AFTERGLOW Chapter 15 By: Bibatei

Episode kal lai dah luhna

Moderator: writers

Bibatei
Posts: 54
Joined: April 28th, 2021, 11:29 am

AFTERGLOW Chapter 15 By: Bibatei

Unread post by Bibatei » May 17th, 2021, 8:02 pm

πΆβ„Žπ‘Žπ‘π‘‘π‘’π‘Ÿ 15





Thinrim tunin in ka thleng a,naktuk zingah nge ka kal ang tlai lamah,
huii...Lalrema te vang vek ani.






" I kal ta em? " Chaw ei lai chuan ka nu in min rawn zawt a.




" Kal lo " ka ti hmuk.Ka thin ala rim.



" Khawiah chuan maw " U Mapuia chuan min rawn en nghal kur.



" Ka thian te inah kal ka tum a " a awih loh hmel nasa.Ka nuih tlawn vur vur,sawi ka la duh rih lo.




" Dawt sawi lo mai teh " a rawn ti nghut.




" Sawi tha ve mai la aw ..." ka pa chuan nui chung hian a rawn ti a.






" Dawt ka sawi in duh loh chuan min zawt tawh su " hmak mai a,ka sawi awm lo emai ka nu nen a kan thuruk ani rih.









" Enge Tetea chu a an zel a " ka nu chuan ka rooma rawn luh pah chuan a ti a.




" That lam kan pan thei lo..." Ka ti zuai raih.




" A nih leh engtikah nge a chhungte chu hmuh i tum ? "





" Ka hre lo... rem chang hmasa berah a ni mai " ka ti sep.Ka thaw halh a! Dik tak chuan ka huphurh a ni.





Nimin piah a Tetea tlawh tur a ka kal khan pawnah anu alo thu ngui bam a,an inhau leh anih ka ring,ahma pawn tiang hian alo thu tawh.Mahse a chhan ka zawh chuan Tetea'n a mumangah chhungkaw hlim tak an lo nih thu leh amah leh apa nen pawh inngeih taka an awm dun thu a lo hrilh a,chhungkaw hlim tak neih achak ve thu hmanni khan a sawi anih kha , apa lah chuan tun thlengin a rawn la ngaihven bawk si lo.Chu vanga hmuh tum ka ni, ka huaisen na zawng zawng sawmkhawm in, leh ka nu huaisenna tlem puk telin.








" Kal pui chu i ngai lo vang maw "



" Ngai lo ang,ka thei em em ang,mahse ka huphurh " khumah chuan ka mu pharh duai a,ka nu lam ka en chuan min lo nuih var var,ka mit ko ka san uk a.






" Huphurh tih te mai mai,tih fuh hlauh chuan a nghawng tur kha atha dawn em asin,tih fuh loh leh angai angin an kal mai ang a " ka bula rawn mut thlak pah chuan arawn ti a.Ka nui nghawr dat.Ni e,kan try ve ang chu mahse a hlawh chham chuan again chu a awm tawp lo ang.








" Nu engtikah nge dam taka a chhuah ang le,a ni tel hian a tla hniam telh telh hian ka hria " ka ti sap a.Ka nu lam ka melh nghal vat bawk.Ani chuan chung lam alo en thung.







" Chu zawng kan hriat ani hleinem,keini aia ngaihtuah na nei tha Pathian a awm khi innghat tawp rawh " min rawn en chung chuan nui var var hian a rawn ti a.







" Nu achang chuan maw.....Pathian nen hian hmel in hmu a ,inhma tawna thut dun a,ka nun hman dan hi sawi dun ka chak thin!,engvangin nge hetiang ang nun hi ka neih tih te,Tetea'n tiang natna a tuar chhan zawng zawng te hi sawi dun vek ka chak" ka chawl dat a " i sawi ang khan engkim hian chhan leh vang anei i ti a,tuna kan nun hman dan hian chhan leh vang anei ve ngei a nga,chu pawh chu zawh fiah ka chak ani " ka ti sep sep a.Ni e ka chak ani,tuna ka nun hman dan hi a chhan min hrilh chuan pawm dan ka thiam ve mahna.










" Bawihte chutiang kan hre vek anih chuan engtin nge nun hlut na kan hriat theih ang!?,harsat na kan tawh tam zawk te avang hian alawm kan inzir fin thin," insiamrem in ka lam arawn hawi a.






" Zirlai i ni a, i exam question chhanna kha hre lawk vek ni la i tan exam tur zir leh vak chu enge sawt na awm ang !,kha tiang chiah khan ti hian nun i zir mek a,kawng sual lam zawh lo va i pen ngil tlat chuan a tawpah chhanna duhawm alo lang ngei ngei ang " ka sam rawn chul pah chuan arawn ti leh a.Ka thaw hak, ngaihtuah dan hi chu ain ang lo thei teh e.







"Khawi tawngtai ila i zir tawh dawn nia,tha deuh khan zir la,zingah lo chhuak bo tawh lo la " a tih chuan ka nui suk,tukin khan ka chhuak ru miau a.





" Lehkha i zir lai tal chuan i ngaihtuah na ata Tetea dahthat i tum dawn nia, a mah vanga i zir thei lo tih a hriat chuan a thinrim palh ange " tih pah chuan atho a,a tih thin dan bawk in Bible a chhiar a,ka lu chunga kut nghatin ka tan leh Tetea tan min tawngtai sak a, a zawh ve leh room a chhuah san nghal bawk.







12 ah subject thlak ka tum avangin ka chhungten an phal theih nan ka zir nasa em em a,Arts atanga Science a in leh chu a theih loh an ti thin a.Mahse a tul phawt chuan zirtirtute pawh thingthi in ka ngen mai ang,chu chu ka ngaihdan ani.Ka tih chhiat chuan an phal loh bur ka rin avangin ka theih pa tawp in ka zir ve.Ka tet te atanga ka nih chak mahse ka beisei ngam si loh chu tunah hian beiseina tharin ke ka pen leh dawn a,ka ti sual ang tih chu ka hlau ve tho,mahse Tetea mai ni lo amah anga natna nei te hi enkawl a,an damna tur a tih theih neih ve kha ka chak ani.Tuna ka awm dan hi hreawm ka ti a,ka mipa hmangaih em em in natna khumah na a tuar laiin keiin engmah tih sak theih ka nei lo hi ka inthiam lo a,a natna hi tuar pui theih tur tal ni se ka ti thin.Sir lam atanga lo en tu nih ngawt chu rilru hi a dam mawlh lo.









Ka duh tawk meuh chuan a tlai duai tawh,ka phone ka en a Tetea message lo awm vang chu ka en hmasa ber,tha deuha zir tur a min tih na leh duhsakna min hlan na a lo ni a, a rawn thawn na ala rei loh em avangin amut ka la ring lo,ka call nghal vat.







Ring pawh a ring hman lo" Um,i thiam hnem em ? " A rawn ti sup,a aw ri ringawt pawh hi ka ngai,nui ver ver chung chuan thawk ka la ham ham.





" Ka zir lai hi nangmah ang a theihngilh theih loh ni ve se, ennawn tlut tlut angai lo tur hi ania " nui hak hak a ka tih chuan a rawn nui a.






" Vawiin i lo awm nuam em? " Ka zui leh nghal.





" Um pangngai ani mai,nang i chau viau em?" A rawn ti sup.





" Chau nang,e chuan Ngaihsaki khan i chanchin te min zawt a,a rawn kal ngai lo ami?" Ka tih chuan a rawn nui ri suk.





" Haa...ti nge i nuih a ? "




" A hlau che niang arawn kal ngai lo " nui chung hian a rawn ti a,ka ner nghal nak.Min hlauh na chhan tur a awm lo emai.





" Vawiin chu i chau miah lo maw?". A rawn ti leh, chauh na tur vak a awm tawp si lo.




" Chau nang ti nge?"



" Ka ngaihtuah na ah hian i tei kual nasa luttuk a chuvang mawle " a rawn nui a,lei ka chhuah vak ringawt,mahni a awm pawn ka lai thei alawm le,





" Rawn in la zei miah suh aw "ka tih chuan a rawn nui hawk hawk a.Hetianga a nui ri hi ka hre khat luttuk tawh,chuan tunah hian ahmeltha tak kha ka hmu chak.A phone a kut leh lama kengin,a kut pakhatin a hmai chan ve vel a hup ngei anga,a ha var rual thah lang in a nui leh ngei ang.Ka ngaihtuah na avang chuan ka khi ver ver.






" Hello...Nute i muhil ami? " Rawn ti ri avang chuan ka harh zawk.






" Oh..muhil lo e "




" Ka zawhna i chhang si lo a,i muhil emaw ka tia " arawn ti sup.




" Sorry,i awmdan tur ka lo ngaihtuah daih a " nui chung hian ka ti a.A rawn nui ri suk.





" Engtin nge ka awm i rin " nui chung hian a rawn ti a.





" Min ngai deuh a i awm ka ring " A rawn nui leh nghal hawk hawk a,ka zak leh hnuhawh khumah ka tal nawk nawk.Thil dang dang dang sawiin kan in be rei phian kan dah meuh chuan dar 12 apel tawh.





*




" School i kal dawn chuan tho rawh " ka nu chuan ka puan sin lai rawn hlim hluai pah chuan a rawn ti a,a vawt vur mai.Peih lo deuhin ka meng duar duar a,mahse ka nu ni lo Tetea nui hmel ka hmu,ala hmeltha em em mai leh nghal,ka nuih sun sun a.








" I tho Γ’ emaw ni le...hey lalnu " Ka nu in min rawn sawi chuan ka harh kawk,ka khum chung lama a thlalak lianpuia ka tar kha atak emaw ka lo ti chu niin.Ka Γ’ tep tawh ani hi.








" A tlai tawh,i che muang luttuk,ti nge tukin hi kaihthawh i va han har em em ve,ka vawi li koh na che ani tawh,insiam sa in rawn chhuk la chaw ei kan peih vek tawh ania " Ka nu chuan ka khum siam pah chuan a ti hlak hlak a,sana kan en chu keimah zawk in ka nu ka tur chung chung mai,inbual ngei ka duh bawk si, minute 15 bak a awm tawh lo,pawilo chaw ka ei lo mai ang.Mahse chaw ei loh ngawt te chu,tlem te ka ei hman ang,mahse lo tlai ta ila ka rilru hi khawi ber nge ka rin dawn.







Chaw chu ka ei leh ta nge nge ,tlai huam in ani ka ei ni,ei lo a school kal chu ka zuam ngang lo.







Ka u in min thlah a, school ka thlen chuan a reh vek tawh,kan class hi afal deuh avang hian class pelh tur atam a,ka kal pelh apiang te chuan min en duh hlawm ngang mai.








Kan class an lo rik nuaih nuaih avang chuan zirtirtu an awm lo emaw tiin ka lut tlang ve tawp ringawt a,mahse ka ti sual chhia va ! .Exam tur an lo zir avanga bengchheng lek an lo nia, Miss in hnung lam atangin alo vil bawk,min melh kawr a,ka lut tawh bawk si nen chhuah dawn in ka zak tawh bawk si, lectern bulah ka ding reng ringawt.Miss chu tiang nen a rawn phei den den a.









" Ti nge i rawn tlai " ka hmaah tak rawn ding chuan ati hmuk.Thawh ka hai vang ti ta ila,a zahthlak dawn bawk sia,ka ke ana a ti dawn ila ana bawk si lo,ka pum ana ti dawn ila ka dam hmel em em mai si a,engtin nge chhuanlam ka siam ang.







" Chhuanlam tur a bo a mi " a rawn ti a.Ka heh ka seh ngar ngar.





" Chu ta karah phal na la lo in i rawn la lut tawp leh nghal ".Min hrem dawn chuan min hrem tha hle hle se.






" Kawngkhar bulah sawn rawn lut lo leh pawn chhuak si lo in va ding rawh " awi zahthlak dawn ve , tui lai rapah maw ! ti nge thawh ka hai, ka tap lek lek tawh.Hawi pawh hawi chhuak lo in kawngkhar lam ka pan a, ka thleng tep tih ah mi hian min rawn su thlu tawp. Ka rak that a! ka mawng ana luttuk.Ka zah tawh nak alai a,chu mihring mai mai chuh.







" Ui !! Nute i tha em? " Tih pah chuan Lalrema'n enga mah hma in min pawt tho lawp,ka mawng anat nat nen akut chu ka beng thla sawk.





" Mihring leh,i kalna en ta che,ka mawng ana luttuk " tih pah chuan ka mawng ka tuai vut vut.Min la nuih zui,kan en chiang hlawm chu Ruatpuia, Laldavida,Lawmi leh Sangtei an lo awm thup.KΓ’ hau in ka en kual a,Sangtei leh Lawmi chuan min melh rum nasa mai.








" Ti nge nangni pawh chu.." Miss tawng ri kan hriat avang chuan kan hawi rual thap.Class pawh areh dΓ»k mai.







" Nia, Miss henu te hi kan nghak a," tih pah in Laldavida chuan ka sam arawn tuai a,ka thur tawh nen ka beng thla leh pawp.Ala nui vur vur zui.








" Ti nge innghah kher, amah pawn a rawn kal thei reng alawm " Miss bawk.







" Nia aaa chian loh na a nei a chuvangin a chhungten lo vil chawt turin min tia " Ehe lalrema hi thawk pawh thaw lo dawt asawi parh nia,






" I zia deuh tawh em?" Tih pah chuan min han beng fai ngei ah,tunah hian drama kan chang mek.






" Ka lu ala na deuh " ka tih chuan a rawn hmet vat,ka nuih hi aza thlawt ka nui ngam si lo,ka thian te lah an thu tak nasa mai sia.







" Ni dangah awm tawh suh se,in thut na ah va thu ru " tih pah chuan Miss chuan pawn lam apan a,ka insum thei tawh lo ka nui chhuak thawt,Sir ala awm hnaih avang in Laldavida'n ka hmui a rawn hup nghal thuk a,chu chuan ka nuih ati za zual, pum dawm ngawih ngawih in kan thutna kan thleng a,mipa ho pawh an insum thei bik lo kan nui khur dawt dawt.









" Ti nge pawnah kan awm reng sia, i rawn kal lai kan hmu miah lo " Sangtei chuan kan zir mawlh mawlh lai chuan a rawn ti heu.






" Ka u in min thlah alawm, gate pangngai atangin ka rawn lut lo " ka tih chuan Lawmi nen an chet tlat tlat.







" Nimina i awm dan avangin Lalrema ten nghak ang u an ti tlat a,kan nghak che lawm enge niminah khan itih " Lawmi chuan arawn ti zawi sap a.








" Tetea te inah kal ka tum a,mahse an awm laiin ka kal duh si lo a,min din chilh reng nen, ka ti tau a kal pawh kal lo in ka haw daih " ka tih chuan a ho an ti khawp mai.Ni e,hre lo tan chuan thil ho tak ani.Mahse,ka tan chuan thil hlu tak ani thung.Ka nuna achangtupa hlim na tur chu.







Extra kan kal dawn lo hlauha ka lawm zia chu,Lalrema ten min zui leh ka hlauh avangin ka haw phawt a,inthlak in Tetea te in lam chu ka pan leh a.








Ka hmaa in lianpui ding chu ka en vang vang,pawn lamah khawvel mawina engkim in ahual a,mahse chhunglam chu khawvel nun hreawm in a luh chilh thung.Door bell chu ka hmet ri ral ral a,nu valai tak hian arawn hawng nghal vat ,an awmpui anih ka ring.







" Pa Zara a awm em le ? " Ka ti sep




" Awm e lo lut la " tih pah chuan kawng min kian a.





" Tah khan lo thu rawh, ka han ko lawk ange a rei lo vang " thutna min kawh hmuh hnu chuan rang takin in chung lam apan nghal a.





Ka thutna dup nuam tak mai atang chuan in chhung chu ka hmuh theih chin chinah ka enkual a,a furniture eng kim mai chu man tlawm tur chi engmah a awm lo,a to hmel em em vek.Mahse in hi a cheimawi tu dik tak chu a chhunga cheng mihring te hlim taka kan awm ho hi a ni si a, hrechiang mi tan chuan he in hi in nalh satliah mai ani, a mawi chuang lo.





Ka thutna hma zawnah chuan chhungkaw thlalak ni awm tak hi alo in tar a ,Tetea pawh ka hmu vat,mahse a la naute tak zet,kum 7 kum 8 mi vel anih ka ring, midang zawng chuan nui hmel an pu vek a,a ni erawh chu atum hmuk thung,mahse achhelo tho.Ka ngaihtuah na avang chuan ka nui suk a.






Inchung lam atanga pen ri ka hriat avang chuan chu mi lam chu ka hawi vat,Tetea pa chu a rawn chhuk thla boh boh a,a rawn nui sang bawk.Khi tiang khian Tetea anuih ve tawh em le.







" Ve teh mial che chuan,in hmuh ava khat ve " ka hmaah rawn thut thlak pah chuan nui huah huah hian arawn ti a,hnuai lam en in ka nui sak a,a za hlawl lo.







" In tur lam enge i duh ang?"



" Engmah ka duh lo," ka ti sep.





" Enge i rawn kal chhan chu ni a " a thut dan siam rem in min rawn en kalh a,ka zam ve reng engtin nge ka sawi tan ang,ka kut chu ka sik neuh neuh a.







" Pathian thu hriat belh duh vanga rawn kal chu inih ka ring chiah si lo va " vei nuih pah hian arawn ti a,ka nui tawi tak ringawt.






" Ihh...Pa Zar Tetea hi damdawiin ah a awm tih i hria ti raw " ka lungphu hi a chhuak dawn in ka hria.




" Um,hria e " sawi leh dan tur ava vang ve.






" Vawi khat tal amah tlawh tur hian rawn kal ve ta che " ka tih chuan chiang zetin ka mitah min en,kei pawh in ka en ve kalh.







" Engvangin? ti sawn ka hnuaiah awm lo in a zalen tawh a,nuam ati fu ang chu " a rawn ti sup.






" I tel lo chuan nuam ati zo lo a " nui deuh chung hian ka ti a,a then ve sak.







" Zawhna ka zawt ang che aw " ka tih chuan abu nghut a,ka va zakthei lo sawt ve aw.







" Chhungkaw hlim taka nun ho i chak ve em ? " amah melh zawk pah chuan ka ti sep.






" Kan chhungkuaah lo buai suh " tlawng mai a,mahse ka ti tawh lak lawh ka tawlh hnung dawn lo.







" Ka zawhna che min chhang la " ka ti dam leh thlup.







" Engvang a chu zawhna chu min zawt nge i nih " a rawn ti hmuk.







" Tetea chuan maw...chhungkaw hlim taka awm ho achak a,chuan nangmah nen a inngeih taka awm dun achak bawk a" anu bul a asawi lai tur hmel ka ngaih ruat hian ka rilru hi ati na ngawih ngawih ka lainat bawk nen.






" A chak lo aniang chu ka duh loh dan hlir in alawm akhaw sak " a khabe tuai vauh vauh pah chuan ati leh sup .







" A nih leh i duh loh dan deuh a a awm chhan kha enge " ti a ka zawh chuan a ngawi reng.







" Khawngaih takin Tetea hi saw ta a awm lai ngei sawn va tlawh in athat leh that loh te va zawt ve ta che,in inkar hetianga a awm chhan chu ka hria,inrawlh theih na ka nei lo tih pawh, mahse khawngaih takin vawi khat tal chu a that leh that loh va zawt ve tur in ka ngen a che,apa dik tak ni lo mah la nangmah lo chu pa tia koh tur he khawvelah hian anei chuang lo,chutiang chiahin nang pawn a mah lo ka fapa tia sawi tur i nei chuang lo. " ka ti sap a,ka mittui rawn hnai kuar chu ka duh lo ngei mai.








" A dang enge sawi duh ila neih " a rawn ti sup.Ka mittui rawn tla tur chu ka kut a hru in ka ding a.






" Engmah ka nei tawh lo,mahse ka ngen na tlawm te nghawng tha tak nei tur ni si ka sawi kha min tih hlawhtlin sak ngei ka beisei. " Tih pah chuan ka kalsawn a.







" Tunah enge a an " a zawn ka thlen chuan arawn ti a.Ka nui a!.




" Va kal chilhin zawt zawk la ti raw,ka sawi mai ai chuan a chiang zawk awm sia " min chhan tawh loh avang chuan an in chu ka chhuah san a.Pawn ka thlen chuan boruak ka hip lut vang vang. *Tete, i tan a ka tih theih hi ava han tlem tak em, chupawh a hlawh tling dawn nge dawn lo tih pawh ka hre si lo*.







𝐴𝑑𝑠 πΆπ‘™π‘–π‘π‘˜ // πΆπ‘œπ‘šπ‘šπ‘’π‘›π‘‘π‘ 


πΆπ‘™π‘œπ‘ π‘’π‘Ÿ 𝐡𝑖𝑏𝑙𝑒 π‘‰π‘’π‘Ÿπ‘ π‘’π‘ .

🌼 Mahse, Engkimtitheia hnΓͺnah chuan sawi ngei ka duh a, Pathian nΓͺna ngaihtuah dun ka chΓ’k a ni. 🌼
Joba 13:3



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)