PERFECT PEACE - I

Episode kal lai dah luhna

Moderator: writers

Abella Ralte
Posts: 179
Joined: October 27th, 2019, 1:10 pm

PERFECT PEACE - I

Unread post by Abella Ralte » May 17th, 2021, 7:55 pm

A tawp a tawpah chuan kalo lang ve leh hlawl mai, hunrei tak hnu a tan sei tawkin ka rawn dah e, ka regulatlr thei ltk lo ang aw, chuan ka post lo dawn chuan ka sawi lawk zel bawk ang.





Mi in hriat kha, chhiar paha edit kha chu a ngai leh zeuh zeuh dawn a nia, kha chu min hrethiam dawn nia aw😜😜😜😜😜





Chu bakah mature content tel lo chuan ka ziak thiam a lo a nia, khatiang lam chhiar duhlo kha chuan in lo insum mai dawn nia haha







Bung – 1





Masangi Cotoure ah puan than nalh leh sial deuh deuh a lo thleng an tih avangin kei pawhin thlan ve ngei ka duh a, ka nau pakhat (ka nau han ti ila, ka hnuaia hnathhawk) Tluangi nen chuan kal ka tum avangin, ka rilru chu a hmanhmawh tawh hle a, lunch break lai a kal kan duh bawk si, clients ka la nei laklawh bawk si nen , sana chu ka en ru sek tawh a, ka rilru chu a hmanhmawh tak zet tawh a.







Min dawrtu te hen ah chuan minlo hrethiam lawk mai teh u tiin chhuanlam ka siam ta ringawt a, ka dawr hi kum 2 lai chu mumal takin ka run ve tawh a, pathian zarah ka tluang ve riau a, sum neih chuan engkim a lo awlsam bik zia ka hriat phah a, vannei pawh ka in ti thin hle a ni, Dada hi awm lo se chuan tun dinhmun hi ka tan chuan vana rah ang a ni dawn a, suangtuah pawh ka suangtuah pha hauh lo a.






Ka dawr hmingah hian Emerald fashion tih ka vuah ve a, a hming ringawt pawh hi ka tan chuan a hluin, a hluzia hi tumahin min hriatthiam pui ngai hauh lo ang. Thawktu pangnga lai ka nei ve tawh a, a tawi zanwgin sawi ila, puanthui leh design lam tihna a nih mai chu.





Millenium chhungah dawr kan nei a, kaw thum lai kan luah avangin duh tawkin a cheimawi theih bawk mai bakah in thuina hmun pawh a hnung lamah a awm nghal thei vek a, ka customer te hi a tlang puiin mizo ah pawh kei ka ni in ti chin thah a nih ve avang hian tlawm pawh a tlawm lem lo a, kei pawh hian mak ka ti thin, mi te hian incheina lam a sum leh pai kan ui loh zia hi. Rin ai takin ka hlawk ve phian a, ka mi chhawrte pawh hlawh ka pe chhe lem lo bawk a, thawktu pawh ka thlak zut ve lem lo a. Vawikha t erawh chu pakhat a bang ve a, chupawh bang tih lemah a mah pual a dawr a hawn ve duh tawh vang a ni.




Tluangi hnenah chuan scooty la chhuak turin ka hrilh a, hmanhmawh thilah chuan scooty a kal mai hi a awlsam zawk a, a rang zawk bawk a, ani hi ka ko mai zel a. kan inphur chhuak dun ta vau vau a.






Kan va thlen chuan Masangi pawh a lo buai khawp mai a, puanthan thlen lai te a nih vang nge customer erawh a neilo thung a.





“ka rin aiin ilo thleng hma” masani chuan a lo ti vat a.



“rawn kal hmasa ber nih ka duh vang a lawm ka rawn hmanhmawh em em, ka customerte ka kalsan ringawt” inthiam lo deuh a nui tha chung chuan ka ti a.





“nangmah chiah lawm ka la hrilh che, I thlan zawhah midang chu ka hrilh chauh ang”






“I va han fel thin tak, nang nge nge I belh tlak teh e” ka lo ti ve vat a.





“mahse customer pawimawh deuh ka nei dawn a, an lo thleng tep ang”






“a pawi hleinem ka lo thlen tawh ber chuan ka lo thlang a nga ani mai” ka ti liam puat a






“tun tum ka customerte chu an pawimawh lutuk a, inhualna a an hak tur a nia, tlem chuan ka zam ve deuh” a ti leh halh a






A tawngdanah chuan a zam ve deuh tih a lang thei a, a customerte chu an pawimawh viau a niang chu ka lo ti rilru a.





Puanthan awmna lamh chuan tluangi nen kan phei vat a, puanthan ho ka hmuh chuan phurna avangin ka thaw hap a, an mawi em kher lah tak a. Chiffon puanthan lavender rawng ka hmu chu nalh ka ti kher mai, tluangi pawhin nalh a ti ve ngang aniang, a rawn khawih ve dan dan a, “An va sial hlawn ve” ti rawh a rawn ti chhuak hliai a. Lace ho mawlh chu nalh ka ti, ka hmuh ngai zen zen chi pawh a ni lo, an lang grand em em a, a man pawh atlawm dawn lo tih a hriat nghal hluah hluah.





Engtia rei nge kan thlan pawh ka hrelo a, Masangi nau in thingpui in tur a min koh chuan kan hawichhuak ve thei hram a. kan zui ve nghal vat a, kan in thlang zo deuh tawh reng reng a, ka sana ka en chuan Dar 3 a lo ri ve dawn reng tawh a.






Masangi chuan min lo hui vat a, a client te pawh an awm tawh tih a hriat reng a, a hmel chu a phur sarh mai a, ka nuih sang a, a bula nula thu chhelo zet mai chu ka hrechiang lutuk tlat, ka vawikhat hmuhna ah pawh ka hre thei nghal. Rebeccai a ni a, kan chief Minister fanu neih chhun, Chief miniter fanu anihna ai mah chuan a chhiatloh vang leh lehkhathiam thei zet mai anih vanga lar zawk mah a ni a, amah hi MCS nikum lawk khan a tling thar a, sawi hat a kai takna in, a lehkha zir tawhna back ground en chuan han sawi chiam nachhan tur a awmlo, lehkhathiam thang kha a nia, ka ngaih ve dan tak chuan IAS ni hial awm a mawi a ni. Ka han sawi teh duah a, mimal tak a ka mi ngaihsan ve deuh ber a nih vang a nia kei pawhin ka lo hriatchian ve em em ni. Kan in sawi thei ve lawk, keipawhin a kawr kalo thui sak ve nual tawh 





Min hmuh chuan a lo nui sang a, kei pawhin ka lo nuih let ve sak a, a nui te chu a mawi ka ti.





Masangi chuan thutna tur min lo kawh hmujh zauh a, kei pawh ka an thutna ep chiah, kawnka lam hnungchhawn zawng chuan ka l thu thla ve nghal a. thingpui min pek chu ka lo ban nghal vat bawk a.





“I duh zawng I hmu em?” Masangi chuan nui sang lehnelawm zet hian a lo ti a






“hmu e, ka hmu nasa leh lutuk a, ka buai zawk” ka lo ti vat a






“keipawh thlan ber turah ka buai zawk, a nalh hlawm lutuk “ Rebeccai chuan a lo ti ve vat a






Ka chhan hma chuan amah bawk chuan “nang pawh kan in hualni chuan rawn kal ve ngei ngei ang che” a ti zui leh zat a






“teh reng mai” ka lo ti a, thil eng eng emaw kan sawi a, kan lo nui hak hak a, Rebeccai chuan sana a en deuh sek bawk a






Kawngka a rawn in hawn chuan Rebeccai chu phur hmel zet a ding chhuak a, a nui sang bawk a, a hmel chu a hlim hmel tak zet a, in her a rem chiah loh a vangin ka hawi chhuak ve duh lem lo a , bakah a hawkdak thlak ka ti ve deuh.






“I zo tawh a mi” tih sup ri chu a ring lo na in, ka bengah chuan tek tla ai pawn a ring zawk ang, ka insum hman lo, ka thingpui inna no ken chu ka dah nghal rawk rawk a. chu aw chu ka hre chiang lutuk tlat a, eng ang pawhin zawi mahse kei engtikah mah ka theih nghilh lo ang. An tawngri chu hla deuh atang a rawn ei chhuak ni mai in ka hria, an tawngri ai mah chuan ka lungphu te chu a ri ring zawkin ka hria. Masangi chuan ding chungin a lo welcome bawk a, ka hmu reng lo ding ve awm tak pawh ka ni, mahse ka thei derlo, ka khur nasa lutuk, masangi chuan thutna a kawh hmuhna hmun ka ep chiah ah chuan a rawn thu thla ve nghal a, ka longawi reng chu nuamlo an ti nge ni dawn ni





“Ellena hei hi ka pasal hual chu a nih hi, Zosanga a nia, Sang heihi Ellenai, designer bawn lutuk” a ti a, a tawngdan te chu minfakna ni mahse ka lawm hauh lo a, chutah chuan mitmeng vawt lutuk leh a mitmeng a min hmusittu lututk nen chuan kan in melh ran a, ka theihtawpin ka insangmar a, ka nui lui hram a, alo bun nghut ringawt a, keipawhin engtia han tih ka tum bik lo.






Thingpui an rawn pe vat a, ani chuan a lo ban nghal vat a, keipawhin rang zetin ka thingpui in tur chu ka in vat vat a, in vat vat a kal thuai thuai ka chak ber






Rebeccai leh Masangi chu an tawng bawrh bawrh a, an thusawi erawh engmah ka hre ve lo thung, ka hma a thu tlangval lian thleh thawlh, mi pasal la ni mai tur, mitmeng vawt leh hriam zet chuan ka ngaihtuahna a ti buai. Ka no dah tur chuan tum loh deuhin ka va melh a, hmusit hmel zet hian min lo en a, ka va en tih a hriat chuan a ner deuh sawk a, ka te chem chem. Tih bakin engmah han sawi tur ka hrelo.






Ka ding nghal vat a, “ Masang ka kal mai ang, ka duh chu ka ziak fel a, remchang I tih hunah lo dah tir mai rawh aw” ka ti a, ka nui lui sang bawk a, harsa ka tih zia chu van te chauh khian min hriat pui ang.






Rebeccai lam chu hawiin ka nui sang a, “ tha deuhin aw” ka ti zauh a






“ilo kal ve ngei ngei a ngai aw” a tih chuan “lutuk tlat” tiin ka lo chhang vat a, ka bag khai chu ka ban vat a, eng tin tin emaw kan bye nawk nawk a, ka mitsirin Zosanga lo thurun chu ka hmu reng tho a.






Pawn ka chhuak chiah chu ka thaw tha hlei theilo zawk, ka khur nghal dawt dawt bawk a.






Scooty hnungah ka thu a, khalh pawh ka khalh peih lo a, tawng pawh ka tawng peih bawk lo a, tluangtei pawh chuan min be lo a, a tir khan I tha em min ti a, ka tha vak lo, ka ti bul hmuk a, hrethiam takin min be chhunzawm tawh bik lo a, ka ngaihtuahna chu a buai nuaih a, engber nge ngaihtuah tur pahw ka hre lo zawk a ni maiin ka hria.






Ka thlan dup dup a, ka in hru hul ang nawk nawk a, theih nise khapa kha ka hmu leh duh tawhlo a sin le.





Hriatloh Karin kan lo thleng ve mai a, keima room bik te takte, engngemaw chang a awm falna tur a kan siamah chuan ka lut nghal a, chhuatah chuan ka thu hnawk a, a va make m ka ti chhuak hlai ri ngawt a.






Ni e, a mak ve em bawk a, vawiin ni hi ka tan a pawimawh em em a, kumtin duhlo mahila ka hrechhuak leh ngei ngei thin a, zan hun mawlh kha ka huphurh thin a, zanin hian engtin nge ka awm ang tiin ka lo ngaihtuah lawk nasa a, mahse tum lo deuhin a ai hreawmleh rapthlak zawkin min deng ta si.






Engtin nge hun ka hman liam pawh ka hrelo, ka naute ho in mak ti taka min en chu ka hrelo der a, tlaiah pawh nidang ai hma in kan haw ta hlawm a, in ka thlen chuan ka roomah lut tlang nghalin, kal kawngah traffic jam nen duh angin ka thleng hma lo zawk a, ka haw velah hian Dada bulah ka in report ziah thin a ni a, mahseh vawiin chu ka peih lo, mahni chauh a awm ka duh.







October ni 28 a ni a, khua a vawt lam lek lek tawh a, inchungah keimahin ka thu a, kum 6 liam ta zanin ang a thil thleng kha ka tan chuan theihnghilh theih chi a ni lo. thlasik a lo her chhuah tawh chuan ka mitthla ah hian a lo lang zut zut thin a, duhlo engang pawh ni ila, ka ngaihtuah lo thei thinlo a ni.






Ka nun hlim leh nuam tak thin, lungawi thla hliah hliah thin kha vawi leh khatah tih chhiatin a awm a, tunah chuan damchhan neilo ang maiin kum 24 mi lek si hi ka awm a, mahse heng ka awmna chhanah hian ka thiamloh liau liau a ni tih chu ka hre tho a, vuina erawh ka nei lo.







Kei hian sum hi hlimna ber a nih loh zia chiang takin ka zir chhuak bawk a, zalenna hlut zia pawh ka zir chhuak diam tawh a, ka kum ang rual lekah chuan ka tawng hnem ve tawh em a, mahse hengte hian min ti beidawng chuang hauhlo, min ti chak zawkin ka hre thin.








Kum 6 liam ta, tun ang hunah kha chuan eng nge ka chungah thleng dawn tih hre miah lo in phur takin ka insiam kha a ni a, ka room lam chu ka hawi thla a, ka mitthla ah chuan a taka tun mai a ka tawn ang mai a chiang hian a rawn lang leh zut zut a.






6 years ago








Ka room atang chuan kan kawtzawl zau pui mai chu a alang thei vek a, in peih ap in ka thiannu Jenniferi ka lo nghak a Darthlalang ah chuan ka in ennawn sek bawk a.






Sana chu ka bih sek bawk a, tlai hi ka ngaina lo a, mi nghah pawh ka theilo hle mai bawk a, ka kut tang chuan ka bag chu ka tlir zaih zaih a, Verna var nalh zet mai a rawn tlan luh tak zal zal ah chuan ka tho nghal vat a, a tawp nan tak tak ka in ennawn leh ngat bawk, darthlalanga ka hlimthla lo lang chu hmuhnawm ti zetin ka en a, zanin ang em em a in hmuh that leh nalh hi ka la nei ngai lo, ka ngaihtuahna avang chuan ka nui sak a, ka in her a, ka room atang chuan ka chhuak ta nghal a.






Ka tih fo dan angin Da-da roomah lutin ka kal tur thu chu ka hrilh a, hlim hmel deuh a minlo enin, "ka naute, i nalh hle mai, tiang khan inchei fo ang che, hun nuam deuh in hmang dawn nia" a ti a...






A lam pana kal hnai in, a samah chuan ka fawp zauh a, ka tim ru chawih bawk a, ngaiah ka neih thei meuh lo chu a ni e. Hmanhmawh zeta tho in ka chhuak ta nghal a.






Jeniferi chuan dawhtheihna neih loh hmel zet hian in chung lam a rawn hawi sek chu ka hmu nghal zat a, min hmu chiah chu a nui var var a.







"I nalh hle mai, kal ila" ka ti nghal vat a, a hnar lo ti arh hak leh min ei loh hmel zet chu ka hmulo der tlat a.






"Nalh i in ti lutuk a nih kha, i nalh kher mai" tiin ding meuhin min han thlek leh rih a, ka lai zawk lutuk a, tawng tur pawh ka haihchham zawk, ka nui ringawt a.






Engthawl zetin kan tlan chhuak a, kan thian pa Davida kan la lam leh dawn a, chuvangin kan thleng hma fahran dawn lo a nih hi ka ti rilru nauh nauh a. Ka ngaihtuahna nen in millo zetin Jenniferi lah chuan khep khep mai a tih hla kha an play nghal zat a....






Keipawh chu insiam remin hla chu ka sak rem ve nghal zat a, Davida te inlam panin kulikawn lam pan chuan muang chang lemlo tak chuan kan tlan ta zal zal a.







Davida chu kan lam a, Sihmui lam pan chuan kan tlan leh ta nghal zar zar a, kan awmdan en chuan kan haw hma hmel loh khawp mai, mahse Dada khan kan haw tlai dawn tih a hre tho a pawi ka ti lem lo a.







Dar 8 rik hma hretah chuan kan programme hman na tur hmun kan thleng ve chiah a, mi an lo tam tawh kher mai, ka kal ngai lohna a nih avangin ka hawi deuh vang vang a.







Lal Davidan “i ka ah khan tho a lut a nge aw” tih pah chuan min rawn nghawk zauh a, ka phu nasa kher mai






“kher kher a che” tiin anni pahnih chu ka zui ve nghal a, an kal chak dun si , ka um deuh dawr dawr a, ka pheikhawk bunsang nen ka hah hman tep.







Hmelhriatte kan hmuh chuan kan han inbe kual nak nak a. Zanin chu Zofa Fashion show zan a ni a, kan tan chuan a paimawh em em a, Jeniferi hi zir chhuak tawh tur a ni a, kei erawh zir tan chiah ka ni a, thlahnih em pawh ka la zir hman lo, he show hi rawn awm ta hlauh a, Sponsor tu an awm vang a ni awm e. Mahse thu chiang erawh ka hre bik chuang lo.







Ka thiannu leh thianpa lah an leng halh mai a, hmelhriat an ngah si a, kei chu an bulah a ka lo ding ve reng a, ka lo hawi kual vel ruai bawk a, ka zirpuite nen ban kan in vai leh lauh lauh zel a.






Hreawm tilo tawk tur chuan hmelhriat ka hmu ve leh nawlh zel bawk a, tun dinhmun ka thlen chhoh dan te ka ngaihtuah kual a, vannei ka in tiin ka hlim ru veng veng a.







Kan hma lemlo ka tih tawh kha, programme an tan daih tawh a, programme neihna hi hall chhungah a ni lo a, volleyball court zau pui maiah samyana nalh deuha zar chhungah ani a, keini chu audience tur kan nih angin kan thutna tur lam pan chuan kan kal ta dial a.







Mahse kan luh dawn thleng khan pawn lamah chuan mi an la zi huai huai tho, a then an lo thleng mek bawk a.





Kan thu fel chiah a, programme chu hmuhnawm ti zetin ka thlir nghal dauh dauh a, Mizo thuam chi hrang hrang an lo show mek a, stage a cheidan vel mawi lutuk ringawt pawh chu ka tan chuan hawi kual fe na tham a ni a, ka vaneih zia mawlh chu ka in ngaihtuah leh lo thei lo a......






Ellena Ramdinsangi ka ni a, Tunah hian kum 18 na ka hmang mek a, Dinthar, Ebenezer Hospital hnaih lam ah kan awm a, kan awm a ka han ti ngawt a, kum hnih lai chu ka awm ve tawh a nih chu, heihi ka in neih chhun a ni a, ka tan chuan ka engkim ani tih kan sawi tel hram a nge.








ka thiannu Jenniferi hi ka hriatna a la reilo, Zofa Desining studio ka zir atang a in tawng kan ni a, kei aiin a u deuh na in, kan inkawm thei viau a.







Admission kan tihni atanga in tawng kan ni , min lo buaipui vek a, a tawng duh barh barhin a nel awm reuh hle a, bakah min kawmngeih kha a tum riau a, keipawhin ka nel ta vat reng a.







Mahni tawkah ka nalh ve thawkhat a, mizo nula ah chuan a sang pawl ka ni ve ngei ang, feet 5.6 laiin ka sang ve a, ka cher deuh mah mah thung a, mahse mawilo khawp erawh chuan ka cher lo chuan ka hria, inchei hi ka uar vak lo a, chuvangin zanin a ka han inchei ve pawh hi nalh ka in ti tak zet a.







Ka sam hi a ngil ve siu lo a, kir ni chiah si lo hian a kawi deuh, ka hmai hi a sin lam lek lek a, ka dar chen ai a thui hretin ka zuah a. mahse ka pianphung nen chuan a in rem tho chuan ka hria,







Vanduai ka in ti em em thin a, mahse tunah chuan mi vannei ber ka ni ka ti leh lawi si a, a hma chuan Catholic Home, Sihphirah ah ka awm thin a, Dadain min rawn zawn chhuah hma kha chuan. class X chu ka pass ve ngei a, mahse home atang chuan zir zawm ngaihna a awm tawh si lo a, ka zirna pawh ka chhunzawm ta lo a, chubakah lehkha hi ka ti mi em em lo a, mahse lemziah erawh ka tui hle a.







Sister khan lem ka ziak kha min hau thin a, lehkha zir rawh tiin min zilh reng thin a, mahse kei khan lehkha zir ai chuan lemziah kha ka tui tlat zel a, ani kha chuan lemziah mai mai tangkai lo lutuk a ti thin a, mahse tunah chuan he ka lemziah tuina hi hmang tangkaii deigning lam ka zirna ah pawh min pui nasa ber tu a ni ta reng a.






Sister pakhat kerela lam a tang a lo kal khan min duat viau thin a, ani kha ka innghahna ani thin a, ka tleirawl chhoh khan humsual ka dai hlauvin min fuih nasa thei khawp mai.






Designing lam hi ka tui a, ka naupan lai pawn ka draw nasa thei lutuk, chu chuan nasa takin min pui a.






Zaninah pawh ka kawr design ngei ka ha a, ka thiante ho chuan kan ute ho design an ha tlangpui a , kei erawh chuan ka duhlo a, keimahin ka thui vek bawk a.







Puanthui hi ka thiamsa biklo a, kan eisiam ber pi mawii min zirtir a nia, ka tuina lam tak a lo ni bawk a, rin aiin ka thiam chak a. Bakah ka peih hrim2 a, dada pawhin kha kha a hriatin designing lama kal turin min rawn ta reng a. Ka tisualin ka ring lo.








Kut an ben tak dur dur ah chuan ka harh chhuak zawk a, ka la phu vak lehta nghal a. Hre hlei lo chuan kan beng ve ringawt a, uar zet hian ka beng ve nghal zat a.







Sana ka en chu darkar hnih dawn alo liam ve rawh a, a tawp lam kan hnaih tawh a, thusawi sei tawk a ala awm dawn bawk si a, chhuah harh lawk ka duh a, jenniferi lah ka sawm a, a peih bau lo a, a tan chuan a pawimawh ve em a, chuvangin ka hrethiam tho, ka sawm lui duh lo a, Davida chuan min chhuahpui a.






Pawn kan chhuak chiah chu mi anlo tam kher mai, red carpet ah lah chuan thla la an awm luih luih bawk a, ka han hawi vel a, mi reng reng chu an nalhin an mawi tak zet a, an hmuhnawm ka ti, Davidan min rawn biak takah chuan ka ngaihtuahna a vang chuan ka nui saka, nge maw ka hriat ni vawiin chu, ka dream nasa em em ringawt mai ani.








Washroom ah lutin ka in ti fai thuak thuak a, ka chhuak leh vat a, a hmun hma vel han en chu ka chak deuh a, zan thla eng takin pool a chhun tket sat sat te chu hmuhnawm ka ti a, Davida chu sawmin kan en kual ve a, thui pawh kan lo kal lo,a phone a rawn ri a, ka reilo ang a ti sap a, a kal sawn nghal a, a pawimawh viau a nih ka ring.







A hmun hi zofa palace tiin a hming an vuah a, designing ka zirna neitu te ta tho a ni a, an cheidan leh a hmun hma in a zir bawk a, pui tak hi a ni ringawt a, hnamdang hmuh atan pawh zahpuiawm loh tak hi a ni ringawt, a bak chuan ka sawi fiah thiam lo.







Ka kal zel a, thingbuk hniam te te lo ding tawi luih zau vaklo thutna pawh sawm vel bak awm lohna hmun chu ka thleng a, light a de sep sep bawk a, a reh ruih mai bawk nen ka thlir vawng vawng a, zan khawvawt tawh tak hnuaiah chuan an lang nalh tak zet a ni.







Ka ngaihtuahna ka lo kawm tui lutuk a niang, engtia rei nge ka din pawh ka hrelo, ka ke a mu churh churh a, sana ka en a, ka rei dar 10 a lo ri tawh a, hmanhamwh tawkin ka in her a, ka ke a tek sawk a, ka pen thei lo ka balance ka hlauh a, ka tlu dawn a, ka mit ka ching ringawt a, mahse ka rin angin lei charah ka tlu hauh lo, ban tha chak zet hian ka kawnga chuan nghet zet a min kuah beh thlawp a, amah ah chuan ka bei nghal thlawp a ni mai, ka meng ngam ta. Chauh a, tah chuan mitmeng vawt raih mai hian minlo en reng a, eng ka sawi hma in "i tha em" a rawn ti sup a





Chhang ta mai lo chuan mi ang maiin ka ang phuau ringawt a






A hmeltha ka tih dawn chuan a hmeltha hauh lo, mahse ka duh chi a ni nge min hip nghal thlap ni maiin ka hria.






A aw ri ka hriat phei chuan ka mur sung sung a, min fan tlat , ka chhan hma chuan min pawm lawp a, thutna awmna lam chu panin zo zet hian min kal pui a, lo tan na chang pawh ka hre lo, thutthleng sei vawt tlar ah chuan min nghat a, a vawh em avang chuan ka harh zawk a, mahse ka ke in lei a dek chiah chu a mu nasa lutuk ka tek sawk a, ka ner nawk a.







"I ke i ti na em ni?" Tih leh thut thlak a rual a, zei zet hian ka pheikhawk bun chu a phelh nghal zat a..







"A na lo, a mu nasa lutuk a". Ka ti tham tiak a, ka aw pawh a chhuak tha hlei thei lo a,vawt ka tih vang chu a ni hauhlo.







Ka thusawi a vang chuan a nui hak a, ka ke chu zei zet hian a rawn hmet a, a tek sawk sawk a, ka te chhuah loh nan ka lo in sang mar ve ngat ngat a, a khawihna tek sawk sawk chu a dam tial tial a, zawite te hian ka chawnah hmet chho in, ka khup lamah a hmet chho a, ka ke mu pawh a reh tawh, ti tawp tur ka mahse dang turin chakna reng ka neilo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)