BE MY GUIDING STAR BY~Izzy Ralte chp-2

Episode kal lai dah luhna

Moderator: writers

Izzy ralte
Posts: 21
Joined: April 17th, 2021, 10:44 pm

BE MY GUIDING STAR BY~Izzy Ralte chp-2

Unread post by Izzy ralte » May 17th, 2021, 8:33 pm

BE MY GUIDING STAR
BY IZZY RALTE
CHP- 2



Rinpuia pov



Ka hmaa hmeichhe che lai chu thlirin ka nui suk, a hmel leh a inthuamna simple tak te chuan engtin amaw tak hian ati lang duhawm reuh a.


Ka zep lo! A hmel chu hmeichhe dang anglo takin makeup engmah a hman loh avangin alang fresh in a hmeltha takzet .

Mahse!

A TARMIT lian tha tak vuah te nen saw chuan zawhte doctor te pawh min hriatchhuah tir lek lek zel.


Kan intawn dan in a zir loh em avang leh keimah vanga hetiang dinhmun chhe lutuk a a awm ka hmuh hian, ka inthiam lo takzet.


Apatea biak sak ka tum lahin amah hian a ngaih loh thu in min chhang tlat bawk si, hmeichhe mak tak zawng ani.!


A bungrua vel chu remfelin ka haw san zui nghal a.

Vawiin lamah duh angin kan bazar hman loh vangin naktuk lamah ka kalpui leh mai ang, mahse chu erawh hrilh lem lovin ka haw zui nghal a.



Ka hming chu Lalrinpuia ani a, chanchin sawi tur vak ka neilo.Ka nu diktak min hringtu nu hian kum 10 mi lek ka nih laiin min boral sana, ka pa hian ka nu boral atanga reilote ah nupui dang neiin, a nupui te nen tunah hian kan Cheng ho mek.

Fa dang erawh an nei lo thung.




Chhungkaw awm thei ve tak kan ni a,,ka pa hi Shillong mai nilo, India ramah pawh Businessman hlawhtling tak mai ani a,

A hnung zui turin min duh viau mahse keimah hian ka suah sual chhuah in khawvel hlim hlawp bawlin ka nun ka hmang zui char char a.


Ka pa hian in a sumdawn na lam buaipuiin a hun a hmang nasa em em a, kei nen tak phei hi chuan thla khatah vawi hnih vel kan inhmu ve țawk ang tih tur khawpin a hna a àtchilh,


Kei erawh chuan pawi ka tilo nasa, a hmel hi ka hmu peih meuhlo ani.



Kan inkar pawh a khi nasa hle a, kei lah a sual zawngin leh amah runluih zawnga ka khawsak vangin, pafa inpawhlo ber te zing ami chu kan ni ve ang.


Pawisa tam tham zet ka hmantur ka account ah min dahsak chuan ka duhtawk viau, abak engmah a lak atang hian beisei tur ka nei tawhlo.


Ka pa diktak nihna chu hman hman ah Khan a hlauh tawh!




A nupui, ka nuhrawn nen pawh Kan inpawh lo hle a, min pawh a tum pauh leh ka inla hrang a.


In cheina leh tlereuh lam a àtchilh hlumlo chauh a, mahse ka lakah erawh a sual lutuk ngailo, min ngaihsak hawrh chuanglo bawk.,a fing kar a, a duhna ah chuan a zaklo thiam em em bawk.







Ka hun tam zawk hi chu barah ka hmang tlangpui,chuan bike racing na ah ka tel ziaha, hmeichhe chi hrang hrang kawp kualin khawvel ka chen ani ber mai.





In ka thlen chuan ka nuhrawn chuan in min ngaihtuah hmel fahran hian ka kalna te min lo zawt a, zana ka haw loh chhan te min lo zawh chuan engtin mah chhang lovin ka roomah ka lut zui nghal daih.



Zantin deuh thaw ka riak chhuak a, nizan ka haw lo tih a hriat ve chhun ah , min ngaihtuah ber awm zia zangin a tawng leh a. Huh! Hmeichhe ho tak hi chu lemchan inlo thiam ngawt mai.




Inbual faiin ka khumah chuan ka mu zui nghal der der a, zanin chu chhuak lo mai ang, bakah a mood ah ka chenglo tlat tiin ka muhil zui nghala .





Lalvenpuii POV


Zing ah chuan thoin, morning routin te ka tih zawh leh hnuah chuan kitchen lamah ka lut phei a.

Ka Breakfast tur siam pah chuan ka phone ah hla ka ngaihthla pah mai mai a,

Vawiin chu Second Saturday anih avangin school kan chawl a, a tihzia phian, nimina kan tih bak,bungrua ho hi rem fel ka duh .


Breakfast ka ei zawh chuan, ka eina te ti felin , inchhung bungrua chu ka rem fel tana.

Tlai lam chu bazar chhuah ngei ka ngah hmel, naktuk sunday ani sia chawhmeh engmah siamtur ka nei dawnlo tlat.



Rem fel ngai vel ka rem fel vek hnu chuan, sofah ka thu thla dat.


Ka chau der mai a!

Sana ka en chuan dar2:30pm alo ri der tawh, hun a kal chak hle mai.


Fridge atanga tui vawt la chhuak in ka in kawlh kawlh a, ka door bell rawn ri thut avang chuan ka phu zawk!

"Tun ang hunah tunge ni ang le" ti nuah nuah pahin kawngkhar lam ka pana.


Kawngkhar ka hawn chuan ka meng phawk vak!

"Eng nge ilo tih dawn a?" Ka lo ti ang he haw a.


" lo len I palh chiah nange" alo ti bul vut, ka va che khir thei tak.


"Aw...ahh..lo lut la" tiin kawng ka kian vat.

"I inrem fel der tawh a?" A rawn tih chuan glass a tui ka thlit saka.

"Umm anih hi, vawiin chu school chawlh te ani sia" tihpahin glass chu ka pe a alo ban vat.

Tui a in zawnga, a hrawk bawk che ralh chu en in ka chil ka lem ri kalh.

 â suh Lalvenpui !

"Chuan eng ti turin MAW ilo kal" ka ti leh ang thawr a! A nui ri suk.

"Bazar I ngaih ka ring a"

"Ka tum sa reng alom"

"Anih chuan min hruai ve peih em ang chu maw"

"Kan kal dawn nia, ka inbual phawt anga" ka tih chuan a bu nghut a, inbual turin roomah ka luh san zui nghal a.



Nimin thil thleng vang khan a inthiam lo tih chu ka hria a, mahse hetiang em em a, a rawn lan zin hi chu ka lo ring miah lova.

Mahse a pawi top hleinem , thian ka nei chuang lova, tihian ka thian ani mai.


Ka ngaihtuahna vang chuan nui hakin bathroom ah chuan ka lut zui nghala.

.

.

.

Bazar kan thlen chuan mipui ho chu an lo zi hut hut a,

Chawhmeh te kan en zawh chuan restaurant ah kan chawl leh te te a, ka ban chuap tawh kei phei chu.

Kan inhnawh puar zawh chuan dawr atanga chhuak in , a bike stand na lam panin kan kal a.


Chawhmeh bazar ka duhthawh em avangin, kan in khai bawr luk mai, ka bul ami lah chuan engmah sawi sel lovin min zui zel a, mahse a ruk tak chuan kei ang bawk hian a hne tawh ka ring.


Bike awmna a hlat deuh avangin footpath ah chuan kan kal phei zel a,




Kei erawh Rinpuia hnung zel ah chawhmeh thenkhat khaiin ka kal ve hnak hnak a,


Kawng Peng kan kal lai chuan mi pakhat coat suit ha hi min tawk zawngin a rawn kalna lamah a wallet a thlauh hlau mai a.

Chhar sak ka tum lai tak chuan, khasi pa pakhat bawrchhawh ve tak mai hian min lak khal in a ak zui nghal daih a.!

"Ka pu khawi lo la rawh I ta anih lo kha, anei tu kan pek let leh angai" tiin kawngsir ah chuan kan inchuh buai ani ber!.


"I ta anih loh chuan lo buai suh" tiin min vei pawp .


Mahse Bantha chak zetin a ka kawnga min lo vawn hman avangin ka tluna lo hlauh.


"Eng nge thleng?"Min vuan tu chu tu dang ni lovin Rinpuia lek chu lo ni in.

Engtik laiin nge MAW alo let hman ni.!

"Hei....mi wallet thlauh a la deih a, a neitu lah chuan hre lovin a kal Liam deih tawh bawk sia" ka lo tih chuan a thaw hawk.


"Min pe rawh?"ka hma ami pa hnenah chuan ati chang fak, Khasi pa pawh chuan wallet chu rawn phawrh chhuak zal zal in Rinpuia chu a rawn pe a.


"I kal thei tawh ang" a tih leh nghut chuan a kal zui nal nal.

Rinpuian wallet ka lama arawn lek kang chuan lo ban vatin, a neitupa kal na lamah chuan ka tlan zui vat a. Ani pawn ka hnungah min lo zui ve zel.



"Khawi lamah nge MAW a kal hman le?" Ti a ka hawi kual lai chuan kan sir deuhah chuan car a alut tur chiah chu ka va hmu hma .


" Ka pu, lo ding lawk teh"tiin ka pan hnai a.


"Aw eng nge ni a?" Alo ti dam thlup.

Amah chu pa lian lampang ani a, a fel hmel takzet hetia en chuan Ka Pa rual vel daih ni tur ani,

"Hei I wallet I thlauh palha " tiin ka pe zui nghala .


"I fel hle mai ka lawm e" atih chuan ka lo nuih seih.


"Ka kal tawh phawt mai ang, ka thianpa nen kan ni bawk sia"ka ti chuan min buk khum zeuh a, keipawh inherin ka let vat.

Rinpuia Khan min lo zui ve reng amaw ka tia!

A bike awmna ka thlen chuan bike chungah chuan tak run hian alo thu a, a thinrim te pawh a ang zawk mah.


"Engkim a tha MAW?" Ti dek chuan ka ti sep.


"Lo chuang rawh" bul vuta thiin chak zetin min tlanchhuak pui nghala .

Ka hlau takzet tlan muang tura ka tih pawn engmah hre lo ang maiin a tlanchak sauh a.

Ka hlau lutuk chu a hnungah chuan beiin ka tap khur der der.



Ka in kawtah a Bike atih din pawh chuan ka tha khur nasa lutuk chu chhuk pawh ka chhuk mai theilo.


Dawhtheih loh hmel fe a , a rawn thawk rik hrawih chuan ka chhuk ve thei hram.


Engati nge MAW ni a inthlak leh thut thut zel ni le.


Ka hmel a hmuh chuan tlemin a mitmeng a danglam deuh a, mahse rei erawh anilo.


Kan thil lei vel chu lain ka inluah lamah chuan a tlan in ka tlan a, hla lo mahse kalsawn vat ka duh.



Fridge ah ka chawhmeh lei vel chu ka rem fel nghal zung zung a.




"Ka tihpalh" ka hnung atanga rawn ti thum dup tu chu engah mah ngai duh lovin ka thil tih lai chu ka chhun zawm char char a.



A haw zui deih ka rin nen. Mahse ka ring sual chhia va ani e.


Ka inrem fel hnu chuan sitting roomah pheiin sofa ah chuan ka thu thla a, ani erawh chu ka hma zawnah ngawi rengin a ding run thung.


"Ila haw dawn lo ami?" Ka tih chuan thawk la Hawkin ka bulah chuan a rawn thu thla dawt a.


Reife chu inbe lovin kan thu ngawi char char, a khat tawkin ipik hmel zet hian a rawn thaw ri leh hrawk zel.


"Ka pa anih kha" a aw chu mipa mah ni se a ri chang chang.

Kei erawh in a ngaihna hrelo lekin ka lo en a.

"Ani kha ka pa anih kha" a rawn tih leh takah chuan nichina Pa fel hmel tak kha atih naah ka ngai hmiah!


"Oh!" Chu bak sawi tur ka hrelo.

"Kum naupangte ka nih laiin ka nuin min boral san a" atih chuan a rilru tur chu ka hriatthiam pui takzet,


Achhan pawh keipawhin ka nu leh pa te ka chan tawh vang ani.


"A hma kha chuan chhungkaw hlim tak leh inpawh tak kan ni ve thin a, mahse ka nu a boral chiah khan engkim chu a inthlak vek!" A rawn ti chhuak hrawih.


"Ka nu boral atanga reilote hnuah nupui dang neiin kei chu min thlauhthla zui hmak a!" a thil sawi zawng chuan a beka thisen zamte chu a pawng tawlh tawlh thei hial!


" Mal ngawih ngawih in min siam a, chu mai pawh ni lovin ka nu thlarau zah lek lovin hmeichhe dang kan inchhungah a rawn la lut leh nghal a" anui ro leh halh.


A thu sawi chuan min thawng viau!

Achhan pawh a pa hmel dam thlup leh, tuna amizia a sawi hi a inperhsan takzet.

.



"A tihsualte avangin ipa chu tunah inchhir takin a awm tawh maithei asin"

"Engmah I hrelo"a rawn ti hrawk!


"A pawi ka ti, mahse nang chu pa ti a koh tur tal pawh ila nei alawm, kei ve hi min en la, Fahrah diktak ka nih tawh hi, nu leh pa pawh ka nei tawh lova.." ka khawhmuh a phe nghal vek.


"Tunah phei chuan tumah ka nei tawhlo takzet, nangchuanin KA CHHUNGTE ti a koh tur tal pawh ila nei a, mahse kei ve thung chuan tumah ka nei ve tawhlo" ka biang a lum pap.

Ani erawhin nazetin thawk a la hawk a!




"Itan ka awm tlat dawn alom, min mamawh hun apiangin" tihpahin ka kut chu a hum lum vang vanga



"Anih chuan Ka tan, ka thiantha tak ni reng ang che" tia ka melh chuan a lo bu nghut a.


KA DUH ANGIN KA ZIAK RIL THIAM LO LUTUK HI KA TAH A CHHUAK ZAWK🤧
.

.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)