AGAPE_CHAPTER_11_BY : Duati Tochhawng

Episode kal lai dah luhna

Moderator: writers

Thelma x ivy
Posts: 111
Joined: December 15th, 2020, 8:42 pm

AGAPE_CHAPTER_11_BY : Duati Tochhawng

Unread post by Thelma x ivy » May 17th, 2021, 10:55 pm

AGAPE


Duati Tochhawng



Chapter_11



"In mawl ami" ka ti chhuak deuh hluai.



"Enge" an la ti rual thawt hlawm lehnghal.



"Mihring in ang deuh te chu awm ve theih alawm, sawi lam vak angai tawhlo, Fela tan pawh ngaihthlak a hrehawn ang" ka ti ta daih. An lu bu ve deuh thliar thliar.




Kan vai chuan kan ngaihtuahna kawm tih hriat zetin kan thu bar hlawm.


Sangsangi message rawn thleng chu ka en *lokal vat teh, a hmanhmawh thlak ania* tih teh zawng hi.



" kal lawkna tur ka nei a, min lo ngaihtuah suh u aw, ka lolet leh ang" tihleh din nghal ka rual.



" khawnge i kal dawn" Immanuela chuan a rawn ti daih.



Ka pan hnai a, alu bula kun hniam pahin " i thianpa khawngaih thlak tak saw a hlimna tur kan ngaihtuah sak ange" zawi sap chuan ka ti.



"Sangsangi maw" ani pawh chu tawng zawi khawp mai. Keiin ka lu ka lo bu deuh nghat.



" Fimkhur la aw, tha taka i tih theih ngei ka beisei" nui deuh san san chuan min thlah.




*******



"Sang khawnge i awm" kawngka luh ruak chuan ka au nghal vak, a chungah thil thalo a thleng ang tih ka hlau.




" Hetah ka awm alawm, enga ti chiam chiam nge" Room kawngka rawn hawn pah chuan a rawn ti chhuak.




" buaina i tawk amaw ka tia lawm"



" tawklo e, thil tha deuh ka hre thar a, Sangsangi anga ka lolet leh chuan Rinkimi te tan jail atang a chhuahna chance atam dawn lutuk. Chuvang chuan an chanchin ka chhui belh a, thil ka hmuhchhuah belh nual alawm. Kan thiante ho police ho in an rawn man nachhan kha, Rinkimi thang a an awh kha , kha ta ruang lo awm kha Rinkimi thah ania, chuan hmeichhe dang zawk , sawisak hrep kha an mahni tih vek ani bawk. Chumai bakah Ruatkimi pawh a him biklo , a bestfriend thihna ah a inrawlh tlat, sum an duh chhungkua tih chu i hriat kha, A mipa chhai khan a bestfriend kha alo duh sia, sum vang ringawt in an inthianthat na chu a tichhia a, nunna ata thihna ah a hruai lut bawk" Sangsangi chu ka en reng, Amah ai mah chuan a thil sawi kha mak ka ti zawk.



" chuti fa ko a sum han atchilh mai chu, thawhchhuah te tum zawk se, mi sum it lo hian" ka lo ti.



"Ni chiah e, fahrah te pawh hlawhtling taka kan dinchhuah theihna khawvel a hian anni thawh ngai vaklo a apa hlawh an la lak ve theih tang tang lai te khan tha tak a zir tur ania" Sangsangi pawh chuan a rawn ti ve.




" Tunah phei chuan Ruatdika'n hna anei ve tawh a, enge maw mi sum it reng reng a anla khawsak fo ni, mahse an nufa sawn an mit saw a sang ve em a, pakhat lahsawn a fanu hian hausa lo pasal a aneih kha ahlau thin em a, heti khawp sum an atchilh hi chu hriatthiamna chin ka nei ve, anu enkawl danin a zir miau lo a" ka lo ti leh deuh duah.



" Heihi police station lamah kalpui ila, tualthat ve ve tawh chu jail atang an chhuah ka ring tawhlo"



"Chu zawng ai chuan maw Sang, nangmah inih hi ka la ring theilo, i mizia hi ahma nen a inperh san si, chuta karah i ruang kan vui kha nangmah ngei niin ka hre bawk sia" Amah enkiau pah chuan ka ti.




"Motor sutna ah khan a hmel kha rin aiin a chhiat hneh kha, ka vanduai nge vanneih zawk ni, mite chu motor in a sut hlum pawhin an hmel tha tak achhiat phah lo a, keive chu ka hmel hmuh tlakloh zetin anih kha ka awm, mahse tumsa rana min rawn su a ni bawk a ka thih ngeina tur kha chu a rawn hre chat chat khawp mai, Pathian khawngaihna leh hmangaihna hi alo sang em a, misual nung tlakloh ber kha nunna min pe leh ani" tiin a rawn sawi ve ta, ka thiannnu ngei kha ani , ka thaw huai mai.


"Thi tawh ang mai khan tawnglo teh min ti hlau" nui pah si thutak fe chuan ka lo ti


"Mitthi tho leh chu ka ni ber alawm" ala rawn ti tak ang deuh deuh, henu hi chu aw



Sangsangi nen chuan Police station lam kan pan a, finfiahna kan nei ang ang te chu ka theh lut leh vek.



Kan tihtur kan tih zawh leh velah chuan Nu Dingdingi ka call. Thil nihdan ka zawh chuan damdawiin atang an lo chhuak chu niin, ka inthiamloh tak zet , an buai laiin ka awm ve silo a.




"Zanin chu Bawiha hi ilo riahpui ava ngai dawn ve, hei ka nau aboral hlauh sia, kal ve kan ngai dawn a, i awm tho bawk si nen Tetei leh Nu-i pawh kal ve an duh a" Nu Dingdingi chuan a rawn ti.



Damdawiin atang an chhuah pawhin ka tel tawh silo a, hnial lemlo in ka awmpui tur thu chu ka hrilh.




Sangsangi nen chuan Immanuela te in lam pan chuan kan kal zui nghal mai bawk.




Gate pawnah ani alo awm rih a, kei ka lut hmasa thung, Nu Dingdingi te chhuah hnu ah ka va au lut leh chiah.




"Amak ati ngawt ang ani pawhin" Sangsangi chuan Immanuela room kan luh dawn chuan a rawn ti sa sa. Ka lo nui tawp, keipawh khan atir khan mak ka ti em ani.


Room kawngkhar kan hawng chiah chu rin lawk ang tak tak in Immanuela chuan ka hau hian Sangsangi chu alo en tak tak.



Sangi nen chuan eng sawi set set lo in khumah chuan kan thu ve. Immanuela erawh amu thung.



"Khawimaw lo hnai teh, mihring inih pawh ka ringlo"tih leh Sangsangi chu a rawn hui. Sangsangi lah chu tha deuh in a lo awm hnai ve mai.




Rinloh lutuk in Immanuela chuan a beng hawi sawk. Sangsangi pawh a te ring lutuk ringawt.




"Na chu i hre ve thei tho bawk sia" Immanuela lah chuan alo ti deuh nuah nuah.



"Mawla mihring na hre theilo i hre ngai ami"Sangangin lungawilo zetin alo ti bawk. Ka nuihza lutuk chu pum dawm meuhin kalo nui dir char char.



" mihring pawh inni velo aniang in thi theilo re re" kan pahnih min melh tawn zak zak chung chuan Imanuela chuan alo la ti.



" thi turin min duh mi" Sangsangi nen chuan kan tirual leh chiah.



"Pathlawi nei rawh" Sangsangin a rawn tih zawm leh nghal zat.



" Lalnunsang, Pathlawi nei turin lo ti re re suh, tlangval ka awm reng" Immnuelan alo ti nghal nuah nuah bawk, ava han naupang chhia tak.



"Pathlawi mai la" pakhat lah in tlawm duh biklo in alo ti ve bawk, nu leh tlangval lai ni ve tawh si hi kan va la hahthlak thin tak em.




"Rinfelan a hmuh hunah chuan a pawm thawchham thei ang che" ka lo ti.



"Min ngai ve thin angem le"



" angai lutuk che a a â lo chauh chu anih ber hi"



"Ka bo rei tawh sia ahma ang kha chu ani tawhlo ang" ala ti deuh hram.



" chuti mai ani ngailo, a rei pauh leh angai zual zel zawk ang che"



" beisei phawt ila"


********

"Heihi ka inhmeh em" Sangangi chuan a kawr hak chu min rawn en tir, vawisawm chuang a inthlak tawhin ka ring.



"Inhmeh bawn, Rinfela chuan angel a maw atih hial che ka ring"



"Ahhh....mahse"ala ti deuh nang nang.



"Mahse tih a ngai tawhlo, hnathawh thawnhnaw nen pawh kalla ahmuh rual che in a taksa deklo in a awmtir phal dawn chuanglo che" a inthlak leh hlau zet chuan ka lo ti.



A inthlak chhung hian chawhma chhung chu a room ah hian kan awm tawh, ka thiante lah chuan ka bo leh daih bawk si nen min rawn call chhen tawh bawk si. Muangchang rei thei pawh kan ni tawhlo.



"Dawhtheilo bawk si, kal phawt teh ang" a car cahbi lak chu a rual nghal, kan inzui chhuak leh dat dat.



"Keichu ka za cheng mai" car a kan chuanlai chuan a ti ati ringawt, a awmdan hi ka hriatthiam pui tawp.



"Kan thleng e, i inring maw" Sangsangi en pah chuan ka va ti.



"LALPA min pui hram ang che" a lo phun sap.



"Ka inring e, Kal ang le" a rawn tih zawm nghal zat.



Kan pahnih chuan kawngka lam pan chuan kan inzui phei, kawngka ka hawng a , ka hnungah Sangsangin min lo zui thung.



"I va tlai ve"ka thian ten min hmuh rualin duhthawh fe hian a rawn ti nghal.



"Sangsang" an vai chuan an hmelah mak tihna a lang nghal.



Rinfela chu rang zetin kan bul alo thlengphei nghal bawk. Sangsangi chu a rawn kuah nghal vawng vawng.



"Happy birthday" Sangsangin alo ti, Rinfela erawh tawng ngaihna hrelo in ngawi rengin Sangsangi a kuah reng thung.



Rinfela mittui a tla leh ta, Sangsangi vang baka a mittui tla hi ka la hmu lo , ka hriattirh atangin.



"Khawimaw ka lo kuah ve" kan thian dang ten an lo ti ve bawk , Sangsangi chhungte lah banglo.



Hlimni e tilo in kan mittui kan zavai mitah aluang vek mai niin ka hria.



" ka la awih thei hlawllo, i thlarau ani hiallo maw, Fela i ringhlel ve em" Stephen chuan Sangsangi chalh pen lolh pah hian a rawn ti. Kan va han indaih tlang tak em.



"Ka ringhlel phallo " Sangsangi chal tuaisak pah chuan alo ti.



"In tenawm dun, neilo kan ni biklo"pakhat lah a uang zui nghal.


Kan zavai mai chuan mittui tla e tilo chuan kan nuizui leh vek.



Sangsangi chu an hlat phallo ani ber, khati tak a an chhungkua leh kan thiante hlim hmel hi ka la hmu ngailo. A pi leh a pu ngat phei chu an hlim lutuk hi an khawngaih thlak lek lek hial zawk. An tunu mai bakah an fanu kha ani tel miau ani.



Sangsangi nu leh pa , anau thlengin an banglo, Sangsangi nu ngat phei hi chu ka chhuang takzet, A pasal uire na fa, chuta kara a fapa neihchhun hmangaih ber ni bawk si a fanu tak ang chiah a a en thei san ah hian hmeichhe fel leh rilru tha tak anih ka ring.



Rinfela birthday kan lawm ai mahin Sangsangi lokir leh chuan hlimna min thlen nasa zawk, kan hlimni ber ni hialin ka hria


###Ka chawlh rei ang aiin ka lo dah tawi a, min hrethiam leh hram mai aniang chu ka buai ve lutuk a, ka inthlahrung takzet


,



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)