HMANGAIHNA KHUARKHURUM 3

Episode kal lai dah luhna

Moderator: writers

Hluhlu-i Khiangte
Posts: 93
Joined: April 7th, 2021, 10:04 am

HMANGAIHNA KHUARKHURUM 3

Unread post by Hluhlu-i Khiangte » May 17th, 2021, 5:33 pm

HMANGAIHNA KHUARKHURUM



Chapter-3




By-Hluhlu-i Khiangte




A sir a kal a a kawngkhar ka nem hawn rual a a thusawi chuan min deng dawt thung, a lam a in her leh in "engtinmaw", ka ti sep a ,"min haw mah la kei chuan ka duh che", min ti anih chu!





Ka lung hi a sawt chhuak dawn em ni? A va phu nasa dawt dawt ve!




Hrilhhai zet in ka en hà a, ţawng mai ka tum a, ka thei der lo, tihngaihna hrelo lutuk in ka nui hak ringawt, ka hlim veng veng a ,chutah, ka mitthla ah duhthawh lutuk a ka mizo laizawn nen ngei mai nupa nun an hman dun lai kha a rawn lang hlawl, ka hrilhhai na leh ka phur ruk na pawh a reh chawpchilh nghal hmiah!





"Huh, nang, sum hmang a midang thlem a, duhtawk a hmeichhe dang dang nawmchen pui ţhin, i lak a an kap ui lo tu apiang pak huam huam ţhin mihring hian min duh a maw?", Ka ti hà, ni e, ka ţawng na hret, mahse ka inchhir lo, a them te liak pawh in ka inchhir eih lo, min kam ngawng ngawng tu lak chhuah hawk ang maiin ka thawl huai zawk tlat anih chu! Chutih rual in hmeichhe dang dang mutpui ţhin ang in ka chhuah a, hmeichhe pakhat a mutpui chauh ka la hria, kha lo pawh kha a thleng fo tawh ang tih ka ringhlel chuang hauh lo, mahse ka duhloh phah hauh lo thung.





"Ih, babe, ka duh che, chu zawng chu, a dang sawi tur ka hre lo, ka nunhlui chhui dawn la min teh tling ngai lo ang, engtikah mah, tun hun chauh ngaihtuah la, kei hian ka duh che, ok", a ti leh sup a, "keiin ka ten thung che", ka duh ai ka aw chhuak a ngeiawm mah mah, mahse, ka pawi sa ta lo law law.





A ti dik, kei pawh hi ka tling bik kher lo, nunhlui chu nunhlui a ni, mahse, mahse hi a awm tlat lawi!





Ka mut hmun ah ka ngaihtuah neuh neuh a, Vyash hi ka duh alawm, ka duh takzet, mahse, ka hmuh hmasak ber ni pawh in hmeichhia nen nuam an chen dun lai anih kha ka hmuh ni! Ka ngaihtuah chhuah rual in tawt lutuk in ka thaw hawk a, ka awm ka ţhàm tawk ringawt, awmzia a awm chuang lo, a na ngut ngut tho.






Keima lam ka in ngaihtuah leh a, a engamah hma in ka thikthu ka pe chhe ve em em te chu ka in nuihzat a, ka vei ruk ţhin zia te, ka mang ram lalfapa anih zia te ka dawn a ,ka lung min dum ngawih ngawih tu a ni alawm, mahse, la dinhmun ka ngaihtuah a, ka rethei a, engmah pek tur ka nei lo, ka che chhe reng a, mi tling lo tak ka ni, chu zawng ai a pawimawh ber chu mizo hmeichhia ka ni, hnamdang mipa lak a in tulut tur hi ka ni em? Ka nu leh pa zirtirna kalh zawng in ka khawsa ang maw?





Hei erawh chiang tak in ka hria, ani ka thlan chuan ka chhungkua chauh nilo ka hnam ka thlauh thlak a ngai dawn! Ka hnam leh ka chhungkua ka thlan erawh chuan ka vei em em ,ka thinlung lalfapa, ka thinlung a a khah liam lutuk avang a mang ram thleng a ka hmuh phah hial mipa hi ka en san a ngai thung!





"Vyash, engvangin nge mizo inih ve mai loh? Ka vei tur in ka hma ah rawn lang lo la, ka tawrh na ah min chhan lo in min lo tawrh tlang tir ni la, nilo, min ngaihsak lo law law zawk la ,heti ém ém hian ka vei lo tur che ,min duh thu i sawi phei kha chuan ka tan ka thinlung aţang a nawhreh che i ti harsa zual lutuk", tiin ka mitthla a chàm reng Vyash hlimthla chu ka be mial mial a, chhang tu erawh ka nei lo.






A vawi khat nan ka off day ah club ah ka kal a ,ka ţhianţha zet Sawmkima'n min thlawp leh zaih tawh ,music ri dup dup kar a a su nghawng nghawng chu ngei zet in ka melh a, ka rilru tawt ka hahdam deuh theih nan a sawmna ka pawm kha a ni a, min ngaihsak lék lo in vai mipa pakhat mai nilo, pahnih ngawt a lam pui leh nghawng nghawng saw, ning zet in thawk ka la hawk a, ka mit ka chhing vang vang a, hetiang light de zawk zawk leh music ri dup dup te, zu rim nam rum rum te hi ka ngaina lo, ka lu a ti na ut ut.





Sawmkima hi haw pui tawh ila a ţha ang ti rilru in ka meng a, an lamna lam ka hawi a, la hmu ta mai lo, ka hawi kual ruai a, khawiah tehhrep nge maw a lo kal bo hman ni, ka call a a chhang thei silo, ka vei lam ah chuan ka kal ve ngawt a, ka zawn mai loh chuan, thui pawh ka kal hma in ka ding chat, lam bu suau suau ho ai a fal hret a ka thil hmuh hi thil dik a ni em? ka hnaih leh hret a, bmeichhia in dingdihlip àk àk in a nghawng ah a kuah a, mipa zawk chuan a hmeichhe bek lehlam lehlam ah a dawm bawk ,duhthawh zet in an la in fawp ngawng ngawng, thaw hlawp hlawp a an in thlah chuan ka hmuh sual a ni lo tih ka pawm chauh, ka nghilh dup a, ka en ngawt ngawt tawp, Vyash leh a nawmchenna mizo hmeichhia bawk kha!






Mipui dang awm ve pawh zah zo lo in duhthawh lutuk in an in dút ngawng ngawng anih chu! Ka na lutuk, min duh thu min hrilh ve si khan ka hriat loh in tihian hmeichhe dang alo kawp tho a, nge ni a minlo der mai mai zawk? Thawk lawk in ka piah deuh a bar lam chu ka pan ve thawr a, vodka ka lam nghal zat, rang fahran in min rawn thlit a, ka in ngai lem lo, mahse ka in duh, tunah ngei hian.






Ka in hma in ka hnim a, a rimtui cham cham, orange anih hi, ka thawk khat pawp a, in a hrehawm lemloh hi, no thum ka thawk khat pap pap hnu chuan ka zàng haih mai, ka pum a sa ràih ràih a, nuam reuh lutuk, la duhtawk lo cheu in no khat ka in belh leh hram a, Vyash te ka hmuh na lam kha ka va pan leh ngat. In fawp ngar ngar tawh lem lo in an lo la lam dun tho a, music a ţang at tawh lo a, romantic lam rawng a kai tawh, ka thik takzet, ka duh anih chuan tunah hian ka ti lang ngei tur a ni. He nu lak ah hian ka chàn dawn lo bur!





An kiang ah va ding in ka va khuh lui khak khak a, an rawn hawi lem lo, hnaih belh leh in ka va pawt ţhen nawk! An beisei lo lutuk nge an inţhen ve phawk tho, thinrim hmel zet in min rawn en dun a, ka lo nuih sawng ringawt, zah ka hre tawh lo a, min phuar tu awm lo in ka thinlung duhdan in ka che miau. Vyash leh a nawmchen pui nula in min hmuh rual chuan an thinrim hmel a reh chawpchilh nghal zat a, mak tih hmel zet in min en dun kar ,"Oh! Sorry", pawi tih hmel tak tak lo zet in ka ti chhuak halh a ,za lo tih hriat zet in mizo nula chu a nui tawi tak ringawt.






"Ka lem ve sek a, ka mit a ti fiah lo deuh nen hmanni lawk a min duh thu tih tak hmel zet a sawi tu khan hmeichhe dang a lampui emaw ka ti a, ka lo thik ve deuh a, mahse, hei, ka hmu sual nih hi, min hrethiam r'u", ka tih leh lawng lawng chuan Vyash a lo kiai suk a, a hmui tuai zauh pah in, "Really" a ti sup, music a ţang ţha tawh em em lo nen ka hre ruai ruai thei tho mai, keipawh ka nui sàng reng a ,"tehreng", ka tih rual in min hnaih chilh thut in min rawn fawp nghal hmiah anih chu!






Ka in ring lo lulai lutuk chu ka hamhaih vek a, ka ding mawl tawp ringawt, ka dang lo a, ka chhang let hek lo, "Vyash", ti ţiau ri ah ka harh zawk a ,ka nam sawn dawrh,min thlah ve mai bawk a, mizo nula-i lam ka hawi chuan rilru nat hmel fé hian min lo en ngawt ngawt a, mahse, nuam ka ti tlat anih chu! Ma hmuh hmasak ber ni a thil thleng kha ka hre chhuak miau a, engtin emaw tal thungrulh ka duh tlat ,Vyash melh zeuh in "i duhtawk mai dawn em ni? Mipa dang pawh an tam ania", tih pah a ka hawikual vel chuan rang fahran in min rawn hnaihchilh lehnghal a, ka bek tawn tawn a dawm in dimdawi lem lo zet in min fawp leh ngawng ngawng, lo kuah let ve in ka theitawp a uar in ka chhanglet ve hmiah a, ka thiam lutuk lo a chu a ti phur pha ve tho a ni mahna min fawp reng chung in a rúm deuh hawk.





Tumah ka zah lo a, nuam in min fan veng veng bawk, kan inthlah a, inthlah han tih ah kan la inhlat lo hle, kan thaw dun hlap hlap a, ka chhip a fawp zeuh in min kuah hlu hlu, ka hlim veng veng a, mizo nula-i ka hrechhuak zawk a, ka hawi kual ruai, ka hmu tawh miah lo, ka thil zawn hria ni awm fahran in Vyash chuan "a kal tawh", a ti a,chutah ka beng bul ah rawn kun hniam in ,"tunah chuan nang leh kei chauh", a rawn ti sup bawk, ka múr ar ar a, ka nui séih ringawt.






Khum zau leh dup nuam zet chung ah chuan duhthawh zet in kan in fawp hlawih hlawih a ,ka hnute a ţham pah tawn tawn, keipawh tisa chakna in min luahkhat in a rem rem ah ka chúl ve ruai tho, in súmkar na tel map lo in kan thuam hlip fai pak in duhthawh zet in kan che dun a, ka taksa a rawn luh chuan a na lutuk chu ka harh hawk a ,ka tisa chakna a thlawk bo nghal hmiah!Ka in pet ruh ţung bawk, Vyash pawh chuan phawk fé in min melh a, a che chhunzawm lo, ka lo la thianghlim si chuan a ţhawng ngang a ni ange, inthiam lo hmel pu chung in ka lak aţang in lak hran mai a tum a, ka kuah bet ta tlat.







Awmzia a awm tawh lo, ka kal tlang pui tur a ni!






"Babe", a ti sup a, mittui tling pam a en chho kar in "a pawi lo, chhunzawm la" ka ti sep, ka mittui erawh tlak tir ka tum lo, ka in pet ruh fan fan ,ka chiang chiah em tih min zawh chuan ka bu nghat ringawt, dimdawi zet in min sawngbawl zui zat, a hnu ah phei chuan nawmna in min tuam in ka rúm ve hak hak a, a dím lo tial tial bawk a, nawmna vawrtawp a thlen dawn hnaih ah phei chuan rang zet in a che dawt dawt.





Ka ţhanharh chuan ka bek a na ngut ngut a ,chu mai nilo in ka serh leh tài bawr a na ut ut bawk, ka mit ka chhing vang vang a, nizan lam thil ka ngaihtuah a, rang zet in ka meng leh nghal ,ka tho vat a, ka kiang ah Vyash a mu hauh lo, nizan ah khan hnamdang, vai lak ah ka thianghlimna ka hloh! Ka mitthla ah ka nu leh pa hmel a lo lang a, ka in seh ruh nghek ringawt, mahse ,ţah ka tum lo a, ka ruih vang ah ka puh hek lo, ka duhthlan na ngei a ni, nawrluih ni miah lo in hnamdang lak ah ka rohlu ber ka thianghlimna ka hlan anih chu!






Ka inchhir tur a ni lo, khatiang thil ka thlen tir ngam anih chuan a nghawng let pawh ka tuar ngam mai tur a ni dawn lo'm ni?







Note - In lung a dum kher lo ang, in duhthusam a ka ziah chhuah theih loh vangin ngaihdam ka dil e, tin, a tawi hret bawk ţhin a, min hrethiam hram hram r'u aw, zantin erawh harsatna lian tham ka neih loh chuan rawn dah ka tum ania, duty pah a type ka nih ţhin vangin ka duh ang in a sei thei bik lo, engpawh ni se, ka lawm e, ka story ziah min chhiar sak ve duh a😘😘😘


Keimah ka ni reng ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)