MY PROFESSOR CHAPTER 2 BY MAWITEI BAWIHTLUNG

Episode kal lai dah luhna

Moderator: writers

mawitei bawihtlung
Posts: 753
Joined: November 18th, 2020, 12:53 pm

MY PROFESSOR CHAPTER 2 BY MAWITEI BAWIHTLUNG

Unread post by mawitei bawihtlung » May 17th, 2021, 9:33 pm

[*]


MY PROFESSOR




CHAPTER 2






FIONA LALRINSANGI POV..(AHMA ah khan an hming ka lo ziah suala😂😂NUTTY GIRL LEH FIONA RENTHLEI TE STORY A NI E )





Zingah ka harh a ,ka bulah a lo mu ve reng leh nghal ka phu zawk zui,a mit chhing chial chu ka en a ,a hmelhmang pa hrak te a mit khuar deuh dak leh a men a rum deuh si chu a chhing a ,a hmui chu a mawm hlap bawk ,hmeichhe hmui awm tak hian a sen no chek zui .







A rawn che tuah tuah a ,a rawn men tak thut ah chuan ka phu zawk a ,ka tho chhuak nghal vat “ ka mutthilh laia min lo thah ve te I tum anilo maw " ngeiawm thei ang ber in a rawn ti a ,ka thaw nghal hak “ tum lo e khawngaihin ka natna tura tawng reng hi bansan rawh sir " ka ti ve fak a







Ala nui mai mai zui ,tho chhuakin ka intihfai San a ,nizan a hun hmandan pawh ka zawt lemlo ka hre Chiang ve viau,hmeichhia a pan leh ngei ang henghi chu a hma pawh a an sawi kha a ni miau a ,inhnuailamah kan chhuk thla a ,kan awmpuinu chuan rawng a lo bawl mawlh mawlha






Amah ala naupan hmel em em zui,Lucas a rawn chhuk a a lo be nghal vat vat a ,ala nui sen sen zui a hmel.a tha phian leh nghal ,Lucas pawhin a be ve bawrh bawrh a ,an inpawh hmel takzet ,chaw chu ngawi rengin ka insiama kan room lamah ka chho nal nal .





Hmeichhia a kawp reng a nihchuan enge ka mipa kawm chu a lo buai ve vak ni ,ka infuih sauh sauh a ka thianpa David hi thlahthlam ka tum bik lo ,ka chaw eikham chuan ka chhuk a hnaih fe maiah a hmeichhia chuan a lo thutchilha ka nersawk .




Ka chhuk thla an hmuh rualin a awmsawn zawt zawt a ,ka kut tifaiin ka chhauhsan leh hmak a ,ka insiam zui mawlh mawlh a ,Davida min hruai turin ka tibawk ,an hausa a fapa mal ani nen an duat viau ,racing a hrat tih mai loh chu .





Pawnah ka nghak a “ kal ila " tihthawmah chuan ka hawi let a ,Lucasa nen chuan kan inhmachhawn nghal ran a ,be lo in Davida rawn thleng chu ka pan a ,a bike hnungah chuan ka lawn vat,Lucasa lungawi lo hmel chi ka hmu reng.



Huh...a ni pawh a duh duh a tia lawm enge ka en liam kher bik ang ni ,a nupui angah min ngai lo a keipawh in ka enliam ve mai tur ani ,college kan thleng a “ ka mark a chhiat phah mai anga " Davida chuan a rawn ti a ,a rawn nui huk bawk .




A hnungah chuan ka beng thlawrh a ,ala nui hawk hawk zui ,kan inzui lut a zirlai dang min lo sawi leh zet zet tute ho chu ngaipawimawh lo in kan kal pel mawp mawpa ,class ah Lucas an min la hrem zui,chutah ka rilru natna tur takin kan chhungkaw chanchin chu ala sawi zui a .






Davida min auhna pawh ka ngaipawimawh thei tawh lo ,ka tlanchhuak mawp mawp a ,ka kalna lam pawh ka hre hek lo ka mittui lah chu a la luang zawih zawih a ,motor break rituar chu ka hriat hnuhnun ber ani ,“ ka fapa ni tlak pawh inilo " tiri ka hriat chuan ka mengchhuak riai riai a .






Pa ricky a leh ka nute Lucas a pawh tiamin an lo awm thap a ,ka lu chu an tuam bur bawk ,ka chhing vang vang a thil thlendan chu ka ngaihtuah vang vang bawk Pa Ricky chuan min rawn pan a “ I tha em minti hlauthawng a lawm ka fapa in I chunga a tih ka hriat hian.






Ka lawm lo takzet mahse inthen lo ula ka duh ani ,in inneihna a la reilo nen midangten min sawi nasa lutuk palh ang , I duhleh kum khat in inneih hnu ah inthen ka remtihsak ang che u" a rawn ti a ,ka lo bu nghat .





Pawnlamah an chhuak a Lucasa nen chiah chuan kan awm a ,ala ngawi ngur zui ,biak ka tum biklo ka haw takzet min hmusit ngawih ngawih chungin a nupui ka ni a ,a tan chuan a lawmawm reng tak ang chu .





Ka mit ka chhing hmak a ,ka mu tha sauh bawk a thaw hawk leh a chhuak thawm pawh chu ka hre reng ,ka ngaihven tawh ngai lo ang .





LUCAS LALPEKHLUA POV...





Ka thiante phone in kan inhmu khawm a ,ka thu thim run ringawt ,he hmeichhia hian ka thluak a tibuai ,haw viau mah ila amah lainatna ka neilo thei lo .




Ka pa pawh khan ka tihdan a vangin min beng hial a nihkha ,mahse ka nupui leh ka fapa ka ngaihtuah chhuah a piangin ka na in ka thinrim thar leh thin ,ka nupui chu ka ngaihtuahzui a ,tette a tanga inkawm kan ni a .




Hmeichhe fel tak leh harh vang tak ,hlim hmel leh ka fapa duhawm zet hmelte chu a rawn lang a ,ka kut chu ka hum ruh tawlh tawlh Lalrinsangi hi tihnat duhlo viau mah ila ,a pa a vang bawk hian ka tina leh thin .






Mahse a mitmeng leh a hmel engkim ka mitthla a tang hian an kalbo thei lo ,kalbo tir tumin bei mah ila ka chenpui ani in ka nupui ani miau si a ,ka tihnat duh em em lai pawh hian dangtu ka nei leh thin .




Ka pa in min rawn phone a hospital a tang a an chhuah thu a rawn sawi a ,mak ka ti viau ,a hliam a nat nen engtin nge damdawiin a tanga chhuah a duh ni ,he hmeichhia hi engtak nge a nih le ,ka la hrechiang lo hle anih hmel.





A thianpa teivet pawh kha ka ngaina hauh lo Lalrinsangi a melh dan kha thian angin a en lo tih ka hmu Chiang bawk ,keimaha thikna awm chu a in mung khawm tup tup leh nghal ,ka tho chhuak vut a





Ka thiante pawh be tawh lemlo chuan ka pa te inzawk ka pan a ,a chhan chu ka tihdan a vang khan ka pa in ka inlama awm a phal miaulo ,ka thlen rualin ka lut vat a ,khumah chuan a la mu dang bai zui .




Motorin a su tih ka hriat Khan keipawh ka hlauthawng ve tho ,mikara khatianga titur kha ka ni heklo mahse ka thinurna Khan min tur miau a ,ka sawi chhuak reng bawk ,a bula ka kal laite chuan melh pawh min melh lo a .






A ngawi ngal bawk ,ka nute ho an chhuaka ,a in let leh sat sat tawh ,min biak a chak lo tih chu ka hre ve reng ,engmah sawilo in a bulah chuan ka mu a ,alo tal ve nghal phat mahse hliam a tuar tlat “ tenawmpa kalsawn rawh" a rawn tithat a .






“ Che lo khan mula ka dai lo ang che " tiin a awmlohna lamah chuan ka inher zui a ,ka chau ve nen ka lu chu ana ve ngut ngut tho,reilo te tal mut ve ka duh vang ani pakhat






Ka phone ri chuan min tiharh a ,ka tho chhuak vat ,Veni a ni a ni hi ka nupui hlui nau ani bawk a ,a duat pawh ka duat viau,anu a damloh thu leh min mamawh thu a rawn sawi chuan ka kal tur thu ka hrilh a ,Fiona ka en chuan a lo la mutui viau .





Insiamin ka chhuahsan a ka nute pawh be lem lo chuan ka chhuak nghal hmawk hmawk ,an in ka thleng a nu Thani chu an khumah a lo mu a ,ka pan vat a fanu ka hmangaih em em kha ka hrechhuak lo thei lo,ka kut chu a rawn vuan a .








A hahdam hmel huai bawk ,damdawi inlamah kan hruai a an lo buaipui zung zunga,u Malsawmi ka putea bialnu tun thlengin pasal emaw ngaihzawng pawh anei tawh lo ,pute Benjamina thih a tang Khan tihian kan damdawiinah a thawk tawp mai ani .





Ka khawngaihin ka ngaisang viau ,tar lam a pan ve deuh tawh a ,mahse amah hi a hmel a la tha vuah tho,putea kha thilo nise chuan tunah te hian hlim takin an awm ve ngei ang,nu Thani chu a lo buaipui sawk sawk a ,ka bula veni khur leh tap deuh par chu ka kuah a .






Nau dik tak anga ka en a vang hian ka veng uluk in a duat pawh ka duat,ka nupui leh ka fapa chhungte an nimiau a ,u malsawmi chuan a that thu leh a hritlang deuh mai mai ani tih a rawn sawi chuan ka thaw huai a ,Veni pawh chu ka thlamuan zui mawlh mawlh a .




Inlama ka let leh chuan a tlai duai tawh a ,khua pawh a thim tawh viau,ka nupui room lam ka pan a ,a phone hmang thawm ka hriat chuan ka ding chut a “ David ka na lo tak tak" a tiri te chu ka hre reng a “ nia a sual mahse tunah rih chuan ka la then theilo a " a tihri nen .





Ngawi rengin ka lut a ,min hmuhrualin phone chu a dah hmak bawk



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)