MAKE YOU MINE CHAPTER-6 by NUTTY GIRL

Episode kal lai dah luhna

Moderator: writers

An puitlin hnu awm tir ka tum a, in duh em?

Poll ended at May 19th, 2021, 9:54 pm

Aw.
2
100%
Aih.
0
No votes
 
Total votes: 2

Nutty girl
Posts: 209
Joined: May 2nd, 2020, 11:28 pm

MAKE YOU MINE CHAPTER-6 by NUTTY GIRL

Unread post by Nutty girl » May 17th, 2021, 9:54 pm

MAKE YOU MINE


[attachment=0]IMG-20210516-WA0041.jpg[/attachment



Chapter-5 ka chhunzawm kha aw🌜


CHAPTER-6



"A duh ang che, hrilh tawp rawh. Tunlaiah mifate an nghal a, i chang lo palh ang," ka tih chuan phur zetin "I ring tak tak maw?" a rawn ti a, ka bu nghauh nghauh.


"Mahse min lo duh lo tase," ngaihtuah muk hmel deuh a tiin min rawn melh a, "I nep lutuk, mipa i nih kha, a duh loh che ngai awh a ni leh mai lawm," thawveng zet a ka tih chuan a ni pawh a nui ve ta suk.


"Nakinah ka hrilh em em ang."


"I ṭhiante kan awm a lawm, a duh lo che a nih pawhin ngai i awh theih nan chuan kan theih tawp kan chhuah ang. Amah neih nan theih tawp han chhuah phawt mai la," amah hnem tum deuh a ka tih chuan ka darah min lo kuah thak.


"Mipa ni awma mawi i nih zawk hi a," a tih chuan ka nui vur vur.


"An ti fo reng asin, bialnute hi min lo zawn pui teh a," ka tih fiam chuan a mengrum ngang mai "I lo nei tak tak ange aw, ka duh lo ania," tia a ner sak chu ka beng pawp. "Chutiang miah min ngai reng reng ami? Mipa lam pawh ngaihtuah peih lo a, hmeichhe lam daih ka ngaihtuah peih in," ka ti hlar a, a nui hawk hawk.


"Ka fiam mai mai che a nih kha. Ice-cream tui deuh ka lei ang che i duh em?"


"Engnge ka duh loh ang, thurawn ka pek vang che leh ka hnem vang che khan ka phu a lawm," ka tih chuan nui sukin ka dara min kuahna chu a la thla a. "Saw tah sawn tui deuh an nei a, ka va phei phei lawk ang," tiin kan awmna ep chiaha dawr chu a kawk a.


"Hei, ka ti mai mai a nih kha. Ka ei chak lo," a kawngkan tur chu pawt letin ka ti a. "Ho lutuk, lawmthu sawina a ni mai ka tih kha," tiin kawng chu a kan vut, a tlan a chelh hman pawh a ni lo. Ka ti mai mai a sin le...Kan titi tui lutuk a rickshaw lak pawh kan ngaihtuah tawh lo, hei tunah Bazar kan thleng der tawh.


"Ka ti mai mai a nih kha," ka bul a rawn thlen chuan inthiam vak lo chuan ka ti a. "Kha ei mai mai teh a, i ei duh loh chuan ka paih daih a ni mai," a tih chuan ka la ta nge nge.


"Kha tui i tih em kha, ka duh lo te i ti kual vel a. Hmui berh vek khawpin i ei kha, i khabe ami te kha engtika ei atan nge i khek,"a tih chuan ka khabeah a kai tak tak emaw tiin ka tuai thuak a. "Tihderh hi chu i van nuam tak," tiin min nuih vur vur. A kai tak tak emaw ka ti hman a lawm. A chhunga nuts awm zeuh zeuh chuan a ti tui lutuk tlat.


Nidanga kan inṭhenna hmun kan thlen chuan a ding mai lo. "Min zui haw ve ringawt i tum ami?" ka tih chuan ding dawtin a lu a tuai vut vut. "Chho dawn e," a tih chuan ban ka vai zeuh. "Zanah kan in be dawn nia," ka tih chuan a bu nghauh a, kan in lampan chuan mahniin ka phei hnak hnak a.


In ka thlen velah chuan ka nu chuan ka haw tlai chhan min lo zawt nghal vat a, practical class kan ban har thu leh ke a kan haw vanga tlai kan nih thu chu ka hrilh a, engmah a sawi zui lo. Kan ban tlai ṭhan ti ila ke a kan haw ṭhan avang hian in ka thlen hi chuan a tlai tawh viau ṭhin hrim hrim a, ngaiah a nei ve ṭan tawh.


Muansanga nu damloh thu ka hrilh a, a chhan min zawh chuan ka hre der lo. Zorina khan 'Anu a damlo a, a lo kal dawn lo,' tih zawng min hrilh a, a chhan leh avang zawhna xhang ka lo hre lo reng reng. Ka hriat loh thu ka sawi chuan thil chik ve deuh tura min hrilh in, thil dang nen a sawi zawm leh hmiah hmiah tawh, ka sawi ve ta kher kher chu ka inchhir lek lek a ni.


Zanriah kan eikham, thleng vel ka sil fel hnu chuan ka phone ka en a. Tukin a Msan a lokal dawn lo tih min hrilhna chu ka hmu ve chauh. Tukinah Zorina ka aṭang chauhin ka hria a, a message ka ko hmuh hman loh lek vang a nih hi.


*Ka hmu ve chiah* tih chu ka va thawn a, a in deliver lo. A buai a ni mahna, a last seen pawh chawhnu dar khat vel daih a ni tawh. Out nghalin assignment tih hma tiin games chu ka khel leh rih phawt a. Call a rawn lut vang chuan ka thih phah leh nghal a.



Min rawn call tu chu tunge tih pawh ngaihtuah loin pawr fe hian "Hello, engnge?" ka ti a, lehlam aṭanga nui ri ka hriat chuan caller id chu ka en a, Muansanga lek chu lo niin.


"Malsawmsang, pawr viau zel suh aw," a aw aṭang chuan a nuih a za tih a hriat theih. "I rawn call hun lo em a lawm, ka thih phah leh nghal a," min rawn call avangin ka thi a ni tih ka hriatchhuah leh avang chuan lungawi lo fe chuan ka ti a.



"Sorry, i games khelh lai tih ka hre hleinem Mate," dam thluama a rawn tih chuan ka lungawi lo tih pawh ka hre leh tawh lo. Muansanga hian 'Mate' tia min koh a la sim bik lo, hetia ka chhungte koh dana min koh hi chuan kan in hnaih bik sawt hian ka hre ṭhin. Mate min tih loh chuan Malsawmsang tih hi a ni tawp mai, kan in ko lawl lawl zel.


"I nu chu engtinge a awm a? A zia deuh tawh em?" ka hriatchhuah velah chuan ka ti ta vat a.


"A office kal tur kha a chau deuh thut mai mai, tunah chuan a ṭha tawh lutuk. School kal tura kan insiam lai a ni sia, ka rawn kal lo law law a nih kha."


"Umm, a zia tawh chuan a ṭhat hlauh chu," ka tia han sawi em em tur ka hre lo. In text aiin call hian sawi tur ka hre lo daih zawk leh nghal a, text lamah pawh kan lak tlak loh nen.


"E..taka assignment kan nei a, Maths leh Biology ah," reife kan ngawih vang vang hnu chuan ka hriatchhuah hmasak ber chu ka sawi a. "Umm, maths te chu i thiam zawng a lawm. Ti la naktukah ka nu a dam ṭhat chuan ka lo kal anga, ka copy ve mai ang. I awma ka rilru ka tihah peih lo," nui deuh huk huk chuan a ti a.


"Awi, awi Muansang, i zak lo emai a. Ka lo ti anga i copy dawn nia tih hi chu avan awm lo tak," ner nang chuan ka ti a, a hma ai mahin a nui nasa.


"Vawiin school a nuam em?" a tih chuan a nuih a za ang reng hle, keimah ang bawkin sawi tur a hre vak lo tih a hriat reng. "Nuam a ni mai. Tlaiah Zorina nen chauh kan haw a lawm, Lhi Vala nen an haw daih a," ka tih chuan a ngawi vang vang, sawi tur ka hre tawh bik der si lo.


"A nuam em?" a tih chuan "Eng chu maw?" ka ti ha.



"Zorina nen chauh a haw chu," a aw chu a hma aiin a danglam em aw tih theih tur a ni. "Engnge nawm lohna chhan tur a awm ami? Nawmna em em tur pawh a awm chuang lo a," ka ti hap a, a chang hi chuan a zawhna hi ka hrethiam ṭhin lo.


"Nia...Lawks aw," a ti a, kawngkhar in hawng ri a niin ka hria pen thawm in a rawn zui. An ri deuh hlut chu ka ngaithla a, ka nghak char char.


"Malsawmsangi," Muansanga ti ri chu ṭawng pangngai chiang taka ka hriat leh hmasak ber. "Sawmsawm, vawiin chu nangmah vangin kan in date ve thei ania, mahni chauhin naktuk aṭang chuan ka haw tir tawh lo ang che," Lhi chuan zâng vah chuan a rawn ti a.


"Khatah engnge i tih a?" ka ti nghal vat, Muansanga te inah a kal teh daih chu mak ka ti. "Keimah chauh ka ni lo, Zorina pawh a awm, Msa nu kan kan lawk dawn a," Lhin a tih zawh chuan Zorinan "Hiii," a rawn ti sup a.


"Nangni pahnih kha a va fair lo ve, in kal dawn te chuan mite hruai ve awm," ka tih chuan Zorinan rang zetin ,"Lhi hian min lo sawm a lawm," a rawn ti vat.


"Msate in piahah kan chhungin chaw kan ei a, a remchang em a. A nu a dam lo sia ka tia Zorina ka va sawm," Lhi chuan tiin a lo in sawifiah ve nghal a..


"Mawiah an kawm peih lo che a,i tello in a lo kal a nih hi," ti tu chu Msa ve thung a ni. "In hre viau ang, naktukah," ka tih chuan an ṭe nasa ngang mai. Homework copy loh an hlau dawn tih ka chiang em.. An pathum chuan ṭang rualin min hnial a, kan ri nak nak mai.



LHI's POV.


Kan chhungkuain ka pute inah, Chandmari lamah chaw kan ei chho a, zan lamah ka pu leh ka pate an la titi tui dawn chauh tih ka hriat avang chuan lenna hunah ka hmang hlauh a. Zorina ka call a, min rawn lam phei tur leh Msate inah lenpuiah ka sawm a. Ka pute in leh Msate in hi a in hlat lem lo, ka chhungte pawh chuan Zorina leh Msate nen kan in kawm ngeih tih an hriat avang leh an mahni an hriat chian avang chuan len an phal ve mai bawk.


Msate in kan thlen chuan sitting room-ah nu Dingi chu a lo mu a, Msa a room a a awm thu a sawi chuan Zorina nen chuan a room lamah kan phei a. Sawmsawmi a lo biak lai a nih avang chuan kan in be ta reng. Msa nu damlo kan turin kan leng tih kan theihnghilh ṭhak


"Ms, Zorina hi a â tak tak. Vawiinah Vala nen kan haw dun a, Sawmsawmi nen chance ka pek ṭhat teh reng nen, engmah vawiinah a bulah a sawi lo ania," Msa khuma ṭhu thla thak chuan ka ti a.


"Ka hrilh ṭep tawh a lawm mahse ka hlauhthawn chu in hriat kha. A laka ka rilru put vang hian kan inṭhianṭhatna a chhiat ka hlau a mahse midang tan ka phal chuang lo," Zorinan thu tak zet chuan a ti a. Hmeichhe lakah hetiang rilru hi a put vawikhat ka hriatna a ni. Hmeichhe mi tak ania mahse Sawmsawmi vang hian a inthlak danglam khawp.


School ṭan niah ka ṭan ve loh avangin zanah whatsApp ah min lo bia a, min lo hrilh ngat mahse Msa nen hian engah vak a ngaih tak tak kan ring lo. A nih loh pawhin a duh thu a hrilh anga, midang a neihsan leh mai kan ring a mahse a ni tlat lo. Malsawmsangi hi chu a duh ve tak tak niin ka hria.


"A birthday kan lawm pawh khan hrilh rawh ka tia, i hun ṭha i bawh pelh zel a nih kha," ka ti a, Sawmsawmi pawh hian a ngaina viau tih ka hria, a duh ve maiin ka ring bawk.


"Muansangkima leh nangmah hi lawm, zanah ka hrilh ang ka tia. Chance min pek chu sawi loh Msan nangmah thlah tur che in min ti a, hun ṭha ka nei hleinem,"a ti nghut, tun thleng hian kha thil vang khan a la thinrim chu a nia.


"Vawiinah pawh i sawi chuang hleinem," tiin sawi fuh in ti deuh chuan ka mit ka kan khum ak ak. Msa chu kan bulah ngawi rengin a ṭhu a, ani hi chuan thurawn pek tur pawh a hre lo aniang engmah a sawi ve lo. Ani tan pawh hian zawn sak ve a ngai dawn a nih hi.


"Ka hrilh vat dawn a lawm. Midang tan ka phal lo ka tih tawh kha," Zorina chuan a ti nawn leh ngat a, ka kutzungpui a hmai zawnah ka ti pir va va. Kan zingah Sawmsawmi a awm lo a nih pawn a chanchin hi chu kan sawi ngei ngei zel.


Ads click leh ang u aw💜
Attachments
IMG-20210516-WA0041.jpg
IMG-20210516-WA0041.jpg (34.88 KiB) Viewed 1829 times



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)