THINLUNG - 12 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

THINLUNG - 12 BY 27 SENORIA

Unread post by 27 SENORIA » June 21st, 2021, 7:29 pm

Atawi dah loh aiah hman lo chungin ka type ve naw naw a,a ngaihnawm loh maithei ania.
FB_IMG_1621784710533.jpg


Sangsangi pov.

Pathian zarah dam ver vawrin ka tho harh ve theia, lawmthu ka sawi mawlh mawlh nghal. Pawn lam panga thawm ri kerh kerh ka hriat avangin UJenny a harh tawh tih ka hre thiam nghala, in zi mar paha ka chhuah phei chuan UJenny i chu chhuat laia lo thu sawp niaiin alo tapri karh karha, in thing harhin rang takin ka pan nghal. "U Jenny i tha em? Engati nge ni a? Enge diklo" Ka ti nghal ruaia, inpet fan fanin min rawn kuah nghal thlawp. "Ka thei ang tiraw, ka kalsan thei ngei ngei ang a tan vek ani si a" A rawn tih chuan Uruatpuia asawina ani tih ka hre nghala, "ai nangmah ai mahin i hmangaih iti na dawn asin, khawngaih in ti miah suh" Ka ti ve nghal a. Ataksa chu ain sep dawr dawr thei.. "Tap rawh tap rawh i duhtawka nasa in tap rawh i bulah ka awm reng dawn alawm" Tiin ka hnem phah phah bawka. "Sang ka zak e mai nizana thil thleng te kha ka duhdan ani biklo asin, ka zak ngawih ngawih theih chu nise he khawvelah hian ka lo piang ve miah lovang , vanduaite chu an awm thin ngei mai .. He hringnun hi ka duhdan ani biklo tlanbo san daih ka duh tawh" A ti hlap hlapa, a tap nasa em em bawk.





"U Jenny pathian remruat tuman kan ti danglam thei silova, mahse hei erawh chiang takin ka hria kan tana tha tur chauhvin pathian hian ro min rel sak vek thin a, mahse mihringte chuan hrethiam lovin ka tuar nasa bik , a fairlo kan ti thina, mahse chutiang ngawt ani ngailo, ka hriatthiam loh lamah kan tan rohlu min pek a duh thinna vang zawk ani, ihrethiam ang tiraw"ka tih chuan a lu abu salh salha. "Ka hria alawm tun thleng hian pathian hi ka sawichhe lova, kala vui chhin ngailo bawk. Mahse maw hei chiahhi ka dil duh ka hringnun min pek ang hi tumah pe ve tawhlo se ka duh ani" A ti lawi sapa, tah belhve ngang ka lo ni bawk nen ka mittui ka dang zo leh derlo. "Hawh tho phawt la, kan sawitha dawn nia aw" Tiin ka kai thova, sofa ah chuan kan thu dun a. "Khawvel hi tawp thut maise ka in tih hreawm kher hi angailo mai tur" Tiin ahmalam thlir pah chuan arawn ti chhuaka, amittui tla chu ka lo hruk sak nghala. "Eng pawh nise pathian rinchhan ngam la, engkim Uruatpuia hrilh vek rawh a hmangaihna che hi a dika a tak anih chuan a kalsan tawp lovang che, ka chik thina a hmangaihna che hi ader mai mai ani theilo, " Ka ti let ve a, ka rilru chhungril erawh a zuai ruiha, a hnual ru em em bawksi, enga tinge hetia ka la awm tlat mai le, tinge ka theihnghilh ve mai theihloh.





Eng vangin nge ka thiannu hmangaih hi neih ka duh ruk tlat, ka rilru chhe zawk phei chuan i then turin aduh hiala, mahse ka thinlung hian chu chu rem ati ngang bawk silo, tuilai rapa nun hman hi ka kham tawh takzet. "Ka hria lawm min hmangaih em avang hian asin kalsan hi ka hreha, tih nathi ka duhloh mahse a thlen ngei angai .. Keh chhe vek mah ila pawi ka tilo Ruatpuia lehzel kehchhe tur chu ka duhlo ani.. Ka then avang hian ana ngei anga, hunrei tak chhung a tuar ngei bawk ang mahse a tuar chhuak anga, nang a bulah i awm bawk chuan zawi zawiin a hliam te chu adam leh mai ang" A rawn ti khur hlak hlaka, hrilhfiah dan leh sawipui dan ka hrelo, aduh dana kalpui chu atumruh em em mai bawk si, engtinnge a rilru hi ka hneh theih tak ang le? "Sangsang thian mipa fel deuh i nei em? Ka buaina a min puithei tur" Arawn tih chuan lungni lo zetin "a tawk e , engtia han hrilhfiah nge i ngaih em em a, nang ai ka naupang ngei mai mahse ka hau duh che, engvangin nge i tum luih tlata, Uruatpuia hi i ring zolo em ni" Ka tih vin deuh hrawk chuan atap chhuak hawk hawka. Ahmai hupin "kawng dang a awm lo dawt hmanga nun hman hi ka lo ti thang tawha ka bansan theilo, thudik sawiin min haw ta se ka na dawn em asin, chu chu i duh em ni, nt ngawih ngawiha awm turin min duh amaw" A rawn tih chuan sawi belh tur ka hre tawhlo.. "A bul ka tan tawha engti kawng mahin ka tawlh hnung thei tawhlo i phone atangin min rinhlelh thu leh mipa nena kan thlalak fiah vaklo ka thawn tawh" Ti paha mit sen ràma min en rual chuan ka tho kang nghal phata.





"Enga!! Ka ti hrawka ka phone sofa chunga let reng ban nghalin Uruatpuia ava chat na chu ka chhiara, ka hamhaih ngei mai. UJenny in mipa dangnen akawp ka rin thu leh rui chunga a rawn haw thin thu ka ziah ni maihlo amah UJenny ziah vek nisi mahse keima sawi ang maia ka va chat-na thu chu ka chhiar nawn ngat ngata, hrilhhai leh hlauthawng takin ka phone chu ka hmer ngawt ngawt bawk. "Ka delete dawn ala view chuanglo ka duhlo hetiang thila in hnam hnawh hi" Tiin delete ka tuma vawi leh khatah ka phone chu min rawn phih thlak sak nghalin " I tan enge ka niha? Min puih duh nan enge ka tih ang i hma ah hian ka thingthi dawn em ni, rilru fim tak pu a thawn ka nih kha, chuvangin mipa thian fel tak min zawnpui hram mai rawh"a rawn tih chuan chhan pawh ka chhang lo, "enteh Sangsang i ngaihdan chu a dik lutuk alawm mahse ka sawi tawh ang khan a sawi hi chu awlsam mahse Ruatpuia hmachhawna engkim abul atanga hrilh vek tur chuan ka huaisen lo ani, ka chungah a thinrim palha min kalsan chuan ka nà dawn ani" A rawn ti leh a. "Anih leh hetia i tihhian Uruatpuia iti na tho dawn asin, enge maw i hriat le.. Lainatna hi i hrethiam lo em ni, itawngkam khat khan a tina tawk viau dawn asin" Ka ti let ve nghala. "Ka hria lawm !! Chuvangin min pui turin ka dil reng che ani, a hmuh hunah arawn zawt ngei dawn che mipa dang nen ka kawp irin thuin i lo chhang dawn nia aw, eirawngbawl tawh ang" Tiin ading hluaia a che rak rak nghala.





Ka rilru hah awm ngaihna hrelo chu ka vir kual tawn char chara, tuitak pawn chaw ka ei theilo, UJenny ka ngeina leh ka khawngaihna a in tluk chiaha biak chakna erawh ka nei tlem hle. Hna kal tura ka chhuah dawn chuan "Sangsang ka ring che ania aw, chuan zanin chu ka thiannu te inah ka riak chhuak dawn ania" A rawn ti a, chhan ka tuma mahse engtin nge ka tih chuan ang, keimah ang thova luhlul ani tih ka hreve kar si. "Awle ka theihtawp ka lo chhuah ang min lo tawngtai puila ka dawtsawi arin ngei theih nan" Tih leh kal ka ruala, ka rilru in UJenny ka hau mawlh mawlha. Ka ni hman afuh ka rin tehlul nen mood zawng zawng a off nghal vek mai ani. College ka thlen chuan Bawihpuia chu ka lam rawn panin arawn khi vur vura "hye ...i rawn kalve thei ta maw" A ti hluaia, a hahdam hmel em em bawk. "Aa aw anihhi, engtin nge ka kal ngailo tih i hriat a" Ka tih chuan nui sukin "ka hreve tawp i lar ve a i kalloh chu a hriat lutuk tlat, i dam chiang tawh em " Tiin min ngaihtuah hmel em em a min thlek pah chuan min rawn zawt leh a. Uar zeta ka lu chu bu lauh lauhin "tha mah mah tawh zawk Hmangaiha te an lo kal tawh em? " Ka tih chuan "umm lo kal tawh , bialnu a nei ve a ain duh khawp mai" A rawn tih zawm chuan nui nghal hawk hawk in "ava zaklo ve a hauh hrep tur anih chu" Tiin ka chhang leta.






"Kal tawh rawh ilo kal thei tawh tih ka hria ka lawm" Tiina kalsawn ta daiha, keipawh kan room lam ka pana thianten min lo hmuh chuan min lawm thiam leh khawp mai, abikin Hmangaiha mawlh mai chu ani min lo lawm thiam em em tu chu.. "Bialpa tur te i duh ve em nangmah duh deuh tu an awm ania aw, a sawi reng zel che ania " Tia min rawn hrilh ruk sur sur chuan ka lo hnek let pawpa. "Ngawi mai mai teh ka duhlo ngaihzawngah ka buai tawh dawnlo lungngaihna bak engmah ani lo, " Ka ti a, UJennyi leh Uruatpuia te in hmangaihna zinkawng ka chhui nghal. "A ve lutuk ache tawng nà ber ang mai" Tiin min pen leh kawrha. Ka phone rí in a zawm zat nghal. Ka phone screen a hming in ziak ka hmuh chuan ka thinphu chu a rang dawt dawt khawp mai, ka la ang nge la lovang tih chu ka rilru tibuai tu ani. "Pickup vat che Ruatpuia ani lawm ni" Tia Hmangaihan min rawn biak thut chuan phu zukin ka pick-up a, kalsawn ka rual nghal bawk. "Enge awmzia i thil rawn sawi hi min fiam i tum ve khanglang ami a" A rawn ti chang faka, ka khur ru der dera, sawi tur ber ka hrelo, ka kà ka àng zuai zuai tawpa.





"Hmangaihsang ka tawng i hre thei em? Heihi enge awmzia hetiang zawnga infiam hi ka duh miahlo ania aw" A rawn tih chuan thaw chhuak hawkin "rei tak chhung ka lo zep tawh anih kha i rin leh rinloh chu i thu thu ani e, in inthen ka duh avanga hrilh che ka nilo thudik hria la ka duh mai ani" Ka ti thei hrama, ka tawng chhuak aban charh charh bawk. "Hmangaihsang ngawi rawh ka awi chuanglo hetiang mi hi anilo tih nangai ka hre chiang ve tawk hethil itih avang hian ka ngaihdam che in beisei tawh ngai suh" Arawn tih chuan ka na vawng vawng nghal. "A tha alawm thudik ka sawi avanga min huat i duh chuan a pawi ka tilo, nangmah ngeiin chhui chhuak ve tawh mai rawh chuan ka hrilh mai mai ang che zanin hian UJenny a lo haw dawn lo a riak chhuak leh dawn" Ka tih chuan a thaw hawk rí ka hre zata, "i ti tak tak em, nge nangni pahnih hian min fiam mai mai zawk" A rawn ti leha ka khawngaih zia leh ka rilru hah zia chu bawn turu tak ani. "Imm dawt ka sawilo a bak chu i kutah a in nghat , anih aw" Tih leh hang-up ka ruala, boruak chu atam thei ang ber ka hip tawk tawk nghal. Ka thinphu nasa lutuk chu dawmin tih zangkhai ka tuma, hahdam taka awm turin ka in fuih ru mawlh mawlh bawk.






Chhun lai ani a, in ti thawveng turin ka chhuak harh ve a, college naupang an tamin thawm rí abengchheng bawk si nen rilru a ipik zual sauhin ka hria. "Enge itih a, i tha maw" Rawn ti tu Bawihpuia chu lo nuih sukin "aww ka tha alawm, ka rawn chhuak harh mai maia" Ka tih chuan nui sen sena min pan hnaiin "lo kal rawh thil ei ang ka treat ang che" Tihleh kal aruala, ka zuive mai bawk. "I rilru ahah in engtin nge i awm thin" Tia ka zawh chuan ding meuhvin min melha. "A hah viau ami? Chutia tih dan vak pawh ka neilo ngawi rengin ka tuar reh ve mai zel" A ti a ka khi suk ringawt Thingpui dawr chhungah chuan min luhpuia, college naupang thenkhat lo chawl te chuan min en duhin an phun sep sepa a nuamlo khawp mai. "Lo thu la engah mah ngai suh hetiang mai mai" A rawn ti awlsam eta, hreawm ka ti tih a hria ani ang... mahse sawi mai hi chu a awlsama, engah mah ngailo tur chuan ka theih pawh ka ringlo. "Aa englo Bawihpui buaina pakhat ka neia min pui duh angem" Ka ti ta tawpa , Uruatpuia ka bum tawha UJenny sawi angin bul ka tan ve tawha ka tawp ngawt theilo. "Aw enge nita han sawila ka puih theihna che anih chuan ka pui em em ang che" A rawn ti a, ahmel chu a tumruh hmel em em bawk. "Englo ngaihzawng i nei em? Kat ih awmzia chu bialnu ania ka tih" Ka ti bah naka, nuisukin alu athing nghal. Ka thaw hluaia, "anih chuan min pui la ka thiannu tan abialpa der tur ka duha, ihrethiam lo maithei hriatthiam pawh ahar ang mahse khawngaihin ka rilru hahzia hi min hriatpui la pawm hram teh I puihna kan mamawh lutuk "ka ti a, ahmelah chuan mak tihna bak engmah ka hmulo.






" Bawihpui khawngaihin min pui ang tiraw a rei mai theia reilo maithei bawk engkim chu ka thiannu in ahrilhfiah ang che khawngaihin ka ngen ngawih ngawih ache"ka ti leha, sawi tur hre lovin a hawi à ruaia.. "I thiannu tan maw... " A rawn tih sup chuan ka lu ka bu nghal. "Khawngaih takin Bawihpui i hnenah lo chuan puihna dilna tur tumah ka neilo, Hmangaiha lah bialnu anei bawk si a, min pui hram rawh" Ka ti leha, ka ngen ngawl em avang chuan a pawm ve thei hrama, tlem chuan ka ipik lutuk pawh azia deuh. Lawm thu ka hrih mawlh mawlha min pui tura aremti chu thinlung takin ka lawm ani. "Naktukah kan haw rual anga engkim kan hrilhfiah ang che. Keimah mai chuan ka sawi theilo ani" Ka ti a, a hlimna mood zawng zawng ka tichhia tih ka hria ka in thiam biklo mahse ka lungngai em ani.





College ban chuan hmanhmawh takin ka haw a, inlamah eng emaw tawng tur ang mai hian ka ipik ru tún bawk. In ka thlen chuan ka hlauh ang ngei ngeiin Uruatpuia chuan min lo nghak rana, abike ringawt pawh chuan ka hmulthi a ti ding sung sung thei. Kan kawngkhar ain kalh tlat avangin a lut theilo tih ka hria a, thawmdim takin kawngkhar chu ka hawnga inchungah a awm ngei ka rin avangin ka pen ríng ngamlo. Kawngkhar chu ka kalha, mahse ka thla angam chuang derlo kawngka a in kalhlo tih a rawn hmuh chuan a rawn lut dawn hrim hrim.Minute rei pawh aral hman lo..Ka ngaihtuahna hria niawm tak chuan kawngkhar chu kik pawh kik lovin arawn pawt hawnga, ka hmuh hreh em em pa nen chuan kan in hmachhawn ta ran a. Ka chil lemri te chu a ring tha fiat fiat khawp mai. "Khawnge Jenny" A rawn ti faka, ka phu uih theih. "Ka .. Ka sawi tawh kha alo haw dawn lo" Ka ti nawk nawka, rinloh hmel taka ner sukin a room leh inchhung chu a dap kual nghal. "Phone teh " A ti leh tawpa a thawk ran dan lah apangai tawhlo "timaw call ve mai la" Ka tih chuan min melh deuh hrawkin " Ka call ala duh lo call la speaker-ah dah rawh"a ti zawma call sak mai loh chu tihtheih dang ka nei leh ta lo.. Thiphu dep depin ka call a.. Mipa àw hian "hello tunge" Arawn tih chuan ka chhang mailo Uruatpuia chu en in chhang tura min signal chuan "hello UJenny phone ani lawm ni" Ka tih chuan UJenny àw chuan "hello Sangsang enge nita ka riak nghal dawn ka tih tawh kha" A rawn ti nghala, URuatpuia in hmer ruh chu ka hmachhawn nghal.





"Pawimawh a awm em ni? Enge chanchin te" A rawn tih chuan ka chhang mailo. "Aa engkim atha vek e i riah tlang dawn chuan naktuk hna ah i tlang leh nghal ang tiraw"Ka ti leta, URuatpuia hrilhhai beidawn hmel taka a awm chu ka lainat ngawih ngawih. " Aw tlang leh nghal ang, ka dah phawt aw ka buai deuhva"tih leh hang-up aruala, thawm chu a reh thiap nghal. URuatpuia chu a melh ngai melhin a ding ngawi ngúla, han biak dan tur mai pawh ka hrelo.. "Ka awi thei chuanglo" A rawn ti sapa in pet fan fanin avan va daka athaw chhuak hawk hawk nghal bawk. "Aa sawi tur ka ni em ka hrelo mahse UJenny i chu a hrechiang bertu ini a, nangmah ngeiin fiah ang che" Ka ti a, ka thusawi hria ang pawn a langlo. "Ka kal phawt mai ang" A ti a, achhuak zui ta nghala. Ka thinphut nasat zia chu dawmin boruak ka hip lut tawk tawka, tlem chuan ka zia deuh. UJenny hnen atangin call ka dawng zata, rangtakin ka pickup nghal. "Enge awmzia " Ka ti tawpa. Thaw hluai pah chuan "nichin khan Ruatpuia a awm ve em " A rawn ti a, ka kà deuh haw a. "Aa imm awm ve e chuvang ami khatia mipa ilo pickup tir" Ka tih chuan a rum nghuta. "Ka rinsa reng ani. Sangsang kan tawp san theilo ania aw, phone lo la tu kha ka thianpa Michaela ania, hei chaw kan ei dawna ka dah phawt mai ang" A ti a a dah leh nghal daiha.






Keipawh in ti thawveng pah zelin eirawng ka bawla khaw lam panga api leh pu te nen kan in be pah reng bawk. Chawlh dila haw zawk tura min duhthu te an sawia, min ngaihzia sawi langlo mahse an tunu kum tel an bula lo khawsa tawh ka ni a an zia chu ka hre chiang ani. A u nen pawh rei tawk tak kan in bia a, aremchan chuan kar thar lamah rawn zin thlak atum thu asawi chuan ka lawm lutuk ka tré teng tunga, à min ti leh khawp mai. Chawei ka duh tawh avangin kan in mangtha a, keimah chauhva ka awm avangin thawm areh tha dup dup viau bawk. Chaw pawh ka eitui theilo tlemte eiin ka kham nghala. Intih thawven nan balcony lamah ka chhuak phei bawk. Vanlam ka thlira arsi pakhat te mah hmuh tur a awm lo, a thim mup maia, chu chuan ka hmalam hun thim zia min hriattirah ka ngai. Mi dawt hmanga ka bumna hian engmah min thlen ka ringlo ani. Single chair ah ka thu a, keimah leh keimah hi ka in en a, neih engmah ka lo nei reng renglo, hlim thin in nui uar uar thin mah ila ka lo kim ngai reng renglo alo ni. Keimaha keimahhi a mal ngawih ngawiha, malna chuan atawp rak tanfung vawn ve tur ka neihloh thlengin min nawr liam ta si, mi in hmangaihte ka thlir thin an thinlung chhungrila hlimna meieng chu a entu apiangten an hmuh vek theih nan an tilang zual sauh thina, mahse keive chu engmah neih ka lo nei reng renglo.





Ka bana sana in vairi chhat chhat chu ka en a, dar 9 alo ri leh der tawh. Mut tumin ka in seng fela, chutah min ti phu dawt thei turin kawngkhar arawn ri dawpa, ka phu nasa lutuk ka phone ka thlauh nghal. Ka rilru ah thlahrang emaw ramhuai emaw anih ka ring nghet hmiah. "Sangsang , Jenny lo hawng teh ila mu lo tih ka hria ania, " Tia Uruatpuia arawn tawng chuan ka veng hawka, ka hlauhna chu a kiam nghal vek. Kawng ka va hawnsak chuan rui tih hriat takin alo ding pai chher chhura, a din that theihloh avangin bang chu in nem khalh nan a hmang pah bawk. "Zu i in a maw " Ka ti hluaia, amak tihloh chi zia zang anilo URuatpuia hian ruih theih thil engmah akhawih ngailo tlat ani. "No 1 Jenny" A ti phuan surha,, tih ngaihna ka van hrelo tak em. "Sangsang Jenny hian maw min lo tihder mai mai alawm nangpawn i hriat vek kha tiraw lo kaltir la reilo te chiah ka bia anga ka kal leh nghal ang" A rawn tih chuan arui tawng ring bawk nen inchung ten an lo hriat palha amual pho loh nan ka hruai lut a. Sofa ah chuan abawkthla nghal. U Jennyi hming chu alam ruaia, a bak enge alam ka hre mumal lo. Heti khawpa ruisi engtin nge arawn thlen theih zawk le..?





A muhil tawha ka hriat avangin ka mut that tira, a rim na em em chu tawrh aharsa khawp mai, inngai miahlo a vawi khat inna ani bawka arui viau turah ka ngai nghet hmiah. A pheikhawk phelh sakin puan ka sin tira, tuitaka amuhil lai chu kalsan mai ka harsat leh ta, zan dangah chuan athlalak chauh thlirin zan hun ka hmang liam thina tunah erawh chuan atak ngei mai en in zan hun ka hmang theia chu bakah ka la khawih thei zui, anuam dangdai riau asin. A hmaifang in vuah fuh tak tak ho chu ka thlir ngawt ngawta, a hnar leh ahmui in vuah dik lutuk chu amah ti lang hmeltha tu ber aniin ka hria.. Ahnar ngul chu ka kut tang chuan ka khawih saka a hmui mipa hmui ni awm aia mawi zawk leh sen hlar chu ka khawihsak bawk. "Chak takin awm rawh aw" Ka ti supa, rawn che hrutin ka kut chu arawn vuana a àwm zawnah a pawm bet daih anih chuh!!. Pawh chhuah ka tuma mahse chain a thlun ang vel ani. "Min kalsan suh, " A rawn tih sup chuan ka kut ka pawh chu duhtawkin ngawi rengin che lovin ka awm kara. Uruatpuia thawri sek sek bak hriattur thawm chhuahtu an awmlo. Mutchhukin min rawn zem tan avangin zawite a ka kut lakchhuah chu ka han tum leha mahse rawn in her tha sauh sauhin a delh bet daiha, buaithlak tak ani. Ka mutchhuak lutuk ka bu lawp lawpa, men luih ka tum thin mahse ka thei derlo, ngaih ngam taka awmin ka muhil ve ta nghal a.





Bawihpuia pov.


Lu na bura ka thawh chuan Sangsangi tana ka in tiamna huphurhawm tak mai chuan min chim khat leh veka, engtin nge athiannu tana bialpa lem chan chu ka duh mai theih le.. Mahse ka hmeichhe duh em em in khati khawpa khawngaih min dil kha ka tihsak lo theilo ani. "Bawihpui i harh tawh em, naupang hovin an nghak che ania, " Tia Umaman min rawn auh chuan in ti phur chawpin ka chhuak pheia, "khaia i hmel ber bur chu in tiharh la naupang hovin an nghak che ania" A rawn ti a, Nuteite rawn zin tuk atangin naupang ho nen morning work atan kan in khelh thina, anuam an ti thei khawp mai. "Awle ka rawn kal leh nghal ang" Tiin ka roomah bawk ka leta ka in phih harha tlem chuan ka zia ve deuh. Inhnuaia ka chhuh thlak chuan Fafaki chuan "uBawihpui ivan tho har em em, inkhelhi peih lo ami" A lo tih chuan nuih let sakin "peih lutuk e , lokal ru in khelh ang u" Tiin tual zawlah ka chhuah puia an chiar nasa leh khawp mai.






Chaw te eia college lam pan ka tum lai chuan ka pa chuan "bawiha vawin chu kan kal rual dawn em ni, car khalh turin ka dar hi ana riau maia" A rawn ti a, "awle apawi hleinem, ka hman tawh ania aw" Ka ti let nghala. Ka pa hi kan college a principal ni lai Dr. Lalrintluanga hi ani a, mahse pafa kan ni tih chu tlemte chauvin an hria keimahni hian hriattir hi ka duh vaklo hrim hrima, achhan ber chu a fapa ka nih avanga min duhsak bik tura angaih kan duh lova miten mi hausa fapa anga min en tur leh min nel loh phah nana an hman kan duhloh vang ani ber mai. Kapa nen chuan college lam kan pana, kan kal zin deuh avangin kal mumal pawh an awm lo, parking na-ah chuan Sangsangi lo ding chu ka hmu a, kapa zawk chuan "Miss Sangsnagi chu nghah a nei ani maw" Arawn ti chhuak, keimah ka nih ngei ka ring. "Pa chhuak hmasa la ka park fel anga ka lut ve nghal ang" Ka tih chuan a chhuak ve maia. Sangsangi chu ava bia a mahse enge an sawi ka hre theilo, chumi hun chu chuhin ka in park fel nghala.






Sangsangi lam ka pan phei chuan min rawn nuih sukin min rawn pan hnai ve nghala. "Ka lo nghak reng che a, zanin chu ilo kal angaih kha aw i theihnghilh ka hlau lutuka" A rawn tih chuan "ka ngaih pawimawh em em in a thil ngaih pawimawh ka hriatsak reng loh chuan eng ang mipa nge ka nih ang" Ka ti a, a kà heu ringawt. "Engtin maw!! Ngaih pawimawh iti em ni" A rawn tih chuan nui sukin "ngaihtuah duh suh i hrethiam lo vang, tlaidar engzatah nge ka lo kal ang" Ka tih chuan a ngawi deuh vang vanga. "Chaw eikham veleh aw, Bawihpui theihnghilh lo hram rawh aw ka ring tawp che ania" Arawn tih leh chuan ka lu ka buk khuma, aroom lamah a kal ta nghala. Zeplo chuan huphurh tawpin ka huphurh, mahse Sangsangi vang liau liau in ka tih sak ngei angai si ani.
College bana ka pa ka nghah lai chuan Sangsangi leh Hmangaiha rawn in phur chuan min rawn hrilh nawn leha, ka kalloh chu ahlau ve ni ngei tur ani. Kapa pawh arawn thlenve mai avangin in lam pan chuan kan haw nghala. "Pa zanin chu kalna tur ka nei aw, kalo haw har maithei ania" Ka tih chuan ka pa chuan min khapa hnekin "i leng dawn tihna em ni, nula in ah a ni em" A rawn ti zawk a, ka nuih tawp. "Aa aw ni tho mai, ngai kawi kher suh" Ka tih chuan anui sun sun a.





"Khaia tlangval inni ve tawha zak tet tuta awm ahun tawhlo, pa chu chu ka duh nupuiah min biak sak rawh u" Tih zung zung tur alawm"a rawn ti a, kan nuidun hawk hawka. In kan thlenga angaite bawkin thawm atha leh fiat fiat khawp mai. Abikin kan naute Rinzuala leh Lucasa te chu an bengchheng fal bika kan khap lemlo naupang chu an duh dan ang ang hian talse hmuh an nuam ber. Chaw ei kham rual chuan ka bike chu lek chhuakin Zarkawt lam chu ka pan ding nghala. Miss Sangsangi te in awmna ka hriat tawh avangin ka tlan rei lemlo. Khawngkhar ka kika Miss Sangsangi chuan min rawn hawnin lut turin min sawm nghal. Sofa-ah chuan hmeichhe pakhat der thawng hmel taka min lo enkar tu chu ka puihna mamawh tu ani tih hrilh kher ngai lovin ka hre nghal. "I van fel tak kan lawm lutuk ania aw lo thu rawh UJenny hei ka thianpa Bawihpuia chu anihhi, chuan Bawihpui U Jennyi aw" A rawn ti zang vaha. Kanin chibai nghal. "Ka lawm e aw min pui duha, achhan engkim ka hrihfiah vek ang che" Rawn tiin Jenny i chu zam tih hriat takin arawn tawng chhuaka. "Aa room ah ka lo awm ang aw, in zawh veleh min lo au dawn nia" Tiin Sangsangi chu akalsawn nghala.





Kan ngawi dun kara Jennyi chuan thaw chhuak hakin "ih HIV positive ka nia , ka hmangaih him nan ka kalsan angaia , i puihna ka mamawh ani. Nunhlui tamtak ka neia hetiang chunga ka hmangaih tih hreawm hi ka ngam lo ani" Arawn tih chuan min thawng em em a, rilru-ah HIV positive tih a lang ring khawp mai. Mahse ka rinloh lam daiha hun harsa a tawh dan leh a fight changa a beidawn ve thin zia te, a bialpa ahmangaih em avanga a kawng thlan te min hrih chuan a nun hman dan chu demna ka nei hranlo, ka khawngaih zawk ani. Tap zawih zawihin khawngaih min dila kut suih meuhin ka tanpuina angen bawk. "Awle sawi tawhlo mai rawh ka pui em em ang che" Ka tih chuan amittui nen min rawn en in a tah nuih suka. "Ka lawm lutuk ka lawm takzet aw," Arawn ti chhuak sapa.Sangsangi koh chhuakin reilo te ka thu khaw muanga in lam panin ka haw leh nghala.


💜💜💜💜💜💜💜💜💜💜💜💜💜💜💜💜👇👇👇👇👇👇😁😁😁😁👇👇👇👇👇👇



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)