Chapter-5
Christina Pachuau
DEFNEY POV:
Dave a hnaa a kal hnu lawk ah chuan anu chuan a room a kal turin min ti a, hreh chung chung chuan a room lam pan chuan ka kal a. Kawngkhar ka kik khauh khauh a, lut tura min tih chuan lut vatin chair a thu turin min ti a.
"Bawihi, ka fapa hi i hmangaih takzet em?" zawi sap hian a rawn ti a. Amah en in ka ngawi reng.
"Ka fapa hi hmangaih harsa tak a ni tih ka hria alawm, kei baka hrechiang an awm lovang. Nupui nei turin ka tifo thin a, mahse ka rin loh dan deuhin nang i rawn lang si a".
"Dave chu a sualin a tawng nghut nghut zel a. Mahse keichuan sual ka tive lo" tiin ka nui lui a, dawt sawi reng chu a hahthlak khawp ang.
Nui hak chung chuan "Ka hrethiam e....in ineihna pawh a rang lama tih a tha ang" a ti a. Hei inneihna hi public em chu nilo mahse ka duhlo a ni. He thil hian ka nun ah ngawng a neih hi ka hlau lutuk a ni.
Thil ka ngaihtuah mai mai lai chuan nu Alice chuan min rawn ko a
"Aahh...oo...enge ni?" ka tibah nuai.
"Rilru hahna i nei ami?" dawt sawi tur nghaihtuah chuan ka ngawi vang vang a.
"Aaahhhh....engmah a nilo. Ka tha e".
Vawiin chu nu Alice nen kan titi tluan thak ni berin ka hria. Kan intawn dan thlengin min zawt a, ka buai nileng ang tluk a ni.
"Inneih ni khan kar leh tawp lamah hian kan ti ania" file en paha Dave in a tih chuan ka en nghal hra..
"In va hmanhmawh ve.....ka la inpeih hleihnem" lawm lo tak chuan ka tisup, ala rum nghut zui.
"Chu chu ka buaina a nilo Defney, insiam rem tum mai rawh" a tih chuan tum buau in khum ah ka mu a "I mutna ngai ah mu ang che" tivak in ka inlu khuh nghal daih. Sawtiang misual ka be peih lo.
A tukah chuan Keith nen bazar turin min ti a, card min pe bawk. Thinrim tak chuan ka la a, ka tum reng bawk.
"Khatianga i tum reng chuan thil tha lo a chhuak palh mai ang. Chuvang chuan fimkhur ang che" tiin a chhuak a. *Ka thu thu* tisup in khum ah chuan ka thu thla hnawk. Ka va han ning tawh tak emmm..... He inneihna hian chhiatna leh mualphonna min thlen ang tih ka hlau a ni. Pawisa ka hmuh tur chu thu hran, hlauhthawnna in ka khat leh ang lawi si. Thla 3 hnuah ka nun ah hian nghawng a neih hi ka hlau a ni.
Phur lo tak chuan Keith nen chuan mall ah kan kal a, kawr pawh ka thlang peih lo. Keith mawi tih zawng chu ka ha mawl tawp mai. A tawp ah chuan a puk lace a chei nalh zet chu ka thlang a. Tlereuh hi ka lawm tehchiam loh avangin veil ami tur leh sam cheina tur chauh ka thlang bawk. Keith chu kawr ka leisak a, a lawm thiam khawp mai. Nu Alice tan leh ka nutei tan pawh kawrfual ka leisak a, Saddy tan pawh. MrDave tan chuan hetiang te chu eng tham mah ani lovang. Keith chu lova haw hmasa turin ka ti a, kan in lam ka pan nghal.
Ka nute in min hmu chu a lawm ngang mai. *Ka naute* tiin min kuah a, ka kawr a en chian chian chuan makti takin min en a. Ka lo nui suk thung.
"Bawihi" hlauhthawn hmel tak chuan a ti a
"Nute.....hlauthawng duh suh. Ka boss min leisak vek anih hi. Ka chungah a lawm lutuk a" Ka ti a
"Thil thalo i ti loang tiraw?" a thil ngaihtuah chu ka hrethiam nghal, a kuta vuan in
"Nute i ti awm anglo em mai. Ka taksa ka hralh phal teuh lo. A nupui cancer vei lai ka enkawl sak a, a lawm lutuk asin. An felin an hausa lutuk a" hrethiam se ka duh a ni. Hetianga min ngaihtuah reng te chuan rilru nuam in ka awm ngai lovang.
A ngawih vang vang hnu chuan "Ka hrethiam e...kan tar tawh a, kan ngaih hi a tha lo hma thei lutuk alawm" ka nuih nghal suk. Tar a intih apiang hian ka nuih aza thin.
Saddy te in lam chu ka pan phei nghal a, min hmu chu min hau nghal hlak hlak a, ka lo nui liam mai. Thil ka leisak chu ka pe a
"Nang hi i taksa i hralh chu a ni em lo maw? Heite chu a to hmel ropui bawk sia....." min va han ring lo hlawm em em ve le....min hrechiang hlawm lo tawp anih hi. Mahse min ngaihtuah tih ka hriat vang chuan ka lawm tho.
"I á mi? I thiannu hi min hrechiang lo lutuk. Ka boss fel lutuk vang chauhin alawm ka pek thei che" hmui tipawrh tarh chuan ka ti a.
"Ka lawm e" tiin a nui sen sen. Mawl leh lutuk mai.....
Ka let leh chuan in chu a reh duak mai, nu Alice a mu anih ka ring.....a thil tur chu nakin ah ka pe mai ang tiin room ah ka chho a. Room ka lut chu ka phu nghal zawk. A meng rum leh ul tawh mai.
"Khawnge i kal" alo tinghut.
"Ka in ah" tive nghal in ka sandal chu ka tlawh phelh nghal a. A tawng nghut nghut hi chu ngaiah ka nei tawh ni nerin ka hria, ka hlau miah lo..
"Defney, i kalna chin min hrilh tawh ang che" a tivat a, enge maw a hriat le??
"Ka chhungte hmu turin ka kal. Buaina a awm em ni?"
"Ka nu hi i ngaih anga hmeichhe mawl a nilo.....Defney f**k!! Fimkhur takin awm ve teh" a tihlak. Inneihna ringawt pawh hi ka phur tawh lohsa nak alaiin min la vin zui a. Sual leh lutuk mai.
Washroom ah lutin ka intifai nghal a, a thusawi kha a dik ve tho in ka hria. Ani fimkhur takin a awm a, ka duh duh danin kei ka awm leh si a. Mahse min vin vak kha tul ka tilo. Ka chhuah leh chuan alo awm tawh lova, inha sawk sawk in nu Alice thil ka leisak pek tum chuan ka kal nghal. Room ka lut chu an nufa in an lo awm reng, tim dai hian ka pan hnai a
"Ka tibuai cheu em?" ka ti a.
"Tibuai lo ve" tiin nu Achuan min nuih var var.
"Kha kha enge?" a tinghal zat bawk.
"Thil ka leisak che a" a hma ah chuan ka khai lang va va a. Dave ka va en chu min lo en reng. Enge a ngaihtuah leh tawh ni?
Wedding day
Kan inneih ni a tleng ta, ka lungngai lawksa tawp. Zing atang ka buai tawh. Thil chi hrang hrangin min chei bawl kual vel a, ka chau em em bawk. Tunkar chhung zawng khan ka buai char char ti ila ka sawi sual lo hle ang. Nu Alice lah chu a phur sarh reng mai bawk si a. Dawt sawi leh nui luih vang pawh hian ka chau lutuk tawk. Public lamah kan tihlan dawn lo avangin Davis estate ah kan innei dawn a. A hmun a mawiin a nuam phian lehnghal. Mahse ka tan chuan vawiin hi kawl nen hian ka tehkhin ber.
Davis chhungte chu ka room ah rawn lutin duhsakna min hlan sap sap hlawm a, mahse an mita min ngaihnep zia chu ka hmu ve kar. Nu pakhat chhelo leh hawi sang vah hi a rawn lut a, a sual hmel em em mai lehnghal. Min hmu chu a ner sak, hmelchhe reuh...
"Defney i ni tiraw?" zangkhai vaha a tih chuan ka lo bu nghut, a mitah ka en ve kar bawk.
"Fahrah i ni tih ka lo hria a....pafa na na na hi chu an lo inchhun anih hi tiraw?" ka thin a khei zak. Dawh hram hram ka tum kha a nia, mahse ka thei lo.
"Fahrah ka nih avang chuan buaina a awm em ni? Sum neih hote avanga chapo ai chuan fahrah ni a, mi fel tak nih chu a thlanawm zawk" ka tive nghat a, a thinrim hmel kher mai.
"Neih engmah nei lova tawngtheih hlur hi a zahthlak a nia" ka nui hak
"Ka pi, tunge i nih chu ka hre lova mahse ka hrilh ang che. Neih engmah neilo chung pawha la nui thei te hi sum mamawh lo zat thleng thlenga nei ho ai hian an vannei zawk tih hi" kawngkhar a rawn ri rak a, nu Alice ka hmu nghal zat. Ka lo nuih sen sen a, kan pitari pawh a thinrim hmel chu a tibo vat. Thil ka sawi tam lovin ka thinchhe hran lova. Mahse dinhmun avanga in en hniam hi ka ngai thei lo thin. Ka nutei pawn i mizia hi a mak lutuk min tifo thin.
Muang chang chuan carpet sen ah chuan ka kal a, ka pasal lem la ni mai tur chu ka hnai hret hret zel a. Ka tah a chhuak ut ut. Ka kutah min kai in, ka mita en reng chung chuan inneihna thu chu a chhham a, lemchang thiam tak a ni. Kei chu ka veil in min hliah a, ka tha khur chu ka kut atang a hriat tho ka ring. Pastor in " you can kiss your wife" a tih chiah chuan Dave chuan ka veil chu a rawn hawng a, ka first kiss min laksak dawn. Zam tha khur chung chuan ka lo en a, a mit atang chuan thil eng emaw at dawn tih ka hre nghal.
Ka rin ang ngeiin uar tak hian min rawn fawp a. A darah chuan ka nem ve a, mahse ka nem tha ngam bawk silo. Mi lah chu an nui dar dar zui, ka zak lutuk. Min thlah chiah chu ka hmui ana vek. Ka melh vak a, vei theih deuh tur hian ala nui suk zui. Ka va han haw ngawih ngawih tak. Thamawl-a anih hi!!
Dinner kan ei zawh chuan after party a awm leh a. Ka nui lui hleithei tawh lo, ka chau lutuk. Davis lah chu ning hmel tak hian ka bulah a thu reng a. Wine no tamtak a in tawh, rui hmel pawh ala pu miah lo.
Hmeichhe pakhat hi kawr chhing tui ha hian kan lam chu a rawn pan a. Davis chu a rawn kuah nghal chawt. A kawr hak em em hi a zaklo a mawn le?! A taksa alang kim ni berin ka hria.
"Dave nupui min neihsan a" tiin min rawn en a, min huat hmel hle mai.
"hetah enge i rawn tih" Davis chuan a tinghut.
"I chanchin ka lo hria a....hmanhmawh takin ka lo haw" a kut chuan Davis dar vel chu a chul a....ka luak a chhuak. Tenawm lutuk!! Nin hmel taka a kut mansak lawp in
"Amika....ka nupui a awm ve reng hi....haw rawh, i rui anih kha" thupe aw tak chuan a ti a.
"Dave, ka hmangaih che tih i hriat kha....i nupui hi chu i duh vang reng a nilo tiraw?? Khawngaih in tawp rawh" Dave ban ah chuan a vuan a, a tap pur bawk. Mi ho chuan min en thup a. Dave bek pawng tawlh tawlh atang chuan a thinrim hle tih ka hria...
"Amika ka thin tihrim tum suh....kal vat rawh" tithawt in a tho a. Amika a tih chu a nui suk, min rawn melh nghal ram.....
"Nangnu hi ka that dawn che" tiin min rawn pan a, Dave chu ka hma ah rawn dingin a dang nghal vat. Hlauthawng takin ka ding a, Dave chuan Amika chu a nem deuh a, chhuatah a tlu sawp niai.
"Davis" tithawt ri ka hriat rual chuan nichin a pitar kha ka hmu nghal zat. Amika chu pan in a hma ah chuan a ding a.
"He hmeichhe fahrah avang hian ka fanu kut i thlak a maw?! In la hre dawn khawp" nufa inchhun tak an ni. Dave tawng tuma a ang chu a kutah ka vuan vat. Ka chungah khatiang khan awm mahse ka hmeichhiatpui a ni tlat. Mi a hmangaihna kha ka zahsak a ni. Min rawn en chuan lu ka thing vat.
"Dave kal tawh ang" ka tisup. A thaw hak a, a thinrim hmel pawh ka hmu tawh lo.
A thui tih vek tur aw.....
