engtianga tam nge dawt ka sawi ngai dawn le..

"A that hlauh chu..mi fel taktak hi an lo awm leh thin ania" ka nu chuan hlim sang chuan a ti a, kei erawh ka nersak thung, a fel lohzia hrechiangtu ka ni a, ka nu hnenah hian thudik ka hrilh zawk dawn amawni le..

"Ka kal dawn" tih leh thawh ka rual nghal a..

"A va la hma awm ve.. breakfast ei phawt la" ka pa in a rawn tih chuan lu ka thing a..

"Vawiin chu inrinni a nia, bazar an tam a, in hawn hma ka duh"

"Awle..tha lawm, nihman nuam le"

"Nihman nuam u"

Dawr ka thlen rual rualin an lo pungkhawm nghal a..

"Kimkimte.., khapa nen khan engtin nge in² remsiam a..he hmun hi in chhuahsan rih lo ang tiin min rawn hrilh a.." nui vur vur chung chuan pu siama chuan a rawn ti a, midang ho pwh an hlim tih hriat zetin an ri mup mup hlawm a..kan misuala chuan a thutiam chu a rawn hrereng a nih hi, ka buaina pakhat chu a zo ta phawt a, ka rilru ti hah emem tu chu keimah hi ka ni..ka thutiam angin ka awm ve thei angem..?

Dawr chu ka hawng a, takah thawmhnaw dawr lianlo te ka nei ve a, design lam hi nuam ka ti a, pawisa han nei deuh ila chuan design ka zir ngei ang, tunah erawh midangta ka kharchhawng a, puanthui pawh keimah tawkah chuan ka ti ve thei mai a, mahse market lamah han zwrh chhuah tur khawp chuan a mawi em em hran lo..

Thawmhnaw ka khai that mawlh mawlh lai chuan tu emaw hian ka hnunglam atangin ka kawngah min rawn kuah thut a, ka phut na sat em avangin ka rak deuh that..

"Min ti phu alawm.. khawngaih in khatiang khan rawn che thut thut tawh lo la, ka lawm khawp ang"

Ka thusawi ngaipawimawh lo hmel zet chuan a nui sak a, a inthuam dan mawlh chu a inhmeh takzet, hepa hi model lamah pawh lut se, a hlawhtling ngawt ang..a chang chuan Pathian hi ka dem lek lek thin, hetianga mipakhat hnenah thatna a dah hnem lutuk bik hi..

"Hello...min en zawh tawh chuan inbia ila" ka hmaah a kut a rawn vai chuan ka harh chhuak zawk a..ka zak lutuk chu ka hawikual chen ringawt..

Ka awmdan avang chuan rawn nuisuk in"duhawm reuh lutuk" a tih chuan ka melhrum nghal vat a..a ni erawh a nuih a zat hmel khawp mai, hepa hi a thofuh viau a niang, a ni lo angin a khi reng mai..nilo hei pawh hi lemchanna tho a niang, enge maw ruahhmanna te a lo nei palh takin ka fimkhur viau tur a ni..

"Enge hetah i rawn tih a"

"Kan lengchhuak ang chu ka ti deuh a" nui ver ver chung chuan a ti a..

"Ka hman lo, hnathawh tur ka nghah lutuk" ramhmak chuan ka ti a..

"Ka hman bik hleinem, mahse ka bialnu thar hi lenchhuahpui ka duh a ni.." kiai suk pah chuan a rawn ti a..a rum theih ang ber chuan ka lo melh nghal vat..

"A teuh lo" ka ti vin nghal hlur, a ni erawh a nuisuk duh chuah, rawn kun hnaiin ka hmai si chatin a rawn ding a, ka lungphu ri te chu a hriat ka hlau takzet"eng..enge tih i tum a" a nuisuk duh chuah, talchhuah ka tum chu ngaihthei lo in min manbet chawt a, ka ip nghal chawih..

"I rawn kal dawn lo maw" tihpahin ka nghawng chu a rawn nul thuak thuak a, a chetdan maksak lutuk avang chuan ka bing mup mup..hetiangah a chet reng chuan ka insum theihna ka hloh taknghial dawn..

"Min..min thlah teh" tihpahin a awmah chuan ka nem a, engamah a ngaih lo hmel..

I rawn kal dawn loh chuan ka rawn leng mai ang" a tih chuan ka meng deuh kawk, nem sawn in a mitah chuan ka en a, a thutak hmel kher mai

"A teuh lo..kan inah i rawn kal tur a ni lo"

"A nih chuan kan indate ang" tihpahin a chhuak nul nul a, hepa hian min dang chep dan hi a hre takzet a ni..thinrim hlurin ka bag chu la in ka chhuak a.

MUANAWMA P.O.V

"Aw, ka Pa ka rawn kal dawn alawm, lo phi chheng lo la, ka bialnu pawh ka rawn hruai ang" ka sawi zawh rualin phone ka dah nghal..

Vawiin hi Saturday a ni a, kan inpui lamah ka haw ni a ni, keimahin appartment hran ka luah a, kartawp apiangin ka pa in haw turin min ti ziah a

Rody nen kan inkawp emaw a tih avangin inah hruai haw turin min ti ziah a, hruai haw tumna ka nei hek lo, mite hmuah inkawp mahila ka chhungte bulah hruai erawh ka duh lo..

Kimkimi ka nun ah arawn inlan atang chiah hian ka mizia thenkhat ka hloh nghal vek a..ka tih ngai lo te ka ti a, nui ngai lo kha thil ho tete ah ka nui a, ka staff te ho pawn mak an tih thu an sawi ri sep sep a..mak an ti ve ang chu, an boss khirh tak leh nelawm lo tak kha a zaidam leh thut thut thin a, chumai bakah a la nui zui, min sawina chu hre lo angin ka awm vel mai mai..

Kimkimi chu muangchang in a rawn chhuak a, ngati nge maw engtik lai pawh hian min tum khum reng thin le..ka eng hian nge maw ti thinrim emem thin ang

Car kawngkhar chu ka hawng a, ngawireng chuan a rawn lut ve mai bawk a..

"Khawiah nge kan kal dawn"

"Kan inah" ka tih chuan mak tih hmel takin min en ha a, hre lo ang mai chuan ka hmalam chu ka melh ngar thung..

"Maw...ngati, enge kan tih dawn" hlauhthawn hmel tak hian a rawn ti a..

"Ka ru dawn che mawle" ka tih chuan a rum ri hak, nui sukin a lam chu ka hawi a, min melhrum nasa mai, hei pawh ka tih ngai lo thil, fiamthu te ka thawh ve a nia huhh..ka inhua

"Hmela" a rawn tih chuan ka khi suk..

Ngawireng chuan kan tlan a, kan inkawt kan thlen chuan a hawi va a, mak a tih hmel takzet, car atang chuan chhukin kawngkhar ka hawnsak a..

"Kan inah ka lo lawm a che, nang lo ang takin keichuan kan inah lo len ka remti e" ka tih chuan min melh kar a..a thin tirim hi nuam ka ti takzet, ka a dawn in ka hria..

Inchhung kan luh rual chuan a kawngah ka kuah nghal chawt a, a insangmat at tih pawh ka hria, hre lo ang mai chuan ka pa chu ka be vat a..

"Pa, hei ka bialnu faustina a nih hi" ka tih chuan Ka pa chuan mak a tih hmel takzet, Rody ka hruai haw turah a ngai a, a rilru a buai ve ngawt tak ang..

"A ni maw a hmeltha hle mai" nui sang chuan a ti a, ka Pa hi chu mahni tawkah confi emem mai hi a nia, bakah plan lawk loh thil a thlen pawhin a tal buai ngai lo, mahni inringtawkna nei mipa a ni miau a, a insiam tha thuai thin, hei vang hian lawm ka pa ka chhun emem ni..

"Fausty, duhtak, hei hi ka pa a nih hi" ka tih chuan "uggh..aw hi ka hmu che a, ka lawm e" bah deuh nuai chuan a ti a

"Kan inah kan lo lawm a che, fausty i hmeltha kher mai, lo lut ta che u"

"Khawinge ani kha "

"Lalmuanawm" ka pa in a rawn tih vin that ah chuan ka ner sak
Anupui hi chu ka lawm tehchiam lo ani tih hi a hre ve reng sia, engvanga min ingaih tir tum phet nge maw anih le..a hun a khawhral maimai, engtikah mah ka pawm thei dawn chuang lo, sum chuah duh hmeichhia a ni tih hi a hre lo der a niang..


"Lehkha a chhiar anih kha, ka han au ange" tihpahin inchunglam ah chuan a chho nghal a..ka luak a chhuak e a..

"Min thlah tawh rawh, min hmu tu pawh an awm tawh lo hi" tihpah in a kawng ka chelhna chu a rawn la thla a,. "nilo e, kan la tan dawn chuah" tihpahin ka lam ah ka hnuk hnai a, min melh kur kur lehnghal..

Cont

Naktuk may 15 hi ka birthday ani a..a duh apiang tan wish theih ka ni e😅



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)