Bam BinoChapter-2
Caroline Lalmuanpuii p.o.v
"Aw ka lo chhuk nghal animai,ka rin aiin tihfel tur ka ngah a"
"Okay,hmanhmawh la" ka phone chu hang up in ka bag ah ka khung a,ka dawhkan a file ho chu rem tha sawk sawkin room chu ka chhuahsan zui a.
Ka bestie bialpa ka kawmngaih/ngeih em em Rsa'n inhnuai parking ah min nghak bawk nen ka hmanhmawh lutuk chu ka inchhuih phei nawk nawk ani ber.Elevator lo in khar hman tep chu button hmet vak vakin kawngkhar chu ka vuan pah a.A in hawng hram e!
"Rawn lut rawh"
"Awle"
Ka kut hi a thlan dap thei nia,engatinge hetiang em em a a uap hi nat bik le?
Phone ri vang chuan phu zawkin ka hma a bangah ka chal ka tauh dat a,ka awm chu ka dawm vang vang a,ka thawk a buai map hman nia!
"A nung chungin ka duh? Him dam taka rawn hruai erawh a tul kherlo ang"Aw Lalpa!engthil nge a sawi hi !!!!
Ka tawlh hnung det det a,bang si thlapin ka ding a.Keihi engthilah nge ka inbarh luh tak hi?
"I thil hriat kha theihngilh ang che"aw thum chhur ka hriat rual chuan phu zawkin ka tukhum chu bangah ka vaw chawrh a.A hai nghal chhawlh thei!
"Hrep hian..i tha em?"ka tukhum chu rawn vuanin min enchhuk ngur a chungte chuan ka thau ah a man tlat!Nichin a a sawi kha anung chungin a duh maw?hepa hi tunge misual em ni?Ka tlanchhiatsan vat angai ani,elevator lah chu a muang em em mai si.
"Tun chiah ka zawt tawh ang che,i tha em?" Chiang fek fawk chuan ati hluk a.
"Ihhh...aw..aw ka tha ka tha ka tha lutuk"za lo zet chuan ka nui a,ka thlaphang tawh takzet,a thusawi ka hre si engtin nge min tih ve ang?
"Anihchuan chhuak rawh"a chang bengbawng hle mai.Mahse ka tan chuan dar rimawi tak ang ani.A rang arangin ka petek chhuak nghal a,ka awm dawmin thawk ka la halh a,ka lungphu hi ala normal theilo.
Rsa awmna lam chu ka theihtawk a chakin ka pan hlawk hlawk a,a car bul a ading ka hmuh chuan ka thaw huai thei!
"Iva rei ve?"
"Nia lift kha a tang zeuh zeuh a"lei chhuah tet tetin ka en a,a hmui chu tisawi zeuhin "lut la ka let leh vat loh chuan i thiani tau thlemin zankhua hun hman angai leh palh ang" atia.
"Rs tunlai angaihi awmdan hi amak ka ti,a thinchhe si,ei a thei si" Ramngaihawmi awmdan inthlak hlawk hian nithum chhung min tibuai atawh!A zia adang em em a,Rsa,kei leh amah hi kan inkawmchawt a.Kan inpawh hlawm hle bawk.Kei a bestie ngei pawh hi min thik ngawih ngawih chang zu han nei a!A bialpa hmelchhiat chhiat nen.
"Chu chu nia ka rawn hmuh chhan che,thlahnih mi nau a pai a"
"Enga?engtikin nge inhriat?"
"Karhmasa khan"
"Engmah pawh min hrilh ve miahlo maw?"chuti em em chuan ka thiante pahnih lak atang hian ka hrang tawh ami?
"Ngai kawilo la,Angaihin la hrilh rihlo ang atih vang chauh alawm"
"Caro?"
"Ngawirengin khalh rawh" ka lung a awilo mai pawh niloin ka rilru ana,unau pianpui pakhat chauh ka nei a, thian pawh pahnih chauh chu pawh an ni hi.Ka chungchang,ka hna, ka rilru natna, ka hlimna engkim ka thlenna te hian ka lakah hetiang em em a thuliantham hi an zep thei bik amaw!
Sex an hmang dun nasa tih ka hria,kumhnih an inngaizawng tawh a,an inngaihzawn atanga thlahnih hnuah an mudun nghal.Sex-ah an san dun zia ka hria a,khap fo mahila hriatthiam chin ka nei fo.Ka roomah pawh vawitam ka awmlaiin an ti.Party emaw picnic tepawn remlo chung chungin an ti thei zel,chutichungchuan an bulah ka awmzel tho ngaihzawng ka nei ve ngailo a,thian dang lah ka nei heklo.Indanna an eizel a,chuvanga la rai rihlo an ni.Naupang ka ngainat zia tepawh an hrevek fa anneih hun atana duhthu ka sam nasat zia te nen lamin.Chutichung chuan ka lakah an zep thei tho a,eng ang thian nge ni ngai.
"Nu dinner ka eitawh aw" ka roomah lut nghalin khumah ka bawk thlawp a,ka mittui alo parawl tiam tiam.Ka thian neih ve chhun te lak atanga ka dawn hian min ti na ani.
Ka hna ka tan ni chu engmah reng reng hi fuh a awm lo.
"Bawihte tho tawh la,i tlai palh ang"nimin khan inthlak miahloin ka mu daih a, mahse ka night suit ka lo ha leh daih tawh.Ka nuin min thlaksak ani mahna.
"Imm ka insiam anga ka lo chhuk ang" ka closet ah lutin ka haktur ka la chhuak a,bathroom-ah ka lut nghal a,nizanah ka inbual silo a ka ban chup mai.
Bathroom atanga ka chhuah rual chiah chuan ka phone alo ri a,Angaihi,ka la awm lo.Ka la lo chung pawh chuan alo call nawn sek a,ka zaidamna in a tlinlo takngial dawn avangin ka switch off nghal hmak.Min ngai pawimawh miahlo tu ngai pawimawh bik reng turin ka nu in thla kaw chhung min pailo.
"No-i i thawhna chu a nuam em?"
"Imm..nuam ve tho mah se maw u kan director chu Gunda a ang rap" A hmel ka ngaihtuah zawng ringawt pawn ka tim uaih thei!.
Ka pa chuan min en vang vang a,"Bawihte rilru natna emaw lungawi lohna i neih pawn maw roomah lut nghal tawp loin i nu leh pa bulah hian thlen hmasa thin la aw,nghakhlel takin kan thlir che a biak pawh biak hman loin khatiang khan i awm a ching tam tawhlo la aw?" Ka zak chem chem mai.Ka thiannu lak a ka lungawilohna ka chhungte bulah ka tuan a,min ngaihtuah em em rengtu te rilru ka ti hah a.Ni e, ka sim hmak ang.Mihring te chu nitin inzir zel tur kan ni a tikhan bung thar ka kai leh ta.
Office ka thlen chuan financial manager nen kan intawk a, ani pawh hi mizo mipa ka hmuh tawh te zing ah chuan a chhelo ve thlot ani.
"Hi Caroline,i phone i switch off em ni?" Nitak zingah khan ka off tak e.
"Aw,eng nge nita pawimawh a awm em ni?"
"Directorin emergency meeting a ko a,i hmel ilo lan ve silo a,chung vel mai mai chu mawle a ho lutuk" a nui seih a,awii a ha to thuah hian ka star na a tireh nghal vek.
"Aw anih tak chu mawle,ava zia lo tak"ka sawi zo hman awrh tihah director p.a Masangi chu hmanhmawh em em hian arawn tlan titih a.
"Caroline a rang thei ang berin director room ah i kal angai a hmu duh che a,awi ka zawng nasa tawh lutuk che"a thaw hlei theilo chu a awm a dawm a,ka khawngaih letling zawk.
Director room kawngkhar chu kik dat datin min chhan hun ka ngaichang ran a,chhanna ka hmuh chuan infuih mawlh mawlh pah chuan ka lut a.
A dawhkan hmaah chuan file bih ngurin chungin alo ding a,a coat suit dum hlarh chuan a pian nalh zet chu a pholang chiangtak zet.Mafia hotupa ni awm a mawi ani.Lalmuanpui engthil nge i ngaihtuah hi?i hna chauh buaipui rawh tiin keimah chu ka in hau phei mawlh mawlh a.
"Engvanga biak tlang theihloh a awm nge i nih?"a ti bul hmuk a.
"Ka tihpalh ani sir" chil lem pawh a har talh mai.
"Ka zawhna chu chhang rawh"
"Ihh... buaina tlem ka nei a,chuvang chuan ka off.." a file kenlai chu ka hma ah tak chuan arawn theh thla lawp a,ka tre nghal thawt thei.Ka lung chakloh em avang hian thut thut hi ka zolo a,ka thawk te a buai phah fo thin.
"Ban i ni e,chhuak rawh" kawngka lam chu a kut chuan a kawk nghal va a.
"E.. e.. engmaw?"
"CHHUAK_RAWH" a chang tha beng bawng hle mai.
"Ka tihpalh ani,ka tihpalh takzet director khawngaihin vawikhat chiah min ngaidam rawh" a ngenngawl thei ang ber chuan ka ngen mawlh mawlh a.Ka tling thar ve chauh a ban nih nghal ka duhlo.Ka nu rilru tihnat ka duh reng renglo.
"Director khawngaihin i duh apiang ka ti ang.Khawngaihin ka ti tak tak ania" ka tah te lam lam achhuak tawh.
Thawk la hawlhin a hmai chu a tuai puat a,sofa ah chuan a thu thla nghal dawt bawk.Keilahin min chhanna nghakin ka lo ngaichang reng a,nawrluih ngam chi anilo a thinchhe rapthlak si.
"Rawn kal hnai teh" tlemin ka pen hma hret a, "ka bulah" hlau chung chung chuan amah si deuh thaw in a hmaah chuan ka va ding a.
Thawklehkhatah min pawt thut a,ka lo inring lo nen ka bawhthla nghal rawk a,chiangzet chuan kan inreng a,a mitmeng pa hrak chuan min aikaih niber in ka hria.
"Min fawp rawh" a thaw lum hak chuan min ur pha nia! Mahse enge a sawi kha,fawh maw? Tu mipa hmui mah hi ka hmuiin ka la tawk eihlo,chuan hepa hi ka hna ka humhim theihnan ka fawh angai amaw?
"Ihh...ka" ka hmui hnuailam chu a kutzungpuiin arawn chul zeuh a,ka tawnglai pawh ka tawp nghal chat.
"Tunah"
Muangchangin ka hnaih a,a hmui chu ka va si de de a,a hmui nemzia chu keiai pawhin a nem zawk nia!
Inlakhran ka tum chiah chu ka tukhumah rawn dawmbetin uar fahran chuan min fawp ta ngawng ngawng a,ka meng nghal kawk!
"Min chhanglet rawh"min fawh lai reng chuan arawn ti sup a.Ka chhanlet loh avang chuan rum nghutin a inlahrang a.
"Caroline min chhang let rawh achiang em sawinawn ngai suh se" min rawn fawp leh a,rum nghut a inlahrangin tawngtum a a ka ang zuai chu ka kutin ka hup nghal hmiah a,"ih ka thiamlo alawm,engtin nge chhanlet tur tih ka hrelo"hnuailam bih pah chuan ka sawi niap niap a.Engtin nge min tih ang?A thinrim leh ngem?
Nui hawk hawk ri ah chuan rangzetin ka hawi chho nghal a.Anui ve nia!A nui mawi takzet,ka luangliam nghal ngawih ngawih thei hial.
"Duhawm reuh lutuk" ka hnarah chuan rawn piai zeuhin min rawn fawp zeuh a."I bungrua te va pack fel rawh le" min ban tho dawn maw,ka first kiss ka hlan ve a,ban ka ni tho amaw?Ka chapona a hnuk hniam takzet.
A taksa atang chuan inlahrangin ka tho nghal nalh a,ka thawmhnaw chu chul mam thuak thuakin chhuah nghal mai ka tum a.
"Masangi kha i inpuih tir mai dawn nia i dawhkan tur pawh a rawn dah tawh saw" sofa nghenchhan ngheng chuan a thu awn duai a.
"Mahse min ban amaw ka tia"
"Tun atang chuan ka bulah hlir hna i thawk tawh ang"
"Min ban lo tihna...yess ivan fel tak"a hmel rum leh ta ul ka hmuh chuan ka che over hret tih hriain a rang a rangin a office chu ka chhuahsan nghal a.
Masangi ka hmuh chuan insum theiloin ka kuah nawk nawk a, ka hlim em alawm.Masangi lah chuan mak tih hmel zetin min en reng a.
"Min banlo...awii ka lawm e"ka thusawi chu mak a tilehzual nge ni a meng phawk hru mai.
"Ava mak ve"ati chuai raih mai.
Ka room ti ila ka room hlui nimai tur a ka luh chuan kan enkual vel a,ka luah reilo ngei mai,nikhat chiah ka luah ania.
Ka file pawimawh ho parcel a ka dahluh mawlh mawlh laichuan ka phone chu alo ri a,ka en chuan Rsa alo ni a,ka la ang nge la lo ang tih ka ngaihtuah laichuan a tawp hman a.Mahse arawn ri leh nghal zat a,ka la ve ta hram a.
"Aw hello"
"Caro hmanhmawh takin ilo kal angai ania,Angaihi hi"mangang lutuk chuan arawn ti a.
(Atawi em aw ka hrelo a, atawi anihchuan lo sawi mai ula. Like& comment kha i theihnghilh lo hram hram ila, chuan induhkhawp loh laite lo sawi zel ula. Chhiar tui ule
)