CASEY'S SECRETS CH - 23

Episode kal lai dah luhna

Moderator: writers

ilefi imoz
Posts: 131
Joined: January 1st, 2021, 12:32 pm

CASEY'S SECRETS CH - 23

Unread post by ilefi imoz » May 17th, 2021, 7:25 pm

*Casey's Secrets*
chapter - 23
(ilefi imoz)



Léngpui airport kan thleng a, police tam takin minlo hmuah avang chuan a ngaihna kan hrelo hlawm kher mai!



"Hlau suh u, in chunga thil thalo thleng leh thei laka venghim tur che u in anlo kal anih hi!"



Jordan-an atih chuan kan thaw huai hlawm a, lungphu a rang nghal dawt dawt hman alawm mawle!




Aizawl kawng kan han zawh ta chu, kei takngial pawhin ka la hriat ngai miahloh kawng te pawh chu ka ngaina em em vek a, kan ram anih vang ani ngei ang!



"Hotelah kan innghat phawt anga, chu tah chuan in haw dan tur theuh kan ngaihtuah dawn nia!"



Tiin jordan-an hma a hruai zung zung a, hetiang khawpa mifel ani chung hian engvangin nge casey kha a thah le? Ka hrethiam theilo ani!



"Jordan!"


Ka ti that a! A hnung bera ka kal avangin kan hmaa building lian tak ding chu kalo hmu ve lawk lova, ka hmuh meuh chuan!!! Mak tihna hian ka khat ani ber e..


"Didi.. enge ni ta?"


Tiin jordan chuan min rawn pan vat a, kei erawh che lovin, ka hmaa building mawi leh lianpui chu ka thlír vawng vawng ringawt a!



"Lo va lut ula, khualchhawn awmna ah khan minlo nghak dawn nia.."



Tiin midang ho chu a hrilh zung zung a,


"Didi!"


"Jordan... He hotel hi! A ta kha ani!! Ka hria alawm"


Ka ti chhuak sep a, thu dang erawh ka sawi theilo! Aizawl khawpui zau lutuk ah pawh a sulhnu chauh ka fang leh chu ania! A awihawmlo zawk mange..



"Didi, lut tawh ila a that ka ring.."



Tiin min kailut a, min khawihna ang ang chuan ka awm a, keimah chauh chuan tha ka nei tawh lo ani.



"Chibai ule, *HOTEL DOLLY* ah kanlo lawm a che u!"


Khualchhâwn in nui var vara alo tih te chuan mak tihna in ka khat lehzual a, a khatliam ani zawk mah ang chu!



Hotel dolly maw? Hmanah kha chuan, TRT hotel kha ani thin a, ka thawh chhung reilote ah pawh khan a hming te chu ka hre bel ve hman lutuk anih kha!



"Zuali! Nang maw?"


Kan piah atanga rawn ti tu vang chuan ka hawiphei vat a!


"Amanda!!"


Ka ti chhuak hap a, khirhveli ngei kha ani! A hunlai khan in ngeih lutuklo mahila, tuna ka hmuh leh meuh chuan Caseya min hriatnawn tir tu ani ka tilo theilo a..



"Enge a awmzia hi? Nang...nangmahni hi emni? Englo.."



Sawi nuamlo tih hmel taka a riat kawi niah niah lai chuan lu kalo búk khum nghat a,



"Awi aw!!"


Tiin min rawn pan vat a, min kuah vawng vawng chungin min khawngaih zia thu a sawi a, he hmuna ka hmelhriat ka hmuh awmchhun in min hnem na chu avan tawk tak em!



"Lo kal ru, in room duhzawng in thlang thei ang, helamah hian!".


Tiin min kai dat dat a, ka thiante ho chuan min zui ve zel bawk a..


"Nang chu i room ah i awm dawn nia.."



Nui hak chungin, min tihhlim tum tak hian arawn ti a, keipawh kalo nui ve halh mai, ka rin ai daiha ka chunga a that vang hian ka lawm takzet ani!



"In duh ber room ah theuh in awm thei ang, tin, in khua theuh a in let leh hma chu hetah in awm hmel a, awmna man kha in chawi a ngai lovang aw, kan free vek cheu ania.."



Amanda chuan arawn ti chhuak hluai a, phâwk hrâ chunga kan melh deuh thap lai chuan lu thing mât mât chungin alo nui mai a, mumang a ang rum rum mai alawm le..



Keima room enkawl thin ah ngei chuan ka innghat a, single room kan chan vek avangin a nuam zual hle a, mahni a awm a, thu mu hnu ngaihtuah reuh reuh pawh a nuam deuh tawh ngei ang..



Zanah chuan kan chau tlâng bawk a, tuman room kan chhuahsan peih meuhlo! jordan takngial pawh arawn lang lo a, ka khawngaih zawk, keimahni vang hian a buai loh na turah a buai nasa si a!



Balcony ah ka chhuakphei a, boruak thianghlim vék vâwk dawn ka duh vang ani..



Thla a éng lova, street light éng deuh phét phét leh râl hla taka khawpui eng de neuh neuh te bâk chu éng hmuh tur a awmlo, mahse chuti chung chuan lunglen erawh a kaitho tha duh viau ani!



Ruah a tlak cherh cherh avangin street light éng pawh chu a hním ruih a, páwnchhuak an awm tamlo bawk a, a reh hian a reh tlawk tlawk mai..



A awmna hmun atang chuan minlo thlir ve reng angem? Zalenna kan hmuh te hi hria in, min han hmuhpui ve ta sela, lawm takin min pawm ngei awm si a!


"Ka hmangaih, i telve lohna hringnun ah hian enge thlâkhlelh tur ka neih le? I chén rengna thinlung, mahse, i vawn leh tawh ngailoh tur bân neitu ka ni hi hrehawm ka ti!



Ka tan, vawikhat tal ilo lét leh thei lovemni? Nge ni a, min duh tawhloh vangin i kal ta zawk??"



Ti a phun sepin ka insut feih/faih a, ka ngai ani! Ni e, ka ngai fo thin!


"Zuali!!"



Hnunglam atanga rawn ti tu vang chuan ka mittui ka hru hul thuai a, inhera ka va en chuan amanda alo ding reng a.


"Inthlahrung suh, mahse, thil zawh duh che ka nei a!"



Tiin ka kiangah arawn kal hnai thuai a, kan thlanga street light éng melh ve vang vang pahin,



"Boss hi khawiah nge a awm i hre mial em?"


Arawn ti chhuak hlawl a, chhân mai dan tur hrelo zetin kalo inhúmruh vak vak a, ka thin tâwt lutuk chu a rawn zual sauh in ka hria!



"Englo...amanda..."


Tiin ka insut hrawih a, rang takin minlo kuah bet nghal thuai a..



"A thi tawh! Casey chu, he khawvelah hian a awm ve tawhlo! Awm reng turin duh mahila, a kal tawh ani!"



Tiin ka tap chhuak hawk a, hetianga ka tah vak vak vang hian thâwl huai thei ila ka ti takzet ani..


"Zual!!"


Min lainat hmel zetin a ti chhuak hap a, sawi tur a hre biklo aniang, a ngawi vang vang a..


Ka kâ atanga a thih thu vawikhat a rik chhuahna ani a, thla hial vei tawh mahse, min deh dân chu a hunlai ang maiin a la ni zar thei tho mai!



"Engkim a tha leh vek mai ang, thlaphâng suh aw, itan kan awm reng ania"



Tiin ka sam a chúl a, ka nu ang mai ani! Ni e, ka nu ang chiahin ami dehna chuan min fan a, fa in a nu a mamawh ang tluk zetin amanda hi kalo mamawh ani!


"Mutthilh tum la, chuan, naktukah thil pawimawh kan buaipui dawn nia.."


Tiin khumah min muttir a, puan min sin tirin light a off bawk a, ka nu ang chiah ani ka tih réng kha!



Muthmunah pawh ngaihtuahna a châwl hman lova, a buai tulh tulh zawk ni mai hian ka hria!



Ka nu leh pa te min thah sak tu chu Caseya nilovin putara ani a! Mahse, Casey kha putara kid te zingah a awm ve tho avangin kha thilah khan inhnamhnawihna a nei ve miahlo tih ka sawi thei hauhlo thung a!



Mahse chuti si, casey kha putara kid anih ve tho si chuan engvangin nge putara khan a thah tir? Engvangin nge casey khan putara kha thah tuma a beih? Zawhna tam tak ka inzawt a, min chhâng thei tu chu mipahnih chauh an awm..



Pakhat chu tunah hian jail ah a awm mek a, pakhat leh chu!!! Vanah.



👣👣



"Didi, vawiin ah ka haw ve tawh dawn a, ka chhungten min rawn hruai dawn a!"



Hlim zeta melody-in atih chuan kalo nuih ver ver a, nizan lam khan a chhungte kan biak pawh sak a, a chhungte chu an lawm vangin an tap hial anih kha?



A tira a huphurh tehlul nen, a rinloh lam daih a a chhungten hmuh anlo châk em em vang chuan a phur tawh em em a, ni e, hlim hi a phu ve tawh ani!



"Jordan nen Sumo stand thleng kanlo thlah ang che..insiam thuai thuai la aw, inhnuaiah kalo nghak ang che!"



Tiin ka chhuk san a, midang ho chu kâr khat chhung zet kan châm lai khan an chhungten an rawn hruai pheuh pheuh a, niminah rinsangi haw in, vawiina melody haw leh tur hi a tâwp berna tur ani tawh a..


"Jordan, ilo inpeih fel tawh em?"


Tiin Counter a jordana lo titi suah suah chu ka au zui lang lang a, rawn hawichhuak vutin,


"Minute khat chauh aw didi!"


Alo ti zauh a, lu búk khumin thutthlengah ka thu thla dat a, phone lei ka ngai anih hi! A khawharthlak emai..



"Khawnge melody chu?"


Rei ka thut hma in jordana alo thleng phei leh ang lawi a, chunglam ka kâwk zeuh a, ani alo nui hak a,


" A helhhawlh deuhin ka hria!"


A ti a, a nui leh hak hak a, keipawh kalo khi ve sáng mai, kan naui hi chu kan duat dún ém a!



"Lalrei! Sumo in a tlânsan tawh hrim hrim ang che, lelelele!"


Jordanan alo tih chuan mangang zetin melody chuan minlo melh nghal ruai a, an kalsan tak tak a hlau emawni le?



"Kal vat ang u!"



Tiin jordan chuan melody suitcase a khâi nawlh a, páwnah kan inzui chhuak ta hlawm a,



Seat hnungah melody nen kan thu a, kan ti ti siam siam lai chuan jordan chu ka melh leh zauh thin a, thil ngaihtuah múk deuh nei hmel hi a pu in ka hre tlat pek a, mahse tihbuai ka tum lemlo..



"Didi, eng khua nge i nih ve reng reng a? ila sawi ngai miahlo a!"



Ka sira thu nu té reuh chuan arawn ti chhuak hliai a,


"Ho mai mai!"


Ti a kalo chhân vang chuan a ner nâng nâng a, hrilh kher erawh ka tum lemlo, tumah hi kan khua ka hrilh duh ngai lova, a chhan pawh tuipuiral mi leh sa deuh vek anni si a, melody ngat phei hi chu samthang khua ani a, Vaphai nen a inhnaih em avangin ka chanchin a thang anga, ka chhungte an zak lutuk ang tih ka hlau ani?


"Van sual ve tak, keipawn kan khaw hming ka hrilh ve reng che sia!"



A ti nâng nâng a, kalo nui hak hak a, a sama chúl pahin,


"Nakinah, in khuaah chuan nangmah hmu tur liau liau che hian kalo kal leh ang, mahse pasal lo la nei miah suh aw!"



Tiin ka pawmbet hle hle a, ka ngai dawn ani he nú te pawh hi! Ka ngaih dâwn em avangin ka khawih theih lai hian khawih zawh vek mai te ka duh!



"Kan thleng aw!"


Motor a din dat rualin jordan chuan arawn ti a, melody kawngkhar hawnna lamah chuan chhuak ve in, sumo stand a nu pakhat leh pa pakhat lo ding chu ka hmu ve zat a,



"Nu!! Pa!!"


Ti a au ráwih râwih chunga tlânpheiin melody chuan an pahnih chuan a kuah thlawp a, anni pawhin hlimnna mittui nen an fanu chu anlo kuangkuah ve bawk a, an van hlim chungchuang tak em!



Ka nu leh pa te kha la dam ve in, tun ang boruak te hi tawng ve ta ila chuan, ka pa khan a kâng meuhin min pawm anga, ka nu khan duat takin ka lu ah a fawp leh ngei âwm si a!



Ka mittui rawn hnâm sawk chu duh lovin ka hru thuak a, nui lui sâng chungin melody te lam chu ka pan ve vat a,



"Nangmah hi emni ka fanu te lo chhanchhuak tu chu?"


Tiin a pa in minlo pan ve nghal thuai bawk a,



"Keimah chu nilo ve, hei, kan thianpa zawk hi ania, jordan anih hi!"


Tiin jordan chu ka inhmelhriat tir zung zung a, an lawm kher mai, a âwm ve réng bawk a,


"Nu, pa, didi leh jordan hi awmlo se chuan, kan.. englo!"



Tiin melody a rawn tapchhuak hawk a, a nu leh pa te chuan duat takin anlo kuah thuai a,




Kan inbiak nek nek chhungin sumo alo thleng a, engtikah emaw la imhmu leh ngei tura intiam chungin an tlânchhuak ta a..



An tlânliamna chu ngawi rengin ka thlir vawng vawng a, tunah chuan keimah chauh ka ni ta! Ka chhungril ruak lutuk hi hnawhkhattu an awm leh thei tawh dawn emni?



"Didi!"



Jordan-an arawn tih chuan ka hawichhuak vat a, che sawn hlek lovin min melh char char a, a rilru a buai hmel kher mai,



"Nang ve hi! Engtin nge i awm zel dawn a?"



Tiin ka dâr arawn vuan a, kalo thaw chhuak hap mai, chu chu alawm ka mut ti tui thei ngailo tu chu!



"Jordan, ka haw ve theilo kei chu.."


Kalo ti chhuak hap a, thaw hawk chung hian mangan hmel zetin min melh a, a in pet ruh fan fan bawk a, ka inthiamlo kher mai!



"Lawk aw didi, ice cream ka va lei lawk ang!"


Tiin a in la hrang vut a, a phone phawrha a benga chuktuah nghal rún chungin kan piah lam chu a pan zui vut a, kawng káwia a liam thleng chuan ka thlir zui ta reng a..



Jordan hi ka tibuai reng thei lovang, ani pawn ngaihzawng anei tawh a, hlim takin delhi ah khan awm ve tawh se ka duh ani! A dolly pawh khan alo nghak rei lutuk tawh ang tih ka hlau a, a in lah kha a fâl in, a thim khup mai bawk si a, a lo hlau tawh viau maithei asin!



"Ka rei em?"


Thaw hlawp hlawp chunga ka hnunglam atanga arawn tih chuan ka inher vut a, ka chân loh khânah lehlam atangin arawn lang hlawl a, mak ka ti angreng viau ani..



"Khawnge i ice cream lei chu??"


Kalo ti há a, rang tawka a kut a en vut chuan phone chauh a keng ani tih a hre thiam ve nghal aniang, a lu tuai vut pahin,


"Avan zialo eee!"



A ti nâng nâng a, kei kalo nui hak thung a, a fin tehlul nen vawiin chu a haihawt hle mai a!



"I ei châk viau em?"


Arawn tih chuan,


"Châk viau lo e!"


Kalo ti vat a,


"Nih chuan kal ang!"


Tiin motor lam chu min panpui dat dat a,


"Jordan, englo, delhi ah haw tawh la ka duh a, dolly khan alo nghâk reng dawn che sia, a ngaihtuah awm iti lovemni?"



Car a thut luh pah chuan inthlahrung dék hian ka ti a, thil ngaihtuah buai hmel fé a a ngawih vang vang hnu ah kiai suk chungin,


"Ani chu a ngaihtuahawm lovang, helama ka awm chhung chu a chhungte kiangah alo chéng rih dawn a!"


Alo ti a, ka thaw huai mai, amah chauhin khá in (house) ah khan a lo awm char char mai ang tih kalo hlau lutuk kha ania!



Hotel kan thlen chuan ka room ka pan ding nghal char char a, ka hnungah jordan-an min zui ve zel bawk a,



Room a kan luh fel rualin mak ti zetin jordan chu ka melh hâ a,


"Tinge min zui char char a?"


Ka tih chuan mitko minlo sân khum úk a,


"I haw duh si lova, i hna tur kan sawifel nghal law law ang chu ka ti!"


Tiin dawhkana tui lo inchhawp chu a in khalh a, a ngaihna hrelo zeta kalo melh lai chuan rawn inher in, a kiai suk a..


"He hotel hi miin an lei hma chu ka kutah a awm hrih dawn a, chu'ng thil vel chu ania kan chhuah hma khan kanlo sawi ho ni!


I duh chuan hetah hian hna i thawk ve thei anga, nih loh pawn, hna dang ka zawn sak thei che a!"


Arawn tih chuan kalo mengphar âwk a, a thusawi mal tin khan min déng ani! He hotel hi casey-a ta ani a, engtin nge jordana daih daihin a enkawl theih ang?


Amah thattu kutah a hotel hi a awm dawn amaw?


"Didi, duhthlanna siam la, i thu thu ani mai aw!"


Tiin min rawn pan vut a, misual tak anilo tih chu ka hria alawm, mahse, a thah tâk kut atanga a thilneih a han rochun(g) mai tur chu, âwm ka tilo deuh ani!


"Jordan, he hotel hi i kutah kan dah ngawt thei lovang, englo, rilru chhia i pu ka tihna nilovin, a..englo ania!"



Kalo ti bah deuh niaih a, han chhamchhuah mai tur ka hre tlatlo ani!



"I duh chuan i kutah kan dah zawk dawn nia, mawhphurhna chelhtu inih duh ka ring lova, mahse i duh phawt chuan, i kutah kan dah dawn nia!"


Dam dup hian alo ti leh a, chutah zet zawng, he mipa hi misual anilo tih finfiahin a awm ka ti mai! Ka rinna zawng zawng ka nghah ngamna tur mipa ani tih ka hre ta ani!



👣👣


Thla hnih a liam meuh chuan kan hotel pawh chu a lâr sâwt in, mi hriat a hlawh chho ta viau a, Mizoramah nanana chuan a lehpek chuang a awm tawh lovang tih ngam tur hial alo ni ta!



Hnathawk te an felin an hna an tlin em em a, customer te an buaipuina ah sawisel tur an awm ngailo a, chu tak chu ani hma kan sawm em em nachhan ber chu!



"Didi, manager in a hmu duh che a!"



Tiin jordana personal assistant chuan min rawn ko a, ka hna chawlhsan meuhin jordana office ah chuan ka va lut a, minlo hmuh chuan alo nui var var mai..



"Lo thu la"


Tiin a hmaa chair chu a tin zauh a, ka va thu ve tharh a, a hmel thutak riau leh hlim hmel hi ka hrethiam chiahlo a!



"Thil pahnih hrilh tur che ka nei a, enge ka hrilh hmasak zawk ang che aw??"



Ati vang vang a, keiin a khabe liam chângin mitkhap lék lo hian kalo melh ngar ngar thung a, zirtirtu in zirlai naupang a zirlai hrilhfiah a tum hi kan ang berin ka ring..



"Ih maw?! Nupui ka nei dawn a!"



Arawn tih vang chuan ka ding uaih a!


"Jordan! Min tihder hlek suh!"


Ka tih pawh chuan fiamthu sawi hmel a pu lova! Anih chuan dolly nen chuan an innei dawn tihna ani ngei ang!



"Dolly nen chuan emni in inneih dawn?"



Ka tih chuan lu thing mút mút chungin a nuichhuak hawk a,


"Dolly chu nangmah alawm!"



Arawn tih leh chuan ka bo hú a, hepa hian enge maw a hriat le?



"Thla leh hian ka bialnu Lawmzuali nen kan innei dawn a!"



Arawn tih chuan mak ti leh zual zetin ka melh leh hâw a, Lawmzuali chu kan hotela hnathawk ve tho ani a, jordan nen an in zui nasa ve viau thin a, mahse ngaihzawng nghet, dolly anei ni khan ka hre sia!



"Jordan! Thla khat ém pawh inla inzui dawn emni?"


Kalo ti hliai a,


"Thla hnih!"


Alo tih awlsam ét vang chuan ka thlék háw a, amak ka tia lawm, an inngaihzawn lai pawh ka hre hauh silo a!



"Mahse jordan! Dolly nen khan in inthen tihna emni? Enge thil awmdan hi? Ka man miahlo ania aw!"



Tiin ka zawt leh hrám a, nia, mak ka ti ém alawm! Thla hnih liamta chhung zawng khan dolly nen pawh an inbe fo a, a phone a rik a, dolly alo nih chuan ka hriatve hlau zetin a kalsawn daih zel a, ka nuih vak vak thin anih kha!



"Dolly chu nangmah ka tih chu! Engpawh nise, ka thil hrilh tur che pakhat chu ka hrilh zo tawh che a, a pahnihna ka hrilh ang che aw!"


Atih leh vang chuan thil min hrilh tur pahnih anei tih ka hrechhuak ve leh chauh a, a sawi hmasak zawkin min thawng lutuka kalo mangnghilh daih alawm mawle!


"Sawi la!"



Tiin ka melh leh vat a,


"I hnunga ka room thuhrúk kawngkhar lam saw hawi phawt la!"


Tiin ka hnunglam chu a kawk zauh a! Inhera ka lehhawi rual chuan ka khawng thei mai dawn in ka hria!



"Casey!!!"



Tiin ka au tuar a!



(Zanin chu Caseya alo lét leh lawm nan, a hma aia uar in like leh comments kha minlo pek thar sak leh hrâm hrâm ula😘)


End of chapter - 23



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)